Professional etika va etiket faniga kirish, fanni o’rganishning maqsadi, predmeti va vazifalari - Madaniyatshunoslik - Referatlar

Professional etika va etiket faniga kirish, fanni o’rganishning maqsadi, predmeti va vazifalari

Yuklangan vaqt:

21.04.2023

Ko'chirishlar soni:

0

Hajmi:

88 KB

Ko'chirib olish

Professional etika va etiket faniga kirish, fanni o’rganishning maqsadi, predmeti va vazifalari Reja: 1. Professional etika tushunchasi va ahamiyati 2. Xulqiy go’zallikning estetik-axloqiy mohiyati 3. O’quv fanining mutaxassislar tayyorlashdagi o’rni va ta’lim yo’nalishidagi boshqa fanlari bilan bog’liqligi

Inson kamoloti ko’p qirralidir. Uning buyukligi ma’naviy kamolot darajasi bilan belgilanadi. Yetuk ma’naviyatga ega bo’lgan insongina jamiyat muammolarini aqli va zakovati bilan yechishga harakat qiladi. Chunki inson o’z atrofidagi odamlar ta’sirida kamolotga erishadi. Zotan, inson jamiyatda yashar ekan, undan chetda turolmaydi. Insonlarga xos bo’lgan axloq me’yorlari jamiyat taraqqiyoti va hayotiy ehtiyojlar ta’sirida o’zgarib turadi. Ta’lim-tarbiya, ijtimoiy munosabatlarning shakllanishi va rivojlanishi insonlarning hatti–harakatlarini, ular o’rtasidagi munosabatlarni ma’naviyat bilan bog’lanmagan tabiiy ehtiyojlar va imkoniyatlar chegarasidan tobora uzoqlashtirib boradi. O’zbekiston Respublikasi mustaqillikka erishgach, davlat boshqaruvining asosiy yo’nalishi umume’tirof etilgan tamoyillar, xalqaro huquqiy hujjatlar hamda demokratik standartlar asosida huquqiy davlat qurishni belgilab oldi. Huquqiy davlatning shakllanishi va jamiyat ishlari boshqaruvining takomillashuvi o’rtasidagi o’zaro aloqadorlik kuchayib borayotgan hamda erkin fuqaro ma’naviyatini, ozod Shahsni shakllantirish masalasi oldimizdagi muhim vazifaga aylanib borayotgan hozirgi paytda davlat boshqaruvi qat’iy qonunlar asosida amalga oshishini taqazo etmoqda. Bu esa bevosita davlat xizmatchidagi xodimdan yuksak fazilatlarni o’zlashtirishni talab qiladi. Davlat xizmatidagi xodimlarning huquqiy va axloqiy madaniyati bir-biriga mutanosib bo’lishi kerak. Shu munosabat bilan mansabdor shahslarda siyosiy xislatlar bilan bir qatorda axloqiy fazilatlarni shakllantirish zaruriy holdir. Axloqiy barkamollik davlat xizmatidagi xodimlarning ishbilarmonlik sifatlaridan biri hisoblanadi. Jamiyatda mutloq, abadiy va o’zgarmas axloq yo’q. Axloq tarixan o’zgaruvchan va nisbiy mustaqillikka ega bo’lgan ijtimoiy hodisadir. Uning bu xususiyatlari umumiy axloqning tarkibiy qismlaridan biri bo’lgan Professional etikada ham yaqqol namoyon bo’ladi. Jamiyat rivojining tarixida ijtimoiy mehnat taqsimotining paydo bo’lishi mehnatning bir turi bilan band bo’lgan kishilar guruhlarining kasb – hunar jihatidan ajralib chiqishiga va shunga muvofiq ravishda turli xil mutaxassisliklarning vujudga kelishiga sabab bo’ldi. Bu esa harbir

