Turizmni rivojlantirishning iqtisodiy, ekologik va ijtimoiy-madaniy jihatlari - Iqtisodiyot - Referatlar

Turizmni rivojlantirishning iqtisodiy, ekologik va ijtimoiy-madaniy jihatlari

Yuklangan vaqt:

20.09.2019

Ko'chirishlar soni:

0

Hajmi:

86.5 KB

Ko'chirib olish

Turizmni rivojlantirishning iqtisodiy, ekologik va ijtimoiy-madaniy jihatlari Reja: 1. Milliy, mintaqaviy va mahalliy darajalardagi turistik faoliyat natijalarini iqtisodiy baholash 2. Rivojlantirish va turizm faoliyatining iqtisodiy foydaliligini oshirish bo‘yicha tadbirlarni rejalashtirish 3.Turizmni rivojlantirishga ekologik ta’sirlarning turlari va rejalashtirishda ularni hisobga olish 4. Atrof-muhitni muhofaza qilish bo‘yicha tadbirlarni rejalashtrish 5. Turizm faoliyati va uni rivojlantirish sohasidagi ijtimoiy-madaniy oqibatlar

1. Milliy, mintaqaviy va mahalliy darajalardagi turistik faoliyat natijalarini iqtisodiy baholash Turistik faoliyatning muhim jihatlaridan biri iqtisodiy foydalarni olish hisoblanadi. Buni quyidagi ko‘rsatkichlardan foydalangan holda baholaydilar. 1. Olingan daromad va uning yalpi milliy mahsulot yoki ichki yalpi mahsulotdagi salmog‘i – bu umuman mamlakat iqtisodiyotiga turizmning ta’sirini aks ettiradi. 2. Xalqaro turizmda ishlab topilgan xorijiy valyuta ulushi (xorijiy turistlarga qilingan umumiy xarajatlar miqdorini chegirib tashlagan holda yalpi daromad va sof foyda – chet el valyutasi chiqib ketishini chegirib tashlagandan keyin mamlakatda qoladigan xorijiy valyuta). 3. Turizm tufayli yaratilgan ishchi o‘rinlari. Bandlikning quyidagi turlari farqlanadi:  to‘g‘ridan-to‘g‘ri – bevosita turistik korxonalarda yaratilgan ishchi o‘rinlari (mehmonxonalar, restoranlar, turistlar uchun magazinlar, turistik agentliklar, sayohatlar byurolari va sh.k.);  bilvosita - turizm bilan chegaradosh sohalarda (qishloq xo‘jaligi, baliqchilik, sanoat korxonalari va boshqalar)ga ishchi o‘rinlari;  o‘zgartirilgan – bevosita va bilvosita sohalar xodimlari tomonidan olinadigan daromadlarni qo‘llash hisobiga yaratiladigan qo‘shimcha ish joylari;  qurilish va turistik infrastruktura sohasidagi bandlik. 4. Iqtisodiyotga rag‘batlantiruvchi ta’sir ko‘rsatadigan tashqi daromadlar manbai. Bu mahalliy iqtisodiyotda dastlabki turistik xarajatlar amalga oshiradigan to‘la tsikllarning sonidir. Bu ko‘rsatkich asosida iqtisod orqali o‘ta turib dastlabki turistik xarajatlar iqtisodiy faoliyatning boshqa turlariga qay darajada ta’sir etishi aniqlanadi (multiplikatsiya samarasi).

