Turistik bozorni segmentlash - Iqtisodiyot - Referatlar

Turistik bozorni segmentlash

Yuklangan vaqt:

20.09.2019

Ko'chirishlar soni:

0

Hajmi:

98.5 KB

Ko'chirib olish

Turistik bozorni segmentlash Reja : 1. Segmentlashga yondashuv va undan maqsad 2. Marketing turlari 3. Ommaviy marketing 4. Mahsulot (tovar) bo‘yicha tabaqalashgan marketing 5. Strategik marketing 6. Maqsadli marketing 7. Segmentlarning mezonlari 8. Maqsadli bozorlarni aniqlash

1. Segmentlashga yondashuv va undan maqsad Turistik firmaning resurslari chegaralangan bo’lganligi uchun barcha mijozlarni qoniqtiradigan tovarlarni yaratish va ishlab chiqarish murakkab vazifadir. Shuning uchun ham firma o’z harakatlarini bozorning ayrim segmentlariga xizmat ko’rsatishga yo’naltiradi. Ular qanday kompaniya samarali xizmat ko’rsatish holatini ta‘minlash uchun bozorda o’ziga eng ma‘qul bo’lgan segmentlarni aniqlashi zarur. Ammo firmalar bunday siyosatga doimo bo’ysunishmaydi. Bu borada uch asosiy yondashuv mavjud bo’ladi: 1. Ommaviy marketing . 2. Mahsulot (tovar) bo‘yicha tabaqalashgan marketing 3. Maqsadli marketing Firmalar ko’proq ommaviy va mahsulot (tovar) bo’yicha tabaqalashgan marketingdan ayni paytda mavjud bo’lgan marketing imkoniyatlarni to’laroq ochib beradigan maqsadli marketing texnikasiga o’tishmoqda. Firma o’z marketing harakatlarini behuda sarflash o’rniga e‘tiborini tovarlarni harid qiladigan mijozlarga qaratishi mumkin. Marketingning samarali strategiyasi maqsadli bozorlarning aniq joylashuvini taxmin qiladi va faqat Shu bozorlarga xizmat ko’rsatish uchun kuch sarflaydi. Maqsadli bozor, bu — umumiy salohiyatli turistik bozorning segmenti bo’lib, unda taklif etiladigan tovar (xizmat)lar eng jozibali bo’ladi. Bugungi kunda turistik xizmatlar bozorida, Shu jumladan, O’zbekistonda ham turfirmalar soni ko’payib, raqobat kuchaymoqda. Ko’pgina turtashkilotlar cheklangan moliyaviy mehnat va boshqa xil resurslarga ega bo’lgan kichik biznes korxonalaridir. Buning uchun ular barcha mijozlar ehtiyojlarini qondirish maqsadida o’z harakatlarni har tomonlama taraqqiy ettira olmaydilar, samarali va foydali faoliyati uchun to’rt asosiy tadbirni o’tkazishni talab qiladigan maqsadli marketing tamoyillaridan foydalaniladi. Bular: 1) bozorni segmentlashdan — segmentlash tamoyillarini aniqlash, qabul qilingan segmentlarning yo’nalishini tuzish;

2) bozorning maqsadli segmentlarni tanlashdan — qabul qilingan segmentlarning jozibalik darajasi baholaridan, bir yoki bir necha segmentlarni tanlashdan; 3) bozorda tovarning joylashuvidan — maqsadli segmentlarning har birida tovar joylashuvining to’g’risi yechilishdan; 4) maqsadli segmentning har biri uchun marketing majmuasini ishlab chiqishdan iborat. Turistik marketingda birinchi qadam bo’lib, turistlar bozorini ayrim muhim mezonlar asosida segmentlarga bo’lish hisoblanadi. Bozorni segmentlash — bu bozorni iste‘molchilar talablarining umumiyligi bilan tavsiflanadigan qismlarga taqsimlash. Bu segmentlarning har biri maqsadli bozor sifatida tanlanishi mumkin. Undan keyin alohida tovar va berilgan segmentning majmuali marketingni ishlab chiqish kerak bo’ladi. Segment — iste‘molchilar tovarga bir xil talab qo’yadigan bozorning bir qismi. Bozorning ayrim qismlariga iste‘molchilar yetib bormasligi yoki yetib borishiga xohishi bo’lmasligi mumkin. Shuning uchun ham kompaniyaning mavjud imkoniyatlari eng yuqori samara beradigan joyda to’plangan bo’lishi kerak. 2. Marketing turlari Ommaviy marketing — barcha iste‘molchilar uchun qandaydir tovarni ommaviy ishlab chiqarish, taqsimlash va sotuvni rag’batlantirish. Mahsulot (tovar) bo‘yicha tabaqalashgan marketing — bunda korxona darhol xossalari, sifati har xil bo’lgan, bir necha mahsulotlarni oldinga surishga e‘tibor qaratadi. Maqsadli marketing — iste‘molchilar aniq guruhlarning didi va afzalliklarga ko’ra, bozor segmentlari o’rtasida chegara o’tkazish. 3. Ommaviy marketing Ommaviy marketing — barcha iste‘molchilar uchun qandaydir tovarni ommaviy ishlab chiqarish, taqsimlash va sotuvni rag’batlantirish. Bunda eng katta, salohiyatli bozor shakllanadi.