insonning qilayotgan mehnat tarziga, mehnatni tashkil qilish usullariga qarab, ulardan muayyaan turdagi harakatlar va ruhiy quvvatlarni sarflashni talab etadigan qaytarilmas, o’ziga xos ko’nikmalarni vujudga keltiradi. Inson voyaga yetib, bir kasbning boshini tutgach o’z kasbi doirasida odamlar bilan muntazam munosabatda bo’ladi. Professional etika tushunchasi va ahamiyati . Xalqimiz farovonligi maqsadida davlatchilik va qonunchilik yanada rivojlanib borayotgan bir paytda «Professional etika» fanining o’qitilishi zarurligini isbotlab o’tirishning o’zi ortiqchadir. Ya’ni kasb madaniyatini egallash, madaniy gapirishga intilish, fikr mahsulini matnga to’laqonli tushira olish mahorati barcha kasb egalarining orzusi bo’lmog’i lozim. Bu shubhasiz, bundan tashqari, hozirgi kunda professional etika muammosini kun tartibiga hayotning o’zi qo’ymoqdaki, kishilik jamiyatining madaniy-ma’rifiyligini busiz tasavvur qilish qiyin. Shu sababli kasb madaniyati, qonuniy «kasb ehtiyoji» hayotiy talabga aylanishi aniq. Har bir fanning o’zining predmeti bo’lgani kabi professional etika fanining ham o’z predmeti mavjuddir. Professional etika fanini axloq tashkil qiladi. Etika axloqning kelib chiqishi, mohiyati, xususiyatlari, jamiyatda tutgan o’rni taraqqiyoti qonuniyatlarini o’rganuvchi va haqiqatini amalda isbotlagan olimlar majmuidan iboratdir. Axloq aslida, lotincha “maralis” so’zidan kelib chiqib axloqli degan ma’noni bildiradi. Jamiyatning axloqiy hayoti deb kishilarning ishlab chiqarish jarayonini tashkil yetishda, ularning ijtimoiy – siyosiy va huquqiy faoliyatda, oilasida va kundalik turmushida yuzaga keladigan munosabatlar; ularning xulq atvori, yurish – turishi; adolat, sadoqat, burch, baxt kabi munosabatlarining majmuiga aytiladi. Shunday kelib chiqqan holda, jamiyatning ko’p qirrali va murakkab axloqiy hayotini aks ettiruvchi “axloq” tushunchasini kategoriya sifatida quyidagicha ta’riflash mumkin. Axloq inson va jamiyat o’rtasidagi ob’yektiv aloqadorlik tufayli kelib chiqadigan, shahsiy va umumiy manfaatlarni muvofiqlashtirib turish asosida har

bir Shahsning hayotiva faoliyatini boshqaradigan, tartibga soladigan muayyan xulqatvor, odob, hatti-harakat prinsip va normalarning majmuidir. Axloq ijtimoiy hodisa bo’lib, insoniyat jamiyat vujudga kelishi bilan bir vaqtda jamoalar bilan shahslar o’rtasidagi ehtiyoj va manfaatlarga xizmat qiluvchi ijtimoiy munosabat tariqasida vujudga kelgan. U o’zining tarixiy taraqqiyotida quyidagi vazifalarni bajargan: • umuminsoniy madaniyatning inson tabiiy xislatlarini o’zganrtiruvchi faoliyat shaklidagi tarkibiy qismi; • jamiyatda yashovchi har bir shahsni har tomonlama kamol toptiruvchi ma’naviy-ijtimoiy omil asoslaridan biri; • kishilarning ichki tuyg’ularini, hissiyotlarini takomillashtirib, umuminsoniy moddiy va ma’naviy qadriyatlarni anglab yetish, ularni asrash va kelgusi avlodlarga yetkazib berish yo’llaridan eng afzali; • axloqshunoslik – insonlarga axloq-odob, burch, qadr-qimmatni shunchaki aks ettirmaydi, balki ularni tanqidiy baholaydi, tahlil etadi. 1 Ma’naviyatni harakatga keltiruvchi kuch, uning ijodkori shahs ma’naviyati hisoblanadi. Shahs ma’naviyati qanchalik yuksak bo’lsa, umuminsoniy va milliy ma’naviyat ham shunchalik umrboqiy bo’ladi. Shahs ma’naviyati - har bir kishining o’zini insoniyat farzandi, muayyan millat vakili, davlat fuqarosi deb bilgan holda o’z vatani tuprog’ini, suvini, havosini va jamiki boyliklarini ko’z qorachig’iday asrashlari, uning ozodligi-obodligi, ravnaqi, har bir fuqaroning huquq va erkinliklarini hurmat qilish, izzatini joyiga qo’yish yo’lida chin vijdon, imon, e’tiqod, sadoqat, ishonch, halollik, dovyuraklik, beg’arazlik, hurmat, katta fidoyilik va aqliy teranlik bilan faoliyat olib borishga qaratilgan ichki ruhiy va aqliy olamining majmuiga aytiladi. Shunday qilib, shahs ma’naviyati: birinchidan, hissiy va aqliy jihatdan o’zining kimligini, ya’ni o’zligini anglash, aniqrog’i, qaysi odamning, millatning, Vatanning farzandi ekanligini idrok yetish; ikkinchidan, o’zi mansub bo’lgan oila, millat, Vatan bilan faxrlanish, g’ururlanish ; uchinchidan, oilasi, millati, Vatanining 1 Muhammadiev N.E. Ichki ishlar idoralari xodimlarining kasb etikasi va estetik madaniyati. - T.,2005, 5-8 bet.

