Харакат малакаларини шакллантириш ва спорт техникасини ўрганишнинг физиологик асослари - Физическая культура - Рефераты

Харакат малакаларини шакллантириш ва спорт техникасини ўрганишнинг физиологик асослари

Загружено в:

20.09.2019

Скачано:

0

Размер:

79.5 KB

Харакат малакаларини шакллантириш ва спорт техникасини ўрганишнинг физиологик асослари Режа: 1. Харакат малакаларини шакллантиришнинг шартли рефлексли механизми 2. Харакат малакаларининг шаклланиши ва сақланишига қайтар боғланишнинг ахамияти 3 . Харакат хотираси 4 . Харакатларнинг автоматлашуви . 5. Жисмоний машкларни бажаришнинг спорт техникаси ва энергия сарфини камайтириш 6. Спорт техникасини эгаллаш тамойилларининг физиологик асослари

Харакатларни бошқариш учун марказий нерв тизими жуда мураккаб фаолиятни амалга оширади. Хар қандай харакатни, айниқса, спорт харакатларини бажарганда ва тананинг маълум бир холатини сақлаш учун битта ёки бир нечта мускулларгина иштирок этмасдан, кўп мускуллар иштирок этади. Хар бир мускулнинг ичидаги харакат бирликларининг харакатда иштирок этиши хам ўзгариб туради. Бундан ташқари, шу харакатни амалга оширишда иштирок этаётган мускуллар ва харакат бирликларининг сони, харакат тезлигининг ўзгариши, уларнинг чарчаши ва бошқа омилларнинг ўзгаришига қараб ортиб ёки камайиб туради.Турли хил харакат малакаларининг миқдори, туғма харакатларидан ва шахсий хаёт давомида орттирилган харакатлардан иборат бўлади.Одам чегараланган сондаги ва мураккабликдаги харакат актлари билан тузилади. Нерв тизимининг пластиклик хусусияти туфайли харакат харакат малакаларини хосил қилишда кулайлик туғдиради. Демак, чиниқа олиш наслдан наслга бериладиган сифат хисобланади. Бу сифат турли одамларда турлича ривожланган бўлади. Шу сабали, у ёки бу спорт турига жалб килинганда, морфалогик кўрсаткичлар билан бирга чиниқа олиш қобилиятига хам алохида эътибор бериш керак. Хаётнинг турли даврларида чиниқа олиш қобилияти юқори бўлади, шу даврда харакат малакаларини хосил қилиш ва ўкитиш ишлари жуда осон кетади. Шу сабабли, спорт техникасини эгаллашда, унинг осон кечишини таъминлайдиган ёш даврларни топиш лозим. 1) Харакат малакаларининг шаклланишининг физиологик механизмини бош мия ярим шарлар пўстлоғида вақтинчалик боғланишнинг юзага келиши билан тушунтирилади. Ихтиёрий харакатларнинг рефлекслар асосида амалга ошишини Сеченов М.И. асарларида очиб берган. Биз биламизки, вақтинчалик боғланиш шартли ва шартсиз қўзгатувчиларнинг таъсир этиши натижасида хосил бўлади. Бунда шартли кўзгатувчи шартсиз қўзгатувчи билан мустахкамланади ёки аввал хосил қилинган мустахкам шартли рефлекслар билан мустахкамланади. Жавоб реакцияси сўлак оқиш, қўлни

