Ўзбекистонда мехмонхона ва ресторан хўжалигини ривожлантиришнинг хозирги кундаги ахволи - Iqtisodiyot - Referatlar

Ўзбекистонда мехмонхона ва ресторан хўжалигини ривожлантиришнинг хозирги кундаги ахволи

Yuklangan vaqt:

20.09.2019

Ko'chirishlar soni:

0

Hajmi:

107 KB

Ko'chirib olish

Ўзбекистонда мехмонхона ва ресторан хўжалигини ривожлантиришнинг хозирги кундаги ахволи Режа: 1. Ўзбекистонда мехмонхона ва ресторан хўжалигини ривожлантириш тенденциялари 2. Мехмонхона ва ресторан хўжалигини ривожлантиришда хорижий сармояларнинг ахамияти. 3. Хорижий компаниялар ва фирмалар билан хамкорликда туризм сохасида инвестиция лойихаларини амалга ошириш. 4. Ўзбекистонда мехмонхона ва ресторан хўжалигини ривожлантиришнинг Минтақавий имкониятлари.

1. Ўзбекистонда мехмонхона ва ресторан хўжалигини ривожлантириш тенденциялари Хозирги кунда Ўзбекистонда туризмнинг миллий моделини шакллантириш жараёни кетмоқда. М ўта хассисларнинг фикрича, республикада хар йили туристлар окимининг 15% га кўпайиши кутилмокда, бу Бутунжахон туристик ташкилотининг тахминларига нисбатан икки маротаба кўпдир. Туризм миллий иктисодиётнинг истикболли сохаларидан бирига айланмокда, унинг мамлакатнинг ички ялпи махсулотидаги улуши 0,4% ташкил қилади. Ўзбекистон катта туристик имкониятларга эга. Бу ерда 20 дан ортиқ мехмонхоналар фаолият курсатмокда. Улардан 50% халқаро талабларга жавоб беради. Шунингдек, 14 та турбазалар ва кемпинглар мавжуд. Мехмонхона фонди 8,6 минг хонадан иборат бўлиб, улардан 7 мингтаси йил давомида ишлайди. 2000 йил бошига келиб туризм сохасида 6,7 минг киши банд эди. 2000 йилда туристик корхоналар томонидан 730 минг кишига, шу жумладан 350 минг чет эллик туристларга хизмат кўрсатилган. Хисоб- китобларга кўра 2005 йилда туристлар окими 1,5 млн. ташкил қилиши, шундан 750 минги чет эллик туристлар бўлиши, чет эллик туристларга хизмат кўрсатиш хажми 2 млрд. АқШ долларига етиши мўлжал қилинмоқда. Шу жумладан, "Ўзбектуризм" миллий компанияси туристик корхоналари 150,5 млн. АқШ долларилик хизмат кўрсатиш лари кўзда тутилмоқда. Республиканинг экспорт имкониятларини ривожлантириш учун 2005 йилга қадар қуйидаги бир қатор тадбирларни амалга ошириш режалаштирилмоқда: туризм бўйича очиқ иқтисодий худудларни барпо қилиш, хорижий туристларнинг оқимлари ва қизиқишларига қараб қўшимча хизмат кўрсатиш тизимини такомиллаштириш, янги туристик маршрутларни яратиш ва улардан самарали фойдаланишни йўлга қўйиш, янги мехмонхоналар, кемпинглар, дам олиш зоналарини кўриш, туристик мехмонхоналар ва хўжаликларни жихозлаш учун махсулотлар ишлаб чиқиш бўйича инвестиция лойихаларини тайёрлаш.

