Turistik xizmatlarning hayotiy davri - Iqtisodiyot - Referatlar

Turistik xizmatlarning hayotiy davri

Yuklangan vaqt:

20.09.2019

Ko'chirishlar soni:

0

Hajmi:

334.5 KB

Ko'chirib olish

Turistik xizmatlarning hayotiy davri Reja: 1. Turistik mahsulot va uning hayotiy davri 2. Turistik mahsulotning ishlab chiqarilishi 3. Turistik mahsulotning tarkibiy qismi 4. Turistik mahsulotni rejalashtirish 5. Tatbiq etish 6. O‘sish 7. Yetuklik 8. Pasayish 9. Turistik mahsulotni loyihalashtirish

1. Turistik mahsulot va uning hayotiy davri Turistik mahsulot va uning hayotiy sikli — inson hayoti faoliyatining murakkab ijtimoiy jarayonlari va ko’p qirrali turi. Turistik faoliyatni, bir tomondan, turizm tashkilotchilari (turoperator va turistik agentlar hamda ishtirokchilar)ning iste‘mol qiladigan mahsulotni — turistik mahsulotni shakllantirish bilan bog’liq faoliyati, ikkinchi tomondan esa, bu mahsulotni iste‘mol qiladigan turistlar faoliyati sifatida ko’rish mumkin. Bunda davlat soliqlarni to’plash uchun o’z manfaatlari yo’lida harakat qiladi. Turistik mahsulot turistik taklif va turning asosi bo’ladi. Turistik mahsulotni yaratuvchi korxonaning bozor imkoniyatlarini aniqlash uchun uning hayotiy siklini tadqiqot qilish bo’yicha marketing faoliyati tajribasi foydali bo’lar edi. Tovarlarning hayot sikli tamoyillari Shundan kelib chiqadiki, yuqori ist‘emol xususiyatlarga ega bo’lgan har qanday tovar vaqti kelib bozordan yangi, yanada takomillashgan tovar bilan siqib chiqariladi. Faqat ehtiyojlar doimiy bo’ladi, ularni qondirish vositalari esa o’zgaradi. Bozorda taklif etilgan tovar o’z haridorlarni ma‘lum vaqt ichida topib, hayot sikliga ega bo’ladi. Turistik mahsulot o’z rivojlanishida sotish va foyda hajmining egiluvchanligi bilan tavsiflanadigan bir qator ketma-ket bosqichlarni o’tadi. Foyda egrisi Sotish hajmi Harajatlar Sotuvlar egrisi egrisi

Tatbiq etish O’sish Yetuklik Pasayish Vaqt Turistik mahsulotning hayot sikli Mahsulotning bozorga kirib borish fursati bo’lib, uning turistik korxona tomonidan birinchi marta taklif etilgani hisoblanadi. Bu bosqichning asosiy tavsifi bo’lib, mahsulotning asta-sekin sotilishi va natijasi foydaning umuman yo’qligi yoki past darajada bo’lishi. O’sish bosqichi sotish hajmining tez o’sishi va foyda ko’payishi bilan tavsiflanadi. Marketing harajatlari juda yuqori bo’lsa ularning umumiy harajatlarda ulushi o’z-o’zidan pasayadi. Yetuklik bosqichi sotish o’sishining sekinlaShuvi va barqarorligi bilan tavsiflanadi. Pasayish bosqichi turistik sohasining mahsulotga tuyinganligini aks ettiradi. Sotish hajmining barqaror kamayishi va olinadigan foyda miqdorining pasayishi (ehtimol, eng pastki nuqtagacha) ro’y beradi. Shunday qilib, bir necha yil davomida kam foyda keltiradigan mahsulotlar hamda bozorda obruga sazovar bo’lgan, ammo ularning sotuvini jonlashtirish uchun imidjini o’zgartirish kerak bo’lgan mahsulotlarni sinchiklab tahlil qilish kerak. Fransiyadagi turizm bo’yicha Oliy kengash belgilanganidek, bu mahsulotlar «kuchga kiradi» va ancha uzoq muddatda ahamiyatli bo’lib qoladi (masalan, madaniyat sohasidagi sinovdan o’tgan xizmatlar, festivallar, ekologiya va qishloq turizmi, sport o’yinlari). Bundan tashqari, talabning o’zgarishiga binoan turistik korxonalarning ixtisosligi ham rivojlanadi. Asosiy mahsulotlar faqat o’ziga xos xususiyatlar bilan va o’rnini bosuvchi mahsulotlar bilan ajralib turadi. Bunga binoan mahsus mijozlarni o’ziga tobe etish oson bo’ladi. Demak, turistik mahsulotning hayotiy sikli uch yirik muammo vujudga kelishini bildiradi. Birinchidan, firma susayish bosqichida bo’lgan mahsulotlar o’rniga o’z vaqtida yangi mahsulotlarni topishi kerak (yangilik yaratish muammosi). Ikkinchidan, firma hayot siklining har bir bosqichida mavjud bo’lgan

