Doni Zokirov nomidagi davlat xalq cholg‘ulari orkestrining yangi izlanishlar davri - Musiqa - Referatlar

Doni Zokirov nomidagi davlat xalq cholg‘ulari orkestrining yangi izlanishlar davri

Yuklangan vaqt:

20.09.2019

Ko'chirishlar soni:

0

Hajmi:

1179.5 KB

Ko'chirib olish

Doni Zokirov nomidagi davlat xalq cholg‘ulari orkestrining yangi izlanishlar davri Reja: 1. O‘zbekiston kompozitorlarining 1990-yillarda yaratgan aksariyat asarlarida ma’naviy tiklanish g‘oyasi ilgari surilgan 2. D.Zokirov orkestri uchun maxsus yaratilgan asarlardan yana biri bu M.Bafoevning Xurshid Davron librettosi

O‘zbekiston kompozitorlarining 1990-yillarda yaratgan aksariyat asarlarida ma’naviy tiklanish g‘oyasi ilgari surilgan edi. Shu bois ham bu asarlarda ko‘proq o‘tmish manbalariga, xalq qahramonlariga murojaatlar, Vatanga bo‘lgan muhabbat kabi mavzularning ustivorligi kuzatiladi. Bu jarayon M.Bafoev, T.Qurbonov, F.Alimov, Q.Komilov kabi kompozitorlarning asarlarida o‘z ifodasini topganligini e’tirof etish lozim. O‘z navbatida, bunday urinishlar musiqa ijodiyotida yangi shakl va janrlarni yuzaga keltirdi. Yangi shakl va janrlardagi asarlar esa, tabiiyki, ijrochilik san’ati oldiga yangi vazifa va maqsadlarni qo‘yadi. Oldingi asarlarda orkestrning to‘la ijrosi ko‘proq qo‘llanilgan bo‘lsa, so‘nggi paytlarda kompozitorlar orkestrdan unumli foydalanib, aniq maqsad sari turli guruhlarni qo‘llaydilar. Aniqrog‘i, yangi mavzu, yangi tembr va yangi ijroviy uslublarni keng joriy etmoqdalar. Xalq cholg‘ulari orkestrining xor jamoasi bilan hamkorligi ham yangi tembr va yangi bo‘yoqlarni kashf etilishiga sabab bo‘ldi. Xorning xalq cholg‘ulari orkestrida turli ko‘rinishda (asosiy yoki jo‘rnavoz va “fon” sifatida) ishlatilishi esa betakror, serjilo ohanglar va tembrlarni taratadi. Kompozitorlarning zamonaviy asarlarida impressionizm an’analariga tayanish tamoyili ham yaqqol sezilib turadi. Chunki ramziy ma’no kasb etuvchi turli ladlar, rang-barang bo‘yoqlar uyg‘unligi orkestr ijrosida behisob zamonaviy jozibalar mujassam bo‘lishiga va yangidan yangi ijrochilik imkoniyatlari kelib chiqishiga ham sabab bo‘lmoqda. Binobarin, 1990-yillar O‘zbekiston kompozitorlik ijodiyotini turli san’at va janrlarning o‘zaro uyg‘unlashuvi ustivor bo‘lgan davr sifatida e’tirof etish mumkin. Bunga M.Bafoevning “Nodira” telebaleti va “Buxoroi-Sharif” teleoperasi hamda Q.Komilovning “Ozod Vatan” oratoriyasi misol bo‘la oladi. Oratoriya janriga murojaat qilish 90-yillarda tabiiy holga aylangan bo‘lsa, telebalet va teleopera janrlarining yuzaga kelishi xalq cholg‘ulari orkestri ijrochiligi tarixida yangilikdir. Teleopera va telebalet orqali orkestr dramatik funksiyalarni bajarishga ham jalb etildi. Shu bilan birga epik shakldagi qahramonlarni ham ta’riflab berdi. Bunday asarlar xalq cholg‘ulari orkestrida azaldan muammo bo‘lib kelgan repertuar masalasini ma’lum darajada hal qilishga, qolaversa, orkestr ijroligini

