Улгуржи ва чакана савдо - Iqtisodiyot - Referatlar

Улгуржи ва чакана савдо

Yuklangan vaqt:

20.09.2019

Ko'chirishlar soni:

0

Hajmi:

148 KB

Ko'chirib olish

У лгуржи ва чакана савдо Режа: 1. Dell компьютер корпорацияси 2. Улгуржи савдо 3. Улгуржи савдо фирмалари турлари 4. Чакана савдо 5. Чакана савдо хиллари 6. Чакана савдо: магазинлар 7. Магазинсиз чакана савдо 8. Дўкон и мидж и ва муҳит и 9. Моддий тақсимот

Мавзу мақсадлари Мазкур бўлимни ўрганиш асносида талабалар қуйидаги ишларни мустақил бажара олиш қобилиятига эга бўлишлари керак:  Улгуржи ва чакана савдо таърифини билиш;  Улгуржи ва чакана савдо ташкилотлари турларини тавсифлай олиш;  Магазинли ва магазинсиз чакана савдо хусусиятларини тахлил этиш;  Моддий тақсимот тизимининг самарадорлигини аниқлай олиш. Халқаро маркетинг амалиёти Dell компьютер корпорацияси 1984 йилда Майкл Делл компьютерларни буюртма асосида тайёрлай бошлаганда ҳеч ким мазкур усулни муваффақиятли бўлиб чиқади деб ўйламаганди. У вақтларда компьютерлар кучли воситачилар кенг тақсимот каналлари орқали сотилар эди. Бироқ бевосита буюртма асосида шахсий компьютерлар ишлаб чиқарадиган бу фирма ҳозирга келиб дунёда энг тез ўсаётган 22 млрд. долларлик корпорацияга айланди ва бозорда Compaq дан кейинги 2 ўринни эгаллади. Dell муваффақияти тўғридан-тўғри мулоқот моделида асослангандир. Зотан, фирма маҳсулотни талаб учун аниқ мослаштиради, тез етказиб беради ва хариддан кейинги хизматлар сифатини юқори даражада сақлайди. Мижоз шахсий компьютер учун телефон орқали буюртма беради, фирма мижознинг талабига мослаштирилган маҳсулотни 48 соат ичида унинг уйига етказиб беради. Бунда маҳсулот нархи рақобатчиларникига нисбатан 10-15% арзон бўлади.

Маҳсулот ҳар бир харидор спецификацияларига мослаштирилган ҳолда арзон нархда етказилиши Dell нинг асосий ғоясидир. Иш мавжуд буюртма асосида бажарилганлиги сабабли эҳтиёт қисмларни сақлаш харажатлари йўқдир. Шунингдек, воситачилар хизматларидан умуман фойдаланилмайди, демак, нарх бошқа рақобатчиларникидан ўртача 12% га арзон бўлади. Самарали таъминот-тақсимот тизими маҳсулотларни 24 соат ичида нақд пулга айлантиришга имкон беради, ваҳоланки, рақобатчилар маҳсулотлари ҳафталаб сотилмай қолиб кетади. Рақобатчиларда сотилмай қолган маҳсулотлар бўлиши табиийдир, Dell да эса бундай муаммонинг ўзи мавжуд эмас. Компьютер қисмларининг нархи доимо пасайиб бораётган шароитда Dell қўллайдиган усул харид харажатларидан ўртача 6 % тежаш имконини бераяпти. Чунки компания қисмларни зарур вақтда керакли партияда сотиб олади, рақобатчиларнинг йирик таъминот тизимлари эса янги нархлар тизимига ўтишга ўртача 60 кун кечикади. Хозирги вақтда Dell корпорацияси интернет тармоғи имкониятларидан ҳам кенг фойдаланмоқда. Интернет орқали кунига 30 млн. долларлик маҳсулот сотилади, бу эса даромаднинг 40% ташкил этади. Улгуржи савдо Улгуржи савдо - маҳсулотларни катта ҳажмда сотиб олиш, уларни сақлаш ва бу маҳсулотларни чакана савдо корхоналари ва бизнес фойдаланувчиларига қайта сотишдир. Истеъмолчилар улгуржи савдо фаолиятига кўп дуч келмасаларда, улгуржи савдо соҳаси муҳим ва аҳамияти бебаҳодир. Улгуржи савдо ташкилотлари маҳсулотларини сақлаши, транспортировка қилиши, савдо кўргазмаларида намойиш қилиши ва чакана савдо корхоналарига қайси маҳсулот кўп сотилаётгани ҳақида ахборот бериши мумкин.