тортиб олиш, ёки бошқа харакат шартсиз рефлекси ёки аввал орттирилган шартли билан жавоб беради. Харакат малакаларига келсак, жавоб реакцияларига оддий шартли қўзгатувчи таъсирига юзага келадиган реакцияларгина эмас. Уларда вақтинчалик боғлар янги харакатларни ёки янги харакатлар мажмуини хосил қиладики, улар шу организмда аввал учрамаган.Одамларда харакат малакаларини хосил килиш ва спорт техникасини эгаллашда юкори даражали вактинча богланишлар мухим ахамиятга эга. Харакат малакаларининг шаклланишида хосил бўлаётган вақтинчалик боғланишлар харакатни таъминлабгина колмасдан, уни энергия билан таъминловчи вегетатив функцияларни хам созлайди. Харакат малакаларини таъминловчи мотор ва вег е татив кисмлар бир вақтда шаклланмайди. Оддий харакат малакаларида мотор қисми, мураккабларида вег е татив қисмлар олдин шаклланади. Харакат малакаси хос и л бўлгандан кейин вег е татив қисм харакат қисмига қараганда секин ўзгаради. Масалан, узлуксиз ишдан кейин тўхтаб-тўхтаб бажариладиган ишга ўтса, харакат малакасининг харакатланиш қисми тез ўзгаради, ички органларнинг фаолияти эса анча вақтгача аввалги ишга мос давом этаверади.Спорт техникасини эгаллаётганда харакат малакасининг шаклланиши аввалги харакат малакалари асосида амалга ошади. Масалан, боланинг тик туриш малакаси, мустақил ўтириш малакаси асосида шаклланади, юриш малакаси эса тик туриш асосида шаклланади. Хар хил спорт харакатлари масалан; гимнастикада, фигурали учишда ва бошка харакатларда машқларнинг кўп қисмлари тўла янги бўлмасдан аввал хосил қилинган малакалар хисобланади.Агар мураккаб харакатни ўрганиш зарур бўлса, аввал тайёргарлик машқлари ва алохида харакат қисмларини ўрганишдан бошланади ва секин-аста мураккаблашиб, вақтинчалик боғланишлар мустахкамланади.Мустахкам харакат малакаларининг мавжудлиги доимо янги малакаларни хосил бўлишга ёрдам бермасдан халақит қилиши хам мумкин. Масалан, конкида фигурали учиш машқларида бир томонга айланиш машқи мустахкамланса, иккинчи томонга айланишни ўрганишни

қийинлаштиради. Шу сабабли, спорт машқларига ўргатишда бира тўла тўғри харакатларни шакллантирган маъқул. Харакат малакаси бир қатор харакатлардан иборат бўлиб, бир бутун максадли харакатлар мажмуидан иборат бўлади. Харакат малакасининг шаклланишида алохида харакатлардан харакатлар занжири юзага келиб, у динамик стереотип деб аталади.Жисмоний машқларда динамик стереотип харакат фазаларининг кетма-кет келишини таъминлайди. Масалан, юриш ёки югуришда фазалар кетма-кетлиги доимий қолади. Лекин улар орасидаги вақт бирлигида қадамлар сони, узунлиги узлуксиз ўзгариб туради. Харакатнинг ички таркиби, яъни шу харакатни амалга ошираётган мускулларнинг харакат бирликларининг қисқариш даражаси ва сони тўхтовсиз ўзгариб туриши мумкин. Шу йўл билан марказий нерв тизими маълум бир максадга эришиш учун турли йўллардан фойдаланиши мумкин.Ациклик машқларда динамик стереотиплар харакат фазаларининг катъий таркибда кетма-кет келишини фақат стандарт холатдагина таъминлайди. Масалан, баскетболда жарима тўпини ташлашда.Одамнинг харакат фаолияти турли-тумандир. Шундай холатда янги харакатларни амалга ошириш марказий нерв тизими пластиклиги туфайли экстраполяция қилиш йўли билан амалга оширилади.Экстраполяция деганда – вужудга келган харакат мақсадини нерв тизими томонидан ўзидаги тажрибага таяниб амалга ошириши тушунилади. Ўзлаштирилган харакат занжирларининг ортиши янги хали ўрганилмаган харакатларни бажариш имкониятини орттиради.Экстраполяциянинг шакллари жуда хилма-хил. Улар харакат фаолиятининг турли томонларини хисобга олиб, хаттоки холатни бахолаб таъсир тактикасини аниқлаб қилинадиган харакат режаси ва шаклигача аниқлайди.Одам оддий кундалик хаётидаги харакатларни қилаётганда хам экстраполяциядан кенг фойдаланади. Масалан, одам юрганда уни амалга оширишда иштирок этаётган мускуллар фаолиятининг турли хилларидан фойдаланиш йўли билан муайян шароитга мос харакатлар қилади. Тана қайсидир бир томонга эгилиши ёки каллани буриши, қадамларнинг баландлиги ва узунлигининг

