Толанинг тузилиши, ривожланиши ва унинг технологик хусусиятлари - Qishloq va o'rmon xo'jaligi - Referatlar

Толанинг тузилиши, ривожланиши ва унинг технологик хусусиятлари

Yuklangan vaqt:

20.09.2019

Ko'chirishlar soni:

0

Hajmi:

55.5 KB

Ko'chirib olish

Толанинг тузилиши, ривожланиши ва унинг технологик хусусиятлари Режа: 1. Толанинг тузилиши 2.Толанинг ривожланиши 3.Толанинг технологик хусусиятлари.

Пахта толаси асосан чигит қобиғидаги ташки эпидермиснинг бўйича чўзилган айрим хужайрадан иборат бўлиб, хар бир тола битта хужайра хисобланади.Бундан ташқари чигит тукининг хар бир чигит кобигидаги ташки эпидермисининг битта хужайрасидан вужудга келади. Аммо у хам битта хужайра бўлсада бўйига чўзилиб кетмайди. Асосий толалларнинг пайдо бўлиши ғўза гулга кирган кундан бошлаб, баъзи навларда ( G . b à rbadense ) ва улар билан чатиштирилган баъзи дурагайларда гуллаш олдидан бошланади.Гул очиладиган кундан бошлаб то тугунчадаги уруғкуртак уруғланишигача уруғкуртакнинг ташқи эпидермисидаги баъзи хужайраларнинг ташқи деворчаси бўртиб чиқа бошлайди, натижада эпидермиснинг бошқа хужайралардан ташқарига чиқиб турадиган ўсиқ пайдо бўлади. Уруғкуртак уруғлангач, халиги бўртиб чиққан хужайралар бўйига тез чўзила бошлайди, диаметри хам сал катталашади сўнгра деворлари қалинлашади ва шу тариқа хужайра толага айланади. Уруғкуртакдаги ташқи эпидермисининг толага айланган хужайрасини актив хужайра дейилади. Эпидермиснинг актив хужайраларидан ўсиқ пайдо бўла бошлаши билан бирга чигит ривожланишининг дастлабки кунларида эпидермис хужайралари бўлинади, яъни хужайралар кўпаяди. Мана шу бўлиниш натижасида пайдо бўлган хужайраларнинг баъзиси актив хужайраларга айланади, тола хосил қилади. Чигит ва кусак ривожланиши каби тола ривожланиши хам икки босқичга бўлинади, хар қайси босқич шароитида 25-30 кун давом этади. Кўпчилик маданий ғўза формаларида тола оқ бўлади, лекин шундай ғўза формалари хам борки, уларнинг толаси оқ сарғиш, малла, яшил пушти ва қўнғир тусли бўлади. Толанинг табиатан яшил ва қўнғир тусда бўлишига сабаб шуки, унинг целюлозали деворчаларида котехин деб аталадиган модда бор. У мураккаб органик моддаларга муносиб бўлиб - танидлар группасига киради.

Толаси рангли бўлган ғўза навларининг хусусиятларидан бири шуки, сиртидаги кутикуляр қават оқ толага қараганда бир мунча қалин бўлади. Илмий маълумотларга қараганда мой-мум моддалардан ташқил топган кутикуляр қават оқ толаларда массасига нисбатан атиги 0,6% бўлган холда яшил ва қўнғир толаларда 4-7 % га етади. Кутикуляр қават толанинг йигирилиш хусусиятини яхшилайди. Шунингдек, кутикуляр қават целлюлозали девор ичига нам ўтказмайди, бу эса толани бузилишдан сақлайди. Оқ тола асосан ўрта толали ғўзанинг кўпчилик навларига, жайдари ғўза, Хинди-Хитой ғўза туридаги навларга хос хусусиятдир. Оч сариқ тусли тола эса асосан ингичка толали ғўза турига мансуб формалар учун характерлидир. Қўнғир тус толали пахта 4 та турдаги маданий ғўзаларнинг хаммасида кузатилади, яшил ёки оч яшил толали пахта эса асосан G . hirsutum ва G . herbaceum тур ғўза навларига хос бўлиб, камдан кам учрайди. Пахта толасини ишлатишда унинг технологик хусусияти қатта ахамиятга эга. Шу билан бирга чигитли пахтадан қанча миқдорда тола чиқиши хам хўжалик жихатидан жуда мухимдир. Толанинг асосий технологик хусусиятларига- узунлиги,ингичкалиги, пишиқлиги , буралувчанлиги , эластиклиги, узулиш узунлиги ва етилиши киради. Толанинг узунлги - маданий ғўзаларда толанинг узунлиги 18-20 мм дан 45-50 мм, хатто 55-60 мм гача бўлади. G . barbadens е тур ғўза формаларига хос Си-Айленд ғўзасининг пахта толаси энг узун бўлиб, бу турга ингичка толали ғўза ва Миср ғўзалари киради. Ундан кейин тола узунлиги жихатидан ўрта толали G . hirsutum , Àôðèêà-Îñè ¸ ғўзаси - G . herbaceum , Хинди-хитой ғўзаси - G . arboreum турлари ( энг қисқа) туради. Бизда экилаётган ўрта толали ғўза навлари толаси узунлиги 30-33 мм, ингичка толали ғўза навларида 38-40 мм гача боради. Толанинг бошқа хусусиятлари билан бирга унинг узунлиги юқори бўлса шунча қиммат туради.

