Yoshlar manfaati va huquqlarining himoya qilinishi - Huquqshunoslik - Referatlar

Yoshlar manfaati va huquqlarining himoya qilinishi

Yuklangan vaqt:

20.09.2019

Ko'chirishlar soni:

0

Hajmi:

33 KB

Ko'chirib olish

Yoshlar manfaati va huquqlarining himoya qilinishi Yoshlarning manfaatlari va huquqlarini himoya qilish borasidagi yetilgan muammolarni o‘z vaqtida hal etish, uzluksiz ta’lim tizimida islohotlarni yanada chuqurlashirish, real iqtisodiyotda va mamlakat faoliyati sohalarida ta’lim muassasalari tomonidan tayyorlanadigan mutaxassislarga bo‘lgan talabni ta’minlash maqsadida 2008 yilning «Yoshlar yili» deb e’lon qilinganligi munosabati bilan Davlat dasturi qabul qilindi. Ushbu dasurda yoshlarning manfaatlarini yanada to‘liq ta’minlash va huquqlarini himoya qilishga qaratilgan huquqiy bazani takomillashirish hamda mustahkamlash, amaldagi qonun va normativ-huquqiy hujjatlarga o‘zgartirish va qo‘shimchalar kiritish belgilab berildi1. «Yoshlar yili» Davlat dasturi doirasida, avvalambor, mustaqillik yillarida qabul qilingan amaldagi qonun hujjatlarining yoshlar manfaatlari va huquqlarini himoya qilishga oid qismi bugungi kunda olib borilayotgan keng ko‘lamli islohotlar, yoshlarga oid davlat siyosatining asosiy yo‘nalishlari va dasurlarining mazmun-mohiyatiga mosligi nuqtai-nazaridan tahlil qilib chiqildi. Bu borada yuzdan ortiq normativ-huquqiy hujjat ro‘yxati tuzilib, qaysi qonun hujjatlari takomillashtirishni taqozo etadi va yana qanday yangi huquqiy hujjatlar qabul qilinishi lozimligiga jiddiy e’tibor qaratildi. Jumladan, 2008 yilning 8 yanvaridan e’tiboran «Bola huquqlari-ning kafolatlari to‘g‘risida»gi qonun kuchga kirdi. Bola huquqlari sohasidagi munosabatlarni huquqiy jihatdan tartibga solish mexanizmini takomillashtirish yo‘li bilan bolalarni, shu jumladan, yetim bolalarni va ota-ona qaramog‘idan mahrum bo‘lgan bolalarni ijtimoiy va huquqiy himoya qilishning amaldagi tizimi samaradorligini oshirish mazkur qonunning asosiy maqsadini tashkil etdi. Prezidentimiz tomonidan 2008 yil 16 aprelda «Voyaga yetmagan shaxslarning huquqlarini himoya qilish to‘g‘risidagi qonun hujjatlari

takomillashtirilishi munosabati bilan O‘zbekiston Respublikasining ayrim qonunlariga o‘zgartirish va qo‘shimchalar kiritish haqida»gi qonun imzolandi. E’tiborli jihati shundaki, bolalar o‘rtasidagi jinoyatchilikning oldini olish samaradorligini oshirishga yo‘naltirilgan mazkur qonun bilan amaldagi bir qancha qonun hujjatlari takomillashtirildi. Mamlakatimizda yoshlarga oid davlat siyosati xalqaro huquqning umume’tirof etilgan qoida-talablariga ham asoslanadi. O‘zbekiston bevosita yoshlarning huquqlari va erkinliklarini ta’minlashga qaratilgan o‘ttizdan ortiq xalqaro huquqiy hujjatning ishtirokchisi hisoblanadi. Jumladan, 2008 yil 4 aprelda «Ishga qabul qilish uchun eng kichik yosh to‘g‘risida»gi konvensiyani (Jeneva, 1973 yil 26 iyun) ratifikatsiya qilish haqida»gi qonun, 8 aprelda esa «Bolalar mehnatining og‘ir shakllarini ta’qiqlash va yo‘q qilishga doir shoshilinch choralar to‘g‘risidagi konvensiyani (Jeneva, 1999 yil 17 iyun) ratifikatsiya qilish haqida»gi qonun kuchga kirdi. «O‘tgan davr mobaynida bu yo‘nalish bo‘yicha Prezident va hukumat tomonidan 13 ta qaror, 1 ta farmoyish qabul qilindi va 2 ta qonun loyihasi qabul qilinish arafasida turibdi»1 -deb ta’kidladi yurtboshimiz o‘z ma’ruzasida. Ana shu qonun hujjatlarida bolalarni tug‘ilganidan to voyaga yetguncha bo‘lgan davrda salomatligini himoya qilish, Mehribonlik uylari va maxsus maktab- internatlarning moddiy-texnik bazasini mustahkamlash va shu dargohlarda ishlayotgan xodimlarni moddiy qo‘llab-quvvatlash masalalari har tomonlama o‘rin oldi. Ushbu qarorlar qatorida 2009-2014 yillarda bolalar musiqa va san’at maktablarining moddiy bazasini mustahkamlash va yangi muassasa-larni qurish bo‘yicha davlat dasturi hamda iqtidorli yoshlarni taqdirlash va moddiy rag‘batlanirishga oid hukumat qarorlari qabul qilindi1. Shu tariqa mamlakatimizda yoshlar huquqlarini barcha sohalarda himoya qilish maqsadida tegishli tashkiliy-huquqiy asoslar to‘la shakllantirildi. Ayni chog‘da ushbu huquqiy asosni yanada takomillashtirish ishlari davom ettirilmoqda.

Qabul qilinayogan barcha qonunlar, normativ huquqiy hujjatlarning zamirida yagona g‘oya mujassam. Bu g‘oya, Prezidentimiz ta’biri bilan aytganda, sog‘lom zurriyot, ya’ni jismoniy va ma’naviy yetuk avlod shakllanishi va o‘z imkoniyatlarini hamda salohiyatini ro‘yobga chiqarishi uchun zarur tizimni yaratish, yoshlarimizning huquq va manfaatlarini himoyalash, zamonaviy bilim va kasbga ega bo‘lishini, jamiyatimiz hayotida munosib o‘rin egallashni ta’minlashdan iborat. Bu boradagi milliy qonunchilik tizimimiz xalqaro huquqning demokratik tamoyillariga mos kelishi bilan birga, rivojlangan demokratik davlatlarning huquqni qo‘llash amaliyotining ijobiy jihatlarini o‘zida mujassam etdi. Mazkur demokratik standartlar yoshlarga oid davlat siyosatining asosini tashkil etib, qonunchilik jarayonida va huquqni qo‘llash amaliyotida keng tadbiq etildi. Jahon miqyosidagi iqtisodiy inqiroz eng rivojlangan davlatlar iqtisodiyotiga salbiy ta’sir ko‘rsatayotgan bir sharoitda Prezidentimiz tomonidan xalqimiz, shu jumladan, yoshlarimizning daromadlari va turmush darajasini muttasil oshirib borish, ularga ijtimoiy madadni yanada kuchaytirishga muntazam ravishda e’tibor qaratib kelinmoqda.

O'xshashlar

Qonunlarimizda fuqarolarning uy-joyga bo`lgan huquqlarining himoya qilinishi

Iste`molchilar huquqlarining davlat tomonidan himoya qilinishini ta`minlash

Fuqarolarning huquqlarining konstitutsiyaviy asoslari

O`lim jazosi bekor qilinishi inson huquqlari va erkinliklarini huquqiy himoya qilishning muhim bosqichi

Himoya pozitsiyasi