Глобаллашув ва локаллашув - Sotsiologiya - Referatlar

Глобаллашув ва локаллашув

Yuklangan vaqt:

20.09.2019

Ko'chirishlar soni:

0

Hajmi:

100 KB

Ko'chirib olish

Глобаллашув ва локаллашув Режа: 1. Глобаллашувнинг ишлаб чиқаришдаги туб ислоҳотларга таъсири. 2. Глобал меҳнат бозори. 3. Глобаллашувнинг локал маданиятнинг шаклланишига глобал таъсири. 4. Глокализациянинг икки ёқлама характери.

Глобаллашув ва локаллашув Геосиёсий ўзгаришлар жаҳон сиёсатчилари ва давлат арбобларини собиқ Иттифоқ ҳудудида, айниқса, Марказий Осиёда кечаётган жараёнларга янгича нигоҳ билан қарашга ундамоқда. Масалан, америкалик таниқли олим ва давлат арбоби З.Бзежинский ушбу минтақада кечаётган воқеа-ҳодисаларга ва уларнинг АҚШ манфаатлари учун аҳамиятига эътибор қаратиб келмоқда. Унинг назарида, Евроосиё жаҳоннинг энг йирик ва геосиёсий жиҳатдан ғоят муҳим минтақаси бўлгани боис бу ҳудудни назорат остига олган давлат дунёнинг иқтисодий жиҳатдан ривожланган учдан икки қисмида ҳукмронлик қилиши мумкин. Зеро сайёрамиз аҳолисининг тахминан 75 фоизи шу ҳудудда истиқомат қилади, жаҳон ялпи ички маҳсулотининг тахминан 60 фоизи ва аниқланган энергетика захираларининг тахминан тўртдан уч қисми ҳам шу қитъа улушига тўғри келади. АҚШдан кейин иқтисодий ва ҳарбий жиҳатдан энг қудратли давлатлар ҳам Евроосиёда жойлашган. Минтақада етакчилик қилишга ва глобал таъсир кўрсатишга интилаётган, энг кўп аҳолига эга давлат ҳам шу қитъада жойлашган. Евроосиё умумий куч-қудрати ва иқтисодий салоҳияти жиҳатидан ҳатто АҚШни ортда қолдираётгани бу минтақа имкониятларидан далолат беради. Шу боис иқтисодий ва ҳарбий жиҳатдан қудратли давлатлар, жумладан, АҚШ сиёсатида бу ҳудуд устувор аҳамият касб этаётгани бежиз эмас. Яъни, АҚШ бу қитъада ўз манфаатларига путур етказиши мумкин бўлган ҳар қандай воқеа ёки ҳодисага нисбатан зудлик ва қатъиятлик билан муносабат билдиради. Хусусан, сўнгги беш йил ичида Афғонистон ва Ироқда амалга оширилган ва ҳозирги вақтда ҳам давом этаётган ҳарбий ҳаракатлар бунга яққол мисол бўла олади. Шу билан бирга, бу масалада Россия ҳам ўз манфаатларини қатъий ҳимоя қилиши (айниқса, сўнги йилларда) табиий ҳолдир. Мутахассислар Марказий Осиё ҳудудида содир бўлаётган воқеалар суръатининг жадаллашаётганини таъкидламоқда. Дарҳақиқат, бугунги сиёсий воқе-ликни собиқ Иттифоқ парчаланган 90-йиллардаги вазият билан қиёслаб бўл-майди. Гап шундаки, мазкур минтақа кўпгина йирик қудратли

давлатлар ман -фаатлари тўқнашаётган ҳудудга айланиб бораётгани бундаги геосиёсий вазиятни чигаллаштиришни, унинг Fарб ва Шарқ ўртасидаги нотинч “буфер зона”га айланиб қолиш хавфини келтириб чиқариши мумкин. Айниқса, Форс кўрфазидаги ёқилғи захирасининг камайиб, минтақадаги вазият кескинлашиб бораётгани беқиёс табиий бойлик, иқтисодий ва интеллектуал салоҳиятга эга бўлган Марказий Осиё давлатлари геостратегик ўрни ва аҳамияти ортиб бормоқда. Кейинги йилларда Вашингтон маъмуриятининг миллий хавфсизлик стратегияси Кавказ ва Марказий Осиёга устувор аҳамият қаратилиши, биринчи навбатда, иқтисодий манфаатлар, хусусан, энергоресурсларга эгалик қилиш ва Fарбга ташиб кетишни назарда тутади. Масаланинг янги бир жиҳати шундан иборатки, айрим йирик давлатлар- нинг халқаро муносабатларни бошқариш ва тартибга солиш борасида ҳеч ким билан ҳисоблашмасдан, ҳеч кимнинг манфаатини ҳисобга олмасдан ўзбошимча сиёсат юритиши яққол намоён бўлмоқда. Бу сиёсат гўё бутун дунёда ягона, фақат битта куч маркази бўлиши керак деган ақидага таянади. Бу марказ Дунё-даги барча жараёнларни қатъий назорат қилиш ва унга итоат этмаганларни жазолашга интилмоқда. Бу ўта хатарли сиёсий, яъни дунё харитасини янгидан бўлиб олиб бошқариш, халқлар ва давлатлар устидан ҳукмронлик қилишга ин-тилишни Югославиянинг парчалаб юборилиши, Ироқдаги ҳарбий ҳаракатлар, Кавказорти давлатларида амалга оширилаётган хунрезликларда кузатиш мумкин. Бир вақтлар АҚШ қуруқлик қўшинлари резервининг психологик амалиёт-лар бўлинмаси раҳбари бўлган, ҳозир эса вице-президент Чейнининг ишончли ташвиқотчиларидан бири сифатида танилган генерал Поль Вэллели 80-йил-ларнинг охирида яна бир олим билан ҳаммуаллифликда “Психологик амалиёт-лардан психологик урушга: психологиянинг ғалабаси” деб номланган мақола эълон қилганди. Агрессив, қуюшқонга сиғмайдиган фикирларга тўла бу мақолада муаллиф рақиб мамлакатни руҳий босим ва хуружлар орқали енгиш мумкинлиги ва зарурлигини таъкидлайди.