Улгуржи савдо фирмалари турлари Улгуржи савдо билан шуғулланадиган корхоналар хилма-хил бўлсада, уларни шартли равишда 3 та катта гуруҳга бўлиш мумкин: тижоратчи улгуржи, ишлаб чиқарувчи улгуржи савдогарлар ва брокер-агентлар. А) Тижоратчи улгуржи савдогарлар - ишлаб чиқарувчилардан мустақил равишда фаолият юритиб, маҳсулотларга эгалик ҳуқуқини қўлга киритган ҳолда фаолият юритадилар. Улар улгуржи савдо ташкилотларининг 80%ни ташкил этадилар. Тижоратчи улгуржи савдо ташкилотлари тўлиқ ёки чекланган тақсимот канал хизматларини етказишлари мумкин. Тўлиқ хизмат кўрсатувчилар кенг ассортиментдаги маҳсулотларни таклиф этадилар. Чекланган хизмат кўрсатувчиларнинг қуйидаги турлари бўлиши мумкин: А.2) Пештахта савдогари - тақсимот функцияларининг кўп қисмини бажаради, аммо маҳсулотлар сортировкаси ва маркетинг тадқиқотларини баъзи вақтлар амалга оширади. Улар маҳсулотларни пештахтада намойиш этгани учун шундай номга эга бўлган. Улар асосан журналлар, уй жиҳозлари, косметика ва дори-дармон етказиб бериш билан шуғулланади. А.3) "нақд пул - олиб кет" ( cash & ca r ry ) савдогари чекланган ассортиментдаги маҳсулотларни таклиф этгани ҳолда маҳсулотларни транпортировка қилмайдиган улгуржи савдогардир. Уларнинг мижозлари ўзлари боришлари, нақд пулга харид қилишлари ва маҳсулотларни ўзлари ташиб кетишлари керак. Озиқ-овқат маҳсулотлари, офис-канцелярия товарлари, электр маҳсулотлари ва компьютерлар шундай сотилади. А.4) "бевосита етказувчи" савдогар маҳсулотларни сотиб олиб, эгалик ҳуқуқини қўлга киритсада, аммо моддий тақсимотни, транспортировкани амалга оширмайди, ишлаб чиқарувчилар истемолчиларга маҳсулотни тўғридан - тўғри етгазиб беришини таъминлайди. Траспортировкаси

қимматга тушадиган маҳсулотларни сотадилар: кўмир, дон ва ёғоч шулар жумласидан. А.5) «автотранспорт» савдогари – кичик омбор ва юк машиналари асосида иш юритади. Тезда бузиладиган маҳсулотлар – гўшт, сут ва мева- сабзавотларни чакана савдогарларга ўзлари авторанспортларида етказиб берадилар. Б) Ишлаб чиқарувчи улгуржи савдогарлар – ишлаб чиқарувчиларнинг ўзи маркетинг каналини қисқартириш учун улгуржи савдо билан шуғулланадиган филиал очадилар, кўп ҳолларда фирмаларнинг сотув бўлими шу функцияни бажаради. В) брокер ва агентлар - маҳсулотларга эгалик ҳуқуқига эга бўлмайди, харидор ва сотувчи ўртасида воситачилик қилади. Воситачилик учун тўловни сотув ҳажмидан маьлум бир фоиз кўринишида олади. Биржалар орқали фаолият юритиши мумкин. Чакана савдо Кўп холларда улгуржи савдогарлар ўз маҳсулотларини чакана савдо фирмаларига сотадилар. Чакана савдо - пировард истеьмолчига маҳсулотни сотиш фаолиятидир. Чакана савдони биз асосан магазин ва бозорлар орқали биламиз. Охирги истеъмолчига маҳсулот сотадиганларнинг ҳаммаси чакана савдогардир. АҚШ да чакана савдо ҳажми 2 трлн АҚШ долларлик бизнесни ташкил этади ва бу киши бошига $ 700 ташкил этади. Чакана савдо истеьмолчилар учун жуда кўп қулайликлар яратади, масалан, маҳсулотларни қулай вақтда ва қулай жойда етказиб бериш сингари. Баьзи чакана савдогарлар маҳсулотларни қайта ишлаб товар кўринишига келтирадилар. Чакана савдо хиллари