Ўзбекистон бўйича туристик маршрутлар қадимги Ипак йўли шахарлари бўйича саёхатни ва кўплари ЮНЕСКО томонидан қўриқланадиган 4000 мингдан ортиқ меъморий ёдгорликларни, шунингдек қадимги кишиларнинг 140 тадан ортиқ кунокларини зиёрат қилишни ўз ичига олади. Туристик агентлик куёшли чулларнинг иссиклик уфуриб турган йўллари буйлаб, мангу эримайдиган корли чўққилардаги чанги трассалари бўйлаб, овчилик, дельтапланда учиш ва альпенизм каби турли саёхатларни таклиф қиладилар. "Марко Поло изидан", "Куёш карвони", "Буюк Ипак йўли карвони" каби кизикарли маршрутлар таклиф қилинади. Хорижий тажрибаларни хисобга олган холда илогор йўналишларнинг республика концепциясига асосланган холда туризм инфратузулмасини ривожлантириш сиёсатини олиб бориш "Ўзбектуризм" миллий компаниясига юклатилган. 1993 йил кўзида "Ўзбектуризм" миллий компанияси Б ўта нжахон туристик ташкилотига аъзо бўлди ва уша кундан бошлаб Ўзбекистонни "Буюк Ипак йўли" халқаро лойихасининг мувофиқлаштирувчи марказига айлантиришни ўз олдига мақсад қилиб куйган. Тошкентда БТТ ва ЮНЕСКО бошчилигида БТТ нинг "Буюк Ипак йўли" халқаро семинари бўлиб ўтди. Унинг Регистон майдонида бўлиб ўтган кўчма йиғилишида Самарқанд декларацияси қабўл қилинди. Мазкур лойиханинг мантиқий давоми сифатида 1995 йилдан бери хар йили "Ипак йўли бўйлаб туризм" халқаро туристик ярмаркаси ўтказиб келинмокда. Унда иштирок этувчи иштирокчилар сони 100 тадан 170 тагача кўпайди. Ўзбекистоннинг туристик ташкилотлари миллий туристик махсулотни халқаро бозорга олиб чиқиш борасида тинмай изланмокдалар. Уларнинг Лондондаги, Берлиндаги, Миландаги ва Москвадаги йирик туристик ярмака-биржаларида мунтазам равишда иштирок этишлари бунинг далилидир. БТТ нинг Техрон ва Япониядаги "Буюк ипак йўли"га багишланган семинарларида Ўзбекистон халқаро лойиханинг жугрофий ва мувофиқлаштирувчи маркази деб эълон қилинди. Республикамизнинг туризм сохасида олиб бораётган фаолияти БТТ нинг 1997 йил октябр ойида Истмбўлда бўлибўтган 12-Бош ассамблеясида

муносиб бахоланиб, Ўзбекистон Франция ва Италия давлатлари билан бир қаторда Бутунжахон туристик ташкилотининг Ижроия қўмитасига аъзо этиб сайланди. Туризм сохасида чет эллик хамкорлар билан бир неча инвестиция лойихалари амалга оширилди. Хорижий хамкорлар иштирокида 5 юлдузли "Интерконтиненталь", 4 юлдўзли "Ля Меридиан", 4 юлдўзли "Хилтон", 3 юлдўзли “Шератон” мехмонхоналари курилди, "Ўзбекистан", "Шодлик" мехмонхонлари тудбан қайта таъмирланди ва хорижий бошқарувга топширилди. Хивадаги "Хоразм" мехмонхонасини таъмирлаш ишлари тугатилди, Бухородаги "Бухоро" мехмонхона мажмуаси тўлиқ жихозланди. Аммо, дастлабки хисоб-китоблар республикада туризмнинг тўлақонли инфратузулмасини барпо қилиш учун қўшимча маблағлар зарур эканлигини кўрсатди. Ушбу маблағлар хорижий компанияларнинг сармоялари хисобига олиниши режалаштирилмоқда. Тошкент шахридаги "Чорсу", Самарқанд шахридаги "Самарқанд" мехмонхоналарини таъмирлаш, Бухоро, Навоий, Самарқанд шахарларида автосервис мажмуаларини кўриш режалаштирилмоқда. Тарихий, меъморий ва археологик ёдгорликларнинг сони 7587 тани ташкил этади. Ушбу объектлардан деярли 2000 тадан ошиги давлат томонидан курикланади. Бизнинг маълумотларга кўра барча ёдгорликларнинг 50% чет эллик туристларда катта қизиқиш уйготади. Аммо хозирги кунга келиб уларнинг 300 таси фаолият курсатмокда. халқаро муршрутларга киритилган 80 та ёдгорлик хорижий туристларда айниқса қизиқиш уйғотмоқда. Ёдгорликларнинг 75% дан ортиги республиканинг марказий туристик шахарларида жойлашган. Бундай ёдгорликлар Тошкент шахрида-114 та, Самарқандда-221 та, Хивада-310 тани ташкил этади.

