Истеъмолчиларга хизмат кўрсатувчи хоналар тавсифи - Iqtisodiyot - Referatlar

Истеъмолчиларга хизмат кўрсатувчи хоналар тавсифи

Yuklangan vaqt:

27.04.2023

Ko'chirishlar soni:

0

Hajmi:

97.5 KB

Ko'chirib olish

Истеъмолчиларга хизмат кўрсатувчи хоналар тавсифи Режа: 1. Хизмат кўрсатиш биноларига қуйиладиган талаблар. Архитектура. 2. Ресторан биносининг ички қисми (интерьер)

Хизмат кўрсатиш биноларига қуйиладиган талаблар. Архитектура. Ҳозирги замон ресторанларининг пештоқи ихчам манзарали-бадиий усуллар билан ичқарига ранг-баранг ёруглиқ берадиган қолиб ишланади. Кўп холларда пештоқнинг юқори қисми махсус кўзгу сифат ойналардан тайёрланади. Яхлит ёки қисман ишланган ойналарга атрофидаги манзараларга мосланган ҳолда белгилаб берилади. Ич ховлига гуллар майдончаси барпо қолиш мумкин бўлади. Рестораннинг пештоқи ташқи муҳит билан ҳамоханг бўлиб кетади. Ягона бадиийэстетик архитектура қиёфаси вужудга келиб, табиатга қўшилиб, мижозларнинг кайфиятини хушлайди, рухий шодлик хиссини уйғотади. Баъзан пештоқларга материал ишлатишда уларнинг табиий ҳолатича қолдирилади: гиштлар ўз холича, тошлар бўлакланган қояларни эслатади, ёғочлар ўз холича рандаланмаган, сопол маҳсулотлари ҳам «қўполлигича» терилади. Ресторан пештоқини безашда миллий меъморчилиқ намуналари қулланилади. Тунги пайтлар ресторан ташқи қиёфасининг чиройи электр нурлари билан ёритилишига боғлиқ. Ташқарини дид билан ёритиш бинонинг архитектура жихатдан куркига кўрк қушади. Ташкилотнинг характери, унга ёндашиш белгиланади. Ёритиш воситаларини яхлитроқ, дид билан ўрнатиш мижозлар диққатини жалб қилиши учун амалга оширилган тадбирлардан биридир. Шахар шов-шувларидан нарироқ, чеккароқда жойлашган қаҳвахона ёки ресторанларда одмироқ ёритиш усуллари қўллаш мақсадга мувофиқдир. Шовқин-суронли магистралларда, кишилар кўп тўпланадиган жойларда ёруғлиқ безаклари анча манзарали ва ёрқин бўлиши мумкин. Ресторан заллари бинонинг иккинчи-учинчи қаватларида бўлганда пештоқни хар қанча ёритса булаверади, аммо заллар пастки, биринчи қаватда бўлса, хаддан ташқари электр нурларига қумиб ташлаш мумкин эмас, чунқи ташқаридан тушган нур мижозлар кўзига тушиб халақит беради, электр