Маълумотларга қараганда, толанинг ўзунлиги 1 мм га ошса, газламанинг пишиқлиги 3% га ортади. Тола ингичкалиги - қуруқ тола диаметри (эни) микрон хисобида белгиланади. Маданий ғўза навларида толанинг диаметри 7-10 микрондан 30 микронгача, кўпинча 15-20 микрон бўлади. Толанинг ингичкалиги кўпинча метрик номер билан ифодаланади. Метрик номер 1 гр толанинг метр хисобидаги ёки 1 мг толанинг милиметр хисобидаги умумий узунлигини билдиради. Тола қанча ингичка бўлса, унинг метрик номери шунча катта, йўғон бўлса аксинча кам бўлади. Энг йўғон, дағал толанинг метрик номери 2500, ингичка бўлса 1200 гача бўлади. Ўрта толали ғўза навлари толасининг метрик номери 5000-5500, ингичка толалида эса 6500-8000 ва кўпинча 7000-7500 бўлади. Ингичка тола юмшоқ ва нафис бўлиб, ундан пишиқ ва нафис газлама тўқилади. Ингичка толали (биздаги) ғўза, миср ғўзаси ва Си-Айленд ғўзаси толаси энг ингичкадир. Толанинг ингичкалиги жихатидан ўрта толали (биздаги) навлар иккинчи ўринда туради. Африка- Осиё жайдари ғўзаси учунчи, Хинди-Хитой ғўзаси тўртинчи ўринда туради.Жайдари ғўза толаси (Хинди-Хитой) жуда дағал бўлади. Бундай толалар асосан жунга қўшиб ишлатилади. Толанинг пишиқлиги - унинг ўқи бўлиб йўналган ўсувчи кучга қаршилик кўрсатиш қобилиятига айтилади ва у граммлар билан кўрсатилади. Тола пишиқлиги ғўза навига қараб турлича 4-7 гҒтекс бўлади.Ўрта толали ғўзаларда 4-4,9 г гача, ингичка толалида эса 4,6-5,2 г гача бўлади. Кўзги қора совуқ тушгунча нормал пишиб очилган кусакдаги тола яхши етилмаган ва кусак пахта толасига нисбатан пишиқ бўлади. Толанинг эластиклиги, чўзилувчанлиги - бу асосан толанинг пишиқлиги билан боғлиқ. Ингичка ва пишиқ- тола эластик бўлади. Бундай толалардан баъзан техник мақсадларда, яъни автомобил шиналари учун астар ( прокладка) қилишда, парашют газмоллари тайёрланади.

Толанинг буралувчанлиги-толанинг энг мухим кўрсатгичларидан бири буралувчанлигидир. Бундай толанинг тўқима пишиқлиги ортади. Яхши буралиб етилган тола яхши бўлади. Тола буралувчанлиги унинг бир миллиметрининг қанчалик буралиши билан белгиланади. Тола буралиши ғўза тури ва навига боғлиқ. Кўп буралган тола шунча ингичка бўлади. Тола нисбатан дағал жайдари ғўзанинг хар 1 мм толаси тахминан 6-8 марта, ўртача ва ингичка толали ғўзаларда эса 10-12 марта бўлади.Тола қанчалик бир текис бўлса шунчалик сифатли бўлади. Толанинг узилиш узунлиги- толанинг метрик номерини пишиқлигига кўпайтириб 1000 га бўлинса узилигш узунлиги келиб чиқади. Толанинг бу хилдаги хисоблаб чиқилган узилиш узунлиги назарий жихатдан шундай узунликка, агар толалар бир-бири билан учма-уч уланаверса, у маълум узунликка етганда ўз оғирлиги билан узилиб кетади. Бу ўрта толали ғўзалардаги толада 23-25 км гача етади. Толанинг етилганлиги-толанинг етилганлиги унинг деворчаларида клетчатка қаватчаларининг пайдо бўлиши даражасига қараб аниқланади ва буни шартли равишда етилиш коэффициенти деб аталади. Бунда тола микроскоп остига қўйилиб махсус ишланган тола етилиш шкаласига солиштирилади. Шкалада толанинг етилганлиги 0 дан 5 гача 0,5 бирликда 11 % (градация) га бўлиниб кўрсатилади. Шкаладаги 0 коэфициенти ўлик толани, 5 коэффициенти ўта етилган, яъни деворчалари жудаям қалинлашиб кетиши натижасида буралувчанлиги бўлмаган толани кўрсатади. Нормал ривожланган толани етилиш коэффициенти шкаласида 2-2,5 рақамини кўрсатади. Пахта толасининг етилганлигини молироид ёрдамида хам аниқланади. Бунда толани нурга солиб кўрилган тола турли рангда бўлиб кўринади. Бу усул билан бир йўла толанинг пишиқлиги ва метрик номерини хам аниқлаш мумкин. Толанинг чиқиши маълум миқдордаги чигитли пахта массасидан олинган соф тола массасининг чигитли пахта миқдорига бўлган % хисобидаги

