Tijorat banklari tomonidan imtiyozli kreditlash tartibi va tahlili - Iqtisodiyot - Referatlar

Tijorat banklari tomonidan imtiyozli kreditlash tartibi va tahlili

Yuklangan vaqt:

20.09.2019

Ko'chirishlar soni:

0

Hajmi:

117 KB

Ko'chirib olish

Tijorat banklari tomonidan imtiyozli kreditlash tartibi va tahlili Reja: 1. Tijorat banklari tomonidan imtiyozli kreditlar berishning joriy holdagi tahlili 2. Iqtisodiyotni modernizatsiyalash sharoitida tijorat banklari tomonidan imtiyozli kreditni rivojlantirish istiqbollari

Tijorat banklari tomonidan imtiyozli kreditlar berishning joriy holdagi tahlili Ma’lumki, kreditlash amaliyotining tijorat banklari faoliyatida tutgan o’rnini baholashda bank aktivlari hamda ularning YaIMdagi salmog’ini o’rganish muhim ahamiyat kasb etadi. Tijorat banklarida kreditlash amaliyotini to’g’ri tashkil etilishi tufayli bankning asosiy daromadlari shakllantiriladi. Bundan tashqari mamlakat iqtisodiy o’sishini ta’minlashda bank kreditlarinig o’rni katta. Mamlakat YaIMda bank kreditlari ulushining ortib borishi iqtisodiyotna jadal sur’atlarda o’sishini ta’minlaydi. Shuningdek, O’zbekiston Respublikasi Prezidentining «2011-2015 yillarda respublika moliya-bank tizimini yanada isloh qilish va barqarorligini oshirish hamda yuqori xalqaro reyting ko’rsatkichlariga erishishning ustuvor yo’nalishlari to’g’risida» 2010 yil 26 noyabrdagi PQ-1438-sonli Qarori mamlakatimizda banklar tomonidan real sektorni moliyaviy qo’llab-quvvatlashdagi rolini yanada oshishiga zamin yaratdi. Tahlillar natijasiga ko’ra, bank aktivlarining asosiy qismini kredit quyilmalari tashkil etadi. Sababi, tijorat banklarida kreditlash amaliyotini to’g’ri tashkil etilishi tufayli bankning asosiy daromadlari shakllantiriladi. Bundan tashqari mamlakat iqtisodiy o’sishini ta’minlashda bank kreditlarinig o’rni katta. Mamlakat YaIMda bank kreditlari ulushining ortib borishi iqtisodiyotna jadal sur’atlarda o’sishini ta’minlaydi. O’zbekiston Respublikasi Prezidentining 2010 yil 26 noyabrdagi PQ-1438 sonli “2011-2015 yillarda Respublika moliya bank tizimini yanada isloh qilish va barqarorligini oshirish hamda yuqori xalqaro reyting ko’rsatkichlariga erishishning ustuvor yo’nalishlari to’g’risida”gi qarori asosida kichik biznes va xususiy tadbirkorlikni rivojlantirish bo’yicha bank tizimi tomonidan amalga oshirilishi lozim bo’lgan quyidagi ustuvor vazifalar belgilab berilgan:  kichik biznes va xususiy tadbirkorlik sub’ektlarini kreditlash hajmini 2011- 2015 yillarda 2,7 baravarga oshirish;