“Стратегик жиҳатдан – деб ёзганди Вэллели, - мазкур қурол дўстлар, душман -лар ва бетарафлардан қатъий назар, дунёдаги барчага қаратилмоғи ҳамда ҳар жойга ташлаб кетиладиган оддий варақалар, махсус ташвиқот отрядларининг карнайлари, психотроника-нинг заиф, ноаниқ ва тор йўналишлари орқали эмас, балки АҚШ эга бўлган ва Ер сайёрасидаги исталган одамга етиб бора оладиган воситалар ёрдамида қўлланилиши керак. Албатта, бу восита – электрон ОАВ, матбуот, телевидение ва радиодир. Спутник орқали алоқа, видео-ёзувлар ва бошқа технологияларнинг бугунги ривожи инсонлар онгига биз илгари тасаввур ҳам қила олмайдиган даражада кириб бориш имконини берди. Биз мўъжизавий Экскалибур (қирол Артурнинг қиличи) – ни қўлга олсак кифоя ва у бизга бутун дунёни бўйсун-дириб беради. Фақат бизда ҳамма мамлакатларни шундай воситаларга кўмиб ташлаш учун етарлича журъат ва қатъият бўлса бас. Ушбу қиличсиз бизнинг аҳлоқий нормаларимизни бошқа маданиятларга сингдириш қийин кечади”. Американинг гегемонликка интилиши дастлаб Иккинчи жаҳон уруши якун топганидан сўнг тоборо яққолроқ кўга ташлана бошлади. Бунинг учун етарли омиллар бор эди, албатта. Аввало, урушда қатнашаётган ўнлаб давлатларнинг ҳарбий буюртмалари эвазига АҚШ дунёнинг бошқа барча мамлакатларидан фарқли ўлароқ, Жаҳон урушида жуда катта фойда кўрди. Уруш тугагандан кейин тузилган Европани қайта тиклаш режасида ҳам биринчи навбатда Америка манфаатлари кўзда тутилган эди. Ўтган асрнинг иккинчи ярмига келиб, Қўшма Штатлар Ғарбий Европа, Осиё-Тинч океани минтақаси ҳамда Атлантика океани ҳавзасида турли йўллар ўз якка устунлигини ўрнатиш учун фаол ҳаракатларни бошлаь юборганди. Ва бу ҳаракатлар ўз натижасини берди ҳам. АҚШни аксарият ҳолларда ҳарбий, иқтисодий, сиёсий ҳамда илмий-техникавий тараққиёт соҳаларида яккаҳокимлик ўрнатишга очиқдан-очиқ интилиши учун танқид қилишади. қайд этиш лозимки, бугунги кунга келиб бутун дунёда “антиамериканизм” деб аталувчи ҳаракат юзага келган.

ХХ асрнинг 60-йилларидан бошлаб 30 йил давомида АҚШ иқтисодиёти катта суръатлар билан муттасил ўсиб борди ва бу давлат шубҳасиз дунёнинг энг қудратли мамлакатларидан бирига айланди. Дунё аҳолисининг 4,5 фоизи истиқомат қиладиган давлатга жаҳон бўйича бир йилда ялпи ишлаб чиқарилган маҳсулотнинг 21 фоизи ва бутун халқаро бозор айланмасининг деярли ярми тўғри келади. Америка илм-фан, айниқса, юқори ахборот технологиялари соҳа - сида бошқа давлатлардан анча ўзиб кетди. Жаҳон ахборот технологиялари ва хизматлари бозорининг 40 фоизини қўшма Штатлар таъминлайди. ҳарбий соҳада, хусусан, қуролланиш борасида ҳам у дунёда энг олдинги ўринга чиқиб олган. 2000 йилгача Американинг ҳарбий бюджети йилига 300 млрд . долларни ташкил этди. Шуни унутмаслик лозимки, АҚШ бу даражадаги тараққиётга, масалан, Япония сингари соф илмий-техникавий салоҳият орқалиги на эришмаган. Гарчи расмий доираларда очиқ тилга олинмаса-да, кўплаб сиёсатшунослар, дипломатлар, таҳлилчиларнинг тадқиқотла рида, китоблари ва мақолаларида бот-бот таъкидланганидек, бундай ривожланиш даражасига етиш учун икки хил стандартли ташқи сиёсат, миллий манфаатлар йўлида ўз иттифоқчиларини ҳам четлаб ўтиш, босим ўтказиш сингари усуллар ҳам хизмат қилган. Ўтган аср давомида АҚШ “дунёга социализмнинг тарқалишига қарши туриш” ниқоби остида, 1991 йилда Совет Иттифоқи таназзулга юз тутганидан сўнг эса “демократик қадриятларни тарқатиш”, “ташқи кучларга, халқаро терроризмга қарши курашиш” баҳонаси билан юқори даражадаги қуролланиш суръатларини сақлаб турибди. Сўнгги йилларда Американинг гегемонлик сиёсати сайёрамиз -нинг барча қитъаларида ва халқаро муносабатларнинг ҳар бир сохасида кўзга ташланмоқда. Эътиборга молик жиҳати шундаки, барча америкаликлар – давлатни бошқараётганлардан тортиб, оддий фуқароларгача бундай сиёсат тўғри экан- лигига қаттиқ ишонади ва бошқалар ҳам шундай ўйлашга мажбур деган эъти- қод билан яшайди. Бунга жуда кўп мисол келтириш мумкин. Оддий америка-