mahsulotlar bilan ishni samarali tashkillashtirishi kerak (turistik mahsulot hayot sikli bosqichlariga bo’lgan strategik yondashuv muammosi). Uchinchidan, yetarli darajada muhim masala, bu hayot siklining har bir bosqichlariga tegishli nuqtai nazaridan firma taklif etadigan mahsulotlar tuzilishini optimallashtirishga qaratilgan bo’ladi. 2. Turistik mahsulotning ishlab chiqarilishi Turizm va turistik faoliyati — inson faoliyatining murakkab ijtimoiy jarayonlari va ko’p qirrali turlari. Turistik faoliyatni turizm tashkilotchilari (turoperator va turagent hamda barcha ishtirokchilar)ning iste‘mol mahsulotni — turistik mahsulotni shakllantirish bo’yicha faoliyatni, bir tomondan, va ikkinchi tomondan, bu mahsulotni iste‘mol qiladigan turistlar faoliyati sifatida ko’rib chiqish mumkin. Bunda davlat soliqlarni yig’ishda o’z manfaatlarni hushyorlik bilan ta‘minlaydi. Turistik mahsulot turistik taklif va turning asosi bo’ladi. Turistik faoliyatni muvaffaqiyatli yuritish uchun firmalar o’z sa‘y- harakatlarni sovurish maqsadida muvofiq emas, balki turistik mahsulotni ist‘emolchilarga o’tkazib berishi shart. Turistik firmalar, boshqaruv va turizm organlari, mehmonxonalar va boshqa joylashtiruv vositachi korxonalar, transport korxonalari, o’yin-tomosha vositalari, Shuningdek, sayohat xizmatlari va tarjimon- gidlar xizmatlari faoliyatlarini o’zaro mujassamlashtiriladi. Barcha turistik biznes korxonalarning asosiy faoliyati xizmat ko’rsatish faoliyatini birlashtirish xizmat ko’rsatish deganda, aholi tarkibini qoniqtiradigan foydali faoliyat sifatida mavjud, o’ziga xos harid qiymati tushuniladi. O’zbekiston Respublikasida ko’rsatilgan barcha xizmat turlariga davlat tomonidan iste‘molchilarning sog’lig’i va hayot xavfsizligini ta‘minlashga talablar ishlab chiqilgan. Ushbu talablar davlat standartlarida aks etgan va ularga rioya qilish turistik biznes korxonalari uchun moyildir. Turistik biznes korxonalari quyidagilarni amalga oshiradi: 1. Asosiy ishlab chiqarish faoliyati; 2. Savdo-sotiq faoliyati bu boshqa korxonadan olingan mahsulot va xizmat ko’rsatish savdosida namoyon bo’ladi; Savdo sotiq faoliyati:

a) ko ’ tara ( ulgurji ) savdo ( yuridik shaxslar o ’ rtasida ); b) chakana savdo (yuridik va jismoniy shaxslar o’rtasida); 3. Vositachilik faoliyati — turistik biznes korxonalari tomonidan o’ziga tegishli bo’lmagan xizmat ko’rsatish va mahsulot savdosida aks etadi. Turistik biznes korxonalari ishlashi uchun umumiy sharti bu faoliyatning alohida turlariga litsenziya olishdir. Litsenziyasiz faoliyat turi bu shartni bajarmagan bo’ladi va qonun bo’yicha bu faoliyat noqonuniy hisoblanadi. Barcha turistik korxonalari haridorlar bilan pulsiz va naqd pullik hisob-kitobni amalga oshiradi va qonunda belgilangan hisob-kitob tartiblariga to’la rioya qilishi shart. 3. Turistik mahsulotning tarkibiy qismi Turistik mahsulotning asosiy manbalari bu destinatsiyaning turistik resurslari. Turistik mahsulot — turizm jarayonida va maqsadida turistning ehtiyojlarini qondirish uchun yetarli bo’lgan ikkita yoki undan ko’p bo’lgan yakka yoki ko’pgina maqsadga yo’naltirilgan turistik xizmatlar, ishlar va tovarlar yig’indisi (turpaket yoki turistik xizmatlar paketi)dir.Turistik mahsulot uni tashkil qiladigan uch tarkibiy qismdan iborat: a) turistik xizmatlar (turizm tashkilotchilari xizmatlaridan — turoperator va turistik agentlari, taShuvchilar xizmati, mehmondorchilik va ovqatlanish tizimining xizmatlari, boshqa turistik xizmatlar qatoriga kiradigan xizmatlar)dir; b) turistik xizmatlarni iste‘mol qilish jarayoniga yo’ldosh bo’lgan ishlardan; c) turda iste‘mol qiladigan tovarlar hamda tur tashqarisida iste‘mol qilinadigan tovarlardan.

