Р. Якобсон ижоди - Tilshunoslik - Referatlar

Р. Якобсон ижоди

Yuklangan vaqt:

20.09.2019

Ko'chirishlar soni:

0

Hajmi:

148 KB

Ko'chirib olish

Р.Якобсон ижоди Reja : 1. Фразеологик бирликларнинг таржимадаги муаммолари 2. Мононегатив тиллардан полинегатив тилларга ва аксинча полинигатив тиллардан мононегатив тилларга таржима килишнинг лингвистик асослари 3. Михаил Салье - «Навоий» таржимони 4. Таржимада сўз танлаш муаммоси

Маълумки, Роман Осипович Якобсон рус ва америка тилшуноси хамда адабиётшуноси, 1911 йилда Лазарев номидаги Шарк тиллари институтини, 1918 йилда йилда эса Москва Давлат университетини тугатган. Россияда содир этилган тўнтариш сабабли у 1921 йилда чет элга чикиб кетган. Хорвард университети ва Массачусет технология институти профессори лавозимларида ишлаган Р.О.Якобсон йирик филолог олим бўлиши баробарида, илм-фан таргиботчиси ва ташкилотчиси сифатида хам машхурдир. Жахондаги кўплаб тилшунослик тўгараклари, жумладан, Москва, Прага, Нью-Йоркда фаол ишлаган тўгараклар- мактаблар асосчиси ёки асосчиларидан бири сифатида хам сермахсул фаолият кўрсатган. Р.О.Якобсон ўзининг узок йиллик баркамол ижодий фаолияти давомида филологиянинг турли сохалари билан жиддий шугулланди ва уларда ўз сўзини айта олди. Унинг аксарият тадкикотлари назарий (умумий) тилшуносликка, чунончи фонология, дифференциал белгилар назарияси, «тил иттифоклари» муаммоси, типология, тиллараро муштараклик (языковые универсалии), келишикларнинг умумий назарияси, феъл ва бошка сўз туркумлари тавсифига багишланган. Р.О.Якобсон, шунингдек, славян тиллари ва, энг аввало, рус тили тадкики билан хам жиддий шугулланган олимдир. Том маънодаги филолог сифатида Р.О.Якобсон шеършунослик, вазншунослик муаммолари билан бир каторда илк славян поэзияси ва эпоси, славян мифологияси, кадимги рус адабиёти намуналари, XIX - XX аср ёзувчилари: Данте, Шекспир, Эмениску, Брехт кабиларнинг тили ва бадиияти билан шугулланган ва уларга багишлаб хозиргача

ўз кийматини йўкотмаган гўзал тадкикотлар олиб борган. Унинг, шунингдек, поэтик матн тахлилига доир ишлари, чунончи, биз куйида маколамиз объекти килиб олган тадкикоти хам диккатга сазовор. Кўплаб хорижий миллий академияларнинг фахрий аъзоси эканлиги унинг буюк хизматларига берилган муносиб баходир. Биз ушбу маколада Р.Якобсоннинг якинда «Узбекистон Миллий энцеклопедияси» давлат илмий нашриётида проф.И.К.Мирзаев таржимасида чоп этилган «Поэтика масалалари» тўпламига киритилган «Пушкиннинг бир тўртлигида ишлатилган сўзларнинг ўзига хос хусусиятлари» номли маколаси хакида сўз юритамиз. 1 Р.О.Якобсоннинг аксарият асарлари инглиз ва рус тилларида ёзилган ва кўплаб Европа тилларига таржима килинган. Бу олимнинг улкан салохияти ва, умуман, филология илмига кўшган хиссасининг жахоний эътирофидир. Бевосита мавзуга ўтишдан олдин Р.Якобсоннинг айрим фикрларига тўхталиш жоиз. Маълумки, поэтика хакида гап борганда аксарият филологлар уни адабиётшуносликнинг объекти хисоблайдилар. Бу фикр бир ёклама бўлиб, поэтикани лингвистик нуктаи назардан ўрганишга монелик килиб келмокда ва филология илмининг кенг тараккиёт йўлига чикишига тўсик бўлиб колмокда. Кўчма маънода кўлланган сўз, фикр бор жойда поэтика бўлади. Бинобарин, биз поэтикани жонли сўзлашув нуткидан хам, бадиий матндан хам, кино ва газета тизимидан хам излашимиз лозим. Биз поэтика сўзини ўзбек тилига таржима килишга мойил эмасмиз, бирок шундай килишга тўгри келса, уни бадиият деб ўгирган бўлардик. Фикримизнинг исботи

учун Якобсоннинг куйидаги сўзларига эътибор килайлик: «Айтиш мумкинки, поэтика бу – вербал ахборотларнинг, умуман, поэтик функциясини ва, хусусан, поэзияни лингвистик тадкик этишдир. Гарчи адабиётшунослар лингвистларни «поэтик фикрни меъёрдан огиш деб хисоблашга» интиладилар кабилидаги сўзлар билан айбласалар-да, аслида меъёрдан огиш тил хакидаги фаннинг минг йиллик тарихи каъридаги тасодифий истисно каби калималар айнан адабиётшуносларимизнинг фикридир. Шеърий матнни тахлил килувчи тилшуноснинг вазифаси «адабийлик» ёки, бошкача айтганда, нуткнинг поэтик асарга айланиши ва шу айланишни амалга оширувчи приёмлар тизимини ўрганишдир. Биз тилга олган метод, адабиётшносларнинг айбловларига карамасдан, тадкик этилаётган «адабий фикрнинг» ўзига хослигини аниклашга ёрдамлашади ва бу билан кенг микёсдаги умумлашмалар учун материал хам беради». 2 Шунингдек, Р.О.Якобсон тўлаконли филолог хакида гапириб, адабиётшуносликдан бехабар тилшунос, тилшуносликдан бехабар адабиётшунос матннинг бир томонлама тадкикотчисига айланиб колишидан огохлантиради ва филологик тахлилнинг юксак намуналарини намоён этди. Шу нуктаи назардан проф. И.К.Мирзаевнинг филология, филолог хакидаги куюнчаклик билан олиб бораётган тадкикотлари фанимиз манфаати, Р.Якобсон гояларига эш бўлиб, давр талабининг айни ифодасидир. Макола мавзусига кайтайлик. Р.Якобсон томонидан куйидаги тўртлик тахлил этилган: 1. «Всё моё», - сказало злато;