2. Мехмонхона ва ресторан хўжалигини ривожлантиришда хорижий сармояларнинг ахамияти. Самарқанд, Бухоро, Хива шахарларидан ташкари Шахрисабз, Фаргона, Кўқон шахарларида хам туризмни фаол ривожлантириш мумкин. Айниқса Фаргона водийси ўзининг серхосил боғлари, пахта далалари, ипакчилиги, тог билан уралганлиги ва шаркона бозорлари билан туристларда катта қизиқиш уйготиши мумкин. Ипакчилик маркази хисобланган Марғилон шахрида "Ипак олами" маршрутини ишлаб чиқиш мумкин. Унда ипак қуртидан бошлаб тўқувчилик жараёнларигача бўлган босқичларни хикоя қилиб бериш, ипак газламалари ва кийимларини ишлаб чиқариш нинг маданий хамда ишлаб чиқариш тарихини ёритиб бериш мумкин бўлади. Ўзбекистондаги тарихий, меъморий ва археологик ёдгорликларнинг хозирги кундаги ахволлари, унга туристлар бора олиши даражасига кўра бахоланиб, тўт гурухга бўлинган. Ёдгорликларни бундай гурухларга бўлиш республикада мавжуд ёдгорликлардан тўғри фойдаланиш даражаси қандай эканлигини, улардан фойдаланишни нотўғри йўлга қўйиш мамлакатга қўшимча валюта келишга тўсқинлик қилишини акс эттиради. Туристик ёдгорликлар гурухларга қуйидагича бўлинади: 1 .Туристларда катта қизиқиш уйғотувчи, энг оммабоп ёдгорликлар 140 тани ташкил қилади. Улар аъло даражада сакланган бўлиб, тўлиқ фаолият кўрсатади. Йил давомида Ўзбекистонга Европадан келувчи туристларнинг деярли 80 % уларга албатта бориб келишга харакат қилишади. 2. Йил давомида фаолият курсатмаганлиги сабабли туристлар томонидан баъзида зиёрат қилиниши мумкин бўлган ёдгорликлар 180 тани ташкил қилади. Мазкур гурухдаги тарихий ва меъморий ёдгорликлар хорижий туристларда ўртача қизиқиш уйготади. Улар мавсумий фаолият кўрсатиб. Зудлик билан таъмирлашни талаб қилади.

3. Таъмирланаётган ва хозирги кунда туристлар томонидан зиёрат қилинмаётган ёдгорликлар мажуд. Улар 200 тадан ортиқ. Турли молиявий манбалар ёрдамида таъмирлаш ишлари фаол олиб борилмоқда. Республикада ушбу мақсадларда давлат бюджетидан мақсадли маблағлар ажратилади. Масалан, 1997 йилда, фақатгина Бухоро шахрида 40 та ёдгорликни таъмирлаш учун 100 млн. сумдан ортиқ маблаг ажратилди. Худди шундай йўл биланўтган 2003 йилда Самарқанд шахридаги 30 тадан ортиқ ёдгорлик таъмирланди. Бундай мақсадли маблағлар барча вилоятлардаги тарихий ва меъморий ёдгорликлар учун ажратилган. 4.Таъмирлаш ишлари олиб борилаётганлиги сабабли яқин 3-5 йиллар давомида фаолият кўрсатмайдиган ёдгорликлар. Хозирги кунда уларни таъмирлаш учун маблағлар етишмаяпти. Улар тахминан 500 тадан ортиқни ташкил қилади. Лекин келажакда улар туристларда қизиқиш уйготиши лозим. Хўқумат томонидан мазкур ёдгорликларни таъмирлаш учун моливий манбаларни шакллантириш ишлари олиб борилмоқда. Ушбу ёдгорликларнинг кўплари археологик бўлиб, олдин изланишлар олиб бориш, сўнгра эса таъмирлашни талаб қилади. Масалан, Афросиёб, Варахша, Чуст ва б. Шу билан бирга 2000-2003 йиллар давомида Ўзбекистоннинг тарихий ва меъморий ёдгорликларини зиёрат қилишга бахо бериш, таъмирлаш билан боғлиқ муаммолар хал қилинмаганлиги, сервис хизматини ташкил қилиш учун етарли микдорда маблаг ажратилмаганлигига карамай, кириш туризмининг мажуд тизими самарали фаолият кўрсатаётганлигини аниқлади. Уларни қуйидагича гурухлаш мумкин: -Ўзбекистонга келган хорижий туристларнинг умумий сонидан 61,1%- Самарқандга, 34,5%-Бухорога ва 24,5% Хивага ташриф буюрганлар.-Битта турист бир неча шахарга ташриф буюришини хисобга олган холда қуйидагиларни белгилаш мумкин: иккита шахарга (Тошкент-Самарқанд ва Тошкент-Хива) 59,% борган, учта шахарга (Тошкент-Самарқанд-Бухорога)- 40,3% борган. Бундан барча келаётган туристларнинг ярмидан кўпи Тошкент