5. Davlat daromadlariga ulush qo‘shish – turistik yig‘imlarning mehmonxona, aeroport va boshqa turlari, turizm sohasida foydalaniladigan import tovarlariga bojxona to‘lovlari, turistik korxonalardan va ularning xodimlaridan olinadigan daromad solig‘i, turistik ob’ektlarning ko‘chmas mulkiga solinadigan soliqlar. 6. Transport ob’ektlari va xizmatlarini, uchun jamoa (mahalliy aholi) foydalanadigan boshqa infrastruktura yaratish va moliyaviy ta’minlash zarurligi. Turizm iqtisodiyotning boshqa sohalarini rivojlantirishda foydali katalizator rolini o‘y n aydi. Lekin, uni rivojlantirish rejalashtirilmasa va nazorat qilinmasa, salbiy iqtisodiy muammolar yuzaga kelishi mumkin. Masalan, import tovarlari va xizmatlari ulushining ko‘payishi yoki xorijliklarning turistik ob’ektlar va xizmatlarning katta qismini boshqarishi natijasida iqtisodiy foydaning kamayishi. Bunday bo‘lganda sof daromadlar va valyuta tushumlari kamayib ketadi, bu esa tegishli turistik rayon aholisida xorijliklarga nisbatan yoqtirmaslik kayfiyati uyg‘onishiga olib keladi. Shu bilan birga turizmni rivojlantirishning ba’zi shakllari va turlari xorijliklar egaligi yoki boshqaruvisiz faoliyat ko‘rsatishi mumkin emas. Ayniqsa , bu rivojlanishning dastlabki bosqichlarida ko‘p ro‘y beradi. Bunday paytlar, odatda mahalliy kapital va boshqaruv potentsiali cheklangan yoki mahalliy mahsulotlar hajmi oz bo‘lib ularni eksport qilish zarur bo‘ladi. Lekin bu salbiy omillarning o‘rni qaysidir darajada mahalliy aholining bandligi, ma’lum daromadlar olishi hisobiga qoplanib ketadi. Turizm ob’ektlari mamlakatning faqat bir yoki bir nechta rayonlarida jamlanganda ham iqtisodiy buzilishlar yuzaga kelishi mumkin. Bunda yuqoriroq ish haqi va yaxshi mehnat sharoitlari hisobiga turizm iqtisodiyotning boshqa sektorlaridan juda ko‘p xodimlarni jalb qiladigan bo‘lsa, bandlik nuqtai

nazaridan salbiy muammolar yuzaga kelishi mumkin. Bundan tashqari, tez rivojlanayotgan turistik zonalarda inflyatsiya va y erga, boshqa tovarlar va xizmatlarga narx oshib ketishi mumkin. Shuning uchun bunday salbiy hodisalar turistik faoliyatni rejalashtirish va uning samaradorligini baholashda hisobga olinishi kerak. Turizmning iqtisodiy samaradorligi tahlil etilayotgan vaqt davomida jonli va buyumga aylangan mehnatni eng kam sarf qilgan va atrof-muhitni optimal darajada saqlab qolgan holda mamlakat va xorijiy turistlarning tegishli talabiga mos keladigan tovarlar va xizmatlarning eng katta hajmini yaratish va realizatsiya qilish uchun ishlab chiqarish va turistik resurslardan foydalanish darajasi bilan baholanadi. Samaralilik mezoni– bu shunday asosiy ko‘rsatkichlarki, ular asosida faoliyatning natijalari miqdoriy baholanishi mumkin. Masalan, ichki turizm samaradorligining mezonlari turistik korxonaning rentabelligi, mehnatning bir shtat birligi hajmida ifodalan ad igan ishlab chiqarish mahsuldorligi, xalqaro turizmda esa – eng kam mehnat sarf qilgan holda eng ko‘p valyuta tushumi olishga erishish hisoblanadi. Rejalashtirish jarayonida iqtisodiy foydani ko‘paytirish maqsadida turizmning iqtisodiy samaradorligiga bo‘ladigan salbiy ta’sirlarni bartaraf etish yoki iloji b oricha kamaytirishga qaratilgan choralarni nazarda tutish lozim. 2. Rivojlantirish va turizm faoliyatining iqtisodiy foydaliligini oshirish bo ‘ yicha tadbirlarni rejalashtirish Iqtisodiy foydalarni oshirishning eng muhim omili , turizm tuzilmalari v a iqtisodiyotning boshqa tarmoqlari o ‘ rtasidagi aloqalarni yaratish va doimiy mustahkamlash hisoblanadi . Bu quyidagilarga imkon beradi:  turizmda import hajmini qisqartirish;