2. «Всё моё», - сказал булат. 3. «Всё куплю», - сказало злато; 4. «Всё возьму», - сказал булат. яъни: 1. «Хаммаси - меники», - деди олтин; 2. «Хаммаси - меники», - деди пўлат. 3. «Хаммасин сотиб оламан», - деди олтин; 4. «Хаммасин оламан», - деди пўлат. 3 1827 йилда Пушкин томонидан «Московский вестник» журналида эълон килинган ушбу шеър тўрт турокли хорей (вазн)да ёзилган, тўрт мисрадан ташкил топган, икки ток мисра оч кофия билан учинчи хижодан кейин келувчи цезура (пауза) ёрдамида икки ярим мисрагача бўлинган. Хар бир ярим мисрада иккитадан, хар бир мисрада эса тўрттадан сўз бор. Бунинг устига, ургулар мисранинг тўрт ток хижосига тушган. Тўртлик икки фразадан иборат бўлиб, уларнинг хар бири байтни хосил килган ва нукта билан ажратилган. Фразаларнинг синтактик бўлиниши муаллиф пунктуацияси билан кайд этилган: байтлар мисраларга нуктали вергул, ярим мисраларга (улар хар бири – гап шаклида) вергул ва тире ёрдамида бўлинган. Муаллиф матн фонетик, лексик, грамматик ва поэтик хусусиятларини бир жойнинг ўзида умумлаштиришдай ўта огир вазифани шундай мохирлик билан бера олганки, бу ўкувчидан чинакам филологик тахлил хакида ёркин тасаввур уйготиш баробарида, хайратлантиради. У тахлилда куйидан юкорига (фонетик хусусиятдан грамматикага) ёки бир вактда юкоридан куйига (грамматикадан фонетикага) кадар бўлган системавийлик структуралари орасидаги богланиш хамда

алокаларни бир жойда кўрсата олишга муваффак бўлганлигини куйидагилар мисолида кўриш мумкин: «Хар бир мисранинг биринчи гапи – кўчма гап; учинчи сўз нутк жараёнини, тўртинчиси эса сўзловчини англатади. Биринчиси персонаж нуткини, иккинчиси муаллиф нуткини ифодалаган ярим мисралар орасидаги фарк ургу олган унлиларнинг карама-карши кўйилганлиги билан таъкидланган. Барча тўрт мисранинг биринчи ярим мисраларидаги саккиз лаблашган унли – |ó| ва |у| иккинчи ярим мисраларнинг саккиз гулдурос |á| сига ўзининг ноаник охангдошлиги билан зид мисралардаги ургусиз унли |а| |ó|, иккинчи ярим мисралардаги ургули |а| билан алмашинади. Биринчи ва иккинчи ярим мисралардаги тўккиз лаб ундошнинг (улардан еттитаси бошланма ундошлар), иккинчи мисралардаги ўн сиргалувчи ундошга (улардан олтитаси – бошланма ундошлар) карама-карши кўйилиши билан кучайтирилганлигини хам кайд этиш максадга мувофик». Матннинг морфологик хусусиятлари хакида гап кетар экан, уларнинг нимадан ясалган ва нимага хизмат килиши масаласигача бўлган хамма жихатларни кўрсатиб беради. Чунончи, киёсланг: хар бир мисрада учта хар хил сўз туркуми кўлланган: хар бир мисранинг биринчи сўзи – олмош, учинчиси феъл, тўртинчиси эса – отдир. Иккинчи сўзга келсак, таъкидлаш жоизки, бу – биринчи мисраларда ўзидан олдин келган сўз каби – олмош, кейинги икки мисрада эса ўзидан кейин келган сўз каби – феъл. Тўртликда ўн олти сўзнинг барчаси бирлик сонда кўлланган: олтита олмош хам средний родга тегишли, феълнинг олти шакли хам шахс-сон маъносини ифодалайди.

1, 3 олтин ва 2, 4 пўлат жонсиз отлардир. Нутк иштирокчиларини метонимия йўли билан ифодалаган бу ики металл номларидан бири тайтни, иккинчиси эса жангчини («килич» сўзи оркали) англатади. Сўзларнинг лексик хусусиятлари масаласига тўхталар экан, уларнинг фонологик, морфологик жихатларига хам эътибор каратилади: бу икки жуфтликнинг хар бири ичида келган антонимларнинг фонологик курилишида муайян ўхшашлик мавжуд; ундош ва унлиларнинг бир хил тартиби (Киёсланг: |куплю| ва |возьмý|) феълларни ўзаро якинлаштиради; отлар ўзаклари мазкур шеърда ягона бўлган портловчи жарангсиз ундош товушидир: |-лат| (айнан бир гурухни ўз ичига олган: 1,2 лат – ва 4 булат. Ток мисраларда иккинчи ярим мисранинг икки сўзи – сказало ва злато – ў х ш а ш товушларнинг бутун бир занжири ёрдамида бирлашиб кетган: азáлазлá. Холбуки, сказал булат гапида икки сўзнинг алокаси ёнма-ён келган кўшалок фонема - |á| ва |л| - билан тугайди. Барча мисраларнинг охири ярим мисралари учун |áл|- |лá|нинг бир- бирини эслатиб туриши характерли. Матн поэтик хусусияти хакида сўз юритилганда, унинг асосий элементи эканлиги таъкидланади. Биз бу ўринда маколадан битта мисол келтириш билан чегараланамиз: ( Охирги мисрадаги возьмý – боскинчининг шиори – ўзи билан бевосита ёнма-ён келган (всё |вс’|- возьму |в.з|) (-сказал |с.з|) ва биринчи икки мисранинг унга мутаносиб кесимини (+ 1,2 моё) эслатади; бу уч |м| тўртликдаги ягона бурун товушидир. Охирги мисрада биринчи ярим мисранинг икки сўзи фоник нуктаи назардан бир-бирига

