Агросаноат мажмуи ва унинг ривожланиши - Qishloq va o'rmon xo'jaligi - Referatlar

Агросаноат мажмуи ва унинг ривожланиши

Yuklangan vaqt:

20.09.2019

Ko'chirishlar soni:

0

Hajmi:

92 KB

Ko'chirib olish

Агросаноат мажмуи ва унинг ривожланиши Режа: 1. Агросаноат мажмуи тушунчаси, унинг мақсади ва таркиби. 2. Агросаноат мажмуи тармоқлари ўртасида ишлаб чиқариш ва иқтисодий алоқалар. 3. Агросаноат мажмуининг иқтисодий ва социал самарадорлиги. 4. Мамлакатнинг озиқ-овқат хавфсизлиги

1. Агросаноат мажмуи тушунчаси, унинг мақсади ва таркиби. Бозор иқтисодиёти шароитида халқ хўжалиги тармоқларининг, шу жумладан, қишлоқ хўжалиги ишлаб чиқаришининг самарадорлиги кўп жиҳатдан бошқа тармоқлар ишлаб чиқариш фаолиятига чамбарчас боғлиқ. Сабаби, бир тармоқнинг пировард маҳсулоти бошқа бир тармоқ учун ишлаб чиқариш воситаси ёки хом-ашёси бўлиб хизмат қилади ва унинг тармоқ учун бирламчи қайта ишлаш ёки маҳсулотни истеъмолчига етказиб бериш хизматини вужудга келтиради. Қишлоқ хўжалиги бир томондан, техника, қишлоқ хўжалик машиналари, ёқилғи мойлаш материалллари, заҳарли кимёвий воситалар, минерал ўғитлар, қурилиш материаллари ва транспорт воситалари етказиб берувчи саноат билан, иккинчи томондан, таъмирловчи, сақловчи, етказиб берувчи, яъни хизмат қилувчи тармоқлар ва ишлаб чиқарувчилар билан боғланган. Бундан ташқари, қишлоқ хўжалик маҳсулотларидан хом-ашё сифатида фойдаланувчи, саноатнинг озиқ-овқат, енгил, тўқимачилик каби тармоқлари билан ҳам мустаҳкам алоқа мавжуд. Саноат ва қишлоқ хўжалиги тармоқлари ўртасида бундай алоқадорлик улар базасида, органик жиҳатдан алоқадор бўлган ва ягона пировард мақсадга қаратилган агросаноат мажмуи шаклланишувини вужудга келтиради. Шундай қилиб, агросаноат мажмуи қишлоқ хўжалигини ривожлантириш билан, унинг ишлаб чиқаришга хизмат қилувчи ва қишлоқ хўжалик маҳсулотларини истеъмолчига етказиб бериш билан боғланган халқ хўжалиги тармоқларининг тўпламидан иборатдир. Унинг фаолияти минимал харажатлар ҳисоби мамлакат аҳолисини озиқ-овқат маҳсулотлари ва саноатни хом-ашё билан тўлароқ қондиришга қаратилган. Агросаноат мажмуининг асосий ижтимоий – иқтисодий мақсади қуйидагилардан иборат:  Мамлакатнинг озиқ-овқат муаммосини ҳал қилиш ва унга бўлган истеъмолни илмий асосланган меъёрларга яқинлаштириш;