ўзгариши, кўтариб кетаётган юкни ортиши ёки камайиши харакатлар дастурининг ўзгаришига олиб келади. Шу сабабли, хаётда учрайдиган барча харакатларга одамни ўқитиб ёки ўргатиб бўлмайди. Марказий нерв тизими экстраполяция хусусияти борлиги учун хар қандай шароитда харакатни амалга оширишни таъминлайди. Ташқи кўриниши турли хил харакатларни амалга оширишда экстраполяциянинг ахамияти яна хам ортади. Масалан, футболчи тўпни ўнг ёки чап оёқларининг турли қисмлари билан, турли куч билан хар-хил холатдан тепиши мумкин. Шундай кўп турдаги харакатларни амалга ошириш учун зарур харакатлар ўрганилса бас, қолганларини экстраполяция йўли билан амалга оширилади. Экстраполяция қобилияти инсонга қисман ирсий белги бўлиб ўтади. Асосийси вақтинчалик боғланишлар хисобланади. Бир хил харакатларни бажариш экстраполяцияни торайтиради, хилма-хил харакатларни бажаришни кенгайтиради. Шунинг учун чиниқиш вақтида турли хил харакатларни бажариш, улар тезлигининг ортиши, турли юкламалар билан юклаш керак.Экстраполяциянинг таъсир қилиш чегараси бироз чегараланган. Масалан, футболчининг харакат малакалари, боксчи ёки курашчининг усулларини экстраполяциялаш учун қўллаш мумкин эмас. Шу сабабли, спортчининг тайёргарлик машқлари танланганда, асосий машқларни эгаллашни осонлаштирувчиларни олиш керак. Тайёргарлик машқларини танлаганда яна вегетатив функцияларни хам ривожлантирувчи томонларини хисобга олмок керак.Харакат малакаларининг шаклланиши бир қанча даврларда ўтади. Биринчи давр нерв жараёнларининг иррадиацияланиши натижасида жавоб реакцияларига турли мускулларнинг қатнашиши билан ифодаланади. Бу даврни генерализация даври деб аталади. Иккинчи даврда нерв жараёнларини ва уларнинг кучланишини йўқотиш даврда малака стабиллашиб, харакатлар координацияланиб, яна хам автоматлашади.Айрим холларда айрим даврларсиз хам харакат малакаси шаклланиши мумкин. Бу бир қанча омилларга боғлиқ: мускул иши мураккаблиги, қуввати, харакат холати, спортчининг малака ва бош; Масалан, гимнастика машқларининг

малакаларини шакллантириш, спорт устаси, ўрта даражадаги ва янги ўрганаётган спортчиларда турли хил кетади. Етук спортчиларда экстрополяциялашнинг ривожланганлиги туфайли биринчи давр айрим холларда иккинчи давр хам бўлмаслиги мумкин.Харакат малакаси дастлаб унчалик мустахкам бўлмайди, секин-аста мустахкам ва тургун бўлиб қолади. Малака қанча содда бўлса, шунча мустахкам бўлади. Мураккаб координацияли харакат малакалари унча мустахкам бўлмайди. Шу сабабли, етук спортчилар хам хар доим юқори натижа кўрсатмайди. Машқнинг сифатига таъсир қилувчи бирорта омилнинг ўзгариши натижани пасайтиради. Бундай омилларга нерв тизимининг чарчаши, кислород етишмаслиги, минтақанинг ўзгаришига адаптацияланишнинг етишмаслиги, ўзига ишонмаслик ва бошқалар.Чиниқишнинг тўхтаб қолиши малакани йўқотади. Бунда харакат малакасининг хар хил қисмлари турлича даражада бузилади. Масалан, харакат малакаларининг мураккаб қисмлари бир неча кун шуғулланмаганда ёмонлашади. Шу сабали, спортда юқори натижага эришиш учун чиникиш узлуксиз бўлгани маъкул. Айрим харакат малакаларининг оддий қисмлари узоқ вақт йўқолмайди. Харакат малакаларининг шаклланиши унда иштирок этаётган мускулларнинг биопотенциалларининг ўзгаришда кўринади. Дастлаб биопотенциаллар шу харакатни амалга оширувчи мускуллардагина кузатилмасдан, кераксиз мускуллардан хам импулсларни ёзиб олиш мумкин. Бунга нерв марказларида қўзгалишни иррадиацияланиши сабаб бўлади. М алаканинг мустахкамланиб бориши фақат тегишли мускулларда биопотенциалларнинг хосил бўлишини таъминлайди. Харакат малакаларининг шаклланишида организмнинг ички қисмлари ва ташқи мухитдан олинадиган ахборотларнинг ахамияти катта. Нерв тизими кандайдир харакатни амалга ошириш учун импулслар юборади, улар мускулларни қисқартириб, уларда содир бўлган ўзгаришлар хақида сигналларни қабул қилиб олади. Кайтар боғланиш сигналлари харакатни мувофиклаштириш учун ахамиятли хисобланади.Ички ва ташқи қайтар боғланиш сигналлари мавжуд. Ичкилар мускул ишининг тавсифи, юрак ва