keng ommalashishiga ham ko‘mak berdi, desak mubolag‘a bo‘lmaydi. “Nodira” telebaleti, “Buxoroi-Sharif” teleoperasi, “Bir siqim tuproq” poemasi va “Ozod Vatan” oratoriyalari orkestr ijrosiga xos go‘zal an’analarni o‘zida mujassam etgan, milliy ruh bilan yug‘irilgan yoqimli tarannumga ega asarlardir. Buning natijasida orkestr ijrosida bir qancha yangi yo‘nalishlar vujudga keldi. Buni ikki asosiy yo‘nalishga bo‘lishimiz mumkin. Birinchi yo‘nalish Evropa san’atida qaror topgan janr va shakllarning milliy mavzular bilan uyg‘unlashuvida, ikkinchisi esa har xil ijro yo‘lidagi badiiy jamoalarning birgalikdagi ijrosida kuzatiladi. Birinchi yo‘nalishga, masalan, M.Bafoevning “Buxoroi-Sharif” teleoperasi, “Nodira” telebaleti, Q.Komilovning “Ozod Vatan” oratoriyasi kabi asarlarni misol tariqasida keltirish mumkin. Ikkinchi yo‘nalishda, M.Bafoevning Sohibqiron Amir Temur tavalludining 660 yilligiga bag‘ishlangan “Buyuk ipak yo‘li” shou musiqali asarida simfonik orkestr bilan birga chang-qovuz, ud, qonun, nay, nog‘ora, doyra kabi o‘zbek xalq cholg‘ularining ishlatilishini, “Buxoroi-Sharif” teleoperasida esa o‘zbek xalq cholg‘ulari orkestri tarkibiga fortepiano cholg‘usining kiritilishini, K.Komilovning besh qismli “Ozod Vatan” oratoriyasida o‘zbek xalq cholg‘ulari orkestri simfonik orkestrning kamonli cholg‘ular guruhi va xor jamoasi bilan birgalikda ijro etishini ko‘ramiz. Qolaversa, orkestr jamoalari teatrlashtirilgan ommaviy sahnalarda ham ishtirok etmoqdalar. Ana shunday asarlarni yaratayotgan va ularni keng xalq ommasiga etkazib berishda orkestr bilan faol ish olib borayotgan ijodkorlardan biri, O‘zbekistonda xizmat ko‘rsatgan san’at arbobi, A.Qodiriy nomidagi Davlat mukofotining sovrindori M.Bafoevdir. Musiqa ijodiyotiga xos janrlarning barchasida M.Bafoev qalam tebratgan, desak mubolag‘a bo‘lmaydi. U qaysi janrda ijod qilmasin, asarning kattakichikligidan qat’iy nazar, asosiy e’tiborini uning shakliga emas, balki mazmuniga jalb etadi. Shu bois ham uning asarlarini tinglaganda, darhol milliylik ruhi sezilib turadi. M.Bafoev o‘z bastakorlik mahorati bilan evropacha shakllarni Sharqona mazmun bilan uzviy bog‘laydi, ya’ni evropacha madaniyatni Sharq madaniyati bilan

