Yuzlashtirish va so`roq qilish, qo`lga ushlash psixologiyasi - Huquqshunoslik - Referatlar

Yuzlashtirish va so`roq qilish, qo`lga ushlash psixologiyasi

Yuklangan vaqt:

20.09.2019

Ko'chirishlar soni:

0

Hajmi:

52.5 KB

Ko'chirib olish

Yuzlashtirish va so`roq qilish, qo`lga ushlash psixologiyasi Режа: 1. Yuzlashtirish psixologiyasi. 2. Guvoh va jabrlanuvchilarni so`roq qilish psixologiyasi. 3. Shubhalanuvchi va ayblanuvchilarni so`roq qilish psixologiyasi.

Yuzlashtirish psixologiyasi Yuzlashtirish – muqaddam alohida - alohida so`roq qilingan shaxslarni ularning ko`rgazmalaridagi ziddiyatlar, noaniqliklarni bartaraf etish maqsadida birgalikda so`roq qilishdan iborat tergov harakatidir. Yolg`on ko`rgazma berayotgan shaxsni fosh etish uchun muayyan tarzda ta`sir ko`rsatish zaruriyati tug`iladi, yuzlashtirishning maqsadi ham shunda, haqiqatni isbotlashdir. Yuzlashtirishda tergovchining roli juda murakkab va muhim ahamiyatga ega. U yuzlashtirishni o`tkazishga shunday tayyorgarlik ko`rishi kerakki, haqiqat yolg`on ustidan tantana qilsin. Yuzlashtirish natijasida ikki guruh omillar ta`sirini o`tkazadi. Birinchisiga, yuzlashtirilayotgan kishilarning ijtimoiy-psixologik xususiyatlarini e`tiborga olgan holda, ko`rgazmalaridagi ziddiyatlarning sababini aniqlab beruvchi omillar kiradi. Ikkinchidan, bunday ziddiyatlarga yuzlashtirishga kelganlardan birining yoki ikkalasining ko`rgazmalari avval-boshdanoq uydirmaligi sabab bo`lishi mumkin. Bunday hollarda tergovchi uydirma ko`rgazmalarning motivini bilmog`i zarur, ular esa xilma-xil bo`lishi mumkin: jinoiy javobgarlikdan qutulib qolish yoki yengilroq jazo olishga intilish, sheriklarni aytib qo`yishni istamaslik, qarindoshlik hislari, o`ch olishlaridan qo`rqish, pulga sotilish, uyat, soxta sadoqat – tuyg`usi kabilar shu jumladandir. Yuzlashtirishni o`tkazadigan vaqtni tanlashning ahamiyati katta. Uni o`tkazishda shoshqaloqlik qilmaslik, kechikmaslik muhimdir. Yuzlashtirishni o`tkazishga tayyorgarlik saviyasi alohida ahamiyatga ega. Tayyorgarlikni tergovchining tashkiliy-texnikaviy, hamda barcha qatnashchilarning psixologik hozirligi, deb tushunmoq lozim. Tergovchi yuzlashtirishda vijdon amri bilan qatnashayotgan shaxsning ko`nglini xotirjam qilishi, jinoyatchi tomonidan xavf- xatar, xatti-harakatlarning sodir etilmasligiga kafolat berishi kerak. Yuzlashtirish qatnashchilarini shartli ravishda vijdonan hamda vijdonsizlarcha (yolg`on) ko`rgazma beruvchi, deb olinadi. Tergov amaliyotining tahlili shundan dalolat beradiki, yuzlashtirish yolg`on ko`rgazma berayotgan kimsa uchun kutilmaganda, to`satdan o`tkazilishi eng