ликлар, сиёсатшунослар, олимлар, бизнесменлар ёки америкалик журналист- ларни қўйиб турайлик-да, замонавий ташқи сиёсатда чуқкр из қолдирган дип- ломатлардан бири, АҚШнинг собиқ давлат котиби Генри Киссенжернинг “Аме -рикага ташқи сиёсат керакми?” деб номланган китобидан бир парча келтира -миз: “Янги минг йиллик бўсағасида Америка ўтмишдаги барча империяларни ҳам ортда қолдириб, ўз куч-қудратининг самарасини кўрмоқда. Ҳарбий соҳадан то бизнесгача, илм-фандан, то технологияларгача, олий таълимдан оммавий маданиятгача Америка бутун дунёда чексиз миқёсларда устун келмоқда. ХХ асрнинг сўнги 10 йиллигида ҳар жиҳатдан устун позицияга кўтарилиш натижасида Америка халқаро барқарорликни асрашнинг ягона кафолатига айланди”. Муаллифнинг фикрича, жаҳоннинг исталган нуқтасидаги ҳар қандай зиддиятни ҳал этишда АҚШга тенг келадигани йўқ. Мамлакатнинг бундай гегемонлик сиёсатига қарши бўлган ҳар қандай ҳаракат Киссинжернинг таъкидлашича, “миллий манфаатларга таҳдид”дир. Хўш, Президент Г.Трумен давридаёқ мукаммал тарзда йўлга қўйилган, бугун эса янада шиддатли ва андишасиз кўриниш касб этаётган бу гегемонизм нималарда намоён бўлади? Бу борада америкалик сиёсатдонлар амалга оширишга улгурган ишларга ўнлаб мисоллар келтириш мумкин. АҚШ ўз йўриғига юришни истамаган дав -латларга биринчи навбатда сиёсий жиҳатдан босим ўтказади. Санкциялар қўл-лаш билан таҳдид қилиш, ахборот хуружи, сиёсий жиҳатдан яккалаш ва мамла -катнинг халқаро майдондаги обрўсини тушириш кабилар шундай воситалар- дандир. қолаверса, БМТ, Халқаро Валюта Жамғармаси, Жаҳон Савдо Ташкило -ти, Жаҳон банки сингари дунёнинг энг йирик халқаро ташкилотларидаги етакчи рол ҳам босим ўтказишда катта имконият беради. Сурия, Судан, Шимо - лий Корея, Венесуэла каби давлатларга нисбатан олиб борилган сиёсат бунга мисол бўла олади. Бошқа мамлакатлардан халқаро ҳуқуқ нормаларига сўзсиз амал қилишни талаб қиладиган АҚШнинг ўзи бу нормаларни кўп маротаба бузган ёки уларга умуман қўшилмаган. Биологик қуролларни тарқатмаслик

