Мехмонхона ресторанларида туристлар овқатланишини ташкил этиш - Iqtisodiyot - Referatlar

Мехмонхона ресторанларида туристлар овқатланишини ташкил этиш

Yuklangan vaqt:

27.04.2023

Ko'chirishlar soni:

0

Hajmi:

431 KB

Ko'chirib olish

Мехмонхона ресторанларида туристлар овқатланишини ташкил этиш Режа: 1. Мехмонхоналар классификацияси. 2. Мехмонхона турлари. 3. Хоналар. Интерьер. 4. Туристлар овқатланишидаги асосий хизмат формалари.

Мехмонхоналар классификацияси Мехмонхоналарни категориялар бўйича таснифлаш қуйидаги талабларга асосланади: - Моддий-техник таъминланганлиги; - хизмат турлари ва сифатли хизматлар кўрсатиш; - хизмат кўрсатиш даражаси. Категориялар « ٭ » юлдуз белгилар орқали таснифланади. Хизматлар даражаси қанчалик юқори эканлигини юлдузлар сони кўплиги билан аниқланади. Мехмонхоналар 5та тоифага бўлинади. Олий даражали Мехмонхоналар 5та ٭٭٭٭٭ юлдуз билан белгиланади. Энг паст даражали Мехмонхона « ٭ «1 та юлдуз билан белгиланади. Мехмонхоналарда қуйидаги минимал даражадаги стандарт талаблар белгиланган: 1. Ҳар қандай даражадаги Мехмонхоналар қуйидагиларга эга бўлиши керак: қулай юриш йўллари, йўлакларга белгилар қўйилган бўлиши, барча ерлар етарли ёритгичлар билан таъминланган бўлиши, тоифаси кўрсатилган ва мемонхона номлари мавжуд «вивеска»ларга эга бўлиши керак. Мехмонхона бинони бир қисмини эгаллаган бўлса алохида кириш йўллари бўлиши шарт. 2. Бинонинг қурилиш элементлари ва архитектура-режалаштириш қарорлари, ҳамда фойдаланаётган техник воситалар қурилиш нормаларига (меъёр) жавоб бериши зарур. 3. Мехмонхонанинг экологик жихатдан жойлашуви яшовчиларга қулай бўлиши керак. 4. Мехмонхона шароитлари яшов учун бехатар, Мехмонларни буюмлари ва соғликлари сақланишига жавоб бера олиши керак. 5. Бинонинг авария чиқиш йўллари, зиналари ва кўрсаткич белгилар авария холатида ҳам оддий холатда ҳам аниқ кўрсатилиши зарур.

6. Мехмонхона ёнғинга қарши химоя воситалари билан таъминланган бўлиши керак. 7. Мехмонхонада санитар-эпидемиология назорати томонидан ўрнатилган санитар-гигиена меъёри ва қонунларига риоя қилиниши зарур. 8. Мехмонхона иссиқ ва совуқ сувлар захираси билан таъминланган бўлиши, қувурлар (канализация), иситгичлар, совутгичлар, хавони янгиловчи жихозлар билан таъминланган бўлиши керак. Ҳар бир номерда радио, телевизор ва телефон алоқалари билан таъминланган бўлиши зарур. Табиий ва сунъий ёритилиш меъёрларига жавоб бериши шарт. Номер фонди бир ва иккиталик ўринлар билан таъминланган номерлар 60 фоиз бир « ٭ » юлдузли Мехмонхоналар, 80 фоиз икки « ٭٭ » юлдузли ва 100 фоиз уч « ٭٭٭ », тўрт « ٭٭٭٭ » ва беш « ٭٭٭٭٭ » юлдузли Мехмонхоналарга хос. Кўп хонали номерлар (апартамент) уч ва ундан ортиқ юлдузли Мехмонхоналарда мужассамлашгандир. Мехмонхона хоналарининг майдони қўйидагича бўлиши керак: - 1 хонали 1 ўринли 8 кв.м. бир ёки икки юлдузли, 10 кв.м. икки юлдузли, 12 кв.м. уч юлдузли, 16 кв.м. тўрт юлдузли, 18 кв.м. беш юлдузли Мехмонхоналар учун; - 1 хонали 2 ўринли номер 12 кв.м. бир ёки икки юлдузли, 14 кв.м. уч юлдузли, 20- 25 кв.м. тўрт юлдузли ва беш юлдузли Мехмонхоналарга хос; - 4 юлдузли ва 5 юлдузли Мехмонхоналарда тренажёр заллари, бассейнлар, сауна, дўкон ва маиший сотув шахобчаларида ҳам хизмат кўрсатилади; - 2 ва ундан ортиқ юлдузли Мехмонхоналарда овқатлантириш хизматлари кўрсатилади, 2 юлдузли Мехмонхоналар кафе ёки ресторанга эга бўлади, 3 юлдузли Мехмонхоналар ресторан ва бар, 4 ва 5 юлдузли Мехмонхоналарда рестораннинг бир неча заллари, алохида хоналари, банкет заллари, конференция заллари, тунги клубларга эга бўлади. Мехмонхоналарда таклиф қилинаётган таомлар вариантини танлаш имкони берилади (нонушта, 2 марталик, 3 марталик). 4 ва 5 юлдузли Мехмонхоналарнинг бар ва кафетерида ва номерларида кеча-кундуз истаган