шахридан ташкари фақатгина битта шахарга ташриф буюриб ортларига қайтадилар деган хулосага келиш мумкин. Хорижий туристларнинг мамлакатга ва ёдгорликларга қайта ташриф буюриши қуйидаги маълумотларда акс эттирилган: 2000 йил давомида 5 % туристлар Ўзбекистонга қайта ташриф буюришган улар дан 20-30% гина Тошкент шахрига қайта келишган. Бу қайта ташриф буюришнинг жуда паст даражасини ташкил қилади. Шунинг ўзигина туристларни жалб қилиш учун қўшимча тадбирлар ишлаб чиқиш лозимлигини кўрсатади. Мехмонхона ва сервис хизматларини кенгайтириш ёрдамида турмахсулот сифатини ошириш, шунингдек мавжуд ёдгорликларнинг қабул қила олиш имкониятларини ошириш каби тадбирлар шулар жумласидандир. 3. Хорижий компаниялар ва фирмалар билан хамкорликда туризм сохасида инвестиция лойихаларини амалга ошириш Мехмонхонанинг қабул қила олиш имкониятларига бахо бериш хам катта ахамиятга эга. Мехмонхоналарда жой таклиф қилиш имконлари тахлил қилинганда мехмонхона хўжалигини таъмирлаш бирламчи вазифалардан бирига айланиши лозимлигини кўрсатди. 2000 йил бошига келиб Ўзбекистондаги мехмонхоналарда 10 минг номер ёки 14051 та жой мажуд эди. Бир караганда катта ракамга ухшайди. Агарда уларнинг сифатига эътибор бермайдиган бўлсак, бу сон хакикатда хам кўпни ташкил қилади. Уларнинг сифати номерларда таклиф қилинадиган қулайликларга қараб белгиланади. Тоифаларга кўра улар қуйидагича бўлинади: тўт юлдўзли ва беш юлдўзли мехмонхоналарнинг талабларига жавоб берувчи номерлар-олий, икки юлдузли ва уч юлдузли мехмонхоналарнинг люкс бўлмаган номерлари-биринчиларга бўлинади. халқаро стандартларда биринчи тоифага мос келувчи номерларни учратиш кийин. Мехмонхона номерларини қулайлиги бўйича (улардаги жойларнинг

сонига кўра) тоифаларга бўлиш уларнинг халқаро туризм учун ноқулайлигини кўрсатади: олий тоифа-1835 та жой ёки барча жойларнинг сонига нисбатан 13,1% биринчи тоифа-5786 та жой ёки 41,2% иккинчи тоифа-6430 та жой ёки 45,7% 2000 йилда республика мехмонхоналаридаги мижозларнинг тухташ муддати 3,8 кечани ташкил қилади. Рестораналар, барлар, буфетлар ва бошқа қўшимча хизматлардан қўшима фонда олишга харакат қилинмаганлиги сабабли кўп холарда хар бир туристдан ёки хар бир мижоздан қўшимча даромад олиш имкони бой берилмоқда. Барлар кўп холларда қоронғи ва ифлос холда, мижозлар учун таклиф қилинаётган хизматлар ва товарлар билан танишиш учун шароитлар яратилмаган бўлади. Официантлар кўп холларда секинлик билан ва эътиборсиз хизмат кўрсатадилар, бу эса мижозларнинг камайишига олиб келади. Хизмат кўрсатиш бюроси ходимлари мижозлар билан ишлашни билмайдилар. Мижозлар билан келиша олмаслик ва қўшимча шароитлар ярата олмаслик натижасида қўшимча даромад олинмай қолади. Туристлар ва мижозларнинг эътиборини ўзларига жалб қилиш чораларини к ў рган холда, мехмонхона бошқарувчилари ва ходимлари кам харажат килган холда кўпроқ даромад олишга эришишлари мумкин. Мехмонхона ва ресторан бошқарувчилари туристларга сифатли хизмат кўрсатиш да малакали ходимлар танлаш нақадар мухим эканлигини яхши тушинишлар лозим. Ходимларнинг мехмонхона ва ресторан сохасидаги билимларини кучайтириш туризм инфрастрўқтурасини ривожлантиришда, янги мехмонхоналар ва ресторанлар пайдо бўлган сайин ва туристлар сони кўпайган сайин жуда мухим ахамиятга эга бўлиб боради. Мехмонхона ва ресторан бошқарувчилари малака ошириш бўйича ташаббус кўрсатиш лари уларнинг бизнесларига, шунингдек Ўзбекистоннинг туристик бизнесига фойда келтиради.