ҳақидаги битим, Киото протоколи сингари халқаро шартномалар шулар жумласидандир. Дар - воқе, Киото протоколи ҳақида бир нарсани айтиб ўтиш жоиз. ҳозирга келиб, ҳар йили июндан ноябрга қадар американинг тропик минтақаларида давом этадиган тўфонлар мавсуми АҚШ саноат корхоналари томонидан табиатга етказилган чексиз зарарнинг, аниқроғи, ана шу халқаро шартномага қўшил - масликнинг оқибатидир.Бу ҳақда олимлар америка ҳукуматини бундан 35 йил олдин огоҳлантирган эдилар ва бугун ҳам бу чақириқлар тингани йўқ. Аммо протоколга қўшилиш, бу – жуда катта харажат, деганидир. Ортиқча хара - жатлар эса қўшма Штатларга керак эмас. 1972 йилда имзоланган, дунё хавфсизлиги ва барқарорлигининг ўзига хос гарови сифатида қаралган Ракетага қарши мудофаа тизимлари ҳақидаги халқаро Шартномадан ҳам қўшма штатлар бир томонлама чиқиб кетди. Бу ҳаракат энг муҳим сиёсий масалаларда ўз манфаатини очиқдан-очиқ устун қўйишнинг яққол намойишидир. Югославияга (1990-йиллар), Ироққа (1990- 2003) берилган ҳаво зарбалари, Корея (1950-йиллар), Вьетнам (1963-1965) да олиб бор - илган ҳарбий ҳаракатлар, кўплаб мамлакатларнинг ички ва ташқи сиёсатига бо - сим ўтказишга уриниш билан Америка энг муҳим халқаро шартномалар ( БМТ Низоми, Хельсинки шартномаси кабилар)да кўзда тутилган давлатларнинг суве – ренитети, ички ишларга аралашмаслик, чегараларнинг дахлсизлиги, куч ишла тмаслик сингари халқаро ҳуқуқнинг асосий тамойилларини қўпол равишда бузган. АҚШ томонидан гегемонизм сиёсати иқтисодий сиёсатда ҳам фаол қўллани -лади. Ҳеч кўзингиз тушганми, “Майкрософт” корпорациясининг Машҳур ком-пьютер дастурларини ўрнатаётганингизда даставвал экранда “Лицензия келишу -ви” деган ойна пайдо бўлади. Унинг бандларидан бирида шундай ёзув бор: “Сиз ушбу компьютер дастурини АҚШ томонидан чекловлар жорий этилган давлатлар, жумладан, Куба, Эрон, Ироқ, Ливия, Шимолий Корея, Судан ва Сурияга олиб кирмаслик, бу давлатлар фуқароларига вақтинчалик фойдаланиш учун бермаслик мажбуриятини оласиз”. Бундай чеклов АҚШ Савдо вазирлиги-нинг Экспорт назорати

бюроси томонидан Америкада ишлаб чиқариладиган бар -ча маҳсулотларга белгиланади. Ушбу тақиқнинг демократия талабаларига қай даражада мос келиши масаласини инсон ҳуқуқлари ҳимоячиларига қолдирган ҳолда айтмоқчимизки, бу иқтисодий босим ўтказиш йўлларидан бири холос. АҚШ иқисодий сиёсатининг энг кўп норозилик уйғотадиган яна бир жиҳати – барчани долларга халқаро валюта сифатида қарашга мажбурлаш. Президенлик сайловларида кураш олиб борадиган ҳар қандай номзод – у хоҳ демократлардан, хоҳ республикачилардан бўлсин, ана шу “халқаро мақом”ни таъминлаш юзасидан ўз режа-сини тақдим қилиши қоидага айланган. Долларнинг халқаро валюта сифатида муомалада бўлиши жуда катта аҳамият касб этади. Бу ҳолатни соддароқ қилиб шундай тушуниб олиш мумкин. Масалан, Сизнинг 1 миллион сўм пулингиз бор ва уни амалдаги курс бўйича 1 000 долларга алмаштирдингиз, дейлик. Агар АҚШ ҳукумати 10 фоизлик девальвация (давлат томонидан миллий валютанинг қадрини пасайтириш йўли билан қайта баҳолаш)ни амалга оширса, ўша 1 000 долларни энди 900 минг сўмга алмаштирасиз. Бундай девальвациялар эса АҚШ иқтисодий сиёсатида бир неча бор кузатилган. Ушбу ҳолатда минг эмас, миллиардлаб долларни ўз марказий банкларида мажбуран сақлаётган давлатларнинг кўрадиган зарарини тасаввур қилиш қийин эмас. Кўриб турганимиздек, долларнинг қаттиқ валюта эканлиги Америкага дунё бўйича ўз сўзини ўтказиш учун жуда катта имкониятларни очиб беради. Гегемонизмнинг учинчи асосий кўриниши маданий сиёсатда намоён бўлади. Юқорида тилга олинган китобида Киссинжер ёзади: “Биз бу миллатни инсонларни озод қилиш учун яратдик, биз ўз концепциямиз ва мақсадларимиз нуқтаи-назаридан олиб қараганда, Америка билан чекланмаймиз ва энди барча инсонларнинг озод бўлиши учун ҳаракат қиламиз. Агар бундай қилсасак, Американинг шон-шавкати барбод бўлади, унинг қудрати эса ҳавого учиб кета - ди”. Американизмнинг моҳиятини мана шу сўзлардан янада муфассалроқ англаб етиш мумкин. Бундай сиёсат одатда “маданиятларни бойитиш”, “демо - кратия анъанларини жорий этиш” йўллари

