Фан ва таълимнинг глобаллашуви - Sotsiologiya - Referatlar

Фан ва таълимнинг глобаллашуви

Yuklangan vaqt:

20.09.2019

Ko'chirishlar soni:

0

Hajmi:

67 KB

Ko'chirib olish

Фан ва таълимнинг глобаллашуви Режа: 1. Ҳозирги давр фан и нинг глобал имкониятлари. 2. Таълим глобаллашувининг зиддиятли характери . 3. Таълимнинг ривожланишида ахборотлашувнинг роли . 4. Таълимнинг глобаллашувида ўқув дастурларидаги мувофиқликка аҳамияти.

Фан ва таълимнинг глобаллашуви Таърифлардан бирида глобаллашув Ер курраси бўйлаб ёйилаётган коммуникация ва айирбошлаш тармоқлар орқали ва улар туфайли минтақавий хўжаликлар, жамиятлар ва маданиятлар бир бири билан яқинлашиб, бир бирига сингиб кетганлигини ифода этади, дейилади. Ф.Толиповнинг “глобал тараққиёт деганда биз кишилар ҳамжамиятларининг ҳаётий фаолияти натижасида жаҳон миқёсида содир бўлаётган ва бутун инсоният тараққиёти учун тизимий аҳамиятга эга сиёсий, иқтисодий, ижтимоий, маданий, экологик, психологик ўзгаришлар мажмуини тушунамиз” 1 , деган таърифи глобаллашувнинг асосий жиҳатларини қамраб олади, деб ҳисоблаймиз. Глобаллашув аломатлари қадим замонлардан бери кузатилади. Қадимги ва ўрта асрлар империялари тарих қатларида қолиб қетган бўлса-да, ўша даврлардаги глобаллашув тамонига бўлган силжишлар сақланиб қолди. Бунга бир мисол Ипак йўли бўлса, бошқа мисол сифатида Чингизхон империясида барпо этган почта хизматини кўрсатиш мумкин. Аммо хусусий, тор маънода глобаллашув, деб энг охирги давр юритилади. Глобализация 19-асрининг 60-йиларидан бошлаб ёнқин намоён бўлди. Бошқа фикрларга кўра глобализация 19-асрнинг охирида бошланиб, ўтган асрнинг охирги чорагида жадаллашди. 2 Глобаллашув трансмамлакат корпорацияларининг тез суръатлар билан кенгайиши ортидан хўжаликларнинг “ўсиш-ё-ўлиш” динамикасини ифода этувчи системик тенденциянинг натижасидир, деган фикр билдирилган. 3 Ўз навбатида бу тенденция трасмамлакат корпорацияларнинг жадал ўсиб бориши билан боғлиқдир. Иқтисодий контекстда глобаллашув товарлар, сармоя, хизматлар 1 Толипов Ф. Стратегическая роль Центральной Азии в глобализирующемся мире // Caucasus and Central Asia in the Globalization Process. International Conference/ 12-13 May, 2003, Baku. C. 169. Равшанроқ бўлиши учун иқтисодий глобаллашув жиҳатлари сифатида техникавий глобаллашувни, ижтимоий глобаллашув доирасида ҳуқуқий/ахлоқий ва диний ва мазкур барча соҳаларга тааллуқли информацион глобаллашувни кўрсатиш жоиз бўлур. 2 Summary of the Annual Review of Developments in Globalization and Regional Integration in the Countries of the ESCWA Region by the United Nations Economic and Social Commission for Western Asia 3 “Globalisation, the reformist Left and the Anti-Globalisation ‘Movement’”, Takis Fotopoulos, DEMOCRACY & NATURE: The International Journal of INCLUSIVE DEMOCRACY, Vol.7, No.2, (July 2001)