Овқат тайёрлаш билими - бу асосийдир. Лекин кўп туристлар Ўзбекистонда мавжуд махсулотлардан тўлиқ фойдалана билиш тажрибаси етишмаётганлигидан шикоят қиладилар. Тайёрланган таомлар кўпинча иштаха кўзкатувчи бўлмай, мижозларда яхши таассурот колдирмайди. Ўзбекистон ресторанларининг ходимлари замонавий туристларнинг овкатланиш борасидаги талабларини билишлари ва ўз иш фаолиятларида улардан фойдалана олишлари лозим. Масалан, таомлар туркумига ёги кам бўлган ёки умуман ёгсиз бўлган таомларни, шунингдек пархез таомларини киритишлари лозим. Овкатларнинг турлари жуда кам, уларнинг тулари ва кўринишлари ўртасида катта фарқ йўқ. Масалан, бир куринишда жуда ёгли бўлиб куринадиган таомлар, гўштли таомларнинг бир бирига ўхшаш турлари, бир бирини такрорловчи салатлар, сифатсиз десертлар ва х.к. Бир қатор мехмонхоналарнинг ресторанларида мижозларга танлаш имконини колдирмаган холда туркум таомлар таклиф қилинади. Ресторанларда хизмат кўрсатиш даражаси жуда паст бўлганлиги сабабли мижозларни кондира олувчи даражада бошқарувчилик кобилияти йўқ деган таассурот қолади. Официантлар ўз эътиборларини асосан фақат битта вазифага, у хам бўлса мижозга таомни етказиб беришга қаратадилар, аммо мижозга эътиборли муносабатда бўлган холда уларга кувонч олиб келиб, эхтиёжларини қондиришлари мумкин эканлиги хақида уйламайдилар. Мижозларга хизмат кўрсатиш сифатини яхшилаш бўйича режа асосида иш олиб бориш, муаммони яхши хислатлардан бирига айлантирибгина қолмай, балки ресторанларнинг даромадларини кўпайтиришга олиб келади. Бўлажак туристларнинг овқатланиши масаласига келсак, янги ресторанлар ва овкатланиш шахобчаларига кўпрок эътибор қаратиш, янги корхоналар барпо қилиш, янги иш жойлари ва туристлар учун янги объектларини яратиш учун яхши имкон беради. Туризм ва мехмонхона хўжалиги сохаларида статистика талаб даражасида ташкил қилинмаганлиги сабабли ўз вақтида зарур чораларни кўриш учун мехмонхона хўжалигидаги ахволни кузатиб бориш муаммога

айланиб колган. Бошқарувчиларнинг хисоботлари ва статистик маълумотлар эски совет давридан колгани каби чораклар бўйича топширилади. Ушбу хисоботларда мехмонхонада иш фаолияти қандай бораётганлигини акс эттирувчи ва тезкор қарорлар қабўл қилиш учун зарур бўлган маълумотлар (номерларнинг бандиги ва уларнинг кундалик, хафталик, ойлик, чоракдаги ва йил давомидаги бандиликларининг фоиз даражалари) берилмайди. Айнан шу маълумотлар келажакдаги мақсадлар ва бюджетларни белгилашда ўта мухим ахамиятга эгадир. Мехмонхоналар мижозлар хақидаги маълумотларни сакламайдилар ва тартибга солмайдилар ва натижада бозорнинг турли секторларидаги фаолият хақида тўлиқ маълумот ололмайдилар. 4. Минтақавий ресурслар ва Ўзбекистонда туризмни ва мехмонхона хўжалигини ривожлантириш имконлари Туристик, шу жумладан мехмонхона хизматларини ташкил қилиш моделини Жанубий Корея мисолида кўриб чиқиб, уни Ўзбекистондаги туристик ва мехмонхона хизматлари билан солиштирар эканмиз, биз мехмонхона хизматларининг самарали маркетингини ишлаб чиқариш га ёрдам берувчи имконларга бахо беришимиз зарур. Бунда туризм ва мехмонхона хўжалигининг ривожланиши ва иқтисодий усиши имконларига бахо бериш, ишлаб чиқариш ни мехнат, ер ва капитал каби омилларидан келиб чиқкан холда тахлил қилиниши л озим. Туристик бизнесда ер омилининг ўрнида миллий иктисодиётнинг географик худуди ёки агарда туристик объектлар мамлакат ичида алохида чегараланган холда жойлашган бўлса, у холда мана шу объектларнинггеографик жойлашган уринлари хисобланади. Бунда туристик бизнеснинг даромадли бўлишида мухим ахамиятга эга бўлган омил- бу табиий-ланшафт омилидир. Рельефлар, мамлакатнинг хажми, унинг табиий-сиёсий холати, усимлик ва хайвонот дунёси турли туристларнинг эътиборларини жалб қилувчи омил бўла олади.

