Ресторанда хизмат кўрсатувчи ходимлар ва уларга қўйиладиган талаблар - Iqtisodiyot - Referatlar

Ресторанда хизмат кўрсатувчи ходимлар ва уларга қўйиладиган талаблар

Yuklangan vaqt:

27.04.2023

Ko'chirishlar soni:

0

Hajmi:

57.5 KB

Ko'chirib olish

Ресторанда хизмат кўрсатувчи ходимлар ва уларга қўйиладиган талаблар Режа: 1. Ресторанларда хизмат қиладиган ходимлар ташқи қиёфасига қўйиладиган талаблар. 2. Овқатланиш корхоналари ходимларининг хизмати сифатига қўйиладиган талаблар. 3. Ресторан корхоналарида ходимлар ва улар меҳнатини ташкил қилиш.

Ресторанларда хизмат қиладиган ходимлар ташқи қиёфасига қўйиладиган талаблар. Чет эллик туристларга хизмат қилувчи ходимларнинг, айниқса официант, бармен ва метрдотелларнинг, ташқи қиёфасига, шахсий гигиенасига, муомаласига ва чет тилларни билишига катта эътибор берилади, чунки хизмат кўрсатувчи ходимларнинг кийинишига, шахсий гигиенасига, хушмуомалалигига, ҳатти– ҳаракатига, хизмат қилишда этикет қоидаларига риоя қилишига ва ишчанлигига қараб овқатлантириш корхонасининг ва бу ерда тайёрланаётган таомларнинг ҳамда кўрсатилаётган хизматларнинг сифати тўғрисида хулоса чиқарилади. Официантлар, барменлар ҳамда метрдотеллар ташқи қиёфасига таъсир қилувчи асосий омилларни иш вақтида киядиган устки ва оёқ кийимлари, уларнинг тозалиги ва соқол–мўйловлари ва сочининг ҳолати ташкил қилади. Шу сабабли ҳам ходимларнинг иш кийимлари бугунги кун модасига кўра бичилган, тикилган, қадди–қоматига ярашган ва нафис кўринишли бўлиши лозим. Бундан ташқари иш кийимлари дид билан дазмолланган бўлиши керак. Иш кийимларининг материалларида, бичилишида ёки тикилишида ўзбек миллий анъаналари ўз ифодасини топса мақсадга мувофиқ бўлади. Ходимларнинг униформаларида корхона мавқеийига мос ва дизайн талабларига жавоб берадиган эмблема тамғаси солинган бўлиши лозим. Амалдаги қоидаларга кўра иш кийимларига бошқа тақинчоқларни тақиб хизмат қилиш ман этилади. Оёқ кийимларига ҳам қатор талаблар қўйилади. Улардан энг асосийси туфли рангининг иш кийими рангига мос келишидир. Бундан ташқари оёқ кийимлари ярқиратиб тозаланган, ходимларнинг хизмат қилишда чарчамаслиги ва шовқин чиқармаслиги учун паст пошнали бўлиши шарт. Хизматчи ходимлар хизмат истеъмолчиларининг доимо назорати остида бўлади. Шунинг учун ҳам уларнинг сочлари қисқа қилиб олинган, яхшилаб таралган бўлиши ва юзини қоплаб турмаслиги керак. Ходимларнинг

соқол– мўйловлари эса қиртишлаб олинган бўлиши ҳамда уларнинг прическалари корхонанинг мавқеийига мос келиши шарт. Аёл официантлар иш даврида косметика ва парфюмериядан ҳамда тақинчоқлардан фойдаланишлари мумкин, лекин улар кучли ҳид, ярқираган ранг бермасликлари, тақинчоқлар эса яққол кўзга ташланмаслиги ва шу билан бирга ҳуснига ҳусн қўшадиган бўлиши керак. Чет эллик Мехмонларга хизмат қиладиган ходимлар шахсий гигиена талабларига жуда ҳам катта итоат қилишлари лозим: ички кийимлар ва пайпоқлар ҳар куни тозасига алмаштирилиб кийилиши, бадан ва юз–қўллар совунлаб ювилиши шарт. Бундан ташқари тирноқлар ҳам қисқа қилиб олинган бўлиши лозим. Хизмат қилувчи ходимларнинг ички ва иш кийимлари нафақат ишлашга ҳалақит бермаслиги, табиий материаллардан тикилган ва иссиқликни яхши ўтказадиган бўлиши керак. Кўрсатилганлардан ташқари турист ва аҳолига хизмат қилувчи ходимлар ўткир ҳидли таомларни истеъмол қилмасликлари ва ўткир атир– упалардан фойдаланмасликлари лозим. Овқатланиш корхоналари ходимларининг хизмати сифатига қўйиладиган талаблар. Хорижий туристларга хизмат қилишда уларнинг овқатланишига хос хусусиятларни, ходимлар қиёфасини ва шахсий гигиенасини ҳисобга олишдан ташқари кўрсатилаётган хизмат сифатига ўта катта аҳамият берилиши лозим, чунки чет эллик туристлар ходимлар қиёфаси, шахсий гигиенаси, корхонанинг санитария ҳолати ва хизмат сифатига қараб республиканинг барча овқатланиш корхоналари ва миллат маданияти тўғрисида хулоса чиқаришлари мумкин. Шу сабабли ҳам ҳар куни чет эллик туристларга хизмат қилувчи метрдотел улардан корхона хизмати сифати ва санитария ҳолати тўғрисида уларнинг фикрларини олади ва корхона

