Жисмоний машкларни физиологик турлаш - Физическая культура - Рефераты

Жисмоний машкларни физиологик турлаш

Загружено в:

20.09.2019

Скачано:

0

Размер:

86 KB

Жисмоний машкларни физиологик турлаш. Режа: 1 Кириш 2 Жисмоний машқларни умумий физиологик турлаш 3 Спорт машқларини физиологик турлаш 4 Циклик машқларни турлаш 5 Ациклик машқларни турлаш

Инсон кундалик хаётида хар хил харакатларни бажаради. Физиологик нуқтаи назаридан маълум бир мақсади амалга ошириш учун йўналтирилган харакатлар мажмуини машқ деб аталади. Мусобақалар даврида бажариладиган машқлар иложи борича юқори натижага эришишга мўлжалланади (сакраш, югуриш, сузиш ва бошқалар). Кундалик хаётда учрайдиган жисмоний машқлар, спорт машқлари хилма хил бўлишига қарамасдан уларни турлаш зарур. Жисмоний машқларни физиология йўлида турлаш уларни амалга оширишда қатнашаётган фаол мускулларнинг хажмига, мускулларни қисқариш турига, мускул қисқаришини кучи ва қувватига қараб амалга оширилади. Барча жисмоний машқлар уларни бажаришда қатнашаётган мускулларнинг хажмига қараб локал, регионал ва глобал машқларга бўлинади. Локал машқларга тана мускулларининг 1/3 қисми иштрокида амалга оширувчи машқлар киради (камондан найза отиш, ўқ отиш). Регионал машқларни амалга оширишда танадаги мускулларнинг 1/3 дан 1/2 гача қисми иштрок этади.(қўллар, елка камари, тана мускуллари иштрокида бажариладиган гимнастика машқлари). Глобал машқларга танадаги мускулларни 1/2 дан кўпрок қисми иштрокида бажариладиган машқлар киради. Жисмоний машқларни мускулларни қисқариш типига қараб статик ва динамик машқларга бўлинади. Статик машқлар мускуллар узунлигини ўзгартирмасдан ички кучланишни ортиши хисобига бажариладиган машқларни ўз ичига олади. Динамик машқлар деб мускулларнинг узунлигини қисқариб ва узайиши хисобига бажариладиган машқларга айтилади. Жисмоний машқларни амалга оширувчи мускул гурухларини қисқариш кучига караб турлаганда иккита нарсага эътибор бериш лозим «Куч - тезлик» ва «куч - давомлилик» омилларига.

Мускулнинг динамик қисқариш кучи унинг қисқариш тезлигига тескари пропорционалдир. Мускулнинг қисқариши канча тез бўлса шунча куч оз кўринади ёки мускул қисқаришига қаршилик қанча кўп бўлса тезлик шунча паст бўлади ва кучи шунча кўп намоён бўлади. Куч ва тезликни ўзаро муносабати мускул қисқаришининг қувватини белгилайди. қисқаришлар қуввати қанча катта бўлса шу ишнинг давомлилиги шунча қисқа бўлади. Мускуллар қисқаришининг кучи ва қувватига ва бажариладиган ишларни давомлилигига қараб жисмоний машқларни уч гурухга бўлинади; «кучли», «тезлик-кучли» ва «чидамлилик» машқлари. «Кучли» ёки катта куч сарфлаб амалга оширилалиган машқларни бажаришда иштирок этаётган мускул гурухлари максимал ёки максималга якин зўриқишлари мумкин. Бу машқларда «куч» уларни бажаришдаги асосий омил хисобланади. «Тезлик-кучли» ёки қувватли машқлар динамик машқлар хисобланади. Уларни бажаришда асосий мускуллар бир вақтнинг ўзида нисбатан катта куч ва тезлик билан қисқаради. Бундай машқлар 3-5 секунддан 1-2 минутга давом этади. Тезлик ва куч хисобига бажариладиган машқларда «қувват» асосий ахамиятга эга. «Чидамлилик» машқлари деганда уларни бажаришда иштирок этаётган етакчи мускуллар унча катта бўлмаган куч ва тезликда қисқарадилар. Шу тартибда узок муддат яъни бир неча минутдан бир неча соатларгача ишлашлари мумкин. Бу машқларни бажаришда «чидамлилик» асосий сифат хисобланади. Жисмоний машқларни сарфланаётган энергия миқдорини аниқлашда иккита кўрсаткичга эътибор берилади: энергия қувватига, умумий энергия сарфига. Энергия қуввати деганда машқни бажараётганда маълум вақт бирлигида сарфланган энергия миқдори тушунилади. У асосан ватт, ккал/мин ва кислород истеъмоли (мл О 2 /мин) ёки МЕТ-яъни бир кг тана оғирлигига нисбатан бир минутда кислород истеъмоли билан ўлчанади.