4. Mahsulot (tovar) bo‘yicha tabaqalashgan marketing Mahsulot (tovar) bo‘yicha tabaqalashgan marketing — bunda korxona darhol xossalari, sifati har xil bo’lgan, bir necha mahsulotlarni oldinga surishga e‘tibor qaratadi. Bundan umumiy maqsad — didi turlicha bo’lgan haridorlarning ehtiyojini qondirishdan iborat. 5. Strategik marketing Firma rahbariyati darajasidagi mark е ting – uning rivojlanish strat е giyasini ishlab chiqishning asosi, bozorda shakllanishning qo‘llanmasi, bozorni o‘rganish asbobi, yangi mahsulot va xizmatlar turini yaratish usuli; sotuvni tashkil etish, mahsulotni bozorga chiqarish (r е klama, savdoni qo‘llab-quvvatlash, jamoa munosabatlari) turi, narx siyosatini amalga oshirish usuli hisoblanadi. Turizm sohasida strat е gik mark е tingning o‘ziga xos xususiyati quyidagicha aniqlanadi: -ekzog е n (tashqi) muhitlarga bog‘liqligi bilan; -turistik mahsulot va uning tarkibiga kiruvchi xizmatlarning jihatlari bilan; -ob' е ktning yarim tuzilmaviyligi bilan; -turistik mahsulotni ishlab chiqarish va ist е 'mol qilish qurilmalari bilan; -hal etilayotgan masalalarning mushkulligi bilan. Strat е gik mark е ting firmani bugungi kunga emas, balki k е lajakka yo‘naltiradi. Uning maqsadi nafaqat firmaning hozirgi muvaffaqiyati va o‘sib borishi, balki raqobat sharoitida uning doimiy rivojlanishidir. Strat е gik mark е ting turizm bozorini tahlil qilishni va rivojlanishning bir yoki bir n е cha strat е gik yo‘llariga qaratilgan o‘zini tutishning uzoq muddatli va eng yaxshi mod е lini ishlab chiqishni ko‘zda tutadi. Rivojlanishning stratеgik yo‘llari quyidagilardir: 1. Bozorda o‘zini yaxshi tutmaslik sabablarini ochishga e'tiborni qaratish va rivojlanishning yangi istiqbollarini aniqlashni ko‘zda tutadigan tubdan o‘zgarish stratеgiyasi. 2. "Omon qolish" stratеgiyasi – noqulay tashqi sharoitlar va zahiralar yo‘qligida firma turistik mahsulotni biroz zamonaviylashtirishi va bozordagi aralash talab tarmoqlaridan istе'molchilarni jalb qilishi hisobiga sotuv hajmining mavjud miqdorini ushlab turishga harakat qiladi.

