Ёғочсозлик ва қоғоз ишлаб чиқариш корхоналари чиқиндилари утилизасияси ва иккиламчи махсулот олиш - Экология - Рефераты

Ёғочсозлик ва қоғоз ишлаб чиқариш корхоналари чиқиндилари утилизасияси ва иккиламчи махсулот олиш

Загружено в:

25.05.2023

Скачано:

0

Размер:

20.78515625 KB

Ёғочсозлик ва қоғоз ишлаб чиқариш корхоналари чиқиндилари утилизасияси ва иккиламчи махсулот олиш Сўнгги йилларда давлатимиз қарорларида корхоналарнинг ўз-ўзини маблағ билан таъминлаш, ижара усулини қўллаш, корхоналарни якка тартибда бошқариш ва шунга ўхшаган бир қатор ташкилий-иқтисодий тадбирлар ҳисобига халқ хўжалиги барча тармоқларининг иқтисодий қувватини ошириш кўзда тутилган. Булар ҳар бир инсоннинг эҳтиёжларини қондиришига қаратилган тадбирлар бўлиб, улар асосан янги, тезкор, ихчам, қулай ускуналарни қўллаш, хом ашёлардан ва хусусан, ишлаб чиқариш чиқиндиларидан самарали фойдаланиш, меҳнатни илғор тажрибалар асосида ташкил қилиш ҳисобига бажарилади. Маълумки, енгил саноат, шу жумладан тўқимачилик саноати халқимизнинг моддий, маънавий ва маданий эҳтиёжларини қондиришга катта ҳисса қўшиб келмоқда. Тўқимачилик маҳсулотларининг янги турлари яратилди, юқори сифатли газламалар, трикотаж буюмлари ва бежирим кийим - кечаклар ишлаб чиқариш янги технологик жараёнлари йўлга қўйилмоқда. Маълумки, ёғочда 50% селлюлоза бўлади. Тоза селлюлоза ажратиб олиш учун ёғоч пайрахаларга бўлиниб 3 атмосферага яқин босим остида кальций бисулфит эритмаси Са (НСО3)2 билан ёпиқ қозон (реактор)ларда 130°С да пиширилади. Пишириш жараёни 1 сутка давом этади. Бунда бисулфит селлюлозанинг парчаларини ёпиштириб турувчи моддаларни парчалайди ва у кимёвий жиҳатдан анча барқарор модда сифатида ажралиб чиқади. Селлюлоза сув билан аралаштирилади ва ҳосил бўлган суюқ бутка тўхтовсиз ҳаракат қилиб турадиган лента устига аста-секин қўйиб турилади. Бутканинг сувини селгитиб куритилади хамда булакларга кесилгандан сунг картонга ўхшаган сулфит селлюлоза варақалари ҳосил бўлади. Сулфит селлюлозанинг бир қисми қоғоз тайёрлашда, иккинчи кисми эса сунъий шойи тайёрлашга

