Мехмонхона хўжалиги ва хизматлари - Iqtisodiyot - Referatlar

Мехмонхона хўжалиги ва хизматлари

Yuklangan vaqt:

20.09.2019

Ko'chirishlar soni:

0

Hajmi:

93 KB

Ko'chirib olish

Мехмонхона хўжалиги ва хизматлари Режа: 1. Мехмонхона хўжалигининг жойлашуви ва уни туркумлаш. 2. Мехмонхона ва номерларни туркумлаш. 3. Мехмонхоналарда туристларга хизмат кўрсатиш технологиялари таснифи. 4. Мехмонхона хўжаликларига бўлган талаб ва таклифлар.

Мехмонхона хўжалигининг жойлашуви ва уни туркумлаш. Мехмонхона индустрияси кишиларнинг ўз уйларидан бошқа ерларга Сайёҳатларга чиқиб тунаш, овқатланиш каби зарурий эҳтиёжларини қ ондиришга мўлжалланган, тижорий хусусиятга эга бўлган корхоналар фаолиятидир. Мехмонхоналарнинг дунёдаги илк бор кўринишларда бўлиши, карвонсаройлар қурилиши милоддан кейинги I асрларга тўғри келади. Бу вақтларга келиб Сайёҳларнинг дам олиш, овқатланиш каби эҳтиёжларини қ ондириш учун карвонсаройларда тунаганликлари аниқланган. Асосан пулнинг иқтисодий бир ўзгариш сифатида қўлланиши, аҳамиятининг ортиб бориши натижасида тижорат қилиш мақсадида саёҳатга чиқишнинг кўпайиши ҳозирги кундаги замонавий мехмонхоналарнинг намуналари бўлиб ҳисобланган. Ғарбда технологик ривожланиш, темир йўлларнинг қурилиши ва бошқа тармоқларга тарқалишига мехмонхона индустриясининг ҳам ривожланиши ва катта шахарлардан кичик туманларга тарқалишига олиб келди. 1939 йилда Американинг Бостон шахрида биринчи шахар мехмонхонаси қурилгандан кейин бу соҳа бутун мамлакатларга ёйилди. XX асрнинг бошларида автомобил йўлларининг кенгайиши, турмуш ҳаракатининг ортиши кичик отеллар қурилишига сабаб бўлди. Фақат Европа аристоркратиясига мос келувчи катта отел турлари ва ўрта синфга мос бўлган ўрта отел турларини ўз ичига олувчи индустрия давомли ва қониктирувчи шаклда ривожланмаган. Халқаро мехмонхона индустрияси корхоналарининг қурилиши ва ишга туширилишида Америка инвестицияси ва технологиясининг тобора кўпроқ киритилиши кузатилмоқда. Hilton, Knott, Sheraton каби тражмиллий корпорациялар вужудга келмоқда. Мехмонхона ва номерларни туркумлаш. Технологиянинг ривожланиши, ялпи даромадларнинг кўпайиши, туризм имкониятларининг ортиши, инсонларнинг яшаш шароитларида ўзгаришлар давом этар экан, мехмонхона

