Terining yiringli kasalliklari - Tibbiyot - Referatlar

Terining yiringli kasalliklari

Yuklangan vaqt:

20.09.2019

Ko'chirishlar soni:

0

Hajmi:

42.5 KB

Ko'chirib olish

T erining yiringli kasalliklari Reja: 1.Furunkul. Furunkulyoz. Karbonkul. 2.Gidrodenit. Abssess. Flegmona. Limfadenit. 3.Panaritsiy. 4.Flebit. Tromboflebit. 5.Osteomiyelit.

Furunkul (chipqon). Terining soch xaltasini yiringli yallig‘lanishidir. Sababi. Shaxsiy gigiyena qoidalariga rioya qilmaslik, qashinish, tindalash, mayda jarohatlariga infeksiya kirishi. Chipqonni stafilakokk mikrobi qo‘zg‘atadi. Belgilari.Chipqon teridan salgina ko‘tarilib tur uvchi og‘riqli infiltrat (bo‘rtmacha) dan boshlanadi. Bo‘rtmacha uchida qoramtir yoki sarg‘ish nuqta bo‘ladi. Keyinroq nuqta o‘rnida oq rangli chipqonning o‘zagi hosil bo‘ladi. O‘zak ko‘chib tushgach, o‘rnida yiring bilan to‘lgan bo‘shliq hosil bo‘ladi. Chipqon yuz, bo‘yin, dumba, sonning ichki yuzalariga chiqadi. Tibbiy yordam.1. Bemor poliklinikaning jarrohlik xonasida davolanadi. 2. Antibiotiklar: ampitsillin, gentamitsin va boshqalar. 3. Fizioterapevtik muolajalar: UVCH, kvars. 4. Agar so`rilmasa, tugunchani kesib, yiring tozalanadi. 5. Umumiy quvvatlovchi dori-darmonlar: Undevit, vitamin “A”. Izoh: Chipqonni siqish mumkin emas, bu infeksiyaning avj olishiga xavf tug‘diradi. Furunkulyoz. Tananing turli sohalarida ko‘plab chipqonlarning paydo bo‘lishidir. Furunkulyoz odatda zaiflashgan odamda, ayniqsa, qandli diabet bilan xastalangan bemorlarda paydo bo‘ladi. Tibbiy yordam . Poliklinikaning jarrohi nazoratida uzoq vaqt davolanadi. Karbonkul (do‘mbol). Furunkulni o‘z vaqtida davolamaslik natijasida bir nechta soch xaltachalari va ular atrofidagi to‘qimalarning yiringli yallig‘lanishidir. Karbonkul immunitet xususiyati pasaygan odamlarda kuzatiladi. U ko‘pincha bo‘yinning orqa yuzasi, yelka, dumba, son sohalarida, ya’ni kiyimning ishqalanishi ko‘proq bo‘lgan joylarda paydo bo‘ladi. Belgilari. Karbonkul kuchli og‘riq, tana haroratining ko‘tarilishi bilan kechadi. Kasallik bitta furunkul (chipqon) dan boshlanib, asta-sekin kattalashadi va ko‘payadi.Tana harorati ko‘tariladi, og‘riq bo‘ladi, ish qobiliyati pasayadi. Tibbiy yordam. 1.Bemor poliklinikaning jarrohi nazoratida davolanadi.

2.Og`riq kuchli bo`lsa analgin (baralgin) - 1ml muskul orasiga , yoki 1 tab. ichishga. 3. Furunkulga o`xshash tadbirlar. Gidradenit . Ter bezlari, ayniqsa qo‘ltiq osti sohasidagi ter bezlarining o‘tkir yiringli yalig‘lanishidir (xalq tilida «it emchagi» deyiladi). Sababi. Terining mayda jarohatlariga infeksiya kirishi tufayli ter bezlarining yiringli yallig‘lanishi yuzaga keladi. Belgilari. Qo‘ltiqda ko‘kimtir qizg‘ish rangli silliq yuzali kichkina yallig‘lanish infiltrati paydo bo‘ladi. Keyinchalik uning yonidan shunday tuzilmalardan yana bir nechtasi chiqadi. Ular birga qo‘shilib yaxlit infiltrat (donacha) hosil qilishi mumkin. Infiltratning ba’zi joyi yumshab, teshilib (yorilib) yiringli suyuqlik oqadi. Tibbiy yordam. 1.Og‘riq qoldiruvchi dorilar: analgin (baralgin) tabletka yoki muskul orasiga . 2.Spirt (aroq) bilan artiladi. 3.Antibiotiklar- ampitsillin, ampioks, sefamizin kabilar muskul orasiga va yiringli infiltrat atrofiga in`yeksiya qilinadi. 4.Fizioterapevtik muolajalar. 5.Poliklinikaning jarrohi nazoratida davolanadi. Abssess. Teri osti yumshoq to‘qimasining yiringlashi tufayli paydo bo‘ladigan yiringli xaltacha. Sababi.Terining tirnalgan, ishqalangan, zirapcha kirgan, sterillanmagan igna bilan in`yeksiya qilingan joylariga infeksiya kirishi tufayli paydo bo‘ladi. Belgilari. Abssess boshlanganda teri qizaradi, shu joy qattiqlashadi (infiltrat paydo bo‘ladi), tana harorati ko‘tariladi, og‘riq bo‘ladi.O ‘ z vaqtida davolash tadbirlari o‘tkazilsa infiltrat so‘riladi, yiringlash yuzaga kelmaydi. Aksincha, davolash tadbirlari o‘z vaqtida o‘tkazilmasa, infiltrat yiringga aylanadi. Shu joy yumshab, bilqillab, yiring xaltasi paydo bo‘ladi. Tibbiy yordam. 1. Og‘riq qoldiruvchi dorilar. 2.Spirt surtiladi. 3.Antibiotiklar.