 Аҳолини қишлоқ хўжалик хом – ашёсидан тайёрланадиган озиқ- овқат бўлмаган товарларга бўлган талабини қондириш;  Агросаноат мажмуи корхоналарини ривожлантиришнинг интенсив шаклига ўтказиш ва шу асосда пировард маҳсулот ишлаб чиқаришни ўстиришни таъминлаш;  Барча тармоқ ва корхоналарда мавжуд ресурслар потенциалидан фойдаланишни яхшилаш ва шу асосда ишлаб чиқариш самарадорлигини ошириш;  Ташқи савдо обороти структурасини, озиқ-овқат маҳсулотларини кўпроқ четга чиқариш ҳисобига ўзгартириш. Агросаноат мажмуи ўз ичига учта соҳани қамраб олади: Биринчи соҳага, қишлоқ хўжалигини таъминлайдиган саноат тармоқлари, шунингдек, енгил, озиқ-овқат саноати ва ишлаб чиқариш воситаларини тайёрлаш тизими киради. Саноатнинг бу тармоқлари ишлаб чиқариш жараёнини ресурслар билан таъминлайди, қишлоқ хўжалигини саноатлаштириш учун ва тайёрловчи тизим ва қайта ишловчи саноатда техника тараққиёти учун база яратади. Бундан ташқари саноат тармоқлари, қишлоқ хўжалиги маҳсулотини ишлаб чиқаришнинг даврийлигини таъминлагани ҳолда, қишлоқ хўжалигига хизмат қилишнинг кўп вазифаларини ўз зиммасига олади. Шу асосда мамлакат ишлаб чиқарувчи кучларини сифат жиҳатдан қайта қуриш рўй беради ва ишлаб чиқариш муносабатларининг такомиллаштириш амалга ошади. Деҳқончилик, чорвачилик ва бошқа ёрдамчи ишлаб чиқаришларни ўз ичига олувчи бевосита қишлоқ хўжалиги ишлаб чиқариши агросаноат мажмуи иккинчи соҳасининг асосий бош қисми ҳисобланади. Бундан ташқари, бу соҳага гўшт, сут ва озиқ-овқат саноати, қишлоқ хўжалиги хом- ашёсини бирламчи қайта ишлайдиган, қишлоқ хўжалиги корхона ва ташкилотлари, қишлоқ хўжалиги ишлаб чиқаришни техника билан таъминлайдиган корхона ва ташкилотлар киради.

Агросаноат мажмуининг учинчи соҳасига пахта маҳсулотлари, дон маҳсулотлари, мелиорация ва сув хўжалиги корхона ва ташкилотлари, балиқ хўжалиги, ўрмон хўжалиги ва матлубот жамиятлари киради. Мамлакат агросаноат мажмуига тармоқ белгиси бўйича қуйидаги бир қанча кичик мажмуаларни киритиш мумкин: дон маҳсулотлари, пахта маҳсулотлари, гўшт, сут, мева-сабзавот, узум саноатлари, балиқ консерва ва бошқалар. Қишлоқ хўжалиги нафақат агросаноат мажмуида, балки бутун халқ хўжалигида алоҳида ўринни эгаллайди. Қишлоқ хўжалиги маҳсулотлари аҳолини эҳтиёжини қондиришнинг бош манбаи ҳисобланади. У бошқа соҳада ишлаб чиқарилмайди ёки бошқа маҳсулот билан алмаштирилмайди. Қишлоқ хўжалигида ер, ўсимлик, ҳайвонлар, микроорганизмлар каби ўзига хос бўлган ишлаб чиқариш воситаларидан фойдаланилади. Бу ерда такрор ишлаб чиқаришнинг иқтисодий жараёнлари табиий жараёнлар билан қўшилиб кетади. Шунинг учун агросаноат мажмуининг биринчи соҳаси ишлаб чиқариш тармоқлари қишлоқ хўжалиги ишлаб чиқариши жараёнини ҳаракати ва уни интенсивлаштиришни тезлаштириш учун қулай шароитни таъминлашлари керак. Ўз навбатида агросаноат мажмуининг бу соҳаси тармоқлари, ишлаб чиқаришнинг ривожланиш даражаси ва суръати қишлоқ хўжалигиниг моддий ресурсларга бўлган эҳтиёжига боғлиқ. Қишлоқ хўжалигининг махсус техникаларига, пахта териш машиналарига, автоматлаштириш воситаларига, омухта ем ва микробиология саноати маҳсулотларига, кимёлаштириш воситаларига, ҳайвонларни, маҳсулотларни сақлаш учун объектлар қурилишига ва бошқаларга эҳтиёжи ўсиб бормоқда. Ўз навбатида, қишлоқ хўжалиги маҳсулотларини ишлаб чиқариш ҳажмининг кўпайиши мос равишда пировард маҳсулотни тайёрлаш, сақлаш, ташиш, қайта ишлаш ва сотиш бўйича тармоқлар ривожлантиришни талаб қилади.