сарфланади. Шуни алоҳида ёдда тутиш керакки, тайёрланган селлюлозадан бевосита ип йигириш мумкин эмас. Тола олиш учун ишлатиладиган хом-ашё таркибида альфа-селлюлоза бўлиши керак. Агар полимер материали нормал ҳароратда бир соат давомида 17,5% ли ишқор эритмасида эримаса, бундай селлюлоза сунъий тола олиш учун яроқли ҳисобланади. Одатда, ёғоч селлюлозаси таркибида 80 - 90% альфа селлюлоза бўлади. Агар бундай хом- ашёдан кимёвий толалар шакллантирилганда эди, бу кўплаб чиқиндилар ҳосил бўлишига, кимёвий моддаларнинг купрок сарфланишига ва технологик жараёнларнинг мураккабланишига олиб келган бўлар эди. Мана шу нуқсонларни бартараф этиш мақсадида ёғоч селлюлозаси варақаларига уювчи натрий эритмаси билан ишлов берилади. Натижада кераксиз қўшимчалар ажралиб, альфаселлюлозанинг миқдори 96-97% ни ташкил этади. Юқорида айтиб ўтганимиздек, селлюлоза табиий органик полимерлар гуруҳига мансуб бўлиб, юқори молекулали қаттиқ полимер моддадир. Ундан сунъий тола олиш учун полимерни эритма ҳолига келтириш керак. Селлюлозани қиздириб суюлма ҳолатига келтириб бўлмайди, чунки 175 - 200°С да унинг молекулалари парчаланади. Демак, селлюлозадан йигирув эритмаси олишнинг ягона йўли - уни эритувчи ёрдамида эритишдир. Бунинг учун селлюлоза уювчи натрий эритмаси билан ишланади: [S 6 N 7 O 2 (ON) 2 (ON)] n + nNaOH [S 6 N 7 0 2 (ON) 2 ONa] n + nH 2 O Ишқорий селлюлоза ҳосил бўлиши ҳисобига селлюлоза букиб, юмшайди. Ҳосил бўлган массага бир оздан сўнг органик эритувчи-углерод сулфид билан ишлов берилади. Селлюлозанинг ишқор ва углерод сулфид билан реакцияга киришиши натижасида тўқ сариқ маҳсулот – ксантогенат ҳосил бўлади. Ксантогенатга уювчи натрийнинг 6 - 7% ли эритмаси қўшилади. Елимсимон эритма - вискоза ҳосил бўлади. Эркин углерод сулфид вискоза йигирув эритмасидаги ишқор билан бирикиб, тритиокарбонат ва бошқа олтингугуртли қўшимчаларга айланади. Тайёр вискоза йигирув цехига юборилиб, бу ерда ундан шойи иплар тайёрланади. Толани шакллашнинг хўл усулида вискоза толалари ишлаб

чиқарилади. Вискозадан кўпинча штапел тола ип ва жун билан қўшилган ҳолда йигирилади, натижада у майинлашади. Жун газламалар сунъий тола қўшилгандан кейин мустаҳкам бўлади ва яхши ювилади. Бу газлама гигиеник жиҳатдан ҳам талабга жавоб бериб, ҳавони яхши ўтказади. Вискоза шойи рангдорлиги жиҳатидан табиий шойидан деярли қолишмайди, лекин хўлланганда мустаҳкамлигини 40 - 50% ни йўқотади. Кислота таъсирига эса чидамсиз. Шунинг учун ювилгандан кейин унинг сифати пасаяди. Бироқ сунъий шойининг табиий шойидан арзонлиги, ишқор ва ёруғлик таъсирига бардошлилиги, бўёқларда осон бўялиши учун юқорида айтиб ўтилган нуқсонларини бартараф этади. Вискоза толаси ишлаб чиқаришда ишлатиладиган хом-ашё ва кимёвий материалларнинг арзонлиги ҳамда хом- ашё заҳираларининг мўл-кўллиги бу толани ишлаб чиқариш учун кенг юл очди. Саноатда 1 м3 ёғочдан 200 кг селлюлоза ва 150 кг га яқин тола олинади, бундан 1500 метр шойи ва штапел газлама тайёрлаш мумкин. 1. Кимё саноати энергияни кўп сарфлайди: 50% - иссиқлик энергияси, 40% - электр энергияси ва 10% - ёқилги энергиясини сарфлайди. Кимё маҳсулотлари таннархининг 12% ни энергия нархи ташкил этади. Шунинг учун энергияни тежаш йўлларни излаш керак бўлади. 2. Кимё саноати сувни энг кўп сарфлайди. Шунинг учун корхоналар сув манбаига яқинроқ жойларга қурилади. Ишлаб чиқарилган битта маҳсулот бирлигига сарфланган сув миқдорини сув сарфлаш коэффисиенти деб аталади. 3. Ер усти ва ер ости сувларининг 10-12% саноатда ишлатилиб (бир йилга 600700 км3), 150 км3 сув буғланиб йўқолади ва 500 км3 сув қайта дарёларга оқизилади. Агар 1 л сувга 1 г дан кам туз бўлса, уни чучук чув, ундан кўп бўлса, шўр сув деб аталади. Сув реакцияси унинг ишқорийлиги ёки кислоталиги билан ўлчанади. 4. Сувни фильтрлаш унинг қийматини 2,5 баробар, юмшатиш - 8 баробар, тузсизлаш эса 11 баробар оширади. Сувни тозалашга корхона 10-15% маблағини, чиқинди сувларни тозалашга эса 20% маблағини сарфлайди.