вақтда хизмат кўрсатилади. Мехмонхона ходимларига қўйиладиган талабларини, ишлаш хуқуқларини ва мажбуриятларини яхши билишлари, хизмат даражалари жахон стандартига жавоб бериши зарур. Раҳбарлар ва ходимлар касбий тайёргарликдан ўтган бўлиши шарт. Энг асосий талаб – чет тилини билиш. 3дан 5 юлдузгача бўлган Мехмонхоналарда ходим бирон бир чет тилида бемалол гаплаша олиши керак, хизмат даврида 2-3та чет тилига таржима қилиши ҳам зарур бўлади. Чет эл давлатларидаги классификация. Хозирги кунда 30 хилдан ортиқ классификация тизими мавжуд. Булардан кенг тарқалгани қуйидагилар: - Юлдуз тизими (1дан 5гача) асосидаги француз классификацияси; - Харф тизими (А-В-С-Д) (асосан Грецияда қўлланилади); - Балл тизимдаги (Хиндистон); - Разряд тизимдаги (АҚШ); - Тож тизимдаги (Буюк Британия). Юлдуз тизими. Европа типи. Француз тизими асосида классификацияланади. У мехҳонхоналар учун 5 даража ва мотеллар учун 3 даражали белгиланади. Асосан Франция, Австрия, Венгрия, Бельгия, Голландия, Миср Араб Республикаси ва Россия давлатларида қўлланилади. Мехмонхоналарда уларни керакли жихозлар билан таъминланиши сифати, қулайлилик жиҳатига боғлиқ ҳолда 1дан 5га қадар кўпайиб боради. Мотелларга эса 1дан 3га қадар белгиланади. Хинд типи. Мехмонхона 1дан 5гача бўлган даражада белгиланади. Махсус комиссия асосида балл берилади. қандай даражага эга бўлишидан қатъий назар минимал балл йиғиндисини олиши зарур, чунки ҳар бир пункт учун 50 фоиздан кам балл олмаслиги керак. Тож тизими. Listed-турар жой билан таъминланади, аммо хизмат кўрсатиш чегараланган. Бир тожли – қўл ювиш жихози ва телефон ҳар бир хонада бўлади.

