Чидамлиликнинг физиологик асослари - Физическая культура - Рефераты

Чидамлиликнинг физиологик асослари

Загружено в:

20.09.2019

Скачано:

0

Размер:

74.5 KB

Чидамлиликнинг физиологик асослари. Режа: 1) Организмнинг аэроб имкониятлари ва чидамлилик. 2) Ташқи нафас тизими ва чидамлилик. 3) Чидамлилик тушунчаси. 4) Кон айланиш тизими ва чидамлилик. 5) Мускул тизими ва чидамлилик.

1 . Чидамлилик тушунчаси кундалик хаётда одамларнинг узоқ вақт ақлий ва жисмоний мехнат фаолияти билан шуғуллана олиш қобилияти тушунилади. Шу сабабли, жисмоний ишнинг типи ва тавсифига кўра чидамлиликнинг қуйидаги хусусий хиллари фарқланади: 1. Статик ва динамик чидамлилик.2) Локал ва глобал чидамлилик.3) Куч чидамлилиги – катта мускул кучи сарфлаб, қайта-қайта машқ бажариш.4) Анаэроб ва аэроб чидамлилик. Спорт физиологиясида чидамлилик тушунчаси глобал ишни камида 2-3 минут ва ундан кўп бажариладиган узлуксиз кислород истеъмоли билан кечадиган машқлар киради.Чидамлилик сифатини талаб қилувчи машқларга 1500 метрдан узоқроқ барча югуриш машқлари, спортча юриш, катта йўлда велосипед хайдаш ва бошқалар киради. 1. Аэроб машқларни бажарганда кислород истеъмоли тезлиги ишнинг қуввати қанча катта бўлса, шунча кўп бўлади. Шу сабабли, катта чидамлилик талаб қилинадиган машқларни бажаришда спортчилар юқори аэроб имкониятларга эга бўлиши керак. 2. Юқори максимал кислород истеъмоли . Кислородни максимал истемоли тезлиги юқори бўлиши керак ва уни узоқ вақт ушлаб туриш қобилятига эга спортчиларнинг жисмоний чидамлилиги юқори бўлади.Кислороднинг максимал истемоли тезлиги одамнинг аэроб иш бажариш имкониятларини белгилайди.Кислородни максимал истемоли қанча юқори бўлса, аэроб ишни одам шунчалик осон ва узоқ бажара олади, Масалан, иккита спортчи бир хил тезликда югуриб кетиши учун иккаласи хам бир хил минутига 4 литр кислород сарфлаган.Биринчи спортчининг кислороднинг максимал истемоли минутига 5 литр бўлиб югуриш вақтида кислород истемоли ўзининг кислородни максимал истемолини 80%ташкил қилади .Иккинчи спортчининг кислород истемоли 4,4 л,мин га тенг бўлиб масофадаги кислород истемоли шахсий кислородни максимал истемолини

90% ташкил қилади .Шу сабабли биринчи спортчи берилган физиологик юкламани иккинчи спортчига нисбатан осонроқ бажаради . 3. Шундай қилиб спортчини кислороднинг максимал истемоли қанчалик юқори бўлса масофадаги юқори тезликни ушлаш имконияти шунча кўп бўлиб унинг спорт натижаси юқори бўлади Масалан ,спорт билан шугулланмаган эркакларда кислороднинг максимал истемоли ўртачи 3-3,5л – мин ни ташкил қилади Узоққа югурувчи юқори малакали спортчиларда бу кўрсаткич 5-6 л –мин ташкил этади. 4. . Бир бутун организм томонидан истеъмол қилинаётган кислородни максимал истемолини абсолют кўрсаткичи тана огирлигига тўғри пропорционал бўлади. У кислороднинг максимал истемолини абсалют кўрсаткичи деб аталади. Кислороднинг максимал истемолини абсалют кўрсаткичи сузувчиларда, эшкак эшувчиларда, велосипедчиларда юқори бўлади. 1 кг тана огирлигига нисбатан кислород истеъмолини кислороднинг максимал истемолини нисбий кўрсаткичи деб аталади. Бу кўрсаткич юқори даражада чиниққан спортчиларда тана оғирлигига нисбатан тескари пропорционал бўлади, яъни тана оғирлиги қанча кўп бўлса, нисбий кислороднинг максимал истемоли шунча оз бўлади. Шу сабабли стайерлар нисбатан оз тана оғирлигига эга бўлади. Шу сабабли кислородни максимал истемоли нисбий кўрсаткичи бўйича югуриш, чангида юриш спортларида спортчининг аэроб имкониятларини бахолашда кислороднинг максимал истемолини нисбий кўрсаткичи бўйича бахолаш керак. Кислородни максимал истемоли иккита функционал тизимнинг максимал имкониятларига боғлиқ бўлади 1).Кислород транспорт тизими 2).Кислородни утилизациялаш тизими 3).Кислород транспорт тизими таркибига ташқи нафас, 2)кислородни утилизациялаш тизимига қон, юрак-қон томирлари тизимлари киради. Шу тизимларнинг функционал хусусиятлари охири организмни кислород транспорти имкониятларини белгилайди