Чакана савдо, асосан, магазинлар ва дўконлар орқали амалга оширилсада, унинг бошқача кўринишлари ҳам мавжуд. Чакана савдо корхоналарининг турли хиллари қуйида келтирилган 10.1-жадвалда ифодаланган. 10.1-жадвал.Чакана савдонинг асосий турлари Тури Таърифи Мисол Махсус магазин Чекланган ассортимендаги, тор доирадаги мижозларга мулжалланган махсулотлар Музика ва видео кассеталар магазинлари. Чекланган ассортимент магазини Бир ассортиментдаги ва баъзи турдош маҳсулотларни таклиф этади. Пойафзал магазини. Бир ассортимент магазини Бир ассортиментни таклиф этади. Пицца сотувчи фирма Категория кушандаси Жуда катта, нархлари паст чекланган ассортиментдаги маҳсулотлар. Уй инч оқл ар маг ази ни Супермаркет Катта бир неча бўлимлардан иборат, озиқ-овқат ва ноозиқ-овқат маҳсулотларни ўз-ўзига хизмат асосида сотадиган магазин. SAFEWAY, ARDUS, Матлубот Маркет Дўконлар Асосий устунлиги қулай, Мева, озиқ-

истеъмолчиларга яқин ерда жойлашганлиги, юқорироқ нарх. овқат дўконлари. Совға магазини Паст нархлар, канцелярия махсулотлари, совгалар, аёллар косметикаси маҳсулотлари, ўйинчоқлар, ширинликлар, уй жиҳозлари. Woolworth Универмаг Бир канча алоҳида бўлимлардан ташкил топиб, болалар, аёллар ва эркаклар кийим кечаклари маҳсулотлари, атир-упа тақинчоқлар, уй жихозлари сотилади. Macys,Nordstro m Оммавий савдо Кенг, аммо саёз маҳсулотлар микси Sears Чегирма магазини Супермаркетга ўхшаш, аммо нархлари пастрок, истеъмолчиларга чекланган хизмат кўрсатадиган магазин. Wal-mart , Kmart Омбор магазини Дорилар, компьютерлар, уй қурилиш жихозлари, мебеллар, катта, арендаси арзон омборлардан сотилади. Price club Суперомборлар Супермаркетлардан кенгроқ, бузилмайдиган маҳсулотлар ассортиментини паст нархларда таклиф этади. Cub Foods Хайпермаркет Супермаркет, чегирма магазини ва омборлар комбинацияси бўлиб, озиқ-овқат ва ноозиқ-овқат Biggs

маҳсулотларни 15-20 % арзон нархда сотади. Каталог савдо магазини. Мижозлар каталоглардан танлаган маҳсулотларини сотиб оладиган жой. Service Merchandise Магазинсиз чакана савдо. Тақсимот машиналари ва бевосита маркетингдан фойдаланиш. Lands End, Mary Key Чакана савдо: магазинлар. Магазин ва дўконлар юқорида келтирилган жадвалга мувофиқ маҳсулот ассортименти хилма-хиллиги, қулайлик даражаси ва нархлар даражасига қараб таснифланади. Ишлаб чиқарувчилар эса, ўз имиджларига мос келадаган магазинлар орқали маҳсулотларини сотишга ҳаракат қиладилар. Истеъмолчиларга бир турдаги маҳсулотларнинг хилма-хил кўринишларини кўрмоқни истасалар ёки профессионал сотувчиларнинг насихатига муҳтож бўлсалар, махсус магазинларни танлайдилар. Баъзи бир магазинлар бир ассортимент чегарасида жуда хилма-хил маҳсулотларни энг паст нархда таклиф этадилар ва улар категория кушандаси деб аталади. Кўп ҳолларда, истеъмолчилар бир магазиндан хар хил ассортиментдаги маҳсулотни сотиб олишни қулай деб ҳисоблайди, бунда эса супермаркет ва хайпермаркетлар уларга қўл келади. Бу усулда купроқ потенциал мижозлар магазинга жалб этилади ва қўшимча маҳсулотлар учун юқорироқ нарх ўрнатиш имконини туғилади. Энг паст нархларни истайдиган мижозлар оммавий савдо ва омборларни танлайдилар. Магазинсиз чакана савдо Чакана савдонинг ҳаммаси ҳам магазинлар орқали амалга ошавермайди. Истеъмолчилар дунё миқёсида минглаб маҳсулотларни каталоглардан,