индустрияси кишиларнинг хохиш - истакларини, моддий - маънавий эҳтиёжларини қондириши учун давлат томонидан координация қилиниши, тартибга солиб турилиши ва шу соҳада меҳнат қилаётганларнинг фидокорлиги мақсадга мувофиқ бўлади. Халқаро туристлар кўламининг йилдан йилга кенгайиб бориши туризм индустриясининг ривожланишига йўл очиб бермоқда 1 . Мехмонхоналар қуйидагича таснифланади: 1. Жойлашиш ўрнига кўра: 2. Кўрсатиладиган хизмат турларига кўра; 3. Мулкий шаклига кўра; 4. Ҳужжатлаштириш шаклига кўра; 5. Тунаш эҳтиёжларини қондириши шаклига кўра; 6. Ишлаш даврига кўра; 7. Катталигига кўра мехмонхоналар; Жойлашиш ўрнига кўра шахар марказларида қурилган; денгиз қирғокларида жойлашган; аэропорт, порт, вокзал, терминал яқинида қурилган мехмонхоналар фарқланади. Кўрсатиладиган хизматларига кўра фақат тунаш учун мўлжалланган; ҳордиқ чиқариш мақсадида қурилган; конференция, мажлисларни ўтказишга мослаб қурилган мехмонхона типидаги хўжаликларга ажратилади. Мулкий шакли жиҳатдан мехмонхоналар шахсий, хусусий, давлат, бирор бир ширкат мехмонхонаси шаклида фаолият юритади. Ҳужжатлаштириш шаклига кўра мехмонхоналар кўп давлатларда халқаро стандартларга ва давлатларнинг ички шарт- шароитига асосланган ҳолда синфларга бўлинмоқда. Бунга кўра мехмонхоналар туристик ҳужжатли ва давлат ички бошқарув ҳужжатли мехмонхоналарга бўлинади. Туристик ҳужжатли мехмонхоналар ҳужжалаштирилаётган халқаро юлдуз бериш ва критериялаш амалга оширилади. Тунаш эҳтиёжларининг қондирилиши шаклига кўра тоғ мехмонхонаси шахар мехмонхонаси, конференция 1 Введиние в гостипремство Учеб пособе - Уокер Д.Р 2002 .

мехмонхоналари, денгиз бўйида жойлашган мехмонхоналар киради. Ишлаш даврига кўра мехмонхоналар йил давомида ишлайдиган ва мавсумий хизмат кўрсатувчи мехмонхоналарга бўлинади. Иккинчисининг сабаби, дам олиш даврининг ҳар мавсумда ўзига хос хусусиятга эга бўлиши. Масалан, денгиз бўйида жойлашган мехмонхоналарга фақат ёз ойларида туристлар келиши мумкин. Катталигига кўра мехмонхона хўжалиги дунё миқёсида 4 гуруҳга бўлинади: 1. жуда кичик мехмонхоналар: хоналар сони 25 тагача; 2. кичик мехмонхоналар: хоналар сони 25 тадан 99 тагача; 3. ўрта мехмонхоналар: хоналар сони 100 тадан 299 тагача; 4. йирик мехмонхоналар: хоналар сони 300 ва ундан ортик. Мехмонхоналарда туристларга хизмат кўрсатиш технологиялари таснифи. Мехмонхоналарнинг қуйида кўрсатилган жиҳатлари бўйича ажратилиб турувчи ўзига хос хусусиятлари мавжуд: 1.Мехмонхона хўжалигининг ишлаб чиқаришга оид хусусиятлари. Бу хусусиятларнинг асосийларидан бири ишлаб чиқариш фаолиятининг ҳар хил вақтларда амалга оширилишидир. Масалан, хонани мижоз тарк этгандан кейингина тозаланади; бирор ичимлик билан таомлар ҳар хил вақтда тайёрланади. Яна бир хусусият шундан иборатки, бунда ишлаб чиқарилган моддий нематлар керакли пайтда ишлатиш учун омборда сақлаб қуйилмайди. Масалан, бирор хона сақлаб қуйилиши мумкин эмас, балки ҳар куни сотилиши мажбурийдир. Яна бир хусусият мехмонхонада ишлаб чиқариш ва сотиш харажатлари бир вақтнинг ўзида содир бўлади. 2.Ишчи кучи жиҳатдан фарқ қилувчи хусусиятлар. Бошқа саноат корхоналарида ишчилар мижозлар билан камдан-кам мулоқотда бўлишса, мехмонхона хўжалигида ишчилар ўз вақтларининг катта қисмини мижозлар билан ўтказадилар. 3. Бухгалтерия (Ҳисоб китоб) жиҳатдан мехмонхона хўжалигининг хусусиятлари. Бунга мисол қилиб мехмонхонада