3) Ташқи нафас тизими кислород транспорти тизимининг биринчи бўлими хисобланиб, ўпка вентиляцияси хисобига кислородни алвеола мембраналари орқали қонга диффузияланишини таъминлайди.Жисмоний чидамлиликни ривожлантираётган спортчиларда ўпканинг хажми ва сигимлари оддий одамларга нисбатан 10-20% юкори бўлади. Лекин тана катталикларини хисобга олинса, бу фарқ йўқ бўлиб кетиши мумкин, чунки ўпканинг тириклик сигими тана катталигига мос холда ортади.Организмнинг кислородни максимал истемолинг катталиги, танани катталиги ва ўпка хажмлари кўрсаткичларига боғлиқ бўлмайди. Масалан, ўпканинг тириклик сиғими озроқ бўлган спортчида кислородни максимал истемол катта бўлиши мумкин ёки аксинча. Лекин спортчиларда хам, хали шуғулланмаган одамларда хам максимал аэроб иш вақтида кичик нафас хавоси хажми ва ўпканинг тириклик сиғими билан катта ўпка вентиляциясига эришиб бўлмайди. Минутига 4 литр-мин ва ундан кўпроқ кислород истеъмоли учун, ўпканинг тириклик сиғими 4,5 литрдан оз бўлмаслиги керак.Ўпка вентиляцияси муддатли аэроб иш бажарганда кислород истеъмолини етарли даражада бўлиши мухим ахамиятга эга. Масалан, стайерларда 10000 метрга югурганда ўпка вентиляцияси 120-145 л/мин даражасида иш тугагунча ушлаб турилади.Чиниқмаган одам бу холатни жуда қисқа вақт ушлаб туриши мумкин. Бир хил ўпка вентиляцияси кўрсаткичида нафас харакатлари сони спортчиларда шуғулланмаганларга қараганда оз бўлади. Спортчиларда ўпка вентиляциясининг ортиши асосан нафас харакатлари чуқурлигининг ортиши хисобига бўлади.Ўпка вентиляцияси эквиваленти билан белгиланади. Бу дегани 1 литр кислород истеъмоли ўпкадан ўтаётган қанча хавога тўғри келиши билан белгиланади. Бир хил даражада кислород истеъмолини таъминлаш учун чиниккан спортчиларнинг ўпкасидан чиниқмаганларга қараганда озроқ хаво ўтади. Демак, катта аэроб қувватли машқларни бажариш учун спортчилар шуғулланмаган одамларга қараганда оз хаво ўтказади экан ёки ўпка вентиляцияси кам бўлади.

