Tovar belgilari, xizmat ko’rsatish belgilari va tovarlar kelib chiqish joy nomlari tushunchasi, mazmuni, mohiyati - Iqtisodiyot - Referatlar

Tovar belgilari, xizmat ko’rsatish belgilari va tovarlar kelib chiqish joy nomlari tushunchasi, mazmuni, mohiyati

Yuklangan vaqt:

10.10.2022

Ko'chirishlar soni:

0

Hajmi:

21.005859375 KB

Ko'chirib olish

Tovar belgilari, xizmat ko’rsatish belgilari va tovarlar kelib chiqish joy nomlari tushunchasi, mazmuni, mohiyati Reja: 1. Tovar belgilari tushunchasi, tuzilishi va mohiyati. mashg’ulotining rejasi 2. Xizmat ko’rsatish belgilarining tuzilishi va ko’rinish hollari. 3. Tovarlar kelib chiqqan joy nomlarini ko’rinish hollari, mazmuni to’g’risida. 4. Tovar belgilari, xizmat ko’rsatish belgilari va tovarlar kelib chiqish joy nomlarining ustuvorlik tushunchasi haqida.

1. Tovar belgilari tushunchasi, tuzilishi va mohiyati 2001 yilning 22 sentyabrida amalga kiritilgan O’zbekiston Respublikasining “Tovar belgilari, xizmat ko’rsatish belgilari va tovar kelib chiqqan joy nomlari to’g’risida” Qonuniga muvofiq tovar belgisi va xizmat ko’rsatish belgisi – bu bir yuridik va jismoniy shaxslarning tovarlari va xizmatlarini boshqa yuridik va jismoniy shaxslarning shu turdagi o’xshash tovarlari va xizmatlaridan farqlash uchun xizmat qiluvchi belgilangan tartibda ro’yxatdan o’tkazilgan belgidir. Tovar belgilari sifatida tasviriy, so’zli, hajmiy va boshqa telgilar yoki ularning istalgan rangdagi yoki ranglar birikmasidagi kombinatsiyalari bo’lishi mumkin. O’zbekistonda tovar belgisiga huquqiy muhofaza faqat u rasmiy ro’yxatdan o’tkazilgandan so’ng beriladi. Tovar belgisi tadbirkorlik faoliyatini amalga oshirayotgan yuridik yoki jismoniy shaxslar nomiga ro’yxatdan o’tkazilishi mumkin. Tovar belgisini ro’yxatdan o’tkazish uchun Qoidalarga muvofiq rasmiylashtirilgan talabnomani Davlat patent idorasiga topshirish zarur. Qonunda belgilangan ekspertiza o’tkazilgandan so’ng va patent boji to’langanligi to’g’risida hujjat olingan sanadan boshlab bir oy davomida tovar belgisi ro’yxatdan o’tkaziladi. Tovar belgisi ro’xatdan o’tkazilganligi to’g’risida ma’lumotlar Patent idorasining byulletenida e’lon qilinadi. Tovar belgisiga guvohnoma tovar belgisi ro’yxatdan o’tkazilganidan keyin bir oy davomida Patent idorasi tomonidan beriladi va talabnoma sanadan boshlab o’n yil davomida amal qiladi. Tovar belgisiga guvohnomaning amal qilishi muddati huquq egasining guvohnoma amal qilishining so’ngi yili davomida topshirilgan arizasiga ko’ra har gal o’n yilga o’zaytirilishi mumkin. Tovar belgilari sifatida xususan, quyidagi belgilar ro’yxatdan o’tkazilmay di: - farqlash xususiyatiga ega bo’lmagan belgilar;

