Меҳмонхонанинг ёрдамчи хизматлари - Iqtisodiyot - Referatlar

Меҳмонхонанинг ёрдамчи хизматлари

Yuklangan vaqt:

20.09.2019

Ko'chirishlar soni:

0

Hajmi:

61 KB

Ko'chirib olish

Меҳмонхонанинг ёрдамчи хизматлари Режа: 1. Инженерлик хизмати. 2. Хавфсизлик хизмати. 3. Харид қилиш хизмати.

1. Инженерлик хизмати Замонавий меҳмонхона мураккаб инженерлик ускуналари билан жиҳозланган (лифт, кондиционерлар, иссиқлик манбаи, сув таьминоти, канализация, электр энергия, газ ускуналари, кабель телевидение, компьютерлар).Табиийки, меҳмонхона барча ускуналарни таьмирлаш ва хизмат кўрсатиш мақсадида тўлиқ штатда инженер-техник ишчиларни сақлаб тура олмайди.Одатда, ушбу хизматларни кўрсатувчи махсус фирмалар билан шартнома тузади. Инженерлик хизмати унчалик катта бўлмаган штатга эга (иложи борича универсал ходимлар ишлайдилар, яьни унчалик қийин бўлмаган сантехник ишлар, электр ускуналарни созлаш). Инженерлик хизмати ўз таркибига мебель, гилам таьмирловчилар, номерларга бўяш ишларини олиб борувчи бўёқчиларга ҳам эга бўлишлари мумкин. Бош инженерлик хизмати сув, газ, электр энергия сарфини ҳам назорат қиладилар.Улар бажарган барча ишлар махсус рўйхатга олиш журналига юритилади. Инженерлик хизматининг муҳим вазифаси - ёнғин хавфсизлигини таьминлашдир.Ёнғин меҳмонхона бизнесида кўп тарқалган ҳодисадир. Ёнғиннинг асосий сабаблари- чекувчи меҳмонлар, носоз ошхона ва электр ускуналари, каминлар, омборхонадаги химикатлар, чиқиндиларни ёқиш ва бошқалар бўлиши мумкин. Ёнғин хавфсизлиги тизими меҳмонхонадаги барча иншоотлар ёнғин сигнализацияси тизимини, ёнғин ўчириш воситаларини, эвакуация воситаларини (ёнғин зиналари) ва ходимларни доимий ўқитиш тадбирларини ўз ичига олади. Барча номерларни, ёнғин рўй берганда эвакуация қилиш схемаси билан таьминлаш зарур. Меҳмонхонанинг барча ходимлари ёнғин пайтида ўзларини қандай тутишларини билишлари керак. Ёнғин рўй берганда ходимнинг биринчи вазифаси ёнғин сигнализацияси тугмасини босишдир.Кейинчалик қуйидагича ҳаракатланади: бири ёнғинни ўчиради, бошқалари меҳмонларни эвакуация қилишади. Нима бўлганда ҳам саросимага тушмасдан тинчликни сақлаш зарур. Югуриб бориш, лифтдан

фойдаланиш мумкин эмас.Зиналардан ҳаракатланиш керак.Эвакуация йўли ёпиқ бўлса (ёнғин билан ),эшикни ёпиб, унга нам одеялни осиб, деразадан ёнғин ўчириш ходимларига сигнал бериши зарур. 2. Хавфсизлик хизмати Хавфсизлик хизмати —меҳмонлар, уларнинг мулклари, меҳмонхона мулкларини криминал элементлардан ҳимоялаш мақсадида тузилади.Бу ерда меҳмонхона мулки деганда унинг обрўси ҳам тушунилади. Меҳмонхоналарда ҳамма вақт бўмасада, катта жиноятлар содир бўлади. Масалан, 1974 йилда 5 юлдузли мотелда машҳур америка эстрада қўшиқчиси Кони Фрэншизга тажовуз қилишган. Қўшиқчининг адвокатлари меҳмонхонада зарурий хавфсизлик таьминламаганлиги учун мотелга нисбатан 6 млн. долларлик шикоят хати(иск)ёзадилар. Низо 1.5 млн долларга қўшиқчи фойдасига ҳал бўлади. Меҳмонхонада энг кўп учрайдиган жиноят бу ўғриликдир.Баьзида шундай мижозлар учрайдики, меҳмонхонадан кетаётганларида у ердан сочиқ, жойшабларни ҳам олишади, лекин кўпинча эсдалик учун сувенирлар (кулдон) билан чекланадилар.Сочиқлар, халатлар ва шунга ўхшаш нарсаларни ўғрилаш содир этилганда, меҳмонхона бундай меҳмонларни “қора рўйхат ”га , ишончсиз мижозлар сафига киритади. Бу рўйхатга яна норозилик билдиришга “уста” (жалобшик) мижозлар ҳам киритилади.Улар меҳмонхонадан пул ундириш мақсадида атайин норозилик уюштирадилар. Хавфсизлик хизматининг асосий вазифаси – жиноятни кўриб чиқиш эмас, уни олдини олишдир.Бу айниқса муҳим, чунки бу хизмат ходимлари милиция ходимларидан фарқли ўлароқ сўроққа тутиш, тинтув ўтказиш ҳуқуқига эга эмаслар. Хавфсизлик хизматининг муваффақиятли фаолият кўрсатиши унинг бошқа хизматлар билан муносабатига боғлиқ, айниқса, молия департаменти ва кадрлар бўлими билан . Хавфсизлик хизматининг назорати молиявий назорат билан уйғунлашиши, ходимлар бўлими билан эса ишга қабул

