Чарм ва мўйна хом – ашёсини консервалашнинг физик кимёвий асослари ва консервалаш - To'qimachilik - Referatlar

Чарм ва мўйна хом – ашёсини консервалашнинг физик кимёвий асослари ва консервалаш

Yuklangan vaqt:

20.09.2019

Ko'chirishlar soni:

0

Hajmi:

126 KB

Ko'chirib olish

Чарм ва мўйна хом – ашёсини консервалашнинг физик кимёвий асослари ва консервалаш усуллари Режа: 1. Чарм, мўйна хом ашёси ва ош тузининг микрофлораси. 2. Тўқималарнинг автолизи ва чириши 3. Чарм ва мўйна ҳом-ашёсини консервалашнинг физик-кимёвий асослари. 4. Консерваловчи аралашмани тайёрлаш.

Чарм, мўйна хом ашёси ва ош тузининг микрофлораси. Ҳайвонларнинг терисини сиртига микроорганизмлар сувдан, ҳаводан, тупроқдан, гўнгдан, териларнинг ҳар хил предметларга, инвентарларга, омборхона деворларига тегиб туришидан ўтади. Янги шилинган 1 см 2 тери сиртида ўртача 200-300млн микроблар бўлади. Янги шилинган териларда учрайдиган микрорганизмлардан, ўзига хос характерли гуруҳларни ажратиш мумкин. Протеус гуруҳи - кучли протеолитик қобилиятга эга бўлган спорасиз ҳаракатчан таёқчалар. Ушбу гуруҳ микроблари оқсилларни охирги босқичгача парчалайди. Коли гуруҳи - ичак микрофлорасининг вакили бўлиб, терига гўнгдан тушади. Бу гуруҳ микроблари ҳаракатчан ва ҳаракатсиз қисқа грамосалбий таёқчалардан ташкил топган бўлиб, пептонларни аминокислоталаргача парчалаб, индолаларнинг ҳосил бўлишига олиб келади. Спора ҳосил қилувчилар гуруҳи - споралар ҳосил қилувчи ҳаракатчан таёқчалардан ташкил топган бўлиб, юқори чидамлилиги билан ажралиб туради. Ушбу гуруҳ протеолитик хоссаларга эга бўлиб, оқсилларни охирги босқичгача парчалайди. Кокклар гуруҳи – одатда бошқа микробларга нисбатан камрок миқдорда учрайди. Бу гуруҳга микрококклар ва сарциналар киради. Улардан кўпчилиги турли хил пигментлар (сариқ, жигар, қизил, оқ ва бошқа) ишлаб чиқаради. Кокклар қисман парчаланган оқсилларнинг бўлинишига олиб келади. Флюоресцирлар гуруҳи - кокклар гуруҳи каби, бошқа микробларга нисбатан терида кам миқдорда учрайди. Микроблар терига асосан сувдан ўтади. Улар таёқчалардан ташкил топган бўлиб, ёғларнинг парчаланишига олиб келади. Ушбу гуруҳ микроорганизмларининг кўпчилиги психрофиллар (нисбатан паст ҳароратда яшаб, ривожланадиган организмлар) ҳисобланади.

Юқорида кўрсатилган гуруҳларнинг микроблари аэроблар (атмосферадаги кислород ҳисобига яшовчи организмлар) ҳисобланади. Бундан ташқари терида анаэроб, шунингдек моғорлар учрайди. Ачитқилар гуруҳи дан одатда ёввойи ачитқилар (оқ, қора ва қизил) учрайди. Ош тузининг микрофлораси тузли эритмаларда ривожланувчи микроблардан ташкил топган. Улар ош тузига уни қазиб олишда ва ташиш вақтида тушган. Ош тузида асосан фақат кўп миқдорда ош тузи бўлган жойларда ривожланувчи микроорганизмлар-галофилларнинг (тузхўрлар) вакиллари ўрин олган. Кўпчилик галофиллар учун ош тузининг оптимал киймати 20-25%ни ташкил этади. Галофиллар кучли протеолитик қобилиятга эга. Кўпчилик галофиллар пигмент ишлаб чиқаради. Ош тузида учрайдиган бошқа гуруҳ 1%дан 20%гача ош тузи сақлаган муҳитда ўсувчи ми к ро ор анизмлардан ташкил топган. Улар ош тузининг миқдори 0,5% бўлганда яхшироқ ўсади. Микро ор ганизмларнинг бундай тури солетолерантлар деб номланади. Тўқималарнинг автолизи ва чириши Ҳайвон сўйилгандан ва моддалар алмашинувчи тўхтагандан сўнг, унинг тўқималарида, жумладан тери қопламасида, структура элементлари ва тўқималардаги ҳар хил кимёвий компонентларининг парчаланиши натижасида мураккаб кимёвий жараёнлар рўй беради. Ушбу жараёнларни икки гуруҳга: автолиз ва чириш жараёнига синфлаш мумкин. Автолиз - деб ҳайвон тўқималарининг ферментлар таъсири остида парчаланиш жараёнига айтилади. Ушбу ферментлар айнан шу тўқималарнинг фер мен ти бўлиб, уларнинг сони нисбатан кичик бўлсада, аммо улар тўқималар парчаланиши жараёнининг ривожланишида муҳим роль ў йнайди . Тўқималарда жойлашган ферментлар моддалар алмашинуви жараёнларида фаол қатнашиб, тирик ҳайвонларнинг тери қопламасига маълум турдаги фойдали амалларни бажаради. Алмашинув ма ҳ сулотлари

