Чарм ва мўйна хом ашёсининг кимёвий таҳлили - To'qimachilik - Referatlar

Чарм ва мўйна хом ашёсининг кимёвий таҳлили

Yuklangan vaqt:

20.09.2019

Ko'chirishlar soni:

0

Hajmi:

130.5 KB

Ko'chirib olish

Чарм ва мўйна хом ашёсининг кимёвий таҳлили Режа: 1. Таҳлил учун ўртача намунани танлаш. 2. Намлик миқдорини аниқлаш 3. Минерал моддалар миқдорини аниқлаш. 4. Ёғ моддалари миқдорини аниқлаш. 5. Натрий хлор миқдорини аниқлаш. 6. Сочнинг сифатини таҳлил қилиш.

Чарм ва мўйна хом ашёсини кимёвий таҳлил қилишдан мақсад, уларнинг таркибий қисмлари: намлик, хом тери моддаси, минерал моддалар, ёғловчи ва консерваловчи моддалар миқдорини аниқлашдан иборат. Кимёвий таҳлил натижалари хом ашё сифатини тавсифлашда фойдаланилади. Чарм ва мўйна хом ашёси таркибий қисмларининг миқдори ҳайвонларнинг келиб чиқиш ва яшаш шароити, шунингдек бирламчи ишлов бериш, айниқса консервалаш усулларига боғлиқ бўлади. Терининг таркибий қисмлари тайёр чарм ва мўйнага ўтиши сабабли, чарм ва мўйнани кимёвий тахлил этишда аниқланадиган кўрсаткичлар ҳам худди шундай юқорида кўрсатилган омилларга, шунингдек ишлаб чиқариш жараёнларига боғлиқ. Чарм ва мўйна хом ашёсини таркибий қисмлари миқдорининг меъёрлари давлат стандартларида кўрсатилади. Белгиланган меъёрдан ҳар қандай оғиш чарм ва мўйна ишлаб чиқаришнинг технологик жараёнлари ёки хом ашёга бирламчи ишлов беришда ўзгаришлар содир бўлганини ифодалайди. Таҳлил учун ўртача намунани танлаш. Чарм ва мўйна хом ашёсини кимёвий таҳлил этиш ва физик- механикавий синовлар озроқ миқдордаги териларда – ўртача намунада олиб борилади. Ҳар қандай таҳлилни бажаришда, текширилаётган модданинг ҳақиқий ҳолатини акс эттиирувчи аниқ натижалар, фақатгина ўртача намунани синчиклаб танлаганда олиш мумкин. Шунинг учун ўртача намунани танлаш қоидалари давлат стандартларида кўрсатилади. Чарм ва мўйна ишлаб чиқаришда одатда хом ашё партияларининг аналитик тавсифи тузилади. Партия бир неча юз чарм хом ашёси ва ҳатто бир неча минг мўйна теричаларидан ташкил топган бўлиши мумкин. Таҳлил учун эса атиги бир неча дона танланади.

Физик-кимёвий таҳлилларни олиб бориш учун ўртача намунани танлашда 100 донагача терилардан ташкил топган партиядан 2 дона, 250 донагача бўлса – 4 дона, 500 донагача бўлса – 6 дона тери танланади. Таҳлил учун зарур бўлган терилар сони, қуйидаги формула бўйича аниқланади. х = 0,6 n , бунда n – партиядаги терилар сони. Ўртача намуна ҳар бир терининг уч қисмидан (этак, ёқа ва сағриси) олинади. ( 1- расм). Кимёвий таҳлил учун бўлакчалар ўлчами 1х1,5 см. ёки 2х2 см. ва массаси 6 г дан 9 гача бўлиши лозим. Ҳар бир олинган намуналар нечта бўлак зарур бўлса, шунча бўлакчаларга майдаланади. Агар терининг чарм тўқимаси таҳлил этилса, унда дастлаб намунанинг жун қоплами қайчи ёки машинкада бартараф этилади. Ҳар бир намуна диққат билан майдаланиб, сўнгра таҳлил этилади. Намлик миқдорини аниқлаш Чарм ва мўйна хом – ашёси таркибидаги намлик миқдорини аниқлаш усуллари майдаланган намуналарни қуритишга асосланган. Бу усуллар давомийлиги, қуритиш йўллари ва ҳар хил ҳароратда олиб борилиши билан бир – биридан фарқ қилади. Намуналарни қуритиш шкафида 135 0 С ҳароратда қуритиш 8 соат атрофида вакт талаб этади. Ҳарорат 170 -180 0 С гача кўтарилганда, қуритиш давомийлиги бир соатга боради. Чарм ва мўйна таркибидаги намлик миқдорини тезкор усуллар билан ҳам аниқлаш мумкин, жумладан инфрақизил лампа ёрдамида қуритиш усули билан намликни аниқлаш. Инфрақизил нурлар хом – ашё таркибига сингиб, 1-расм. Намлик ва туз миқдорини аниқлаш учун ўртача намунани танлаш тасвири