телевизор экранлари орқали ва тақсимот машиналаридан сотиб оладилар. Магазинсиз чакана савдонинг 2 та асосий тури мавжуд: 1) тақсимот машиналари 2) бевосита маркетинг 1) Кўп кичик маҳсулотлар тақсимот машиналари ёки “автоматик савдо” рқали сотилади. Яхна ичимликлар, печеньелар, маркалар, фотосуратлар ва телефон хизматлари шулар жумласидандир. Банклардаги нақд пул тарқатувчи автоматик мулоқот машиналари (АТМ) ҳам шу вазифани ўтайди. АҚШнинг Колифорния штатида авиация билетларини машиналар сотмоқда. Мамлакатимизда энг тарқалган сотув машиналари газланган сув сотувчи машиналардир. 2) Бевосита маркетинг – унинг таркибига бевосита сотув, бевосита хат, телемаркетинг, бевосита реклама, каталог савдоси, ТВканали орқали сотув ва истеъмолчилар буюртмасини қабул қилувчи бошқа воситалар киради. Бевосита сотув корхона вакилининг мижозлар уйларига бориб маҳсулотни шахсан намойиш этиб ва афзалликларини тушунтириш орқали амалга оширилади. ”Авон ” гўзаллик-пардозлаш маҳсулотлари, ”Мэри Кей” косметикалари шу усул орқали сотилади. Бразилияда “Авон” компаниясининг 320000га яқин коммивояжерлари хизмат қилади. Бевосита хат – потенциал мижозга компания брошюралари, хат, рекламасини юбориб маҳсулотларни тавсифлаш ва буюрма беришини сурашдир. Японияда мода намуналари, кийимлар, заргарлик буюмлари, камералар ва мебелни бевосита хат орқали сотиш тез суръатларда ўсмоқда. Бевосита маркетингда каталоглар орқали маҳсулот сотиш ҳам авж олмоқда. АҚШнинг ўзида 8000 га яқин каталог савдо фирмалари иш юритмоқда. Телемаркетинг – бу клиентларга телефон қилиб, уларга маҳсулотни тавсифлаш ва буюртма олиш фаолиятидир .Бевосита реклама

таркибида буюртмани тўғридан-тўғри бериш учун телефон номери ёки адрес бўлган хабардир.ТВ савдо каналлари ҳам янги турдош восита сифатида чакана савдо соҳасига кириб бормоқда. Дўкон имиджи ва муҳити Имидж - бир-бирига боғлиқ бўлмаган характеристикалар тўплами эмас, балки бир бутунликни ифодаловчи тушунчадир. Магазинга кирганда сиз унинг пештахталари қандай жойлашганлиги, дизайн ранги, маҳсулотлар жойлашиш тартибини бирма-бир ўлчаб чиқмайсиз, уни оддийгина қилиб магазин, супермаркет ёки дўкон деб атайсиз. Турли хусусиятлар комбинацияси турлича имидж яратиши мумкин. Чакана савдо эгаси истеъмолчилар фикридаги дўкон ёки магазин қандай бўлиши кераклигини, яъни имиджни ҳисобга олиши керак. Агар обьект хусусиятлари шу объект тури учун мижозлар фикридаги имиджга тўғри келмаса, уларнинг қониқиш даражаси паст бўлади ва истеъмолчиларни жалб қилиш қийин кечади. Магазин ичидаги муҳит ҳам жуда катта аҳамиятга эга. Магазин муҳитининг асосий омиллари бу – архитектураси, умумий кўриниши, ёритилиш даражаси, ранглар уйғунлиги, температура, шовқин, ассортимент, нархлар, махсус программалар бўлиб ҳисобланади. ( 10 .2-жадвал) 10 .2-жалдвал. Магазин муҳити омиллари. Омиллар Ўзгарувчилар Мисоллар Архитектура Шифт баландлиги, тарихий нақшлар, хоналар катта-кичиклиги, замонавий усул ёки қадимий қурилиш Паст нархларни билдирувчи оддийлик – омборларда, қиммат универмагларда шаршара, фонтан, зинапоя ва мозаикалар Умумий Пештахталар жойлашиш Супермаркетларда