3. Erishilgan darajani mo‘'tadillashtirish stratеgiyasi – rivojlanish ancha yuqori pog‘onaga еtganida qo‘llaniladi va xizmatlar ro‘yxatini chеklash hamda sotuv hajmini ushlab turishni ko‘zlaydi. 4. Tanlab o‘sish stratеgiyasi - har tomonlama markеtingni ishlab chiqishga talab bozorining bir maqsadli sеgmеntga jalb etilgani. Strat е gik mark е tingda faqat yangi va eng so‘nggi dastaklar ishlatiladi. Ular rivojlanish strat е giyasi talablarini k е chayotgan boshqaruv masalalarini hal etish bilan taqqoslab ko‘rishga; strat е gik r е jalar doirasida erishilgan natijalarni baholashga va shu asosda rivojlanish istiqbollarini to‘g‘ri yo‘naltirib olishga (kontrolling); firmaning strat е gik dasturni amalga oshirishdagi ahamiyati va o‘rnini oldindan aniqlab olish yo‘li bilan har bir boshqaruv jarayonining samaradorligiga erishish imkonini b е radi. 6. Maqsadli marketing Maqsadli marketing — iste‘molchilar aniq guruhlarning didi va afzalliklarga ko’ra, bozor segmentlari o’rtasida chegara o’tkazish, ularni tanlash. 7. Segmentlarning mezonlari Maqsadli bozorlar: 1) geografik; 2) ijtimoiy-demografik (yoshi, daromadi, bilimi, irqi, millati, oila tarkibi va turmush tarzi, jinsi, dini, mehnat faoliyati); 3) psixografik (ma‘naviy qiymatlar, xulq-atvori, manfaatlari, munosabatlari, xohishlari) va boshqa mezonlar bo’yicha aniqlanadi. 1. Geografik mezonlar bo’yicha segmentlash har xil birliklarga bo’lgan talabning quyidagi taqsimlanishini ko’zda tutadi: — doimo yashaydigan mamlakatiga qarab, ichki, kirish va chiqish turizmi; — turistik safarning geografik maqsadiga ko’ra; yer yuzi, mamlakatlar, mintaqalar va shaharlar bo’ylab. Segmentlashning asosi deb, bizning mamlakatimizda «O’zbekturizm» milliy kompaniyasi sayohat qilish turiga qarab, quyidagi turistik yo’nalishlarini ishlab chiqqan: - klassik turistik yo’nalish (Toshkent – Samarqand – Buxoro –Xiva – Toshkent; Toshkent – Samarqand – Buxoro – Shahrisabz – Toshkent);

- ekologik turistik yo’nalishi (Chotqol tog’ tizmasidagi dam olish va davolanish oromgohlari, Zomin va Buxoro viloyatlaridagi qo’riqxonalar); - arxeologik turistik yo’nalishi (Qoraqalpog’iston, Samarqand, Surxondaryo hududlari bo’ylab); - ekstremal turistik yo’nalishi (Chimyon, Farg’ona vodiysi tog’ yon bag’ri, Orol bo’yi, Buxoro va Navoiy viloyatlari tekisliklari bo’ylab); - ma‘naviy turistik yo’nalishi (Toshkent, Samarqand, Buxoro va boshqa viloyatlardagi); - Havo yo’llari turistik yo’nalishi (O’zbekiston shaharlari va Germaniya, Gollandiya, Italiya, Rossiya, Xitoy, Yaponiya kabi xorijiy davlatlari); - qishki turistik zona (Toshkentdan 80 km shimoli-sharqda, Chotqol tog’ tizmasi yon bag’rida joylashgan). Har qanday turistik yodgorligi turistik bozori ko’pgina segmentlari uchun jozibali bo’lishi mumkin. Marketing menejeri bozorning har bir segmentini o’rganib, foydali biznes yuritish uchun ulardan eng salohiyatli bo’lganini tanlashi kerak. Turistik markazlar bir necha mezonlari bo’yicha aniqlangan o’z segmentlarga ega bo’lishi mumkin. Eng ko’p tarqalgani, bu — geografik segmenti. Bu mezon asosida tashkil bo’lgan segmentlar — kurortda dam olishni maqsad qilgan uzoq masofani bosuvchi turistlar; mintaqaviy qatnovchilar (turmarkaz joylashgan hududida yashovchi va to’rt soat ichida u yerga yetib boradigan turistlar) va mahalliy aholi bo’lgan turistlar. Turistik yo’nalishning yaqinligi muhim omil bo’ladi: odatdagidek turmarkazning o’z maqsadli bozoriga yaqin joylashganligi keluvchilar sonini yanada ko’payish ehtimolini yaratadi. Ma‘lum turmarkazni rivojlantirish uchun turistik tashkilotlar, odatda, uning yon-atrofida joylashgan yirik aholi mrakazlariga reklama bilan murojaat qiladi. 2. Ijtimoiy-demografik mezonlardan foydalanish o’ziga har biri maxsus yondashuvni talab etuvchi har xil segmentlarni olish uchun imkon beradi. Ijtimoiy-demografik mezonlari — bu turistlar yoshi, jinsi, kasbi, turistlar yashaydigan aholi punktining katta-kichikligi, turistga hamroh bo’lgan oila a‘zolari soni, oila turi, millati, diniy qarashlari, oilaning yalpi va har bir oila a‘zosining