уйгунлашиб кетади: 4 всё возьму, иккинчи сўз эса биринчи байтнинг иккинчи сўзига ўхшаб кетади: 1,2 моё – возьму. Бу ўхшашлик ва туташишлар иккинчи байтнинг товуш ўйинларига, яъни бир томондан 1,3 |азáл азлá| занжирчасига, иккинчи томондан эса, тўртликнинг якунловчи жуфт ва ток мисралари охирги сўзларини ўзаро якинлаштирувчи |лáт|фонемалар гурухига параллелдир. Айтиш мумкинки, сказало злато капиталнинг катъий овози бўлса, 4 всё возьму боскинчининг жангари наъраси- деган фикрни билдирар экан, у ўз кузатишларини шундай хулоса билан якунлайди: «Айнан мана шулар – драманинг хам тугуни ва хам ечимидир». Юкорида баён килинганлар асосида шундай хулосаларга келиш мумкин: 1. Матн тахлилида икки усул борлигини, биринчи усул тилнинг систем-структур табиатини очиб беришида, иккинчиси филолог тайёрлашга каратилган бўлмоги лозим. Филология факультетлари ўкув режаларидаги фанларда филолог тайёрлашга матннинг лингвопоэтик тахлилига мутлако ўрин ажратилмаган. Хатто, профессор–ўкитувчилар нуткининг ночорлиги хам, эхтимол, шунда. Бинобарин, филология факультетларининг 2-4 – курсларида «Матннинг филологик тахлили» номли амалий курсни киритиш керак. Бу иш канчалик тез амалга ошса, шунчалик филологлар тайёрлаш сифати яхшиланади ва кадрлар тайёрлаш миллий дастури гояларининг амалдаги татбикига йўл очилган бўлади. СамДУ амалий тилшунослик кафедраси мудири, проф. И.К.Мирзаевнинг ташаббуси билан хозир бизда шундай курс ўкитилмокда. 2.Адабиётшунослик хам, тилшунослик хам анъанавий тахлил доирасидан чиколмаяпти. Агар

тилшуносликда структур тахлил нихоят бизга хам кириб келган бўлса, адабиётшуносликда структур тахлилдан ном- нишон хам йўк. Энг ачинарлиси, дастур ва кўлланмалар хам йўк. Шунинг учун Р.Якобсоннинг биз юкорида кўрган маколаси мазмунини матн структур тахлилининг дастлабки намунаси сифатида бахолаш ва у билан соха талаба мутахассисларини таништириш лозим. 3.Жамиятда ижтимоий, иктисодий интеграция шаклланаётган бир пайтда филологияда интеграция кўзга ташланмаяпти. Бизнингча, адабиётларнинг мавжуд эмаслиги ёки тайёрланиш йўлидаги муаммолардан келиб чикадиган бўлсак, интеграциянинг энг самардор йўли таржимадир. Шу маънода хорижда эълон килинган тадкикотларни ўзбек тилига ўгириш ишини йўлга кўйиш максадга мувофик. Биз давлат томонидан молияланадиган илмий, филологик таржима маркази хакида гапирмокдамиз. Бундай марказни СамДУда очиш имкониятлари мавжуд. Чунки бу ерда проф. И.К.Мирзаев эътиборга молик ишларни бажармокда. Унинг жахонда эътироф этилган йирик олимлардан килган кўплаб таржима маколалари, Р. Якобсон, С. Иванов, В. Г. Гак каби олимлар каламига мансуб дарслик ва монографияларни махорат билан ўзбек тилига ўгирганлиги, хозирда Ферденанд де Соссюрнинг «Умумий тилшунослик курси» асари таржимаси устида ишлаётгани хам фикримизнинг далилидир. ФРАЗЕОЛОГИК БИРЛИКЛАРНИНГ ТАРЖИМАДАГИ МУАММОЛАРИ Янги аср бошлангандан сўнг Республикамизда барча фанлар катори таржима санъатига бўлган кизикиш хам

кундан-кунга ошиб бормокда. Хорижий тиллардан тўгридан- тўгри ўгириш аста-секин ривожланиш даврига ўтмокда. Таржима жараёни инсоннинг янги билиш доирасини забт этиб, у олимларимизни факатгина бадиий таржима билан шугулланиб колмасдан, балки илмий, техник, оммавий ахборот, турли хил огзаки таржималар, шунингдек ўкув- услубий ишларни хам таржима килишга даъват этмокда. Ушбу маколамизда биз учун таржима тил объекти килиб француз тилидаги фразеологик бирликлар, идиомалар, макол ва маталлар хусусияти, жумладан, анималистик бирликларни ўзбек тилига таржима килиш жараёнининг ўзига хос муаммолари хакида фикр юритмокчимиз. Маълумки, фразеологик бирликлар ва идиомаларни бир тилдан иккинчи тилга ўгиришда ўзига хос муаммолар мавжуд. Бу лисоний бирликларнинг ўзига хос хусусияти хакида гапириб, рус тилшунос олими С.И. Ожегов шундай ёзади: «Идиомалар сўзма-сўз таржима килинмайди, бу уларнинг асосий хусусияти. Шунинг учун идиомаларнинг таркиби одатдан ташкари кенг ва у ўз ичига ифодаловчи восита сифатида анъанавий тарзда кўриб чикилган тилнинг хамма ходисаларини олади» 1. Айтилган фикрлардан кўринадики, муаллиф асосий эътиборни идиомаларнинг семантик хусусиятига каратиб, ушбу бирликларни таржима килишда тилнинг ижтимоий, тарихий ва маданий лингвистик белгиларини билиш лозимлигини таъкидламокда. Л.А.Булаховский идиомаларни таржима килишни куйидагича таърифлайди: «Идиоматик сўз бирликлари-аник тилларнинг бир бутун ва битта маънода ўзи ифодаланувчи, одатда бошка тилларда аник таржимаси йўк ва таржима

килишда ўхшаш стилистик бўёкни талаб килувчи ўзига хос иборалардир». 2 Демак, идиомаларни таржима килиш ўта мураккаб жараён бўлиб, ушбу ибораларнинг мукобил вариантларини топиш эса факат таржимоннинг юксак санъатига боглик эканлиги баён килинган. Идиоматик сўз бирликлари ўзбек тилининг огзаки ижодида эса худди рассом томонидан чизиб кўйилгандек кутилмаган бўёклар, образлар, солиштирмалар дунёси билан ажралиб туради. Ўзбек тили фондида яратувчан ўзбек халки томонидан нуткка киритилган ажойиб маколлар, маталларни учратишимиз мумкин. 3 Шу билан бир каторда ўзбек тили бошка дунё тиллари каби хайвонлар номлари иштирок этган фразеологик бирликларга бой. Ушбу тил фразеологик бирликлари ўзининг эмоционал-экспрессивлиги, жилодорлиги, ранг-баранглиги, мураккаблиги билан ажралиб туради. Масалан: битимга сотиб оламанми, ит талаган гадойдек, илон ёги ялаган, бўрининг кўзини кўрган, ит кунини бошига солмок ва бошкалар. Шу сабабли француз тилидаги деярли барча фразеологик бирликларга ўзбек тилида мукобиллар(эквивалентлар) топиш мумкин. Агар биз таржиманинг вазифаси – бирор тил воситаси ёрдамида яхлит маълумотни бошка тилга тўлик бера билиш лозимлигини эътиборга олсак, фразеологик бирликларни турли вариантларда намоён бўлиши уларни адекват таржима килиш лозимлигидан далолат беради. Фразеологик бирликларни тил тараккиёти, она тилидаги ушбу лисоний синонимик каторларини бойиб бориши, умуман таржима малакаларини ривожлантиришда кенг имкониятлар яратади. Масалан, фразеологик бирликларни кўздан кечирганда ё хар