ҳисоб-китобнинг назорат ишлари куннинг охирида, яъни соат 24.00 дан кейин амалга оширилишини кўрсатиш мумкин. Сабаби шуки, мехмонхона хўжалигида туристлар ҳисобининг ҳамма вақт туриши шарт ва мажбурийдир. 4. Маркетинг томонлама олиб қарасак, мехмонхона хўжалиги хизмати маркетингга зид равишда кўрсатилади, яъни бунда турист хизматни сотиб олиш учун ишлаб чиқарилган ерга келиши керак бўлади. Ҳеч бир киши уйида ўтирган ҳолда мехмонхона хизматидан фойдалана олмайди, яъни махсулотларни сотиб олиш жойи бўлиб мехмонхона хизмат қилади. Бошқа саноат корхоналарида эса, бундан фарқли равишда, ишлаб чиқарилган махсулот улгуржи ёки чакана савдо натижасида харидорларга етказиб берилади. Шундай қилиб, мехмонхона хўжалиги юқорида кўрсатилган тўртта асосий хусусиятлари бўйича бошқа саноат корхоналаридан фарқ қилар экан. Мехмонхона индустрияси корхоналарининг умумий хусусиятлари қуйидагилардан иборат 2 : - мехмонхона корхоналарининг қурилиши давомида катта сармоя талаб этилади; - бино ускуналар каби узоқ муддат ишлатиладиган воситалар корхона фаолиятининг давомли ҳаётида катта аҳамиятга эга; - туризм бозоридаги талаб тўғри таҳлил қилиниши қийин бўлишига олиб келувчи иқтисодий ва сиёсий омиллар шароитида мехмонхона индустриясида таваккалчилик хавф хатари юксак бўлади; - мехмонхона корхоналарининг асосий фаолиятининг хусусияти - хизмат кўрсатиш; - мехмонхоналарнинг бандлик даражаси ортган сари, молиявий харажатлар камайиши ва корхона учун оптимал фойдаланиш пайдо бўлади. Мехмонхоналарда банд бўлган персоналга, ташкил қилиниш технологиясига, маблағларига, назорат фаолиятига алоҳида эътибор берилиши керак. Бошқа ҳеч 2 Маркетинг в гостиничной индустрии и туризме: российский и международн ў й опут. Янкевич В.С., Безрукова Н.Л. 2003 г.

қайси корхоналарда рахбарият ва персонал ўртасидаги ҳамкорлик мехмонхона хўжаликларидагидек бўлмайди. Мехмонхона хўжаликларига бўлган талаб ва таклифлар. Ҳозирги кунда республикамизда туризмни риввожлантириш бўйича катта имкониятлар яратилмоқда. Туристлар учун мавжуд туристик объектларни томоша қилишлари учун хизмат кўрсатиш даражалари ҳам тобора яхшиланиб бормоқда. Олдинги йилларга қараганда мамлакатимизга ташриф буюрувчилар сони ҳам кескин ошмоқди. Бу эса туризм инфратузилмасида катта янгиланишни тақоза этди. Туристларнинг асосий эхтиёжларини қондирувчи мехмонхоналарни сифат жиҳатдан яхшилиш кераклигини давр тақоза қилди. Ҳозирги кунга келиб республикамиздаги мавжуд мехмонхоналарнинг аксарияти қайта таъмирдан чиқарилиб, замонавий бошқарув тизимлари жорий қилинди. Ҳозирги кунда замон талаблари даражасида яъни 3-4-5 юлдузли мехмонхоналар махаллий ва хорижий туристларга сифатли хизмат кўрсатиб келмоқда. Бу эса давлат бюджетига валюта тушумини оширмоқда ва шу билан бирга аҳолининг иш билан таъминланишига имкон яратмоқда. Республикамиздаги йирик мехмонхоналар асосан Тошкент шахрида жойлашган бўлиб буларга «Ўзбекистон», «Интер-континентал», «Шодлик-палас», «Шератон», «Ля-Мередиан», «Саёҳат» ва яқинда ишга туширилган «Дедеман Силк Руд», «Грант Мир» ва бошқа мехмонхоналарни киритиш мумкин. Мехмонхонага келувчи туристларга кўрсатиладиган хизматлар сифатини ошириш, уларга турли хил қулайликларни яратиб бериш ҳамда уларнинг Ўзбекистонда ўтказган вақтлари қизиқарли ва мароқли бўлишини кўзда тутган ҳолда, улар учун турли хил маданий дам олиш тадбирлари, экскурсияларни уюштириш ва кўпгина шу каби мақсадларда тадбирлар уюштирилмоқда. Бундай мехмонхоналардан бири «Ля-Мередиан» мехмонхонаси бўлиб, у бир қанча ташкилотлар билан шартномалар тузган. Бундай ташкилотлардан бири "Уздунробита" бўлиб, туристларга сифатли телекоммуникация хизматларини кўрсатишини назарда