конвектив қуритишга нисбатан анча тез қуритади. Бу усулнинг ютуғи билан бирга камчилиги ҳам мавжуд, яъни қуритиш охирини кўрсатувчи объектив кўрсатгичнинг йўқлиги, баъзи ҳолларда эса хом – ашёнинг ҳаддан ташқари қизиб кетиши натижасида термик парчаланиши. Намлик миқдорини электрометрик экспресс – усуллар б илан ҳам аниқлаш мумкин. Бунда ҳар хил конструкияли электронамлик ў лчагичлардан фойдаланилади. Қуритгичда қуритиш 3 – 3.5 г майдаланган хом – ашёни доимий массагача келтирилган алюминий бюксага солиб, аналитик тарозида ўлчанади ва қуритиш шкафида 170 – 180 0 С ҳароратда, бир соат давомида қуритилади. Шундан сўнг, намуналар эксикатордаги хлорид кальций устида 20 0 С ҳароратга келгунча сақланади ва тарозида ўлчанади. Хом – ашёдаги намлик миқдори, қуйидаги формула бўйича аниқланади:100   а в а Х , бунда а – намунанинг қуритишгача массаси, г б – намунанинг қуритишдан кейинги массаси,г . Минерал моддалар миқдорини аниқлаш. Чарм ва мўйна хом ашёсида минерал моддалар миқдорини, тери намунасини куйдириб, кул кўринишида аниқлаш қабул қилинган. Янги шилинган терилар нисбатан кам миқдорда (ўртача 0,5%) минерал моддалар сақлайди. Консерваланган териларда минерал моддалар миқдори консервалаш усулига боғлиқ бўлади. Ҳўл тузлаш, қуруқ тузлаш ва кислота-тузли усуллар билан консервалаганда терида минерал моддалар миқдори кескин ошиб кетади.

Бу кул миқдорини аниқлашда маълум қийинчиликларни туғдиради. Бир томондан, теридаги катта миқдордаги минерал моддалар унинг кулга айланишини секинлаштирса, бошқа томондан уларнинг бир қисми куйдириш вақтида учиб кетади ва олинган натижаларда бир оз хатоликка йўл қўйилади. Шунинг учун кўрсатилган услубларда консерваланган териларда кул миқдорини аниқлаш учун, дастлаб намуна кўмирга айлантирилади, сўнгра иссиқ сувда қайнатилади ва кейинчалик батамом қиздирилади. Аналитик тарозида ўлчанган 4 г хом ашё, доимий массага келтирилган тигелга жойлаштирилиб, совуқ муфел печига қўйилади. Намунани секин, эҳтиёткорлик билан қиздириб, тўлиқ кўмирга айланган ҳолатига келтирилади (қора масса). Сўнгра тигел 50см 3 иссиқ дистилланган сув қўйилган кимёвий стаканга кўчирилади ва электр плитасида 15 мин давомида қайнатилади. Шундан сўнг тигел дистилланган сувда чайилади ва қуритиш шкафида қуритилади, стакандаги суюқлик эса қоғоз фильтр орқали фильтрланади (фильтрат йиғилади). Фильтрдаги чўкма, ювиш сувларида хлор ионлари йўқолгунича дистилланган сув билан ювилади. Фильтр қайта худди шу тигелга жойлаштирилади ва тўлиқ қуригунича қуритиш шкафида сақланади, сўнгра муфел печида қора тузилмалар (кўмир бўлакчалари) бартараф этилгунича секин иситиб қиздирилади. Қиздирилган ва совутилган тигелга оз-оздан фильтрат қуйилади ва сув ҳаммомида қуригунича буғлантирилади. Фильтрат тигелга тўлиқ кўчирилиб, буғлантирилгандан сўнг, тигел бир соат давомида муфел печида қиздирилади. Кул ва тигел эксикаторда совутилиб, аналитик тарозида ўлчанади. Кулнинг миқдори қуйидаги формула бўйича аниқланади: %