билан амалга оширилади. Ўз қадриятларини сақлашга уриниб, бундай “маданий уйғунлик”ни, “демократия талаблари”ни қабул қилмайдиган давлатлар олдида эса икки йўл туради: ё бўйсуниш, ё қолоқлик, халқаро сиёсатда яккаланиш, обрўсизланишга дучор бўлиш. Бу ва юқорида санаб ўтилган бошқа ҳолатлар АҚШ томонидан қўллани - ладиган босимлардан айрим мисоллар холос. Американинг бундай ташқи сиёса - тидан кўзланган бош мақсад – инсониятнинг энг муҳим табиий, молиявий, ин - теллектуал ва информацион ресурслари устидан қўз назоратини ўрнатишдир. Совет Иттифоқи парчалангач, қўшма Штатлар мазкур ҳудудда ҳам ўз ҳукмронлигини ўрнатишга жаҳд билан киришди. Расмий Вашингтоннинг бутун диққат эътибори, собиқ давлат котиби М. Олбрайт хонимнинг таъбири билан айтганда, “постсовет ҳудудидаги ажралишларни бошқариш” жараёнига қаратилди. ҳар томонлама пухта ишлаб чиқилган лойиҳалар, дастурлар; барча соҳаларни қамраб олган халқаро, нодавлат нотижорат ташкилотлар; таъсирли кучга эга бўлган ОАВ ёрдамида бу ҳудудда мустаҳкам база яратилди. 10 йилдан ортиқроқ муттасил, изчил ҳаракатлар натижаси ўлароқ, Грузия, Украина, Қирғизистонда бирин кетин рангли инқилоблар юз брди. Биз ушбу мавзуга батафсил тўхтамоқчи эмасмиз, балки эътиборингизни бошқа масалага - АҚШнинг Марказий Осиёдаги геосиёсий мақсадларига қаратмоқчимиз. Буш маъмурияти “Катта Яқин Шарқ” деган янги географик атамани ўйлаб топди. 2003 йил 19 октябрда НАТО Кенгаши йиғилишида чиқиш қилар экан, АҚШнинг НАТОдаги домий вакили Николас Барнес “Биз бутун диққат эътиборимизни айнан Катта Яқин Шарққа қаратишимиз лозим”, деган сўзларни айтганди. Бу атама ўз ичига Марказий Осиё, Шимолий Африка ва Шарқий Араб давлатларини олган жуда катта ҳудудни англатади. Шубҳасиз, жами аҳолиси 67 млн.дан зиёд, йиллик ялпи ички маҳсулот 60 млрд. доллардан ортадиган, энг зарур табиий заҳираларга жуда бой Маар казий Осиё ҳудуди, шу жумладан, Ўзбекистон қитъадаги жойлашган ўрни (шимолда–Россия; жанубда–Покистон, Ҳиндистон, Эрон; Шарқда–Хитой,

Корея, Япония; ғарбда–Каспий денгизи, Туркия, Яқ - ин Шарқ мамлакатлари)ни ҳам инобатга олсак, катта аҳамият касб этади. Шу тариқа, мўлжал бир вақтлар қадрдон стратегик ҳамкор деб аталган, 2001 йил сентябрдаги террорчилик ҳаракатларидан сўнг ҳатто ҳарбий аэродромигача бўшатиб берган Ўзбекистонга қаратилди. 2005 йил Андижонда амалга оширилган террорчилик ҳаракатларидан сўнг, мана бир йилки, мамлакатимизга нисбатан ўтказилаёт- ган босимлар ҳамон тинмаяпти. Бу сценарий (баолки энди, сериал деб аташ мақсадга мувофиқдир) давомида босимнинг барча усул-лари қўлланилди: Би-Би-Си, “Озодлик” радиоси, Нью-Йорк Таймс каби газеталар Ассошиейтед Пресс, Рейтер ахборот агентликлари сингари турли ОАВ орқали ахборот хуружи; БМТ, Human Rights Watch, IWPR, Халқаро Амнистия қўмитаси сингари халқаро ташкилотлар орқали сиёсий босим ўтказилмоқда. Аммо, бир савол туғилади: АҚШ нима учун биздан норози? 13 май куни Андижонда оғир жиноятлар содир этган террорчиларга қарши қатъий позицияда турганимиз, чегарадан ноқонуний ўтиб кетган “қочқинлар”ни қонуний талаб қилаётганимиз ёки “Катта Яқин Шарқда” катта иштиёқ ва муваффақият билан амалга оширилаётган режаларга ўзи “кичкинагина” бир давлат бўла туриб, “тап тортмай” халақит бераётганимиз учундир балки?! Мамлакатимизнинг энг юқори суд инстанциясида, хорижий дипломатлар ва журналистлар қаршисида кўрсатма берган айбланувчилар Андижон фожеаларида ташқи кучларнинг, хусусан, АҚШнинг қўли борлиги ҳақидаги маълумотларни айтди. Агар, ушбу кўрсатма исботланадиган бўлса, АҚШ ўз сиёсатида яна бир ғирром тамойил, яъни “Сенинг душманинг – менинг дўстим” деган қоидага амал қилиши ўз тасдиғини топмоқда. Ёдингизда бўлса, собиқ И т тифоққа нисбатан Афғонистон масласида шундай сиёсат амалга оширилган ва бу кейин АҚШнинг ўзига ҳам, бошқаларга ҳам катта бало келтирган “Толибон” ҳаракатининг юзага келишига замин яратганди.