Мана шу омиллардан туристик бозорнинг энг зарур сегментики белгилаб олиш, мижозларнинг яшаш жойлари ва ижтимоий турларини белгилаш, уларнинг жалб қилишнинг энг самарали йўлларини топиш бўйича ишлаб чиқилган маркетингдан унумли фойдалан олиш энг асосий муаммо бўлиб колмокда. Иқтисодий омиллар билан бир қаторда тарихий-маданий ёдгорликларнинг таркиби ва ахамияти орқали белгиланувчи омилларни капитал деб хисоблаш мумкин. Очиқ осмон остидаги қадимги мўзей- шахарлар Самарқанд, Бухоро, Хива, Фаргона ва Тошкент Ўзбекистонда туризм ривожланиши учун қулай масканлар хисобланади. Чунки 9,14,16 асрлардаги меъморий ёдгорликларнинг асосоий кисми айнан мана шу шахарларда жойлашган. Айнан шу жойларда тарихий туризмни, билиш туризмни ривожлантириш мақсадга мувофиқдир. Ундан ташкари м ўта хассисларни эътиборларини жалб қилиши мумкин бўлган бошқа жойлар хам мавжуд, масалан, Сурхандарёдаги Будда саждагохи казилмалари, шунингдек Ўзбекистонда дам олиш, даволаниш ва спорт масканлари жуда кўп. Бинобарин, спорт туризмининг тоғ туризми, альпенизм, тог-чанги спортининг барча кўринишлари, дельтапланеризм, тоғ дарёлари бўйлаб кайикларда сўзиш каби айнан кенг таркалмаган турларини ривожлантириш имконлари мавжуд. Ўзбекистонда 22,5 млн киши, 100 дан ортиқ миллатлар истиқомат қилади. Ахолининг 70% ўзбеклар, 10% га яқинини руслар, 5% қозоқлар, 4% татарлар, 2% коракалпокларни ташкил қилади. Улар турли динларга эътикод қиладилар. Ўзбекистонда турли миллатларнинг истикомат килганлиги сабабли Ўзбекистонда туристларнинг миллатларига нисбатан соглом мухит бўлганлиги сабабли, халқаро туризмни муваффакиятли ривожлантириш учун ижтимоий-психологик шароит мавжуддир. Ахолининг 60% кишлок жойларда жойлашганли табиий, маданий- этнографик ва даволаш туризмни ривожлантириш учун мухим ахамият касб этади.

Ўзбекистонда халқаро туризмни ривожлантиришнинг иқтисодий- сиёсий имконлари хам мавжуд. Миллий инвестиция дастурида давлат қуйидаги асосий йўналишларни белгилаб берган: -енгил ва тўқимачилик саноати; -қайта ишлов саноати;-хакларо туризм ва мехмонхона хўжалиги. Айнан мана шу йўналишлар бўйича давлат кафолати остида чет элдан сармоялар келиб тушади, яъни мана шу йўналишлардан Ўзбекистонга сармоялар тусиксиз келиб тушади. Давлат махаллий ва марказий органлар орқали туризмни хар томонлама қўллаб қувватлайди. Охирги йилларда туристик хизматларни сотиш натижасида самарали натижаларга эришилди. Шу йил Ўзбекистонга келиб тушган маблағлар 15 млн. АқШ доллардан ошди. Бозор иктисодиёти шароитида нарх-навони белгилаш механизмни ривожлантиришга бахо бериш қуйидагилардан иборат: -Ўзбекистон Республикасининг халк хўжалигининг барча тармоқлари бўйича нарх-наво сиёсати бозордаги талаб ва таклифдан келиб чиқади; -яшаш учун мухим бўлган нон ва шакар махсулотларининг нархларигина давлат томонидан назорат қилиб борилади: -туристик хизматларнинг нархлари талаб ва таклифдан келиб чиқкан холда эркин равишда шакллантирилади. Халқаро туризмни ривожлантириш учун қулай бўлган имконлардан яна бири, бу Ўзбекистонда асосий тиббий хизматлар бепул ав қуйидаги йўналишлар бўйича курсатилишидир, афсуски бу хақида туристлар Ўзбекистонга келганларидан сунггина биладилар: -барча туристик мажмуаларда туристларга махсус ташкил қилинган тиббиёт шахобчаларида биринчи тиббий ёрдам кўрсатилади; -санитария ва гигиена меъёрларига риоя қилиш Ўзбекистон Республикаси Согликни саклаш вазирлигининг СЭСлари томонидан назорат қилиб борилади