• xalqaro moliya muassasalari va xorijiy mamlakatlar xukumatlari tomonidan ajratiladigan grantlar va kredit liniyalari miqdorini oshirish; • tijorat banklarida imtiyozli kreditlash jamg’armalarini tashkil etish, jamg’arma mablag’larini uzoq hamda borish qiyin bo’lgan joylarda, shuningdek aholi zich yashovchi hududlarda faoliyat ko’rsatayotgan tadbirkorlik sub’ektlarini kreditlash uchun safarbar etish; • iste’mol tovarlari ishlab chiqaruvchi korxonalarni kreditlash hajmini oshirib borish; • mamlakatimizda ishlab chiqarilgan mahsulotlarni harid qilish uchun aholiga iste’mol kreditlari berishni yanada oshirish va boshqalar. Shuningdek, kichik biznes va xususiy tadbirkorlik sub’ektlarini moliyaviy qo’llab-quvvatlash samaradorligini yanada oshirish maqsadida tegishli biznestarkiblar bilan olib borilayotgan o’zaro hamkorlik ishlari yanada kengaytirilmoqda.Amalga oshirilgan ishlar natijasida kichik biznes va xususiy tadbirkorlik sub’ektlariga ko’rsatilgan mikromoliyaviy xizmatlar miqdori yildan yilga oshib bormoqda. Banklar tomonidan ajratilgan mikrokreditlar hisobiga yangi ish o’rinlari tashkil etilmoqda. Mazkur, jarayon mamlakatda iqtisodiy barqarorlikni ta’minlash bilan birgalikda, tovar va xizmatlar miqdorini oshishiga ham ijobiy ta’sir ko’rsatmoqda. Ta’kidlash lozimki, mamlakatimizda bank tizimida biznesni yuritish shartsharoitlarini engillashtirish va arzonlashtirish hamda tadbirkorlik sub’ektlarini moliyaviy qo’llab-quvvatlashni yanada kengaytirish borasida amalga oshirilayotgan ishlar xalqaro moliyaviy tashkilotlar tomonidan yuqori baholanib kelinmoqda. Izchillik bilan amalga oshayotgan islohotlar natijasida bugun yurtimizning deyarli barcha hududlarida faoliyat ko’rsatayotgan bank muassasalari, korporativ korxonalar, kichik biznes va xususiy tadbirkorlik sub’ektlari, dehqon va fermer xo’jaliklarining ishonchli hamkoriga aylanib bormoqda. Bundan tashqari, O’zbekiston Respublikasi Vazirlar Mahkamasining 2011 yil

6 iyundagi 175-sonli qaroriga asosan O’zbekiston banklari assotsiatsiyasi huzurida tashkil etilgan Investitsiya loyihalari bo’yicha loyiha hujjatlarini tayyorlashni moliyalashtirish jamg’armasi tomonidan 2014 yilda kichik biznes va xususiy tadbirkorlik sub’ektlari tomonidan taqdim etilgan loyihalarning 33 tasi ma’qullanib, mazkur investitsiya loyihalari bo’yicha tegishli hujjatlar ishlab chiqarilishi moliyalashtirildi. Shuningdek, tadbirkorlik sub’ektlarining 105 ta loyihalari doirasida tijorat banklari tomonidan 49,3 mlrd. so’m miqdorida kreditlar ajratildi. Mamlakatimiz iqtisodiyotida tub tarkibiy o’zgarishlarni amalga oshirish, modernizatsiya va diversifikatsiya jarayonlarini izchil davom ettirish hisobidan xususiy mulk va xususiy tadbirkorlikka keng yo’l ochib berish ustuvor vazifamizga aylandi. Ayni paytda barqaror va ishonchli faoliyat yuritib kelayotgan ATB “Agrobank” aktsiyadorlik tijorat banki ham iqtisodiyotdagi tarkibiy o’zgarishlarni yanada chuqurlashtirish, uning etakchi tarmoqlarini jadal modernizatsiya qilish hamda texnik va texnologik jihatdan yangilash, qulay ishbilarmonlik muhitini yaratish, kichik biznes va xususiy tadbirkorlik sub’ektlari, dehqon va fermer xo’jaliklari faoliyatini rivojlantirish hamda aholining ish bilan bandligini ta’minlashga qaratilgan hukumat tadbirlarida faol ishtirok etib kelmoqda. Bundan tashqari, 2015 yilda respublikada investitsion faollikni oshirish hamda sanoat tarmoqlarini rivojlantirish va ishlab chiqarishni modernizatsiya qilish dasturlariga asosan “O’zdonmahsulot” AK korxonalariga ishlab chiqarish quvvatlarini texnik qayta jihozlash uchun 55,9 mlrd. so’mlik bank kreditlari berildi. Hukumat qarori asosida tashkil etilgan va bugungi kunda hisob raqamlari ochilgan 18 ta “Davsuvmaxsuspudrat” Davlat unitar korxonalariga Agrobank filiallari tomonidan to’laqonli xizmatlar ko’rsatib kelinmoqda. Qishloq joylarda suv tanqisligining oldini olish va erlarning meliorativ holatini yaxshilash bo’yicha Vazirlar Mahkamasi tomonidan qabul qilingan bayonnomalar