Умумий энергия сарфи деганда машқни тўла бажариш вақтида сарфланган энергия миқдорига айтилади. Буни аниқлаш учун энергия қувватини машқни бажариш учун сарфланган вақтга кўпайтириб топилади. Масалан; маълум бир масофани босиб ўтиш учун сарфланадиган энергия микдори доим бир хил бўлади. Тезликни ащамияти йўқ, айтайлик тезликни орттирсак сарфланадиган вақт камаяди, яъни машқ бажаришни энергия қуввати ортади. Маълум бир масофани босиб ўтишни энергия қуввати югурганда 1,08 ккал, юрганда эса 0,72 ккал бўлади. Жисмоний машқларни энергия қувватига қараб енгил, ўрта, оғир ва ўта оғир машқларга бўлинади. Энергия қувватига қараб жисмоний машқларни фарқлаганда бир қатор омилларга эътибор бериш керак. Жумладан ишни статик ёки динамиклигига, иштирок этаётган фаол мускул массасининг хажмига, тананинг катталигига, оғирлигига, ёшига, жинсга, жисмоний чиниққанлигига ва ташқи мухит шароитларига. Масалан 1,2 ккал/мин энергия сарфи билан организм локал иш бажарса унинг давомлилиги бир неча секунд бўлади. Агар шу сарф билан регионал иш бажарилса, иш ўртача оғирликда бўлиб бир қанча ўн минутлар давом этиши мумкин. Шу энергия сарфи глобал иш жуда енгил хисобланади ва кун бўйи бемалол бажарилиши мумкин. Чиниққан одам бемалол бажарган иш чиниқмаган одам учун жуда оғир бўлиши мумкин. Шунинг учун жисмоний машқларни факат энергия қувватига караб турлаш етарли хисобланмайди. Шу сабабли жисмоний машқларни турлашда уларни энергия қувватига қарабгина эмас организмни физиологик кўрсаткичларини щам эътибордан четда қолдирмаслик керак. Спорт машқларини физиологик турлаш . Спорт машқлари икки гурухга бўлинади: Биринчи гурухга шундай машқлар кирадики уларни бажариш учун етарли функционал тизимлар юқори даражада ишлашлари керак , бундай машқларни бажаришда тана ва унинг қисмларини харакатлари организм мускулларини қисқариши хисобига амалга ошади, яъни харакат учун зарур энергияни организм ўзидан олади. Бу машқларни бажаришда куч, тезлик ва