иккала тилдаги анималистик бирликларни айнан мос келиши хам, мос келмаслиги хам кузатилади. Бу холда таржима хусусиятининг табиий чикиши эса, албатта, таржимоннинг махоратига боглик. Табиийки, хар бир тилшунос таржимада ўзига хос услубларни кўллайди. Масалан, В.Г. Гакнинг 4 фразеологик бирликларни таржима килишда куйидаги услубларига эътибор берайлик: 1. Тасвирий услуб. Бунда тилдаги фразеологик бирликлар бошка тилга эркин, мустакил сўз бирикмалари оркали таржима килинади. Бу услубда асосан фразеологик бирликларнинг лексик маъноси берилади. Ибораларнинг образли тузилиши, унинг ички формаси, хайвонлар дунёси хакидаги аник тасаввур таржимада аник берилмайди, яъни, бир тилдаги фразеологизмлар иккинчи тилда маъно ўзгармаган холда факат компонентлари жихатдан ўзгариб келиши мумкин. Бундан ташкари битта фразеологик бирикма иккинчи бир тилда бир нечта эквивалентларга эга бўлиши мумкин. 2. Мос келувчи вариантлар билан таржима килиш- бунда бир тилдаги фразеологик бирликлар иккинчи бир тилга эркин, мустакил сўз бирикмалари билан эмас балки бир нечта фразеологик вариант оркали таржима килинади ва ундаги компонентлар ва маъно иккинчи бир тилда мос келадиган компонентлар ва маъно билан алмаштирилади. Таржима контекст маъносидан келиб чиккан бўлиб, айрим стилистик фаркларга эга бўлган бўлиши хам мумкин. 3. Эквивалентлар. Бунда айнан бир тилдаги фразеологик бирликнинг иккинчи бир тилдаги аник бир эквивалент варианти оркали таржима килинади. Таржима

контекст маъносидан келиб чикмай балки таржима килинаётган тилларда аник эвивалентлари мавжуд бўлади. Худди шу таржима усулларига таянган холда француз ёзувчиси Бальзакнинг «Горио ота» асаридан олинган анималистик фразеологик бирликларга эътибор каратамиз. Биз француз тилидаги хайвонлар номлари иштирок этган фразеологик бирликларни ўзбек тилига ўгириш максадида ўзига хос таржима йўлларини кўллашга харакат киламиз. Таржима жараёни шуни кўрсатадики, икки тилда анималистик фразеологик бирликларнинг таржимада (тўлик)мос келиши, умуман мос келмаслиги ёки кисман мос келиш холатлари учрайди. Бу хусусиятни шундай изохлаш мумкинки, анималистик бирликларнинг мос келиши - бу умуминсоний тафаккурнинг бир хиллиги билан таърифланади, бунда бир тилдаги анималистик бирликлар таркибидаги компонентлар ва контекст маъноси сакланиб колинади, бошкачарок килиб таърифлайдиган бўлсак, бу таржима барча лексик-семантик, грамматик конунларига жавоб берадиган таржима усулидир. Мисолларга мурожаат киламиз : J’ai su par sa famme de chambre que ce petit M. De Mаrsay est un mauvais chien. (B., P.G.-117) К изимнинг уй ходимасидан эшитганман , ўша де Марсе деган бойвачча ярамас ит экан . -( Б ., Г . О .136) Si vous étiez pâle et de la nature des mollesques, vous n’auriez rien à craindre, mais nous avons le sang fiévreux des lion et un appetit à faire vingt sotises par jour. (B., P.G.-94) Агар сиз молюскалар сингари сову кк он одам бўлганингизда эди , хеч нарсадан к ўр к масангиз хам бўлар эди ; аммо сизнинг к онингиз арслонники сингари к айно к , орзу

истакларингиз шу к адарки , бир кунда юз марта тентаклик к илишингизга хам етиб ортади . ( Б ., Г . О .-108) Le père Goriot saisit cette parole au vole comme un chien saisit un mouvement de son maître. 5 . (B., P.G.-119) Горио ота хўжайинининг хар бир харакатини бир лахзада пай к аб оладиган итдек , бу гапнинг маъносини хам о г издан чи к иши билано к билиб олди . 6 ( Б ., Г . О .-139) Анималистик бирликларнинг кисман мос келиши; бунда халкларнинг маданияти, тарихи, географик ўрни ахамият касб этади. Кўп маъноли фразеологик бирликнинг тўлик маноси эмас, балки кисман маъносини таржима килинишга муваффак бўлинади: Le jour où M. Goriot s’installa chez elle, madama Vauquer se coucha le soir en rôtissant, comme une perdixe dans sa barde, au feu du désir qui la saisit de quitter le suaire du Vauquer pour renaître en Goriot. ( B., P.G.-18 ) Горио ота кўчиб келган куни кеч к урун Воке хоним ўринга ётар экан , Воке деган номдан к андай к утулиб , к андай к илиб Горионинг хотини бўлиб к айта ту г илсам экан деб , чўч к а ё г ига ўралиб ўтга тутилган какликдек , ўз орзу ўтига к оврулиб ётди . ( Б ., Г . О .-22) Ses yeux gris mélangés de noir exprimaient une douceur, une résignation chrétiennes. ( B., P.G.-13 ) К изнинг к орадан келган к ўй кўзларида унинг м усичадек беозорлиги ва христианларга хос итоатгўйлиги акс этиб турурди . ( Б ., Г . О .-15) C’est cochon de dormir jusqu’à six heures ! . ( B., P.G.-18 ) Киши молга ўхшаб соат олтигача ухларканми ! (Б., Г.О.- 19)