ijrosini ta’minlash borasida 2015 yil davomida Davlat unitar korxonalariga aylanma mablag’larini to’ldirish uchun 4,4 mlrd. so’m kreditlar ajratildi. O’zbekiston Respublikasi Vazirlar Mahkamasining 2003 yil 3-iyuldagi "Kapital qurilishda tanlov savdolari tizimini takomillashtirish chora-tadbirlari to’g’isida”gi 302-sonli Qaroriga asosan Moliya vazirligi huzuridagi sug’oriladigan erlarni meliorativ holatini yaxshilash jamg’armasi tomonidan o’tkazilayotgan tender savdolarida faol qatnashishi uchun davlat unitar korxonalariga 2015 yil davomida Agrobank tomonidan umumiy miqdori 19 mlrd. so’mlik bank kafolatlari taqdim etildi. O’zbekiston Respublikasi Prezidentining 2008 yil 28-noyabrdagi PF-4058sonli farmoni bilan tasdiqlangan chora-tadbirlar dasturida iqtisodiyotning real sektori korxonalarini qo’llab-quvvatlash, ularning barqaror ishlashini ta’minlash va eksport salohiyatini oshirish yuzasidan Farg’ona viloyati «Quva tekstil» OAJga revolver asosida o’tgan 2015 yilda ajratilgan jami 5 mlrd. so’m kredit resurslari hamda taqdim etilgan jami 5505 ming AQSh dollar bank kafolatlari hisobiga o’tgan 2015 yil davomida 7949 tonna paxta tolasi o’zlashtirilgan va 10628 ming AQSh dollar hajmidagi mahsulotlar eksport qilingan. O’zbekiston Respublikasi Prezidentining 2015 yil 18 fevraldagi PQ-2302-sonli qaroriga asosan tasdiqlangan “Keksalarni qadrlash yili” Davlat dasturi ijrosini ta’minlash maqsadida aholini, ayniqsa, yoshlarni ijtimoiy jihatdan qo’llab- quvvatlash uchun bank filiallari tomonidan iste’mol kreditlari ajratib kelinmoqda. Xususiy sektorni rivojlantirish hamda ijtimoiy qo’llab-quvvatlash maqsadida jismoniy shaxslarga ajratilgan kredit qo’yilmalari qoldig’i yil yakuniga qadar 313,4 mlrd. so’mni yoki bank kredit portfelining 10,4 foizini tashkil qildi. 2016 yil 1 yanvar holatiga jami ajratilgan ipoteka kreditlarining qoldig’i 1254 ta mijoz bo’yicha 79,7 mlrd. so’mni tashkil etib, 2015 yil davomida 168 ta mijozga 16,1 mlrd. so’mlik, shu jumladan 29 ta yosh oilalarga 3,6 mlrd. so’mlik ipoteka kreditlari ajratildi. Adliya vazirligida 2015 yil 20 martda ro’yxatdan o’tgan 2344-1-sonli Nizomga muvofiq 2015 yil davomida shaxsiy yordamchi xo’jaliklarga qishloq xo’jaligi