-юкумли касалликларнинг одини олиш бўйича мунтазам равишда иш олиб борилади. Нафақат хозирги замонда балки қадимдан Туркистонда тиббиёт ўта ривожланган бўлган, Европада ва жахоннинг бошқа давлатларида Гиппократ ва Эскулап каби машхур бўлган Абу Али ибн Сино хам Ўзбекистонда истиқомат қилган. Тожикистон ва Афгонистон давлатларининг чегарадош бўлишларига қарамай, Ўзбекистон хўқуматининг олиб борган сиёсати наижасида Ўзбекистонда осуда хаёт хуқум сурмоқда. Туризмни барқарор ривожлантириш учун барча шароитлар яратилган. Давлатимиз рахбарияти нафақат ўз халқининг, балки Ўзбекистонга мехмон бўлиб келганларнинг хам хавфсизликларини қўриқлаш кафолатини беради. Келажакда, Афгонистон давлатида барқарорлик урнатилганидан сунг Ўзбекистондан Форс курфазигача автомобил йўлини кўриш режалаштирилмоқда, бу чет эл давлатлари билан иқтисодий, шу жумладан туристик алокаларни ривожлантириш имконини беради. Бозорда фаолият курсатувчи туроператорлар Ўзбектуризм ваколатхоналарига тўлиқ ишонч хосил килсалар, улар билан хамкорлик қилиш учун тайёрдирлар. Жамоатчилик билан алокалар етарли даражада йўлга куйилган бўлса, у холда объект хақидаги маълумотларга бўлган эхтиёжнинг ошишига олиб келади. Бунинг учун мухсус адабиётлар, тегишли офислар ва бошқарув тизими даркордир. Ваколатхоналарнинг кенг тизимини ташкил қилиш жуда кимматга тушиши мумкин. Шунинг учун хам энг мухим йўналишлар бўйича ваколатхонлар очиш зарур. Биринчи галда эътибор Жанубий Кореяга, кейин эса Германия, Франция, Буюк Британия, АқШ , Япония, Россия давлатларига қаратилиши лозим. Махсус адабиётларга тухталадиган бўлсак, шуни айтиш лозимки, сунгги йилларда Ўзбекистонда бир қатор киммат брошюралар нашр қилинди. Аммо улардаги маълумотлари бир бирларига м ўта носиб эмас, шунингдек кайси мақсадда чиқарилганлигига жавоб бермайди. Маълумот- бу

энг тез ўзгарувчи ва эскирувчи товардир. Шунинг учун хам тақдим қилишда кимматга тушувчи нашрлардан фойдаланиш мақсадга мувофиқ эмас. Шу кунга қадар чиқарилган адабиётлар етарли даражада ахборотларга эга эмас. Интернет тизими тобора кенгайиб бораётганлигига карамай, чет элдаги мижозлар Ўзбекистон хақида маълумот олишга кийналмокдалар. Кўпинча туристлар карталарни топиш кийн бўлаётганлигига шикоят қиладилар. Реклама адабиётларни нашр килдириш жуда кимматга тушаётганлиги сабабли, Европадаги ва бошқа миллий туристик ташкилотлар ўз брошюраларига реклама эълонларини жойлаштирмокдалар. Ўзбекистон туристик объект сифатида яъни маълум вақт давомида хорижий туроператорлар фаолиятига муте бўлади. У хали кўп микдорда якка туристларни қабўл қилишга тайёр эмас. Бир қатор сабаблар туфайли яқин ўртада хам уларни қабул қила олиш имконига эга бўлмайди. Шундай экан туроператорлар билан хамкорликни ривожлантириш бизнинг республикамиз учун ўта мухимдир. "Ўзбектуризм" МК мана бир неча йилдирки жахоннинг йирик туристик анжуманларида иштирок этиб келмокда. Айнан мана шунда анжуманларда Ўзбекистоннинг туристик махсулотини тарғиб қилиш ва уни турли давлатларнинг туроператорларига таништириш имкони бўлади. Масалан хозирги кунга келиб Ўзбекистон Италия бозори унча яхши таниш эмас. Миланда ўтказиладиган ярмаркаларда иштирок этиш мана шу холатни ўзгартириш мумкин. Шунингдек Москвада, Санкт-Петербургда, Парижда, Утрехтда ўтказиладиган ярмаркаларда хам иштирок этишни ташкил қилиш керак. Ушбу ярмаркалар туристик махсулот билан тиништирибгина колмай, балки туризм мавзусида ижодқилувчи журналистлар билан алокаларни ўрнатишга хам ёрдам беради. Шундай қилиб улар жамоатчилик билан алоқани ушлаб туришга хайрихохлик қиладилар. Хорижий туроператорлар билан хамкорликни йўлга қўйишда Ўзбекистонда туристик хизматларни таклиф қилувчи ташкилотлар билан биргаликда фаолият олиб бориш яхши самара беради. халқаро ярмаркаларда иштирок этишда ушуб ташкилотлардан хам вакиллар иштирок