Turistik mahsulot barcha iste‘molchilar uchun yagonalik belgilariga ega bo’lgan resurs unsurlarga, jumladan, resurs tarkiblari hamda turizm infratuzilmasining ob‘ektlari va tizimlariga asoslanadi. Tarkibiy qismlari tabiiy tafsilotga ega bo’lishi mumkin va ishlab chiqaruvchi — iste‘molchi ongidan tashqarida amal qilishi mumkin. Masalan, shimol yog’dusi, oq tunlar, tabiiy manzaralar va boshq. Turistik mahsulotning tarkibiy qismlari faqat birgalikda amal qilishi mumkin. Shunday rivojlangan infratuzilma bo’lishi shart: aloqa qilish yo’llari, kommunal va maishiy xizmatlar tizimi, savdo. Unsurlarning bu o’zaro aloqasi seziladigan yoki sezilmas bo’lishi mumkin, ammo doimo va har qanday yakka unsur boshqa manbalarning mahsulotlari unsurlariga tayangan holda yashaydi. Salohiyatli turistik xossalarning rivojiga qat‘iy shart bo’lib, turistlarning resurs yoki resurs manbasiga yetib kelishi hisoblanadi. Agar yetib kelish sharoiti yoki boshqa zaruriy, yetarli sharoitlar bo’lmasa, resurs yoki ob‘ekt salohiyatli turistik mahsulot bo’la olmaydi. Demak, bu mahsulotga turizm maqsadida sababli talab bo’lishi zarur.

4. Turistik mahsulotni rejalashtirish Ko’pgina firmalarning maqsadi foyda olish va uzoq davom etadigan biznes hisoblanadi. Bu maqsadga erishish uchun kompaniyalar salohiyatli haridorlarni qondiradigan va Shu bilan biznesni kengaytirishga ta‘sir etadigan tovar yoki xizmatni yaratishlari kerak. Mahsulotni rejalashtirish bu foydali va uzoq davom etuvchi biznesni rivojlantirishning muhim tarkibiy qismi. Odatda, uni «besh qoidaga bo’ysunish», ya‘ni to’g’ri mahsulot yaratish, uni to’g’ri joyga yetkazish, to’g’ri vaqtga, to’g’ri narxda va kerakli (to’g’ri) miqdorda rejalashtirish, deb ataydilar. Iste‘molchi uchun mahsulot — bu xizmatlarning moddiy tarkibiy qismlari va xizmatlari yig’indisi emas, balki undan ko’p bo’lgan narsadir. Bu nafliklar, moddiy va nomoddiy qimmatliklar yig’indisi. Demak, mahsulotni iste‘molchilar uni qanday ko’rmoqchi bo’lsa, Shunday rejalashtirish kerak. To’g’ri mahsulot (tovar yoki xizmat)ni yaratish oson masala emas. Chunki haridorlarning ehtiyojlari, talablari va xohishlari doimo o’zgaradi. Raqobat kuchlari mahsulotning hayotiy sikliga ta‘sir qiladi, ya‘ni hayot siklining ma‘lum bosqichida muvaffaqiyatga qozongan mahsulotlar, keyinchalik pasayish bosqichiga kiradi yoki yo’q bo’ladi. Odamlarning turmush tarzi va texnologik o’zgarishlar tez rivojlanishi uchun ayrim tovar-xizmatlarning hayot sikli qisqaradi. Buning uchun mahsulot hayotiy sikli konsepsiyasi (tamoyillari) strategik rejalashtirishda muhim rol o’ynaydi va mahsulot hayot siklining har bir bosqichi marketing uchun aniq vazifalarni yaratadi. Bir necha o’n yillar oldin ko’pgina katta kompaniyalarda rejalashtirishga yondashuv tasodifiy holat hisoblanar edi. O’shanda hamma ish ko’ngildagidek ketayotgan bir vaqtda, aniq maqsadlar to’g’risida o’z tinchini buzishmaydi. Bundan tashqari, ular ayrim hollardagina muvaffaqiyatga erishish uchun harakatlanish grafigi va marshrutlarini aniqlashga urinadilar. Bugungi kunda vaziyat birmuncha o’zgardi. Muvaffaqiyat sari borayotgan top-menejerlar o’zlarini firma ichidagi rejalashtirish konsepsiyasiga bag’ishlaydi. Ular endi biznesni hayotiy muhim bo’lgan sohalarini rejalashtirishsiz o’z