 mahalliy aholining bandligi va turizmdan tushadigan daromadlarni oshirish;  mahalliy qishloq xo‘jaligi va oziq-ovqat mahsulotlarini ishlab chiqarishni oshirish;  turizm korxonalarining mahalliy tovarlar va qurilish hamda ta’mirlash ishlari uchun materiallardan ko‘proq foydalanishini rag‘batlantirish (yoki shart qilib qo‘yish);  mahalliy mehmonxonalar va boshqa infrastruktura ob’ektlaridan foydalanish. Turizmdan tushadigan foydani ko‘paytirish uchun o‘z ob’ektlari va xizmatlaridan foydalanishni har tomonlama rag‘batlantirish zarur. Bu masalani hal qilishning yo‘llari quyidagilardir: investitsiyaviy rag‘batlantirish; aktsiyadorlik jamiyatlari va kompaniyalarini, jumladan xorijiy kompaniyalarni jalb qilgan holda yaratish; turizmning eng ustuvor shakllari va turlarini har tomonlama qo‘llab-quvvatlash; dastlab chet elliklar egalik qilayotgan bosqichda kapital to‘plab bo‘lganidan so‘ng, mahalliy tadbirkorlarning bu korxonalarni sotib olish sharti bilan ularga xorijliklar egalik qilishiga yo‘l qo‘yib berish. Turizmning iqtisodiy samaradorligini oshirish maqsadida rejalashtirish jarayonida yirik mehmonxonalarni millatlararo mehmonxonalar kompaniyalari boshqaruviga berishni nazarda tutish kerak. Bu daromadning bir qismidan voz kechishga olib kelishi mumkin, lekin yuqori malakali boshqaruv, xalqaro marketing, joylarni bronlashtirishni ta’minlaydi. Xalqaro menejmentga yo‘l qo‘yish to‘g‘risidagi qaror mamlakat, mintaqa zonaning konkret shart-sharoitlaridan kelib chiqib qabul qilinadi. Bunda, albatta, mahalliy firmalar tomonidan xorijiy turistik guruhlarni qabul qilish, ularga chet ellik turistik operatorlar tomonidan xizmat ko‘rsatish imkoniyatini cheklash talab qilinadi.

Mutahassislari xorijiy yuridik va jismoniy shaxslar bo‘lgan turistik firmalarga, shuningdek, chet el investitsiyalari ishtirokida tuzilgan firmalarga litsenziyalar faqat «O‘zbekturizm» milliy kompaniyasi tomonidan beriladi. Turizm sohasida mahalliy bandlikni rag‘batlantirish zarur. Bunda mahalliy aholi o‘rtasida turizm sohasidagi faoliyat hurmatgah sazovr ekanligi to‘g‘risida tushuntirish ishlari olib borish kerak. Shuningdek, mahalliy aholi orasidan turistik korxonalarni boshqarishning o‘rta va katta bo‘g‘inlari rahbarlarini ham tayyorlab borish kerak. Xorijiy rahbar xodimlarni mahalliy xodimlar bilan almashtirishni iloji boricha bosqichma-bosqich, uzoqroq istiqbolni ko‘zlab rejalashtirgan ma’qul. Turizmning iqtisodiy samaradorligini oshirish uchun quyidagi boshqa metodlar ham qo‘llaniladi: mahaliy san’at namunalari va xalq hunamrmandchiligi buyumlarini sotib olish uchun kengroq imkoniyatlar yaratish; ko‘ngilochar tomoshalar va boshqa tadbirlar tarmog‘ini kengaytirish (ular tufayli turistlar ushbu yerlarda bo‘lish muddatini uzaytirishni xohlab qolishlari mumkin). Shunday qilib, turistik sohani rivojlantirish va u faoliyat ko‘rsatishining iqtisodiy foydaliligini tijorat, byudjet va xalq xo‘jaligi kabi o‘zaro bog‘langan ko‘rsatkichlarning tizimi bilan tavsiflash mumkin. 3.Turizmni rivojlantirishga ekologik ta’sirlarning turlari va rejalashtirishda ularni hisobga olish Turizm va atrof-muhit o‘zaro bog‘langan. Jismoniy muhit (tabiiy va inson tomonidan yaratilgan) ko‘plab xushmanzara elementlarga ega. Lekin turistik faoliyat bu muhitga ham ijobiy, ham salbiy ekologik ta’sir ko‘rsatishi mumkin. Turizmni rivojlantirish va uni boshqarishni shunday amalga oshirish kerakki, toki o‘tkazilgan jarayonlar atrof-muhitni buzishga xizmat qilmasin, balki u