қилаётганларни назоратини ҳамкорликда олиб боришлари керак(криминал ўтмишли одамлар). Хавфсизлик хизмати маҳаллий милиция бўлими билан яхши муносабатда бўлиши муҳимдир. Милициядан шубҳали “меҳмон”лар , кутилаётган намойишлар ёки тартибсизликлар ҳақида маьлумот олиш мумкин. Булар меҳмонхона тинчлигини бузади. Лекин бундай ҳамкорлик жуда ҳам чуқурлашмаслиги керак(меҳмон ҳақида ҳар хил маьлумотларни етказмаслик, қонунга кўрсатилганидан ташқари).Ушбу органларга махсус операциялар ўтказиш учун жой ажратиб бериш тавсия этилмайди. Бу меҳмонхона обрўсига зарар етказиши мумкин. Хавфсизлик хизмати –меҳмонхона хавфсизлиги тизими лойиҳасини ишлаб чиқади ва ушбу лойиҳа бошқа хизматлар раҳбарияти муҳокамасидан ўтганидан сўнг бош директор томонидан тасдиқланади. Ушбу ҳужжат хавфсизликнинг барча томонларини қамраб олади: хавфсизлик хизматининг вазифалари, бошқа хизматлар билан ўзаро муносабати, хавфсизликни таьминлаш техник воситалари тизими, фавқулодда ҳолатларда ходимларнинг ҳаракатлари. Агар отель йирик меҳмонхоналар занжирига кирса, унда хавфсизлик тизимини ташкил этиш франшиз келишувнинг бир қисми бўлади: франшиза берувчи франшиза олувчини қўлланмалар(инструкция) билан таьминлайди, кадрларни ўқитади. Хавфсизлик хизматининг таркиби унчалик катта эмас: 500 номерли меҳмонхонага 10 киши тўғри келади. Штатда аёллар ҳам ишлаши мақсадга мувофиқдир. Жабрланувчи мижоз аёл киши бўлса, унга аёл киши билан суҳбатлашиш осонроқ бўлади. Хавфсизлик хизматининг идеал ходими – бу босиқ, ўзини тута оладиган ва руҳан барқарор инсон бўлиши керак. Кўпинча бу хизматга собиқ орган ходимларини олишади.Лекин ҳар доим ҳам улар меҳмонхона инструкцияларига риоя қилишмайди(айниқса, меҳмонлар билан муносабатда уларга мулойимлик етишмайди). Улар меҳмонхонада армия тартиби

йўқлигига кўникишлари қийин бўлади. Баьзида хавфсизлик хизматига швейцарлар ва пажлар ҳам бўйсунадилар. Хавфсизлик хизмати ходимлари ишга қабул қилинаётганда меҳмонхонаданинг бўлимлари, ҳуқуқ ва мажбуриятлари, тиббий ёрдам кўрсатиш, содир бўлиши мумкин бўлган ҳолатлар бўйича ўқув курсини ўтайдилар.Шунингдек, текширув ҳисоботини тузишни ўрганадилар. Хавфсизлик хизмати ходимлари меҳмонхона фаолияти ва уларнинг ишларига таалуқли барча қонунларни билишлари шарт. Хавфсизлик хизмати албатта, ўзининг хонаси, алоҳида ечиниш хонаси ва ҳужжатлар сақлаш, текширув ҳисоботини тузиш учун алоҳида хонага эга бўлиши керак. Хавфсизлик хизмати раҳбарининг кабинети мижоз кўзига ташланмаслиги, шунинг билан бирга зарур бўлганда мижоз уни излаб борганда ҳам осон топиши керак. Хавфсизлик хизмати ходимлари иш сменаларини бошқа ходимлар сменаси билан бир вақтда алмаштирмасликлари керак. Чунки айнан смена алмашаётганда юқори даражали ҳушёрлик талаб этилади. 3. Харид қилиш хизмати Меҳмонхона харид хизматининг асосий вазифаси- керакли товарларни керакли вақтда ва оқилона нархда сотиб олишдир. Меҳмонхонадаги захира қуввати ҳам ҳисобга олиниши зарур, чунки захирага сақлаш ҳам пул туради ва баъзи товарлар узоқ сақланганда бузилади. Меҳмонхона эҳтиёжлари учун харид қилинадиган зарурий товарлар қуйидаги гуруҳларга бўлинади: 1. озиқ-овқатлар(музлатилган, консерваланган,қуритилган, ҳўл); 2. ичимликлар; 3. ускуналар ва мебель(ишдан чиқиши ва эскиришига қараб), идиш- товоқлар, жойшаблар; 4. бошқа материаллар(номер ва жамоат жойларини тозалаш учун керакли маҳсулотлар).