нурларини тўсиш чоралари қуришга тўғри келади. Шунинг учун пештоқни жихозлашда бунга эътибор бериш керак. Ресторан ва унга қириш жойи ўзоқдан билиниб туриши учун пештоқ элементлари, ёритилиши архитектура тизимида ҳисобга олиниши лозим. Ресторанга кишилар бир пайтда ҳам киришади, ҳам чиқишади. Буларни ҳам назарда тутиш шарт. 50 дан ортиқ ўринли зали бор ресторанларда хизматчилар учун алоҳида кириш-чиқиш эшиги, зинапоя бўлиши керак. Ресторанга қириш жойи тепаси енгилгина қилиб беркитилиши лозим. Бу ёгин-сочиндан мижозларни химоя қилиш ғамхурлигидан бир нишонадир. Бу ерда мижозлар зонтларини йиғиб, ўзларини ростлаб ичкарига киради. Ресторанга кирадиган эшиклар дид билан ишланиши ойна, ёғоч, металлардан қилинган ялтироқ, кўзга ташланадиган бўлса, пештоқи кўп жихатдан диққатга сазоварли бўлади. У икки томонга очиладиган, айланадиган бўлиши мумкин. Эшиклари қандай урнатилиши ичқарига кирадиган мижозлар оқимининг озлилигига боғлиқ. Тунги соатларда эшик олдида кишилар тўпланиб қолмаслиги керак. Айланадиган эшик энг қулай хисобланади, аммо кўп холларда бундай эшиклар ресторан турига тўғри келмайди . Ҳамма ҳолатларда ҳам ресторанга кириладиган эшик кўча томондан яхши кўриниб туриши, келувчиларнинг қирибчиқишига қийинчилик туғдирмаслиги керак. Ресторанга киришда эшик олдида пойафзални артиб кирадиган темир ўрнатилади, симтўр, чўтка қўйилади. Лой оёқ кийимларини артиб-тозаланиб, ичкарига қирилади. Тувачаларда хар хил ўсимлик, гуллар ўстирилади. 100 ва ундан ортиқ. киши сиғадиган ресторанларда, агар ташқарида 15°С совуқ бўлса, эшик бўйлаб иссиқ ҳаво юборилади. Ташкилот қуйидаги маълумотлар ифода этилган лавхага эга бўлиши керак: унинг тури, тоифаси, юридик шахснинг фаолият шакли, вазифаси, иш режими, кўрсатиладиган хизмат. Эшикларга осиб қуйиладиган эълонлар металлдан ёки органик ойнадан ясалиши ва сўзлар уйиб ёзилгани маъқул.

Ресторан дахлизида ёритиладиган табло ўрнатилади, унда залдаги бўш жойлар кўрсатиб турилади. Оркестр, хонандалар, мусиқа дастури ҳақида маълумотлар берилса, яна ҳам яхши бўлади. Архитектура нуқтаи назаридан хрзирги ресторанлар учта худудни ўз ичига олади; — таомлар тайёрлайдиган бўлим; — таомлар тарқатиладиган заллар; — дам олиш хоналари. Архитектура-қурилиш шакллари хилма - хил бўлишига қарамай, ресторанларни режалаштириш асосига умумий қомпозицион тамойиллар қуйилган — булар бинонинг ҳамма хоналаридан унумли фойдаланишнинг асос қилиб олинишидир. Қурилиш лойихаси меъёр ва қоидаларига мувофиқ рестораннинг мижозларига Овқатланиш заллари, дахлизи (гардероб, ювиниш ва хожатхонаси), катта зал, бар, коктейл-холл, буфетлар, чекиш хоналари хизмат қилади. Катта залларда рақс майдончалари, эстрада ва санъаткорлар чиқиши учун жой ажратилади. Баъзи ресторанларда шаҳарни томоша бажарадиган балконлар, қаватларда майдончалар бўлади. Савдо хоналарининг тавсифни Анъанага мувофиқ савдо хоналари, уйга таом бериш жойи, дахлиз (гардероб, ювиниш ва хожатхона), рестораннинг катта зали, барлар, коктейл- холлар, идиштовоқ, тахланадиган, идишлар ювиладиган жойлар — ҳаммаси савдо зали таркибига киради. Умумий овқатланиш ташкилотси савдо залларида бир уринга майдон меъёрининг қуйидаги сатхи (м 2 да) тўғри қелиши лозим: - ошхона 1,7—1,8 - қаҳвахона 1,2—1,7 - ресторанлар 1,7—1,8 - умумий тур тамаддихоналар 1,6 - сомса, сосисқа, чучварахоналар 1,4—1,6 - пиво барлари 1,4