тўқималардан доимо чиқарилиб турилади; тўқималар етарли даражада кисларод билан таъминланади. Ҳайвон с ў йилгандан ва танадан тери шилиб олингандан сўнг ҳам тери тўқималарида мураккаб биокимёвий жараёнларнинг кечиш и давом этади. Аммо кисларод келишининг тўхташи ва моддалар алмашинувининг тўхташи натижасида тўқималардаги ферментлар (протеазалар, карбо ги дразалар, эстеразалар ва бошқалар) парчаланиш реакцияларини тезлаштиради. Шунингдек тўқималардан парчаланиш ма ҳ сулотларининг чиқарилмаслик ҳолати ҳам, юқоридаги реакциянинг тезлашишига к ў маклашади. Органик кислоталарнинг йиғилиши натижасида муҳитнинг реакцияси ўзгаради, рН кўрсатгичи пасаяди, яъни кўпгина протеазаларнинг таъсири учун оптимал ҳисобланган қ ийматга эришади. (катепсиннинг оптимал таъсири рН 4-5) . Автолиз фақат тўқималардаги оқсилларни парчалаш билан чекланмайди, ферментлар таъсирида углеводлар, ёғлар ва бошқа органик бирикмалар ҳам парчаланади. Ферментларнинг таъсири натижасида бир қатор охирги маҳсулотлар ҳосил бўлиши билан борадиган тўқималарнинг чуқур парчаланиши содир бўлади. Бунда тўқималарнинг кимёвий таркиби ва структураси ўзгаради. Ферментлар таъсири остида аввало, чидамлилиги нисбатан кичик оқсиллар, яъни эпидермиснинг шиллиқ қаватини ва соч халтачаларини нг ҳужайрали элементларини ҳосил қилувчи оқсиллар парчаланади. Бунинг окибатида соч тери дермасидан осонгина ажралишни бошлайди ва «сочнинг т ўк илувчанлиги» каби нуқсоннинг ҳосил бўлишига олиб келади. Тери ферментларининг таъсири остида автолиз жараёнининг ч у қур ривожланиши фақат асектик шароитларда , яъни микробларни ў лдириш ва уларнинг жаро ҳ атга тушишини олдини олишга қаратилган чора тадбирлар кўрилмаганда содир бўлиши мумкин. Одатда бу жараён тез ривожланувчи микроорганизмлар билан ёнма-ён бориб, улардан анча ў зиб кетади. Чириш - деб микроорганизмлар ажратадиган ферментлар таъсирида тўқималарнинг парчаланиш жараёнига айтилади. Кўрсатилган

микроорганизмларни чиритувчи микроблар деб номлаш қабул қилинган. Оқсилларнинг чириш о қ ибатида парчаланиши кўпрок аҳамиятга эга. Уларнинг парчаланишига олиб келадиган микроорганизмлар протеолитик микроорганизм деб номла н ади. Бактери я ларнинг кўпгина турлари ва моғорли замбуруғлар оқсилларни парчалаш қобилиятига эга. Чириш – мураккаб жараён бўлиб, унинг натижасида тўқималарнинг алоҳида компонентлари янада оддийро қ моддаларга парчаланади. Чиришнинг бориши ва охирги маҳсулотларнинг таркиби, оқсилларнинг таркиби ва тузилишига, чириш жараёни борадиган шароитга , шунингдек чиришга олиб келувчи микроорганизмларнинг турига боғлик бўлади. Одатда оқсилли субстратларда микроорганизмлар бошланишида секин ривожланади. Эхтимол бунга сабаб, кўпгина турларнинг юқори тартибли оқсилларга таъсир этиш қобилиятига эга эмаслигидир. Бир оз вақт ўтгандан сўнг, тўқималарда автолиз жараёнининг ривожланиши ва оқсилларнинг парчаланиши натижасида озроқ миқдорда бирламчи маҳсулотларни ҳосил бўлиши билан чирикли микрофлоранинг шиддатли ўсиши бошланади. Чириш жараёнида турли хил парчаланиш маҳсулотлари: органик кислоталар (чумоли, сирка, м ой , пропион ва бошқалар), спиртлар (пропил, б у тил, амил ва бош қ. ), фенол, скатол, индол, ме ркаптанлар ва бошқа моддалар ҳосил бўлади. Бошланиш даврида терилардаги чирикли парчаланишнинг характерли белгиларидан бири, тўқималар сиртининг шиллиқланиши ҳисобланади. Тажрибавий текширишлар билан оқсилларнинг чирикли парчаланишини аминлар, аммиак, водород , олтингугурт ва мой кислоталар миқдорининг ошиши бўйича аниқлаш мумкин. Чирикли жараённинг ривожланиши натижасида (агар бу жараён тўхтатилмаса) дерма ва эпидермиснинг структураси бузилиб, у ёки бу нуқсонларнинг ҳосил б ў лишига олиб келади.