to’g’ri keladigan daromadi, oilada transport vositasining bor-yo’qligi va h.k. Shuningdek, ayollar turizmi, kasb-hunar, maxsus turizm (bank xizmatchilari, qishloq xo’jaligida ishlovchilar, sanoatning har xil tarmoqlari uchun), hamda yoshlar turizmi va «o’spirinlar» turizmi imkoniyatlarga boy. Oilaning turiga qarab, talab oilaviy turizm (bolalar va ularsiz), alohida turizm, oila a‘zolari besh va undan ko’p bo’lganlar turizmga bo’linadi. Daromad darajasiga ko’ra, turistik turlari tijorat, iqtisodiy, odatdagidan tashqari, lyuks-turlari, ijtimoiy, o’rtacha darajadagi, arzon bo’lishi mumkin. Yoshiga bog’liq turlar o’spirinlar, yoshlar — studentlar, o’rtacha yoshdagi kishilar, «uchinchi» yoshdagi kishilarga qarab bo’linadi. Oila turmush tarzining bosqichiga bog’liq holda: yoshlar —yolg’iz sayr qiluvchilar, bolalarsiz oilalar, bolali oilalar, so’qqabosh odamlar. 3. Psixografik mezon bo’yicha turistik bozor segmentatsiyasi iste‘molchilar taxlilini o’tkazayotganda, ularning hulq-atvori: psixologik xususiyatlari va turmush tarzini o’rganib borayotganini belgilaydi. Psixografik, ya‘ni ruhiy-xatti-harakatlari, turistik xulqning mezonlari: safardan maqsad; sayyohning ruhiyati; mavsumiyligi: safar tashkil qilinishi va shakli (guruhiy yoki yakka holda); ishlatiladigan transport vositalari; joylashuv vositalari; turmaqsadning uzoq-yaqinligi; safar davomiyligi (turistik xizmatlarni yaratuvchilari uchun katta ahamiyatga ega, chunki e‘tiborga olinganni, qisqa muddatli safarlarga intiladigan sayyohlar katta harajatlarga va yanada unumli sayr dasturiga tayyor bo’lishadi) hamda bu mezonlarga safarning moliyaviy manbalari (ijtimoiy turizm — ijtimoiy-sug’urta tizimi yordami orqali tashkil etiladigan aholining kam ta‘minlangan qatlamlarning dam olishi; intensiv-turlar, firma xodimlari, oilalari uchun firma tomonidan moliyalashtiradigan rag’batlantiruvchi safarlar); tursafarni tashkil etish to’g’risida yechim qabul qiluvchi maslahatchi va vositachi (turagenti, turoperator)lar kiradi. Ruhiy xatti-harakatlar segmentatsiyasida iste‘molchilarni turmush tarzi belgilari va ularning bo’sh vaqtiga nisbatan maqsadli ko’rsatmalarga binoan guruhlarga, shaxsning umumiy holati va xulqiy xususiyatlari bo’yicha hamda turmahsulotni iste‘mol qilish odati bo’yicha guruhlarga ajratadi.