chambarchas bog‘lash natijasida ajoyib asarlar yaratilishi mumkinligini o‘z ijodi orqali isbotlaydi. Vatan, tarixiy voqealar, tarixiy qahramonlar, buyuk shaxslar va tarixiy obidalarni madh etuvchi qator asarlarning yaratilishi shular jumlasidandir. Mana shunday asarlardan biri M.Bafoevning bir pardali “Nodira” telebaletidir. Tarixiy shaxslarni madh etuvchi ushbu asar Yulduz Ismatova librettosi asosida 1992-yilda yozilgan. Asar mazmuni quyidagicha: Umarxon saroyida shoira Uvaysiy yashaydi. U saroydagi kanizaklarga, ya’ni qizlarga she’r yozishni, o‘qishni kattalar bilan muomala qilishni o‘rgatadi. Ular ichida Nodira degan qiz shoh Umarxonni sevib qoladi va istirobda yashaydi. U she’rlar yozib shoh huzuriga kiradi. Shoh uni bir, ikki, uch marotaba qaytaradi. Mening she’rlarim unga yoqmas ekan, men shoira bo‘la olmayman deb kuyinadi. Ustozi Uvaysiy unga dalda beradi va o‘z maslahatlari bilan kuch bag‘ishlaydi. Nodira yana ilhomlanib she’r yozadi va nihoyat Umarxonga uning she’rlari yoqib qoladi. U Nodiraga nisbatan muloyim bo‘ladi. Xullas, ular ikkovlari til topishadi va nihoyat ularning to‘ylari bo‘ladi. To‘ydan keyin esa Nodira irodali mardonovor xarakterda bo‘ladi. Shoh esa oldingi shahdidan pasaygan, lekin Nodiraga hurmat ila muomalada bo‘ladi. Nodira birdan oldingi davrini eslaydi va asar boshida yangragan lirik mavzu bilan telebalet yakunlanadi 1 . D.Zokirov orkestri uchun maxsus yaratilgan asarlardan yana biri bu M.Bafoevning Xurshid Davron librettosi asosida ijod etgan “Buxoroi-Sharif” teleoperasidir. Buxoroning 2500 yilligiga bag‘ishlangan mazkur asar ikki doston va yigirma ikki naqshni o‘z ichiga oladi. Teleopera ilk bor 1997-yili Buxoro shahrining yubileyiga bag‘ishlangan konsertda lavhalar tarzida ijro etilgan. O‘zbekiston televideniesining “Yoshlar telekanali” fondida shu asar asosida suratga olingan ikkita videofilm mavjud. Lekin ularga faqat ayrim naqshlargina kiritilgan, xolos. 1 А . Та shmatovaning Doni Zokirov nomidagi davlat xalq cholg‘ulari orkestri nomli Monografiyasida asar haqida batafsil ma’lumot berilgan. 77-84 betlar.

M.Bafoev xalq cholg‘ulari orkestri uchun birinchi bo‘lib teleopera va telebalet yozgan izlanuvchan ijodkordir. Uning doston janriga xos badiiy xususiyatlar bilan ishlangan “Buxoroi-Sharif” teleoperasi asosan konsertlarda va videofilmlarda namoyish etiladi. Teleoperaning bosh qahramoni baxshi bo‘lib, u asarni boshlab beradi hamda birin-ketin kelgan qismlarni bir-biri bilan o‘zaro bog‘lab boruvchi “ko‘prik” vazifasini bajaradi. Birinchi doston Buxoroning tarixi, uning tarixiy obida va yodgorliklariga bag‘ishlangan. Ikkinchisida esa Buxoroda ijod etgan tarixiy shaxslarning yorqin siymolari madh etiladi. Teleoperada dostonchi, badiiy o‘qish ustasi, orkestr, xor, yakkaxon xonanda va sozandalar ishtirok etadilar. Partitura xalq cholg‘ulari orkestrining katta tarkibiga mo‘ljallab yozilgan. Orkestr ohanglarini yangi buyoq va o‘zgacha tembr bilan boyitish maqsadida fortepiano cholg‘usi kiritilgan. Shuningdek, u kompozitor tasavvur etgan cholg‘ularning o‘rnini ham to‘ldi radi. Har bir xonanda esa ma’lum bir qahramon yoki tarixiy shaxsni madh etadi va ko‘z o‘ngimizda o‘sha obraz gavdalanadi. Birinchi doston – to‘qqizta, ikkinchisi – o‘n uchta naqshdan iborat 2 . Qahramon Komilovning “Ozod Vatan” oratoriyasi 1999-yili shoir Muhammad Ali so‘ziga yozilgan. Besh qismdan iborat bo‘lgan asar quyidagicha nomlangan: Birinchi qism “Ozod Vatan”, ikkinchi qism “Otabek”, uchinchi qism “Fitrat”, to‘rtinchi qism “Cho‘lpon qo‘shig‘i” va beshinchi qism “Ozod Vatan”. Oratoriyada xalq cholg‘ulari orkestri, xor, yakkaxonlar, dutorchilar qizlar ansambli va estrada simfonik orkestrining kamonli cholg‘ular guruhi ishtirok etadi. Birinchi qismda muallif Amir Temurning harbiy yurishlarini ifoda etishga harakat qilgan. Ikkinchi qism A.Qodiriyning “O‘tgan kunlar” romani qahramoni “Otabek” haqida bo‘lib, u Kumush bibi vafotidan so‘ng, rus bosqinchilariga qarshi kurashish uchun Turkistonga yo‘l oladi. Shu erda qo‘shin to‘plab, jangga otlangani ifodalanadi. Uchinchi qism “Fitrat” deb nomlangan. Bu qismda muallif taniqli ma’rifatparvar shoir Abdurauf Fitrat hayotini ifodalashga harakat qiladi. Fitrat Toshkentda qahramonlarcha mustaqillik uchun kurashgan shaxslardan biridir. Uning niyatlari amalga oshmaganligi tufayli alamli isyonda o‘tib ketadi. Bu asarda 2 . Bu asar haqida А . Та shmatovaning “Buxoroi-Sharif” nomli o‘quv-uslubiy qollanmasida batafsil ma’lumot berilgan.