бошқа аъзолар хақида ахборот берса, ташқилар тўпнинг харакати, рақибнинг холати, улоқтиришнинг аниқлиги ва бошқалар хақида ахборот беради.Харакатни мукаммаллаштириш учун устоз ёки бошка кишилар томонидан ахборот хам мухим ахамиятга эга. Хозирга вақтдаги фойдаланилаётган хар хил техник анжомлар (кинога тушириш, видео магнитафонга ёзиш, электронограмма ва бошқалар) харакатнинг вақт ва фазовий кўрсаткичлари хақидаги кўрсаткичлари нихоятда мухимдир.Харакатлар мажмуини тайёрлаш ва амалга оширишда турли хил омилларга боғлиқ бўлади. Бу омилларни П.К. Анохин 4 та асосийомилларини аниқлади: Мотивация (талаб, эхтиёж); Хотира; Холат ахбороти; Бошловчи ахборот. Мехнат ва спорт фаолиятида инсонларнинг уларга талаби ёки эхтиёжи мухим ахамиятга эга. Нерв тизимидаги хотира холатни бахолашда катта хисобланади. Харакатларни марказий нерв тизими томонидан режалаштиришда организм функционал тизимларининг холати ва ташқи мухит хақидаги хабарлар мухим ўрин тутади ва нихоят бошловчи ахборотни, яъни ўқ отиш, байроқ холати, хуштак овози, буйруқ сўзлари ва бошқалар хам мухим ахамиятга эга. Аммо айрим харакатларни бошловчи сигналлар мураккаб холатдан келиб чикади. Бу, албатта, афферент синтезни бир қанча қийинлаштиради. Масалан, якка курашда, спорт ўйинларида, янги харакатларни кўп марта янгидан бошлашга тўғри келади. Бунда жавоб харакати қандайдир битта ахборотга боғлиқ бўлмасдан, юзага келган холатдан келиб чиқади.Харакатларни секинроқ бажарганда уларни аниқлаштириш учун қайтар боғланиш мухим ахамиятга эга. Мураккаб ва тез бажариладиган харакатларни бажарганда, вақтнинг озлиги туфайли қайтар боғланиш сигналлари камроқ ахамиятга эга. Жуда қисқа вақт давом этувчи харакатларда қайтар боғланиш харакатларни қайта такрорлаш учун жуда зарур хисобланади.Мураккаб харакатларни ривожлантиришда марказий ва периферик бажарувчи қисмларнинг функционал холати, холат ва бошловчи ахборотлар ва хотиранинг ахамияти катта. Тажрибалар шуни кўрсатадики, шартсиз харакат рефлекслари ва мустахкам шартли харакат рефлекслари

қайтар боғланишсиз хам бемалол амалга ошаверади.Мураккаб харакатларни бажараётганимизда, албатта, қайтар боғланиш сигналлари ёрдамида тўғриланиб туриши зарур. қайтар боғланиш сигналлари марказий нерв тизими харакат аппарати ва вегетатив тизимларнинг холати хақида ахборот бериб, харакатни бир фазадан иккинчи фазага ўтишни режалаштиради.Турли хил спорт турларида харакатларни режалаштириш хар хил бўлади. Бу харакатлар мажмуининг мураккаблиги, янгилиги ва режалаштириш учун вақтнинг етарлилигига боғлиқ бўлади. Агар харакат аввал кўп марта амалга оширилган бўлса, қайта режалаштириш харакатлари мураккаб бўлса хам, нисбатан осон амалга оширилади. Янги харакатларни режалаштириш қийин, бунга сабаб холатнинг узлуксиз ўзгариб туриши, режалаштириш учун вақтнинг озлиги ва хар сафар янги кўринишда харакат қилиш хисобланади.Харакатнинг амалга ошиш самарадорлиги харакат дастурининг мускуллар ва уларни таъминловчи вегетатив аъзоларнинг функционал имкониятларига боғлиқ. Дастур билан харакатнинг хақиқатда бажарилиши орасида мос келмаслик холлари периферик ишчи аъзолари холатининг ўзгариши натижасида ортади. Холатнинг ўзгарганлиги хакидаги ахборот ўз вақтида нерв марказларига бориб туриши керак. Шундагина нерв тизими харакат вазифаларининг самарали бажарилишини таъминловчи дастурни туза олади. Тузилган дастур билан машқнинг бажарилиши самарадорлигининг етарли эмаслиги периферик аъзолари, шу жумладан, мускулларнинг холатини мос эмаслигидан келиб чиқади.Шу сабабли, айрим спорт турларида (узокликка сакраш, ланган билан сакраш, штанга кўтариш) дастлаб озроқ кўрсаткичлардан бошланиб, марказий нерв тизими приферик аъзоларнинг аниқ холати хақида ахборотга эга бўлади. 3) Физиологик нуқтаи назардан, хотира марказий нерв тизимининг функцияси хисобланиб, келаётган ахборотни сақлаш ва қайта ишлаш, аввалги олинган ахборот билан таққослаш ва заруриятга кўра қайта чиқаришга йўналтирилади. Шу ахборот сақланаётган жойда – мияда бошқа ахборотлар билан биргаликда турли хил жисмоний машқларни бажариш