нисбатидир. Толанинг чиқиши бир томондан чигит массасига (подпушкаси билан бирга) чигит массаси унинг пуч ёки тўқлиги ва йириклигига боғлиқ. Тола сони турли нав ва формаларда турлича бўлади. Турли ғўза турларидаги чигит сиртида 7 миннгдан 15 минггача тола бўлади. Бу ғўза турига қараб 20 % дан 50% гача ўзгариб туради. Тола чиқиши 30% бўлса кам, 30-33 % бўлса, ўртача 33 %дан юқори бўлса юқори хъисобланади. Ўрта толали ғўза навида 35-38 % , ингичка толада эса 28-34% бўлади. Шундай қилиб толанинг технологик хусусияти ғўзанинг тур ва навларининг фақат ирсий хусусиятигагина эмас, балки хар бир туп доирасида кўсакнинг жойлашиш ўрнига, хар бир кўсакда чигит марказий уруғбанднинг қаерида жойлашганлигига ва хар бир летучкада тола чигит сиртининг қайси ерида ўрнашганлигига қараб ўзгаради. Толанинг баъзи технологик хусусияти туп доирасида дастлабки конусдан кейинги конусларга томон камая борса, баъзиларида кўпаиб боради. М; тола пишиқлиги ва диаметри камайиб борса, узунлиги ва буралувчанлиги ошиб боради.

Адабиётлар: 1.И.А.Каримов «Қишлоқ хўжалиги тараққиёти тўкин сочин хаёт манбаи» Ўзбекистон Республикаси Президентининг 1997 йил 26 декабр куни Олий Мажлиснинг Х сессиясида сўзлаган нутқи.»Ватанпарвар» рўзномаси № 155, 27 декабр Тошкент, 1997й. 2.Ўзбекистон Республикасининг Вазирлар Махкамасининг «Қишлоқ хўжалигида ислохотларни чуқурлаштиришга доир қонун ва меъёрий хужжатлар тўплами» 1-2 томлар. Тошкент-1998 й 3. « Cotton » журнали Нью-Йорк-1998-1999 й. 4.Ўзбекистон Республикаси Вазирлар Махкамасининг «1999-2000 йилларда пахта навларини янгилаш ва жойлаштириш дастури тўғрисидаги» қарори «Ўзбекистон овози» рўзномаси, № 141, 26 ноябр Тошкент-1998 й. 5.Э. Т.Шайхов ва бошқалар «Пахтачилик», Тошкент 1990 й. 6.Муаллифлар жамоаси «Пахтачилик справочниги»Тошкент 1989 й. 7.М.Мухамеджанов,А.Зокиров «Ғўза агротехникаси» Тошкент 1995й. 8.А.И.Шлейхер ва бошқалар.Пахтачиликдан лаборатория маш-ғулотлари. Тошкент. «Ўқитувчи». 1980 й. 9.»Ўзбекистон худудида экишга тавсия этиладиган Қишлоқ хўжалиги экинлари реестри», Тошкент 1998 10.Пахтачилик комплекси алмашлаб экишда бошоқли дон экинларини жойлаштириш бўйича тавсиялар. Фан-техника тараққиётини тарғиб қилиш ва жорий этиш бош бошқармаси, Тошкент 1994 й. 11.Б.Алеев,О.И.Иброхимов.Истиқболли ғўза навлари агротехни- каси,Тошкент. 1988 й.

O'xshashlar

Толанинг ривожланиши ва чигитли пахтанинг хусусиятлари тўғрисида тушунча

Сервис тушунчаси ва унинг ривожланиши

Агросаноат мажмуи ва унинг ривожланиши

Ғўзанинг илдиз системаси ва поясининг тузилиши хамда ривожланиши

Тола туғрисида тушунча пахта толасининг сифат кўрсаткичлари