2. Агросаноат мажмуи тармоқлари ўртасида ишлаб чиқариш ва иқтисодий алоқалар. Агросаноат ишлаб чиқаришида бешта ўзаро алоқадор бўлган босқич белгиланади:  Агросаноат мажмуининг барча тизими учун ишлаб чиқариш воситалари ишлаб чиқариш;  Қишлоқ хўжалиги ишлаб чиқариши;  Қишлоқ хўжалиги хом-ашёсидан тайёрланадиган истеъмол буюмларини ишлаб чиқариш;  Тезкор ишлаб чиқаришнинг барча босқичларида ишлаб чиқариш– техникавий ва технологик хизмат кўрсатиш;  Пировард маҳсулотни сотиш. У ёки бу тармоқни агросаноат мажмуига тегишли дейиш анча мураккаб масала бўлиб, саноатнинг айрим тармоқлари қишлоқ хўжалиги йўналишида фаолият кўрсатади. Кўпчиликлари эса қишлоқ хўжалиги учун қисман маҳсулот ишлаб чиқаради. Агросаноат мажмуини ягона бир тизим шаклида характерлаб шуни таъкидлаш лозимки, қишлоқ хўжалиги саноат, қурилиш, транспорт, савдо ва халқ хўжалигининг бошқа тармоқлари билан доимо мустаҳкам алоқада бўлиб келган. Лекин, агросаноат мажмуининг ташкил топиши қишлоқ хўжалигининг ягона такрор ишлаб чиқариш жараёнига бирлашган аралаш тармоқлар билан алоқасининг сифат жиҳатдан янги даражадаги кўринишидир. Агросаноат мажмуи шаклланишининг асоси бўлиб агросаноат интеграцияси ҳисобланади. У қишлоқ хўжалиги, унга хизмат қилувчи ва унинг маҳсулотини истеъмолчига етказиб бериш билан шуғулланадиган бошқа тармоқлар билан органик ва ишлаб чиқариш алоқаларини кучайтириш жараёнини ифодалайди. Агросаноат интеграцияси ижтимоий меҳнат тақсимотининг чуқурлашуви, ишлаб чиқарувчи кучлар ривожланишининг натижаси ҳисобланади. Қишлоқ хўжалигининг тармоқлараро мустаҳкам алоқаси ҳам шу асосда ўрнатилади. Ана шундан,

ишлаб чиқариш – техникавий, агрокимё хизмати, мелиоратив ишлар, ветеринария хизмати каби тармоқ ва корхоналарнинг вазифаси келиб чиқади. Қишлоқ хўжалигининг агросаноат мажмуининг бошқа тармоқлари билан маҳсулотни сотиш ва қайта ишлаш соҳасидаги алоқалари янада кучаяди. Кўп тармоқли ишлаб чиқариш тизимининг самарали фаолияти асосан қуйидаги икки омилга боғлиқ: 1).Ресурслар бўйича, ривожланиш суръати бўйича, маҳсулот ишлаб чиқариш ҳажми бўйича тармоқларнинг мувофиқлашувига (мослашувига); 2.Пировард натижани мақсад қилиб қўйган ҳар бир звенонинг фаолиятига. Ҳар бир оралиқ маҳсулотни ишлаб чиқариш ҳажми, шу маҳсулотни истеъмол қилувчи звенонинг талаби билан аниқланади. Бу босқичда бутун бир комплексни ривожлантиришнинг зарурий пропорционаллиги ва бир текислиги таъминланиши лозим. Асосий фондларни ишлаб чиқарувчи тармоқлар, ўз маҳсулотларини қишлоқ хўжалигига ва қайта ишловчи корхоналарга етказиб берадилар. Уларнинг эътибори нафақат мажмуанинг ҳар бир звеносининг талабини қондиришга, балки уларнинг агросаноат ишлаб чиқаришининг босқичлари бўйича нисбатларининг оптималлигини таъминлашга ҳам қаратилгандир. Акс ҳолда, агросаноат мажмуи ривожланишида қишлоқ хўжалиги маҳсулотини ташиш, сақлаш ва истеъмолчига етказиб бериш жараёнида катта йўқотишларга олиб келувчи (диспропорцияни) келтириб чиқаради. Қишлоқ хўжалиги маҳсулотини тайёрлашни, сақлашни ва қайта ишлашни амалга оширувчи агросаноат мажмуининг учинчи соҳаси тармоқлари моддий- техника базасини такомиллаштириш зарурдир. Бу соҳа фонд етказувчи тармоқлар билан, шунингдек ўсимликчилик ва чорвачилик билан тармоқлараро алоқаларида оптимал нисбатга риоя қилиши зарур. Агросаноат мажмуи тармоқлари ўртасидаги иқтисодий алоқалар маҳсулот ва хизматларга объектив ўрнатиладиган баҳоларнинг оптимал даражаси ёрдамида амалга оширилади. Саноат ва қишлоқ хўжалиги