техникалари ва уларни амалга оширадиган мускулларнинг фаолиятини координациялаш дастурлари хам сақланади.Хотира билан боғлиқ бўлган нерв жараёнлари бир неча бўлаклардан иборат бўлади: 1) Турли сезги тизимлари орқали келаётган ахборотларни қабул қилиб олиш. 2) Шу ахборотни қайта ишлаш ва синтез қилиш. 3) Ахборотни қайта ишлаш натижаларини хотирага ўтказиш. 4) Хотирадан керакли ахборотни олиш. 5) Жавоб реакцияларини режалаштириш. Спортчиларда айрим холларда керакли ахборотни хотирадан олиш қийин бўлади, натижада жисмоний машқларни бажариш ёмонлашади. Харакат фаолиятининг турли кўрсаткичларини эсда колдириш ва хотирадан олиш хар хил бўлади. Масалан, мускулларнинг статик кучланишини қайтариш 15-20% хатолик билан амалга ошади. Бўғимларнинг букилиб ёзилиши билан амалга ошадиган харакатлар сезиларли даражада аниқроқ қайтарилади. Бунинг сабаби шуки, мускул статик кучланганда марказий нерв тизимига иккиламчи импулслар факат мускулнинг ўзидан боради, харакат содир бўлганда эса қайта боғланиш импулсларни пайлар ва айниқса, харакатдаги бўғимларнинг рецепторларидан боради. Жисмоний машқларни эсда сақлаш ва қайта такрорлаш самарадорлиги бир қанча омилларга боғлиқ: ижрочининг малакаси, харакатнинг мураккаблиги, машғулот вақтида харакатнинг такрорланиши, чиниқиш машғулотлари орасидаги танаффус ва организмнинг эмоционал холати. Мураккаб машқларни ўрганиш ва мустахкамлашда хар куни чиниқиш машғулотларини ўтказиш максадга мувофиқдир. 4) Спорт харакатларининг техникаси мукаммаллашуви уларни ўйлаб ўтирмасдан бажариш имконияти билан боғлиқ бўлади. Организм кўп харакатларни ўйлаб ўтирмасдан ихтиёрга бўйсундирмай бажаради. Бу

харакатларнинг автоматлашуви деб аталади. Барча харакатлантирувчи шартсиз рефлекслар бирламчи автоматлар деб аталади. Шулар билан бирга иккиламчи автоматлар мавжуд бўлиб, уларга мустахкам харакат малакалари киради. Уларни вақтинчалик боғланишлари шунчалик мустахкамланадики, харакатлар ўйланмасдан автоматик юзага келади. Харакат малакаларини автоматлашуви тахлил қилганимизда танамизнинг йирик қисмлари харакати ихтиёрий бўлади. Харакатда иштирок этаётган мускулларни алохида қисмлари, харакат бирликлари, вегетатив ўзгаришлар онгимизда акс этади. Харакатнинг автоматлашган ва автоматлашмаган қисмларини бошқариш нерв тизими томонидан боғлиқ холда олиб борилади. Шу сабабли, харакатларга ўргатиш ва чиниқтиришда онгли бошқариш мухим ахамиятга эга. Спортчи томонидан олдига қўйилган мақсадни, вазифани аниқ онглаш харакатни ўйламай автоматик бажарадиган қисмларини амалга оширишни осонлаштиради. Шуни айтиш лозимки, айрим холларда автоматик холда бажарилган харакат тугагандан кейин англаб олинади. Масалан, дарвозабоннинг хавфли шароитдаги харакатлари. Инсоннинг онглаш майдони тор, бир вақтнинг ўзида харакатнинг барча қисмларини англаб ололмайди. Шу сабабли, харакатга ўргатганимизда иложи борича унинг қўл қисмларини автоматик тарзда бажарадиган холатга келтирилса, спортчининг онглаш майдонида асосий вазифани амалга оширувчи харакатни қилиш мумкин бўлади. 5) Жисмоний машқлар вақтида вегетатив ва харакат функцияларининг энергия сарфи улар ўзаро келишиб фаолият кўрсатганда оз бўлади. Энг биринчи спорт машқларини бажариш мукаммаллашиб борган сари энергия сарфи хам камайиб боради. Спорт техникаси мукаммаллашмаган