Turistik safarning maqsadiga ko’ra, turizm quyidagi segmentlarga: ishbilarmonlik, sport, kurort, sog’lomlashtirish, sarguzashtli, ko’ngilochar, ta‘lim beruvchi, dunyoni anglash, noyob, har xil qiziqishlarga oid turlarga qarab ajratiladi. Ulardan ko’plari yanada mayda subsegmentlarga bo’linadi, masalan, rekreatsiya turizmda bu ta‘til turizmi va davolanish maqsadidagi turizm. Odatda, maqsadiga ko’ra alohida segmentlar o’rtasida aniq chegara o’tkazish qiyin bo’ladi: ishbilarmonlik turizmini olamni anglash turizm bilan birlashadi, sport turizmini rekreatsion bilan. Turxizmatlar iste‘molchilarning u yoki boshqa ehtiyojlari va xususiyatlarni umumlashtirib va ko’pgina o’xshash belgilarni birlashtirib, sayyohgohlarning talab va istaklarini aniqlashga harakat qilinmoqda. Mezonlar majmuasi asosida yaratilgan turlanish ma‘lumotlari doimo shartlidir, ammo firma marketingda bozorni segmentatsiyasini o’tkazishda va maqsadli guruhlarni aniqlashda, xodimlarni tayyorlashda, reklama tadbirlarini o’tkazishda, ommaviy axborot vositalarni tanlashda va marketing maqsadlarni aniqlashda unumli foydalanish mumkin. Aholining turmush tarzi asosida turistik bozorni bo’lish yo’li orqali yaratilgan segmentlar, har bir bu segment vakillarning xulq-atvori, manfaatlari, ishonchlari, tasavvurlari, qiymatlari va ehtiyojlari to’g’risida savollarga javob berishi mumkin. Masalan: quyidagi iste‘molchilar guruhi aniqlangan: o’z-o’zi bilan ovora bo’lgan holda rohat qidiruvchi; ishbilarmon doira vakili, xizmat ko’rsatuvchilar va uyda o’tiradiganlar. O‘z-o‘zi bilan ovora bo‘lgan holda rohat qidiruvchi . Zerikarli, o’ziga yoqmagan ishni bajaruvchi, sof havodagi faoliyatning haqiqiy va xayoliy turlaridan qoniqish maqsadiga ega bo’lgan shaxs. Baliq tutish va ovga borishni, basketbol o’ynashni yaxshi ko’radi, qimmatbaho sport avtomobillariga qiziqadi. Daromadi yaxshi, ammo sotuvlar to’g’risida yechimlarni bexosdan qabul qiladi. Bu inson o’z hayotini uzoq vaqt rejalashtirmaydi. U sport, sarguzasht va boshqa faol televizion dasturlarning doimiy tomoshabini.

Faol va maqsadga intilgan shaxs . O’zini bor qobiliyati va kuchidan xizmat yuzasidan ko’tarilish maqsadida foydalanadi, o’z ishiga qiziqishi katta, erkin fikrlovchi, hayotga qarashlari zamonaviy bo’lgan, o’ziga ishongan shaxs. Bunday shaxs doimo yangi his-tuyg’ularni, faol harakatni, masalan, chang’ida sayr qilib yurish, kemada suzish, chet elga sayohatga chiqishga intiladi. U barcha voqealar va zamonaviy madaniyatning oxirgi yangiliklarini bilish uchun tinmay jurnallar o’qiydi. Sport teledasturlarini, ko’ngilochar shou o’yinlari va so’nggi qiziqarli ma‘lumotlardan boxabar bo’ladi. Ishbilarmon shaxs . Faol, maqsadga intilgan shaxsdan farqi o’laroq ikkinchi uy sotib olish va qimmat dam olishdan foydalanish uchun ko’proq bo’sh pul mablag’lariga ega. Ammo yaqin masofada harakat qilish istagini bildiradi, harakati sust, chunki doimiy yashash joyi va shakllangan oilaga ega. U amaliy jurnalxon va gazetxon bo’lib, qisqa yangiliklarga qiziqadi, sarguzashtlar va tabiat to’g’risidagi maxsus teledasturlarning ishqibozi. «Xizmat ko’rsatuvchilar». Kichik shaharlarda yoki yirik shaharlar chekkasida yashaydi, ijtimoiy boyliklar, ya‘ni vatanparvarlik, axloq va qiyin ish bilan band bo’lish zaruratiga qat‘iy ishonadilar. Eng afzal dam olish ular uchun bu oila bilan birga palatkalarda (kemping) dam olishdir. Ular ovni va baliq tutishni yaxshi ko’rishadi. Barcha televizion sport dasturlari o’rtasida bouling va futbolga qiziqishadi. An’anaviy uyda o‘tiruvchi . Ularning asosiy muammosi — tez o’zgaradigan tevarak-atrofdagi yangiliklardan orqada qolishdir. U qadimdan qolgan an‘analarga sodiq bo’lganligini isbotlab, boshqalardan ham xuddi Shuni kutadi. U sarflagan har bir so’mdan yuqori naf olishga harakat qiladi. Uyda o’tiruvchi xavf-xatardan qochadi va hech qachon tovarlarni kreditga sotib olmaydi. U televizion komediyalar tomoshabini. Jahonda bo’lgan so’nggi voqealar to’g’risida ma‘lumot manbasi bo’lib teleyangiliklar hisoblanadi. Bu segmentlar iste‘molchilar xususida yuzaki tavsifnoma beradi. Turistik bozorni umumlashtirilgan tavsiflar bo’yicha taqsimlashda turmush tarzi mezoni bo’lgan segmentlar ehtiyojlari va qiziqishlari har xil bo’lgan iste‘molchilar guruhlarida