маҳсулотлари баҳолари ўртасидаги фарқ меъёрий иқтисодий алоқани қийинлаштиради ва ишлаб чиқариш ҳажмини ўстиришга ва пировард маҳсулотни сотишга имкон бермайди. 3. Агросаноат мажмуининг иқтисодий ва социал самарадорлиги. Агросаноат мажмуига кирувчи барча тармоқларнинг энг асосий вазифаси-пировард маҳсулотга кетган жами ҳаражат сарфини пасайтириш. Қишлоқ хўжалигида пировард маҳсулот деганда, тармоқдан ташқари бевосита истеъмолчига ёки саноатда қайта ишлаш учун сотиладиган маҳсулот тушунилади. Маҳсулотнинг тармоқ ичидаги обороти (айланиши) пировард натижада ифодаланмайди. У бу ерда оралиқ маҳсулот бўлиб намоён бўлади. Қишлоқ хўжалик маҳсулотининг саноатда қайта ишланмасдан туриб аҳоли истеъмолига тушадиган қисми (ғалла, сабзавот, картошка, сут, гўшт ва бошқалар) агросаноат мажмуи пировард маҳсулотига қўшилади. Қишлоқ хўжалиги, энг аввало, қайта ишловчи саноат учун хом-ашё, материал ишлаб чиқаришга асосланади, унинг фаолиятининг иқтисодий натижалари эса тармоқлараро баланс шартлари билан аниқланади. Шунинг учун қишлоқ хўжалиги ишлаб чиқаришининг пировард натижаси агросаноат мажмуи нуқтаи назаридан қараганда оралиқ натижа ҳисобланади. Бутун агросаноат мажмуининг сифатли ҳаракат қилиши фақат қишлоқ хўжалик фаолиятигагина боғлиқ бўлмай, пировард маҳсулотни истеъмолчига етказиб беришда иштирок этадиган барча звенолар ишларининг сифатли ҳаракат қилишига боғлиқ. Агросаноат мажмуининг пировард маҳсулоти маълум бир вақт давомида яратилган ва шахсий ёки ишлаб чиқариш истеъмолига тушадиган жами маҳсулотни тўпламидир. Натура шаклда пировард маҳсулот қуйидагилардан ташкил топади:  Бевосита аҳолига тушадиган қишлоқ хўжалик маҳсулоти;  Қишлоқ хўжалик хом-ашёсидан тайёрланадиган истеъмол буюмлари;