Сувнинг 3 та тежаш йўли мавжуд: сувни айлана ишлатиш; сув ўрнида ҳаво билан совутиш ва чиқинди сувларни қайта ишлатиш. 5. Юқорида айтиб ўтганимиздек, ёғоч таркибида 45-50% селлюлоза мавжуд. Ҳозирги вақтда саноат миқёсида ёғочдан селлюлозани ажратиб олиш усули сув ҳавзаларини ифлослантирадиган оқава сувларнинг ҳосил бўлиши билан изохланади. Мана шу оқава сувларни тозалаш қўшимча маблағлар сарфлашни тақозо этади. Бундан ташқари, сунъий толаларнинг асосий вакили – вискоза толаси ишлаб чиқаришнинг ривожланиши қуйидаги муаммоларни бартараф этишга боғлиқ. Маълумки, 1 т вискоза толасини олиш жараёнида 0,25 т углерод сулфид, 0,10-0,15 т водород сулфид ва 350м3 оқова сув ҳосил бўлади. Оқова сув таркибида эса нафақат сулфит кислотаси, балки кўплаб миқдорда турли хил тузлар ҳам бўлади. Вискоза штапел толаси ишлаб чиқарадиган замонавий заводнинг куввати суткасига 100 т ни ташкил этишини инобатга олсак, у ҳолда заводда суткасига 25 т га яқин углерод сулфид ва 10-15 водород сулфид ажралади. Табиийки, махсус қурилмалар ажралиб чиқаётган газларни ушлаб қолади. Сув тозалаш иншоотларида эса оқова сувлар рух тузларидан ва бошқа зарарли қўшимчалардан тозаланади. Ажралаётган газларни максимал даражада ушлаб қолиш ва селлюлозани этерификасия қилишда углерод сулфид сарфини камайтириш вискоза усулида сунъий толалар ишлаб чиқаришни юксак суръатларда ривожлантиришга имкон беради. 6. Селлюлозани фаоллаштириш мақсадида уни ҳар хил реагентлар билан қўшимча қайта ишлаш водород боғларининг қисман узилиши ҳисобигаселлюлоза ксантогенати этерификасия даражасининг камайишига олиб келади. Техник ишқорли селлюлоза таркибида бўлган маълум миқдордаги уювчи натрий билан углерод сулфиднинг ўзаро таъсири натижасида қўшимча реакция боради. 6NaOH+ 3CS 2 = 2Na 2 CS 3 +2Na 2 CS 3 +3H 2 O

Одатда, қўшимча реакцияга углерод сулфиднинг 25-30% сарф бўлади. Шунинг учун қўшимча реакцияга сарфланадиган углерод сулфиднинг миқдорини янада камайтириш (минимумга етказиш) – вискоза ишлаб чиқаришда зарарли маҳсулотлар ҳосил бўлишини камайтириш учун энг реал йўлдир. Шуниси муҳимки, вискоза толасининг шаклланишида ажралиб чиқадиган водород сулфид селлюлоза ксантогенати парчаланиши натижасида эмас, балки олтингугурт сақловчи қуйи молекуляр бирикмаларнинг; парчаланишидан ҳосил бўлади. Na 2 CS 3 + H 2 SO 4 =Na 2 SO 4 + N 2 S + CS 2 Ишқорли селлюлозада уювчи натрийнинг концентрасиясини камайтириш билан қўшимча реакцияларга сарфланадиган углерод сулфидни камайтириш мумкин. Селлюлозани фаоллаштириш учун қўлланиладиган уювчи натрий эритмасининг концентрасисини камайтириб бўлмайди. Агар қўлланиладиган уювчи натрийнинг 18%ли эритмасини 12% гача камайтирилса, унда бу миқдор селлюлоза ксантогенати эрувчанлигини таъминлайдиган водород боғларини узиш учун етарли бўлмайди. Буни бартараф этиш учун селлюлозага ишқорли эритма билан қайта ишлов берилади. 7. Селлюлозанинг мис-аммиакли эритмасидан тола олишда қўшимча маҳсулот сифатида мис ва аммоний сулфат тузлари ҳосил бўлади, лекин ҳеч қандай зарарли газ ажралмайди. Ушбу усулнинг оддийлиги ва зарарсизлигига қарамасдан мис-аммиакли толалар ишлаб чиқариш кўлами пастлигича қолмоқда. Бунинг асосий сабаблари қуйидагилардан иборат. Биринчидан, ишлаб чиқариш технологик жараёнларининг мукаммал эмаслиги, тола шакллантириш тезлигининг сустлиги, ип ҳосил қиладиган филера тешиклари сонининг вискоза тола шакллантириш учун қўлланиладиган филераникидан 5-6 марта камлиги иш унумдорлигининг пасайишига олиб келади. Хусусан, технологик жараёнларининг кўп босқичлилиги, маҳсулдорлигининг камлиги мис-аммиакли толалар ишлаб чиқариш самарадорлигини кескин камайтиради. Иккинчидан, тўлиқ регенерасия (дастлабки хоссаларини тикланиш) қилинмаслиги натижасида