4.Tana haroratini tushuruvchi tadbirlar. 5.Bemor poliklinikaning jarrohlik xonasida davolanadi.Abssess kesib yiring chiqariladi. Flegmona. Teri osti to‘qimasining chegaralanmagan holda yiringli yallig‘lanishidir. Sababi. Abssesga o`xshash, ya`ni tirnalish, kesilish, tikan, igna, mix kirishi, sterillanmagan igna bilan in`eksiya qilinishi va boshqa jarohatlar tufayli infeksiya kirishi. Belgilari. Yallig`langan joyda og‘riqli infiltrat paydo bo‘ladi. Infiltrat sohasidagi teri qizaradi. Infiltrat avvaliga qattiq bo`lib, keyin yumshaydi. Bemorning tana harorati ko‘tariladi. Atrofdagi limfa tugunlari kattalashadi. O`z vaqtida yordam ko‘rsatilmasa, bemorning ahvoli og‘irlashadi. Tibbiy yordam. 1.Og‘riq qoldiruvchi dorilar. 2.Tana haroratini tushurish choralar. 3.Antibiotiklar. 4.Poliklinikaning jarrohlik xonasida davolanadi. Limfadenit - jag‘ osti, bo‘yin, qo‘ltiq osti, chov va boshqa sohalardagi limfa tugunlarining yiringli yallig‘lanishidir. Sababi. Tananing turli sohalaridagi yiringli yaralarni o‘z vaqtida davolamaslik tufayli limfa tomirlari orqali mikroblarning limfa tugunlariga kelishi va ularni yallig‘lantirishi. Belgilari. Yallig`langan limfa tugunlari kattalashadi, og‘riydi o‘z vaqtida davolanmasa limfa tuguni yiringlaydi, yumshaydi, teshilib, yiring oqadi, tana harorati ko‘tariladi. Tibbiy yordam. 1.Bemor poliklinikaning jarrohlik xonasida davolanadi. 2.Antibiotiklar. 3.UVCH, kvars qo‘llanadi. Limfangoit. Limfa tomirlarining yallig‘lanishidir. Tananing turli sohalaridagi yiringli yaralar, limfa tugunlarining yiringli yallig‘lanishi tufayli infeksiya limfa tomirlariga o‘tib ularning devorini yallig‘lantiradi.

Belgilari. Yallig‘langan limfa tomirlari qizaradi va ular teri ostidan qizil ipsimon chiziq sifatida ko‘rinadi.Ipsimon chiziqning oxiri limfa tuguniga boradi. Tibbiy yordam.1.Bemor poliklinikaning jarrohlik xonasida davolanadi. 2.Yallig‘lanish sohasiga Vishnevskiy malhami surtilgan, bog‘lam qo‘yiladi. 3.Antibiotiklar qo‘llaniladi. Panaritsiy (milkak). Barmoq to‘qimalarining yallig‘lanishi. Sababi. Barmoq sohasi terisining tilingan, qirilgan joyiga infeksiya kirishi. Belgilari.Panaritsiyning 4 ta turi bor: 1.Panaritsiyning teri turida mahalliy qizarish, shish, og‘riq bo`ladi. 2.Panaritsiyning teri osti turida barmoq shishadi, harakat qiyinlashadi, kuchli og‘riq bo‘ladi, tana harorati ko‘tariladi. 3.Panaritsiyning pay turida barmoq shishgan, yarim bukilgan, barmoqni yozganda og‘riq zo‘rayadi. 4.Panaritsiyning suyak turida barmoq shishib kolbasasimon shaklga o‘xshab qoladi. Tibbiy yordam: 1.Bemor poliklinikaning jarrohlik xonasida davolanadi. 2 . Og‘riqni qoldiruvchi dorilar. 3. Antibiotiklar. 4.Yiringlash paydo bo`lsa kesib yiringdan tozalanadi. 5. Fizioterapevtik muolajalar. Flebit - vena qon tomiri devorining yallig‘lanishidir. Asosan oyoq venalari yallig`lanadi. Sababi. Vena tomiri atrofidagi to‘qimalarning yallig‘lanishi, shuningdek, vena tomiriga kuchli ta’sir qiluvchi gipertonik eritmalar, antibiotiklar va boshqa dorilarning in`yeksiya qilinishi. Belgilari. Yuza venalar yallig‘langanda teri ostidan qizil rangdagi ipsimon chiziq ko‘rinadi. Chuqur venalar yallig‘langanda bemorning oyog‘i shishadi, tana harorati ko‘tariladi, og‘riq bo`ladi, harakat qiyinlashadi. Tibbiy yordam. 1.Bemor poliklinikaning jarrohlik xonasida davolanadi.