harakatlarni amalga oshirishmaydi, ya‘ni turistik mahsulot, marketing, mehnat resurslari, moliya va hatto jamiyat bilan aloqalarni ham rejalashtirish maqsadga muvofiqligini anglaydilar. Top-menejerlar turistik tashkilotlarni hayotiy yo’lini rejalashtira borib, barcha imkoniyatlarni ishga solishmoqda. Bugungi kunda bizga nisbatan G’arbdagi turistik faoliyatning ko’pgina sohalarida rejalashtirishga yondashuv hayratlanarli darajada keng tarqalgandir. Ular foydani rejalashtirishni kamrab oluvchi g’oya ekanligini hamda bu tabiiy holat ekanligini ta‘kidlashadi. Lekin foydani rejalashtirish o’z vazifasini bajarishi mumkin hamda ba‘zi kompaniyalarda mohirlik bilan amalga oshiriladi. Nima uchun foydani rejalashtirish Shunday muvaffaqiyatlarga qodir ekanligini, ko’pginpa kompaniyalar hali tushunishmaydi. Bunga javob bo’lib, turistik tashkilotlarda foydani rejalashtirish bo’yicha harakatlarga to’siqlarni yaratuvchi to’rtta asosiy noto’g’ri fikrlash orqali javob berish mumkin: - foydani rejalashtirish noreal hisoblanadi; - bu — ish faqatgina shtatdagi xodimlar ishi; - bu — bevosita menejerlarga tegishli emas; - bu — haqiqatda xodimlarning asosiy funksiyasida qo’llanilmaydi. Yuqoridagi xatoliklarni har biri qandaydir ma‘noda haqiqat kasb etadi, lekin ularni har biri foydani rejalashtirish uchun qilingan barcha harakatlarni to’xtatib qo’yishi mumkin. Ularni aniqlab, bartaraf qilinsa, foydani rejalashtirish muvaffaqiyat uchun real zamin yaratiladi. Yanada aniqroq yo’nalish olish uchun ishonchsizlikni bartaraf qilish yoki hatto kompaniyani avvalgi siyosatini o’zgartirish uchun quyidagi savollarga aniq javob berishga ehtiyoj seziladi: - firmaning tashkil topganidan to hozirgi vaqtgacha har bir turistik yo’nalish bo’yicha sotish yiliga necha foizga oshadi? - taklif qilinayotgan turistik mahsulot qanday tarzda o’zgartirilishi mumkin? - yangi turdagi turistik mahsulotni ishlab chiqish hisobidan foydaning qancha qismini olish rejalashtirilmoqda?

Tabiiyki, istiqbolli rejalashtirishda shaxsiy kuchga va kompaniyaning kuchsiz tomoniga alohida e‘tibor berish talab etiladi. Kompaniyalar biznes sohasida o’z mavqeini SWOT tahlil usuli asosida baholash lozim, ya‘ni o’z faoliyatini amalga oshirishda raqobatchilar oldidagi afzalliklar hamda qayerda uning raqiblari sof afzallikka ega ekanligi tahlil qilinadi: Firmaning kuchli tomonlari: 1. Zaruriy moliyaviy resurslarning mavjudligi. 2. Tajribali (malakali) raqobat kurashining yuritish ko’nikmasi. 3. Tan olingan yo’lboshchilik maqomi. 4. Masshtabni texnologik va marketing samarasidan to’liq foydalanish. 5. Shaxsiy texnologiyalar va standartlarning mavjudligi. 6. Nisbatan past harajatlar. 7. Samarali reklama. 8. Ishonchli va malakaviy tajribali menejment. 9. Saamarli ishlab chiqarish quvvatlari. 10. Iste‘mol bozorida firma xizmatlariga bo’lgan ehtiyojning mavjudligi. Firmaning kuchsiz tomonlari : 1. Aniq strategiyaning mavjud emasligi. 2. Eskirgan ishlab chiqarish quvvatlari. 3. Foyda olishning pastligi. 4. Korxona ishchi xodimlarida bilim va tajriba, ko’nikmaning mavjud emasligi. 5. Turli bo’limlar orasidagi korporativ madaniyat va elementlar o’rtasidagi ziddiyatlar. 6. Ilmiy-tadqiqot ishlanmalarida orqada qolishlik. 7. Mahsulotning tor liniyasi. 8. Bozorda firmaning past nufuzi. 9. Sotishning kuchsiz kanallari. 10. Raqobatchilarga nisbatan ishlab chiqarish harajatlarining yuqoriligi. 11. Moliyaviy va moddiy resurslarning mavjud emasligi. Firma imkoniyatlari:

1. Iste‘molchilarni qo’shimcha guruhlarga xizmat ko’rsatishi, yangi bozorga chiqishi, mahsulot liniyasini kengaytirishi. 2. Xizmatlar diversifikatsiyasi, vertikal va gorizontal integratsiya. 3. Savdo to’siqlarining yo’qligi. 4. Raqobatchilarning xayrixohligi. 5. Bozor o’sish sur‘atining ortishi. Firmaga solinadigan tahdidlar: 1. Kuchli raqibning bozorga kirib kelishi. 2. O’rnini bosuvchi tovarlar sotilishining o’sishi. 3. Bozorda o’sish sur‘atining tushib ketishi. 4. Valyuta kursi o’sishining salbiy ta‘siri. 5. Ma‘lum guruhlar manfaatlarini himoyalash. 6. Iqtisodiyotdagi turg’unlik. 7. Iste‘molchilar xohish-istagining o’zgarishi. O’z imkoniyatlarini rejalashtiruvchi kompaniyalar foydani ko’paytirish modeli quyidagi savollarga aniq javob berishni talab etadi: - muqobil strategiyalardan qaysi biri investitsiyalardan yanada ko’proq foyda keltiradi? - sotish narxining o’zgarishi, bozor segmentatsiyasi, mahsulot assortimenti va siljitish usulining o’zgarishi foydada qanday ta‘sir ko’rsatadi? - foydani marketing siyosati va turli boshqaruv usullariga qanday mumkin bo’lgan bog’liqligi mavjud? - agar kompaniya o’z yondashuvini qayta ko’rib chiqsa va ko’rib chiqish darajasini o’zgartirsa, foydaning qanday darajasi ta‘minlanadi? - xizmatlarning turli ko’rinishlarini joriy qilishdan qanday samara olish mumkin? Bunday savollar har bir jumladan, turistik kompaniyalar oldida ham ko’ndalang bo’lib turadi. Lekin ba‘zi holatlarda javoblar boshqalarga nisbatan ancha murakkabroq tuyiladi. Yangi axborot texnologiyalari istalgan rejalashtirish muammosiga xos bo’lgan noaniqlikni bartaraf etishga va maqsadli, miqdoriy asosda mumkin bo’lgan strategiyalarni baholashga imkoniyat yaratadi.