yuqori samara beradi. Yuzlashtirishni o`tkazishdan avval tergovchibarcha materiallarni (hisob-kitob hujjatlari, suratlar, bayonnomalardan ko`chirmalar, daliliy ashyolar) taxt qilib qo`yishi kerak. Yuzlashtirishdan avval tergovchining fikrlari tiniq, kayfiyati soz, tergov harakatining ijobiy natijasiga ishonchi komil bo`lishi lozim. Har ikkalasi ham baravariga yolg`on ko`rgazma berayotgan ikki jinoyatchi o`rtasida yuzlashtirishni o`tkazish tergovchi uchun murakkab bo`lib, katta mas`uliyatni talab qiladi. Yuzlashtirish haqiqatni ataylab, qasddan buzib ko`rsatishga uringan, ko`rgazmalari uydirmadan iborat shaxslarga katta ta`sir kuchiga ega. Yuzlashtirish ko`pincha ularning tergovdagi xulq-atvorini keskin o`zgartirib yuboradigan hal qiluvchi bosqich rolini o`taydi. Yuzlashtirish odatda tergovchining xizmat xonasida o`tkaziladi. So`roq qilinayotganlarni doimo tergovchi ko`z o`ngida bo`ladigan tarzda o`tkazilishi darkor. Yuzlashtirishning ta`sir kuchi yana shundaki, unda «ko`zning ko`zga tushish samarasi» yashiringan. Yuzlashtirish chog`ida faqat tergovchi qarshisida emas, so`roq qilinayotgan taniydigan yana bir kishi qarshisida ko`rgazma beriladi. 2. Guvoh va jabrlanuvchilarni so`roq qilish psixologiyasi. Jinoyatni ochishda guvoh va jabrlanuvchilarni so`roq qilish muhim ahamiyatga ega. Ularni so`roq qilishga tayyorgarlikning psixologik jihatlari quyidagi tarkibiy qismlardan tashkil topgan: ish materiallari va aniqlik kiritilishi lozim bo`lgan masalalar tahlili; so`roq qilinadigan shaxsni chuqur, har tomonlama o`rganish; so`roqni mavaffaqiyatini ta`minlaydigan zarur sharoitlarni yaratish; tergovchining xulq-atvori, o`zini psixologik jihatdan tayyorlashi. so`roq qilish uchun avvaldan puxta reja tuzib olinadi, jumladan beriladigan savollarning tushunarli bo`lishi, aniqligi, mazmunligi, tartibi belgilab olinadi. So`roqdan avval ish materiallarini chuqur o`rganish, ashyoviy dalillarni tahlil qilish zarur. So`roqqa kirishishdan avval guvohlar va jabrlanuvchilar shaxsiyatini