bilan uyg‘unlashib ketsin. Agar turizm zarur darajada rejalashtirilsa, rivojlansa va boshqarib borilsa, u katta ekologik ijobiy ta’sirlar ko‘rsatishi mumkin. Ular jumlasiga quyidagilar kiradi. 1. Tabiiy hududlarni, o‘simliklar va hayvonot olamini muhofaza qilish, milliy (mintaqaviy) parklar va qo ‘ riqxona larni, boshqa turistik diqqatga sazovor joylarni rivojlantirishni asoslash va mablag‘ bilan ta’minlashga xizmat qilish. Bu chora atrof-muhitni muhofaza qilish uchun cheklangan mablag‘larga ega mamlakatlar va mintaqalarda, ayniqsa, samara beradi. 2. Arxeologik va tarixiy ob’ektlarni saqlashni ular buzilib ketmasligi yoki umuman yo‘qolib ketmasligi uchun asoslab berish va mablag‘ b ilan ta’minlash. 3. Turistlar keladigan joylarnining jozibadorligi, tozaligi va ifloslanmasligini ta’minlay borib, atrof-muhitning sifatini yaxshilash. Muvaffaqiyatli joylashgan turistik ob’ektlar ham shahar, ham qishloq ko‘rinishini bezashi mumkin. Atrof-muhitning sifatini yaxshilash, o‘z navbatida, infrastrukturaning (suv ta’minoti, kanalizatsiya, qattiq chiqitlarni yo‘q qilish va takomillashuviga ko‘maklashadi. 4. Mahalliy aholi, ayniqsa, yoshlarning ekologik ma’rifati darajasi oshishiga ko‘maklashish. Turizmning salbiy ta’sirlariga quyidailar kiradi: 1. Kanalizatsiya va qattiq chiqindilarni yo‘q qilish tizimining noto‘g‘ri rivojlanishi oqibatida suvlarning ifloslanishi. 2. Noto‘g‘ri joylashgan turistik ob’ektlar, ularning mahalliy landshaft va chiroyli ko‘rinishlar bilan uyg‘unlashmaganligi, juda katta va yaltiroq reklama peshlavhalaridan foydalanish va sh.k.lar tufayli landshaftlar estetikasining yomonlashuvi.

3. Turistik zonalarda ichki yonish dvigateliga ega transport vositalaridan haddan ortiq foydalanish, shuningdek, shovqinlarning ko‘pligi (samolyotlar, katerlar, suvda foydalaniadigan qanotlarga ega kemalar, turistlar, transport vositalarining haddan ortiq ko‘p to‘planishi va sh.k.). 4. Tabiy joylar va turistik ob’ektlardan axlatlarni olib chiqib ketish muammosi. 5. Turistlar oqimi foyda keltirmaydigan bo‘lgani, turistik ob’ektlarning asoslanmagan holda qurilishi oqibatida tabiiy zonalar ekologiyasining buzilishi. Ekologik jihatdan alohida zaif bo‘lgan qirg‘oqbo‘yi, dengiz, tog‘ va sahro ekotizimlari. 6. Noto‘g‘ri foydalanish, turistlar oqimining haddan ortiq ko‘payib ketishi yoki maqsadga muvofiq bo‘lmagan qurilishlar tufayli arxeologik va tarixiy yodgorliklarga zarar etishi. 7. Yerdan foydalanish bilan bog‘liq bo‘lgan va turistik ob’ektlar va korxonalarni muvaffaqiyatsiz rejalashtirish, joylashtirish, loyihalash va qurish oqibatida yuzaga keladigan ekologik tavakkallar va muammolar. Shunday qilib, barcha bosqichlarda turizmni rivojlantirishni rejalashtira turib, ekologiyaga salbiy ta’sirlarni kamaytirish bo‘yicha har tomonlama tadbirlarni nazarda tutish, moliyaviy ta’minlash va amalga oshirish zarur. 4. Atrof-muhitni muhofaza qilish bo‘yicha tadbirlarni rejalashtrish Rejalashtirish jarayonining ajralmas qismi atrof-muhitni muhofaza qilish bo‘yicha tadbirlar ishlab chiqish hisoblanadi. Bunda turistik rayonlarning o‘tkazish potentsialini hisobga olish va uni saqlagan holda ekologik barqaror rivojlantirish kontseptsiyasi muhim rol o‘ynaydi. Atrof-muhitni muhofaza qilishni ta’minlash uchun yaxshi rivojlangan infrastrukturaga ega ma’lum zonalarda turistik ob’ektlarning to‘planishi,