2-расм. Зайченко асбоби.Х 100* Н а  , бунда а – кулнинг массаси, г Н – чарм ва мўйна хом ашёси массаси, г Ёғ моддалари миқдорини аниқлаш. Хом ашё таркибидаги ёғ миқдорини аниқлаш учун, уларни органик эритувчилар билан экстракциялаш усули қўлланилади. Эритувчи сифатида кўпинча дихлор этан, хлороформ, метил спирти, этил спирти ва углерод (IV) хлориди қўлланилади. Чарм ва мўйна хом ашёси таркибидаги ёғ моддаларини аниқлашнинг бир неча хил усули мавжуд бўлиб, шулардан Зайченко асбоби ёрдамида экстракция қилинадиган услуб энг оддийси бўлиб ҳисобланади. Зайченко асбоби қуйидагилардан иборат: конуссимон колба, қайтар совутгич, шиша гильза, шиша патрон (1- расм). 3-4 майдаланган чарм ёки мўйнанинг чарм хом ашёси намунаси аналитик тарозида ўлчанади ва шиша гильзага солинади. Шиша гильзанинг ости тешик бўлиб, унга фильтр қоғози қўйлади. Худди шундай фильтр қоғози билан майдаланган намунанинг усти ёпилади. Шиша гильза қайтар совутгичнинг пастки найчасига ип ёрдамида боғланади. Совутгич ва шиша гильза массаси аниқ бўлган, конуссимон колба билан бириктирилади ва совутгичнинг юқори туйнугидан органик эритувчи қуйилади.

Эритувчи билан гильза орасидаги масофа 1 см бўлиши керак. Колба қумли электр ҳаммомига жойлаштирилади. Эритувчи қайнай бошлагач, буғлари совутгичга бориб конденсатланади ва гильзага томчиланади. Эритувчининг томчилари майдаланган намуна орасидан ўтиб, ёғловчи моддаларни экстракция қилиб, колбага тушади. Экстракциялаш вақти 1-1.5 соат. Агар гильзадан колбага томаётган томчилардан фильтр қоғозига ёғ доғлари қолмаса, экстракциялаш жараёнини тугаллаган деб ҳисоблаш мумкин. Колбани истишни давом эттириб, гильза шиша патрон билан алмаштирилади ва эритувчи ҳайдаланади. Патронда тўпланган эритувчи бошқа идишга олинади. Бу эритувчини қайтадан ишлатиш мумкин. Эритувчи ҳ айдалгандан сўнг, колба қуритиш шкафида 129-130 0 С ҳароратда бир соат давомида қуритилади. Эксикаторда совутилган колба ўлчанади, кейин яна 15 минут давомида қуритилади, совутилади ва ўлчанади. Ёғ моддалар и миқдорини қуйидаги формула бўйича аниқлаш мумкин: а * 100 Х = ---------; % бунда Н а - ёғ қолдиғи, г Н - чарм ва чарм мўйна хом ашё си намунаси, г Натрий хлор миқдорини аниқлаш. Одатда, натрий хлор миқдори ҳўл тузланган, қуруқ тузланган, шунингдек кислота – тузли усуллар билан консерваланган териларда аниқланади. Натрий хлорнинг миқдори консервалашнинг сифатини бахолаш имконини беради. Теридаги натрий хлор миқдорини намунани куйдириб ҳосил қилинган кулдан, майдаланган намунанинг сувли тортмасидан ёки гидролизатдан аниқлаш мумкин. Кўпроқ биринчи услуб қўлланганда аниқроқ натижалар олинади. Натрий хлорид миқдорини тери намунасининг сувли тортмасини