- umum qabul qilingan timsollar va atamalar hisoblangan belgilar; - tovarlarning sifati, miqdori, xususiyatlari, vazifasi, qimmatliligini hamda ularning ishlab chiqarilgan yoki sotilgan vaqtini ta’riflash uchun foydalaniladigan belgilar; - tovar yoki uning tayyorlovchisiga nisbatan yolg’on yoki adashtirishga olib kelishi mumkin bo’lgan belgilar. Tovar belgisi sifatida ro’yxatdan o’tkazilmaydigan belgilar to’laligicha “Tovar belgilari, xizmat ko’rsatish belgilari va tovar kelib chiqqan joy nomlari to’g’risida” O’zbekiston Respublikasi Qonunning 10-moddasida sanab o’tilgan. O’zbekiston Respublikasining Davlat patent idorasi (matnda “Patent idorasi” deb yuritiladi) tovar kelib chiqqan joy nomlarini muhofaza qilish sohasdiagi vakolatli davlat organi hisoblanadi. Patent idorasi: - tovar belgisini, tovar kelib chiqqan joy nomini va tovar kelib chiqqan sohasida yagona davlat siyosati amalga oshirishga qatnashadi; - tovar belgisini, tovar kelib chiqqan joy nomidan foydalanish huquqiy talabnomalarni ko’rib chiqish uchun qabul qiladi, ular yuzasidan davlat ekspertizasini o’tkazadi; - tovar belgilarini, tovar kelib chiqqan joy nomlarini va tovar kelib chiqqan joy nomlaridan foydalanishga doir huquqlarni boshqa shaxslarga o’tkazish to’g’risidagi shartnomalarni ro’yxatdan o’tkazishni amalga oshirish. Tovar belgilari davlat reysterini va tovar kelib chiqqan joy nomlari davlat reysterini (bundan buyon davlat reystri deb yuritiladi) yuritiladi: - tovar belgisi uchun guvohnoma va tovar kelib chiqqan joy nomidan foydalanish huquqi to’g’risida ma’lumot; - tovar belgilari ro’yxatga olinganligi va tovar kelib chiqqan joy nomidan foydalanish huquqi ma’lumotlarni e’lon qiladi; - qonun hujjatlariga muvofiq boshqa vakolatlarni amalga oshiradi.

2. Xizmat ko’rsatish belgilarning tuzilishi va ko’rinish hollari Xizmat ko’rsatish belgilariga qo’yilgan talablar tovar belgilariga qo’yilgan talablarga to’g’ri keladi. Jumladan: Xizmat ko’rsatish belgilari sifatida ro’yxatidan o’tkazilmaydigan belgilar. Quyidagilar xizmat ko’rsatish belgilari sifatida ro’yxatdan o’tkazilmaydi: 1) davlat gerblari, bayroqlari va davlat mukofotlarining tasviri tushirilgan belgilar; 2) davlatning rasmiy nomlari, xalqaro yoki xukumatlararo tashkilotlarning qisqartirilgan yoki to’liq yozilgan nomlari belgilari; 3) rasmiy nazorat, kafolat tamg’alari va namuna yo’sinidagi tamg’alar, muhrlar; 4) davlat xizmatalrining O’zbekiston Respublikasida qo’llaniladigan ajratish va farqlash belgilari tasvirlari; 5) farqlash xususiyatiga ega bo’lmagan belgilar; 6) muayyan turdagi tovarlarning belgisi sifatida umum foydalanishda bo’lgan belgilar; 7) umum e’tirof etilgan ramzlar va atamalar hisoblangan belgilar; 8) xizmatlarni, shu jumladan ularning turi, sifati, soni, xususiyati, qanday maqsadga mo’ljallanganligi, ularning ishlab chiqariladigan yoki o’tkaziladigan joyi va vaqtini tavsiflash uchun foydalaniladigan belgilar; 9) tovar yoki uning tayyorlovchisi xususidagi yolg’on yoki iste’molchini chalg’itish mumkin bo’lgan belgilar; 10) tovar kelib chiqqan haqiqiy joyni rasman ko’rsatuvchi, lekin tovar boshqa hududda siqarilganligi haqida tasavvur beruvchi belgilar; 11) madanli suvlar, vino yoki kuchli spirtli ichimliklarning asliyatini aks ettiruvchi jo’g’rofiy nomlarini ifodalaovchi belgilar, mazkur joyda chiqarilmagan tovarlarni belgilash uchun ishlatilgan belgilar, shuningdek “ko’rinishdagi”, “turdagi”, “usuldagi” va boshqa shunga o’xshash so’zlar bilan qo’shilgan holdagi belgilar;