 Қишлоқ хўжалик маҳсулотлари ва уни қайта ишлаш предметлари;  Агросаноат мажмуи биринчи соҳаси тармоқлари маҳсулотлари. Агросаноат мажмуи пировард маҳсулотнинг таркибий тузилиши алоҳида тармоқлар маҳсулоти қийматини жами ишлаб чиқарилган маҳсулот қийматига бўлиб фоизларда аниқланади. Пировард маҳсулот қиймати таркибининг ўзгариши агросаноат мажмуидаги аниқ тармоқлар маҳсулотлари, товар ва хизматларининг ошиши ёки пасайишига боғлиқ. Агросаноат мажмуидаги корхона ва ташкилотлар пировард маҳсулоти таркибига барча товар маҳсулотлар ва кўрсатилган хизматлар ҳажми, шунингдек, ходимларга берилган ёки сотилган ва умумий овқатланишга ва хўжаликдаги бошқа заруриятларга фойдаланилган маҳсулотлар киради. Пировард маҳсулот (ПМ), ялпи маҳсулот (ЯМ) (товар ва хизматлар) ҳажми билан аниқ тармоқда бевосита истеъмол (И) учун фойдаланилган унинг маълум бир қисми ўртасидаги фарқ сифатида ҳисобланилади: ПМ = ЯМ-И Агросаноат мажмуи пировард маҳсулотнинг қиймати (ПМҚ) - қишлоқ хўжалигида яратилган соф маҳсулот қийматидан (СМҚ Қ/Х ), озиқ-овқат, енгил саноат тармоқлари соф маҳсулоти қийматининг (СМҚ О/О.Е ) бир қисмидан, шунингдек, транспорт, алоқа ва муомила соҳалари соф маҳсулоти қийматининг (СМҚ Т.А.М. ) бир қисмидан ташкил топади. ПМҚ = СМҚ Қ/Х +СМҚ О/О.Е +СМҚ Т.А.М. Агросаноат мажмуининг самарали фаолият кўрсатиши учун тармоқлар моддий техника базасининг меъёрда бўлишигина эмас, балки шу мажмуага кирувчи барча соҳаларнинг пропорционал ривожланиши катта аҳамиятга эга. Агросаноат мажмуидаги барча фаолиятларнинг натижаси қишлоқ хўжалиги билан мажмуанинг бошқа тармоқ ва ишлаб чиқаришлари ўртасидаги мувофиқлиги ва ривожланиш билан аниқланади.

Агросаноат мажмуи муваффақиятли ривожланишининг муҳим шарти барча қатнашувчиларнинг пировард маҳсулот олишдаги моддий манфаатдорлиги ҳисобланади. Бу шарт айниқса бозор иқтисодиётига ўтиш шароитида агросаноат мажмуи тармоқлари фаолиятидаги юқори фаолликка айланади, чунки қишлоқ хўжалик ва саноат маҳсулотлари баҳолари ўртасидаги номувофиқлик бунга асосий сабаб бўлади. Агросаноат мажмуи ишлаб чиқариши ва тармоқларининг иқтисодий самарадорлиги алоҳида соҳалар фаолиятлари даражаси ва пировард маҳсулотларини акс эттирувчи иқтисодий кўрсаткичлар тизими орқали характерланади. Агросаноат мажмуи самарадорлигининг асосий кўрсаткичи, аҳоли жон бошига тўғри келган қишлоқ хўжалиги хом ашёсидан олинадиган озиқ-овқат ва ноозиқ-овқат товарлари миқдори ҳисобланади. Бу бошқача қилиб айтганда, мамлакат аҳолисини ишлаб чиқарилган озиқ-овқат маҳсулотлари ва қишлоқ хўжалиги маҳсулотларини қайта ишлаш маҳсулоти ҳисобланган, яъни енгил ва тўқимачилик саноати маҳсулотлари билан таъминлаш даражасидир. Агросаноат мажмуи самарадорлигини характерлаш учун ўртача бир ходимга тўғри келган пировард маҳсулот қиймати, бир сўмлик ишлаб чиқариш харажатларига тўғри келган пировард маҳсулот қиймати ва бир сўмлик асосий ишлаб чиқариш фондларига тўғри келган пировард маҳсулот қиймати кўрсаткичи ҳисобланилади. Бу кўрсаткичларни ҳисоблаш қуйидаги формула шаклида ифодаланади: ПМ МУ АСМ = ----------; ХС ПМ С АСМ =----------- ; И/Ч Х ПМ ФҚ = -------------