тутган. Мехмонхона худудидан бу ташкилотнинг шохобчаси фаолият юритиш учун ижарага жой ажратилган. Бошқача қилиб айтганда, бу шохобча мехмонхонанинг бизнес Маркази сифатида фаолият юритади. Мехмонхоналар кўп ҳолларда бу ердан уяли телефонларни ижарага олишади. «Ля-Мередиан» мехмонхонаси билан шартнома тузган яна бир ташкилот Ўзбекистон Республикаси Ташқи Иқтисодий алоқалар Миллий Банки бўлиб, мехмонхонада унинг валюта алмаштириш пункти очилган. Бу пункт туристлар мехмонхонадаги турли хил хизматлар учун тўловни миллий валютада амалга оширилишларини кўзда тутган ҳолда, уларга хорижий валютани сўмга айлантириб бериш вазифасини бажаради. Бундан ташқари, туристларга маиший хизматлардан бири бўлган химиявий тозалаш хизматини кўрсатиш мақсадида, бундай ташкилот билан ҳам шартнома тузган. Мехмонларнинг маданий ҳордиқ чиқаришлари, тарихий обидалар, қадимий ёдгорликларни ҳамда бошқа турли хил туристик ва рекреацион йўналишлар бўйлаб Сайёҳатга чиқишларини кўзда тутган ҳолда бир қатор туристик ва экскурсия ташкилотлари билан шартнома тузилган. Булардан ташқари, «Ля-Мередиан» мехмонхонаси билан туристларни гуруҳ-гуруҳ ҳолатда жойлаштириш бўйича мамлакатимиз даваколатхоналари очилган кўпгина хорижий компаниялар ҳам шартномалар тузишган. «Ля-Мередиан» мехмонхонаси "Ўзбектуризм" Миллий компанияси таркибига кириб, республикамиздаги халқаро андозаларга мувофиқ келувчи мехмонхоналар қаторидан ўрин олган. Мехмонхона ўзининг замонавий дизайни, шинам муҳити ҳамда ўртача нархлари билан эътиборни тортади. Самарқанддаги "Афросиёб" мехмонхонаси ҳам йирик мехмонхоналар қаторидан ўрин олган. Ушбу мехмонхона 500 ўринга мўлжалланган. Ушбу мехмонхоналарда барча хоналар ўта шинам жихозланган бўлиб, уларда илиқлик ва мехмондўстлик муҳити ҳукмрон. Барча хоналар индивидуал кондиционер, камида 2 та тўғридан-тўғри телефон, 12 дастур бўйича ишловчи спутник телевидениеси, балкон ва мармар ҳаммомни ўз ичига олади. Люкс хоналар алоҳида-алоҳида

ҳаммомларга эга бўлиб, бу ерда махсус джаккуззи - ванналар мавжуд. Бундан ташқари у ерда шинам дам олиш хонаси, расмий учрашувлар ва овқатланиш хоналари мавжуд. Бундан ташқари, мехмонларнинг яхши дам олишлари учун қуйидагилар мавжуд. 1. "Миллий" ресторани (200 ўринли) 2. "Тунги" барлар бистроси (100 ўринли) 3. Соғломлаштириш клуби: жумладан: 1) 2 та сауна (1 соат учун 30 А+Ш $) 2) массаж хонаси (1 соат учун 5-15 А+Ш $) 3) душ хоналари 4) тренажер зали 2. конференция зали (250 кишилик) 6. бизнес марказ. 7. автомобил тўхташ майдончаси. «Афросиёб» мехмонхонасидаги конференция зали тўғрисида гапирсак, у юқорида айтилгандек, 250 та ўринли бўлиб, 2002 йил учун конференция залидан фойдаланиш бўйича қуйидаги нархлар белгиланган. 1. Конференция зали ижараси - (микрофон ва юқоридаги прожектор - бепул) 100-60 киши учун: 1 кунда 350 $ 25 киши учун: 1 кунда 250 $ 15 киши учун: 1 кунда 160 $ Юқорида кўрсатилган нархлар ҳеч кандай солиқни ўз ичига олмайди. 2. Конференция пайтида овқатланиш: Кофе: а) 1 киши учун - 12$ (кофе, чой, 1 киши учун 3 канапе, печенье тарталет) б) 1 киши учун қ 6,5$ (кофе,чой, печенье тарталет) в) 1 киши учун қ 4$ (кофе, чой) - Тушлик (швед столи) - 1 киши учун 35$ - Тушлик (суюқ, қуюқ овқат, салат, чой)- 1киши учун 25$ - Тушлик (суюқ, қуюқ овқат, ширинлик, чой) - 1киши учун 30$ - Ичимликлар (чекланмаган миқдорда кока-кола,