Rejalashtirishda ishtirok etish muammosi . Amaldagi ishontirishlar, ya‘ni foydani rejalashtirish faqatgina shtatdagi ekspertlar vazifasiga kiradi, deyish bu — ko’pgina kompaniyalardagi ikkinchi xatolik hisoblanadi. Quyidagi izohlarni ko’rib chiqamiz: • «Bizning rejalashtirishimizning asosiy qismini amalga oshiruvchi maxsus bo’limimiz faoliyat ko’rsatadi». • «Bu muammo mening nuqtai nazarimda bevosita menejer bajaradigan vazifadir. Men uzoq muddatli rejalashtirishni amalga oshirish imkoniyatiga va vaqtiga ega emasman. Bizning shtatdagi xodimlar bu ish bilan Shug’ullanadi, istalgan vaziyatda bu ularning vazifasi va ishidir». Shtatdagi mutaxassislar, albatta, rejalashtirish uchun zarur bo’lgan ma‘lumotlarni yig’ish va tahlil qilishda muhim rol o’ynaydi. Lekin foydani rejalashtirish mazmunsiz bo’lib qoladi, agarda foydani natijasi uchun bevosita menejerlar javob bermasa va rejalashtirishda ular tamoman rol o’ynamasa. Bevosita menejerlar nafaqat rejalar ishlab chiqarishda ishtirok etishi, balki ularning asosida o’z muvaffaqiyatlariga erishishga qaratilgan shaxsiy rejasi sifatida qarashlari zarur. Rejalashtirish uchun asosiy javobgarlik bevosita menejerlar zimmasiga yuklanishi kerak. Lekin rejalashtirish nafaqat bevosita ularning ishi bo’lib hisoblanadi. Bevosita menejerlar ishchi-xodimlar yordamiga ehtiyoj sezadilar. Shu bilan birga xodimlar taqdim etadigan axborotlar asosan faqatgina turistik mahsulotni joriy qilishga tegishli bo’ladi. Shu sababli u bevosita rejalashtirishning o’rnini hech qachon bosa olmaydi. 5. Tatbiq etish Mahsulotning bozorga kirib borish fursati bo’lib, uning turistik korxona tomonidan birinchi marta taklif etilgani hisoblanadi. Bu bosqichning asosiy tavsifi bo’lib, mahsulotning asta-sekin sotilishi va natijasi foydaning umuman yo’qligi yoki past darajada bo’lishi. Odatdagidek, firmaning xodimlari yangi mahsulotdan foydalanishda ancha qiyinchiliklarga duch keladi, bozor infratuzilmasi esa, tanlangan mijozlar xohishiga moslasha olmaydi. Ichki tatbiq etish davomida

marketingga ko’p mablag’lar to’g’ri keladi, chunki mahsulot ma‘lumot yaratish uchun juda ko’p harakat kerak bo’ladi. Shu bilan birga, firma uchun bu bosqichda afzallik ham mavjud, ya‘ni umuman raqobat yo’qligi. Mahsulotning bozorga kirib borish bosqichi uzoq vaqt cho’zilishi mumkin va mahsulot sifati, uning iste‘molchi ehtiyojlariga mos kelishi, marketing tanlangan strategiyasining to’g’riligi va uni ruyobga chiqarish ketmaketligi bilan aniqlanadi. 6. O‘sish O’sish bosqichi sotish hajmining tez o’sishi va foyda ko’payishi bilan tavsiflanadi. Marketing harajatlari juda yuqori bo’lsa ularning umumiy harajatlarda ulushi o’z-o’zidan pasayadi. O’sish bosqichi raqobatning sezilarli kuchayishi bilan bog’liq. Turistik korxonaning marketing harakatlari esa iste‘molchilarda mahsulot sifati va bozorning kelgusida kengayishiga ishonch hosil qilishni shakllantirishga qaratilgan bo’ladi. Bu bosqichning asosiy tavsifi Shundaki, boshqalarga nisbatan, bu mahsulotni rivojlantirishga oldindan harakat qilgan firmalar raqiblardan ustun bo’ladi. Ammo bu holat ularni turistik mahsulotni yanada takomillashtiruvchi harakatlardan ozod qilmaydi. Gap Shundaki, «Kechikkan» korxonalar tadbiq etilayotgan mahsulotning sifatini har tomonlama yaxshilashga va uni yanada rivojlantirishga, yetakchilarni orqada qoldirishga harakat qiladi. O’sish bosqichida turistik korxona mahsulot sotish doirasini kengaytirishga va bozorning yangi segmentlarga kirishga harakat qiladi. Bu foydani yanada oshirishga va yangi mijozlarni ko’proq jalb qilishga imkon beradi. Demak, o’sish bosqichi firma uchun foydalidir, uni uzaytirish esa marketingning muhim vazifasidir. 7. Yetuklik Yetuklik bosqichi sotish o’sishining sekinlaShuvi va barqarorligi bilan tavsiflanadi. Bunga quyidagi omillar sabab bo’lishi mumkin:  mijozlar ehtiyojlarining o’zgarishi;  bozorga yangi, yanada takomillashgan mahsulotlarning kirib kelishi;  raqobat kuchayishi;