АИ/Ч Ф Бу ерда МУ АСМ –Меҳнат унумдорлиги, сўм С АСМ - Самарадорлик, сўм ФҚ - Фонд қайтими, сўм ПМ - Пировард маҳсулот, минг сўм ХС - Ўртача йиллик ходимлар сони, киши И/Ч Х –Ишлаб чиқаришг харажатлари, минг сўм АИ/Ч Х- Асосий ишлаб чиқариш фондлари, минг сўм Агросаноат мажмуи фаолиятининг самарадорлигини ошириш мақсадида оралиқ ва пировард натижа ўртасида узилишга йўл қўймаслик лозим. Бунинг учун агросаноат мажмуи барча тармоқлар ва ишлаб чиқаришларни пропорционал ва мувофиқ ҳолатда ривожлантиришни таъминлаш, уларнинг моддий-техника баъзасини мустаҳкамлаш, пировард маҳсулотни олишда ходимларнинг моддий манфаатдорлигини ошириш ва меҳнат шароитларини яхшилаш зарур. Агросаноат мажмуини самарали ривожлантириш ҳар бир соҳа, тармоқ ва ишлаб чиқариш ходимларига меъёрий шароитларни таъминлаш учун зарурий шарт-шароитларни яратади. Бу ишлаб чиқаришдаги шикастланишларни камайтириш, ходимлар касалланишини камайтириш, меҳнат ресурсларидан фойдаланишни яхшилаш билан характерланади. Агросаноат мажмуига кирувчи корхона ва ташкилотларда ижтимоий- маданий объектларни қуриш, ишлаш ва дам олишга ижтимоий шароитни яхшилаш, кадрларни такрор ишлаб чиқариш учун имконият мавжуд.

4. Мамлакатнинг озиқ-овқат хавфсизлиги Иқтисодий ва озиқ-овқат хавфсизлиги тушунчаси. Иқтисодий хавфсизлик деганда, мамлакатдаги ишлаб чиқаришнинг шундай ҳолатини тушуниш керакки, қайсики, унда жамиятнинг ижтимоий-иқтисодий барқарорлиги ва иқтисодиётнинг мустахкам ривожланиши ташқи омилларнинг мавжудлиги ва ҳаракатига боғлиқ бўлмаган ҳолда, таъминланади. Озиқ-овқат хавфсизлиги мамлакатни мавжуд салоҳиятлар, ресурслар билан таъминлаш ва аҳолини ички ва ташқи шароитларга боғлиқ бўлмаган ҳолда, илмий жиҳатдан асосланган тиббий меъёрлар даражасида озиқ-овқат маҳсулотларига кафолатлаш демакдир. Озиқ-овқат хавфсизлигини таъминлаш потенциал хавфнинг аниқ ва истиқболдаги ҳолати, шунингдек аҳолини озиқ-овқат товарлари билан таъминлашнинг самарали системасини яратиш тўғрисидаги билимларни юзага келтиради. Озиқ-овқат билан ўзини-ўзи таъминлаш – бу давлатнинг ички эхтиёжини озиқ-овқатнинг барча турлари ҳамда алоҳида махсулот турлари билан ҳам таъминлаш, қоплаш қобилиятидир. Озиқ-овқат хавфидан келадиган иқтисодий зарар бевосита ва билвосита йўқотишлар бўлиб, у қуйидагилар билан боғлиқ:  Таъминловчи тармоқлар ва агросаноат мажмуи тизимлари ва элементларининг бузилиши;  Озиқ-овқат махсулотларига оширилган баҳолар бўйича импорт тўловлари;  Меҳнатга яроқли аҳолининг камайиши ҳисобига меҳнатнинг иқтисодий самарадорлигининг пасайиши. Озиқ-овқат қарамлилиги ва озиқ-овқат мустақиллиги. Мамлакатда озиқ- овқат қарамлилиги шундай ҳолатда вужудга келадики, унда жамият ўз озиқ- овқат хавфсизлигини ўзи мустақил ҳал қилиш қобилиятига эга бўлмайди. У қишлоқ хўжалиги, саноат ва транспорт каби тармоқлар мажмуининг бузилишига, шунингдек зарурий озиқ-овқат махсулотлари импортига