ва ишчи кучи оқимини осонлашритиш мақсадида давлатлар чегараларидаги тўсиқларни бартараф қилиш ёки сезиларли даражада пасайтиришни англатади. Тор маънодаги глобаллашув савдо-содиқ, бевосита чет эл инвестициялари, капитал оқими, миграция орқали мамлакатлар хўжалигининг бир интернационал хўжаликка интреграллашувни англатади. Кенг маънодаги глобаллашувга ғоялар, тиллар ва оммабоп маданиятнинг мамлакатлараро алмашинуви ҳамроҳ бўлади. Ўзбекистон глобаллашув жараёнидан четда қолмади. Ипак йўлининг бир неча маршрути ҳозирги Ўзбекистон еридан ўтган, Самарқанд ва Бухоро Ипак йўлидаги йирик савдо марказлари сифатида жаҳонга танилди. Ҳозирги Ўзбекистон ери халқаро тижорат йўлларининг чорраҳаси сифатида ўз аҳамиятини кеч ўрта асларгача сақлаб келди. Ушбу глобаллашув натижаси ўлароқ Марказий Осиё ерларида маънавий соҳада диний толерантлик, илм- фанга чарқоқлик вужудга келган, ислом диний тафаккури ва грек фалсафаси кириб келган бўлса, хўжаликда ипакчилик ва пахтачилик ривожланди, муайян маҳсулот экпорт қилинди. Салбий оқибатлар ҳам йўқ эмас эди – “миялар сизиб кетишининг” илк кўринишлари, ялпи ички маҳсулотнинг бир қисми марказга тўлов сифатида олиб кетилиши, масалан. Россия истилоси билан глобаллашув жадаллалашди ва бошқа йўналиш олди. Туркистон ойкуменаси деформацияга учради. Иқтисодда пахтачилик ва ипакчилик кўлами ошган, темир йўллар ва шулар асосида пахтага дастлабки ишлов бериш, механик ишлаб чиқариш пайдо бўлган бўлса, турмуш тарзига европача унсурлар кира бошлади ва кўпайиб борди. Маънавий соҳада таълим тизимини ислоҳ қилиш ғоялари, янги усул мактаблари, драматургия жанри, театр юзага келди. Сиёсий соҳада конституциявий монархия, империя табааларининг миллати, динидан қатъи назар тенгҳуқуқлиги ғоялари муҳокама қилина бошлади. 4 Мустақиллик Ўзбекистон учун ойкуменани кенгайтириб халқаро муносабатларнинг тўлақонли қатнашчисига айланишга 4 Бу мавзуларда кўп сонли адабиёт мавжуд. Қаранг, масалан: Маслакдошлар./Тўплам- Т.- 1994; Adeeb Haleed. Jadeedism in Central Asia. Boston, 2000.

имкон яратди, республика БМТга, кўпчилик халқаро шартнома, конвенция, уларга қўшимча протоколлар ва ҳоказоларга аъзо бўлди. Барча глобаллашув жараёнларида иқтисодий глобаллашув етакчи аҳамиятга эга. У таълим соҳасидаги глобаллашувни ҳам белгилайди. Бир томондан ишлаб чиқариш ва бошқарув соҳаларида бир хил билим, қўникма ва усуллар талаб қилинади. Бошқа томондан таълим соҳасининг ўзи ҳам глобал бозор ва рақобат шароитида фаолият кўрсатиши керак. Юзага келган муаммоларга жавобан масофадан таълим, умр давомида таълим ва Болонья жараёни, деб юритиладиган чоралар вужудга келди. Глобаллашган хўжалик ва трансмамлакат корпорациялар бир мамлакатда таълим олиб бошқа мамлакатда, ундан яна учинчисига ўтиб ишлай оладиган мутахассисларни талаб қилади. Юқоридагиларда ахборот коммуникация технологиялари турли миқёсда бўлса-да, катта аҳамият қасб этади. 5 Болонья жараёни бир томондан яқинлашув ва мувофиқлаштирув орқали рақобатбардошликни оширишга қаратилган бўлса, бошқа томондан Европа маданияти ва маънавиятини асраб қолишга қаратилган. Булар Болонья баёнотининг асосий тамойилларида акс эттирилган: ишга жойлашиш имконияти билан гражданлар мобиллигининг асосий йўналиши сифатида олий таълим Европа зонасини қўриш; Европанинг интеллектуал, маданий, ижтимоий ва илмий ва техникавий салоҳиятини мустаҳкамлаш, Европа олий таълимининг дунёдаги обрўини ошириш; талабалар, маблағ, таъсир борасидаги Европа олий ўқув юртларининг рақобатбардошлигини таъминлаш; университетлар Европа онгининг ташувчилари сифатида қараладиган Европа маданий қадриятларини ривожлантиришда университетларнинг марказий ўрнини ошириш; олий таълимда Европача қарашларга кўмаклашиш, таълим ва тадқиқот соҳаларида ҳамкорликни рағбатлантириш. 6 Болонья тамойиллари методологик аҳамият касб этади: 5 Қаранг, масалан Джон Х.Найт. Мировой образовательный рынок XXI века. // Информационные технологии в высшем образовании. Международный научно-практический журнал. Том 1.- №2.- 2004.- с. 12-14. 6 Болонья жараёнига танқидий қарашлар ҳам йўқ эмас. Масалан таълим сифати пасайиб бориши ҳақида фикрлар бор, аммо бу мавзуимизга кирмайди.