Икки тожли – эрталаб чой берилади, рангли телевизорлар мавжуд бўлади. Хонанинг 5дан бир қисмида алохида хожатхона, ҳаммом ёки душ билан таъминланган бўлиб, кечқурун иссиқ овқат олиши мумкин бўлади. 3-4 тожли – 90 фоиз хоналар алохида хожатхона, ҳаммом ёки душ, рангли телевизор, радио, телефон, кир ювиш хизматлари, исталган вақтда хонага буюртма бериш мумкин. 5-тожли – ҳар бир номерда хамма қулайликлар бор, хона йиғиштириш қўшимча пул тўлаб кир ювдириш ҳам мумкин. Мехмонларни кеча-ю кундуз қабул қилинади. Нонушта, тушлик ва кечки овқат учун турли хил таом ва ичимликларни Мехмонхона ресторанида истеъмол қилиш мумкин. Бошқа белгилар тизими. «Калит» белгили – фақат яшаш учун номер билан таъминланади. Овқатланишни ўзингиз ташкил қиласиз. Калитлар қанчалик кўп бўлса хизматлар даражаси шунчалик кўп бўлади. «В» белгили – карават ва нонушта билан таъминланади. Одатда бу хусусий уй ҳисобланади, хона бронлаш шарт эмас. «Ой» белгили – тунаш учун жой. Авто йўлдаги бошпана ҳисобланади. қанчалик ой кўп бўлса шунчалик қулайлиги юқори бўлади. Мехмонхона турлари Мотел – автотуристлар учун Мехмонхона. қулай номерлардан ташқари туристларга автомашиналарини турар жойлари билан ҳам таъминланади. Одатда мотелларда ресторан, бар, кино-видеофильмлар кўриш, конференция заллари, спорт билан шуғулланиш ва ўйин майдонлари, бассейн, теннис кортлари ҳам хизмат кўрсатади. Кемпинг – одатда шаҳар чеккасида мотелдан узоқ бўлмаган ерда жойлашган бўлади. Автотуристлар, мототуристлар ва велотуристлар учун қулайлик яратилган бўлади. Туристларга ётиш учун хона берилади, кўпинча

палатка ёки ёзги уйчалар ва баъзи қулайликлари билан жихозланган ошхоналарда махсус таомларни тайёрлаш мумкин. «Ротель» – харакатланувчи Мехмонхона, вагон кўринишидаги 1 ёки 2 ўринли номерга эга бўлган, кийиниш хонаси, умумий овқатланиш, умумий хожатхонага эга бўлган Мехмонхона. Флотель – сузиб юрувчи Мехмонхона кемаси. Сувдаги улкан отел, махсус жихозланган бўлади. қулай номерлардан ташқари, яхши дам олиш учун қулайлик яратилган, вақтинчалик офисдан фойдаланиш, оператив восита алоқалари: телефон, ксерокс, факс ва бошқа хизматлар кўрсатилади. Ботель – унчалик катта бўлмаган сувдаги Мехмонхона. Жиҳозланган қулайликларга эга бўлган кема. Туристик база – бу туристик мажмуа бўлиб унинг таркибига туристларни қабул қилиш ва жойлаштириш биноси ҳамда фаол дам олишни таъминловчи хизматлар киради. Туристик базалар асосан фаол туризм билан шуғулланувчи туристларни қабул қилади. Уларга алпинистлар, сув, чанғи спорти билан шуғулланувчилар ва бошқалар киради. Туристик уй – фаол харакатдаги туристларни қисқа муддат дам олиши учун мўлжалланган бош панадир. Булар асосан тоғ ён бағрида жойлашган бўлиб шартшароитлари минимал даражада бўлади. Хозирги замон Мехмонхоналари ўзининг катта-кичиклиги, баланд- пастлиги, конструкция типи, шинамлилик даражаси, ишлаш тартиби (доимий, мавсумий), жойлашган жойи (шаҳар, курорт, қишлоқ), функционал мақсади, овқатлантириш билан таъминланганлиги, яшашнинг давомийлиги, баҳоларнинг даражаси билан фарқланади. Мехмонхоналар жойлашган майдонларга қараб қуйидагиларга бўлинади: - шаҳар майдонида жойлашган; - қишлоқ жойда жойлашган. Мехмонхоналарнинг катта-кичиклиги уларда мавжуд бўлган ётоқ жойлари билан аниқланади. Ҳар бир давлатда бу кўрсаткич ҳар хил қабул қилинган. Масалан Швейцария ва Австрияда Мехмонхоналар 100 ўриндан