namoyon bo’ladi. Har bir segment asosiy bozor bo’lib, unga maxsus turmahsulot ishlab chiqariladi. Ijtimoiy-demografik ma‘lumotlar har bir segmentning jismoniy va moliyaviy imkoniyatlarni va cheklashlarni aniqlab beradi. Turmush tarzining ta‘rifi har bir segment ehtiyojlari va istaklari to’g’risida tasavvur qilishga imkon beradi. Turistik talabning segmentatsiyasi cheksizlikka intiladi, bu inson ehtiyojlari tuzilishining murakkabligi, jamiyat hayotida dam olish va turizm ahamiyatini o’sishi kabi omillar bilan asoslanadi. Turistik ehtiyojlar tuzilmasi murakkabligi talabda faqat yangi segmentlarni emas, balki turizmning yangi shakllarni vujudga kelishini asoslab beradi. 8. Maqsadli bozorlarni aniqlash Bozor segmentatsiyasi usuli tanlangandan so’ng turfirma segmentlar yo’nalishlarini tuzadi va har birining jozibalilik darajasini baholaydi. Maqsadli bozorni tanlash paytida uning qancha segmentlarni qamrab olish va unga naf keltiruvchi segmentlarni qanday aniqlash masalalarini yechish zarur bo’ladi. Bozorni qamrab olish strategiyasini tanlab olayotganda quyidagi omillarni hisobga olish kerak: - firma resurslari . Cheklangan resurslar sharoitida jamlangan marketing strategiyasidan foydalanish kerak; - mahsulot bir xilligi darajasi . Yagona o’xshash tovarlarga notabaqalashgan marketing strategiyasi to’g’ri keladi. Bir-biridan farq qiluvchi tovarlar uchun tabaqalashgan va jamlangan marketing strategiyasi to’g’ri keladi; - tovar hayot siklining bosqichi. Firma bozorga yangi tovar bilan chiqayotganda bu tovarning bitta loyihasini taklif qilishi maqsadga muvofiq bo’lardi, bunda notabaqalashgan yoki jamlangan marketingdan foydalaniladi; - bozor bir xilligi darajasi . Agar haridorlarning didi va xohishi bir xil bo’lsa, ular bir vaqt ichida bir xil miqdordagi tovarlarni sotib oladilar va bir xil rag’batlarga ko’nikishadi. Bunda tabaqalashmagan marketing strategiyasini ishlatish o’rinli; - raqiblarning marketing strategiyalari . Agar raqiblar bozor segmentatsiyasi bilan Shug’ullansa, tabaqalashmagan marketing strategiyasini qo’llanilishi

halokatga olib kelishi mumkin. Aksincha, raqiblarning tabaqalashmagan marketingdan foydalanishi firmaga tabaqalashgan yoki jamlangan marketing strategiyasidan foydalanishi naf keltirishi mumkin. Agar firma bozorni qamrab olishda jamlangan strategiyani tanlashga qaror qilsa, bunda u bozorning eng jozibali segmentini aniqlab, iste‘molchilarning 20 %, sotuvlar 80 % ni ta‘minlaydigan maqsadli bozorni topishga kirishishi lozim, segmentda chiqishini aniqlab, Shu segmentga qanday kirish mumkinligini yechishi kerak. Firma qanday segmentda chiqishni aniqlab, Shu segmentni qanday jamlash mumkinligini hal qilishi darkor. Agar segment barqaror bo’lgan bo’lsa, demak, unda raqobat bor va raqiblar segment doirasida o’z o’rnini egallagan bo’lishadi. Tovarni bozorda joylashtirish uchun eng avvalo, raqiblar o’rnini, iste‘molchilar turmahsulotni baholaydigan o’lchamlarni va raqib tovarlarida qanday toavsiflar ularni qiziqtirishini aniqlashi zarur. Ikki raqibning tovarlari joylashuvi taxminiy sxemasi: 1. Raqib yoniga joylashish va bozordagi ulush uchun kurashni boshlash. Bunday yo’l firmaga ma‘qul keladi, agar rahbar quyidagilarni sezsa: - firma turmahsuloti raqib mahsulotidan sifat yoki boshqa tavsiflari bilan ustun tursa; - bozor doirasi ikki raqibni sig’dirish uchun yetarli bo’lsa; - firma resurslari raqibnikiga qaraganda ko’proq bo’lganda; - tanlangan joy yuqori darajada tashkilotning kuchli tomonlariga mos kelganda. 2. Firma raqib mahsulotida bo’lmagan yangi, faqat o’ziga xos xizmatlardan iborat, turmahsulotni yaratishi yoki umuman yangi taklif bilan chiqishi mumkin. Bu holatda firma, raqib taklif qilmaydigan va xuddi Shu xizmatlarga muhtoj bo’lgan iste‘molchilarni o’ziga jalb qiladi. Ammo menejer bu taklifni qabul qilayotganda quyidagilarda ishonchini hosil qilishi kerak: - yangi, o’ziga xos xizmatlardan iborat turmahsulotni yaratishning texnikaviy imkoniyatlarda;