ravnaqi yo’lida ilm olish, tarbiya topish hamda unga sadoqat, imon-e’tiqod bilan xizmat qilish; to’rtinchidan, har qanday insonning haq-huquqlarini hurmatlash; beshinchidan, ilmfanni insoniyat rivojini ta’minlovchi, jafokash mehnat ahlining og’irini yengil qiluvchi vosita deb bilish, shuningdek, ajdodlar xotirasiga chuqur hurmat bajo keltirish kabi bir qator ichki ruhiy va aqliy his-tuyg’ular, qarashlar, teran bilimlar va hatti-harakatlarni o’z ichiga oladi. Shahs avvalo inson, odam bolasi sifatida eng oliy qadriyat hisoblanadi. Uning ma’naviy kamoloti hozirgi kunda ko’p jihatdan umuminsoniy, milliy va shahsiy qadriyatlarning ta’siriga, aks ta’siriga bog’liq. Axloq va axloqiy normalar kishilar faoliyatining muayyan sohasigagina taalluqli bo’lmay, balki xalq hayotining hamma jabhalariga kirib boradi. Axloqiy xislatlar sohasi ko’plab masalalarni, ya’ni fuqarolik jamiyatining axloqiy mezonlariga, bozor iqtisodiyoti sharoitining axloqiy qarashlariga bo’lgan munosabati va boshqalardan tortib to zamonaviy turmush qoidalari, shahsiy xulq- atvorgacha bo’lgan masalalarni o’z ichiga oladi. Bu esa ongni qayta qurishda axloqiy tarbiyaning imkoniyatlarini kengaytiradi. Ma’lumki, insonning botiniy go’zalligi bevosita axloqiy fazilatlar va axloqiy munosabatlar bilan bog’liq holda namoyon bo’ladi. Chunki axloq, avvalo, ijtimoiyma’naviy hodisa sifatida inson kamolotida muhim ahamiyatga ega. Bu xususda akademik E.Yusupov: «Axloq insonning konkret sharoitlarda bo’layotgan voqea va hodisalarga mustaqil baho berishi, ularga nisbatan o’z munosabatini bildirishi hamdir, - deydi. - Umuman, axloq ijtimoiy munosabatlar zaminida alohida Shahs sifatida mavjud bo’lgan insonlarning o’z-o’zini idora qilish shakllari va me’yori, o’zaro muloqot va munosabatda ularga xos bo’lgan ma’naviy kamolot darajasining namoyon bo’lishidir. Axloq yo’q joyda inson ijtimoiy shahs sifatida shakllanmaydi. Faqat yetuk axloq zaminidagina kishilarda hayotning mazmuni va maqsadi, jamiyat oldidagi burchi va mas’uliyati, baxt, diyonat, yaxshilik va yomonlik, yovuzlik, haqlilik va nohaqlikka nisbatan muayyan munosabat shakllanadi».