этишини таъминлаш зарур. АқШ эса ярмаркаларда катнашиш имконини бермайди. Шундай экан уларни америкалик туроператорларни Ўзбекистонга таклиф қилиш ва улар учун таништирувчи турларни ташкил қилиш гоят мухимдир. Ушбу муаммони хал қилишнинг яна бир йўли бу тулаконли фаолият курсатувчи туроператорлар иштирокида семинарлар ўтказишдир. Хозирча хар йил Тошкент шахрида ўтказилаётган халқаро туристик ярмарка хорижий туроператорлар учун семинар вазифасини бажармокда. Вахоланки, ушбу ярмаркада таклиф қилинган туроператорларнинг барчаси хам иштирок этмаяпти. Бунга сабаб улар ярмаркада иштирок этиш билан боғлиқ бўлган барча харажатларни ўзлари коплашлари зарур бўлмоқда. Шундай холат давом этар экан Тошкент халқаро туритсик ярмаркаси муваффақиятга эрша олмайди. Шундай қилиб, мехмонхона хўжалигининг жахон бозорига кириб бориш учун маркетинг тадбирларининг мўқаммал ишлаб чиқилган механизмидан фойдаланиш зарур бўлади. Бунинг учун туроператорлар ва ушбу механизмлар бозоридаги холат хақида тўлиқ тасаввурга эга бўлиш лозим.

Хулоса Ўзбекистон туристик объект сифатида яни маълум вақт давомида хорижий туроператорлар фаолиятига муте бўлади. У хали кўп микдорда якка туристларни қабўл қилишга тайёр эмас. Бир қатор сабаблар туфайли яқин ўртада хам уларни қабўл қила олиш имконига эга бўлмайди. Шундай экан туроператорлар билан хамкорликни ривожлантириш бизнинг республикамиз учун ўта мухимдир.

Фойдаланилган адабиётлар руйхати: 1.Камилова Ф.К. Нурмухамедова М.Т.Мехмонхона ва ресторан хўжалиги маркетинги //ўқув кулланма Тошкент ТДИУ 2002 2.Лесник А.Л., Чернўшев А.В. Практика маркетинга в гостиничном и рестораннном бизнесе. – М., 2000. 3.Ўзбекистон Республикасининг «Давлат тасарруфидан чиқариш ва хусусийлаштириш хақида»ги Конун қўшимча адабиётлар 3.Квартальнов В.А. Туризм. – М., Финансў и статистика, 2003. 4.Янкевич В.С., Безрўқова Н.Л. Маркетинг в гостиничной индустрии и туризме. – М., 2002. 5.Голубков Е. П. Маркетинговўе исследования (теория, методология и практика) 3-е изд. Москва “Фин пресс” 2003 6.Биржаков М.Б. «Введение в туризм»,М-Санкт-Петербург, 2005 г.

O'xshashlar

Ўзбекистонда меҳмонхона ва ресторан хўжалигини ривожлантиришнинг ҳозирги кундаги ҳолати

Ўзбекистонда ресторан менежментини ривожлантиришнинг иқтисодий аҳамияти

Мехмонхона ва ресторан хизматлари маркетингини бошқаришнинг иқтисодий механизми

Мехмонхона ва ресторан хизматларининг ўзига хос хусусиятлари

Мехмонхона ва ресторан хизматлари маркетингининг стратегияси ва тактикаси