Ўпка алвеолаларидан кислород қанча диффузияланиши спортчиларда шуғулланмаганларга қараганда юқори бўлади. Масалан, марафончиларни тинч холатдаги диффузияланиш имкониятлари кўрсаткичлари чиниқмаган одамларни максимал иш бажараётгандаги кўрсаткичларига тенг бўлади.Шундай қилиб, ташқи нафас тизими чидамлиликни чиниқтирганда қуйидагича ўзгаради: ўпканинг хажмлари ва сиғимлари ортади; ташқи нафас тизимини қуввати ва самарадорлиги ортади; ўпка алвеолаларидан газларни диффузияланиш қобилияти кучаяди. қон тизими кўрсаткичлари чидамлиликни чиниқтирилганда ўзгаради. Чидамлиликнинг ортиши оқиб турган қон хажмини орттиради.Хажмнинг ортиши асосан қон плазмаси хисобига бўлади. Кон плазмасининг ортиши оқаётган қонда оқсилларнинг кўпайиши билан тушунтирилади. Чидамлиликни чиниқтираётганда жигарда альбумин ва глобулинларнинг синтези кучаяди ва улар қонга ўтиб, унинг онкотик босимини орттиради. Натижада тўқима суюқлигидан сувни абсорбциялайди. Шундай қилиб, оқаётган қоннинг хажми ортади. Оқаётган қон хажмининг ортиши қоннинг юракка кайтишини орттириб систолик хажмнинг хам ортишига сабаб бўлади. Бундан ташқари, тери орқали қоннинг ўтиши терморегуляцияни кулайлаштиради.Кондаги гемоглобиннинг миқдори унинг кислород сиғимини белгилайди, у ўз навбатида кислород транспорти имкониятларига ижобий таъсир кўрсатади. Чидамлилиги юқори спортчиларда оқаётган қоннинг миқдори ўртача 700-900 г бўлади, чидамлилиги юқори спортчиларда 1000-1200 г бўлади. Демак эритроцит ва гемоглобин чидамлилигига чиникиш давомида тобора ортиб боради . Узоқ масофага югурувчи спортчиларнинг қонида масофани босиб ўтиш вақтида сут кислотасининг миқдори чиниқмаганларга қараганда оз бўлади. Жисмоний иш вақтида сут кислотасининг концентрацияси учта асосий омилга боғлиқ бўлади: Ишлаётган мускулларнинг кислородга бўлган эхтиёжининг қондирилишига; Ишлаётган мускулларнинг аэроб ва анаэроб энергия ишлаб чиқариш имкониятларига; Узлуксиз чидамлилик машқлари билан шуғулланиш натижасида бир хил ишни бажарганда қонда сут

кислотасининг миқдори камайиб бораверади. Шуғулланган ва шуғулланмаган одамлар бир хил иш бажарганда қонидаги сут кислотаси концентрацияси спортчиларда паст бўлади. Бундай бўлиши бир нечта омилларга боғлиқ бўлади.Чиниққан спортчиларнинг мускуллари аэроб имкониятлари юқори бўлганлиги туфайли сут кислотаси кам хосил бўлади.Чиниққан спортчиларнинг кислород транспорти тизими тезроқ ишга киришади, натижада сут кислотаси оз хосил бўлади.Чидамлилиги юқори спортчилар сут кислотасини секин толалар ва юрак мускуллари энергия манбаи сифатида кўп сарфлашади.Оқаётган қоннинг миқдори спортчиларда кўп бўлганлиги сабабли сут кислотаси кўпроқ суюлиб кетади. Шундай қилиб, жисмоний чидамлиликнинг чиниқиши фақат аэроб имкониятларнигина яхшилаб қолмасдан, қонда сут кислотасининг миқдорини орттирмаслик механизмларини хам кучайтиради. Кондаги сут кислотасининг концентрацияси, карбонат ангидрид газининг парциал босими ва қоннинг буфер тизими, қоннинг pH ини белгилайди. Тинч холатда спортчи ва спорт билан шуғулланмайдиганлар қонининг pH деярли бир хил. Чидамлилиги юқори спортчилар қонининг pH чиниқмаганларга қараганда юқорироқ юклама билан ишлаганда пасаяди. Аммо максимал аэроб иш бажарганда спортчиларнинг pH кўрсаткичи шуғулланмаганларга қараганда кўпроқ пасаяди. Тинч холатда қоннинг буфер тизими спортчиларники ва оддий одамларники фарқи йўқ. Иш бажарганда унинг камайиши спортчиларда секинрок кетади.Коннинг ишлаётган тўкималарга етарли кислород етказиб беришида ташқи нафас тизими билан биргаликда қоннинг қон томирларида харакатини таъминловчи юрак фаолиятининг ахамияти катта. Табиий равишда чидамлилик чиниқтирилганда организм юрак-қон томир тизимида бир қатор функционал ўзгаришлар содир бўлади. Юқори даражада чиниққан спортчиларнинг аэроб имкониятлари юқорилиги юракнинг систолик хажмининг катталиги билан тушунтирилади. Спортчиларнинг юрак уришлари сони шуғулланмаганларга қараганда паст бўлади. Чидалилиги юқори спортчиларнинг юрак уришлар сони спортчи