кўриниш услуби, умумий структура пештахталар тур каби жойлашади, кимматбахо магазинларда девор буйлаб Ёруғлик Ёруғ ёки нимкоронги Супермаркетларда кучли ёруғлик, ресторанларда нимкоронги муҳит Ранглар Иссиқ ранглар мижозларни жалб этиш учун, совуқ ранглар рухий қувват бериш учун Тез овқатланиш ресторанлари кизил ва сариқ рангларни кўп ишлатади Шовқин Музика, шовқин даражаси Махсус муҳит яратиш учун секин музика, тез ҳаракат исталганда шух музика қўйилади Моддий та қ симот Маҳсулотлар тақсимот каналлари орқали ўтганда уларнинг жисмоний - бир жойдан иккинчи жойга ҳаракати вужудга келади. Буни моддий тақсимот тушунчаси орқали ифодалаш мумкин. Моддий тақсимот - маҳсулотларни самарали равишда пировард истеьмолчига етказиш учун ташиш ва сақлаш жараёнидир. Моддий тақсимот транспортировка, сақлаш, инвентаризация ва буюртмаларни бажариш функцияларини ўз ичига олади. 10.1 - чизмада кўрсатилганидек бу функциялар бир бутун жараён сифатида юзага чиқади. Траспортировка сотувчидан харидор томон маҳсулотларни силжитиш траспорт воситалари орқали амалга оширилади. Транспорт воситаларининг қуйидаги асосий турлари мавжуд: автотраспорт, темир йўл, ҳаво траспорти, сув траспорти ва қувурлардир. Маълум бир воситани танлашда харажатлар, сифат ва ихтисослашганлик даражаси ҳисобга олинади. Масалан, ”Холланд”

фирмаси хайвонлар транспортировкасига ихтисослашган, яъни бузоқлардан тортиб китларгача ташиш хизматини таклиф этади. 10.1-чизма.Моддий тақсимот жараёни Тайёр махсулот Хом ашё ва кисмлар Сақлаш . Транспортировкадан кейинги харажати юқори бўлган функция маҳсулотларини омборларда сақлашдир. Маҳсулотни йилнинг исталган вақтида муҳайё қилиш учун сақлаш фукцияси амалга оширилади, чунки баъзи бир маҳсулотларни маълум бир муддат чегараларидагина ишлаб чиқариш имконияти мавжуд, масалан қишлоқ хўжалик маҳсулотлари. Омборлар эса воситачиларга маҳсулотни кечиктирмасдан истеъмолчилар етказиш имконини беради. 10.3 – жадвал. Транспортировка турлари хусусиятлари Тури Харажат Тезлик Юк сиғими Автотарнспорт Юқори Тез ЎртачаИнвентарь менежменти Ишлаб чи қ ариш Транспортиров ка Са қ лаш Буюртмани бажариш

Темир йўл Ўртача Ўртача Юқори Ҳаво транспорти Жуда юқори Жуда тез Кам Сув транспорти Жуда паст Жуда секни Жуда юқори Қувурлар Паст секин Жуда кам Инвентарь менежменти - ишлаб чиқарувчининг ўз маҳсулотларини захира сифатида ўз омборларида ушлаб туришидир. Албатта, сақлаш харажатлари юқори бўлади, аммо йирик буюртма келганда етарли миқдордаги маҳсулотларга эга бўлинмаса, бу бизнес йўқотилиши ва зарар бундан ҳам катта бўлиши мумкин. Кўп ҳолларда ускуналар бузилиши ёки иш ташлаш сингари махсус фавқулодда вақтларда ҳам маҳсулот заҳиралари қўл келади. Маҳсулотлар оқимини бошқаришда Ун и версал Маҳсулот Кодлардан (УМК) фойдаланилади. Омбор ишчилари кичик лазер сканерлари орқали кодлардан қора ва оқ чизиқлар комбинациясидан маҳсулот ҳақида маълумотга эга бўладилар. Бунда эса УМКлар сифатли бўлиши шарт. Кўп супермаркетлар ўзлари ишлаб чиққан УМК сифат стандартига маҳсулотлар мос келиш – келмаслигини текшириб кўрадилар. Маркетинг амалда Савдонинг янги тури Ривожланган мамлакатларда истеъмолчилар телевидениедаги махсус каналлар орқали уйдан чиқмасдан савдо қилишни афзал деб билмоқдалар. Масалан, АҚШ даги QVC канали фақатгина маҳсулотлар намойиш этиш ва уларни телефон ёки компьютер орқали буюртмалар асосида сотишга ихтисослашган. Чакана савдонинг бундай тури аллақачон йирик, яъни 2,5 млрд АҚШ долларига тенг бизнесга айланган ва бу соҳа йилига 20% тезликда ўсмоқда. Бошқа мижозлардан фарқ қилиб, телевизор орқали маҳсулот сотиб олаётганлар ичида олий маълумотли ва янги мода