кам бўлса бундай Мехмонхоналар кичик, 100-200 ўринлик – ўрта, 200 ўриндан ортиқ бўлса катта ҳисобланади. Чехияда 120 ўриндан кам бўлса кичик, 500гача – ўрта 500дан ортиғи – катта, АҚШда 100гача – кичик, 500гача – ўрта ва 500дан ортиғи катта. Шаҳарда хоналар фондини аксарияти ўрта ва кичик Мехмонхоналарда жойлашган. Кейинги пайтларда туризмнинг ўсиши билан катта Мехмонхоналарни кўпайиши кўзга ташланмоқда. Катта Мехмонхоналарнинг қурилишининг асосий сабабларидан бири бу иқтисодий манфаатдорликдадир. Агар бир хил даражадаги қулайликка (комфорт) эга бўлган Мехмонхонани 3,3 баробар кўпайтирсак (132 ўриндан 440 ўрингача) бунда бир ўринга кетадиган қурилиш харажатлари тахминан 27 фоизга камаяди, аммо лекин 100тадан 400 (яъни 4 баробар) хонагача кўпайтирсак, у холда ошхона майдони 2 баробар ва ёрдамчи хўжалик хоналари 50 фоизга ошиши мумкин. Яна яхши томони катта Мехмонхоналарда хизмат кўрсатувчи ходимлар ишидан унумли фойдаланишга эришиш; административ ходимларни қисқариши, айниқса катта иш ҳақи олувчилар; мижозларга турли хил хизматларни таклиф этиш мумкин. Баҳолар даражасига қараб Мехмонхоналар қуйидагиларга бўлинади: - бюджетли (25-35 АҚШ доллари); - иқтисодий (35-55 АҚШ доллари); - ўртача (55-95 АҚШ доллари); - биринчи класс (95-195 АҚШ доллари); - апарт-отели (65-125 АҚШ доллари); - люкс-отели (125-525 АҚШ доллари). Мижозларнинг яшаш давомийлигига қараб Мехмонхоналар қуйидагича фарқланади: - узоқ муддатга келувчилар учун; - қисқа муддатга келувчилар учун.

Йил давомида фаолият кўрсатишига қараб Мехмонхоналар қуйидагича бўлинади: - йил давомида доимий ишлаб турувчи; - мавсумда ишлаб турувчи (ёз, қиш). Овқатлантириш билан таъминланиши бўйича Мехмонхоналар қуйидагиларга бўлинади: - тўла овқатлантириш (полнўй пансион); - фақат нонушта билан таъминлаш; - овқатлантириш таклиф этилмайди (овқатлантириш корхоналари мавжуд эмас). Мехмонхоналар биноси баланд-пастлигига қараб қуйидаги гуруҳларга бўлинади: - кичик қаватли (1-2 қават); - ўрта қаватли (2-5 қават); - кўтарилган қаватли (6-9 қават); - кўп қаватли (1 категория – 10-16 қават, 2 категория – 17-25 қават, 3 категория – 26-40 қават); - баланд бино – 40 қаватдан ортиқ. Янги қурилаётган Мехмонхоналарда қаватлилик кенг тарқалганлари асосан: Россияда – 5-16 қават; Чехияда – 8-14 қават; Венгрияда кичик шаҳарларда – 4-5 қават, катта шаҳар ва курортларда – 6-11 қават; Германияда – 8-10 қават ва Англияда – 10-15 қават. Хоналар. Интерьер. Мехмонхона биноси ўз функциясига кўра яшаш ва хизмат кўрсатиш бўлимларига бўлинади. Хизмат кўрсатиш бўлимлари бу – маъмурий, хизматкўрсатиш ва ёрдамчи хўжалик биноларидир. Маъмурий бино бўлимига вестибюль, маъмурий хизмат кўрсатиш, бюро хизмати, қабулхона, дирекция, кадрлар бўлими, таъминот бўлими, гардероб, юкхона, швейцар хизмати бўлимлари киради.