Ana shu jihatdan xulq tushunchasi axloqning tarkibiy qismi sifatida inson kamolotida muhim ahamiyat kasb etadi. Biroq, xulq ikki ko’rinishda namoyon bo’ladi. Birinchisi - yaxshi, chiroyli xulqlar. Bunga shirinsuxanlik, muloyimlik, halollik, iffat, diyonat, or-nomus, nafsni tiyish, vijdon, shijoat, sabr, ilmlilik, g’ayrat, riyozat, qanoat, sabr, intizom, munislik, haqiqatparvarlik, vatanparvarlik, insonparvarlik, adolatparvarlik va shu singari ijobiy tuyg’ular kiradi. Bular o’z navbatida insonda xulqiy go’zallikni namoyon qiladi va insonni axloqiy jihatdan kamolotga etkazadi. Ikkinchisi - yomon, xunuk xulqlar. Unga xudbinlik, hasadgo’ylik, ta’magirlik, ikkiyuzlamachilik, firibgarlik, ig’vogarlik, tuhmatchilik, badnafslik, badniyatlik, badjaxllik, bachkanalik, dilozorlik, andishasizlik, bevafolik, berahmlik, tovlamachilik, behayolik singari illatlar kiradi. Bular insonni tubanlik sari yetaklaydi va ma’naviyatini qashshoqlashtiradi. Mazkur illatlarni odat qilgan kishilar umum tasavvurida jirkanch taassurot qoldiradi. Bu xususda ma’rifatparvar alloma Abdulla Avloniy shunday degan edi: «Bu sanagan yomon xulqlarning fanoliqlarini, yuqorida sanagan yaxshi xulqlarning go’zalligini insof muvozanasi ila o’lchab, vijdon muhokamasi ila ta’qiqlab, yaxshilarini tinglab amal qilmak, yomonlarini anglab, hazar qilmak, lozimdur. Zeroki, insonning izzati, dunyoning lazzati yaxshi so’zlarni eshitub va ko’rub hissa olmak, yomon va zararliklarini o’qub, bilub, o’zini tiymak, qo’ldan kelgancha xalq va millat foydasiga tirtishmak va bu fano dunyodan yaxshilik otini olub ketmakdadur». Sharq odobida «Ulug’lar huzurida sergak bo’ling va o’zingizga loyiq so’z so’zlang» deyilishi bejiz emas. Bu umumiy tilni asrash barobarida o’z og’zimiz orasidagi tilni «ehtiyot» bo’lib, o’ylab ishlatish kerak demakdir. Chunki, so’z insonning daraja va kamolini, ilm va fazlini ko’rsatadigan me’zon bo’lib, aql sohiblari kishining dilidagi fikr va niyatini, ilm va quvvatini, qadr va qiymatini so’zlagan so’zidan biladilar. Zero, so’z insonning qiymati qadar qadrlidir. Shirin so’z ilonni inidan chiqarganidek, muloyim so’z vahshiylarni ulfatga aylantiradi. Shuning uchun do’stu dushman bilan muomalada ehson yo’lini tutish lozimki, bunda do’stlarning mehru-muhabbati ortadi, dushmanlarning adovati kamayadi.

Sharq hikmatlari durdonalarida yaxshi xulqning o’nta belgisi alohida ko’rsatib o’tiladi. Bular: 1. Bo’lar-bo’lmasga odamlar bilan janjallashmaslik. 2. Insoflilik. 3. Birovning aybini qidirmaslik. 4. Biror kishidan noloyiq ish sodir bo’lsa uni yaxshilik yo’liga solib yuborishlik. 5. Agar aybdor o’z aybini bo’yniga olsa uni kechirish. 6. Muhtojlarning hojatini chiqarish. 7. Boshqalarga yordam qo’lini cho’zish. 8. O’z nafsini tiya bilishlik. 9. Boshqalarga ochiq chehra bilan muomala qilishlik. 10. Doimo yaxshi so’zlash. Ushbu yaxshi xulqlar ichidagi uchta belgi ya’ni, «Bo’lar-bo’lmasga odamlar bilan janjallashmaslik», «Boshqalarga ochiq chehra bilan muomala qilishlik», «Doimo yaxshi so’zlash» insonning hatti-harakati bilan emas, balki chiroyli, shirin so’zi natijasida amalga oshadigan axloqiy hodisalardir. Shuningdek, boshqaruvda, muloqotda so’zga ayniqsa, shirinso’zga e’tibor sharq odobining ziynati sanaladi. Bu borada «Qobusnoma»dagi fikrlar diqqatga sazovordir: «Har so’zni xaloyiqqa zohir qilsang, yaxshi yuz bila zohir qil, toki maqbul bo’lsun va haloyiq sening so’z bila baland martabaga egalig’ingni bilsunlar. Nedinkim kishining martabasini so’z bila bilurlar, ammo so’zning martabasini kishi bila bilmaslar, chunki har kishining ahvoli o’z so’zining ostida pinhondur, ya’ni bir so’zni bir iborat bila aytsa bo’lur, eshitg’on kishining esa ko’ngli undin to`la bo’lg’ay va yana o’shal so’zni bir ibrat bila aytsa bo’lurkim, eshitg’on kishining oni undin rohatda bo’lg’ay» . Shuning uchun odamlarga achchiq va dag ’ al so ’ zlamaslik lozim . Zero , dag ’ allik misli olov , kuydirguvchi yo ’ ldir . Umuman olganda , sharq xalqlari pandnomalarida , hikmatlarida shirinso ’ zlikning inson hayotidagi o ’ rni beqiyos ekanligi mutafakkirlar nazaridan