ekologik ta’sirlarni doimiy nazorat qilib borish va turizmni rivojlantirishga o‘z vaqtida o‘zgartirishlar kiritib borish muhim ahamiyat kasb etadi. Bundan ko‘zlangan maqsad – uning salbiy ta’sirini yo‘q qilish yoki eng kam darajaga tushirishdir. Ayniqsa turistik mavsum avjiga chiqqan paytlarda ekologik muammolar ko‘proq vujudga keladi. Ayni shu paytda infrasturktura zo‘riqib ishlaydi va diqqatga sazovor joylar, ob’ektlar va xizmatlardan haddan ortiq foydalanish yuzaga keladi. Ekologik salbiy ta’sirlarni to‘xtatib qolish uchun rejalarni ishlab chiqayotganda maxsus choralarni ko‘zda tutish kerak. Ular jumlasiga quyidagilar kiradi: 1) turistik ob’ektlar uchun suv va elektr ta’minoti, kanalizatsiya, qattiq chiqindilarni yo‘q qilish va suv tarnovlari tizimini qurishda loyihalarga qat’iy amal qilish, to‘plangan suvlarni tozalash va qayta ishlash, isitish uchun quyosh batareyalaridan foydalanishni keng jori y qilish va sh.k. Rejalarda bundan foyda olgan holda mahalliy aholining ehtiyojlari uchun foydalanishni nazarda tutish; 2) ekologik toza transpot va yo‘l tizimlaridan (elektr dvigatelli avtobuslar) foydalanish, qurilishi tugallanmagan ochiq hududlardan foydalanish, parklar yaratish, turistik zonalardagi hududlarni obodonlashtirish; 3) y erdan foydalanish va ob’ektlarni rejalashtirishning maqsadga muvofiq printsiplarini qo‘llash, zonalashtirish qoidalari, qurish va arxitekturaviy loyihalashtirish me’yorlariga rioya qilish, reklama shitlari va peshlavhalarini j oylashtirishni tartibga solish; 4) turistik diqqatga sazovor joylar zonalarida keluvchilar oqimini boshqarish, keluvchilarning sonini cheklash yoki ularning kelishini umuman to‘xtatib qo‘yish. Unda modellashtirish metodlaridan, ya’ni ob’ektning o‘ziga