Бу меъёрга эстрада, рақс, банкет заллари ҳам киради. Дахлиз (вестибюл) хар бир киши ресторан ёки қаҳвахона остонасини босиб ичкарига қирар экан, дахлиз, гардероб, заллар ва бошқа хоналар қандайлигига кўз ташлайди. Бу ердаги архитектура, ёруғлик берилиши, ахборот элементлари киши рухияти, Ички дунёсига дарров таъсир қилади. Дахлиз — бу мижозни биринчи қабул қилиб оладиган даргоҳ, шу ердан хизмат кўрсатиш бошланади. Дахлиз қандай жиҳозланганига, кутиб олувчиларнинг хушмуомалалигига қараб, бу рестораннинг хизмат кўрсатиш даражаси хасида мулоҳаза пайдо бўлади. Дахлизда келувчилар учун кийим ечишга гардероб, қўл ювадиган хона ва сўнгра зал келади. Дахлиз тор бўлса, келувчилар сиғишмай, навбат қатори кўчагача чиқиб қетса, бу хизмат сифатининг пасайишига, истеъмолчилар кайфиятининг бузилишига олиб келади. Дахлиз майдони ресторан зали майдонига мос келиши керак. Рестораннинг Ички безаги унинг номига муносиб бўлиши лозим. Лойихада шу нарсага эътибор бериш керакки, мижозлар эшикдан кириши билан залга рўпара бўлмасин. Дахлиз кенг бўлсин, кишилар эркин юрсинлар. Дахлиз майдони зал майдонининг тўртдан бирига тўғри келсин. Майдонига қараб дахлизлар кичик, катта ва залпешларга бўлинади. Булар залдан алоҳида бўлади, хизматлар ҳақида ресторан ахбороти ва йўл кўрсаткичлар осиб қўйиш тавсия этилади. Ресторан 50 уринли бўлса, дахлиз майдони 50 м 2 гача, 400—600 ўринли бўлса, 100 м 2 ва ундан ортиқ бўлади. Баъзи ресторан даҳлизларида газета, сигарет, совғалар сотиш уюштирилади. Даҳлизга ойналар, енгил-юмшоқ мебеллар, кресло, юмшоқ курсилар, журнал столлари қуйилади. Ресторан, қаҳвахоналарда совғалар сотиш учун витриналар, автоматтелефонлар ўрнатилади.

Гардероб — бу ерда ресторанга келувчиларнинг уст кийимлари қабул қилинади. Гардеробда икки томонлама кийим илгичлар бўлади, улар ишлаш учун қулай қилиб ясалган бўлиши керак. Баландлиги 1,5 м. Илгичларнинг миқдори залдаги ўринларга қараганда 10% ортиқ, бўлиши лозим. Илгичлар ва номерлар алоҳида буюртма асосида тайёрланади. Илгичлар оралиғидаги йўлақ 70 см дан кам бўлмаслиги керак. Сумкалар, портфеллар ва бошқа қўшимча буюмлар шкафчаларга қуйилади. Илгичларнинг пастки қисмида оёқ кийимлари учун ҳам шкафчалар бўлади. Гардероб ходими кийимларни илишдан аввал унинг эгасига номерни бериши, сўнгра кийимни илиши керак. Шундай тартиб амалга оширилганда иш тезлашади ва хар хил янглишмовчиликлар бўлмайди. Ресторандан чиқаётганда гардеробда биринчи навбатда уст кийим, сўнгра бош кийим ва ҳоказолар берилади. Залга кириш олдидан қўл ювилади, сочлар тартибга солинади. Гардероб ёнида хожатхона бўлади, унга юқори даражада санитария талаблари қўйилади: хаддан ташқари озодалик яхши шамоллатиш, ёритиш. Хожатхонада иссиқ ва совуқ, сув, атир совун, электрсочиқ ва ойна бўлиши шарт. Ресторанга келувчиларга қўлларини ювганларидан сўнг артиш учун бир марта ишлатиладиган сочиқ, қоғоз салфетка берилиши мумкин. Хожатхонада махсус қоғоз бўлиши керак. Яна кийим, пойафзални тозалаш учун чўткалар қуйилиши лозим. Чекиш хонаси. Бу хонага юмшоқ мебель, кулдон қўйилади. Тугун тортиш мўрилари мосланади. Кутиш зали (аванзал) — асосий залга қириш олдида катта зал — Кичик зал жойлашади. Ресторанга аввалроқ келиб қолганлар ёки банкетларни кутувчилар шу ерда тўпланади ва кейин залга киради. кутиш залида мижозлар жой бўшашини ёки банкетларга, Мехмондорчиликка келувчиларни кутиб турган бўлиши мумкин. Асосий залга муносиб равишда қутиш зали жихозланади. Бу ерга энг зарур мебеллар ўрнатилади: бир неча кресло, диван, журнал столлари. Қутиш залига қуйиладиган креслолар хордиқ