chetda qolgan emas . Biz ana shu an ’ analarni davom ettirishimiz , ulardan tegishli xulosalar chiqarishimiz maqsadga muvofiq bo ’ ladi . Inson ma’naviy madaniyatining asosiy mezoni – axloqiy yetuklik hisoblanadi. Axloqiy yetuklik esa o’zida – halollik, insoflilik, vijdoniylik, sahovatpeshalik, shafqatlilik, mehribonlik singari axloqiy fazilatlarni mujasaam etadi. Shunday ekan, muomala madaniyatining asosiy mezonini yaxshi xulq va go’zal fazilat uyg’unligi tashkil etadi. Shuni qayd yetish lozimki, insonni hayvondan farq qiladigan eng muhim xususiyatlaridan biri, uning o’zini yashashi, turmush uchun zarur bo’lgan moddiy va ma’naviy boyliklarni ishlab chiqarish malakasiga ega ekanligidir. Bu malaka insonning insonlararo muomala madaniyatida yaqqol ko’zga tashlanadi. Xulqiy go’zallikning estetik-axloqiy mohiyatiga ikki xil nuqtai nazardan yondashish mumkin. 1. Mavjudligimuayyan ichki va tashqi ta’sirlarga, vositalarga bog’liq bo’lmagan go’zallik. Bu ko’proq insonning tashqi qiyofasiga daxldor xususiyat; insonning chinakam go’zal chehrasi har qanday soxta bejamalikdan, «yasama go’zallikdan» ustun turadi. 2. Muayyan ijobiy faoliyatlar, hatti-harakatlar, amallar, botiniy tuyg’ular orqali paydo bo’ladigan go’zallik. U ezgulik vositasida xulqiy go’zallikni takomillashtiradi. Davlat xizmatidagi xodimlarning ishi – og’ir yumush. Uni sharaf bilan ado etmoq uchun, kishi o’zi rahbarlik qiladigan sohani bilishigina emas, balki yana bir qator sifat va fazilatlarga ega bo’lmog’i kerak. Ular ichida avvalo til va nutq imkoniyatlarini ishga sola bilishni ajratib ko’rsatish darkor. Nutqiy muloqotga kirishgan kishining maqsadlari doirasini umumlashgan holda quyidagilar bilan belgilish mumkin: • o’zga(lar)ga, muayyan jamoaga o’z g’oya va fikrlarini yetkazish orqali hamfikrlar doirasini kengaytirish; • ma’naviy (ruhiy) hayotini uzaytirish orqali hayotda iz qoldirish; • hukmronlikka bo’lgan intilishni amalga oshirish;

• shartnomaga asosan o’z xizmat doirasida muayyan (siyosiy, iqtisodiy, moliyaviy) masalani hal yetish; • e’tibor qozonish; • jamiyatda tutgan baland mavqeini saqlab qolish va h.k. Davlat xizmatidagi xodimlarning axloqiy sifatlarining quyidagi jihatlarini tavsiflash mumkin: • xulqiy nuqtai nazardan xodimning axloqiy tutgan yo’li, uning did-farosati va yashashdan maqsadi yo’nalishi: • adolat, vijdon va burch davlat xizmatchisi faoliyatidagi yuksak axloqiy fazilat sifatida: • axloqiy me’yorlarga bo’ysinish:  etiket qoidalariga rioya qilish. Shuningdek, davlat xizmatidagi xodimlarga qo’yiladigan axloqiy talablar huquqiy asosga ega bo’lib, ular qonunlar, nizomlar va yo’riqnomalar tarzida rasmiylashtiriladi: ularni buzgan xodimlar intizomiy jazoga, qonunga zid ish ko’rganlar esa jinoiy javobgarlikka tortiladi. Shuning uchun davlat xizmatidagi xodimlarning professional etika, jasurlik, shijoat, adolat va sadoqatlilik kabi axloqiy me’yorlarga tayangan holda har bir ishga beg’araz va xolis yondashishni taqozo etadi. Davlat xizmatchisi professional etikaning normalari insonni qadr – qimmatini hurmat qilish va qonunni buzganlarga nisbatan qonunda belgilangan talablar asosida ish ko’rishga asoslanadi. Ular hokimiyat va qonun vakili sifatida ish ko’rar ekan, uning axloqi tarbiyaviylik xususiyatga ega bo’lishi lozim. Ularning axloqi qanchalik yuqori bo’lsa, xalqning davlatga, qonun kuchiga ishonchi ham shunchalik kuchli bo’ladi. Professional etika bo’yicha mutaxassis Leandro Valente o’zining “Etiketning oltin qoidasi" asarida quyidagilarni keltiradi: 1. Har doim yaxshi narsalarga qarab intilish kerak, bu birinchi qoida. Yaxshilik deganda, yaxshi xizmat, jamoat va rahbar tasarrufida siz haqingizda yaxshi fikr qoldirish kerak.