mahsulotlari etishtirish uchun jami 7389 ta mijoz bo’yicha 41,2 mlrd. so’m kredit berildi. Shundan, mevali daraxt ko’chatlari sotib olish uchun 2,5 mlrd. so’m, urug’ va mineral o’g’itlar xaridi uchun 1,7 mlrd. so’m, issiqxona tashkil etishga 6,3 mlrd. so’m, parrandachilik va asalarichilikni rivojlantirish maqsadlariga 3,6 mlrd. so’m va chorvachilikni rivojlantirish uchun 27,1 mlrd. so’mlik kreditlar ajratildi. Mamlakatimizda ishbilarmonlik muhitini yanada yaxshilash, maksimal darajada qulay investitsiya iqlimini yaratish, tadbirkorlik faoliyatini yuritish sharoitlarini tubdan yaxshilash borasida davlatimiz rahbarining Farmon va qarorlari, Hukumat qarorlariga muvofiq kichik tadbirkorlik sub’ektlari uchun bank xizmatlaridan foydalanishda bir qator qulayliklar yaratilgan. Xususan, tadbirkorlik sub’ektlariga ko’rsatilayotgan bank xizmatlari sifatini yaxshilash, ularning kreditlardan foydalanish imkoniyatlarini kengaytirish, ajratilayotgan kreditlar hajmini oshirish borasida amalga oshirilgan keng ko’lamli ishlar natijasida, so’nggi 10 yil davomida yurtimizda bank tizimi tomonidan kichik biznesni kreditlash hajmi qariyb 20 barobardan ziyodga o’sdi, o’nlab yangi bank xizmati turlari joriy etildi. Prezidentimiz tomonidan 2015 yilni “Keksalarni e’zozlash yili” deb e’lon qilinishi hamda unga muvofiq 2015 yil 18 fevralda qabul qilingan “Keksalarni e’zozlash yili Davlat dasturi to’g’risida”gi PQ-2302-sonli qarori ijrosini ta’minlash maqsadida bank tomonidan zarur chora-tadbirlar belgilandi. Mazkur dastur doirasida kichik biznes sub’ektlarini qo’llab-quvvatlash, yangi ish o’rinlari tashkil etish bo’yicha qaratilgan loyihalarni amalga oshirish hamda aholining moddiy va ma’naviy sharoitini yaxshilash borasidagi tadbirlarni kreditlashga alohida e’tibor qaratildi. Jumladan, xizmat ko’rsatish va servis sohasini rivojlantirishga o’tgan yilda jami 56,3 mlrd. so’m, oilaviy tadbirkorlik va hunarmandchilikni kengaytirish uchun 18,9 mlrd. so’m miqdorida kreditlar ajratildi. Rasmdan ko’rinib turganidek, mamlakatimiz moliya bozorida etakchi o’rinda turuvchi Agrobank tomonidan kichik biznes va tadbirkorlik sub’ektlarini

moliyaviy qo’llab-quvvatlash maqsadida 2015 yilda kreditlar ajratish parametrlari tasdiqlandi. Mazkur parametrlar ijrosi doirasida kichik biznes sub’ektlariga respublika bo’yicha jami 930,6 mlrd. so’mlik kreditlar ajratildi va belgilangan reja 101 foizga bajarildi. Ushbu kreditlar hajmi o’tgan yilga nisbatan 216 mlrd. so’m yoki 130 foizga o’sdi. Shuningdek, mijozlarga 275 mlrd. so’m miqdorida mikrokreditlar ajratildi. Belgilangan parametrlar ijrosi 103 foizni tashkil etdi va o’tgan yilga nisbatan 134 foizga o’sdi. Aholining oziq-ovqat mahsulotlariga bo’lgan ehtiyojlarini ta’minlashga qaratilgan kichik biznes sub’ektlarining loyihalarini moliyalashtirishga 270 mlrd. so’m kreditlar yo’naltirildi. Nooziq-ovqat mahsulotlari ishlab chiqarish loyihalariga esa 209 mlrd. so’mlik kreditlar ajratildi. Tadbirkor ayollarning loyihalarini moliyalashtirishga 103,7 mlrd. so’m kredit mablag’lari yo’naltirildi. O’zining xususiy ishini ochib, tadbirkorlik faoliyati bilan shug’ullanishga qaror qilgan kollej bitiruvchilariga jami 38,4 mlrd. so’mlik mikrokreditlar ajratilgan va belgilangan reja 102 foizga bajarildi. Ushbu kreditlar hajmi o’tgan yilga nisbatan 136 foizga o’sdi. Mamlakatda ishlab chiqarish va xizmat ko’rsatish tizimini rivojlantirishda investitsiyaning o’rni alohida ahamiyatga ega. Texnik va texnologik yangilanishlar, ishlab chiqarish va xizmatlardagi zamonaviylashuv aynan investorlar va ular keltiradigan insvestitsiya hisobidan amalga oshiriladi. Bu jarayonlarda mahalliy bank muassasalarining bevosita ishtiroki esa teng sheriklikka asoslangan hakorlikda ishonchning ortishiga sabab bo’ladi. ATB “Agrobank” aktsiyadorlik tijorat banki ham bu masalaga hamisha jiddiy e’tibor qaratib keladi. O’tgan 2015 yilda ham bu borada samarali natijalar qo’lga kiritildi.