Мамлакатлар орасидаги тавофутларга қарамай, Европа ташки дунё қаршисида ягоналикка интилади. Глобаллашув, таъбир жоиз бўлса, давр талаби билан узлуксиз таълим, масофадан таълим ғоялари Марказий Осиё, хусусан Ўзбекистонда ҳам ривожлана бошлади. Давлат томонидан АКТ ривожига эътибор берилиб ҳуқуқий замин яратилди. Бошқа томондан Европа Иттифоқи дастурлари асосида Марказий Осиёда олий таълим соҳасида АКТни қўллаш кўлами ошириб борилди. 7 Бундай ривожланиш натижасида, умуман олганда, Ўзбекистон гражданлари масофадан таълим орқали чет эл университетларида таҳсил олишлари мумкин. Шу ўринда муайян масалаларни кўриб чиқиш керак бўлур. Биринчидан, таълим тили масаласи. Болонья жараёнида тил масалалари очиқ кўриб чиқилмаган. Имплицит равишда жараён Ғарбий Европанинг йирик миллатлари тили фойдасига амал қилади. Марказий Осиёлик талабалар шунда асосан инглиз тили орқари таълим оладилар. Чет эл университетлар таълим мундарижасида Марказий Осиё халқлари қадриятлари акс эттирилмаган. Яъни, миллий қадриятларга зарар етади. Тақиқ йўли билан бу имкониятни бекор қилиб бўлмайди. Таълим глобаллашувининг салбий оқибатларига қариш туриш учун Марказий Осиё “болонья” жараёнини йўлга қўйиш лозим, Марказий Осиё онгини шакллантириш ва ривожлантириш керак. Университетлар эса бу жараёнда, Европада мўлжаллангандек, марказий ўринда туриши керак. Таълим сифати орқали рақобатбардошликни таъминлаш мумкин. Парадоксдек туюлса ҳам, юқоридаги мақсадга эришиш учун ахборот коммуникация технологияларини янада ривожлантириш ва электрон ўқув муҳитини Марказий Осиё миқёсида ривожлантириб, таълим тизимларини яқинлаштириб бориш зарур. Электрон ўқув муҳитини тўла кўламда 7 Қаранг, маслан: Каримходжаев А., Норбоев Т., Акрамов С., Опыт создания электронной среды обечения в НУУз. // Информационные технологии в высшем образовании. Международный научно-практический журнал. Том 3.- №1.- 2006.- с. 48-53; S . Akramov , A . Karimkhodjaev , G . van Zantvoort . E-resource management as part of E-learning environment // Improvement of the university Quality Management System through the Development of E-Resource Management Techniques. Tashkent, 2009. p.p.5-20, ва бошқалар.