2. Og‘riqni qoldirish uchun analgin (baralgin) muskul orasiga. 3. Bemor oyoqlarini baland qilib yotishi kerak. 4. Oyoqqa vishnevskiy yoki geparin mazi surtilib, bog‘lam qo‘yiladi. 5. Antibiotiklar. 6. Fizioterapevtik muolajalar. Tromboflebit. Yallig‘langan vena tomirining ichki yuzasiga qonning shaklli elimentlari yopishib tromb hosil qilishidir. Asosan oyoq vena tomirlari zararlanadi. Belgilari. Oyoq shishadi, og`riydi, tromb hosil bo`lgan venalar bo`rtib ko`rinadi. Tibbiy yordam. Flebitga o`xshash. Osteomiyelit - suyak ko‘migining yallig‘lanishi. Sababi. Streptokokk, stafilakokk va boshqa mikroblarning suyakning singan joyiga tushushidan yoki tananing turli sohalaridagi yiringli jarohatlardan qon orqali suyak ko‘migiga kelishi tufayli yuzaga keladi. Belgilari. Osteomiyelit o‘tkir va surunkali kechishi mumkin. O‘tkir osteomiyelitda tana haroratining ko‘tarilishi, zararlangan suyak sohasida og‘riq, ish qobiliyatining yo‘qolishi kuzatiladi. Surunkali osteomiyelit o‘tkir osteomiyelitning to`liq davolanmasligi oqibatida yuzaga keladi. Vaqt-vaqti bilan qo‘zg‘aladi. Qo‘zg‘algan paytda tana harorati ko‘tariladi, og‘riq paydo bo`ladi. Tibbiy yordam. 1. Bemor shifo х onaning jarrohlik bo‘limida davolanadi. 2.Og‘riqni qoldirish uchun analgin (baralgin) muskul orasiga. 3. Ampitsillin, ampioks, sefamizin, gentamitsin. 4.Ko`pincha jarrohlik usuli qollanadi (operatsiya yo`li bilan suyak ko`migidagi yiring tozalanadi).

Asosiy adabiyotlar: 1. Bemorlarni uyda va shifoxonada parvarish qilish. F.G`. Nazirov. Toshkent- 2003. 2. Odam anatomiyasi. E.Qodirov. Toshkent-2003. 3. Anatomiya. A.S.Gusev. Moskva-1970. 4. Hamshiralik ishi asoslari. Q.Inomov. Toshkent-2007. 5. Xirurgiya. A.J.Hamrayev. Toshkent-2002. 6. Xirurgiya va reanimatsiya asoslari. A.J. Hamrayev. Toshkent-2002. 7. Bolalar kasalliklari. A.N.Buraya. Toshkent-1988. 8. Sog`lom va kasal bola parvarishi. A.N.Buraya. Toshkent-1988. 9. Klinikagacha bo`lgan xirurgiya. R.M.Axmedov. Toshkent-2001. 10. Инфекционные болезни. К.В. Бунин. Москва-1980. 11. Первая медицинская помощь в чрезвычайных ситуациях. Э.Икрамов 44 Тошкент – 2003. 12. Курс гражданской защиты. В.Ф.Зубков Тошкент-2004

O'xshashlar

O’pkaning yiringli kasalliklari

Yiringli – rezorbtiv isitma. Sepsis

MODDALAR ALMASHINUVI BUZILISHI KASALLIKLARI (RAXIT, SPAZMOFILIYA, GIPOTROFIYA, EKSSUDATIV DIATEZ). ALLERGIYA. TERINING ZAMBURUG`LI VA QICHIMA KASALLIKLARI. GELMINTOZLAR.

Moddalar almashinuvi buzilishi kasalliklari (raxit, spazmofiliya, gipotrofiya, ekssudativ diatez). allergiya. Terining zamburug`li va qichima kasalliklari. Gelmintozlar

Terining allergik kasalliklari - Dermatitlar. Toksikodermiyalar. Ekzema. Tugunchali dermatozlar - Psoriaz. Qizil yassi temiratki. Neyrodermatozlar