12) jamiyat manfaatlariga, odamiylik va ahloq qoidalariga zid bo’lgan belgilar; 13) quyidagi belgilar: - ilgari O’zbekiston Respublikasida boshqa shaxs nomiga ro’yxatdan o’tkazilgan yoki ro’yxatda berilgan, shuningdek O’zbekiston Respublikasining xalqaro shartnomalariga muvofiq ro’yxatdan o’tkazilganligi yoki shu turdagi tovarlarga nisbatan ancha ilagriroq ustuvorlikka ega bo’lgan tovar belgilari bilan adashtirilgan yoki ularga aynan o’xshash bo’lgan belgilar; - har qanday xizmatlarga nisbatan boshqa shaxslarning belgilangan tartibda umum e’tirof etilgan darajada bir xil yoki ularga aynan o’xshash bo’lgan belgilar; - ushbu Qonunga muvofiq muhofaza qilinadigan xizmat ko’rsatish belgilari bo’lgan belgilar bilan va bir xil yoki ularga aynan o’xshash bo’lgan belgilar, bu belgilar har qanday xizmatlarga nisbatan shunday maqomga ega bo’lgan shaxs nomiga ro’yxatdan o’tkaziladigan xizmat ko’rsatish belgisiga muhofaza qilinmaydigan qism bundan mustasno; - belgilangan tartibda ro’yxatdan o’tkazilgan sertifikatlash belgilari bilan adashtirib yuborish darajasi va shunga o’xshash bo’lgan belgilar; 14) quyidagi belgilar: - o’zga shaxslarga tegishli va O’zbekiston Respublikasi hududida taniqli bo’lgan firma nomlarini nomga bo’lgan huquq bir turdagi tovarlarni belgilash uchun tovar belgisiga doir talabnoma kelib tushganligi bo’lsa, takrorlovchi beliglar; - sanoat namunalarini, agar ularga huquq O’zbekiston Respublikasida o’zga shaxslarga berilgan belgilar; - O’zbekiston Respublikasida mashhur bo’lgan ilmiy asarlar, adabiyot va san’at asalarining nomlarini va iboralarini, san’at asarlarini yoki ulardan ko’rinishlarni mualliflik huquqiga ega bo’lgan shaxs yoki uning roziligini olmagan tarzda takrorlovchi belgilar;

- atoqli shaxslarning familiyalari, ismlari, taxalluslari va ulardan yasalgan so’zlarini, basharti bular O’zbekiston Respublikasining tarixiy va madaniy boyligi bo’lsa, ana shunday merosxo’rlari yoki davlat organi roziligini olmagan tarzda takrorlovchi belgilar. Ushbu modda birinchi qismining 1-4 bandlarida ko’rsatilgan belgilar, agar bunga tegishli davlat organlari roziligi bo’lsa, tovar belgisiga muhofaza qilinmaydigan qismlar sifatida kiritilishi mumkin, ushbu bandlarda ko’rsatilgan belgilar, agar ular tovar belgisida mavqega ega bo’lmasa, bu belgi kiritilishi mumkin. Ushbu modda birinchi qismining 5-8 bandlarida ko’rsatilgan belgilarni ro’yxatdan o’tkazishga, basharti foydalanish natijasida farqlanish xususiyatiga ega bo’lgan taqdirdagina, yo’l qo’yilishi mumkin. Ushbu modda birinchi qismining 13-bandidagi ikkinchi va uchinchi xatboshilarda ko’rsatilgan darajada ularga aynan o’xshash bo’lgan belgilarni ro’yxatdan o’tkazishga tovar belgisi egasini roziligi bo’lgan taqdirdagina yo’l qo’yilishi mumkin. 3. Tovarlar kelib chiqqan joy nomlarini ko’rinish hollari, mazmuni to’g’risida Tovar kelib chiqqan joy nomi. Mamlakat, aholi punkti, joy yoki boshqa jo’g’rofiy ob’ektning (bundan buyon matnda “jo’g’rofiy ob’ekt” deb yuritiladi) belgilash uchun ishlatiladigan, uning alohida xususiyatlari tamomila yoki asosan mazkur jo’g’rofiy ob’ektning yoki boshqa omillar yoxud tabiiy sharoitlar va ushbu omillarning birikmasi bilan belgilanadigan nomi tovar joy nomi e’tirof etiladi. Tovar kelib chiqqan joy nomini huquqiy jihatdan muhofaza qilish. Tovar kelib chiqqan joy nomi huquqiy jihatdan uni ushbu Qonunda belgilangan tartibda, shuningdek O’zbekiston Respublikasining xalqaro shartnomalariga muvofiq ravishda muhofaza qilinadi.Tovar kelib chiqqan joy nomi mazkur jo’g’rofiy ob’ektdagi, nomi o’zlari ishlab chiqarayotgan tovar ishlatiladigan bir yoki bir necha yuridik yoki jismoniy shaxs tomonidan ro’yxatdan o’tkazilishi