Анималистик бирликларнинг икки тилда умуман мос келмаслиги. Бунда турли тилда гаплашувчи халкларнинг келиб чикиши, анъаналари, урф-одатлари, шароитлар ва ходисаларга турлича муносабатларда бўлиши, дунёкараши ва бошкалар характерланади: Il m’a donné cent sous pour son mois, une manière de me dire: «Taistoi»(BPG,34). - « Туя кўрдингми - йў к» к абилида бир ойда юз су берди ( БГО ,40). -Comment! Sylvie, voilà dix heures quart moins, vous m’avez laissé dormir comme une marmotte (BPG, 51). - Бу нимаси , Сильвия ? Соат чорак кам бўлибди - ю . Мен ханузгача донг котиб ухлаб ётибман , сизларнинг бўлса парвойингиз фалак ( БГО , 55). -Vous êtes comme des coques en pâte, dit madame Vauquer, vous autres hommes, vous faites tout ce qui vous plaît (BPG, 145). - Сиз эркакларнинг козонингиз хам мой , чўмичингиз хам , кўнглингиз нимани истаса шуни килаверасиз , - деди Воке хоним ( БГО , 153). Демак , юкоридаги фразеологик бирикмаларнинг таржималаридан кўриниб турибдики , бир тилдаги маълум бир иборалар бошка тилга турли усуллар ёрдамида ўгирилиши мумкин ва айримларида эса хатто иккинчи тилга оддий сўз бирикмалари холда хам берилиши мумкин эканлигининг гувохи бўлдик . МОНОНЕГАТИВ ТИЛЛАРДАН ПОЛИНЕГАТИВ ТИЛЛАРГА ВА АКСИНЧА ПОЛИНИГАТИВ ТИЛЛАРДАН МОНОНЕГАТИВ ТИЛЛАРГА ТАРЖИМА КИЛИШНИНГ ЛИНГВИСТИК АСОСЛАРИ

Сўнгги йилларда хорижий тиллардан турли хил таржималар килинмокда. Бу албатта, ўгирилаётган асарнинг асл мохиятини ва унда тасвирланаётган вокеалар силсиласини тўлаконли бериши учун катта имконият яратади. Билвосита таржимада эса воситали тил оркали ўгирилаётган бадиий асарда хам лингвистик ва сти листик нуктаи назардан кўп нарсалар таржима килинмай тушириб колдирилиши мумкин. Бундай пайтларда ўгирилаётган асарнинг туб мохиятига путур етади. Муаллифлар томонидан олга сурилаётган вокеаларнинг динамик ривожи очилмай колиши хам мумкин. Бу холатни Э.Л.Войничнинг "Сўна" романининг рус тили оркали ўзбек тилига ўгирилган адекват вариантида кўплаб кўриш мумкин ва аксинча А.Мухторнинг ўзбек тилидан рус тили оркали инглиз ти лига ўгирилган "Опа - сингиллар" романида хам айнан шу холат такрорланган. Биз ишимизнинг максадидан келиб чикиб, хам бевосита, хам билвосита икки томонлама, яъни инглиз тилидан ўзбек тилига ва ўзбек тилидан инглиз тилига ўгирилган бадиий асарлар таржимасидан фойдаландик. Масалан: 1. Fишт тўшалган бу хонанинг деразаси йўк (7 бет)→Пол кирпичный, грязно - бурый. Окон нет ( стр .5) → The floor was paved with dirty - brown bricks (p.12) ( инкор берилмаган ). 2. Менинг мастеровой ўрто к ларим одам ўлдиришмайди (25 бет ) → Мои товарищи городовых не убивают ( стр .21) → My comrades do not kill policemen (p.30) Гап инкорлик воситаларининг поленегатив тиллардан мононегатив тилларга ўгирилиши борасида борар экан , энг аввало к айси инкор тил воситалари бу лингвистик во к еликни ифода этиш учун кўпро к учрашини хам этиборга олишни

унутмаслик керак . Аксарият холатларда мононегатив тил хисобланмиш хинд - европа тиллари да , жумладан инглиз , немис ва француз тилларида бирдан орти к инкор элемент гап структурасида ишлатилмаслигини олиб кўрсак , шу восита к айси тил бирлиги билан берилиши мухим ахамият касб этади . Масалан , инглиз тилида "never" равиши таржима жараёнида рус ва ўзбек тилларига полинегатив инкор воситаларга айланиб кетади . Масалан : 1. Yet he had never loved Montanelli so deeply as now (E.LVoynich, "The Gadfly". M. 1964 p.46) → И все таки Артур никогда не любил Монтанелли так горячо, как теперь (Э.Л Войнич, "Овод". М.1958 стр.44) → Шундай бўлса хам, у Монтанел лини хеч вакт хозиргидек кизгин севмаган. ( Э . Л . Войнич , " Сўна ". Тошкент , 1956. 23- бет ). 2. It is a most extraordinary thing that you two never can keep from sparing like a cat and dog! ( E . L Voynich , " The Gadfly ". M. 1964 p.101) → Удивительная вещь! Вы с Галли никак не можете удержаться от пререканий, как кошка с собакой... (Э.Л Войнич, "Овод". М.1958 стр.95) → Тавба! Гал лининг жигига тегмай хеч ўтира олмайсиз - да! Ити - мушук-а! (Э.Л.Войнич, "Сўна". Тошкент,1956 80-бет). Юкорида уч тилда келтирилган мисоллар шундан далолат берадики, мононегатив тиллардаги биргина инкор воситага рус ва ўзбек тилларида иккита, айрим холатларда хаттоки учтагача тил воситаси тўгри келар экан. Албатта, тилнинг полинегатив ёки мононегатив тоифаси тўгрисида аник маълумотга эга бўлмаган таржимон, айникса, бевосита таржимани амалга ошириш жараёнида га лизликка йўл кўйиши мумкин. Бу эса ўз навбатида ўгирилаётган бадиий асарнинг мохиятига путур етказади.