ихлосмандлари кўпчиликни ташкил этади. Машҳур дизайнерлар ҳам ўз кийим коллекцияларини сотиш мақсадида шундай ТВ каналлари билан ҳамкорлик қилмоқдалар. Масалан, Дайен ФонВустенберг ўзининг икки соатли дастури давомида 1.5 млн. АҚШ доллари миқдорида кийим-кечак сотишга мувофиқ бўлган. ТВ канали савдо маҳсулотларини турли усулларда сотиши мумкин. Каналнинг ўзи улгуржи савдо фирмаларидан маҳсулотларни харид қилиб, кейин сотиши ҳам мумкин ёки ишлаб чикарувчиларнинг ўзи каналда вақт сотиб олиб, маҳсулотларини намойиш этиши мумкин. Мавзунинг қ ис қ ача моҳияти Улгуржи савдо - маҳсулотларни катта ҳажмда сотиб олиш, уларни сақлаш ва бу маҳсулотларни чакана савдо корхоналари ва бизнес фойдаланувчиларига қайта сотишдир. Улгуржи савдо билан шуғулланадиган корхоналар хилма- хил бўлсада, уларни шартли равишда 3 та катта гуруҳга бўлиш мумкин: тижоратчи улгуржи, ишлаб чиқарувчи улгуржи савдогарлар ва брокер- агентлар. Чакана савдо - пировард истеьмолчига маҳсулотни сотиш фаолиятидир. Чакана савдо, асосан, магазинлар ва дўконлар орқали амалга оширилсада, унинг бошқача кўринишлари ҳам мавжуд. Чакана савдо корхоналарининг турли хиллари қуйида келтирилган: махсус магазин, чекланган ассортимент магазини, бир ассортимент магазини, категория кушандаси, супермаркет, дўконлар, совға магазини, универмаг, оммавий савдо, чегирма магазини, омбор магазини, суперомборлар, хайпермаркет, каталог савдо магазини. Магазинсиз чакана савдонинг 2 та асосий тури мавжуд: тақсимот машиналари ва бевосита маркетинг . Дўкон имиджи – магазин ҳақидаги бир-бирига боғлиқ бўлмаган характеристикалар тўплами эмас, балки бир бутунликни ифодаловчи ва мижоз фикрини акс эттирувчи тушунчадир. Магазин ичидаги муҳит ҳам

жуда катта аҳамиятга эга. Магазин муҳити нинг асосий омиллари бу – архитектураси, умумий кўриниши, ёритилиш даражаси, ранглар уйғунлиги, температура, шовқин, ассортимент, нархлар, махсус программалар бўлиб ҳисобланади. Моддий тақсимот - маҳсулотларни самарали равишда пировард истеьмолчига етказиш учун ташиш ва сақлаш жараёнидир. Моддий тақсимот транспортировка, сақлаш, инвентаризация ва буюртмаларни бажариш функцияларини ўз ичига олади. Траспортировка сотувчидан харидор томон маҳсулотларни силжитиш траспорт воситалари орқали амалга оширилади. Транспорт воситаларининг қуйидаги асосий турлари мавжуд: автотраспорт, темир йўл, ҳаво траспорти, сув траспорти ва қувурлардир. Маълум бир воситани танлашда харажатлар, сифат ва ихтисослашганлик даражаси ҳисобга олинади.

O'xshashlar

Савдо корхоналарида чакана савдо айланмаси

Чакана савдо корхоналарини товар таъминоти технологияси ва ташкил этилиши

Улгуржи товар айланиши

Чакана товар айланишини прогнозлаш ва режалаштириш

Чакана товар айланиши таҳлили