mumkin.Tovar kelib chiqqan joy nomini ro’yxatdan o’tkazgan shaxs bu nomdan, basharti mazkur shaxs yoki asosan mazkur jo’g’rofiy ob’ektga xos tabiiy sharoitlar yoki boshqa omillar bilan yoxud tabiiy xususiyatlar birikmasi bilan belgilanadigan tovarni ishlab chiqarayotgan bo’lsa, foydalanish huquqini oladi.Ushbu Qonunda belgilangan tartibda ro’yxatdan o’tkazilgan tovar kelib chiqqan joy nomidan joy yoki boshqa jo’g’rofiy ob’ektga joylashgan va aynan shunday xususiyatlarga ega bo’lgan tovar ishlab chiqarayotgan jismoniy shaxsga ham berilishi mumkin. Tovar belgisini va tovar kelib chiqqan joy nomini va tovar kelib chiqqan joy nomlarini huquqini ro’yxatdan o’tkazish uchun beriladigan talabnomaga doir talablar. Tovar belgisini, tovar kelib chiqqan joy nomini va tovar kelib chiqqan joy nomidan foydalanishi uchun beriladigan talabnoma tovar belgisiga yoki tovar kelib chiqqan birj oy nomiga taalluqli bo’lishi lozim. Talabnomada quyidagilar bo’lishi kerak: - tovar belgisi sifatida belgini, tovar kelib chiqqan joy nomini va tovar kelib chiqqan joy nomidan ro’yxatdan o’tkazish to’g’risida ariza; - talabnomada ko’rsatilgan belgining tasviri; - belgilarni ro’yxatdan o’tkazish uchun tovarlar va xizmatlarning xalqaro tasnifiga muvofiq guruhlangan tartibda ro’yxatdan o’tkazish so’ralayotgan tovarlarning ro’yxati; - tovar ishlab chiqarilgan joyni jo’g’rofiy ob’ekt chegarasida ko’rsatgan holda tovar kelib chiqqan joy nomini va tovar kelib chiqqan joy nomidan foydalanish huquqini ro’yxatdan o’tkazish so’ralayotgan tovar turining nomi tavsifi. Talabnomaga quyidagilar ilova qilinishi zarur: - talabnoma berganlik uchun patent boji to’langanligini tasdiqlovchi hujjat; - talabnoma patent vakili orqali berilgan taqdirda talabnoma beruvchining ishonchnomasi; - talabnoma beruvchining zikr etilgan jo’g’rofiy ob’ektda joylashganligini va alohida xususiyatlarining tabiiy sharoitlar yoki boshqa omillar