14 ta iqtisodiy nochor korxonalar bank balansiga qabul qilinib, ularning ishlab chiqarish bazasini rekonstruktsiya hamda modernizatsiya qilish uchun jami 39,5 mlrd. so’m miqdorida investitsiya kiritildi. Bankrot korxonalar negizida raqobatbardosh va yuqori sifatli mahsulotlar ishlab chiqarishni tashkil etish maqsadida xorijdan zamonaviy texnika va texnologiyalar keltirish uchun 15,1 mlrd. so’m (5,5 mln. AQSh doll.) miqdorida mablag’lar ajratildi. Amalga oshirilgan ishlar natijasida, bankrot korxonalar o’rnida 9,8 ming tonna oziq-ovqat va 7259 tonna tekstil mahsulotlari ishlab chiqaruvchi, 55 mln. dts. kv. terini qayta ishlovchi yangi korxonalar barpo etildi. Natijada 8332 nafar kishi ish bilan ta’minlandi. Bugungi kunda ishlab chiqilgan biznes reja ko’rsatkichlariga asosan faoliyati tiklangan korxonalarda 99,4 mlrd. so’mlik mahsulot ishlab chiqarildi (shundan 2015 yilda 15,9 mlrd. so’m). Uning 24,8 mln. AQSh dollari miqdoridagisi eksportga yo’naltirildi (2015 yilda 2228 ming. AQSh doll.). Balansga qabul qilingan 14 ta korxona bozor qiymatida jami 73,8 mlrd. so’mga baholandi va bosqichma-bosqich to’lash sharti bilan 76,6 mlrd. so’mga salohiyatli investorlarga sotildi. Sotilgan korxonalar bo’yicha yangi mulkdorlar tomonidan to’lov grafiklariga asosan jami 20,7 mlrd. so’m mablag’lar to’lab berildi. Iqtisodiyotni modernizatsiyalash sharoitida tijorat banklari tomonidan imtiyozli kreditni rivojlantirish istiqbollari Mamlakatda yuqoridagi kabi investitsiya tizimini yanada takomillashtirish maqsadida hukumatimiz tomonidan zarur chora-tadbirlar belgilanmoqda. Ana shu chora-tadbirlarda esa “Agrobank” bevosita o’z mablag’lari va xizmatlari bilan ishtirok etmoqda. Xususan, 2015 yil davomida ajratilgan investitsion kreditlar miqdori 669 mlrd. so’mga etdi. O’tgan yilga nisbatan bu ko’rsatkich 107 foizga o’sdi. Ushbu kreditlarning 155 mlrd. so’mi sanoat, 251 mlrd. so’mi qishloq xo’jaligi, 23,5 mlrd. so’mi qurilish va transport, 111,7 mlrd. so’mi moddiy-texnik ta’minot hamda 49,4 mlrd. so’mi iqtisodiyotning boshqa sohalariga yo’naltirildi.

Ayni paytda barqaror va ishonchli faoliyat yuritib kelayotgan “Agrobank” aktsiyadorlik tijorat banki iqtisodiyotdagi tarkibiy o’zgarishlarni yanada chuqurlashtirish, uning etakchi tarmoqlarini jadal modernizatsiya qilish hamda texnik va texnologik jihatdan yangilash, qulay ishbilarmonlik muhitini yaratish, kichik biznes va xususiy tadbirkorlik sub’ektlari, dehqon va fermer xo’jaliklari faoliyatini rivojlantirish hamda aholining ish bilan bandligini ta’minlashga qaratilgan hukumat tadbirlarida faol ishtirok etib kelmoqda. Rasmda qayd etilgandek, 2016 yil 1 yanvar holatiga kredit portfelida investitsion kreditlar qoldig’i 1499,7 mlrd. so’mni tashkil etib, o’tgan yilga nisbatan 433 mlrd. so’mga yoki 135 foizga o’sdi. 1 -rasm. ATB “Agrobank”ning kredit portfelining tarkibi haqida 31 . (foizda) ma’lumot Yuqoridagi rasmdan ko’rinib turibdiki, ATB “Agrobank” kredit portfeli tarkibining eng yuqori 42 foizini qishloq xo’jaligiga berilgan kreditlar tashkil etadi. Shuningdek, 27 foizini sanoat, 22 foizini moddiy texnik ta’minot va 1 foizini qurilish sohasiga berilgan kreditlar tashkil etadi. O’tgan hisobot yilida bank tomonidan agrar kompleksni moliyaviy qo’llabquvvatlash, sanoatda ishlab chiqarishni ko’paytirish, qishloq xo’jalik АТБ“Агробанк”нинг йиллик ҳисобот маълумотлари. mahsulotlarini etishtirish va qayta ishlash, fermer xo’jaliklarini moliyalashtirishga asosiy e’tibor qaratilib, ushbu yo’nalishlarga 2 trln. 837 mlrd.