раҳбарига (соҳибига) етказади. Олинган маълумотлар асосида камчиликларни тузатиш бўйича зудлик билан чоралар кўрилади. Юқорида кўрсатилганларни ҳисобга олган ҳолда овқатлантириш корхоналари ходимлари ўзларининг кўрсатаётган хизматлари сифатига катта аҳамият беришлари лозим ва улар доимо Мехмонлар назорати остида эканлигини унутмасликлари керак. Ташқи гўзал қиёфага эга, шахсий гигиенага қатъий риоя ва ҳеч қандай камчиликсиз хизмат қиладиган ва хушмуомалали ходимлар ўзларига ва корхонага ишонч ҳосил қилишдан ташқари корхона вакили сифатида Мехмонлар назарида унинг шуҳратини оширади. Чет эллик туристларга хизмат қиладиган ҳар бир корхона кўрсатаётган хизмат сифатини кўтариш мақсадида корхона мавқеийига мос келадиган ва уни янада оширадиган шахсий хизмат кўрсатиш стандартларини ишлаб чиқишлари ва амалда уларга қатъий риоя қилишлари лозим. Корхонада чет эллик туристларга хизмат кўрсатиш сифатига қуйидагилар катта таъсир кўрсатади: ҳар бир ишнинг жуда ҳам эҳтиёткорлик билан ва аниқ бажарилиши; ходимлар томонидан Мехмонларга ғамхўрлик кўрсатилиши, хизмат вақтини аниқ режалаштирилиши, ўз–ўзини назорат қилиши, профессионал ва социал коммуникативлиги. Юқорида кўрсатилган ишларни сифатли бажариш ходимларнинг касбий маҳоратига боғлиқ бўлади. Касбий маҳорат деганда хизмат қилиш тезлиги, хизмат қилиш бўйича ҳар қандай ишни бажаришда тозаликка ва этикет қоидаларига қатъий риоя, хизмат истеъмолчиларига ғамхўр қилиш ва маслаҳатлар бериш маҳорати тушунилади. Хизмат қилиш тезлиги - бу хизмат истеъмолчиларининг кутиш вақтини минимум қисқартиришдир. Бу официантлар, барменлар ва метрдотелларнинг ишлаши учун қулай шароитларни яратиш ва овқатланиш зали бўйича ҳаракат қилиши автоматизм даражасигача етказиш орқали эришилади. Хизмат истеъмолчиларига ғамхўрлик деганда хизмат қилувчи ходимларнинг уларга ҳурмат билан қараши, уларнинг истак ва ҳоҳишларини

бажаришга доимо тайёрлиги, хушмуомалалиги, сабр–тоқатлилиги ва одоблилиги тушунилади. Демак, хизмат истеъмолчиларига ғамхўрлик қилиш метрдотель, официант ва барменлардан этикет қоидаларига қатъий риоя қилишни талаб қилади. Бундан ташқари ғамхўрлик тез ва сифатли хизмат қилишни ҳам ўз ичига олади. Хизмат қилишда тозаликка риоя қилиш чиройли хизмат кўрсатиш, санитария ва шахсий гигиена қоидаларига риоя қилишни билдиради. Социал коммуникативлилик - хизмат қилувчи ходимларнинг хизмат истеъмолчилари билан тез муомалага туша олиш қобилиятини билдиради. Коммуникативлиликда хорижий истеъмолчилар тилларини билиш, гапга чечанлик, очиқ чеҳралилик ва самимийлик ҳамда берган ваъдасининг ўз вақтида устидан чиқа олиши катта аҳамиятга эга. Хизмат қилувчи ходимларнинг зийраклилиги хизмат истеъмолчиларининг истакларини олдиндан била олиш қобилиятини ва ҳар бир Мехмонга нисбатан алоҳида ғамхўрлик кўрсатишни билдиради. Кўрсатилганлардан ташқари ходимлар хизмат бошланишидан олдин устки ва оёқ кийимларини тартибга келтиришлари, сочларини яхшилаб тарашлари, қўлларини совунлаб ювиб, дезинфекция қилишлари ва зарур бўлса, оғиз бўшлиқларини тозалаб ювишлари керак. Чет эллик Мехмонларга хизмат қилувчи ходимлар улар билан хизмат соҳасидан ташқари бошқа масалалар юзасидан гаплашишлари мумкин эмас Ресторан корхоналарида ходимлар ва улар меҳнатини ташкил қилиш Ресторанда меҳнат ресурсларини кўпайиши учун етарли имкон тўғилмокда. Ресторандаги меҳнатнинг 70-75%и фақат тайёр маҳсулотларни харакатини амалга ошириши билан шуғулланади. Булар асосан ошпазлар, сотувчилар, официантлар, сотувчи назоратчилар, омбор ходимлари, экспедиторлар ва шу кабилардир.