Жахон тилларининг кўпчилигида инкорлик воситалари синтактик восита хисоблансада, таржима жараёнида улар, айникса, агглютинатив тил хисобланмиш туркий тилларга ўгирилаётганда морфологик воситаларга айланиб кетади. Чунки инкорга ўхшаш лингвистик тушунчаларнинг ифода воситалари морфологик ярус бирликлари оркали амалга оши - рилади. Жумладан, биз сўз юритаётган инкорлик категорияси хам туркий тилларда - ма морфемаси оркали ўзини намоён этади. Масалан: 1. Хатто огир табиатли синьора Болла хам ўзини кулимсираш дан тутиб кололмади (184-бет) → Даже серьёзная молодая жен шина не могла - удержаться от улыбки (стр. 95) → Even the grave young woman could not supress a s mi le (p. 104). 2. Пулни хаммоллик килиб топганини айтмади (А.Мухтор. Опа-сингиллар, 23-бет) → Он не сказал что добыл деньги на самой грязной работе поденчика, - ткачу унизительно было в этом сознаться (стр.20) (Перевод А.Пантиелева М.,1957. стр. 208) → He did not tell his family that he had earned the money doing the dirty work of a daylabourer for a weaver it was humiliating to admit that ( Translation by David Skirvsky , p . 29). Биз юкорида таржима жараёнида инкор воситаларнинг бир тилдан иккинчи бир тилга кай холда ўтишини кўриб чикдик. Дархакикат, ўзбек тилига бир неча хорижий асарлар ва аксинча хорижий тилларга бир неча ўзбекча асарлар таржима килинган. Шулардан биз тахлил сифатида икки, уч асарларнинг ўзбекча, русча ва инглизча варианлари ичидаги инкор восита кўлланилган гапларини

имкон кадар чогиштириб, инкор воситаларнинг айнан бир маънога тенг уч тилдаги гапларда кай тарзда ифодаланишини тадкик этдик. Албатта, таржимон ўз даражасига етиши ва ўз ишини уддалай олиши учун, хаттоки, биз тадкик килаётган инкор воситаларнинг хам хар бир тилдаги ўрни, кўриниши, ифодаси каби томонларини ўрганишни талаб килар экан. Шунинг учун хам таржимонлик-бу огир, машаккатли касб хисобланади. МИХАИЛ САЛЬЕ - «НАВОИЙ» ТАРЖИМОНИ Жахон адабиёти тарихида шундай ўлмас сиймолар борки, улар колдирган мерос миллатлар ва элатлар маданиятининг юксалишида, маданий хамкорликнинг мустахкамланишида оламшумул ахамият касб этади. Ана шундай сиймолардан бири шаркшунос олим, мохир таржимон Михаил Александрович Сальедир. Бутун умрини Шарк ва унинг адабиёти билан боглаган Михаил Салье Ленинград университетида ўкиб юрган кезлариданок араб тилидан таржималар билан жиддий шугуллана башлаган. Унинг илмий-адабий фаолияти Тошкентга келганидан сўнг янада ривожланди. Европа ва Шарк тилларини пухта эгаллаган олим ўзбек халки ёдгорликлари ва буюк ўзбек олимлари ижодини синчиклаб ўрганди, матбуотда катор илмий маколалар эълон килди. «Мухаммад ал-Хоразмий – буюк ўзбек олими», «Баликчи хакида эртак»нинг номаълум варианти», «Минг бир

кеча»нинг рухи», «Алишер Навоий – биограф сифатида» ва бошкалар шулар жумласидандир. Олимлик истеъдоди билан таржимонлик махоратини ўзида мужассамлаштирган Салье умумжахон маданиятини ўзининг сара таржималари билан бойитди. У Максим Горькийнинг бевосита ёрдами билан «Минг бир кеча» эртакларини араб тилидан рус тилига ўгириб нашрдан чикарди. Ўрта Осиёнинг буюк алломалари Абу Али ибн Синонинг «Тиб конунлари», Абу Райхон Берунийнинг «Ўтган авлодлар ёдгорликлари», Гулханийнинг «Зарбулмасал», Бобурнинг «Бобурнома» каби ўлмас асарларини рус тилига таржима килишда Сальенинг хизматлари бекиёсдир. 1959 йилда Салье томонидан амалга оширилган «Бобурнома» таржимаси рус тилидаги биринчи ва мукаммал таржима хисобланади. «Бобурнома»дек илмий, бадиий, географик ва тарихий асарни таржима килиш таржимондан катта куч ва махорат билан бирга эски ўзбек адабий тилини мукаммал билишлик, асл нусха услубини чукур эгаллаган бўлишлик талаб этилар эди. Факат шундагина таржиманинг мувоффакиятли чикиши кутиларди. Салье буни уддасидан чикди. Таржимада Бобурнинг такрорланмас услуби: тил гўзаллиги, соддалиги, нафислиги, маънодор ва ўткир фикрлилик, ўзига хос тасвир воситаси ва афористик рух саклаб колинган. М.Салье 1945 йилда яна бир савобли ишга кўл урди. Ойбекнинг «Навоий» романини рус тилига таржима килиб, нашрдан чикарди. Ойбекнинг «Навоий» романи зиддиятли, кескин вокеалар тасвири, теран миллийлик билан муштарак холда яратилган тарихий асардир. Ушбу тарихий ва мемуар асарда

буюк шоир хаёти ва ижоди билан бир каторда XV аср ўзбек халки хаёти, урф-одатлари ва табиати акс эттирилган. Персонажларнинг характерлари, шарк бозорлари, дабдабали саройлар, дехконларнинг аянчли ахволи, халк исёнлари, шоирларнинг мажлислари, сарой фитналари – хамма-хаммаси ёркин миллий рухда тасвирланган. Тарихий мавзуда ижод этишнинг ўзига хос мураккабликлари, кийинчиликлари бор, албатта. Бу йўсиндаги асарни бир тилдан иккинчисига ўгириш таржимондан катта иктидор, чукур билим – тарих диалектикасини теран талкин кила билишни талаб этади. Мохир таржимон Сальенинг Шарк тиллари, хусусан, араб, форс, кадимги ўзбек тилларини пухта билиши, муаллиф тилини тўлик тушуниши таржиманинг мукаммал чикиши учун катта кулайлик тугдирди. Асарда катта махорат билан тасвирланган Навоий портрети ўзбек адабиётида яратилган мукаммал портретдир. Ойбек биринчилардан бўлиб, кахрамоннинг ташки кўриниши оркали унинг психологияси, характери, ички дунёсини кўрсатишга эришди. Ёзувчи шоир сиймосини кўйидагича тасвирлайди: «Шоирнинг бошида учли кўк такяга силлик ўралган кўркамгина салла. Эгнида – ичидан одми шохи тўн, устидан яланг кўнгир мовут чакмон… кенггина юзида доимий тафаккурнинг асл маъноси, маънавий кудрат ва енгил, гўзаллаштирувчи бир хоргинлик жилваланади. Коворикрок ковоклари остида кийгоч кўзларида гўё тафаккур ва хаёл билан бирга кандайдир ирода кучи ифодаланади».

