Pretsipitatsiya reaksiyasi (PR) - Tibbiyot - Slaydlar

Pretsipitatsiya reaksiyasi (PR)

Yuklangan vaqt:

18.12.2024

Ko'chirishlar soni:

0

Hajmi:

16.4189453125 KB

Ko'chirib olish

Pretsipitatsiya reaksiyasi (PR) Reja: 1. Pretsipitatsiya reaksiyasining mohiyati. 2. Pretsipitatsiya reaksiyasini qo’yish usullari va amaliyotda qo’llanilishi, reaksiya natijasini baholash.

1. Pretsipitatsiya (lotinchadan praecipitatus - cho’kma) reaksiyasi antitelo (pretsipitinlar) va antigen (pretsipitinogenlar) o’zaro birikib cho’kma (pretsipitat) hosil qilishi bilan ifodalanadi. Pretsipitatsiya reaksiyasida eruvchi (molekular-dispersli) antigenlar ishlatiladi. Pretsipitinogenlar yuqori haroratga (qaynatish, avtoklavlash) va chirishga chidamli. Pretsipitatsiya reaksiyasi probirkalarda yoki agar gelida diffuz pretsipitatsiya usulida qo’yiladi. Ko’pincha kuydirgi kasalligiga tekshirishda Askoli (1910) halqali pretsipitatsiya reaksiyasi qo’llanadi. Komponentlar: 1. Ekstrakt-tekshiriladigan materialdan tayyorlanadi. Avval patologik material avtoklavda 1,5 atmosferada 30 daqiqa yoki 1 atmosfera Bosim ostida 1 soat sterillanadi. Sovugach uni maydalab ekstraksiyalanadi. Ekstraksiyalashning ikki usuli bor: a) issiq usul-maydalangan 1-2 g patmaterial probirkaga solinib, 1:10 nisbat fizioiogik eritma quyiladi va suv hammomida 30-40 daqiqa qaynatiladi; b) sovuq usui-1-2 g patmaterialdan 1:10 nisbatda 0,3% fenolli fiziologik eritma quyiladi va suspenziya tayyorlab 16-24 soat uy haroratida qoldiriladi. Ekstraktlar asbest paxta bilan filtrlanadi. 2. Standart pretsipitatsiyalovchi kuydirgi zardobi. 3. Elektrolit muhit-fiziologik eritma. 4. Nazorat uchun: standrat kuydirgi antigeni, sog’lom hayvondan olingan material ekstrakti, normal zardob. PR ni qo’yish texnikasi. Reaksiya ikki xil usulda qo’yiladi: 1. Zardob ustiga antigen quyish. Ulengut probirkasiga 0,2-0,3 ml kuydirgi zardobi quyib, ustiga ohista probirka devoridan teng miqdorda ekstrakt (antigen) quyiladi. Bunda komponentlar orasidagi chegara aniq ko’rinishi kerak. 2. Antigen ostiga zardob quyish. Ikkinchi usulda probirkaga avval 0,2-0,3 ml ekstrakt quyib, uning ostiga teng miqdorda Paster pipetkasi bilan kuydirgi zardobi quyiladi. Ikkala usulda ham natija ijobiy bo’lsa, ikkala komponentlar o’rtasida 1-2 daqiqada yaxshi ko’rinadigan tutunsimon rangda halqali pretsipitat hosil bo’ladi Nazorat reaksiyasi.

1. Standart kuydirgi antigeni + kuydirgi zardobi (natija ijobiy 1-2 daqiqada). 2. Sog’lom hayvon materiali ekstrakti + standart zardob (natija manfiy 1 soatda). 3. Standart antigen + normal zardob (natija manfiy 1 soatda). 4. Fiziologik eritma + standart zardob (natija manfiy 1 soatda). Natijani baholash. Ijobiy natija (+), gumonli natija (+-), manfiy natija (-). Diffuzli PR. Buyum oynachasida yoki Petri kosachalaridagi 1 % agar gelida qo’yiladi. Gel qotgach standart shtamp bilan o’yiqlar qilinadi. Markazdagi o’yiqqa standart zardob, atrofidagilarga esa antigen namunalari Paster pipetkasi bilan quyiladi. U eksikatorda bir sutka termostatda turgandan keyin, bir xil antigen va antitelolar uchrashgan joyda kompleks hosil bo’lib, aniq pretsipitat chiziqlari ko’rinadi. Bunda ham nazorat reaksiyasi qo’yiladi. Pretsipitatsiya chiziqlari yanada yaxshi ko’rinishi uchun plastinalar fiziologik eritmada yuviladi va 65%li kadmiy sulfat eritmasi quyiladi, bir necha daqiqadan keyin yanada ravshan ko’rinadi.

Asosiy adabiyotlar 1. Вербицкий А.А., Алешкевич В.Н и др. Микробиология и иммунология. Учебное пособие Минск-2019. 2. Salimov X. va boshqalar. Epizootologiya. Darslik. Toshkent, 2016 yil . Xorijiy adabiyotlar 1. Fenner’s. Veterinary Virology (United States of America 2016 year). 2. M.Jackson Veterinary clinical pathology. America 2010 year. Qo’shimcha adabiyotlar 1. Mirziyoyev SH.M. Erkin va farovon demokratik O’zbekiston davlatini birgalikda barpo etamiz. Toshkent, “O’zbekiston” NMIU, 2017. – 29 b. 2. Mirziyoyev SH.M. Qonun ustuvorligi va inson manfaatlarini ta’minlash yurt taraqqiyoti va xalq farovonligining garovi.“O’zbekiston” NMIU, 2017.– 47 b. 3 . Bazarov X.K., Abdulakimova A.B. Veterinariya virusologiyasidan o ’ quv qo ’ llanma. Samarqand 2016 y. 4. Самуйленко А.Я., “Инфекционная патология животных” Том 1 Москва 2009. 5. Петров Р.В. Иммунология. Учебник. Москва 1983 й Internet saytlari : 1 . www.Ziyo.net.uz . 2. www.vetjurnal.uz 3. www.sea@mail.net21 4. www.veterinariy.actavis 5. www. fvat@.academy.uzsci.net

O'xshashlar

Diffuz pretsipitatsiya reaksiyasi

Agglutinatsiya reaksiyasi

Immunofluoressensiya reaksiyasi

Gemagglyutinatsiya reaksiyasi

Gemadsorbsiya reaksiyasi va gemadsorbsiyani to’xtatish reaksiyasi