минерал сув, фанта)- 1 киши учун 5$ - Алкоголли ичимликлар (ароқ, вино, шампан виноси ва пиво) - 1 киши учун 30$ 3. Тўловларни амалга ошириш. Тўловлар Ўзбекистон Республикаси Марказий Банки томонидан белгиланган жорий алмашув курси бўйича банк ўтказмаси билан сўмда амалга оширилади. Тўловлар шунингдек, кредит карточкалари ёки сўмда нақд пул кўринишида мехмонхона қоидаларига мувофиқ равишда амалга ошириши мумкин. Хулоса. Ҳозирги пайтда республикамизда туризмнинг асосий тармоқларидан бири бўлган мехмонхона хўжаликларини ривожлантириш муҳим омиллардан бири ҳисобланади. Лекин уларнинг кўпчилигида хизмат кўрсатиш даражаси яхши йўлга қўйилмаган. Улардаги хизмат кўрсатиш даражаси ҳам жахон андозаларига тўғри келмайди. Ҳозирги кунда Ўзбекистонда бир қанча жахон андозалари талабларига жавоб берадиган мехмонхоналар фаолият юритмоқда. Буларга мисол қилиб «Интер- Континентал», «Шератон», «Шодлик-Палас», «Афросиёб» ва бошқа мехмонхоналарни киритиш мумкин. Ҳозирда ушбу мехмонхоналарда турли хилдаги учрашувлар, конференциялар ва семинарлар ташкил қилинмоқда. Хорижий туристларни қабул қилиш учун етарли шарт-шароитлар ва хизмат турлари яхши йўлга қўйилган.

Фойдаланилган адабиётлар 1. Гостиничное и ресторанное дело, туризм: Сборник нормотивных документов. М. 2004 год. 3. Индустрия туризма: Менежмент организации. Жукова М.А. 2004 г 4. Введиние в гостипремство Учеб пособе - Уокер Д.Р 2002. 5 . Индустрия туризма: Перевозки 2-е изд., перераб. И доп. - Биржаков.Б. Никифроф В.И. 2003 г 6. Квартальнов В.А. Мировой туризм на пороге 2010 года: прогнозў и реальность. М.: Финансў и статистика.2003. 7. Маркетинг в гостиничной индустрии и туризме: российский и международнўй опут. Янкевич В.С., Безрукова Н.Л. 2003 г. 8. Папирян Г.А. Менеджмент в индустрии гостеприимства (отели и ресторану). М.: ОАО НПО Издательство “Экономика”. 2002, 9. Интернет сайтлари. www . peugeotufa . ru – цены услуг www.interunion.ru – туристские ассоциации www . wttc . org – Всемирный Совет по путешествиям и www . travel - library . com – Электронная библиотека путешествий www.ziyonet.uz www.nur.uz

O'xshashlar

Мехмонхона ва ресторан хизматлари маркетингининг стратегияси ва тактикаси

Мехмонхона ва ресторан хизматлари маркетингини бошқаришнинг иқтисодий механизми

Туристик мехмонхона ва ресторан хизматлари маркетингини такомиллаштиришнинг асосий йўналишлари

Фан мохияти. Мехмонхона ва ресторан хизматлари маркетингининг илмий-назарий асослари

Мехмонхона ва ресторан хизматлари бозорини тўла тахлил қилиш ва истиқболини белгилаш