Чарм ва мўйна ҳом-ашёсини консервалашнинг физик-кимёвий асослари. Ҳайвон тўқималарининг бузилишини олдини олиш мақсадида, автолиз ва чириш жараёнларининг ривожланиши учун ноқулай шароит яратиш зарур. Бунга чирикли микрофлорани бартараф этиш ва ферментларни инактивациялаш йўли билан ёки микробларнинг ҳаёт фаолиятини кескин тўхталадиган ва ферментлар активлигини пасайтирадиган шароит яратиш йўли билан эришиш мумкин. Хом-ашёни консервалаш бир неча хил усуллар: механик, биологик, кимёвий ва физика усуллари билан амалга оширилади. Бузилишга қарши чораларда кенг қўлланиладиган механик усуллардан бири, суюқ маҳсулотлар ва хом-ашёни филтрлаш ҳисобланади. Бу услуб консерваловчи эритмаларни регенерациялашда қўлланилади. Биологик усулларнинг мохиятини фойдали ва зарарли микрофлоранинг антоганизмидан фойдаланиш ташкил этади. Биологик усуллар асосан чирикли микрофлорага қарши кураш чораларида ва айниқса корақўл териларини ачитиш йўли билан консервалашда кенг қўлланилади. Консервалашнинг кимёвий усуллари кенг тарқалган бўлиб, қатор моддаларнинг (тузлар, кислота, ишқор, антисептиклар ва хоказо) антисептик хоссаларидан фойдаланишга асосланган. Консервалашнинг физикавий усулларига термик ишлов бериш, сувсизлантириш, нурли энергиянинг таъсири, ультра товуш, ультрабинафша нурлар ва радиоактив элементларнинг таъсирини киритиш мумкин. Чарм ва мўйна хом-ашёсини ишлов беришда асосан консервалашнинг кимёвий ва физикавий усулларини қўллаш мумкин. Кўп ҳолларда қўшма усуллар, яъни ҳар хил принципларга асосланган усуллар қўлланилади. Тўқималарнинг сувсизланиши Бу услуб нисбатан кенг тарқалган бўлиб, консервалашнинг оддий усули ҳисобланади. Сувсизлантириш асосан қуритиш йўли билан, ацетон ёки спирт таъсирида, кимёвий реагентлар билан ишлов бериш орқали амалга

оширилади. Консервалаш услуби сифатида сувсизлантиришнинг самарасини ҳал қилувчи муҳим шарти, бу хом ашё таркибидаги қолдиқ намлик миқдори ҳисобланади. Хом-ашё турига қараб бу миқдор 2 дан 16% гача бўлиши керак Бактериялар ҳали ривожланиши мумкин бўлган минимал намлик 20- 30%ни ташкил этади. Моғор намлик миқдори 13-15% ва ундан юқори бўлганда ривожланади. Бунда унинг кейинги ривожланишига нисбатан, споралардан (ноқулай шароитда сақланиб қолишни таъминловчи ҳужайра) гифларнинг (шохланган иплар) ўсиб чиқиши ва мицелий (замбуруғтана) ҳосил бўлиши учун юқорирок намлик миқдори талаб этилади. Сувсизлантириш (қуритиш) йўли билан чарм ва мўйна хом-ашёсининг кўпгина турлари (упука, бўталок, мўйнабоб ва пўстинбоб қўй терилари) консерваланади. Ош тузи ва бошқа моддалар эритмасининг таъсири Бу услуб ҳам кенг тарқалган консервалаш услуби ҳисобланади. Бу усулни амалга ошириш учун хлоридлар, сульфатлар ва бошқа моддаларнинг эритмалари ишлатилади. Чарм ва мўйна хом-ашёсини ишлов беришда ош тузининг к онцентрланган эритмаларидан фойдаланилади. Ушбу эритманинг консерваловчи таъсири юқори осмотик босим ҳосил қилишга қаратилган. Бунинг о қ ибатида микробларнинг ҳалокати ёки улар ҳаёт фаолиятининг оғирлашуви кузатилади. Плазмолиз ҳ одисаси ( ҳ ужайрадаги сувнинг чикиб кетиши натижасида, ҳужайра таранглигининг йўқолиши) атроф-муҳитнинг осмотик босими, микроб ҳужайрасининг босимидан кўп бўлган дақиқада содир бўлади. Кўпгина чиритувчи бактериялар танасининг осмотик босими (50:60) 0,1 М П а дан ортмайди . Ў з навбатида, концентрланган ош тузи эритмасида микроорганизмлар ўз ривожини тўхтатиши керак. Муҳит реакциясининг ўзгариши Турли хил микроорганизмлар ўз ҳаёт фаолиятини фақат шу хилдаги микробларга мувофиқ келувчи муҳит реакциясида намоён этади. Ферментлар