холатда нерв марказларида қўзгалиш иррадиацияланиши натижасида зарур бўлмаган мускулларнинг ва харакат бирликларининг харакатда иштироки туфайли энергия сарфи ортади. Етук спортчиларда спорт техникасининг ортиши харакатни амалга оширувчи мускулларининг энергия сарфинигина камайтирмасдан вегетатив функцияларни хам энергияни кам сарфлашга олиб келади. Харакат малакасининг шаклланишида вегетатив функцияларнинг ўзгаришлари шартли рефлекс кўринишида бўлади. 6) Спорт техникасига ўргатиш бир қатор педагогик тамойиллар асосида бўлиб, уларни амалга ошириш фақат физиологик қонуниятларни билган тақдирдагина етарли самара беради. Харакатни бажариш техникасини секин-аста мураккаблаштириш тамойилига спорт машқларини бажаришда мураккаб вақтинчалик боғлар тизими иштирокида қўл мускуллар фаолияти бошқарилади. Шу сабабли, бундай вақтинчалик боғлар тизими секин-аста хосил бўлади. Шунинг учун мураккаб харакатлар машқни ўрганишда дастлаб алохида элементларни ўргатиб, кейин мураккаб тизимга бирлаштирилади. Жисмоний машкларни узлуксиз такрорлаш тамойилига кўра бош мия ярим шарлари пўстлогидаги вақтинчалик боғланишлар қайта-қайта такрорлаш натижасида шаклланади ва мустахкамланади. Бунда машкларни такрорлашлар сони ва оралиғидаги вақт, чиниқиш машғулотларининг тартиби мухим ахамиятга эга. Такрорлаш сонининг озлигидан ташқари ортиқча кўплиги хам харакат малакасининг шаклланишига қаршилик қилади. Хар томонлама тайёргарлик тамойили. Харакат малакасининг шаклланиши жараёнида харакатларнинг кўп марталаб такрорланиши экстраполяцияни торайтириши мумкин. Бундай торайиш шароитнинг ва спортчининг холатини ўзгаришига кўра харакатга шунча мослашни чегаралаб қўяди. Натижада, машқ тўла қийматли бўлмайди. Шунинг учун,

спортчининг хар томонлама техник таёргарлигини таъминловчи дастур билан ишлаш керак. Шахсий ўргатиш тамойили. Спортчилар ирсий хусусиятларига кўра у ёки бу машқларни ўрганиши турлича бўлади. Бундан ташқари, спортчилардаги харакат малакалари захиралари хам турлича. Шунинг учун спорт турларига жалб қилишда ва турли машқларни ўргатишда шахсий хусусиятларни хисобга олмоқ зарур.

Адабиётлар 1. Спортивная физиология. Под ред. Я.М. Коца – М. 1986 2. Физиология человека. Под ред. Н.В. Зимкина – ФиС, 1970 3. Н.А. Фомин. Физиология человека. – М., Просвещение, 1982 4. Н.А. Бернштейн. Физиология движений активности. – М., 1990 5. Ю.В. Верхошанский. Основы силовой подготовки спортсмена. М., 1970 6. Н.В. Зимкин. Физиологическая характеристика силы быстроты и выносливости. 8. М.,1966

Похожие

Жисмоний машқлар ва спорт физиологияси ёки машқ қилишнинг физиологик асослари

Айрим спорт турларининг физиологик характеристикаси

Чидамлиликнинг физиологик асослари

Жисмоний тарбия ва спорт машғулотларининг умумий физиологик қонуниятлари

Жисмоний машқлар ва спорт билан шуғулланишнинг физиологик характеристкаси