чидамлик сифатлари мущим ащамияга эга (енгил атлетика, сузиш, эшкак эшиш, спорт уйинлари, якка кураш ва бошқалар). Иккинчи гурухга техник машқлар киради. (авто, мотоспорт, елканли, чана, от, авиа ва бошқалар). Бу гурух машқларини бажарганда спортчининг танаси ёки унинг қисмларини бир жойдан иккинчи жойга ўтиши ташқи куч хисобига амалга ошади. Бу машқлар спортчидан маълум бир психо-физиологик сифатларини ривожланган бўлишини талаб қилади. (диққат, реакция тезлиги, харакатларни нозик мутаносиблиги). Биринчи гурух машқларини бажарилишига қараб циклик ва ациклик машқларга бўлинади. Циклик машқлар деганда маълум бир харакатни кўп маротаба такрорланиб туриши хисобига бажариладиган машқларга айтилади (юриш, югуриш, сузиш, велосипед хайдаш ва бошқалар). Ациклик машқларга шундай машқлар кирадики уларни бажараётганда тананинг харакат фаоллиги кескин ўзгариб туради.(спорт уйинлари, якка олишув, гимнастик машқлар, сакраш ва бошқалар). Машқларни турлашда уларни қувватига караб тавсифлаш мухим ахамиятга эга. Циклик машқларни ўртача қуввати хисобга олинади. Бунда масофани босиб ўтишдаги маълум бир вақтда сарфланаётган энергия олинади. Ациклик машқларни бажараётганда «ишчи» ва нисбатан «тинч» даврларда машқ қуввати хар хил бўлади. Бажараётган жисмоний машқларни физик қуввати ваттлар ёки кг/м/минутлар билан ўлчанади. Машқнинг қуввати жисмоний юкламани белгилайди. Аниқ жисмоний юкламани бажариш учун организмни физиологик ва психо-физиологик реакцияларни таъминлашга қаратилган харакатлари физиологик қувватини ёки физиологик юкламани белгилайди. Физиологик юклама ва ишни оғирлиги бир бирига яқин термин ёки атамалар хисобланади. Жисмоний юклама билан физиологик юкламани қуввати орасида тўғри чизиқли муносабат мавжуд. Масалан, югуриш тезлиги қанча юқори бўлса физиологик юклама шунча юқори бўлади. Шуни айтиш лозимки

бир хил жисмоний юкламага турли хил одамлар хар хил физиологик жавоб қайтарадилар. Масалан, ёшига, чиниққанлигига ва турли хил мухит шароитларига қараб жавоб реакциялари хар хил бўлади. Шу сабабли спорт машқларини турлашда кўпроқ машқнинг физиологик қуввати ёки физиологик юкламаси кўрсаткичларидан фойдаланилади. Маълум бир машқни қанча кўп вақт бажара олиш кўрсаткичи хам асосий кўрсаткичларидан хисобланади. Унга кўра В.С.Фарфел физиологик қувватига қараб жисмоний машқларни тўртга бўлади. 1 Максимал қувватли – машқ бажариш вақти 20-секундгача. 2 Субмаксимал қувватли- 20-секунддан 3-5 минутгача. 3 Катта қувватли- 3-5 минутдан 30-40 минутгача. 4 Ўртача қувватли –40 минутдан кўп давом этади. Физиологик қувватни таърифлашда физиологик реакцияларини қанчалик даражада ўзгаришига эътибор берилади. Маълум бир жисмоний юкламага бериладиган физиологик жавоб реакцияларининг кўриниши ва катталиги организмнинг етакчи физиологик тизимларини функционал имкониятларидан келиб чиқади. Яъни бир хил физик юклама турли одамларга турлича таъсир этади. Циклик машқларни турлагада уларни энергия манбаига қараб анаэроб ва аэроб машқларга бўлинади.Хар хил циклик машқларни бажарганда анаэроб ва аэроб йўл билан энергия хосил бўлиши турли нисбатда бўлади. Анаэроб ва аэроб йўл билан энергия хосил қилиш учта тизимдан иборат бўлади. 1 Алактат ёки фосфоген. 2 Лактат ёки гликолитик. 3 Аэроб ёки кислородли. Бу учала тизимларни ишлаш чегаралари бири иккинчисиникини қоплаб кетади. Анаэроб ва аэроб энергия тизимларини шу машқларни бажаришдаги улушига қараб циклик машқларни анаэроб ва аэроб машқларга бўлинади Анаэроб машқлар уч гурухга бўлинади . 1 Максимал анаэроб қувватли машқлар.