Ижод услубида Ойбек рухига кира олган Салье асар кахрамонлари характеридаги асосий хусусиятларини таржимада муваффакият билан амалга ошира олди. Навоийнинг жиддий ва жонкуяр давлат арбоби бўлиши билан бирга нозик таъб ва хассос шоир эканлиги хам таржимада яккол кўзга ташланади. Таржимада аслиятдаги каби тасвирлар, образлар ифодаси тўлик сакланган: «На голове Алишера возвышалась чалма, тщательно, со вкусом намотанная на остроконечную синюю тюбетейку. На плечи был накинуть неяркий шелковый халат, а поверх него – чекмень из простого темно-серого сукна.. На широком лице, с несколько выдавающимся скулами, лежал благородный отпечаток большой духовной силы. В раскосых глазах под припухшими веками отражалась глубокая мысль, мечтательность и сила воли». Навоийдаги маънавий кудрат, тафаккур ва ирода, Маждиддиндаги мугомбирлик, фитначилик, Тўгонбекнинг айёр, кашшок маънавий дунёси, Султонмуроднинг теран фикрлилиги ва Зайниддиннинг ширинсуханлиги - хамма- хаммаси ўз аксини топган. Навоий нуткида халкчил, хакикатгўй давлат арбобининг овози баралла эшитилади. Сўз курилиши, ифода шакллари унинг кенг маълумоти, адабий услубни тўла эгаллагани, халк хаёти ва тилини мукаммал билишидан дарак беради. Шоирнинг викор билан сўзлашидан кўхна асрнинг нафаси уриб туради. «Навоий» романи таржимаси хар канака асарни таржима килиш учун зарур бўлган тартиблардан, яъни асл нусха тилини, шу халк хаётини, турмушини билишдан ташкари яна тарихий хужжатларни ўрганишни хам талаб этади. Таржимон

Навоий замонини чукур ўрганган, ўша даврдаги тарихий хужжатларни Навоий замондошларидан, Восифий ва Бобурларнинг хотиралардан синчиклаб излаган. Бу чинаккам тарихнавис, изланувчан олимнинг иши эди. Таржимон М.Сальенинг ўзбек тилини ва бошка шарк тилларини билиши, муаллиф фикрини тўла тушуниши унга асарни мукаммал таржима килишда кўл келди. Мутаржим ўзбек халкининг миллий маданияти, тарихи ва адабиётидан дурустгина назарий билимга эга эди. Буларнинг бари Сальега давр рухига кириб боришида, ўша замон рухини беришда романда тасвирланган тарихий вокеаларни тасвирлашда кўл келди. Асарни рус тилида кайта яратишда таржимон хозирги замон рус адабий тили лексикаси воситаларига таяниб иш кўради. Лекин, айни вактда у шарк адабий тили бойликларини рус тилида мувоффакият билан бера олган. Муаллиф нутки ва айникса, персонажлар нутки образлилигида, романтик кўтаринкилик, олижаноблик, пурвикорлик яккол сезилади. Асарда тарихийлик ва миллийликни белгиловчи мухим воситалар - реалия ва архаизмлар, харбий атамалар, ўлчов бирликлари, макол, матал, фразеологик иборалар барчаси таржимада лўнда, ихчам, асл нусхага мос ва хос тарзда ўгирилган. «Навоий» романининг рус тилида нашр этилганига хам ярим асрдан ошди. Бу давр мобайнида асар кайта-кайта чоп этилди, хар гал унга сезиларли даражада ўзгартишлар киритилди, камчиликлари тўлдирилиб, тўгриланди. Лекин шоли курмаксиз бўлмаганидек, Салье таржимасини барча камчиликлардан холи, дея олмаймиз. Таржима, шоиримиз Эркин Вохидов таъбири билан айтганда,

куёшнинг Ойга ўхшатиб тасвирланиши. Бирок, мохир таржимоннинг улкан хизматларини камситмаган холда шуни айтишимиз мумкинки, Михаил Александрович Салье Шарк адабиётини, хусусан, ўзбек адабиёти дурдоналарини жахон халклари жавонларидан муносиб ўрин олишида улкан ва беназир хисса кўшди. ТАРЖИМАДА СЎЗ ТАНЛАШ МУАММОСИ Таржима чин маънодаги санъатдир. Санъат бўлганда хам буюк ва улкан мехнат хамда махорат талаб килувчи, машаккатлар эвазига эришиладиган санъатдир. Таржима хакида биз кўпинча ахборот тарзидагина гапиришга ўрганиб колганмиз, ким нима таржима килганини тушунамиз. колаверса, матнларни киёслаб уларнинг мос тушиш даражасини белгилаймиз. Аслида таржимани одатий маънодаги таржимадан кўра бадиий ижод сифатида бахолаш лозим. Таржима сермуаммо санъат. Унинг хусусияти тўгрисида кўпгина зиддиятли фикрлар мавжуд. Унга амалий ёндашилгандагина мураккаб жараён эканлигини гувохи бўламиз. Таржиманинг хар бир тури, хар бир жанри ўз таржима муаммоларига эга. Буларнинг барчасини таржимонларимиз ечиб, ушбу мураккаб универсал соханинг ривожига ўз хиссаларини кўшмокдалар. Таржимада сўзни тўгри танлай билиш хам катта муаммо касб этади. Чунки, айнан ана шу сўзларни таржимон томонидан нотўгри ёки ўринсиз кўлланиши туфайли кўпгина асарлар нафосатига путур етади. Масалан, Г.Уэллс, Марк