ёки унинг гидролизатини ҳажмий таҳлил қилиш усули билан аниқлашда, титрланган эритмаларни оқсиллар ёки уларнинг парчаланиш маҳсулотлари билан реакцияга киришиб, сарфланиши туфайли, оширилган натижалар олинади. Натрий хлорид миқдорини аниқлаш учун хом ашё муфел печида куйдирилиб, кул ҳосил қилинади (хом ашёда минерал моддалар миқдорини аниқлашда ҳосил қилинган кул каби). Кул тигел билан биргаликда 250 мл сиғимли кимёвий стаканга жойлаштирилади ва иссиқ дистилланган сув қуйиб, қайнагунча 5-10 мин қиздирилади. Шундан сўнг тигел дистилланган сув билан чайилади, ҳосил қилинган эритма 500 мл сиғимли ўлчамли колбага қоғоз фильтр орқали фильтрланади. Фильтрат совутилади, унинг ҳажми дистилланган сув билан белгигача етказилади ва ундаги натрий хлор миқдори аниқланади. Натрий – хлорид миқдорини икки хил усул билан аниқлаш мумкин. 1. Тахлил учун тайёрланган эритмадан пипетка ёрдамида 10 см 3 олиб, 150- 200 см 3 ҳажмли конуссимон колбага қуйилади. Унга 10 см 3 концентрланган азот кислотаси қўшиб, 5 минут давомида қайнатилади. Сўнгра эритма совутилади ва 250 см 3 ҳажмли ўлчамли колбага кўчирилиб, кўрсатилган белгигача дистилланган сув қуйилади. Ўлчамли колбадан пипетка ёрдамида 25 см 3 эритмадан олиб, унга 60 -70 см 3 дистилланган сув ва индикатор қўшилади, 0,1 Н симоб нитрат эритмаси билан титрланади. Агар индикатор сифатида дифенилкарбазид ишлатилса, титрлаш бинафша ранг ҳосил бўлгунча, натрий нитропруссиднинг (0,5 см 3 ) 10% - ли эритмаси ишлатилса, йўқолмайдиган лойқа ҳосил бўлгунча олиб борилади. Реакция қуйидаги схема бўйича боради: 2NaCl + Hg (NO3) 2 HgCl 2 +2NaNO 3 2. Таҳлил учун тайёрланган эритмадан пипетка ёрдамида 10 см 3 олиб 150 - 200 см 3 ҳажмли конуссимон колбага қуйилади. Фенофталеин

индикатори иштирокида 0,1Н ишқор ёки кислота эритмаси билан нейтралланади. Сўнгра эритма 250 см 3 ҳажмли ўлчамли колбага кўчирилиб, белгигача дистиланган сув қуйилади. Суюлтирилган эритмадан пипетка ёрдамида 25 см 3 олиб, конуссимон колбага қуйилади. Икки томчи калий дихромат эритмасидан (5 г 100 см 3 сувга) қўшиб, 0,1 Н кумуш нитрат эритмаси билан очиқ жигар ранг ҳосил бўлгунча титрланади. Реакция қуйидаги схема бўйича боради: NaCl + AgNO 3 = AgCl + NaNO 3 Натрий хлорид миқдори, г/ дм 3 , икки усул учун ҳам қуйидаги формула бўйича аниқланади:25 10 100 250 00585,0     VK Х , бунда: V - титрлашга сарфланган 0,1 Н симоб нитрат ёки кумуш нитрат эритмасининг ҳажми, см 3 К – симобнинг ёки кумушнитрат эритмалари миқдорини аниқ 0,1 Н га келтириш учун тузатма. 0,00585 – 1 см 3 0,1 Н симоб нитрат ёки кумуш нитрат эритмасига мувофиқ келувчи натрий хлор массаси, г. Хом ашёнинг пишиш ҳароратини аниқлаш Пишиш ҳарорати чарм ва мўйна хом – ашёси структурасини иссиқлик ва намликка бардошлигининг миқдорий тавсифини ифодалайди. Чарм ва мўйна хом – ашёси микроструктурасининг бўлиниши, ғоваклиги қанчалик юкори булса, пишиш ҳарорати шунча пасаяди.