2 Максимал олди анаэроб қуватли машқлар. 3 Субмаксимал анаэроб қувватли машқлар. Максимал анаэроб қувватли ишни бажараётган мускулларни энергия билан таъминланиши асосан анаэроб йўл билан амалга оширилади. Умумий энергия сарфининг 90-100% анаэроб йўл билан таъминланади. Бу иш асосан фосфорли бирикмаларни (АУФ, КФ) парчаланиши ва қисман лактат ёки гликолитик йўл билан энергия олади. Энг катта қувватли анаэроб иш вақтида етук спортчилар 120 ккал/мин энергия сарфлайди. (қиска масофага югуриш, қисқа масофага сузиш, қисқа масофага велосипед хайдаш). Максимал анаэроб қувватли машқлар узоқ давом этмаганлиги туфайли қон айланиш ва нафас тизимлари фаолияти ўзини юқори даражасига кўтарилмайди. Бундай машқларда юқори натижаларга эришиш учун мускул фаолиятини бошқарувчи марказ, мускулларнинг фаоллиги, фосфоген энергия тизимини хажми ва қуввати юқори бўлиши керак. Максимал олди анаэроб қувватли машқларни бажарганда сарфланаётган энергиянинг 75-85% фосфор органик бирикмаларни ва глюкозани сут кислотасигача парчаланиши йўли билан хосил қилинади. Етук спортчилар бундай машқларни бажарганда минутига 50-100 ккалгача энергия сарфлайди. Бундай машқларнинг давомлилиги 20 секунддан 50 секундгача бўлади (200 метргача югуриш, 100 метрга сузиш, 500 метрга конькида учиш максимал олди анаэроб қувватли машқлар хисобланади.). Бу машқларни энергия билан таъминлашда кислородни етказиб берувчи тизимнинг ахамияти бор. Айникса, машқ узоқроқ давом этадиган бўлса. Масалан, 400 метрга югуришганда юрак уришлар сони ўз максимумга масофанинг охирида кўтарилиши мумкин. Кислород истеъмоли масофа охирида кислороднинг максимал истеъмолини 70-80% ни ташкил килади. қонда сут кислотаси миқдори етакчи спортчиларда 15 ммол/л гача етади. қанднинг қондаги микдори бироз ортади. Субмаксимал анаэроб қувватли ишни бажараётган мускулларда энергия хосил қилишни 60-70% анаэроб, яъни сут кислотаси хосил бўлиши

хисобига бўлади. Лекин аэроб тизим хам энергия хосил бўлишига сезиларли хисса қўшади. Бундай ишлар ёки машқлар 1-2 минут давом этади. Масалан, 800 метрга югуриш, 200 метрга сузиш, 1000 ва 1500 метрга конькида учиш. Спортчилар бундай машқларни бажараётганда ўртача минутига 40 ккалгача энергия сарфлайди. Кислород таъминловчи тизим кўрсаткичлари максимумга яқин бўлади. Машқлар тугагандан кейин қонда сут кислотасининг миқдори 20-25 ммол/лни ташкил килади. қанднинг қондаги миқдори сезиларли даражада ортади (150 мг %). Кўриниб турибдики, бу машқлар хам анаэроб хам аэроб тизимларнинг юқори даражада ишлашини талаб қилади Аэроб машқларда ишлаётган мускулларда энергиянинг хосил бўлиши асосан ёки мутлақо оксидланиш жараёни хисобига кетганлиги учун организм тўхтовсиз кислород истеъмол қилиши керак. Шу сабабли, бу машқларнинг қувватини иш бажариш давридаги кислород истеъмолининг даражаси билан ўлчанади. Агар кислороднинг масофадаги истеъмолнинг шу спортчининг кислороднинг максимал истемоли билан таққосланса, бажарилаётган машқнинг нисбий аэроб физиологик қуввати аниқланади. Шу кўрсаткичга кўра аэроб машқлар 5 гурухга бўлинади: 1. Максимал аэроб қувватли машқлар. 2. Максимал олди аэроб қувватли машқлар. 3. Субмаксимал аэроб қувватли машқлар. 4. Ўрта аэроб қувватли машқлар. 5. Кичик аэроб қувватли машқлар. Максимал аэроб қувватли машқларни бажарганда спортчининг масофадаги кислород истеъмоли шахсий кислороднинг максимал истемолининг 95-100% ни ташкил қилади. Энергия хосил бўлишини 60-70% кислород иштирокида бўлади. Кўриниб турибдики, 30-40% энергия анаэроб тизим хисобига таъминламоқда. Машқлар 3-10 минутгача давом этиши мумкин. Бундай машқларга 1500-3000 метрга югуриш, 400-800 метрга сузиш, 3000-5000 метрга конькида учиш, 4 километрга велосипед хайдаш киради.