ҳам худди шундай, ўз фаоллигини айнан шу ферментларга таалуқли муҳит реакциясида намоён этади. Демак, муҳит реакциясини, яъни кислоталик ёки ишқорлик даражасини ўзгартириб, микроорганизмлар ривожланиши ва ферментларнинг таъсири учун ноқулай шароит яратиш мумкин. Муҳит реакциясини шартли равишда рН символи сифатида ифодалаш қабул қилинган. Муҳит рН и ўзгарганда, ҳужайранинг сиртида электр заряди ўзгаради. Бу эса ўз навбатида алоҳида ионларнинг ҳужайра қобиғига сингувчанлигининг ўзгаришига олиб келади. О қ ибатда, маълум шароитларда ҳужайранинг озиқланиши умуман тўхташи мумкин. Кўпгина моғорли замбуруғлар ва ачитқилар учун кучсиз кислотали муҳит ( рН 3,0-6,0) анчагина қулай; бактериялар нейтрал ёки кучсиз ишқорий муҳитда ( рН 6,5-8,0) унумли ўсади. Микроорганизмларнинг кўпчилик турлари учун кислотали муҳит ишқорий муҳитга насбатан ҳалокатли ҳисобланади. Айниқса чирикли шакллар муҳитнинг кислотали томонга ўзгаришига сезгир бўлади. Муҳит реакциясининг ўзгаришидан мўйнабоб ва пўстин қўй териларини кислота-тузли усул билан консервалашда, корақўл териларини ачитишда фойдаланилади. Бундан ташқари бу усул консерваловчи эритмаларни сульфат ва хлорид кислоталари билан регенерациялашда, сибир яраси, о қ си м ва бошқа касалликлар билан зарарланган тери х о м-ашёсини дезинфекциялашда қўлланилади. Антисептиклар таъсири Кўпгина кимёвий моддалар микроорганизмларга ҳалокатли таъсир этади. Бир қатор моддалар ферментларнинг инактиваторлари ҳисобланади. Шунинг учун ҳайвон хом-ашёсини консервалашда бактерицид ёки бактериостатик хоссалари билан фарқланувчи кимёвий моддалар қўлланилади ва улар антисептиклар деб номланади. Антисептиклар микроорганизмлар учун заҳарли бўлиши ва консерваловчи самарани таъминлаши зарур, сувда ва ош тузининг

эритмасида яхши эриши, терининг тери тўқимасига, ишлов бериш жараёнлари ва ишлов берилган чарм ва мўйна сифатига ёмон, ноқулай таъсир кўрсатмаслиги керак. Қўлланиладиган антисептиклар ишловчиларга хавфсиз бўлиши лозим. Чарм ва мўйна хом-ашёсини консервалашда натрий кремний фторид ва натрий фторид, парадихлор бензол, нафталин, оксидифенолят ва пентахлорфенолят, руххлорид, бор кислотаси ва танакор, натрий гипохлорид, парахлорметакрезол ва крезоллар асосидаги препаратлар, хлорамин каби антисептиклар қўлланилади. Хом-ашёни зарарсизлантириш ва дезинфекциялаш, консерваловчи эритмаларни регенерациялашда хлорид кислотаси, сульфат кислотаси, уювчи натрий, натрий бисульфит ва пиросульфит, алюминий сульфатлар қўлланилади. Юқори ва паст ҳароратнинг таъсири Муҳит ҳарорати микрорганизмлар ривожланиши ва ферментларга таъсир этиш эҳтимоли билан биргаликда, уларнинг жадаллигини ҳал қилувчи муҳим факторлардан бири ҳисобланади. Ҳар бир микроорганизм тури, айнан шу турга хос оптимум ҳарорат билан тавсифланади. Микроорганизмларнинг спорасиз шакллари ҳароратни 60-70 0 С гача кўтариб, уни 10-30 мин у т давомида сақлаганда ҳалокатга учрайди. Спорали шаклларни бартараф этиш учун ҳароратни 120-125 0 Сгача кўтариб, 30 мин у тдан кам бўлмаган вақт талаб этилади. Ферментларни 55-60 0 С дан юқори бўлган ҳароратда иситганда инактивациялашади. Чарм ва мўйна хом-ашёсини консервалашда юқори ҳароратни қўллаш мумкин эмас. Чунки 45-50 0 Сда ко лл агеннинг структурасида мураккаб ўзгаришлар кузатилади. 64-66 0 Сда терининг тери тўқимаси пишиб қолади. Аммо бу услуб ишлатилган консерваловчи эритмаларни регенерациялашда кенг қўлланилади. Бунда эритмадаги микрофлорани бартараф этиш ва