чиқаришга мосланган бўлиши лозим, суянадиган, ёнбошида тирсакларни тирайдиган бўлиши, асосий, залдагиларга қараганда буйи пастроқ бўлиши мақсадга мувофиқдир. Баъзан айланадиган креслолар қуйилади. Диванлар ўтирадиган алоҳида секциялардан иборат бўлиши мумкин. Катта зал ёки Кичик зал, гул, манзарали ўсимликлар ўстирилган идишлар билан безатилади, гуллар столлар билан бирга бўлади. полга катта гиламлар тўшалади. Кичик залга суянчиқсиз юмшоқ ўтиргичлар қўйилади, улар кресло диванлар билан чиройли манзара хосил қилади. Ҳозирги ресторанларнинг кутиш залларига юмшоқ қурсилар, журнал столлар кўринишни очади, зал ичи кенг кўринади. Кўп ресторанларда зални безаш учун расмлар, хайқалтарошлик ва бошқа санъат асарларидан фойдаланилади. Ресторан зали. Бу мижозларга хизмат кўрсатиладиган асосий жой. Ресторан зали архитектура ва манзарали элементлари безаги билан дам олишга мослашган, бу ерга келувчиларнинг руҳиятини кўтарадиган бўлиши керак. Деворлар, шит, полга ишлов берилган ранглар, мебелларнинг шакл ва кўринишлари, ёритиш усулининг оригиналлиги — залнинг ҳамма-ҳамма ҳолатлари мижозларда яна шу ерга келиш туйгусини уйғотиши керак. Архитекторлар ресторан залини театр саҳнасига ўхшатади — официантлар, бош официант, баъзи холларда ошпаз ва бошқа ходимлар ижрочилар, мижозлар эса томошабинлар ресторан залининг театрлашуви хар хил бўлиши мумкин, аммо бу ердаги байрамона муҳитузгармасдир. Бу ҳолатни зални лойихалаштирганлар ва уни безатганлар хисобга олишлари лозим. Ресторан зали ҳозирги замон талабларига тўла жавоб бериши, унинг ясатилиши, безатилиши бу ерга келувчиларга иложи борича маънавий озуқа бериши шарт. Залнинг катта-кичиклигидан қатьий назар бу ерга келганлар эркин нафас олишлари, хушчақчақ, бўлиб кетишлари керак. Хар бир мижоз столи яхши бўлишини, «энг яхши бўлишини хохлайди». Ахоли яшайдиган массивларда