ривожлантириш керак. Яъни Интернетдан рефератлар излаш, электрон шаклдаги дарсликлардан фойдаланиш ва шу кабилардан тўла кўламли интерактив усуллар ва билимни текшишиш тизимига ўтиш лозим. Глобаллашув атамаси ўтган асрнинг 80 йилларидан кенг қўлланила бошланди. Аммо, унинг салоҳияти, мазмуни, оқибатлари тўғрисида хилма- хил фикрлар шунчалик кўпки, натижада ҳар бир муаллиф ўзининг мафкуравий қарашларига кўра ва ўз фанининг предметидан келиб чиқиб, ўз қарашини, тушунчасини ифода қилади. Глобаллашув тушунчасига берилган таърифларни умумлаштириб, муҳим хусусиятларини ажратиб кўрсатсак унинг, қонуний, обектив жараён эканлиги ҳозирги даврда сифат жиҳатидан янги белгилар касб этганлиги, янги транспорт, коммуникация, ахборот воситалари ва технологияларини қўллаш натижасида мамлакатларнинг у ёки бу фаолиятларини, маълум мақсадларини амалга ошириш учун жуғрофий маконнинг минимал даражага қисқарганлигини, ижтимоий вақтнинг кечишини эса бенихоят тезлашганлигини қайд қилиш зарур. Глобаллашув жараёнининг афзалликлари билан бир қаторда инсониятга таҳдидлари ҳам мавжудлиги умум эътироф этилган фикрдир. Бу таҳдидлар иқтисодий ва сиёсий муносабатлар соҳасида кескин, яққол намоён бўлмоқда. Аммо иқтисодий глобаллашувнинг таҳдидлари ва уни хал қилиш йўллари тўғрисида ўзаро тафовутли, ҳатто қарама-қарши фикрлар талайгина. Техникавий, технологик коммуникация ахборот ва бошқа соҳалардаги глобал жараёнлардан ривожланган мамлакатлар асосан ўз иқтисодий манфаатлари йўлида фойдаланмоқдалар. Ҳозирги даврда жаҳон миқёсида қарор топган иқтисодий тартибот ривожланган ва ривожланаётган мамлакатлар ўртасидаги тафовутни, номутаносибликни кучайтириб бормоқда. Шу муносабат билан истиқболда жамиятни, цивилизацияларни нима кутаётганлиги хақида турли фаразлар айтилмоқда. Цивилизациялар тўқнашуви, иқтисодий, технологик ва ахборот неоколонеализми, диний ва этник конфликтлар хақидаги тахминлар шулар жумласидандир.

Ўзбекистон Президенти И.Каримов ўзининг “Юксак маънавият- енгилмас куч” асарида глобаллашув жараёнининг моҳияти, оқибатлари ҳақида тўхталар экан, уни “...ҳаёт жараёнларининг беқиёс даражада тезлашуви демакдир” 8 деб баҳо берган эди. Шундай экан, ўзгариб бораётган ҳаёт талабларига мослашиш, шу билан бир қаторда ҳар бир инсон, миллат ўзлигини сақлаб қолиш учун ўзининг мустаҳкам эътиқодига, нуқтаи назарига эга бўлмоғи, бошқаларнинг эътиқоди ва нуқтаи назарини ҳурмат қилмоғи лозим. Мабодо турли эътиқодлар ва нуқтаи назарлар бирдек қадрланмас экан, бирини кучсизлантириш ҳисобига иккинчиси кучаяди, ҳаётнинг моҳияти, гўзаллигининг ўзига хос ифода шакли бўлган ранг-баранглик, такрорланмаслик инкор қилинишга олиб келади. Ривожланган ғарб давлатлари томонидан дунёни экспансия қилиш бошланганидан бери ана шундай нуқтаи назар, тамойил устувор бўлиб келган. Бунинг қандай оқибатларга олиб келганлигини жамиятнинг барча соҳаларида яққол кўришимиз мумкин. Бугун биз яшаётган аср фан, техника, ахборот ривожланганлиги ва шу билан бирга глобаллашув жараёнлари ўсаётган давр ҳисобланади. ХХI асрда инсоният катта ютуқларга эришди ва эришмоқда ҳам. Аммо шу билан бирга бугунги кунда инсониятнинг ер юзида узоқ яшаши ва фаолиятини чегаралаётган муаммолар доираси ҳам борган сари кўпайиб бормоқда. Бугун инсоният ва атроф муҳитга ҳавф солаётган бир нечта муаммоларни глобал муаммолар дейиш мумкин. Экологиянинг бузилиши, СПИД, наркобизнес, ядровий қуроллар, ва одам савдоси ҳамда очлик каби муаммолар ҳозирда фақатгина бир давлат бир миллат доирасидагина эмас, балки ер юзида мавжуд бўлган барча миллатлар қолаверса, бутун инсониятга ҳавф солмоқда. Умуман глобализация ва глобал жараёнлар ХХ аср охири ХХI аср бошларига келиб кучая бошлади. Глобализм атамаси охирги юз йилликда тобора катта аҳамият касб эта бошлади. Хусусан «глобал» тушунчасининг луғавий маъносига эътибор қаратадиган бўлсак «умумий», 8 И.Каримов. Юксак маънавият-енгилмас куч. –Т.: Маънавият, 2008. Б.111.