muallif Fitratning naqadar o‘z yurtiga, o‘z Vataniga sadoqatli ekanligini, Vatan deb jon berish unga yorug‘ yo‘l ekanligini ifodalaydi. To‘rtinchi qism – “Cho‘lpon qo‘shig‘i”dir. Cho‘lpon she’rlari mazmunidan kelib chiqqan holda Muhammad Ali ularni davom ettiradi. Shoirning o‘sha davrda qilgan orzu umidlari shu kunda amalga oshgani o‘zbek halqining baxtidir. Beshinchi qism, “Ozod Vatan” asarning yakuniy qismidir. Bu qismni Qahramon Komilov mustaqilligimizning sakkiz yilligiga bag‘ishlab yozgan 3 . 2000-yillarning boshida O‘zbekiston teleradiokompaniyasi Badiiy jamoalar direksiyasi qoshidagi Doni Zokirov nomli Davlat xalq cholg‘ulari orkestri yangi ijodiy dovon sari intilayotgan jamoa sifatida namoyon bo‘ladi. Bu davrda Botir Rasulov, Jo‘ra Ortiqov, Dilshod Mutalov kabi bir qator dirijyorlar orkestr faoliyatini davom ettirish uchun ko‘maklashdilar. Ular o‘z ish tajribalari, dirijyorlik texnikasi, orkestrni boshqarish malakasi va har biri o‘ziga xos ijro talqinlari bilan sozandalar ijro mahoratini oshirish hamda ularning dunyoqarashini boyitishga yordam berdilar. Ijrochilar ham o‘z navbatida musiqiy asarlar mazmunini to‘laqonli yoritishga astoydil intildilar. 2002-yil mazkur orkestr badiiy rahbari va bosh dirijyori lavozimiga mohir sozanda, mahoratli va malakali dirijyor Hikmat Rajabov taklif etildi. 65 kishidan iborat sozandalar jamoasi uni iliq kutib oldi. U ham sozandalar bilan do‘stona munosabatda o‘z faoliyatini boshladi. Birinchi galda orkestrning jonkuyar ijodkorlari – D.Zokirov, M.Bafoev, F.Alimov, H.Rahimov kabi kompozitor- larning partituralarini sinchkovlik bilan o‘rganib chiqqan bosh dirijyor o‘zidan oldingi ustozlarining ijodiy faoliyatini munosib davom ettirishga kirishadi. Xususan, jamoa bilan O‘zbekiston teleradiokompaniyasining “Oltin fondi” uchun asarlar ijro etib, uni magnit tasmasiga muhrlaydi, tez-tez televidenie va radio orqali chiqishlar qilib, xalq olqishiga sazovor bo‘ladi. Jamoadagi o‘zaro hamkorlik, ahillik va ijodiy muhitning barqarorligi bois u ham avvalgi rahbarlar, ya’ni D.Zokirov va M.Bafoevlar singari xalq cholg‘ulari orkestri hamda uning jo‘rnavozligida yakkaxon va yakkanavozlar uchun mavjud 3 А . Та shmatovaning Doni Zokirov nomidagi davlat xalq cholg‘ulari orkestri nomli Monografiyasida asar haqida batafsil ma’lumot berilgan. 86-94 betlar.