эрувчан оқсилларни коагу ля циялаш мақсадида эритма қисқа муддатда қайнатилади. Паст ҳар орат микроорганизмларнинг ҳалокатига олиб келмайди. Аммо улар ўз ҳаёт фаолиятини намоён эта олмайдиган ҳолатда бўлишади. Кўпчилик микроорганизмлар нолдан қуйи ҳароратда кўпаймайди, лекин баъзи турлари айни қ са замбуруғлар паст ҳароратда ҳам кўпайиши мумкин. Ферментларнинг таъсири паст ҳароратда тўхтамайди, аммо унинг активлиги сезиларли даражада пасаяди. Паст ҳароратларни чарм ва мўйна хом-ашёсини сақлашда, айниқса исси қ вақтларда қўллаш мақсадга мувофиқдир. Бу усул териларни яхши сақлашга к ў маклашади, чунки паст ҳароратда галофил (туз се вар) микроорганизмларнинг ривожланиши кузатилмайди. Қуёш ёруглиги, ультрабинафша нурлар ва радиактив нурланишлар таъсири Кўпгина микрорганизм турлари (айниқса бактериялар) қоронғида ўсади ва ёруғликка муҳтож эмас. Бевосита қуёш нурлари уларни ўлдиради, тарқоқ қуёш нурлари у ёки бу даражада уларнинг ривожланишини секинлаштиради. Қуёш спектрининг активроқ қисми ультрабинафша нурлар ҳисобланади. Улар, айниқса тўлқин узунлиги 250-260мкм ни ташкил этган ультрабинафша нурлар жуда катта бактериоцидлиги (бактерияларни ўлдириш хусусияти) билан ажралиб туради. Қуёш ёруғлиги ва УБ-нурларнинг таъсиридан чарм ва мўйна хом- ашёсини қуритиб консервалашда фойдаланилади. Аммо териларни бевосита қуёш нурлари остида қуритиш тавсия этилмайди, чунки бунда тери тери тўқимасининг ҳаддан ташқари сувсизланиши ва шохланиши рўй бериши мумкин. Қуритиш тери юзасига катта бурчак остида тушадиган ҳолатда ўтқазилса, самарали бўлади. Рентген нурларининг фақат катта дозалари таъсир этганда микроорганизмлар ҳалокатга учрайди. Радиоактив нурлар, айниқса  - ва γ – нурлар бактериоцидлик хоссаларини намоён этади.

К онсервалашда қўлланиладиган материаллар ва тузлиқли эритмаларни регенерациялаш. Консервалашда қўлланиладиган материаллар. Натрий хлорид (ош тузи) ҳозирги вақтда чарм ва мўйна хом ашёсини турли усуллар билан консервалашда асосий консерваловчи материал ҳисобланади. Консервалашда натрий хлорид кўпчилик чирикли бактерияларнинг ривожини тўхтатади, осмотик ва диффузион ҳодисалар натижасида тери тўқимасининг ичига сингиб, хом ашёни сувсизлантиради. Кимёвий таркиби бўйича ош тузи натрий хлорид ва бир оз миқдордаги аралашмалар, жумладан хлоридлар ҳамда кальций ва магний сульфатларидан иборат. Консервалашда қўлланиладиган ош тузида қуйидаги аралашмаларнинг бўлишига рухсат этилади, %: магний хлорид -1; кальций ва магний сульфатлари -1,5; темир оксидлари – излари. Ош тузининг намлиги 5%дан ошмаслиги лозим, чунки қуруқ ош тузи, ҳўл тузга нисбатан тезроқ сувсизлантиришга кўмаклашади. Консервалаш учун тузни ҳавонинг намлиги 70% дан ошмаган қуруқ хонада сақлаш зарур, бундай шароитда туз нам тортмайди. Туз кристалларининг ўлчамига қараб уч тортишда бўлади: №1 – кристалларнинг диаметри 1,2 мм дан катта эмас; №2 – 2,5 мм ва №3 – 4,5 мм. Кристалларнинг ўлчамлари ҳам консервалаш жараёнига таъсир этади. Агар ёйиб тузлашда №1 ва №2 тортишдаги тузлардан фойдаланилса, жараён тезроқ кечади. Катта шохли моллар терисини ёйиб тузлашда туз кристалларининг ўлчамлари 3мм атрофида, кичик хом ашё учун 1-2 мм бўлиши зарур. Ишлатилган туз ўзида кўп миқдорда ифлосликлар ва микроорганизмлар сақлайди. Булар терида қизил доғлар ҳосил қилади, шунинг учун уни қайта ишлатиш, ҳатто тоза туз билан аралаштириб ишлатиш ҳам тавсия этилмайди.