 mahsulot firma uchun yetarli darajada rentabellik bo’lmaydi, chunki mablag’ yanada samarali joylashtirish uchun yangi imkoniyatlar paydo bo’ladi. Bu bosqichda iste‘molchilarning doirasi kengaymaydi, lekin ayrim paytlarda ularning soni ko’payishi mumkin. Bu holat daromadlari olgan yoki valyutalar ma‘qul nisbatidan foydalanganlarning hisobidan ro’y berishi mumkin. Bundan tashqari, bu bosqichda ko’pgina hollarda taklif etiladigan mahsulotdan (masalan, yana xudi o’sha mamlakatga sayr uyushtirish) foydalanishga undaydigan «Sodiqlik his-tuyg’ulari» aniq namoyon bo’ladi. Yetuklik bosqichida oladigan foyda yetarli darajada yuqori bo’lsa, ham sekin pasayaboshlaydi. Turistik korxona, o’sish bosqichidagi kabi, yetuklik bosqichining uzayishiga qiziqadi. Bu bosqichda firmaning asosiy harakatlari o’z bozor ulushini saqlashga, mahsulotni takomillashtirish orqali uning iste‘molni oshirish, marketing majmuasini o’zgartirish hamda uni bozorda boshqacha joylashtirishga yo’naltirilgan bo’ladi. Agar bu holat amalga oshirilmasa, mahsulot o’z o’rnini bozorda yo’qotishi va pasayish bosqichiga o’tib ketishi mumkin. 8. Pasayish Pasayish bosqichi turistik sohasining mahsulotga tuyinganligini aks ettiradi. Sotish hajmining barqaror kamayishi va olinadigan foyda miqdorining pasayishi (ehtimol, eng pastki nuqtagacha) ro’y beradi. Turistik mahsulotning pasayish bosqichiga o’tishi bir qator sabablarga asoslanadi. Birinchidan, bozorda yangi mahsulotlarning paydo bo’lishi. Ikkinchidan, ma‘lum bir mahsulotga oldindan bo’lgan ehtiyojning yo’q bo’lishi. Masalan, turizmda va dam olishda cho’milishni afzal ko’rganlar o’z qiziqishlarni o’zgartiradi (dengizda cho’milishlar va madaniy ob‘ektlarni tomosha qilish sohasida), endi ularni ekzotika qiziqtira boshlaydi (Karib orollari, Sharqiy Afrika, Hind okeanining orollari). Bu bosqich ancha chuzilishi mumkin. Raqiblarning ta‘siri pasayishi natijasida turistik korxona marketingga yuqori harajat sarflash zarurati yo’q bo’ladi, ayrim holatlarda esa narxni oshirishga imkon beradi. Ammo bu mahsulot korxonaga ko’p foyda keltiradi deb aytib bo’lmaydi, chunki susayish bosqichida sotish hajmi juda past bo’ladi. Buning uchun mahsulotni takomillashtirish va moslashtirish hamda