Асосий энергия берувчи модда мускул гликогени хисобланади. У хам аэроб, хам анаэроб йўл билан парчаланади. Машқлар бошлангандан 1,5-2 минут ўтгандан сўнг шу спортчининг юрак уришлари сони, систолик ва минутлик хажми, ўпка вентиляцияси, кислород истеъмоли тезлиги максимал даражага кўтарилади. Машқ бажариш давом этаверса юқоридаги кўрсаткичлар шундайлигича туриши ёки бироз пасайиши мумкин. Машқлар тугаганда сут кислотасининг қондаги микдори 15-25 ммол/л га етиши мумкин. Максимал олди аэроб кувватли машқлар бажарилганда спортчининг масофадаги кислород истеъмоли шахсий кислородни максимал истемолининг 85-95% ини ташкил қилади. Сарфланаётган энергиянинг 90% оксидланиш йўли билан хосил қилинади. Оксидланувчи модда сифатида углеводлар ишлатилади, нафас коэффициенти 1,0 га тенг бўлади. Асосан мускуллардаги гликоген ва қисман қондаги қанд парчаланади. Машқлар 30 минутгача давом этиши мумкин. Бундай машқларга 5000-10000 метрга югуриш, 1500 метрга сузиш, 10000 метрга конкида учиш киради. Машқларни бажараётганда юрак уришлар сони ўзининг максимум кўрсаткичига нисбатан 90-95%, ўпка вентиляцияси 85-90% даражада бўлади. Сут кислотасининг қондаги миқдори етук спортчиларда 10 ммол/л атрофида бўлади. Тана харорати 39 o С га кўтарилади Субмаксимал аэроб кувватли машқларни бажараётганда спортчининг масофадаги кислород истеъмоли шахсий кислороднинг максимал истемолини 70-80% ни ташкил қилади. Машкларни бажариш учун хосил қилинаётган энергиянинг 90% дан ортиғини оксидланиш, яъни аэроб йўл билан хосил қилинади. Оксидланувчи моддаларнинг кўп қисми углеводларга, озроги ёгларга тўғри келади. Нафас коэффициенти тахминан 0,85-0,90 га тенг бўлади. Бу гурух машқларга марафонча югуриш, 30 км га югуриш, спортча 20 км юришларни киритиш мумкин. Машқлар 120 мингача давом этиши мумкин.