Тузни қайта ишлатиш учун мувофиқ равишда тозаланиши ва намлиги 5% дан ошмаслиги лозим. Регенерациялашнинг энг яхши усули уни қайнатиш ва қуритиш ҳисобланади. Ош тузи тоза шилинган тери массасига нисбатан 40%, тузланган тери массасидан – 15-20% миқдорда сарфланади. Консервалаш самарасини кучайтириш мақсадида натрий хлориддан ташқари антисептиклар – микроорганизмларни парчалаш қобилиятига эга (формалин, фенол ва унинг ҳосилалари) ёки уларнинг ривожланиши ва таъсирини тўхтатадиган (натрий ёки аммоний гексафторсиликат, натрий карбонат, нафталин ва бошқалар) кимёвий бирикмалар ишлатилади. Консервалаш жараёнида антисептиклар сифатида нафталин, парадихлорбензол, гексафторсиликат натрий, натрий карбонатни қўллаш мақсага мувофиқ. Нафталин - ароматик қатор углеводороди бўлиб, тошкўмир смоласини қайта ишлаш жараёнида олинади. Кимёвий тоза нафталин оқ, ялтироқ кристаллар кўринишида бўлиб, махсус кучли ҳидга эга. Сувда эримайди, аммо спирт, ацетон ва бошқа органик эритувчиларда яхши эрийди. Қиздирганда осонгина газ ҳолатига ўтади. Одатда тузламасдан қуритиб консерваланган хом ашёни куя ва терихўр қўнғизлардан ҳимоялаш учун қўлланилади. Ҳўл тузлаб консервалашда натрий хлоридга қўшимча сифатида қўшилади. Нафталиннинг натрий карбонат билан аралашмаси терини чиришдан самарали сақлайди. Нафталин хом ашё массасидан 0.5- 0.8% миқдорда сарфланади. Парадихлорбензол – оқ кристалли кукун, бодом хидини эслатувчи кучли ҳидга эга. Сувда эримайди, аммо спиртда, эфир, керосин ва бошқа органик эритувчиларда осонгина эрийди. Нафталинга нисбатан 10 марта тез буғланади, унинг буғлари ҳавога қараганда 5 марта оғир. Ҳашаротлар учун унинг буғлари заҳарли, одам ва ҳайвонлар учун зарарсиз, аммо заҳарли химикат сингари сақланади. Парадихлорбензол таъсирида хўл тузлаш жараёнида баъзи микроблар ўлади, баъзиларнинг ривожланиши

тўхтатилади. Қизил доғлар билан зарарланган терилар парадихлорбензолнинг буғлари таъсирида қайта меъёр кўринишга эга бўлади. Парадихлорбензол билан консерваланган хом ашёни сақлашда, унинг оғир буғлари терилар орасидаги бўшлиқларни тўлдириб, микробларнинг ўсишини тўхтади. Парадихлорбензол хом ашё массасидан 0.3-0.5% миқдорда сарфланади. Одатда парадихлорбензол антисептик сифатида натрий хлор билан мос равишда ишлатилади. Шунингдек уни, нафталин сингари тузламасдан қуритиб консерваланган хом ашёни куя ва терихўр қўнғизлардан ҳимоя этиш мақсадида қўллаш мумкин. Тўғри жойлаштирилган тахловларда парадихлорбензолнинг буғлари узоқ вақт сақланади, шунинг учун тахловни йил давомида бузмаслик мумкин. Тахловда ҳарорат 25-28 0 С бўлса, парадихлорбензол хом ашёни узоқ вақт сақлаш имконини беради. У хом ашёни ортиқча қурилшдан сақлайди. Гексафторсиликат натрий - оқ рангли майда кристалли кукун, баъзан кулранг ёки сариқ тусли бўлади. Сувда кам эрийди. Натрий хлориднинг тўйинган эритмасида эса янада камроқ эрийди. Консерваловчи аралашма таркибида хом ашё массасидан 1% киритилади. Аралашма диққат билан аралаштирилиши зарур. Олиб борилган текширишлар шуни кўрсатадики, ош тузи ва натрий гексафторсиликат аралашмаси билан 30 0 С ҳарорат ва 85% нисбий намликда консерваланган терилар 6 ой мобайнида сақлангандан сўнг ҳам, янги тузланган кўринишга эга бўлган. Натрий гексафторсиликат заҳарли, шунинг учун у билан ишлашда ҳамма техника хавфсизлик қоидаларига риоя қилиш зарур. Кальцияланган сода - қиздирилган сувсиз натрий карбонат – юпқа кристалли кукун, жуда гигроскопик, сувда осон эрийди. У хом ашёда тузли доғлар ҳосил бўлишидан сақлайди. Ош тузи ва парадихлорбензол

