logo
  1. Bosh sahifa
  2. Referatlar
  3. Tilshunoslik
  4. Морфонология

Морфонология

Yuklangan vaqt:

20.09.2019

Ko'chirishlar soni:

0

Hajmi:

43.5 KB
Ko'chirib olish
Морфонология Морфонологиянинг бирлиги ҳисобланган морфемалар фонемаларнинг маълум тартибда бирикувидан тузилади. Бу фонемага «сўз ва морфемаларни ҳосил қилувчи ва фарқловчи энг кичик тил бирлиги» деб берилган таърифда ҳам ўз ифодасини топган. Кейинги давр тилшунослигида (ХХ асрда) морфемаларнинг фонологик структурасини текширувчи соҳа «морфонология» (ёки «фономорфология», «морфофонология») термини билан атала бошлади. Унинг вужудга келишида Н.С.Трубецкой алоҳида хизмат кўрсатди. Н.С.Трубецкой фикрича, морфонология: 1) сўз фонологиясининг бир қисми бўлиб, морфемаларнинг фонологик структураси билан иш кўради; 2) грамматиканинг бир боби; 3) морфонология морфология ва фонологияни узвий боғловчи бўлиб, грамматикадан ўзига муносиб ўрин эгаллаши керак. Кейинча Н.С.Трубецкой морфонология назариясининг вазифаси уч қисмдан иборат деб кўрсатади: 1) морфемаларнинг фонологик структураси ҳақидаги назария; 2) баъзи морфемаларда учрайдиган комбинатор ўзгаришлар назарияси; 3) морфологик функция бажарувчи товуш алмашинуви назарияси. 1 Бу вазифаларнинг биринчиси морфонологиянинг асосий ўрганиш объектидир. Иккинчиси-фонологиянинг вазифаси, учинчиси эса морфологияга киради (унда ички флексия, инфексация каби хусусиятлар ўрганилади). Кейинги йилларда морфонологияга «морфологик элементларни ташкил қилишда ҳар хил фонемаларнинг қўлланиш принципини тадқиқ қилувчи фан» 2 ва икки мустақил бобдан: а) ҳар хил тилдаги морфемаларнинг товуш томони ҳақидаги ва б) алоҳида структурал бирлик бўлган морфемаларнинг товуш томони ҳақидаги таълимотдан ташкил топган, ўз бирлигига эга бўлмаган ва базиси йўқ («небазиснўй») тил босқичи 3 1 Н.С.Трубецкой. Некоторые соображения относительно морфонологии . «Пражский лингвистический кружок», М., 1967. стр. 115-118. 2 О.С.Ахманова. Кырсатилган асар . 52-бет. 3 А.А.Макаев, Е.С.Кубрякова. «О статусе морфонологии и единицах её описания», «Единицы разных уровней грамматического строя языка и их заимодействие». М., 1969. стр. 91-114. деб таърифлар берилди. Ҳар икки таъриф ҳам Н.С.Трубецкойнинг биринчи тезисини тасдиқлайди. А.А.Реформатский морфонологияга кўп аниқликлар киритди ва уни базисли босқичлар (яъни ўз бирлигига эга бўлган), морфология ва фонология ўртасидаги «кўприк»ка ўхшаш базиси йўқ алоҳида босқич 4 деб таърифлади. Шу туфайли морфонология грамматикага ҳам, фонологияга ҳам кирмайди, лекин уларнинг бирлиги бўлган фонема ва морфемадан фойдаланади. Баъзи тилшунослар томонидан таклиф этилган «морфонема» термини (Г.Улашин, Н.С.