эмасларга ва тез кучли спорт турлари билан шуғулланувчиларга қараганда 10-20 тага паст бўлади. Юрак уришлар сонининг камайиши (брадикардия) чидамлиликка чиниққанликнинг хусусий кўриниши хисобланади. Масалан, етук спортчиларда юрак уришлар сони минутига 30 та ва хаттоки тинч холатда 21 та бўлгани хам кузатилган. Узок масофага югурувчиларнинг кислороднинг максимал истемоли ва спорт натижаси юрак уришлар сонига боғлиқ, нисбатан озроқ юрак уришлар сонида кислороднинг максимал истемоли ва спорт натижаси юқори бўлади. Чиниққан спортчиларда юрак уришлар сонининг озайиши унинг систолик хажмининг ортиши хисобига қопланади. Систолик хажм аста секинлик билан чиниқиш давомида ортиб боради. Бундан юрак бўшлиқларининг хажми ортади, хамда миокарднинг қисқарувчанлик қобилияти кучаяди.Максимал аэроб юкламалар вақтида юрак фаолиятининг максимал кўрсаткичлари чидамлилиги юқори спортчиларда шуғулланмаганларга қараганда анча фарқ килади. Масалан, юракнинг минутлик хажми спортчиларда икки марта катта бўлади, швед чангида юрувчиларининг кислороднинг максимал истемоли даражасида юракнинг минутлик хажми 38 литр, энг кўпи 42,3 литр минутига эканлиги аникланган. Юракнинг минутлик хажмини спортчиларда ортиши асосан систолик хажмнинг ортиши билан амалга ошади. Систолик хажмнинг ортиши бу чидамлиликнинг юқори кўрсаткичи хисобланади. Чиниқмаганларда максимал систолик хажм 120-130 мл тенг бўлса, етук спортчиларда бу кўрсаткич 190-210 мл га тенг.Юрак бўлмача ва қоринчалари бўшлиқларининг хажмлари чидамлилиги етук спортчиларда катта бўлади. Юракнинг умумий хажми спортчиларда 1000 см, чиниқмаган одамларда хамда тез-куч спорт турларидаги спортчиларда 800 см га тенг. Чидамлилиги юқори чиниққан спортчиларнинг аэроб имкониятлари фақат юракнинг минутлик хажми билангина белгиланиб қолмасдан, кислород бўйича артерия веноз фарқга хам боғлиқ. Артерия қони билан ўнг қоринчадаги қоннинг таркибидаги кислород миқдоридаги фарқ қанча кўп бўлса, кислород транспорт тизими шунча самарали ишлаган бўлади. Бундай фарқ