Ўрта аэроб кувватли машқлар бажарилганда спортчининг масофадаги кислород истеъмоли шахсий кислородни максимал истемолининг 55-65% ини ташкил килиб, барча сарфланаётган энергия аэроб йўл билан хосил қилинади. Асосий энергия манбаи бўлиб ишлаётган мускуллардаги ёглар хисобланади. Нафас коэффициенти 0,8 га яқин бўлади. Бундай машқларга 50 кмгача спортча юриш, 50 км ва ундан ортик масофага чанғида юришни олиш мумкин. Юрак, нафас тизимларининг кўрсаткичлари ўзининг максимумини 60-75% даражасидан ортмайди Кичик аэроб кувватли жисмоний машқларни бажарганда спортчининг масофадаги кислород истеъмоли шахсий кислородни максимал истемолининг 50% ва ундан хам озроқ даражасида кетади. Сарфланаётган барча энергия аэроб йўл билан хосил қилинади. Асосий оксидланувчи модда ёглар хисобланади. Бундай машқларга оддий юриш машқларини кўрсатишимиз мумкин. Ациклик машқларини 4 та гурухга бўлинади : 1) Портловчи; 2) Стандарт-ўзгарувчан; 3) Ностандарт-ўзгарувчан; 4) Интервалли-такрорланувчи. Портловчи машқларга сакраш ва улоқтириш машқлари киради. Сакраш машқларига узунликка, баландликка, уч қадамлаб, лангар билан, чапнғида, трамплиндан сувга сакраш хамда гимнастика ва акробатикадаги сакрашларни киритилади. Улоқтиришга диска, найза, молотни улоқтириш, ядро улоқтириш хамда оғир атлетикадаги силтаб кўтаришлар киради. Бундай машқларни алохида хусусияти шундан иборатки, уларни бажаришда бир марта ёки бир неча марта қисқа муддатли катта қувватли кучланиш содир этилади. Барча портловчи машқларда спортчининг танасига ёки спорт снаряди бор қўлларига катта тезлик юборилади. Портловчи машқлар бир неча секунд давом этади. Хар бир портловчи машқнинг

бошлангич қисмида тайёргарлик қисми бўлади (югуриш). Портловчи машқлар бир бутунлигича ўргатилади Стандарт – ўзгарувчан машқларга спорт ва бадиий гимнастикадаги, акробатикадаги, фигурали учишдаги, синхрон сузишдаги машқлар киради. Уларнинг таркибига кирадиган харакат элементлари қатъий тартибда жойлашиб, уларнинг хар бири тугалланган акт хисобланади. Шу сабабли уларни алохида ўрганиб, кейин занжир хосил қилса бўлади Ностандарт – ўзгарувчан машқларга барча спорт ўйинлари, спортча якка олишув ва чангида тоғдан тушиш киради. Бундай машқларни бажараётганда фавкулотда катта тезликда иш бажариш даврлари, кам қувватли айрим холларда мутлақо тинч холатлар билан алмашиниб туриши мумкин (боксчи ва курашчиларнинг раундлар орасидаги дам олиши, таймлар орасидаги дам олиш, ўйинни тўхтатиб туриш). Шу сабабли, бундай машқларда ишчи даврларни ва нисбатан дам олиш даврларни кузатиш мумкин Интервалли – такрорланувчи машқларга мусобақа ва чиниқиш давридаги комплекс машқлар кириб, улар стандарт комбинацияли бир хил ёки хар хил элементлардан иборат бўлиб, улар бир биридан қисман ёки тўла дам олиш билан ажралиб туради. Элементлар циклик ёки ациклик кўринишда бўлиши мумкин. Масалан, чиниқиш машқларидаги бир масофани бир неча марта қайтариб босиб ўтиш, штангани бир неча марта кўтаришда иш бажариш тўла ва қисман дам олиш билан алмашиниб туради. Биатлон ва спортча мужжаллаш мусобақалари интервалли – такрорланувчи машқларга киради.

Адабиётлар 1. Спортивная физиология. Под ред. Я.М. Коца – М. 1986 2. Физиология человека. Под ред. Н.В. Зимкина – ФиС, 1970 3. Н.А. Фомин. Физиология человека. – М., Просвещение, 1982 4. Н.А. Бернштейн. Физиология движений активности. – М., 1990 5. Ю.В. Верхошанский. Основы силовой подготовки спортсмена. М., 1970 6. Н.В. Зимкин. Физиологическая характеристика силы быстроты и выносливости. 8. М.,1966

Похожие

Жисмоний машқлар классификацияланишининг физиологик асослари

Жисмоний тарбия ва спорт машғулотларининг умумий физиологик қонуниятлари

Жисмоний машқлар ва спорт билан шуғулланишнинг физиологик характеристкаси

Жисмоний тарбия воситаси билан организмни чиниқтиришнинг физиологик асослари

Оғир жисмоний машқ бажарганда машқ қилганликнинг физиологик кўрсаткичлари