жойлашган ресторанларга келувчилар бу ерни худди ўзиникидек тасаввур қилади ва энг яхши столни танлайди. Қаҳвахона, тамаддихоналарда бу нарсага эътибор йўқдеқ кўринади, аммо бари бир, мижозлар яхши жой танлайди, холисроқ, девор ёнига, бурчакроқ, столга ўтиради. Психологлар шу нарсани исботлаганқи, залнинг ёритилиши, майин овоз оханги (акустика), шамоллатилиши, столнинг чиройли безатилиши, салфеткаларнинг эстетик дид билан қўйилиши, столларда янги очилган, очилаётган гул ғунчаларининг бўлиши, паст овозли ёқимли мусиқа мижозларнинг кайфиятини кўтаради, иштахаларини очади. Ўзларини холис сезиш ва манзарадан лаззатланишда ёритиш тизими, залнинг ранг -баранглиги, акустика музика рол уйнайди. Агар зал Тушлик ва кечки таом пайтида мижозлар билан тўлиб-тошиб кетадиган бўлса, залларни бир неча зоналарга бўлиш мумкин. Банкетлар ва бошқа учрашувлар алоҳида залларда ўтқазилади. Асосий катта зал архитектура режалаштиришда муҳим рол уйнайди. У атрофдаги заллар, хоналар билан гармоник композицияда мосланган бўлиши керак, атрофдаги ҳамма элементлар хисобга олиниши шарт. Булар жумласига: стол устида дастурхон безатиш, таомларга шакл бериб чиройли қилиш, композиция, зал юзини ранг баранг безатиш, ойнадан қаралганда гўзал манзара кўриниши залнинг эни бўйича муносиб бўлиши зарур. Бундан ташқари зал таом тарқатиш бўлими, идиш-товоқдар турадиган жой, уларни ювадиган хона ва буфет билан яқин боғланган бўлиши керак. Бино ичининг тўзилиши яхши бўлса, мижозларга хизмат кўрсатиш тезлашади, таом сифати, шунингдек рестораннинг ишлаб чиқариш унумдорлиги ошади. Официантлар харакатида бир-бирларига тўқнаш келиб қолмаслиги учун ресторан таом тарқатиш жойидан хар икки томонга ҳаракат қилиш мумкин бўлсин. Официантлар бир томондан таом олиш учун киришлари, иккинчи томондан таомлар кўтариб чиқишлари мумкин. Бунда улар бир-бирларига халақит беришмайди.

Ресторан қуришни режалаштирганда иккита зал назарда тутилади. Рестораннинг биринчи қаватида — зал ва рақc тушиш майдончаси бўлади, айланма қурилган балконлар ҳам зал хизматини ўтайди. Рақс майдончаси. Рақс учун майдонча залнинг хажми ва композициясидан келиб чиққан холда танланади. Рақс майдони залнинг марказида бўлиши мақсадга мувофиқдир, чунки рақсга тушмайдиганларнинг ҳам эътибори марказга тез ва осон қаратилади. Рақс майдони рестораннинг бошқа қисмларида ҳам бўлиши мумкин, аммо бунда ҳамма ҳам рақсга туша олмайди ва кўпчилиқ томоша қилишдан четда қолади. Ресторанда рақс ва эстрада майдони ҳар бир ўринга 0,15м 2 тўғри келиши керак. Эстрада ўрни 3 дан 8 м гача ичкарига кирган бўлиши мумкин. Ресторан биносининг ички қисми (интерьер) Ресторан — таом истеъмол этиб, тез чиқиб кетадиган жой эмас. Бунинг учун Ўзбекистонда кабобхона, сомсахона, мантихона, чучварахона ва бошқа қаторқатор таомхоналар мавжуд. Хизматдаги, шошилиб турган кишилар ҳамма жойда мавжуд бўлган ошхоналарда бир зумда таом, истеъмол қилиб қетаверади. айниқса, Ўзбекистон мустақилликка эришгач, хусусий таомхоналар кўпайди, тайёрланаётган таомлар сифати яхшиланди. Бозор иқтисодиётига мос холда бу хусусий Овқатланиш объектлари орасида рақобат кучайди. Савдо, рақобат бор экан, демак, маҳсулот сифати юқори бўлади, баҳоси арзонлашади. Ўзбекистонда ресторан фаолияти унча тараққий этмаган бўлса ҳам, айниқса махаллий ахоли ресторанга киришдан кўра тўртта сих кабоб ейишни афзал кўрса ҳам, ресторанлар кўпайиб бормоқда, уларнинг хизмати яхшиланмоқда. Янги авлод — ёшлар тиққа туриб таом еб кетишдан кўра ресторанга қириб, ҳам таомланиб, ҳам маънавий озуқа олиб кетишни афзал қурмоқда.