2. Sadoqat bilan xizmat qilish. Har sohaning mas’uliyati bor, unga amal qilish zarur. 3. Kasbdoshlar orasida o’zaro hurmat va ishonch qozonish, bir-biriga do’stona va yaxshi muomalada bo’lish. Jamoani va o’z-o’zini hurmat qilish har bir mutaxassis uchun kerak. 4. Kasbdoshlaringiz bilan do’stona munosabatda bo’lishingiz kerak. 5. Haqqoniy, adolatli bo’lish – har bir insonning ma’naviy aspekti. Bu xususiyatni ish jarayonida har bir insonda ijobiy jihatlarini namoyon bo’lishida kuzatish mumkin. 6. Bilimli, hissiyotli, xulq atvorli bo’lish va boshqalarga namuna bo’lish ish jarayonining eng yaxshi xislatlaridan biridir. 7. Har bir inson odob-axloqli va namunali xulqli bo’lishi, etiket qoidalariga amal qilishi doimo kerak. 8. Har doim har bir inson saxiy, ko’ngli toza, shahsiy hayotda xushxulqli bag’rikeng bo’lishi talab qilinadi. 9. Har qanday axborotni (sirni) har bir inson saqlay bilishi, shundagina jamoa oldida hurmat qozonishi va karyeraga ega bo’lishi va jamoat oldida katta hurmat qozonishi lozim. 10. Barchaga siz yaxshi xulq-atvoringiz va kasbiy mahoratingiz bilan namuna bo’lishingiz zarur. Etiket axloqiy madaniyatning yaqqol ko’zga tashlanadigan munosabatlar ko’rinishlaridan biri sifatida ko’proq insonning tashqi madaniyatini, o’zaro munosabatlardagi o’zini tutish qonun-qoidalarning bajarilishini boshqaradi. O’QUV FANINING MUTAXASSISLAR TAYYORLASHDAGI O’RNI VA TA’LIM YO’NALISHIDAGI BOSHQA FANLARI BILAN BOG’LIQLIGI Bo’lajak mutaxassislarning ijtimoiy va siyosiy dunyoqarashlarini, ma’naviy qiyofasini, hamda mutaxassisligilik bo’yicha muvaffaqiyatli faoliyat ko’rsatish uchun zarur bo’lgan nazariy bilimlarini va amaliy ko’nikmalarini shakllantirish

uchun bakalavriat davrida talabalar mutaxassis fan materiallarini o’zlashtirishlari lozim. O’quv rejalarida fanlar gumanitar va ijtimoiy-iqtisodiy, matematika va tabiiy ilmiy, umumkasbiy hamda maxsus fanlar guruhlariga bo’linib ko’rsatiladi. Gumanitar va ijtimoiy-iqtisodiy fanlar guruhi bo’lajak mutaxassislarning ijtimoiy- siyosiy dunyoqarashlarini hamda ma’naviy qiyofasini shakllantirish uchun xizmat qiladi. Matematika va tabiiy ilmiy fanlar guruhi yoshlarning har tomonlama rivojlanishi uchun imkoniyat yaratadi. Umumkasbiy hamda maxsus fanlar guruhlari yoshlarda mutaxassisligi bo’yicha zaruriy nazariy bilimlar va amaliy ko’nikmalar majmuini shakllantiradi. Kasb egalari quyidagilarni bilishi lozim hisoblanadi: 1. Har qanday kasb egasi qasamyodini buzmasligi va unga amal qilishi va kasbiy mohir ustasi bo’lishi zarur. 2. XVI asrda: har bir soha mutaxassisi o’z sohasi bilan bir qatorda uchta kasbga - diniy, tibbiyot va qonunlarni bilishi lozim bo’lgan. 3. XIX asrda: yangi kasblar paydo bo’lgan va eski kasb mutaxassislariga kattaroq hurmat qilishgan. Professional etika va etiket fani umumkasbiy fanlar guruhiga kiritilgan. Bu fan bo’lajakda har tomonlama yetuk mutaxassislarni tayyorlashda katta ahamiyatga ega. Ushbu fan materiallari bo’yicha bo’lajak mutaxassislar muvaffaqiyatli faoliyat ko’rsatish uchun zaruriy umumiy va kasbiy axloqiy qoidalarni va me’yorlarni o’rganadilar. Ushbu fanning mutaxassislar tayyorlashdagi o’rni ana shulardan iborat. Tabiatda bironta voqea o’z-o’zidan sodir va bironta narsa o’zicha paydo bo’lmaydi. Voqealarning sodir va narsalarning paydo bo’lishi bir-birlari bilan bog’liq bo’ladi. Fanlar ham o’z-o’zidan vujudga kelmaydi. Bir fan boshqa fandan ajralib chiqishi yoki bir nechta fanlar o’rtasida paydo bo’lishi mumkin. Shuning uchunProfessional etikava etiket o’quv fani o’quv rejasining boshqa fanlaridan ajratilgan holda o’qitiladi deyish xato bo’ladi, chunki u dinshunoslik falsafa, ruhshunoslik (psixologiya), sotsiologiya, madaniyatshunosli iqtisodiy geografiya