капиллярлардан оқаётган қон қанча кислород тўқимага кўп ўтказишга боғлиқ ёки кислороднинг қанча кўп ушлаб қолинишига боғлиқ. Шунинг учун чидамлиликни чиниқтиришда артерия-вена қонини кислород фарқи ортиши, яъни кислород тўқималарда қолишига эришилади. Бу ишлаётган мускуллардаги капиллярларнинг сонини ортишига олиб келади. Чиниқиш мобайнида капиллярларнинг деворларини диффузияловчи имкониятлари ортади. Бундан ташқари, чиниққан мускулларнинг қондан кислород тортиб олиш қобилияти тахминан 1,5 мартага ортади.6) Спортчининг жисмоний чидамлилиги мускул аппаратининг физиологик хусусиятларига кўп томонлама боғлиқ. Одам мускуллари толалари 2 та типга бўлинади.1) Секин ва 2) Тез. 1) Тез толалар ўз навбатида тез оксидловчи-гликолитик ( II - A ) ва тез гликологик ( II - B ) турларга бўлинади.Секин толалар асосан аэроб типда ишлашга созланган бўлиб, тез толаларга нисбатан узоқ, унча кучли бўлмаган қисқаришларни амалга оширишда иштирок этади. Чидамлилиги юқори спортчиларнинг мускуллари таркибида секин толалар нисбатан кўп бўлади. Стайерларда секин толалар тахминан мускулнинг 80% ташкил қилиб, чиниқмаганларникидан ўртача 1,5 марта кўп. Кузатувлар шуни кўрсатадики, секин толаларнинг сони тугма бўлади Шундай туғма мускуллар аппаратига эга бўлган одамда чидамлилик билан бажариладиган машқлардан юқори натижаларга эришиш имкониятлари юқори бўлади. Шунга қарамай, чидамлиликни чиниқтирилганда мускулларда специфик ўзгаришлар содир бўлади. Масалан, чиниқаётган мускуллар таркибида тез гликолитик толалар озайиб ёки мутлақо йўқолиб, мускулнинг асосий қисмини тез оксидловчи- гликолитик толалар ташқил қилади. Бу эса мускулнинг аэроб имкониятларини орттиради. Чидамлиликнинг ортганлигини мускул толаларининг йўғонлашганидан, яъни гипертрофиядан кўришимиз мумкин. Чидамлиликка чиниқишни саркоплазматик типида саркоплазматик бўшлиқнинг ортиши кузатилади. Чиниққан мускулда митохондриялар сони ва умумий хажми хам ортади.Чидамлиликка чиниқтирганда, мускул толалари атрофида

капиллярларнинг сони ортади. Бу диффузияланиш юзасини орттириб, аэроб мехнат қобилиятчанлигини орттиради. Чидамлиликка чиниққанда, кислород транспорт тизими имкониятлари ортиб қолмасдан, мускуллар томонидан кислород ишлатиш ёки аэроб имкониятлар хам ортади. Улар қуйидагилар: 1) Оксидловчи хусусий ферментларнинг миқдори ва фаоллиги ортади. 2) Миоглабиннинг миқдори ортади (2 мартага). 3) Мускуллардаги гликоген ва липидларнинг миқдори ортади. 4) Мускулларнинг, углеводларнинг ва айникса ёгларнинг оксидлаш қобилияти ортади. Чиниққан одам ишлаганда сарфланаётган энергиянинг кўп қисмини асосан ёғларни оксидлаш хисобига олади. Буни нафас коэффициентининг шуғулланганларда шуғулланмаганларга нисбатан пастлигида кўриш мумкин. Оксидланишда кўпроқ ёғларнинг иштирок этиши углеводлар оксидланишини пасайтиради. Натижада мускул гликогенининг озайишини кечиктириб, қондаги қанднинг миқдори озайтирилади. У ўз навбатида марказий нерв тизими фаолиятига ижобий таъсир кўрсатади. Углеводларнинг оксидланишини секинлашуви сут кислотасининг хосил бўлишини озайтиради.Шундай қилиб, чидамлиликни чиниқтириш организмнинг максимал аэроб имкониятларини орттириб, аэроб иш бажариш фаолияти самарадорлигини кучайтиради.

Адабиётлар 1. Спортивная физиология. Под ред. Я.М. Коца – М. 1986 2. Физиология человека. Под ред. Н.В. Зимкина – ФиС, 1970 3. Н.А. Фомин. Физиология человека. – М., Просвещение, 1982 4. Н.А. Бернштейн. Физиология движений активности. – М., 1990 5. Ю.В. Верхошанский. Основы силовой подготовки спортсмена. М., 1970 6. Н.В. Зимкин. Физиологическая характеристика силы быстроты и выносливости. 8. М.,1966

Похожие

Машқ қилишнинг физиологик асослари

Жисмоний машқлар классификацияланишининг физиологик асослари

Мускул кучи ва қувватининг физиологик асослари

Жисмоний тарбия воситаси билан организмни чиниқтиришнинг физиологик асослари

Харакат малакаларини шакллантириш ва спорт техникасини ўрганишнинг физиологик асослари