bilan yoxud tabiiy sharoitlar va ushbu omilarning birikmasini tasdiqlovchi hujjatlar; - chet ellik talabnoma beruvchining tovar kelib chiqqan joyining talabnomada ifodalangan boshqa mamlakatda foydalanish huquqini tasdiqlovchi hujjat. Tovar belgisini, tovar kelib chiqqan joy nomini va tovar kelib chiqqan joy nomidan foydalanish huquqiga doir talabnomani rasmiylashtirish uchun zarur bo’lgan hujjatlarga taalluqli talablar Patent idorasi tomonidan beriladi. Tovar kelib chiqqan joy nomi sifatida ro’yxatdan o’tkazilmaydigan hujjatlar. Quyidagi belgilar tovar kelib chiqqan joy nomi sifatida ro’yxatdan o’tkazilmaydi: - tovar kelib chiqqan joy xususida iste’molchini chalg’itib qo’yadigan jo’g’rofiy nom bo’lgan belgilar; - tovar kelib chiqqan haqiqiy joyni rasman ko’rsatuvchi, lekin tovar boshqa hududda chiqarilayotganligi haqida beruvchi belgilar; - tovar tayyorlangan joy nomi bilan bog’liq bo’lmagan jo’g’rofiy nomni anglatuvchi va O’zbekiston Respublikasi tovar belgisi sifatida foydalanishda bo’lgan belgilar. 4. Tovar belgilari, xizmat ko’rsatish belgilari va tovarlar kelib chiqish joy nomlarining ustuvorlik tushunchasi haqida O’zbekiston Respublikasida Patent idorasi oldida vakillik qilish uchun rasmiylashtiriladigan ishonchnoma, oddiy yozma shaklda to’ziladi va notarius tomonidan tasdiqlanishi talab etilmaydi. Ishonchnoma talabnoma bilan bir vaqtning o’zida yoki talabnoma kelib tushgan sanadan ikki oydan kechiktirilmay topshiriladi. O’zbekiston Respublikasidan tashqarida yashovchi jismoniy shaxsning yoki chet ellik yuridik shaxsning manfaatlariga vakillik qilish uchun patent idorasida ro’yxatdan o’tkazilgan patent vakiliga ishonchnoma, talabnoma beruvchi

shaxsning o’zi tomonidan, shuningdek talabnoma beruvchi tomonidan berilgan teshigli ishonchnomaga ega patent vakili tomonidan ham berilishi mumkin. Bunday hollarda ko’rsatib o’tilgan ikala ishonchnoma yoki uning to’g’ri rasmiylashtirilgan nusxasi ilova qilinadi. Agar ishonchnoma Patent idorasida ro’yxatdan o’tkazilgan bir necha patent vakillariga berilgan bo’lsa, u holda talabnoma bo’yicha mahsulot belgisini ro’yxatdan o’tkazish bo’yicha ishlar, ularning istalgan biri tomonidan olib borilishi mumkin. Ishonchnoma bo’yicha vakil qilingan patent vakilining har qanday hatti-harakati, ariza beruvchining hattiharakatidir deb baholanadi.Konvensiya usutvorligi so’rab berilgan talabnomaga (bundan buyon konvensiya talabnoma) talabnoma beruvchi tomonidan sanoat mulkini muhofaza qilish bo’yicha Parij konvensiyasi qatnashchisi bo’lgan davlatda berilgan birinchi talabnomaning tadiqlangan nusxasi va uning o’zbek yoki rus tiliga qilingan tarjimasi ilova qilinadi, ular konvensiya talabnomasi Patent idorasiga kelib tushgan sanadan boshlab uch oy muddatdan kechiktirilmay topshiriladi.Talabnoma nusxasining tarjimasi tarjimon imzosi bilan tasdiqlanadi. Konvensiya ustuvorligini belgilash to’g’risidagi iltimosnoma, talabnoma berish paytida (guvohnoma berish to’g’risidagi arizaning tegishli grafasida keltiriladi) yoki Patent idorasiga kelib tushgan sanadan boshlab ikki oy muddat davomida topshirilishi mumkin. Ko’rgazmaga oid ustuvorlik so’rab berilgan talabnomaga, bunday ustuvorlik so’rashning qonuniyligini tasdiqlovchi hujjat ilova etiladi, u Patent idorasiga talabnoma kelib tushgan sanadan boshlab uch oydan kechiktirilmay topshiriladi. Talabnoma beruvchi tomonidan taqdim etilgan hujjat, sanoat mulkini muhofaza qilish bo’yicha Parij konvensiyasining qatnashchisi bo’lgan davlatldardan birining hududida tashkil etilgan ko’rgazmaning maqomni, ya’ni rasmiy xalqaro ko’rgazma yoki xalqaro deb rasman tan olingan ko’rgazmaligini tasdiqlashi va tovarlarni namoyish etgan shaxsning nomini, belgini, shu belgi qo’yilgan tovarlar ro’yxatini, shuningdek, eksponatlarni ochiq namoyish etish boshlangan sanani o’z ichiga olishi lozim. Hujjat tegishli ko’rgazmaning ma’muriyati yokit tashkiliy qo’mitasi tomonidan tasdiqlangan bo’lishi lozim. Talabnomada ko’rsatilgan belgini ro’yxatdan o’tkazish