repertuarni ijro etibgina qolmay, balki jamoa repertuarini yangi asarlar hisobiga boyitish maqsadida yuzdan ortiq asarlar yozadi. Ularni jamoa bilan birgalikda o‘rganadi va konsert dasturlariga joriy etadi. Shu tarzda O‘zbekistonning taniqli san’at ahli bilan ijod qilish baxtiga sazovor bo‘ladi. “Bunday muhit va qadrdon jamoa bilan ishlash meni hamon yangi-yangi asarlar ustida ilhom bilan ishlashimga qo‘l-qanot bo‘lmoqda. Bu men uchun umr bo‘yi izlagan va sog‘ingan ijodiy muhit, desam mubolag‘a bo‘lmaydi” 4 , - deydi H.Rajabov. Hikmat Rajabov o‘z dirijyorlik mahoratini Doni Zokirov nomidagi Davlat xalq cholg‘ulari orkestrining ijodiy faoliyati bo‘yicha har yili O‘zbekiston davlat konservatoriyasining katta konsert zalida o‘tkaziladigan hisobot konsertlarida namoyon etdi. Badiiy jamoa o‘zining “Istiqlol”, “Turkiston” san’at saroylaridagi konsert chiqishlari bilan xalqimiz qalbidan chuqur joy egalladi. “Navro‘z”, “Mustaqillik” va Konstitutsiya kuni bayramlari va davlat miqyosida o‘tkaziladigan turli tadbirlarda, jumladan, “Sharq taronalari” Xalqaro musiqa festivallarida faol ishtirok etib, musiqali yozuvlar orqali qatnashib keldi. Doni Zokirov nomidagi Davlat xalq cholg‘ulari orkestri. Dirijyor Hikmat Rajabov. Ijod insonni ezgulikka, go‘zallik olamiga etaklaydi degan aqidaga amal qilgan H.Rajabov ustozlariga havas qilib, ilk bor 1985-yilda qashqar rubobi va ansambl 4 М uallifnin H.Rajabov bilan 2013 yil 22 oktyabrda bo‘lgan suhbatidan yozib olingan.

uchun “Guli bodom” musiqasini ijod etgan edi. Bu asarga taniqli baletmeyster, O‘zbekiston xalq artisti Qunduz Mirkarimova “Buxorocha” raqsni sahnalashtiradi. Uning ijrosi H.Rajabovni benihoya quvontirdi. Ushbu asarning ijobiy baholanganligidan ilhomlanagan muallif shu tariqa orkestr jo‘rligida xonandalarga qo‘shiklar, sozandalarga kuylar, jamoa uchun esa turli janr va shakldagi asarlarni yaratishga bel bog‘laydi. Serqirra ijodkor H.Rajabov dirijyorlik faoliyati bilan bir qatorda o‘z malaka mahoratini oshirish borasida ham tinimsiz izlanadi. Ko‘plab adabiyotlarni mutolaa qiladi. O‘z ijodi uchun har xil yangi mavzularni kundalik turmush tarzidan, bajarayotgan uy yumushlaridan qidirib topadi. Jumladan, “Oh, oppoq kapalak” nomli asari shular jumlasidandir. Uning yaratilish tarixini muallif quyidagicha ta’riflaydi: “Bir kuni men Buxorodagi uy hovlimda ishkomga chiqib uzum barglarini xomtok qilayotgan edim. Shu payt barglar orasidan bir oppoq kapalak tusatdan uchib ketdi. Shunda men: Oh, oppoq kapalak, deb uni ushlashga intilgan chog‘imda, birdaniga oyoqlarim ostida tayanch bo‘lib turgan narvon tushib ketdi. Men esa shu payt qo‘llarim bilan surilarni mahkam ushlaganimcha kapalakning nozik qanot qoqib yuksaklikka uchishini hayrat bilan kuzatishni davom etdim”, - deb eslaydi biz bilan bo‘lgan suhbatda H.Rajabov. Shu voqea bois yakkaxon va orkestr uchun Muhiba Sayyid Xasan qizi she’riga bastalagan “Ox, oppoq kapalak” qo‘shig‘i yuzaga keldi. Bu asarda muallif, vals janri badiiy ifoda vositalaridan unumli foydalangan holda, umri juda qisqa, ammo go‘zal tarzda o‘tadigan kapalak obrazini mohirona ifodalagan. Bunda g‘amsiz kapalakning engil va tinimsiz qanot qoqishiga xos harakatlar nozik tovushlar (trel, mordent va glissandolar) oroqali badiiy namoyon etiladi. Ushbu asarda qo‘shiq janrining barcha xususiyatlari to‘la saqlangani holda jamoaviy ijro uchun moslashtirilganligini ko‘ramiz. Shunga ko‘ra, jami uch banddan iborat she’r quyida nota misoli keltirilgan kuy asosida ijro etilishi ko‘zda tutiladi:

Harir qanotlaring kumush rang qabo, Nurlarga cho‘lg‘angan sen go‘zal ma’vo. Qanotlaring uzra esmoqda havo, Oh, pari kapalak, oppoq kapalak. Oq, oppoq bulutlar osmonda tanho, Sen gulzor ichinda yor izlab yakto. Qanotlaring uzra esmoqda havo, Oh, pari kapalak, oppoq kapalak. Guldan gulga qo‘nib sevgi izlaysan, Chaman gullariga baxtlar tilaysan. Qanotlaring uzra esmoqda havo, Oh, pari kapalak, oppoq kapalak. Tembrlarning go‘zal uyg‘unlashuvi va yuqori registrlarda ijro etiladigan naqshinkor bezaklar ustivorligida milliy kuychanlik xususiyatlari bilan yo‘g‘irilgan ushbu asar – H.Rajabovning eng muvaffaqiyatli asaridan biridir. Bu asar partiturasi tarkibidan o‘rin olgan zarbli cholg‘ular – tarelka, buben va doiralar an’anaviy qo‘shiq janrini yanada boyitishga xizmat qilgan. Changlar ijrosidagi nozik glissando va pizzicatolar vositasida go‘zal Sharqning betakror bahor manzaralari badiiy ifodalangan mazkur qo‘shiq O‘zbekiston va Qoraqalpog‘iston xalq artisti,

“Buyuk xizmatlari uchun” ordeni sohibasi Muyassar Razzoqovaning jozibali ijrosida magnit tasmasiga muhrlandi. H.Rajabovning yakkaxon, xor va orkestr uchun “O‘zbekiston o‘zimniki” qo‘shig‘i (Farida Afruz so‘zi) – Mustaqil davlatimizni tarannum etuvchi o‘ziga xos tantanavor qasidadir. Orkestrning to‘liq ovoz bilan baland dinamik tovushlardagi tutti ijrosi davlatimizning to‘g‘ri yo‘ldan shahdam qadamlar bilan borayotganligini, uning kelgusi ravnaqi va gullab yashnashini badiiy obrazlarda namoyon etadi. Doyra, nog‘ora va litavralarning muntazam usullari chuqur garmonik asosni yaratish bilan birga musiqiy asar shaklining yaxlitligini ham ta’minlashga xizmat qiladi. Naqarot:

Tutmi, jiyda meva zoti larzon-larzon, Har qadamda bug‘doy, paxta, sholi xirmon. Ona xalqim himmatingga bo‘lay, qurbon, Mehnat bergan shirin nonim o‘zimniki. Naqarot: Bu asarda H.Rajabov madhiya va vatanparvalik ruhidagi qo‘shiqlarga xos bo‘lgan band shakliga alohida yondoshib, uni badihaguylik asosida rivojlantiradi, xor va orkestr dialogida esa chiroyli tembrlar hamohangligini topishga muvaffaq bo‘ladi. Umuman olganda, partiturada tembrlar masalasi go‘zal tarzda o‘z echimini topgan. Jumladan, xor partiyasining ayni paytda nay, qo‘shnay, klarnet in “b”dan iborat yog‘och damli cholg‘ularda, keyinchalik I- va II-g‘ijjaklarda ham qo‘shsadolanishi asarning monodik tabiatga ega kuychanligini yanada yorqin ifodalaydi. “O‘zbekiston o‘zimniki” qo‘shig‘ining yakuniy qismida yana birinchi band mavzusining qayta takrorlanishi ushbu asarga uch qismlik shakl xususiyatini bag‘ishlaydi. Shu asnoda muallifning xalq cholg‘ulari orkestri uchun yozilgan asarlarining janr tabiatini yangilashga qaratilgan intilishi ham namoyon bo‘ladi. Ushbu qo‘shiq tinglovchilar qalbida Ona Vatanga sadoqat va muhabbat hissini uyg‘otadi. Shuningdek H.Rajabov yakkaxon, xor va orkestr uchun yozgan “Mustaqillik maydoni” (O.Suyundiqova she’ri, 2005) qo‘shiq-madhiyasi 5 , “Havzi kavsar qoshimda” (R.Rahmon qizi she’ri, 2006), “Bahor kelib” (Z.Obidov she’ri, 2006), “Buxorom bor” (S.Vohidov she’ri, 2006), “Shonli kelajak avlod” (O‘.Mirzayor she’ri, 2007), “Toshkentim” (F.Kamolova she’ri, 2007), “Onajonim qaydasiz” (M.Sayyid Hasan qizi she’ri, 2008), “Aytolmadim” (H.Xudoyberdieva she’ri, 2006), “Vatanga” (N.Aminjon she’ri, 2008), “Sog‘inchlarim bor” (D.Abdurahmon qizi she’ri, 2008), “Buxoro tanavori” (H.Ahmedova she’ri, 2008), “Orzulari daryo otam” (Sh.Matyoqubova she’ri, 2008), “Topilmoq” (S.Bo‘ldieva she’ri 2009), “Chorlov” (S.Vohidov she’ri, 2009), “Buxoroda, Buxoroda” (N.Aminjon she’ri, 2009), “Dil” (M.Hamroeva she’ri, 2010), “Buxoroda gul sayli” (Xalq so‘zi, 2010) hamda “Hayrat” (kamonli sozlar uchun, 2011), “Maftun sozlar” (sato-tanbur, dutor 5 Bu sasr haqida batafsil ma’lumot А . Та shmatovaning Doni Zokirov nomidagi davlat xalq cholg‘ulari orkestri nomli Monografiyasida yoritilgan. 101-103 betlar.

va orkestr, 2012), “Qalb nidosi” (qo‘shnay va orkestr, 2013), “Surnay nolasi”, “Ey dil” (g‘ijjak va orkestr uchun, 2013) kabi bir qator asarlarni yaratdi. Shu tariqa orkestr o‘z ijodiy faoliyatini 2014-yilning oktyabr oyida qadar davom ettirdi, so‘ngra ikki professional jamoalar To‘xtasin Jalilov hamda Doni Zokirov nomidagi orkestrlar negizida xalq cholg‘ulari davlat Akademik orkestri tashkil etildi. Ushbu jamoa hozirgi kunda o‘z ijodiy faoliyatini qizg‘in tarzda olib bormoqda.

O'xshashlar

Doni Zokirov nomidagi davlat xalq cholg‘ulari orkestrining shakllanish shart sharoitlari

T.Jalilov nomidagi davlat akademik xalq cholg‘ulari orkestrining gastrol safarlari

T.Jalilov nomidagi davlat akademik xalq cholg‘ulari orkestri faoliyati

“So‘g‘diyona” davlat xalq cholg‘ulari kamer orkestrining ijodiy faoliyati

Xalq cholg‘ularida ijrochilik san’atining ikki asosiy yo‘nalishda rivojlanishi