va ekologiya, sayyohlarga xizmat ko’rsatish hamda servis xizmatlarini tashkil yetish kabi fanlar bilan o’zaro bog’liq. Ushbu darslikda Professional etikava etiket fanining dinshunoslik, psixologiya, falsafa, madaniyatshunoslik iqtisodiy geografiya va ekologiya hamda sayyohlarga xizmat ko’rsatishni tashkil yetish fanlari bilan asosiy bog’liqlik joylari ko’rib chiqiladi. Etikaning shakllanishida va rivojlanishida dinning ahamiyati juda ham katta. Masalan, Islom dinida va uning muqaddas kitobi bo’lgan Qur’oni Karimda axloqiy qoidalarga alohida e’tibor berilgan va uning eng muhim tushunchalari ta’riflangan va insoniyatni ularga amal qilishga undalgan. Bu axloqiy qoidalar quyidagilardan iborat: yaxshilik qilish, kechirimli bo’lish, sabr-qanoatli bo’lish, aldamaslik, shirinsuxanliq ota-onani, o’zidan katta yoshlilarni hurmat qilish, or- nomusli, sadoqatli bo’lish va boshqalar. Boshqa dinlar ham jamiyatning axloqiy qoidalarining shakllanishida va rivojlanishida katta rol o’ynagan. Professional etika va etiket falsafa fani bilan ham bevosita bog’liq bo’lib, ular bir xil masala, ya’ni axloq bilan Shug’ullanadi. Agar falsafa axloqning kelib chiqish tarixini va uning rivojlanish qonuniyatlarini o’rgansa, professional etika va etiket esa uning amaliy tomonlarini o’rganadi. Shunday qilib, falsafa axloqning nazariy masalalari bilan shug’ullanadi, professional etika va etiket esa jamiyatda qo’llaniladigan axloqiy qoida va me’yorlarni o’rganadi. Psixologiya va professional etika va etiket fanlari o’rtasida ham ma’lum bog’liqlik mavjud. Agar ruhshunoslik fanining mehnat psixologiyasi bo’limi mehnat turiga xos xossalarning odamga ruhiy ta’sirini o’rgansa, professional etika va etiket fani esa turli kasb egalarining qanday axloqiy qoidalarga rioya qilish kerakligini o’rganadi. Professional etika va etiket iqtisodiy geografiya va ekologiya fanining ekologiya qismiga aloqador. Ekologiya va etikaning bir–birlari bilan chambarchas bog’liqligi, ayniqsa oxirgi yillarda, tasdiqlanmoqda. Ma’lumki, jamiyat a’zolarining tabiat qonunlariga rioya qilmasligi va undan yovuzlarcha foydalanishlari natijasida oxirgi yillarda ekologik fojiali holatlar vujudga kelmoqda. Ulardan biri dunyoda o’rtacha yillik haroratning oshib borishi va uning