аралашмасига қўшиб упука, бузоқ ва яримтериликларни (ош тузи массасидан 3%) консервалашда қўлланилади. Консерваловчи аралашмани тайёрлаш. Консерваловчи аралашмани тайёрлаш учун қуйидаги компонентлар, тоза шилинган тери массасидан % ҳисобида олинади: ош тузи – 40, антисептиклардан парадихлорбензол – 0.4 ёки нафталин - 0.5 ёки натрий гексафторсиликат 1-1,2. Упука, бузоқ ва ярим терини консервалаш учун аралашмага 0.8-1.2% кальцияланган сода қўшиш тавсия этилади. Кичик хом ашёни консервалаш учун №2 тортишдаги туз ёки №2 ва №1 тортишдаги тузларнинг бир хил миқдордаги аралашмаси, катта хом ашё учун №3 тортишдаги туз олинади. Консерваловчи аралашманинг ҳамма компонентлари диққат билан аралаштирилади, аралашма бир жинсли ва бир текис рангда бўлиши керак. Аралашмани тайёрлаш учун махсус барабан – қоргичлардан фойдаланиш мақсадга мувофиқдир. Ош тузи, парадихлорбензол ёки нафталинли аралашма фақат бир кунлик фойдаланиш учун тайёрланади, чунки антисептиклар тезда буғланиб кетади. Консерваловчи эритмани тайёрлаш. Хом ашёни тузлиқли усулда консервалаш учун маълум концентрацияли тузлиқ талаб этилади. Тузлиқ олдиндан суюқлик коэффициентини ҳисобга олиб тайёрланади. Суюқлик коэффициенти хом ашё ва аппаратлар турига қараб 2,5-4 гача бўлиши мумкин. Тузлиқ 100 л сувга 30-35 кг натрий хлорид ҳисобидан тайёрланади. Натрий ёки аммоний гексафторсиликат 100 л сувга 70-100 г миқдорида, дастлаб эритиб, сўнгра қўшилади. Упука, бузоқ ёки яримтерини консервалашда тузлиқка ош тузи массасидан 2-3% натрий карбонат қўшиш мақсадга мувофиқ. Тузлиқни тайёрлаш учун тоза туз олинади. Эритманинг ҳарорати 12-20 0 С. Тузлиқнинг тўғри тайёрланганлиги, унинг

зичлигини аниқлаб текширилади. Зичлик 1.19-1.2 г/см 3 бўлиши лозим. Зичлик ареометр ёрдамида текширилади. Тузлиқли эритмаларни регенерациялаш. Териларни консервалашда ишчи эритмалар қон, навал, оқсиллар ва уларнинг парчаланиш маҳсулотлари билан ифлосланади. Бир неча марта фойдалангандан сўнг, бу эритмаларни канализацияга оқизишга тўғри келади. Катта шохли молларнинг терисини консервалашда бир тузлиқ эритмасининг ўзини – 7 марта, чўчқа терилари учун - 5 марта ва қўй терилари учун – 3 марта фойдаланилади. Эритма қайта фойдаланишдан олдин ҳар сафар тўйинтирилади, чунки тери ичига сарфланадиган тузнинг 40% ёки ўртача 1 кг хом ашёга 140 г туз диффузияланади. Тузлиқлашдан сўнг эритмага қолган туз миқдори 1 кг хом ашёга 200 г атрофида ёки тоза шилинган тери массасига нисбатан 20% ни ташкил этади. Бир тузлиқни ўзини қўллаганда, унинг зичлиги 0,175-1,180 гача пасаяди. Қуруқ ош тузини чан ёки баркасларга қўшиш, керакли самарани бермайди, чунки эритма ҳароратининг пастлиги туфайли тузнинг каттагина қисми эримасдан чан тубига чўкади. Бундан ташқари тузнинг эришига чан ёки баркаслар парракларининг механик таъсирига учрамайдиган ўлик зоналари ҳам таъсир қилади. Консерваловчи аппаратларни юқори зичликдаги тоза эритма билан таъминлаш учун намакоблар регенерацияланади ва бир вақтнинг ўзида тўйинтирилади. Тоза эритмалар қўлланилганда териларни ишлов бериш технологияси, уларнинг сифати ва ўз навбатида тери яриммаҳсулотининг сифати ҳам яхшиланади. Консерваловчи эритмалар қайнатиш, оҳакли хлор, алюминий сульфат ёки алюминий-калийли аччиқтош эритмалари, фильтрлаш, шунингдек флотация усуллари билан регенерацияланади. Тузлиқли эритмаларни қайнатиш билан регенерациялаш.