turistlar bormagan holda tegishli diqqatga sazovor joyning nusxasini montaj qilish va ko‘rsatish; 5) turistlarga kemping zonalari va piyodalar so‘qmoqlarida daraxtlarni kesishni, kamyob o‘simliklarni to‘plashni, yovvoyi hayvonlarning tabiiy xulq atvor modelini buzishni man qilish; faqat nazorat qilinadigan joylardagina baliq ovi va ov bilan shug‘ullanishga ruxsat etish; 6) dengiz zonalarida faoliyatning quyidagi turlarini nazorat qilish: kemalarning korpuslarini tozalash va ballast (kemaning muvozanatini saqlash uchun qo‘yilgan yuk) tashlash bilan bog‘liq operatsiyalar; ekologik zaif zonalarda motorli lodkalardan foydalanish; tirik chig‘anoqlar, dengiz marjonlari va yo‘qolib borayotgan dengiz hayvonlarini to‘plash; dengiz miltig‘i bilan ov qilish; qurilish maqsadlarida plyaj qumini olish va sh.k.; 7) ham turistlar, ham mahalliy aholining foydasi yo‘lida ekologik sog‘lomlik va xavfsizlik me’yorlarini saqlab turish. Agar rayonda (zonada) ekologik xavfsizlik va atrof-muhitni saqlash bo‘yicha tadbirlar o‘tkazilayotgan bo‘lsa, u holda ular haqida ushbu choralarga rioya qilishlari maqsadida turistlarga bu haqda xabar qilinishi kerak. Atrof-muhitni muhofaza qilish tadbirlarini hisoba olgan holda, ekologik rejalashtirish printsiplarini amalga oshirish ko‘plab ekologik muammolarning oldini olishga xizmat qiladi. Atrof-muhitga ta’sirni baholash (AMTB) turizmni rivojlantirishning har bir konkret loyihasi bo‘yicha amalga oshirish zarur. Agar birorta ko‘rib chiqilayotgan loyiha ekologiyada salbiy muammolar keltirib chiqarishi mumkinligi aniqlansa, uni zarur tuzatishlar kiritmay turib tasdiqlash mumki emas. Turizmni rivojlantirishning barcha bosqichlarida AMTB choralarini qo‘llash tartibi mamlakat qonunlari tomonidan belgilanadi. AMTB ta’sirning barcha turlarini – ekologik,iqtisodiy va ijtimoiy-madaniy ta’sirlarni qamrab olishi kerak.

5. Turizm faoliyati va uni rivojlantirish sohasidagi ijtimoiy-madaniy oqibatlar Turizm mahalliy aholi va uning madaniy modellariga ijobiy ta’sir ko‘rsatish bilan birga, salbiy ta’sir ham ko‘rsatishi mumkin. Har qanday bosqichda turizmni rivojlantirishni rejalashtirishda ijtimoiy-madaniy ta’sirlarning sabablarini albatta hisobga olish zarur. Zarur darajada rejalashtirilgan, rivojlantirilgan va boshqarilganda turizm quyidagi ijtimoiy-madaniy foydalar keltiradi: 1) mahalliy aholining turmush darajasini oshirish va kommunal ob’ektlar va xizmatlarni yaxshilash uchun qo‘shimcha mablag‘lar ajratilishiga ko‘maklashadi; 2) tegishli turistik rayonning madaniy merosini saqlab qolish, musiqa, raqs, xalq og‘zaki ijodiyoti, san’at va hunarmandchilik, turmush tarzi, iqtisodiy faoliyatning an’anaviy turlari va arxitektura usullari bilan bog‘liq madaniy modellarning rivojlanishiga yordamlashadi; 3) turistik faoloiyat mablag‘lari tomonidan ta’milanadigan, lekin ulardan mahalliy aholi ham foydalanishi mumkin bo‘lgan muzeylar, teatrlar va boshqa madaniyat ob’ektlarining yaratilishi va qo‘llab-quvvatlanishiga xizmat qiladi; 4) turistlar tomonidan yuqori baho berilishi tufayli mahalliy aholining o‘z madaniyati uchun faxr tuyg‘usini kuchaytiradi, ba’zan qayta tiklaydi ham; 5) turistlar va mahalliy aholi o‘rtasida madaniyat sohasidagi almashishlarni ta’minlaydi. Bunga ko‘pincha turizmning bilib olish uchun borish, qishloq turizmi va mahalliy aholining xo‘jaligini borib ko‘rish dasturlari kabi turlari yordamlashadi.