Чарм ва мўйна хом – ашёсининг пишиш ҳарорати деб –синов олиб борилаётган намуна ўлчамининг ўзгариши бошланадиган ҳароратга айтилади. Хом ашёнинг пишиш ҳароратини махсус асбобда ёки асбобсиз аниқлаш мумкин. Илмий текшириш ишлари учун пишиш ҳароратини аниқлашда асбобни қўллаш талаб этилади. Пишиш ҳароратини аниқлаш учун чарм ёки мўйнадан 3 х 50 катталикда намуналар қирқиб олинади. Мўйна намунасидан соч қоплами қирқиб олинади. Намуна резина ҳалқа ёрдамида термометрга маҳкамланади, термометр эса штативга бириктирилади ва сувли стаканга туширилади. Сув иситилади. Иситишни шундай олиб бориш керакки, суюқлик ҳарорати ҳар бир минутда 5 0 С ошсин. Тери қайрилиб қолгандаги ҳарорат, пишиш ҳарорати ҳисобланади. Пишиш ҳарорати ҳар хил хом – ашё учун турлича бўлади. Сочнинг сифатини таҳлил қилиш. Сочдаги ташқи аралашмалар миқдорини аниқлаш учун 6-8г вазнли намунани олиниб, 500 мл ҳажмли ўлчамли колбага жойлаштирилади. Колбага 300 мл 2% ли NaOH эритмаси қуйилади ва қайнагунча иситилади. 30-минутлик иситишдан сўнг соч эрийди. Ҳосил бўлган эритма аналитик тарозида олдиндан ўлчанган бурмали фильтр орқали 500 мл ҳажми колбага фильтрлаб олинади. Фильтрлаш 80-100 0 С ҳароратда қуритиш шкафида амалга оширилади. Фильтрлаш тугангандан сўнг стакан 3-4 марта дистилланган иссиқ сув билан ювилади, ушбу сув ҳам фильтр орқали ўлчамли колбага фильтрланади. Фильтрдаги чўкма дистилланган иссиқ сув билан ювилган сув таркибида ишқор қолмагунча ювилади (чўкма ювилган сувга 2-3 томчи фенофталеин қўшганда пушти ранг бермаслиги керак). Фильтр воронка билан бирга қуритиш шкафига жойлаштирилади ва 20-30 мин. давомида 100 0 С ҳароратда қуритилади, сўнгра 30 минут

давомида ҳавода совутилади, кейин фильтрлашгача фильтр ўлчанган шиша стаканчага жойлаштириб, аналитик тарозида 0,001г аниқликда ўлчанади.

Фойдаланилган адабиётлар рўйхати 1. Александрова Ю.А. «Международный туризм». Учебник. М:«Аспект пресс» 2004г. 2. Александрова Ю.А. «Международный туризм» Учебное пособие для вузов. М:«Аспект пресс» 2001г. 3. Балабанов. И.Т. «Экономика туризма» М.,«Финанси и статистика»2000 г. 4. Биржаков М.Б. Введение в туризм. С.Пб.: Издательский Торговый Дом «Герда», 2004г. 5. Вавилова Е.В. Основы международного туризма. Учебное пособие. М., ГАРДАРИКИ, 2005. 6. География туризма: учебник / кол.авторов: Под ред. А.Ю. Александровой. М.: КНОРУС, 2008. 7. Дворниченко В.В. История международного и национального туризма. М., Издательство МЭСИ, 2001. 8. Дурович А.П. «Маркетинг в туризме». Минск. «Новое знание».2001. 10. Дурович А.П. Реклама в туризме. Учебное пособие. 2003. 11. Ердавлетов С.Р. География туризма: история, теория, методы, практика. Алматы, 2000. 12. Ердавлетов С.Р. История туризма. Развитие и научное изучение. Алматы, 2003 13. Жукова М.А. Индустрия туризма: менеджмент организации. М.: «Финансы и статистика», 2006. 14.Зорин И.В., Квартальнов В.А. Энциклопедия туризма. М. Финансы и статистика, 2000. 15. Кабушкин Н.Н. Менеджмент туризма. «Новое знание» М., 2001. 16. Квартальнов В.А. Иностранный туризм. М.: «Финансы и статистика», 2003. 17.Квартальнов В.А. Туризм . Учебник. М., «Финансы и статистика». 2004.

O'xshashlar

Чарм хом-ашёсининг тавсифи

Чарм ва мўйна хом ашёсини сақлаш

Чарм ва мўйна хом – ашёсини консервалашнинг физик кимёвий асослари ва консервалаш

Чарм ва мўйна хом ашёларини консервалаш усуллари

Чарм ва мўйна хом ашёси нуқсонлари ва уларни ҳосил бўлиш сабаблари