Таъминотчиларни танлашда менежерлар қуйидагиларга эътибор беришлари шарт:  Таъминотчи обрўси:  Товар сифати ва нархи;  Харид ҳажми;  Тўлов шартлари(олдиндан тўловсиз(предоплата) кредитга бўлса яхшироқ);  Харид қилинган товарга сервис хизмат(ускуналар учун);  Олиб келиш баҳоси, таъминотчигача бўлган масофа. Харид қилиш бўлими кўпгина ҳолларда таъминотчилар билан узоқ муддатли шартномалар тузишади(баъзида тендер ўтказишади). Узоқ муддатли шартномалар чегирмалар олишга , ишнинг осонлашишига ёрдам беради( заключил контракт на год и спи спокойно). Лекин бундай харидлар усулининг камчилиги ҳам бор. Таъминот ҳажмининг даврийлиги шартномага белгиланган бўлади. Агар меҳмонхонанинг тўлиш ҳажми пасайса, ушбу товарлар ортиб қолади ва аксинча бўлганда товарлар етмай қолиши мумкин. Яна етказиб берилаётган товарларнинг сифати кейинчалик қониқтирмаслиги мумкин, шартномани эса бузиш жараёни осон кечмайди.Ёки бозорда товар нархи пасайиши, меҳмонхона эса шартномага белгиланган нархни тўлашига тўғри келади. Кўпгина харидлар чакана савдолар орқали амалга оширилади. Лекин бунинг ҳам ўзига хос камчилаиклари бор, керакли товарлар бозорда топилмай қолиши мумкин.Улгуржи савдода меҳмонхона вино, спиртли ичимликлар, пиво, тамаки маҳсулотлари ва гўштни сотиб олади. Агар отел меҳмонхоналар занжирига кирса зарурий товарларнинг аксариятини ушбу занжирнинг нейтраллашган тизими орқали олади. Ушбу тизим таъминотни амалга оширадиган марказлашган омборхоналарга эга. Тизимнинг малакали ходимлари харид қилинаётган товарларнинг сифатли бўлишини таъминлашлари керак. Харидлар қуйидагича тартибда амалга оширилади:

1. Меҳмонхонанинг барча бўлими харид бўлимига талабнома беради. Унинг шакли ҳар хил бўлиши мумкин, лекин ҳаммаси ҳам деталлашган бўлади- товарнинг ҳажми, оғирлиги, таьминотчи давлат,миқдори ва энг асосийси муддати келишиб олинади. 2. Харидлар бўлими менежери келиб тушган талабномалар хусусиятига қараб, таъминотчилар таклифларини кўриб чиқиб(нарх, чегирмалар, тўлов воситаси ва б.), яхшисини танлайди ва буюртмани расмийлаштиради. 3. Буюртмага асосан етиб келган товарни текширишади, рўйхатдан ўтказишади, яроқсизини қайтаришади. 4. Таъминотчилардан келган счёт-фактурани текширишади, рўйхатга олиб, молия бўлимига тўлов учун жўнатишади.

Адабиётлар: 1. Александрова А.Ю. Международний туризм. - М: Аспект Пресс, 2004. 2. Бгатов А.П.Туристкие формалности. «Академия».М. 2006г. 3. Биржаков М.Б. Введение в туризм. С.Пб.: Издателский Торговий Дом «Герда», 2006г. 4. Богданов Е.И. Планирование на предприятии туризма СПб.: Изд.д. «Бизнес- пресс» 2005г. 5. Кварталнов В.А. Менеджмент туризма: экономика туризма. 6. Учебник. 2002г. 7. Кабушкин.Н.Н. Менежмент туризма. -Мн.: Новое знание 2004г. 8. Кварталнов В.А. Иностранний туризм. М.: 2003г. 9. 17. Кварталнов В.А. Туризм. – М., Финансы и статистика. 2004г. 10. Медлик С, Х.Инграм «Гостиничний бизнес». Издателство ЮНИТИ- ДАНА, 2005г. 11. Чудновский А.Д. Управление индустрий туризма.М: КНОРУС. 2005г. 12. Яковлев.Г.А Экономика и статистика туризма. Учеб.пособ. М.: Изд. 2005г.

O'xshashlar

Меҳмонхона ёрдамчи хизматлари

Мехмонхона хўжалиги ва хизматлари

Меҳмонхоналарда автоматлаштирилган ахборот тизимлари

Меҳмонхоналарда автоматлаштирилган ахборот тизимидан фойдаланиш

Меҳмонхоналарнинг ташкилий-бошқарув тузилмаси