АҚШ томонидан олиб борилаётган бу сиёсат, юқорида келтирилган мисол - лардан сўнг, “замона зўрники эканда”, деб, умидсизликка тушмаслик керак. Асло! Чунки, жинси шим кийган, доим “кола” ичиб, CNN янгилик-ларини кўрадиган одам америкалик бўлиб қолавермайди. Олий миллат ва дунё эгаси бўлишга даъвогарлар тарихда кўп кузатилган ва уларнинг ҳаммаси инқирозга юз тутган. Албатта, биз учун Нью-Йоркдаги 140 қаватли осмонўпар бино Бибихоним мадрасасидаги битта кошиннинг, энг зўр қўшиғи “Муножот” нинг битта ноласи, хот-дог ва пицца битта оби-ноннинг ўрнини боса олмайди. МДҲ давлатларига нисбатан бу борада янгича тактика қўлланилмоқда. Ушбу мамлакатлардаги ижтимоий-иқтисодий муаммолардан фойдаланиб жамият ва давлатга қарши кучларни ҳар томонлама қўллаб, керак бўлса, бузғунчи-террорчиларни ҳам рағбатлантирган ҳолда (Андижон воқеаларида худди шундай йўл тутилди) қонуний ҳокимиятни ағдариб ташлашга ҳаракатлар кўзга ташланмоқда. Грузия, Украина ва Қирғизистонда бу борада маълум натижаларга ҳам эришилди. Бироқ, ушбу мамлакатларда “якка гегемония” учун хизмат қиладиган режимлар ўрнатилди. Бу тактика Ўзбекистонга нисбатан қўлланганда кутилган натижа бермаганидан кейин мамлакатимизга қарши ахборот ҳуружи бошлаб юборилди, давлатимиз обрўини тўкишга ҳаракатлар бошланди. Аммо бу саъй-ҳаракатлар ҳам натижа бермагач, айрим кучлар Ўзбекистонни халқаро ҳамжамиятдан ажратиб қўйишга интилмоқда. Аммо Ўзбекистоннинг мустақил ташқи сиёсатини обрўсизлантирмоқчи бўлганлар янглишади. Чунки Ўзбекистон юксак давлатчилик анъаналари, буюк тарих, бебаҳо маданий-маънавий мероси, халқининг улкан ақлий салоҳияти, бунёдкорлигига таяниб тараққиёт сари интилаётган ва бу борада салмоқли ютуқларни қўлга киритган мамлакат. Уни дўқ-пўписа, турли тазйиқлар билан тараққиёт йўлидан қайтариб бўлмайди.

Шундай меросга эга халқ ҳеч қачон ҳеч кимга қарам бўлмайди. Ўзини ҳимоя қилишга қодир. Шунинг учун ҳам Ўзбекистон раҳбарияти минтақадаги геосиёсий вазиятни эътиборга олиб мамлакат мустақиллиги ва истиқболига таҳ-дид солаётган хавф-хатарга қарши туриш учун барча имкониятларни ишга сол-моқда. Шу маънода, Ўзбекистон-Россия иттифоқчилик муносабатларининг аҳамияти беқиёсдир. Бу муносабатлар Ўзбекистон мустақиллиги, танлаган йўли, мустақил ташқи сиёсатини ҳимоя қилиш, кўзлаган мақсадларимизга эришишга хизмат қилади. Микроминтақавий нуқтаи назардан асосий геосиёсий объект саналган Марказий Осиё Россиянинг стратегик муҳим қўшнисигина эмас, балки Евроосиё ва умуман, жаҳон сиёсати жумбоқларининг ўзига хос «калити»дир. Шу боис Марказий Осиё ҳудудида рўй бераётган ва бу минтақа давлатларига таҳдидлар нафақат шу ҳудудда жойлашган мамлакатлар хавфсизлиги ва барқарорлиги, балки Россия Федерациясининг миллий хавфсизлик муаммоларига ҳам бевосита дахлдордир. Марказий Осиё тарихан Ғарб-Шарқ Шимол-Жануб йўналишлари чорраҳасидаги транспорт-коммуникация бўғини, ғоят муҳим ресурслар оқими-нинг маркази, шарқий (мусулмон) ва ғарбий (насроний) цивилизациялар ўрта-сидаги барча жараёнларда «фильтр» ва «бўғин» сифатида ҳозирги замон халқ-аро тартиботнинг шаклланишида Ўзбекистон ва Россия манфаатлари ҳимоя-сини таъминлашда муҳим ўрин тутади. Бу жараёнда манфаатдор ҳукмрон доираларнинг маблағи эвазига беқарорлик келтириб чиқаришни кўзлаётган турли нодавлат ташкилотларининг фаолиятидан тортиб, дунёни якка қутб-лилик асосида бошқаришга қаратилган барча геосиёсий ҳаракатларгача назорат қилинишига алоҳида эътибор қаратилади. Бундай хулоса чиқаришга етарли асослар бор. Кўпгина таҳлилчиларнинг таъкидлашича, сўнгги 20–30 йилда жаҳон бўйича энергия истеъмоли анча кўпайган. АҚШ энергетика вазирлигининг маълумотларига кўра, 1993 ва 2015 йиллар оралиғида ёқилғининг энергия захираларига эҳтиёж камида 50