«глобус», «ер шари» каби тушунчаларга дуч келамиз. Демак, глобализм тушунчаси ана шу ҳар икки маънода ҳам бевосита инсоният ҳаёти ва тақдири билан боғлиқ бўлган катта муаммоларни, «сайёравий», «умумсайёравий», «умуминсоний», «дунёвий» муаммоларни, «умумпланетар аҳамиятга эга бўлган масалалар» ва глобал тараққиёт истиқболларини ўзига қамраб олади. Ижтимоий фанларда ушбу масалаларни ёритиш ва тадқиқ этиш эса афсуски анча кеч бошланди. Чунки юқорида айтиб ўтилган муаммолар фақатгина айрим миллат ва давлатларга тегишли деган дунёқараш мавжуд эди. Ва шунинг учун ҳам бу каби масалалар ҳаммани қизиқтирмас эди. Кейинчалик эса глобал муаммолар ечими долзарб ва бутун дунё учун ҳавфли эканлиги англана бошланди. Ҳозирги замонда мутаффаккирлар ва олимлар ер сайёраси миқёсида ягона цивилизация қарор топаётганлиги хусусида тобора кўпроқ гапирмоқдалар. Фан ва амалиётда бу ғоянинг мустаҳкам ўрин олиши билан «глобализация» атамаси қўлланила бошланди. Глобализация социумнинг барча соҳаларини қамраб олиб, ижобий жиҳатлари билан бирга қатор жиддий муаммоларни ҳам туғдирди 9 . Ҳозирда уларнинг муайян қисмини «ҳозирги даврнинг глобал муаммолари» деб аташ мумкин. Ер юзида тинчликни сақлаш, термоядро урушининг олдини олиш ва адолатли халқаро иқтисодий тартибот ўрнатиш; атроф муҳитни самарали муҳофаза қилиш (экологик муаммо); аҳоли сони ва таркиби билан моддий ва маънавий қадриятлар яратилиши мутаносиблигига эришиш (демографик муаммо); очлик, қашшоқлик ҳамда қолоқликни тугатиш учун юксак ривожланган ва улардан кейинда қолган мамлакатлар ўртасидаги кескин фарқни бартараф этиш; хавфли касалликларни тугатиш; инсон маънавий муҳити софлигини таъминлаш (этикология муаммоси) ва ҳокозолар.Шунингдек глобал муаммоларни келиб чиқиши мавжудлиги ва ҳал этилишига кўра қуйидаги гуруҳларга бўлиш мумкин: биринчиси – бу кишилар уюшган жамиятнинг табиати турли минтақалар давлатларининг (масалан Шарқ, Ғарб, Жануб–Шимол ривожланган ва ривожланаётган 9 Жўраев Н Тарих фалсафасининг назарий асослари -Т.: Маънавият, 2008. 396 бет