so’mdan ortiq kreditlar ajratilib, pirovardida 37,4 mingdan ortiq yangi ish o’rinlari yaratildi. Umuman olganda, kichik biznes va xususiy tadbirkorlik shakllarini tashkil etishda ishlab chiqarishni zamonaviylashtirish, eksport imkoniyatlarini kengaytirish uchun valyutaga sarf qilingan harajatlarni qoplay olish negizida, shuningdek bevosita chet el investitsiyasi negizida chet el kredit, zayomlarini jalb qilish muhim ahamiyatga ega. Respublika shunday vaziyatda kolganki, u mablag’ bilan ta’minlashning noan’anaviy usullarini jalb etmay turib, iqtisodiy vaziyatga ta’sir ko’rsata olmaydi. Buning uchun Xalqaro moliya tashkilotlarining xorijiy kredit liniyalarini imtiyozli kreditlash shartlari asosida mamlakatimizda kichik biznes va xususiy tadbirkorlik faoliyatini rivojlantirishga yo’naltirish juda muhim ahamiyatga egadir. Mamlakatimizda kichik biznes va xususiy tadbirkorlikni rivojlantirishda xorijiy investitsiyalar keng jalb etilmoqda. Xususan, Osiyo taraqqiyot banki, Islom taraqqiyot banki, Germaniya taraqqiyot banki (KfW), Xitoy Xalq Respublikasi Hukumati va boshqa xorijiy investorlar tomonidan katta miqdorda kreditlar ajratilmoqda. 2-rasm. 2011-2015 yillarda xalqaro moliya institutlari va xorijiy mamlakatlar xukumatlari tomonidan ajratiladigan grantlar va kreditlar miqdori 1 (mln.AQSh. dollar) 1 Ўзбекистон Республикаси Президентининг 2010 йил 26 ноябрдаги ПҚ -1438 сонли “2011- 2015 йилларда Республика молия банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида ” ги Қарорига мувофиқ тузилган .

Rasmdan ko’rinib turibdiki, O’zbekiston Respublikasi Prezidentining 2010 yil 26 noyabrdagi PQ-1438 sonli “2011-2015 yillarda Respublika moliya bank tizimini yanada isloh qilish va barqarorligini oshirish hamda yuqori xalqaro reyting ko’rsatkichlariga erishishning ustuvor yo’nalishlari to’g’risida”gi qaroriga ko’ra xalqaro moliya institutlari va xorijiy mamlakatlar xukumatlari tomonidan ajratiladigan grantlar va kredit liniyalari miqdori 2011 yilda 75 million AQSh dollarini, 2015 yilga borib esa 155 millionAQSh dollarini tashkil etdi. Bu esa o’z navbatida kichik biznes va xususiy tadbirkorlik shakllarini tashkil etishda ishlab chiqarishni zamonaviylashtirish hamda eksport imkoniyatlarini kengaytirishda o’zining ijobiy samarasini berdi.

Адабиётлар : 1. Финансы Подредакцией В.М. Родиновой. М.: Финансы и статистика, 1995. 2. Д. Шим и Д. Сигел. Финансовый менеджмент. М.,1996. 3. Д. Шим и Д. Сигел. Методы управления стоимостью и анализа затрат. М., 1995. 4. Ўзбекистон Республикаси Президентининг "Кичик ва ўрта тадбиркорликни ривожлантиришни рағбатлантиришга оид қўшимча чора - тадбирлар тўғрисида"ги Фармони, (1997. 31 январь). Солиқ ва божхона хабарлари, 1997 й. 6 - 12 январ. 7 - сон. 5. Ўзбекистон Республикаси Президентининг "Банк тизимини янада эркинлаштириш ва ислоҳ қилиш борасидаги чора - тадбирлар тўғрисида"ги Фармони, Халқ сўзи. 2000 й. 21 март.

O'xshashlar

Tijorat banklari tomonidan imtiyozli kreditlash tartibi

Tijorat banklari tomonidan qishloq xo’jalik sub’ektlarini kreditlash

Tijorat banklari majburiyatlari tahlili

Tijorat banklari daromadlari va xarajatlari tahlili

Tijorat banklari likvidliligi va to’lovga layoqatliligi tahlili