фоизга ортади. Бзежинский таъкидлаганидек, “Осиёдаги иқтисодий тараққиётга берил - ган туртки янги энергия захираларини излаб топиш ва улардан фойдаланишга катта таъсир кўрсатилишини англатади. Маълумки, Марказий Осиё ва Каспий минтақаси ҳудудларида табиий газ ва нефт захиралари жойлашган”. Энергия маҳсулотларига бўлган бундай катта эҳтиёж ва кўпгина давлатларда уларнинг танқислиги иқтисодиётини ушбу маҳсулотлар билан таъминлаш ҳаракатидаги давлатлар ўртасидаги ўзаро муносабатларнинг қандай бўлишини тасаввур этиш қийин эмас. Иккинчидан, халқаро муносабатларда кучлар мутаносиблигида жиддий ўзгаришлар юз берганини таъкидлаш жоиз. Эндиликда битта ёки бир неча йирик давлатлар гуруҳининг устунлигини ўрнатиб бўлмайди. Бунда дунёнинг барча нуқталаридаги куч марказлари, жумладан, ЕвроАзЭС давлатлари куч-қудрати, салоҳияти билан ҳисоблашишга тўғри келади. Давлатлараро муносабатлар амалиёти шундан далолат берадики, кучлар мутаносиблиги тамойилини тушунмаслик, уни тан олмаслик ёҳуд давлатнинг ташқи сиёсатида эътиборга олмаслик ва оғир оқибатларга олиб келиши мумкин. Кучлар мутаносиблиги ва ундаги жиддий ўзгаришларни инобатга олиш нафақат сиёсатнинг устувор йўналишлари, мақсад ва воситаларини ишлаб чиқишда балки халқаро муносабатлар ривожининг истиқболини башорат қилишда ҳам алоҳида аҳамият касб этади. Давлатларнинг ўзаро алоқадорлиги ортаётган, халқаро терроризм ва диний экстремизм хавфи кучаяётган ҳозирги даврда бу айниқса муҳимдир. Бугунги кунда дунёнинг кўпгина ҳудудларида ўзига хос минтақавий кучлар мутаносиблиги тизими қарор топган. Бундай тизим Марказий Осиёда ҳам шаклланган. У кўпгина давлатларнинг, жумладан, АҚШ ва Россия экспертлари ва таҳлилчиларининг эътиборини жалб этмоқда. Минтақавий кучлар мутаносиблигида рўй бераётган ўзгаришлар, аввало, унинг иштирокчилари, яъни Марказий Осиё республикалари учун муҳим аҳамият касб этади. Уларнинг бу тизимга мослашиши, ҳаракатлари, сиёсат юритиши нафақат ўзининг, балки бутун

минтақа ҳудудида хавфсизликни белгилаб беради. Зеро бу ердаги кучлар мутаносиблиги кўплаб йирик давлатлар таъсири билан белгиланади. Бу ўринда Ўзбекистон Президенти И . Каримов томонидан илгари сурилган “глобализмга регионализм орқали” ғояси долзарб аҳамият касб этади. Бизнингча, унда жаҳон сиёсатининг асосий йўналишлари жумладан, геосиёсий вазият, миллий манфаатлар, глобал ва минтақавий кучлар мутано - сиблигининг узвий боғлиқлиги ўз ифодасини топган. Қолаверса, бу ғоя глобаллашув жараёни келтириб чиқараётган муаммолар ҳал этиш, турли таҳдидларни минтақавий жипслик ва ҳамкорликни кучайтириш орқали бартараф этиш, демакки, мамлакатимизнинг халқаро майдонда муносиб ўрин эгаллаш, ҳар жиҳатдан тараққий этишига хизмат қилади. XX асрнинг сўнгги чорагида жаҳон миқёсида янги дунёвий тартибнинг қарор топиши, аввало, турли мамлакатлар иқтисодиётининг интеграциялашуви “геоиқтисодиёт»нинг шаклланиши билан узвий боғлиқдир. Бу жараённинг қуйидаги белгиловчи омилларини ажратиб кўрсатиш мумкин: “совуқ уруш”да ғолиб чиққан давлатларнинг ҳарбий қудратининг кучайиши; Шимолий Америка, Ғарбий Европа ва Шарқий Осиёда иқтисо- диётнинг жадал ўсиши; Трансмиллий корпорациялар ва нодавлат ташкилотлар мавқеи ва таъсирининг ошиши ривожланган ва “Учинчи дунё” мамлакатлар ўртасидаги зиддиятларнинг кескинлашуви; ривожланган давлатларнинг ривож-ланаётган давлатлар табиий бойликларини эгаллаш, ишчи кучи ва интеллек-туал захираларини жалб этиш ва ҳоказо. Глобаллашув жараёни айниқса молиявий ва иқтисодий соҳада жадал суръатлар билан кечмоқда. У аввало, табиий бойликлар ва савдо бозорлари устидан назорат ўрнатиш борасида рақобатнинг кескинлашувида намоён бўлади. Бу жараёнда давлатлар билан бир қаторда трансмиллий корпорациялар (ТМК) ҳам етакчи ўрин тутади.