Ресторанда банд бўлган ходимлар сони савдонинг меҳнат ресурсларининг бир қисмини ташкил этади. Ресторан ходими деб маълум бир даврда хақиқатдан ҳам ресторанда банд бўлганлар сонига айтилади. Ресторан ходимлари мехнатини ташкил қилиш муҳим вазифалардан бири хисобланади. Ресторан ходимларига раҳбардан тортиб, то назоратчига бўлган ходимлар киритилади. Ресторан ходимларининг асосий қисми ошпазларга, официантларга, сотувчиларга тўғри келади. Айни шулар бевосита товарлар билан аҳолига хизмат кўрсатади. Ошпазлар, официантлар товарнинг сифати, унинг ишлатилиш техникаси, сақланиш муддати ва шу кабиларга эътиборини қаратиши керак. Ходимлар меҳнатини ташкил қилиш ресторан маъмуриятининг, айниқса унинг менежери томонидан амалга ошириладиган маъсулиятли вазифадир. Меҳнатни тўгри ташкил қилиш ҳар бир ходимни ишини аниқ рационал, белгиланган, қабул қилинган нормалар асосида аникдаб олиш билан бевосита боғликдир. Ҳозирги шароитда бозор муносабатлари хўжаликни барча қирраларини қамраб олаётган бир даврда меҳнатни самарасини ошириш мақсадида катта ишлар қилинмоқда. .

Адабиётлар: 1. Dr. John R Walke. The Restaurant: From Concept to Operation. Wiley.2013 2. Д.Асланова, Т.Худойшукуров, М.Мўминов «Дунѐ халқларини овқатланишининг ўзига хос хусусиятлари» Ўқув қўлланма ―Зарафшон‖ 2007.-112 б. 3. Тюнков Б.К. Электронная техника предприятий торговли. – М.: КНОРУС, 2006. – 192 с. 4. Қурбонов Ж.М. Овқатланиш корхоналари жиҳозларининг эксплуатацияси. Дарслик. – Т.: «IQTISODIYOT-MOLIYA», 2011. – 376 б. 5. Н.И.Кабущкин, Г.А.Бодаренко «Менеджмент гостиниц и ресторанов». – Минск, ООО ―Новоезнание‖, 2001 г. 6. «Ресторанный сервис. Основы международной практики обслуживания для профессионалов и начинающих». Изд. Центрополиграф. - М.: ЗАО, 2003 г.-188 стр. 7. В.В.Усов. «Организация производство и обслуживания в общественном питании». – М., 2002 г. 8. Каталог контрольно-кассовых машин. – М.: СПб, 2002. 9. Арустамов Э.А. Оборудование предприятий (торговли). – М.: Дашков и К 0 . 2000. 10. Арустамов Э.А., Лефанов В.А., Митрафанова Т.П. Банковское таможенное и офисное оборудование. – М.: Маркетинг. 2000. 11. Применения контрольно-кассовой техники. Серия «Налоги года». Издательский центр «МЫСЛЬ», Новосибирск, 2003.

O'xshashlar

Меҳмонхона ва ресторанларда хавфсизликни сақлаш ва уларга қўйиладиган санитар талаблар

Истеъмолчиларга хизмат кўрсатувчи хоналар тавсифи

Ресторанда ишлаб чиқаришни ва истеъмолчиларга хизмат кўрсатишни, ташкил этиш менежменти

Мехмонларга хизмат кўрсатишга тайёргарлик кўришнинг моҳияти

Ресторанда этикетнинг асосий қоидалари