мис кўп сарф бўлади. Йигирув эритмасини олишда 1 т селлюлозага 400 кг га яқин мис сарф бўлади. 30-40 йил муқаддам ишлатилган миснинг 90% регенерасия қилинар эди. Бу эса 1 т толага 40 кг га яқин мис сарф бўлишини кўрсатади. Мис табиий заҳираларининг чекланганлигини инобатга олсак, бу кичик миқдор эмас. 8. Тола олиш усулини танлашда полимернинг хусусиятларидан келиб чиқишади. Агар полимернинг эриш (суюқланиш) ҳарорати унинг парчаланиш ғароратидан баланд бўлса, толани суюлмадан олиш мумкин, агарда паст бўлса - эритмадан олинади.

Адабиётлар: 1. Deniz Ekinci “Biotechnology” Croatia, 2015 2. Winter J., Klein J. «Biotechnology: Environmental processes» Germany. VCH. 1999 3. Vallero D.A. «Environmental Biotechnology» - USA. Elsevier. 2010 4. Қ.Д.Давранов., Н.А.Хўжамшукуров. Умумий ва техник микробиология. Тошкент, ТошДАУ нашриёти, 2004 - 279 бет 5. Соловьев А.А. «Возобновляемые источники энергии» - Москва . МГУ . 2006 6. Г. П. Трошкова, Е. К. Емельянова, Н. О. Карабинцева “Экологическая биотехнология”, Учебное пособие. Новосибирск. 2011. 7. Кузнецов А. Е., Градова Н. Б. Научные основы экобиотехнологии. – М.: Мир, 2006. – 504 с. 8. Экологическая биотехнология : учеб. пособие / И.А. Сазонова .— Саратов: ФГБОУ ВПО "Саратовский ГАУ им. Н. И. Вавилова", 2012 - 106 с. 9. Фостер К.Ф., Вейз Дж. Д.А. Экологическая биотехнология. Пер. С англ/ Под ред. Гинака А.И.- Л.: Химия, 1990 10. Лер Р. Переработка и использование сельскохозяйственных отходов. Пер. с англ. / Под. ред. Шамко А. Н.. М.: Колос, 1989 - 415с.

Похожие

Озиқ овқат махсулотлари ишлаб чиқариш корхоналари қолдиқ махсулотлари утилизасияси ва иккиламчи махсулотлар олиш

Шаҳар маиший ва қаттиқ чиқиндилари утилизасияси ва иккиламчи махсулотлар олиш

Кимёвий ишлаб чиқариш корхоналари қолдиқ маҳсулотларини утилизасиялаш ва иккиламчи маҳсулотлар олиш

Енгил саноат махсулотлари тайёрлаш корхоналари қолдиқларини утилизасиялаш ва иккиламчи махсулотлар олиш

Минтақа табиатидан фойдаланиш ва ишлаб чиқариш кучларини жойлаштириш