мамлакатлар) хилма-хил манфаатлари мажмуи билан боғланган, бошқача айтганда, байнал ижтимоий жараёнлар ижтимоий ўзаро муносабатлар туғдирган муаммолардир. Иккинчи гурухга инсон ва у мансуб бўлган жамият тизимида юзага келган муносабатларни ифодалайдиган муаммолар киради.Учинчиси ўз ичига «жамият – табиат» тизими доирасидаги муносабатлар туғдирган муаммоларни олади. Глобал муаммоларнинг бу гуруҳлари ўзаро бир-биридан фарқ қилса-да, инсон, унинг ҳаёти, шарт-шароитлари ва келгуси ривожи жиҳатидан яхлитлик, умумийлик касб этади.Иккинчи умумийлик у ёки бу даражада ҳозирги даврнинг бош омили – фан-техника тараққиёти билан алоқадорликда кўринади.Фанда эришилган кашфиётлар тезда янги технология яратишни таъминласа, ўз навбатида техника ривожланиши ҳам фанда янги ўзгаришларни содир этишга жиддий туртки бермоқда. Энг ачинарлиси шуки эришилган кашфиётларни ким қандай мақсадларни кўзласа, ўшаларга татбиқ этилмоқда. Шунинг билан бирга ҳозирги пайтда инсоният маънавияти, унинг софлигини асраш ижтимоий ривожланишнинг ички жараёнлари туғдирган яна бир глобал муаммо сифатида майдонга чиқмоқда. Бунга мисол қилиб зўравонлик ва нафратнинг кишилар ўртасидаги муносабатларда чуқур илдиз отиб, маънавий муҳитни заҳарлаётгани ҳамда инсониятни ахлоқий фалокат сари етаклаётганлигини келтириш мумкин. Маънавий муҳитини булғашда кейинги вақтларда айниқса ичкиликбозлик ва бангиликнинг ўрни катта бўлмоқда.Кўпгина мамлакатлар бу хил моддаларни тарқатганлик учун оғир жазо белгиланганлигига қарамай, ер юзи аҳолисининг муайян қисмида бангиликка ружу қўйиш авж олган. Шунингдек бугун ривожланган ва ривожланаётган мамлакатларда сил, безгак каби касалликлар кенг тарқалиб, буларнинг қаторига ҳозирда инсоният ва унинг ҳаётига нуқта қўяётган СПИД ҳам қўшилмоқда. Касалликларнинг глобал муаммо бўлиб қолганлиги яна шунда кўринадики, cаноати юксак ривожланган мамлакатларда юрак-томир, асаб-руҳий, рак ва бошқа хасталиклар кўпайиб бормоқда. Демак глобал муаммоларни юзага келишида инсон ва унинг эҳтиёжлари асосий сабаб

бўлиб қолмоқда. Глобал муаммоларнинг энг асосийлари тафсифларидан ҳам кўриниб турибдики,бундай бўҳронларни бартараф этиш нафақат мураккаб, балки бир хил ечимга ҳам эга эмас. Шу билан бирга инсоният буларни ҳал этиш чораларини тинимсиз изламоғи лозим. Шунингдек инсоният глобал бўҳронларни бартараф этиш учун аввало юқори даражадаги тафаккурга эга бўлиши шартдир 10 . Яьни, маънавий юксаклик ва чуқур гуманизмга эга бўлиш. Замонавий инсонпарварлик эса энг камида учта асосга: глобаллашувни англашга, зўравонликдан воз кечишга ҳамда адолатлиликка таянади. 10 Қаҳҳорова Ш. Глобал маънавият – глобаллашувнинг ғоявий асоси. -Т.: 2009. –Б.10

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008.

O'xshashlar

Ахлоқ ва маданиятнинг глобаллашуви

Жиноятнинг глобаллашуви

Спортнинг глобаллашуви

Сиёсий институтларнинг глобаллашуви

Миграция жараёнларининг глобаллашуви