sotishni rivojlantirish bo’yicha siyosat to’g’ri yuritilsa, u yangi talablarga javob berish mumkin. Shu jumladan, talabni jonlashtirish bo’yicha mutanosib siyosat ayrim dam olish zona va bazalariga ikkinchi hayot bag’ishlaydi. 9. Turistik mahsulotni loyihalashtirish Xizmatni loyihalashtirish asosi bo’lib, uning og’zaki modeli (yoki qisqacha tafsiloti) — buyurtmachi bilan kelishilgan va xizmat-larni bajaruvchining imkoniyatlarini hisobga olgan, xizmatlar bozorini tadqiqlash natijasida aniqlangan talablar majmuasi hisoblanadi. Xizmatlar tafsilotlari xizmatning munosib turiga o’rnatilgan davlat standarti talablaridan past bo’lmasligi kerak. Loyihaga xizmatning xavfsizligini ta‘minlash, xizmatlar iste‘molchilari va ularning mulki, xizmat ko’rsatuvchi xodimlar va atrofmuhit uchun xavf-xatarni imkon boricha kamaytirish talablari kiritilgan bo’lishi kerak. Turistlarga xizmat ko’rsatishning har bir turiga talablarni ifodalaydigan hujjatlar quyidagilardan iborat bo’lishi kerak: • turistlarga xizmat ko’rsatish jarayonlari, shakllari va uslublarning bayon etilishi; • turistlarga xizmat ko’rsatish jarayonlarning tafsilotlari; • ishlatadigan jihozlar turiga, miqdori va o’tkazuvchi qobiliyatiga bo’lgan talablar; • xizmat ko’rsatishning shartnomaviy ta‘minoti; • turistlarga xizmat ko’rsatish kafolatlari; • rekreatsion resurslar egalari, sanitariya-epidemiologik nazorati organlari, yong’in xavfsizligi nazorati va boshq. bilan keliShuvlar. Turistlarga xizmat ko’rsatish jarayoniga qo’yilgan aniq talablar amaldagi me‘yoriy hujjatlar talablaridan past bo’lmasligi kerak. Turistlarga xizmat ko’rsatish jarayonini loyihalashtirish xizmatni taqdim etishning ayrim bosqichlari va ularning har biri uchun texnologik haritalar majburiy holda tuzish bilan amalga oshiriladi. Turistik xizmatni loyihalashtirish

natijasi bo’lib, texnologik hujjatlar (texnologik haritalar, qo’llanmalar, qoidalar, cheklanmalar va boshq.) bo’ladi. «Turistik sayohat» kabi xizmatni loyihalashtirish ikki bosqichdan iborat bo’ladi: 1) «turistik sayohat» xizmatiga kiritiladigan har bir turni turistlarga xizmat ko’rsatish dasturiga mos ravishda loyihalashtirish; 2) «turistik sayohat» xizmatini butunligicha loyihalashtirish. Turist talablariga binoan xizmatni loyihalashtirishda korxona-xizmat bajaruvchining imkoniyatlarini hisobga olish zarur. «Turistik sayohat» xizmatining qisqacha bayoni aholi talablari va to’lov qobiliyatini, turistik sayohatlar turlariga bo’lgan talab hamda aniq tumanda rekreatsion resurslar imkoniyatlarini o’rganish asosida tuziladi. U turistlarga xizmat ko’rsatish dasturining loyihasida aniq ko’rinish beradi. Xizmat ko’rsatish dasturini ishlab chiqishda quyidagilar aniqlanadi: • sayohat yo’nalishi; • turistik korxonalari — xizmatlar bajaruvchilarning ro’yxati; • har bir korxona — xizmatlar bajaruvchilarning taqdim etadigan xizmatlar ro’yxati; • ekskursiya va diqqatga sazovor ob‘ektlarning tarkibi; • turistik sayohat va aylanishlarning ro’yxati; • bo’sh vaqtni o’tkazish tadbirlar majmuasi; • yo’nalishning har bir to’xtash joyida saqlash muddati; • sayohatda ishtirok etuvchi turistlarning soni; • ichki tashish transport turlari; • gid, sayohatga boshlovchi, chet el vakillari, yo’riqchi, tarjimon hamda ularni tayyorlashga bo’lgan ehtiyoj; • transport vositalarining zaruriy miqdori;  reklama, axborot materiallarni tayyorlash tartibi, turistik yo’llanmalarning ma‘lumot varaqlari uchun sayohatning bayon shakli va ular miqdori. Turni

loyihalashtirish natijasi quyidagilarning to’g’ri mazmuni bo’ladi: a) turistik sayohatning texnologik haritasining; b) korxona — xizmatlarni yetkazuvchining band etish jadvalining; v) turistik yo’llanmasi axborot varaqasining; g) turistlarga xizmat ko’rsatish dasturlarining. Turistik xizmatga bo’lgan talablar majburiy va tavsiya qilinadiganga ajratiladi. Majburiy talablar — hayot va salomatlik xavfsizligi, turistlar mulkining saqlanuvchanligi, atrof-muhitni asrash. Tavsiya etiladigan talablar — xizmatga javob berishi, bajarishning aniqligi va muddatligi, xizmat ko’rsatuvchilarning to’liqligi va mantihi, qulayligi, nafosatligi. Tavsiya etiladigan turistik xizmatlar qo’shimcha qulayliklar, xizmatlarning jozibadorligi va obro’sini ko’zda tutadigan talablarga mos kelishi kerak. Xizmatga javob berishi. Turistik xizmatlar turistlar xohishiga va jismoniy imkoniyatlariga javob berishi kerak. Aniq va o‘z vaqtida bajarilishi . Iste‘molchiga tavsiya etiladigan turistik xizmatlar o’zining hajmi, muddati va xizmat ko’rsatish sharoitlari bilan yo’llanmada, chiptada va kvitansiyada ko’rsatilgan talablarga mos kelishi kerak. To‘liqligi . Turistik xizmatlarni tavsiya etilishi faqat asosiy, balki qo’shimcha xizmatlar (maishiy, aloqa, savdo va h.k.) olishni va ular orqali iste‘molchilarning hayotini ta‘minlaydigan sharoitlarni yaratishga imkoniyat berishi kerak. Xizmat ko‘rsatuvchilarning mantiqligi . Xizmat ko’rsatuvchi xodimlar xulqi, axloq me‘yorlariga javob berishi kerak. Iste‘mol-chiga nisbatan hurmatli, do’stona munosabatda, chiqishimli bo’lish. Qulaylik . Turistik xizmatlar iste‘molchilar uchun yaratilgan xizmat ko’rsatishning qulay sharoitlarda (xonalarning ma‘qul joylashuvi, ularni oqilona tarzda jihozlash, bezatish, ta‘minlash va h.k.) tavsiya etilishi kerak. Nafosat . Turistik korxona binolari, hududning badiiy yechimlari, yo’nalishning tevarak-atrofini tashkil etish, xizmat xonalarda interer bezatilishi majmuali kamol topishga va me‘morchilik butunlik talablariga mos kelishi kerak.