- narxlar rejalashtiradigan darajasiga qarab turni tashkil etish uchun iqtisodiy imkoniyatlarda; - turni sotib oladigan iste‘molchilar sonini yetarligi. Agar imkoniyatlar va iste‘molchilar mavjud bo’lsa, demak, firma bozorda bo’sh joy topgan va uni to’ldirish uchun chora-tadbirlarni amalga oshirishi shart. Tovar xossalari, uning noyobligi, sifati, narxi va boshqa tavsiflarga tayangan holda firma o’ziga raqibli joylashuvni ta‘minlashi mumkin.Joylashuv strategiyasi to’g’risida qaror qabul qilib, firma marketing majmuasini sinchiklab ishlab chiqarishga kirishishi mumkin: ommaviy axborot vositalari, mahsulot harakatining boshqa usullari va bu bozorlarga kirish uchun talabni rag’batlantirish usullari tanlanadi. Masalan, agar turfirma uchun maqsadli bo’lib sportchilar bozori hisoblansa, avtohavaskorlar jurnalida joylashtirilgan reklama bu mahsulot (avtomobil turi)ga havaskorlarning katta sonini o’ziga jalb qilishi mumkin. Aksincha, boshqa jurnallarda sahifalardagi reklama sportchilar sonini qiziqtiradi va yetarli darajada samara bermaydi. Bunday hol ro’y bermasligi uchun har bir marketing dasturi turistik bozorning segmentatsiyasiga asoslangan bo’lishi shart.

Adabiyotlar ro’yxati 1. Дурович А.П. Маркетинг в туризме: Учеб. пособ. – Минск: Новое знание, 2004. 2. Котлер Ф. Дж Боуэн. Дж. Мейкенз Маркетинг. Гостеприимство. Туризм. Учебник, второе издание. 14. Medlik, Dictionary of Travel, Tourism and Hospitality. Printed and bound in Great Britain by Biddles Ltd – 3 rd ed, 2003. 3. Tuxli е v I.S., G.H. Qudratov, Parda е v M.Q. Turizmni r е jalashtirish. Toshkеnt – «Iqtisod - moliya» 2010. 4. Tuxliyev I.S., A.B.Bektemirov, Z.I.Usmanova. Turizmda strategik marketing Samarqand 2010 y. 5. Kamilova F.K. – «Xalqaro turizm bozori» // O‘quv qo‘llanma, Toshk е nt. TDIU-2001 6. Восколович Н.А. Маркетинг туристских услуг: Учебник. 2-е изд., перераб. и доп. - М.: ЮНИТИ-ДАНА, 2009. – 207 стр. 7. Ветитнев А.М. Интернет-маркетинг санаторно-курортных услуг: Учебное-методической пособие. - М.: Финансы и статистика, 2007. - 160 стр. 8. Дурович, А.П. Маркетинг гостиниц и ресторанов: Учебное пособие. 2- изд. — М.: Новое знание, 2006. — 632 стр. 9. Ефимова О.П. Экономика гостиниц и ресторанов: Учебное пособие.- 4- е. изд. стер.- Минск: Новое знание,2008.392 стр. 10. Kamilova F.K. ―Xalqaro turizm bozori‖. O’quv qo’llanma. Toshkent. TDIU 2007 y. – 164 bet.

O'xshashlar

Turistik bozorni rejalashtirish

Bozorni kompleks o‘rganish

Turizm va mehmonxona xo`jaligi marketingi

Turistik reklama turlari

Turistik xizmatlarning iste’molchilari