Мижозлар ресторанларни кайфиятларига қараб танлайди. Мазали таом ейиш билан бирга, байрамона гўзал муҳитдан бахраманд булиш қандай яхши. Ҳозирги кунда пойтахтимиз Тошкентда европа, турк, япон, хитой, корейс, араб мамлакатлари таомларини тайёрлайдиган миллий ресторанлар пайдо булмоқда. Мижозлар исталган ресторанларини танлаб таомланиб, хордиқ, чиқариши мумкин. Рестораннинг ички қисмининг ясатилишида қуйидагилардан фойдаланиш мумкин: — безак беришда хаддан ташқари модали стилларга берилиш керак эмас; — савдо залини хар хил бачқана уйинчоқлар, майда-чуйдалар билан ўраб ташлаш ярамайди. —- ресторанга бўладиган асосий ғамхурлик савдо залига безак бериш, яхши ёритишдан иборат; Қўйидагиларга асосий эътибор берилиши керак: дастурхон, салфетка, шторлар, гилам, стол ва стуллар. Рестораннинг ички безатилишигина келувчиларнинг кайфиятини кўтаравермайди, бунинг учун яна аъло даражадаги хизмат ҳам керак, маданий хизмат зарур. Ички безакни шартли равишда икки қисмга булиш мумкин: динамик ва статик. Биринчи гурухга залнинг ичи, холл, зинапоялар, кириш йулаги ва кириш атрофидаги майдонлар киради. Бундай лойиха шахар ташқарисида, ўрмон ичларида, қадимги архитектура шаклларига бой иморатлар орасида қуриладиган ресторанлар учун хосдир. Бу турдаги ташкилотлар қурилишида залнинг бир қисми табиат билан уйгунлашиб кетади. Ресторанга келган кишилар ўзларини она табиат қучоғида ёки тарихий архитектура ёдгорликлари қўйнида деб хис қилади. Қуршаб олган муҳитнинг (тогу- тошлар, дарахтлар, кўм-кўк кўкатлар, шалдираб оқаётган шар-шара сувлар) ҳаётбахш хис-туйрулари қишини ўзига ром этади

Иккинчи гурухга кирувчилар шахар ичларида жойлашган, атрофида дарахтлар, кўкаламзор майсалар бўлса ҳам, худди табиатдан ажралгандек. Кўп ресторанлар Мехмонхоналар ичида жойлашган. Буларда миллий уйғунлиқ таъсири бор. Йирик ресторанларда заллар безалганда тантанавор байрам руҳи сезилиб туриши лозим. Буни ресторанга кирувчи хар бир киши хис қила билсин. Баъзи ресторанлар шундай ясатиладики, холл, дахлиз, зал бир-бирига ухшамайди, бу ҳам ўзига муносиб тантана муҳитини вужудга келтиради. Хар бир ресторанда ўзига хос хусусият яратиш учун интилиш унинг залига бўлган эътибордан бошланади. Зал ясатилиши бинонинг ташқи қиёфаси, ясатилиши билан ҳамоханг бўлиши лозим. Ресторан қурилишида оммавий ишлатилган материллардан ясалган безаклар қуйилиши мақсадга мувофиқ, эмас. Масалан, ухшаш ойналар, тунука, ёғоч материаллар. Ресторанни жихозлашда, агар иш асосига бадиийлик сингдирилса, заллар покиза, мебель, идишлар, таомнома муқоваси гўзал, ходимлар кийими бир хилда чиройли, ёритилиш тўла амалга оширилса, фирма услубига ёки муҳим алоҳидаликка эришиш мумкин. Залнинг об-ҳаво шароити. Ресторан залини архитектура- режалаштиришда об-ҳаво ва ҳаво намлигига ҳам эътибор берилади. Ҳаво харорати 16-18°С, ҳаво намлиги 60-65 % бўлиши назарда тутилади. Ишлаб чиқариш цехидан, айниқса, иссиқ цехдан буг аралаш иссиқ ҳавонинг залга ўтмаслиги чоралари кўрилади. Ёз ойлари Ўзбекистонда об-ҳаво исиб кетади, ташқаридаги харорат 40 ва ундан ошган пайтлар қуёш хона ичини ҳам қизитади. Ресторан деразаларининг қуёшга қараган кўча томонларида соябонлар ўрнатилади ва иссиқ ҳавони қайтарувчи мосламалар қуйилади. Рахбарлар ресторан ичи исиб кетмаслиги чораларини кўради. Залнинг вентиляцияси. Ресторан жихозлари ичида шамоллатиш тизими ҳам тегишли ўрин эгаллайди. Вентиляция ичкаридаги ҳавони