Твен, Жек Лондон, Даниел Дефо, П. Абрахамслар каламига мансуб бадиий баркамоллиги билан бокийлик кашф этган кўпгина бадиий асарларнинг ўзбек тилидаги таржималари инглизчасига олиб каралганда аслий асарнинг умумий нафосатига зийнат бахш етувчи кўпгина бадиий безакларига путур етганлигини кузатамиз. Жумладан, Т.Гриннинг «Тинч америкаликлар» асари таржимасида мехроб ва чилим сўзлари учрайди. Вахоланки, Англиянинг Глазго шахридаги бир мухаррирнинг хонасида синик чилимнинг ётиши, америкалик бир кимсанинг рингда яктак ёпиниб ўтириши хакикатдан йирокдир. Асарнинг русча таржимасида юкоридаги сўзларни соборь , трубка , свитер , каби лексик бирликлар билан берилган, колаверса, таржимада маънолари ечилмай колган лексик бирликлар хам тез-тез учраб туради. Масалан: ўзбекча: «Отамиз Гуэда мандарин эди»; Русча: «Он был мондарином в Гуэ»; Инглизча : «He was a mandarin». Юкоридаги жумлани ўкиган китобхон “мандарин” ни нима экан деб хайрон бўлади. Агар таржимон ўзбек тили лексикасига кадам кўяётган бундай неологизмларга изох берса ёки унинг маъносини “Отамиз Гуэ шахрида катта мансабдор эди” кабилида берса, жумла равон чикарди. Ушбу асардаги маънолари очилмай колган сўзма-сўз таржималарга яна мисоллар келтирамиз: Инглизча: 1) The Southern Grass, to those like my wife who believe may be a favourite hymn or preyer beside the bed. Русча: « … для тех кто верит как моя жена Южный Крест это любимый гимн или вечерная молитва».

Ўзбекча: «Жанубий Крест гимн ёки кечки ибодатнома» (107-бет). Биз эса куйидаги таржима мукобилини тавсия этамиз: «Жанубий салб юлдузлари менинг хотинимдек такводор аёллар учун инжилнинг ноёб сураси ёки ётиш олдидан ўкиладиган бир дуо рамзи хисобланади». Инглизча: 2) a sleeping bag . Русча: спальный мешок. Ўзбекча: Ухлайдиган коп (61-бет). Тавсия варианти: Кўрпа (тўшак,ухлаш копи), хоблибос Хар кандай тилнинг лексикасида ўзига хос лексик ва полисемантик бирликлари мавжуд. Жумладан, Жек Лондон инглиз тилидаги « gun » сўзининг полисемантик хусусиятига таяниб, уни милтик ва курол-аслаха маъносида кўлланганини кўрамиз: Инглизча : Every hаted face was a gun. It was for the guns he fought. He was the guns. He was the revolution. He fought for an Mexico. Русча: «...каждое ненавистное лицо винтовка. За винтовку он сейчас примет бой. Он сам винтовка. Он сам революция. О боятся за всю Мексику». Ўзбекча: «Ўтирган давлатларнинг хар бири бир милтик. У милтик учун хозир жангга киради. Унинг ўзи милтик. Унинг ўзи революция. У бугун Мексика учун курашмокда». Парчанинг русча ва ўзбекча таржималаридаги иккинчи ва учинчи жумлалар аслий инглизча матн маъносини ифодаламайди. Хикоя кахрамони Ривера Революция арафасида курол-аслаха сотиб олиш учун маблаг топиш умидида катта бахс олишувида катнашади. Ўз ракибига

нисбатан жисмонан махорат жихатдан анча заиф бўлса хам галаба килишни максад килиб кўяди. Кахрамоннинг мана шу рухий кайфиятини ифодаловчи парча эса, инглизчага нисбатан куйидагича таржима килиниши керак эди: «Ўтирган жирканч башараларнинг хар бири биттадан милтик. У курол-аслаха учун курашмокда. Унинг ўзи курол-аслаха. Унинг ўзи революция. У бутун Мексика учун курашмокда». Таржима килинган асарларда биз доимо унинг камчилигини топмасдан, балки таржимоннинг санъатига эътибор каратишимиз лозим. Чунки, таржимон ўз таржимасида ё ўша халкнинг ёки ўз халки турмушидан келиб чикиб ўз ишини амалга ошириши мумкин, колаверса, тилдаги маълум бир тушунчаларни, баъзи сўз, ибораларнинг иккинчи бир тилдаги мукобили бўлмаслиги мумкин. Бу эса бевосита таржимонларда шу тилдаги мавжуд ибораларни кўлланмай колиб аслиятдаги эмоционал-экспрессивликнинг тўла ифодаланмаслигига сабаб бўлмокда. Масалан, кишининг ёмон кайфияти инглиз тилида “ to be in a devil of a state ” ибораси билан берилиб, ўзбек тилида «шайтони тутиб турмок», «жазаваси кўзиб турмок» каби маънога тенг келади. Шунингдек, to last one ’ s eyes , not to open one ’ s lips иборалари ўзбек тилидаги «кўз ташламок», «мик этмаслик» каби мукобиллар оркали берилади. Лекин рус тилида «он бўл в ужасном состоянии» ибораларидан ташкари мазкур ибораларнинг маъносини тўла коплай олувчи фразеологик бирлик йўк. Шунинг учун хам бундай иборалар ё сўзма- сўз, ё тасвирий йўл билан таржима килинади. Рус тилидаги таржималарда мана шундай ўзгаришларга учраган инглизча иборалар сўзсиз ўзбек тилида ўз ифодасини топади.

Шундай килиб, таржима катта махорат ва машаккат талаб килувчи жараён. Унинг ўзига хос муаммолари бор. Таржима жараёнида таржимон лексик бирликлар, сўзлар билан ишлайди. Хар бир сўзнинг таржимасини тўгри ва ўринли ишлатиш хам таржимоннинг олдига катта вазифаларни кўяди. Таржимон сўзнинг мохияти ва мазмунини канчалик чукур англаса, уни ўзгаларга хам шундай тушинтира олади ва хар бир ўгирилган асар максадга мувофик бўлиб, китобхонда катта таассурот колдиради.

ФОЙДАЛАНИЛГАН АДАБИЁТЛАР 1. F.Саломов. Таржима назариясига кириш. Т ., 1978. 2. Graham Greene. The Quiet American. Moscow , 1963. 3. Таржима санъати. Маколалар тўплами. 5-китоб. Т., 1980. 4. Жўраев К. Таржима санъати. Т., 1982. 5. www.ziyonet.uz

O'xshashlar

Халк огзаки ижоди жанрлари хакида

Тавалло. Сирожиддин Сидкий ижоди. Мардикорлик вокеалари

Феъл суз туркуми (халr огзаки ижоди асосида)

Исҳоқхон Ибратнинг ҳаёти ва ижоди (1862-1937)

Соссюр лингвистик таълимоти ва унинг замонавий тилшунослик тараккиётидаги урни