Ijobiylari bilan birga ijtimoiy-madaniy tusdagi salbiy ta’sirlar ham yuzaga kelishi mumkin. Masalan, ayniqsa mavsum avjiga chiqqan paytida turistlarning haddan ortiq to‘planishi. Bunday paytlarda diqqatga sazovor joylar, xizmat ko‘rsatish ob’ektlari, restoranlar, magazinlar, transport vositalari turistlar bilan to‘lib-toshgan bo‘ladi va bu mahalliy aholi uchun katta o‘ng‘aysizliklar keltirib chiqaradi. Turistlar oqimining haddan ortiqligi muhim arxeologik va tarixiy yodgorliklar holatining yomonlashuviga olib keladi. Masalan, haddan ortiq tijorat faoliyati mahalliy odatlar, rasm-rusumlar, musiqa, raqslar, hunarmandchilik va boshqa madaniy modellarning o‘ziga xos xususiyati yo‘qolishiga olib kelishi mumkin. Mahalliy aholida, ayniqsa, yoshlarda bunday vaqtlarda turistlarning xulq-atvori va kiyinishiga taqlid qilishga qiziqish uyg‘onadi. Bundan tashqari, turistlar va mahalliy aholi o‘rtasida ko‘pincha til va xatti-harakat o‘rtasidagi farqlar tufayli tushunmovchiliklar va nizolar kelib chiqishi mumkin; turizm giyohvandlik, alkogolizm, jinoyatchilik va fohishabozlik bilan bog‘liq ijtimoiy muammolarni chuqurlashtirishga xizmat qilishi ham mumkin. Madaniyatni saqlab qolishning metodlaridan biri sifatida turizmdan maqsadga muvofiq foydalanishining mazkur sohadagi salbiy ta’sirlarini sezilarli darajada kamaytirishga xizmat qiladi. Lekin turizmni rivojlantirishi varinatlarini tanlab olishda, buning uchun qanday yondashuv eng mos tushishini aniq belgilab olish zarur. Rejalashtirishda quyidagi konkret choralar nazarda tutiladi. 1. Mahalliy raqslar, musiqa, folklo r , san’at, hunarmandchilik va kiyim kechakning o‘ziga xosligini, hatto ular ba’zan turistlarni yanada ko‘proq jalb etish uchun zamonaviylashtiriladigan bo‘lsa ham, saqlab qolish. Rasm- rusmlar va marosimlarning ba’zi turlarini, masalan, diniylarini, turistlar uch u n,

deb o‘zgartirmaslik kerak va bunday marosimlarga turistlarnin g qo‘yilishi qat’iy nazorat qilinishi zarur. 2. Turistik ob’ektlarni qurishda alohida arxitektura usullarini saqlab qolish va mahalliy arxitektura an’analiridan foydalanish. 3. Mahalliy aholining turistik diqqatga sazovor joylar, xizmat ko‘rsatish elementlari va boshqa ob’ektlarga y etishish qulay bo‘lishini ta’minlash, turistlar oqimini tartibga solish. 4. Agar mahalliy aholi mavjud tijorat turistik ob’ektlardan bemalaol foydalan a olmasa, ularga ushbu ob’ektlarga borish uchun imtiyozli narxlar belgilash yoki qimmat bo‘lmagan yoxud subsidiya berilgan ob’ektlarni taqdim qilish. 5. Mahalliy aholining turizm borasidagi ma’rifiy bilimlarini oshirish: turizmning foydalari, uni rivojlantirish siyosati va dasturi, mahalliy aholining turizmni rivojlantirishdagi shaxsiy ishtiroki, ushbu rayonga keluvchi turistlar toifalarining xususiyatlari haqida. Buning uchun mahalliy radio, televidenie, matbuot va boshqa imkoniyatlardan foydalanish lozim. Turizm bilan tanishishni maktablar va boshqa o‘quv yurtlarining o‘quv dasturlariga kiritish zarur. 6. Turistlarni mahalliy jamoa haqida xabardor qilish: uning odatlari, kiyinish xususiyatlari, madaniy, diniy va boshqa joylarda xulq-atvor qoidalari, suratga tushishda o‘zini tutishi, «choy-chaqa» qoldirib ketish amaliyoti, boshqa mahalliy muammolar (jinoyatchilik va sh.k.) haqida. Turistlar mahalliy xulq- atvor qoidalarini bilishlari va ularga rioya qilishlari kerak. 7. Turizm sohasida, jumladan, tillar va xulq-atvor qoidalarini o‘rgatish borasida ham kadrlarni tegishlicha tayyorlash. Bu turitslar va xizmat ko‘rsatuvchi xodimlar o‘rtasida kelib chiqishi mumkin bo‘lgan nizolarni bartaraf etishga xizmat qiladi.