to’g’risidagi ariza o’zbek yoki rus tilida topshiriladi. Talabnomaning boshqa hujjatlari o’zbek, rus yoki boshqa tilda topshiriladi. Agar talabnoma hujjatlari boshqa tilda topshirilgan bo’lsa, talabnomaga ularning o’zbek yoki rus tiliga tarjimon imzosi bilan tasdiqlangan tarjimasi ilova qilinadi. Boshqa tilda topshirilgan hujjatlar Patent idorasiga kelib tushgan sanada topshirilgan deb hisoblanadi, agar ularning tarjimalari boshqa tilda topshirilgan hujjatlar kelib tushgan sanadan boshlab ikki oy muddat ichida topshirilsa, aks holda hujjatlar, ularning tarjimalari kelib tushgan sanada topshirilgan deb hisoblanadi.Talabnoma (belgini ro’yxatdan o’tkazishga talab etilayotgan tasvirdan tashqari) ikki nusxada topshiriladi.Belgining ro’yxatdan o’tkazish uchun talab etilayotgan tasviri 5 nusxada topshiriladi.Talabnomaga ilova etilayotgan hujjatlar bir nusxada topshiriladi.Tovar belgisining ustuvorligi Patent iorasiga tarkibida talabnoma beruvchi va uning joylashgan manzili yoki yashash joyi, talabnomada keltirilgan belgi, uning tavsifi va tovar belgisini ro’yxatdan o’tkazish so’ralayotgan tovar va xizmatlar ro’yxati keltirilgan ariza bo’lgan talabnoma topshirilgan sana bo’yicha belgilanadi. Agar talabnomada dastlab yuqorida sanab o’tilgan ma’lumotlar va yoki hujjatlardan biri bo’lmagan bo’lsa, tovar belgisining ustuvorlik sanasi deb, etishmagan ustuvorlikni belgilash uchun zarur bo’lgan ma’lumotlarni o’z ichiga olgan hujjatlarning eng oxirgisi kelib tushgan sana hisoblanadi.Tovar belgisining ustuvorligi shuningdek Parij konvensiyasiga a’zo davlatda berilgan birinchi talabnoma sanasi bo’yicha yoki Parij konvensiyasiga a’zo davlatlardan birining hududida tashkil qilingan rasmiy yoki rasmiy tan olingan xalqaro ko’rgazmada ushbu belgi bilan belgilangan eksponatlarning ochiq namoyish qilingan sanasi bo’yicha belgilanishi mumkin, agar Qonunning 12-moddasi 2, 3 va 4 – qismida ko’zda tutilgan talablarga rioya qilingan bo’lib, talabnoma beruvchi tomonidan so’ralayotgan ustuvorlikni tasdiqlaydigan zarur hujjatlar taqdim etilgan bo’lsa. Qonunning 12-moddasi ikkinchi va to’rtinchi qismiga muvofiq konvensiya ustuvorlik so’ralgan holda quyidagilar tekshiriladi: a) talabnoma beruvchi tomonidan Parij konvensiyasiga a’zo davlatda topshirilgan birinchi talabnomaning nusxasi mavjudligi;