Хизмат кўрсатувчи бино бўлимига алоқа агентлиги, транспорт хизмати кассаси, газета, журналлар, китоблар, сувенирлар, парфюмерия сотув киосклари, дори киосклари, сартарошхона, ресторанлар, кафе, барлар, конференция заллари, кийим тозалаш ва тикиш, пойафзал таъмирлаш, кутубхона, тренажёр заллари ва бошқалар киради. Ёрдамчи хўжалик хоналар: хизмат қилувчи ходимларга ажратилган хоналар, чойшаблар сақланувчи хоналар, кир ювиш хоналари, таъмирлаш устачилик хоналари, сув иситиш хоналари ва бошқалар. Мебел ва номерларни пардозлаш бу Мехмонхона интерьерига боғлиқ. «Интерьер» сўзи Мехмонхонанинг ички қиёфаси деган маъноларни англатади. Мехмонхона мебели ва бошқа юмшоқ жихозлар хоналарнинг шинамлигини ва Мехмонхонанинг асосий интерьерини белгилайди. Мехмонхона мебеллари маиший, идора хизматига оид, ресторанга оид ва махсус мебелларга бўлинади. Маиший мебелларга номердаги кроватлар, шкафлар, жавонча (тумбочка), стол ва стуллар киради. Идорага оид мебелларга офисни жихозлаш учун ҳамда турли хизмат хоналарига хизмат қилувчи мебеллар киради. Ресторанга оид мебеллар кафе, ошхона, барлар, ресторанлар, буфетларни жихозлаш учун мўлжалланган. Махсус мебеллар билан сартарошхона, устачилик хонаси ва бошқа хоналар жихозланади. Юмшоқ анжомлар (инвентарь) – бу пардалар, ўрин чойшаблари, гиламчалар, ўриннинг устки чойшаблари, ёстиқлар ва бошқалар. Туристлар овқатланишидаги асосий хизмат формалари. Чет эл туристларини асосан ресторанларда, барларда, кафе ва ошхоналарда овқатлантирилади. Бу ташкилотлар ўзларининг биноларига эга бўлишади ёки ижарага ҳам оладилар. Баъзи корхоналар мустақил равишда

иш олиб борадилар. Бироқ уларнинг кўпчилиги туристик Мехмонхоналарда ёки Мехмонхона комплексларида жойлашган бўлади. ГОСТ Р50645-94 каби Мехмонхоналарда вақтинча истиқомат қиладиган 10 кишилик ва ундан кам бўлмаган (30 тагача) кичик залларга эга. Ҳамма категорияли (1-5 юлдузли) Мехмонхоналарда барча шарт- шароитларга эга бўлишлари зарур. Бунда ёруғ майдонлар, автотранспорт турадиган йўлаклар, Мехмонхонага кириш қисмида унинг номи келтирилган вивеска осиб қўйилган ва хоналар шинамликка эга бўлишлари керак. Овқатланиш корхоналарига кириш йўлагидаги зинапоялар кенг ва шу ўринда инвалидлар, болалар аравачалари кирадиган йўлакка ҳам мослашган бўлиши керак. Кириш қисми об-ҳаво ўзгарганда ҳам таъсир этмайдиган қилиб қопланган бўлиши лозим. Корхонага кириш бўлимида чиқиндилар учун ахлатдан (мусор қутиси), телефон-автоматлар ўрнатилган бўлиши керак. Бу ерда безаш учун барча декоратив элементлардан, реклама воситаларида фойдаланиши мумкин. Овқатланиш корхонасига тегишли чегарада ҳамма оғир ишлар, катта жисмларни тушириш, ортиш, қурилиш моддийлари, чиқиндилар контейнерларини жойлаштириш, ахлатларни ёқиш, чиқинди ва ортиқча бўлган идишларни қўйиш қатиян ман этилади. Кириш қисми истеъмолчиларнинг бир вақтнинг ўзида кириши ва чиқишига мослаштирилган бўлиши шарт. Эшиклар истеъмолчи кирганда автоматик равишда очилиб, ёпилиши керак. Бунда вақт кам сарфланишини инобатга олиш лозим. Туристик ташклиотларга оид бинолар санитария, гигиена қоидаларига жавоб бериши, ёқилғи ва техник ҳодисалар учун олдини олиш чора- тадбирлари ва ҳар бир истеъмолчининг хавфсизлигини, қулай шароитда истиқомат қилишларини, ҳаво ҳарорати ўзгаришларини инобатга олиб, барча қулайликлар яратилиб берилиши шарт. Энг муҳими бинода ҳар хил ҳидлар ошхона, ҳожатхона ҳидларининг бўлмаслигини олдини олишдадир.