Xizmat ko’rsatuvchi xodimlarning tashqi ko’rinishi va nutq madaniyati nafosat talablariga javob berishi kerak. Ergonomiklik . Xizmat ko’rsatishning davomiyligi, turistik va ekskursiya yo’nalishlarning uzunligi va murakkabligi, turistlarga taklif etiladigan aslaha va moslamalar, ishlatiladigan transport vositalari, mebel va boshqa ta‘minlash buyumlari turistlarning fiziologik va psixologik imkoniyatlariga mos kelishi lozim. Turizmda xizmatlarni loyihalashtirishda turistlarga xizmat ko’rsatish sifatini nazorat qilish usullarini nazarga olish darkor. Sifat nazoratini loyihalashtirish quyidagilardan iborat bo’ladi: • xizmat ko ’ rsatish jarayonida xizmatlar tafsilotlariga sezilarli ta ‘ sir ko ’ rsatadigan muhim paytlarni aniqlash ; • xizmatlar tafsilotlarini to’g’rilash usullarini aniqlash; • nazorat qilinadigan tafsilotlarni baholash usullarini aniqlash. Nazorat usullari bo’lishi mumkin: ustama (yo’nalishlarni va ob‘ektlarni ko’rish); tahliliy (hujjatlar tahlili); sotsiologik (turistlar va xodimlarni so’rash) va boshq. Xizmatni loyihalashtirishda yakuniy bosqich bo’lib, nomuvofiqlarni aniqlash va ularni o’z vaqtida yo’q qilishga qaratilgan loyihaning tahlili hisoblanadi. U turistik korxonaning muvofiq vazifalarni bajaruvchi bo’limlar bilan amalga oshiriladi. Loyihani tahlil qilish natijasi — turistik korxona texnologik hujjatlarning to’g’ri mazmuni. Loyihalashtirilgan turistik xizmatlar va turistlarga xizmat ko’rsatish hujjatlarni turistik korxona rahbari buyurtmachi bilan kelishilgan holda tasdiqlaydi. Loyihani o’zgartirilishi asoslangan holdagina buyurtmachi bilan kelishib turistik korxona rahbari tomonidan tasdiqlanadi.

Adabiyotlar ro’yxati 1. Дурович А.П. Маркетинг в туризме: Учеб. пособ. – Минск: Новое знание, 2004. 2. Котлер Ф. Дж Боуэн. Дж. Мейкенз Маркетинг. Гостеприимство. Туризм. Учебник, второе издание. 14. Medlik, Dictionary of Travel, Tourism and Hospitality. Printed and bound in Great Britain by Biddles Ltd – 3 rd ed, 2003. 3. Tuxli е v I.S., G.H. Qudratov, Parda е v M.Q. Turizmni r е jalashtirish. Toshkеnt – «Iqtisod - moliya» 2010. 4. Tuxliyev I.S., A.B.Bektemirov, Z.I.Usmanova. Turizmda strategik marketing Samarqand 2010 y. 5. Kamilova F.K. – «Xalqaro turizm bozori» // O‘quv qo‘llanma, Toshk е nt. TDIU-2001 6. Восколович Н.А. Маркетинг туристских услуг: Учебник. 2-е изд., перераб. и доп. - М.: ЮНИТИ-ДАНА, 2009. – 207 стр. 7. Ветитнев А.М. Интернет-маркетинг санаторно-курортных услуг: Учебное-методической пособие. - М.: Финансы и статистика, 2007. - 160 стр. 8. Дурович, А.П. Маркетинг гостиниц и ресторанов: Учебное пособие. 2- изд. — М.: Новое знание, 2006. — 632 стр. 9. Ефимова О.П. Экономика гостиниц и ресторанов: Учебное пособие.- 4- е. изд. стер.- Минск: Новое знание,2008.392 стр. 10. Kamilova F.K. ―Xalqaro turizm bozori‖. O’quv qo’llanma. Toshkent. TDIU 2007 y. – 164 bet.

O'xshashlar

Turistik xizmatlarning iste’molchilari

Turistik reklama turlari

Turistik bozorni segmentlash

Turistik bozorni rejalashtirish

Turistik marshrutlarni ishlab chiqish