Agar ko’rsatilgan nusxa talabnoma Patent idorasiga kelib tushgan sanasidan keyin taqdim etilsa, talabnoma nusxasi taqdim etilishi lozim bo’lgan uch oylik muddatga rioya qilinganligi; b) birinchi talabnoma topshirilgan sanadan hisoblanadigan konvensiya ustuvorligi so’ralgan talabnoma topshirilishi lozim bo’lgan olti oylik muddatda talabnoma beruvchi tomonidan rioya qilinganligi; v) konvensiya ustuvorligining belgilash haqidagi iltimosnoma Patent idorasiga talabnoma topshirilgan sanadan boshlab ikki oy ichida berilganligi; g) talabnomada ko’rsatilgan belgini tovar va xizmatlar ro’yxatining birinchi talabnomadagi belgi va tovar xizmatlar ro’yxatiga muvofiqligi. Ko’rgazma ustuvorligi so’ralgan holda Qonunning uchinchi, to’rtinchi qismiga muvofiq quyidagilar tekshiriladi: a) ko’rgazma ustuvorligini tasdiqlaydigan hujjat mavjudligi ushbu Qoidalarning 11-bandida ko’zda tutilgan talablarga muvofiqligi; b) ko’rgazma ustuvorligi so’ralgan talabnoma Patent idorasiga kelib tushishi lozim bo’lgan eksponat ko’rgazmasida ochiq ko’rsatib boshlangan sanadan boshlanadigan olti oylik muddatga rioya qilinganligi; v) ko’rgazma ustuvorligini belgilash to’g’risidagi iltimosni Patent idorasiga talabnoma kelib tushgan sanadan ikki oydan oshmagan muddatda taqdim etilishi; g) ko’rgazma ustuvorligini belgilash so’ralgan belgi bilan belgilangan tovar ko’rgazmada namoyish qilingan bo’lsa, talabnomada ko’rsatilgan belgi namoyish etilgan tovarlardagi belgilarga muvofiqligi. Talabnomada ko’rsatilgan belgining Qonunning 3 va 10-moddalarida va ushbu qoidalarning 4-bandida belgilangan talablarga muvofiqligi tekshiriladi. Barcha elementlarda belgi boshqa belgi bilan mos tushsa aynan bir xil deb hisoblanadi. Agar belgi belgiga umuman olganda o’xshash bo’lsa, alohida farqlariga qaramasdan boshqa belgi bilan aralashtirib yuborish darajasida o’xshash deb hisoblanadi. Tovarlarning bir xil jinsligini belgilashda iste’molchida shu tovarlar bitta ishlab chiqaruvchiga qarashli degan tasavvur paydo bo’lishi ehtimoli

aniqlanadi. Tovarlarning bir jinsliligini belgilashda tovarlarning turi vazifasi, ular tayyorlagan material turi, tovarlarni sotish sharti isme’mol doirasi va boshqa alomatlar. ayanch iboralar: Tovar belgilari; xizmat ko’rsatish belgilari; guvohnoma; byulleten; Davlat organi; sertifikatlash; jo’g’rofiy ob’ekt; huquqiy muhofaza qilish; talabnoma ilovasi va talablari; ishonchnoma.

Nazorat uchun savollar: 1. Tovar belgilari tushunchasi va uning mohiyati. 2. Vakolatli davlat organlari. 3. Xizmat ko’rsatish belgilarining to’zili shva uning mohiyati. 4. Tovarlarning kelib chiqqan joy nomlari haqida. 5. Tovar belgilari va xizmat ko’rsatish belgilarining ustuvorligi haqida tushuncha. 6. Talabnomaga ilova etiladigan hujjatlarning topshirilishi.

O'xshashlar

Tovar belgisi, xizmat ko’rsatish belgisi va tovarlar kelib chiqish joy nomlarini rasmiylashtirish

Intellektual mulk huquqiy muhofazasi asoslari

O’zbekistonda intellektual mulk muhofazasi bo’yicha ishlarning tashkillashtirilishi

Ixtirolar, foydali modellar va sanoat namunalariga mazmuni tushunchasi, mohiyati

Bozor iqtisodiyotining mazmuni va amal qilishi