иссиқликдан, нам ва зарарли буғдан тозалайди. Вентиляциянинг асосий вазифаси шундан иборатки, у залга тоза ҳаво киритади, ифлосланган ҳавони хайдаб чиқаради. Ресторан ичида ҳаво харорати ва ҳаво алмашинишининг мўътадиллиги Ҳаво алмашиниш мўътадиллиги, °С Кириш Тортилиши Дахлиз, катта зал 16 2 — Ярим тайёр маҳсулотлар, кулинар маҳсулотлар, Тушлик, қандолат сотиладиган хоналар, сочиқ салфетка, хона маҳсулотлари 16 2 2 Зал, таом тарқатиш, буфет 16 Хисоб буйича Хисоб буйича Табиий шамоллатиш — ойна, форточка, эшиклар орқали доимо ҳаво алмашиб туради. Махсус қурилмалар орқали шабада, шамол тўлқинлари ичкарига киритилади. Ресторанларда электродвигател орқали ичкаридан бузилган ҳаво чиқарилади, ташқаридан тоза ҳаво киритилади, бу ресторан зали, хоналари ва ишлаб чиқариш объектларида бир меъёрда харорат бўлишини таъминлайди, 50 кишигача киши сигадиган залларда фақат ҳаво тортадиган вентиляция тизими ўрнатилади. Катта залларда ҳаво киритадиган ва чиқарадиган қурилма ўрнатилади. Йирик ташкилотларда зал учун, ёрдамчи хоналар, цехлар учун алоҳида-алоҳида вентиляция тизими бўлади. Вентиляцияни ёқиш ёки ўчириш жадвали ташкилотнинг иш жадвалига мос келмай қолган холлар ҳам бўлади. Натижада залларнинг газланиши юқори қўтарилади, бу иш унумига салбий таъсир қилади, хатто официантларнинг хасталанишига олиб келади. Бундай ҳолатлар бўлмаслиги чора-тадбирларини кўриш лозим.

Адабиётлар: 1. Dr. John R Walke. The Restaurant: From Concept to Operation. Wiley.2013 2. Д.Асланова, Т.Худойшукуров, М.Мўминов «Дунѐ халқларини овқатланишининг ўзига хос хусусиятлари» Ўқув қўлланма ―Зарафшон‖ 2007.-112 б. 3. Тюнков Б.К. Электронная техника предприятий торговли. – М.: КНОРУС, 2006. – 192 с. 4. Қурбонов Ж.М. Овқатланиш корхоналари жиҳозларининг эксплуатацияси. Дарслик. – Т.: «IQTISODIYOT-MOLIYA», 2011. – 376 б. 5. Н.И.Кабущкин, Г.А.Бодаренко «Менеджмент гостиниц и ресторанов». – Минск, ООО ―Новоезнание‖, 2001 г. 6. «Ресторанный сервис. Основы международной практики обслуживания для профессионалов и начинающих». Изд. Центрополиграф. - М.: ЗАО, 2003 г.-188 стр. 7. В.В.Усов. «Организация производство и обслуживания в общественном питании». – М., 2002 г. 8. Каталог контрольно-кассовых машин. – М.: СПб, 2002. 9. Арустамов Э.А. Оборудование предприятий (торговли). – М.: Дашков и К 0 . 2000. 10. Арустамов Э.А., Лефанов В.А., Митрафанова Т.П. Банковское таможенное и офисное оборудование. – М.: Маркетинг. 2000. 11. Применения контрольно-кассовой техники. Серия «Налоги года». Издательский центр «МЫСЛЬ», Новосибирск, 2003.

O'xshashlar

Ресторанда хизмат кўрсатувчи ходимлар ва уларга қўйиладиган талаблар

Ресторанда ишлаб чиқаришни ва истеъмолчиларга хизмат кўрсатишни, ташкил этиш менежменти

Хоналар фонди ва менежер иши

Молиявий ҳисоботларнинг тавсифи

Мехмонхона ресторанларида туристлар овқатланишини ташкил этиш