мамлакат иқтисодиётининг тўловқобилиятли эмаслигига асосий сабаб бўлади. Озиқ-овқат қарамлилигининг пайдо бўлиши учун асосий шароит давлатнинг хусусий ишлаб чикарувчиларни қўллаб қувватламаслиги ва озиқ- овқат махсулотлари импортининг ҳаддан ташқари купайиб кетиши бўлиб ҳисобланади. Озиқ-овқат мустақиллиги бу аҳолини ўрнатилган овқатланиш меъёрлари бўйича озиқ-овқатлар билан таъминлаш учун энергия, ер ресурслари, қишлоқ хўжалиги машиналари, моддий ресурсларнинг стратегик захиралари мавжудлигини тақозо қилади. У амалга ошириш учун агросаноат мажмуи аҳолининг асосий озиқ-овқат махсулотлари турларига бўлган талабини зарурий миқдорда ва ассортиментда мустақил ишлаб чиқариш, сақлаш, қайта ишлаш ва таъминлашга қодир бўлиши керак. Озиқ-овқат хавфсизлиги стратегияси.Озиқ-овқат хавфсизлиги стратегияси қуйидагиларни тақозо қилади:  Агросаноат мажмуйи меҳнат ресурсларига нисбатан протекционистик тадбирларни ўтказиш ва аҳолининг турли қатламлари учун давлат таъминотига эришиш;  Ишлаб чиқариш, сақлаш, қайта ишлаш ва озиқ-овқат масулотларини тақсимлаш тизимида меҳнат ресурсларининг оптимал балансини қўллаб қувватлаш;  Агросаноат мажмуи тизимини энергия ва ресурсларни тежайдиган технологияларга йўналтириш;  Агросаноат мажмуи фаолияти таъминоти ва давлат режалаштириш тизимларининг ҳаракат қилиши.

Фойдаланилган адабиётлар рўйҳати: 1. Узбекистон Республикаси Конституцияси. (Асосий қонун) Тошкент «Узбекистон» 1992 йил. 2.Каримов И.А. «Ўзбекистон келажаги буюк давлат», Т. Ўзбекистон 1992 йил 3.Каримов И.А. «Ўзбекистон иқтисодий сиёсатнинг устивор йўна-лишлари» Т. Ўзбекистон 1993 йил 4.Каримов И.А. «Ўзбекистон бозор иқтисодиётига ўтишнинг ўзига хос йўли», Т. Ўзбекистон 1993 йил 5.Каримов И.А. «Деҳқончилик тараққиёти – фаровонлик манбаи», Т. Ўзбекистон 1994 йил 6.Каримов И.А. «Ўзбекистон ХХ I асрга интилмокда», Т. Ўзбекистон 1994 йил 7.Каримов И.А. «Ўзбекистон иқтисодий ислоҳатларни чуқурлаштириш йўлида», Т. Ўзбекистон 1995 йил 8.Каримов И.А. «Ўзбекистон ХХ I аср бўсағасида: хавфсизликка тахдид, барқарорлик шартлари, тараққиёт кафолатлари», Т. Ўзбекистон 1997 йил. 9.Каримов И.А. «Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир» (Олий Мажлис Қонунчилик Патаси ва Сенатни ҚУшма мажлисидаги маърузаси.). тошкент «Узбекистон» 2005 йил. 10.Ўзбекистон Республикаси Қонуни. «Мулкчилик тўғрисида», «Адолат» 1991 йил

O'xshashlar

Ўзбекистонда агросаноат мажмуасининг ривожланиши ва инфратузилма

Сервис тушунчаси ва унинг ривожланиши

Толанинг тузилиши, ривожланиши ва унинг технологик хусусиятлари

Бугдойнинг ўсиши ва ривожланиши

Маккажўхори-ўсиши ва ривожланиши