Трубецкой ва бошқалар) ўз кучини йўқотади, чунки у фонемаларнинг морфемалардаги алмашуви (масалан, «рука-ручка» да « к - ч » ) натижасида бир йўла икки фонемага тўғри келади. Морфонологиянинг ўз бирлиги йўқ бўлгани учун морфемалардаги фонетик ҳолат билан боғлиқ бўлмаган фонологик ўзгаришларни ўрганади ва бунда урғунинг морфемалардаги ҳар хил кўчишини ҳам ўз ичига олади. Морфонологиянинг вазифаси чекланган бўлиб, морфемалардаги барча фонетик ўзгаришларни ўз ичига олмайди. Балки, маънони ўзгартириш ёки фарқлаш билан боғлиқ бўлган бир морфема доирасидаги ҳеч қандай ҳолат (позиция) билан боғлиқ бўлмаган фонемалар ўзгаришини ҳисобга олади. Масалан, ўзбек тилидаги морфемаларда учровчи комбинатор ва позицион ўзгаришлар морфонологияда текширилмайди. Улар фонетика ва фонологияга тааллуқлидир. Баъзи ўзак ва аффикс морфемалар ўртасида келувчи элементлар ҳам борки, улар ҳеч қандай семантик роль ўйнамайди. Масалан, «деярли» (де-й-арли), «ишқибоз» (ишқ-и-боз) сўзлари ўртасида келган элементлар оддий «сўзни уловчи» лик харктерига эга бўлиб, морфонологик вазифа бажармайди. Ўзбек тилидаги бу кун -бугун, сез- сесканмоқ, паст-пасаймоқ, суст-сусаймоқ, улуғ-улғаймоқ, сон-саноқ, онг- англа, тара-тароқ, ўқи-ўқув, таши-ташув 5 каби сўзлардаги ўзак морфемаларда бўлган фонемалар ўзгариши морфонологик жиҳатдан қаралиши мумкин. Қорин-қорни, оғиз-оғзи, ўғил-ўғли сўзларида эгалик 4 А.А.Реформатский. Ешё раз о статусе морфонологии, её границах и задачах. Кырсатилган асар, 98-118- бетлар. 5 Мисоллар «Щозирги замон ызбек тили». Тошкент, 1957, 287-294-бетлардан олинди. қўшимчаси ёки аффиксал морфема ички флексияга ўхшаш кўринади, лекин кейинги аффиксал морфемалардаги ( и ) фонемаси «қорин» ўзак морфемасидаги ( и) ни «едириб юборган» кўринади. Бу хусусият фақат шу ўринда учраши туфайли уни морфонологик ҳолат деб ҳисоблаш мумкин. Умуман, морфонологик хусусиятлар ҳинд-европа тилларида туркий тилларга қараганда кўпроқ учрайди. Туркий тилларда морфологик хусусиятлар бир йўла ўзак морфемадаги фонеманинг ўзгариши ва урғунинг аффиксал морфемага кўчиши билан берилган бўлиши мумкин: сез- сесканмоқ, онг-англа, тара-тароқ каби. Бунда морфонологик ўзгаришнинг бир йўла сегментал ва супрасегментал табиати кўринади. Туркий тилларда морфема ва бўғин чегарасининг тўғри келиш ҳоллари кўп учрайди. Бу ҳам морфонологик структурага таъсир кўрсатади. Лекин, бу ҳолат сингармонизм бор бўлган туркий тилларда морфонологик ва просодик жиҳатдан айниқса характерлидир. Туркий тиллардаги сўзларнинг ўзак морфемалари қиёсланса, улардаги морфонологик ўзгаришни билиш мумкин. 6 Морфонологик хусусиятлар тилларнинг тарихий ривожланишида айниқса ҳар хил ҳолда кўринади. Улар сўз ўзгартириш ва сўз ясаш билан боғлиқ ҳолда баъзан тилнинг лексикология ва морфологиясида ҳам текширилади. Бироқ морфонологияни алоҳида тил босқичи деб ҳисоблаб, унга тегишли барча хусусиятларни ўрганиш тилнинг ички структурасидаги баъзи пайқалмай қолган аломатларни аниқлашда катта ёрдам беради. 6 Бундай мисоларни =аранг: А.М. Щ ербак. Сравнительная фонетика тюркских языков. Л., 1970. Стр. 193-198. (Список обшетюркских односложных основ.)

O'xshashlar

Морфонология 1
Чегара сигналлари
Фонологик назариялар ва фонологик тасниф методлари
Фонотактика
Фонетика-фонология