8. Giyohvandlik, jinoyatchilik va fohishabozlikka qarshi kurash tadbirlarini o‘tkazish. Turizmni uning barcha bosqichlarida rivojlantirishni rejalashtirish iqtisodiy, ekologik va ijtimoiy-madaniy jihatlar va muammolarni har tomonlama hisobga olish hal qilishga asoslanishi kerak. Xulosa Turizmning iqtisodiy samaradorligi tahlil etilayotgan vaqt davomida jonli va buyumga aylangan mehnatni eng kam sarf qilgan va atrof- muhitni optimal darajada saqlab qolgan holda mamlakat va xorijiy turistlarning tegishli talabiga mos keladigan mahsulotlar va xizmatlarning eng katta hajmini yaratish va realizatsiya qilish uchun ishlab chiqarish va turistik resurslardan foydalanish darajasi bilan baholanadi. Turizm ob'ektlari mamlakatning faqat bir yoki bir nechta tumanlarida jamlanganda ham iqtisodiy buzilishlar yuzaga kelishi mumkin. Bunda yuqoriroq ish haqi va yaxshi mehnat sharoitlari hisobiga turizm iqtisodiyotning boshqa sektorlaridan juda ko`p xodimlarni jalb qiladigan bo`lsa, bandlik nuqtai nazaridan salbiy muammolar yuzaga kelishi mumkin. Bundan tashqari, tez rivojlanayotgan turistik zonalarda inflyatsiya va yerga, boshqa mahsulotlar va xizmatlarga narx oshib ketishi mumkin. Shuning uchun bunday salbiy hodisalar turistik faoliyatni rejalashtirish va uning samaradorligini baholashda hisobga olinishi kerak.

FOYDALANILGAN ADABIYOTLAR. 1. «O`zbekistonda turizmni rivojlantirishning 2005 yilgacha bo`lgan davlat dasturi», O`zbekiston Respublikasi Prezidenti I.A. Karimovning 15.04.1999 yildagi UP-2286 farmoni. 2 . Биржаков М.Б. Введение в туризм. С.Пб.: Издательский Торговый Дом «Герда», 2004 3. Бгатов А.П. Туристские формальности. Учебное пособие. 2004. 4. Зайцева Н.А.Менеджмент в социально-культурном сервисе и туризме. 2003 5 . Квартальнов В.А. Мировой туризм на пороге 2010 года: прогнозы и реальность. М.: Финансы и статистика.2003. Маринин М.М. Туристские формальности и безопасность в туризме.2004. 7 . Планирование туризма. Учебное пособие. Юреев А.П. Донецк 2003 г. 8. Сергеева Т.К. Экологический туризм. Учебник . 2004. 8. Bonifase, Priseilla. Managing Quality Cultural Tourism – London, 1995 . 9 .Tourism and Poverty Alleviation-Recommendations for Action.WTO.2004. 10. Int е rn е t saytlari . www . world - tourism . org – Всемирная туристская организация www . e - tours . ru – деловые туры, выставки, конференции www . travel - library . com – Электронная библиотека путешествий

O'xshashlar

Ekologik turizmni rivojlantirishning zamonaviy tendensiyalari

Tabiatdan foydalanishning ekologik-iqtisodiy jihatlari

Razdel turizmni rejalashtirishning strategik jihatlari

Turizmni rejalashtirishning tashkiliy mexanizmi

Iqtisodiy tahlilni muammoli jihatlari