Трансмиллий корпорациялар — индустриал ривожланган давлатларнинг глобал аҳамиятга эга бўлган кўп функцияли миллий трест ва концернлари, халқаро фирма, компания ва корпора-циялари. Улар фаолияти асосан иккинчи жаҳон урушидан кейин ривожлана бошлаб, ҳозирги даврда йирик ТМКлар кенг ташқи иқтисодий экспанция сиёсатини юритмоқда. Масалан, жаҳон миқёсидаги савдо ҳажмининг қарийб учдан икки қисми ТМК улушига тўғри келади, дунёдаги патентлар, лицензия ва ноу-хаулар - нинг бешдан тўрт қисми ҳам уларга тегишли. Мутахассисларнинг фикрича, 2004 йилда ер юзида 64 минг атрофида ТМКлар мавжуд бўлиб, уларнинг дунё бўйича 830 мингта филиаллари фаолият олиб борган. (Таққослаш учун рақамларга мурожаат этсак, 1939 йилда дунё миқёсида 30 та ТМК бўлган бўлса, 1970 йилда 7 мингтага, 1976 йилда 11 мингтага етган). Дунё миқёсида етакчи мавқега эга 100 та энг йирик ТМКлар халқаро савдонинг умумий ҳажмидан 16%ни назорат қилади ва бу ТМКларнинг учдан бир қисми АҚШга тўғри келади. ХХ аср сўнгида етакчи 100 та ТМКларнинг чет эллардаги активлари 1,4 трлн. долл. ташкил этди. Таъкидлаш лозимки, замонавий ТМКларга хос бўлган хусусият, бу “икки андозалик” ёндошувидир. Бир томондан улар дунё иқтисодий маконининг либераллашуви ва демократлашувидан манфаатдор бўлса, иккинчи томондан ТМК ичида дунёда мавжуд эркин бозор қонуниятлари ишламайди (бозор асосида эмас, балки корпорация стратегиясидан келиб чиқиб нархлар белгиланади). Умуман, ТМКлар фаолияти ўзлари жойлашган (рўйхатдан ўтган) давлат манфаатлари билан мустаҳкам боғланган бўлади. Йирик ТМКлар кўпгина мамлакатларда фаолият юритиб, ижтимоий ҳаётнинг барча соҳаларига таъсир этишга интилади. Айримлари эса муайян давлатларнинг иқтисодий ва сиёсий назоратидан бутунлай халос бўлишга ва биринчи галда, қандай йўллар билан бўлмасин, ўз моддий манфаатларини ҳимоя қилишга ҳаракат қилади. ТМКлар ва муайян мамлакат ҳукумати ўртасида зиддиятлар вужудга келган ҳолларда улар мазкур мамлакатни тарк этишиб бошқасига бориб жойлашади.

ТМКлар фаолиятидан ташвишга тушган жаҳон ҳамжамиятини тинчлантириш учун 70-80 йиллар мобайнида БМТ даражасида ТМКлар фаолиятини изга солиш, маҳаллий ишлаб чиқарувчилар манфаатларини ҳимоя қилиш мақсадида ўзига хос аҳлоқ кодексини ишлаб чиқишга уринишлар кўп бўлган. Бироқ, бу уринишлар ТМК вакилларининг қаттиқ зарбасига дуч келади ва 1992 йилда бу борада олиб борилаётган музокаралар тўхтатилади. Ваҳоланки, ТМКлар фаолиятида кўпгина, айниқса, ривожланаётган мамлакатлар иқтисодиётида қуйидаги салбий ҳолатлар намоён булади: - мамлакатнинг эскирган ва экологик жиҳатдан хавфли технологиялар ахлатхонасига айланиб қолиш эхтимоли; - мамлакат саноат ишлаб чиқаришининг энг ривожланган сегментлари ва илмий-тадқиқот тузилмалари, истиқболли маҳаллий корхона ва фирмаларни эгаллаб олиниши хавфи; - маҳаллий компанияларга нисбатан ТМК манфаатларига мос истиқболли йўналишларни тиқиштирилиши мумкинлиги; - иқтисодий ёки молиявий инқироз юз берган ҳолларда корхоналарнинг ёпилиши, ишлаб чиқаришнинг қисқариши, ишсизликнинг кучайиши; Бундай ҳолларда ТМКлар сармоясини мамлакатдан олиб чиқиб кетишга ҳаракат қилади; Маълум бўладики, ТМКлар жаҳон иқтисодиётининг интеграциялашуви, замонавий техника ва технологияларнинг ривожига ҳисса қўшсада, миллий иқтисодиёт тараққиётига салбий таъсир этаётганидан кўз юмиб бўлмайди. Хулоса қилиб айтганда, жаҳон хўжаликлараро алоқаларида ТМКлар анча мураккаб ва жадал ривожланиб келаётган ҳодисадир. Урушдан кейинги ғарбий Европа, Япония ва “янги индустриал мамлакатлар”нинг босиб ўтган йўли шуни кўрсатадики, ТМКлар билан рақобатга дош бериш учун миллий капитал фаол ташқи иқтисодий сиёсат олиб бора оладиган бақувват молиявий ва саноат тузилмаларига бирлашмоғи лозим.

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008. 6. Глобалистика международ ный междисциплинарный энциклопедический словарь. –Москва-Санкт-Петербург-Нью-Йорк.: 2006. 7. Баходир Зокир. Глобаллашув зиддиятлари. // Тафаккур, 2004, 1-сон

O'xshashlar

Глобаллашув ва модернизация

Глобаллашув ва ахборот технологиялари

Глобаллашувнинг назарий асослари

Сиёсий институтларнинг глобаллашуви

Фан ва таълимнинг глобаллашуви