Истеъмолчилар учун бинолар жуда кўп элементли безашнинг олдини олиш керак. Бунда йиғиштириш учун қийинчиликлар туғилиши мумкин ва санитариягигиена талабларига жавоб бермасликлари эҳтимоли мавжуд. Бинода қўлланиладиган барча безаш элементлари ёнилғи хавфсизлигига, санитариягигиена талабларига жавоб бериши керак. Истеъмолчилар учун бинони ёруғлик билан жиҳозлаганда барча техник хавфсизлик чора-тадбирларига жавоб берувчи норматив ҳужжатларга эга бўлиши лозим. Мехмонхоналарда жойлашган овқатланиш корхоналарининг иш вақти соат 7:00 дан 23:00 гача қилиб ёки доимий қилиб белгиланган. Туристларга хизмат кўрсатувчи корхоналар умумий овқатланиш хизматининг хавфсизлиги ва корхона синфига мос келадиган тўғрисидаги сертификатга, шунингдек алоҳида фаолият учун лицензияга эга бўлишлари шарт. 4 ва 5 юлдузли отеллардаги ресторанлар бир неча залларга (миллий ва чет эл таомларини тайёрлаш учун алоҳида ошхоналар), алоҳида кабинетларга, банкет заллар, конференция заллар, кечки клублар (5 юлдузли) га эга бўлишлари керак. 3 ва 5 юлдузли отелларда вестибюлда барлар (лобби- бар) ташкил қилиниши шарт. 1 ва 2 юлдузли отелларда истеъмолчиларга овқатланиш хизмати ресторанлар ва кафеларда амалга оширилади. Туристик ташкилотларда хизмат кўрсатиш методи бўйича корхонада ўзигаўзи ва официантлар билан хизмат кўрсатиш турлари амалга оширилади. 2-5 чи категорияли (юлдузли) туристик корхоналар истемолчига истаган вақтда овқатланишни ташкил (нонушта, икки ва уч марталик овқатланиш) этишга, истаган вақтда кафе ва барнинг (4 ва 5 юлдузли отеллар) ишлашга, ресторанда жойни банд этишга, Мехмонхоналардаги номерларда хизмат кўрсатишга кафолатланган бўлиши керак. Туристик овқатланиш корхоналарининг классификацияси қуйидаги расмда кўрсатилган. Кўрсатиладиган овқатланиш бўйича хизматларни 3 та асосий турга бўлишимиз мумкин:

1. Туристлар тўлови бўйича овқатланиш. 2. Саёҳат қиймати ва қўшимча тўловлардан алоҳида овқатланиш. 3. Ўзига-ўзи хизмат кўрсатиш. Тўлаб овқатланиш, бу Мехмонхонада туриш нархи ёки туристларни овқатлантириш харажати ҳам инобатга олинади. Бу фақат нонушта (мўътадил ёки тўла), нонушта ва кечки овқат ёки ноуншта ва тушлик, тушлик-кечки овқат (ярим пансион), уч марталик овқатланиш (тўла пансион) бўлиши мумкин. Одатда овқатланиш харажатига салқин (сув, шарбат) ва спиртли ичимликлар (пиов, шампан, вино) нархи ҳам қўшилади. Агар овқатланиш саёҳат ҳисобига кирмаган бўлса, унда турист турган жойига тўлайди ва кўрсатилган хизмат ҳақи ҳам ҳисобга олинади. Ўзига-ўзи хизмат кўрсатиш, бу туристларнинг ўзига-ўзи овқат тайёрлаш ёки швед столи ёки кафеларда овқатланишида фойдаланилади. Овқатланиш сферасида туристларга аниқ ва тезкор хизмат кўрсатиш катта аҳамият касб этади. Туристлар турадиган жойда ҳамма гуруҳ аъзолари учун меню тушунарли бўлиши керак, нархлар эса мамлакат пул бирлигида кўрсатилган бўлиши керак. Овқатлар таркибида сарфланадиган маҳсулотлар туристлар соғлигига таъсир кўрсатмаслиги ва уларнинг ҳоҳиш-истаклари инобатга олиниши керак. Овқатланишдан қиниқмаганлик, таом тайёрлашда камчиликлар ёки хизмат кўрсатиш даражаси пастлиги, туристларнинг норозиликлари кузатилса, саёҳат қилувчиларга ёмон таасурот қолдириши ва туристик фирмаларга зарар келтириши мумкин.