Бу усул билан регенерациялаш ёғоч ёки темир-бетонли чанларда амалга оширилади. Чанларнинг тубида зангламайдиган пўлатдан тайёрланган илонча шаклидаги мослама ўрнатилган. Чанга ишлатилган тузлиқ эритмаси қуйилади, сўнгра илонча шаклидаги мослама орқали буғ узатилади. Қайнатиш 15-20 минут (эритма қайнаш вақтидан бошлаб) давом этади. Шундан сўнг эритма иссиқлик алмаштиргичларга юборилади, у ерда совутилади ва тиндирилади. Совуган эритма зич мато орқали филтрланади ва тоза туз билан 1,2 зичликгача тўйинтириш учун чангга юборилади. Тиндиргич бўшагандан ва филтрлаш тугагандан сўнг, тиндиргич ва филтр яхшилаб ювилади. Эритмаларни хлорли оҳак билан регенерациялаш. Ишлатилган тузлиқли эритма қувур орқали йиғгичга оқизилади, у ердан насос билан тортиб тиндиргичга узатилади. Хлорли оҳак аралаштиргич билан таъминланган махсус бочкада 30-50% оҳакли сут кўринишида тайёрланади. Бочкадан оҳакли сут тиндиргичнинг биринчи бўлимига юборилади, у ерда оҳакли сут ва ишлатилган тузлиқли эритма 2- 3 дақиқа давомида сиқилган ҳаво билан аралаштирилади. Ҳосил бўлган кўпикни тиндиргич тубига чўкмаслиги учун узоқ муддат аралаштириш тавсия этилмайди. Тузлиқ ва оҳак аралашмаси 1 соат тиндирилади, натижада ивиб қолган оқсил ва ифлосликлар юзага чиқади. Тиндирилган тоза тузлиқ тиндиргичнинг иккинчи бўлимига фильтр орқали қуйилади. Тозаланган ва тўйинтирилган тузлиқли эритма консервалаш учун аппаратга қайта узатилади. Фаоллиги – 25% бўлган оҳак 1 л га – 10 г ёки консерваловчи эритма ҳажмига нисбатан 1% миқдорда сарфланади. Ишлатилган тузни регенерациялаш. Териларни туз билан консервалашда унинг каттагина миқдори ифлосланади, шунинг учун уни тозаламай қайта ишлатиш мумкин эмас. Туз икки усулда: уни сувда эритиб, сўнгра эритмани тузлиқни регенерациялаш каби регенерациялаш йўли билан, ёки иссиқ тузлиқли

эритма, 0.1% натрий кремнийфтор қўшилган иссиқ сувда ювиш йўли билан тозаланади. Ювишдан сўнг туз 5-8% намликгача қуритилади. Ишлатилган тузли эритма кўпроқ оҳакли хлор билан регенерацияланади. Оҳакли хлор билан аралаштирилган тузли эритма тиндиргичда 1 сутка давомида тиндирилади.

Фойдаланилган адабиётлар рўйхати 1. Александрова Ю.А. «Международный туризм». Учебник. М:«Аспект пресс» 2004г. 2. Александрова Ю.А. «Международный туризм» Учебное пособие для вузов. М:«Аспект пресс» 2001г. 3. Балабанов. И.Т. «Экономика туризма» М.,«Финанси и статистика»2000 г. 4. Биржаков М.Б. Введение в туризм. С.Пб.: Издательский Торговый Дом «Герда», 2004г. 5. Вавилова Е.В. Основы международного туризма. Учебное пособие. М., ГАРДАРИКИ, 2005. 6. География туризма: учебник / кол.авторов: Под ред. А.Ю. Александровой. М.: КНОРУС, 2008. 7. Дворниченко В.В. История международного и национального туризма. М., Издательство МЭСИ, 2001. 8. Дурович А.П. «Маркетинг в туризме». Минск. «Новое знание».2001. 10. Дурович А.П. Реклама в туризме. Учебное пособие. 2003. 11. Ердавлетов С.Р. География туризма: история, теория, методы, практика. Алматы, 2000. 12. Ердавлетов С.Р. История туризма. Развитие и научное изучение. Алматы, 2003 13. Жукова М.А. Индустрия туризма: менеджмент организации. М.: «Финансы и статистика», 2006. 14.Зорин И.В., Квартальнов В.А. Энциклопедия туризма. М. Финансы и статистика, 2000. 15. Кабушкин Н.Н. Менеджмент туризма. «Новое знание» М., 2001. 16. Квартальнов В.А. Иностранный туризм. М.: «Финансы и статистика», 2003. 17.Квартальнов В.А. Туризм . Учебник. М., «Финансы и статистика». 2004.

O'xshashlar

Чарм ва мўйна хом ашёсини сақлаш

Чарм ва мўйна хом ашёларини консервалаш усуллари

Чарм ва мўйна хом ашёсининг кимёвий таҳлили

Консервалаш усуллари

Чарм ва мўйна хом ашёси нуқсонлари ва уларни ҳосил бўлиш сабаблари