natijasida muzliklarning erishi, yoki ba’zi bir mintaqalarda, masalan, Orol dengizi ko’rfazida qurg’oqchilikning yuzaga kelishi va boshqalar. Kelib chiqishi mumkin bo’lgan fojiyalarning oldini olish va tabiatdan oqilona foydalanish uning qoida va me’yorlarini zudlik bilan amalga tadbiq yetishni talab qiladi. Amaliy me’yor va qoidalarni ishlab chiqish professional etika va etiket fanining asosiy masalalaridan hisoblanadi. Hozirgi kunda tirik organizm, o’simlik va hayvonlarning ko’pgina turlari jisman yo’q bo’lib kyetish arafasida turibdi. Ayniqsa, joy topolmay, okean bo’ylab kemalarda suzib yurgan radioaktiv chiqindilar yoki ularning kimsasiz go`zal orollarga ko’mib tashlanishi, kislota yomg’irlarining ko’payib borishi singari hodisalar bag’oyat xatarli. Afsuski, inson ko’ra-bila turib, o’zi o’tirgan shoxga bolta urishni to’xtatmayotir. Nemis olimi V.Derngols kishilarda umuman tabiatga, xususan, suvga nisbatan ekologik va gigiyenik munosabat madaniyatnishakllantirishni hayotiy zaruriyat tarzida qarab: «Yerda suvning tozaligini saqlash - inson qonining sofligini ta’minlashning zaruriy shartidir...Inson suvni ifloslantirishi bilan o’z umrini qisqartiradi»,- degan edi. Bu muammolarning hal etilishi faqat atrof-muhitni kimyoviy zahardan ekologik tozalashnigina emas, balki, eng avvalo, global ma’noda, XXI asr kishisi ongini texnokratiya zaxaridan forig’lantirishni taqozo etadi. Ya’ni ular insoniyat oldida endilikda ekologik hodisa emas, balki tom ma’nodagi axloqiy muammolar sifatida ko’ndalang bo’lib turibdi. Mashhur avstriyalik etnolog olim, Nobel mukofoti laureati Konrad Lorensning: «Yoppasiga va tez yoyilib borayotgan jonli tabiatga begonalashish hodisasi uchun asosan sivilizatsiyamiz kishisidagi estetik va axloqiy to’poslik aybdordir» - degan so’zlari shu nuqtai nazardan diqqatga sazovordir. Madaniyatshunoslik va etika fanlarining o’rtasida ham uzviy bog’liqlik mavjud, chunki etika fani odamlarga hamda kasb guruhlariga axloqiy qonun- qoidalarni o’rgatish orqali ularning, qolaversa jamiyatning umumiy madaniyatini oshirishga yordam beradi.

Etika fani maxsus fanlar, chunonchi «Sayyohlarga xizmat ko’rsatishni tashkil yetish» fani bilan ham bevosita aloqador. Uning boisi shundan iboratki, sayyohlarga va aholiga xazmat ko’rsatishda ovqatlanish korxonalari xodimlari etika qoidalariga qat’iy rioya qilishlari shart. Shundagina mehmonlar kayfiyati buzilmaydi va iste’mol qilingan taom yaxshi hazm bo’ladi.

Adabiyotlar: 1) Karimov I.A. Yuksak ma’naviyat – yengilmas kuch.-T., Ma’naviyat, 2008. 2) Abdulla Avloniy. Tanlangan asarlar. 2 tomlik. T.2.-T.,Ma’naviyat, 1998. 3) Abdulla Sher. Axloqshunoslik. Darslik. - T., O’zbekiston faylasuflari milliy jamiyati, 2010. 4) Aliqulov H. Falsafiy meros va ma’naviy-axloqiy fikr rivoji. – T., Falsafa va huquq instituti, 2009. 5) Abu Homid Muhammad al-G’azzoliy. Kimiyoi saodat. Ruh haqiqati. – T., Adolat. 2005. 6) Kaykovus . Qobusnoma . - T ., O ’ qituvchi . Matbaa ijodiy uyushmasi, 2006. 7) Komilov N. Komil inson haqida to’rt risola. - T. Ma’naviyat. 1997. 8) Muhammadiyev N.E. Ichki ishlar idoralari xodimlarining kasb etikasi va estetik madaniyati - T., 2005. 9) Yusupov E. Inson kamolotining ma’naviy asoslari. - T., Yangi asr avlodi. 1998. 10) Richerson and Boyd, "The Evolution of Human Ultra Sociality" , In press: I. Eibl-Eibisfeldt and F. Salter, eds. Ideology, Warfare, and Indoctrinability, 1997.

O'xshashlar

Professional etika va kasbiy etiketning vujudga kelishi va rivojlanish bosqichlari etiketning kelib chiqishi, maqsadi va zamonaviy ahamiyati

Madaniyatshunoslik fanining predmeti va asosiy vazifalari

Diplomatik etiket

O`zbekistonning madaniyati va san’ati tarixi faniga kirish. Ibtidoiy davr madaniyati

Professional etikaning kategoriyalari