Расм. Туристик овқтланиш корхоналарнинг классификацияси. Туристик корхоналар классификацияс и а тури Корхон бўй ича иги бўйичаХусусийл шиши Жойла бўй ича Ре стор анларда хиз мат кўрсатиш и бўйичаажасдар Ресто ран Ка ф е Б лар ар О шхо налар сий Хусу Ижара стик Тури ме ҳ нхона мо компл екси бидатарки Ме ҳ мо нхона тарки бида Бош қ жойлар а бидатарки аМуст қ ил Люк с синф йОли синф Б ири нчи синф атиш методи Хизмат кўрс бў йича Ма ҳ сул отлар ассортиментл ари бўйича Ов қ хизмати атлан иш к ўрини ши б ўйича Кафе ва о шх оналарда ўзига - ўз и хизмат кўрс атиш Официан тлар билан кўрсатишхизмат Швед столи Комплекс ов қ атланиш онираци нюси бўйича «А ля карт» ме турларикенг таом Миллий ошхона онН ушта ( мўъ тадил ёки т ўла) Тўла панс ион пан сионЯрим Экзотик таомлар ахсус овМ қ тланиш а турлар и Пархез таомлар Болалар ов қ атланиши

Туристик ваучер – бу туристларга кўрсатиладиган хизмат тури ва унинг бажарилишини тасдиқловчи ҳужжат ҳисобланади. Ҳар бир фирма аниқ бир шартлар асосида ўзига ваучерлар тузиб олади.

Адабиётлар: 1. Dr. John R Walke. The Restaurant: From Concept to Operation. Wiley.2013 2. Д.Асланова, Т.Худойшукуров, М.Мўминов «Дунѐ халқларини овқатланишининг ўзига хос хусусиятлари» Ўқув қўлланма ―Зарафшон‖ 2007.-112 б. 3. Тюнков Б.К. Электронная техника предприятий торговли. – М.: КНОРУС, 2006. – 192 с. 4. Қурбонов Ж.М. Овқатланиш корхоналари жиҳозларининг эксплуатацияси. Дарслик. – Т.: «IQTISODIYOT-MOLIYA», 2011. – 376 б. 5. Н.И.Кабущкин, Г.А.Бодаренко «Менеджмент гостиниц и ресторанов». – Минск, ООО ―Новоезнание‖, 2001 г. 6. «Ресторанный сервис. Основы международной практики обслуживания для профессионалов и начинающих». Изд. Центрополиграф. - М.: ЗАО, 2003 г.-188 стр. 7. В.В.Усов. «Организация производство и обслуживания в общественном питании». – М., 2002 г. 8. Каталог контрольно-кассовых машин. – М.: СПб, 2002. 9. Арустамов Э.А. Оборудование предприятий (торговли). – М.: Дашков и К 0 . 2000. 10. Арустамов Э.А., Лефанов В.А., Митрафанова Т.П. Банковское таможенное и офисное оборудование. – М.: Маркетинг. 2000. 11. Применения контрольно-кассовой техники. Серия «Налоги года». Издательский центр «МЫСЛЬ», Новосибирск, 2003.

O'xshashlar

Туристлар овқатланишини транспортда ташкил этиш

Ресторанларда турли мамлакатлардан ташриф буюрган туристлар овқатланишини ташкил этиш

Ўзбекистонда мехмонхона ва ресторан хўжалигини ривожлантиришнинг хозирги кундаги ахволи

Менежментни ташкил этиш

Маркетингни ташкил этиш тизими