o`rganish talab etiladi. Rasmiy so`roq oldidan tergovchi kuzatish orqali guvoh yoki jabrlanuvchining tashqi qiyofasi, madaniyati nutqining alomatlari, yuz ifodasi, hayronlik, loqaydlik, hayajon, qo`rquv, xotirjamlik kabilarni aniqlasa bu ishga ijobiy ta`sir etadi. Guvohlar va jabrlanuvchilarni chaqirtirish vaqti va usuli, tergov harakati o`tkazilayotgan sharoit va joy alohida psixologik ahamiyatga ega. Bezorilik, bosqinchilik, qiz iffatiga tegish kabi jinoiy ishlarning tergovida zudlik bilan so`roq qilish bilan birga jinoyatchini qidirib topish va hibsga olish uchun zarur ma`lumotlar jamlanganidan keyin guvohlar va jabrlanuvchilarni qaytadan batafsil so`roq qilish maqsadga muvofiqdir. Psixologik nuqtai nazardan guvoh yoki jabrlanuvchini so`roqqa chaqirish vaqtini belgilayotib, ish manfaatlari bilan chaqirilayotganlarning imkoniyatlari va manfaatlarini uyg`unlashtirishga intilish lozim. So`roq joyini tanlayotgan paytda axloqiy-etikaga oid mulohazalarni ham e`tibordan soqit qilmaslik kerak. Yoshi o`tib qolgan yoki bemor kishilarni tergovchi huzuriga chaqirtirish tavsiya etilmaydi. Tergovchining o`zi ularni oldiga borishi va o`sha joyning o`zida so`roq qilish kerak. Tergovchining tashqi ko`rinishi, xulq-atvori, sarishtaligi, kirishimliligi, odamgarchiligidan dalolat berib, ust-boshi, e`tiborliligi, xushmuomalaligi bilan hamohang ravishda so`roq qilinayotganda ishonch, muomalaga hozirlik kayfiyatini uyg`otadi. So`roqning dastlabki kirish qismida tergovchi so`roq qilinayotgandan asosan tarjimai holi, yashash va ishlash joyi kabi ma`lumotlarni oladi. (anketa) So`roqning ikkinchi bosqichi psixologik muomala o`rnatishni taqozo etadi, bunda so`roq qilinayotganning hozirjavobligi, rostmana ko`rgazma berishga shaylangani tushuniladi. Tergovchi guvohlar va jabrlanuvchilarning ko`rgazmalariga ishonch bilan munosabatda bo`lishi kerak. U tomonidan qo`pollik, istehzo, nazar-pisand qilmaslik, ishonchsizlik, shoshqaloqlik, e`tiborsizlik kabi muomala ko`rinishlariga yo`l qo`yib bo`lmaydi. Jinoiy ishlar tergov qilinayotganda ko`pincha guvohlar va jabrlanuvchilarni tergov qilayotib, ular aytib berayotgan voqea sodir bo`lgan aniq vaqtini tasdiqlab olish zaruriyati tug`iladi. Ana shu maqsadda xronometraj usuli ham qo`llaniladi.

Guvohlar va jabrlanuvchilar uchun xotirasidan o`chmaydigan birorta sana, voqea eslatiladi, keyin tergovchi o`sha kuni uning yana nimalar bilan shug`ullangani, faoliyatining maromi, muddatlari bilan qiziqib, shu orqali o`sha kunni tergovni qiziqtirayotgan daqiqalargacha vaqt jadvaliga soladi. So`roq mobaynida so`roq qilinayotgan kishining kechinmalarini aniqlab olish maqsadida uni diqqat bilan kuzatishi lozim, negaki uning ichki kechinmalari tashqi qiyofasida, xulq-atvorida eshitgan ma`lumotlarni qanday qabul qilishda, nutqning xususiyatlarida yaqqol ko`zga tashlanadi. Masalan, joni xalqumiga kelishi, nutq tezligi va maromining o`zgarishi, to`xtamay gapirishi, ovozini balandlatishi, chala - chulpa so`zlashi kabilar qattiq hayajonlanayotganligidan dalolat beradi. Bunday psixologik kechinmalarni qayd etish so`roq berayotgan kishi qay paytda rost, qay paytda yolg`on aralashtirib yoki bo`rttirib gapirayotganini aniqlab olishga ko`maklashadi. 3. Shubhalanuvchi va ayblanuvchilarni so`roq qilish psixologiyasi. Sud hukmi bilan aybi tasdiqlangunicha qadar gumondor (shubhalanuvchi) va ayblanuvchi jinoyatchi bo`lib hisoblanmaydi. Biror bir jinoyatda ayblanayotgan yoki gumonlanayotgan kimsa jinoyatchi bo`lmasligi mumkin. Gumondorga nisbatan ayblanuvchi odatda, jinoiy ish holati, tergov ega bo`lgan dalil isbotlar mazmunidan ko`proq ogoh bo`ladi. Biroq dastlabki tergovda gumondorda ham, ayblanuvchida ham o`xshash psixologik holatlar, motivlar, hayajon, buning oqibatida o`ziga xos xulq - atvor kuzatiladi. Ayblanuvchi xulq - atvorini ozodlikdan mahrum bo`lish, odatiy turmush tarzidan ayrilib qolishi, jinoyatchi mahkumlar orasiga tushib qolishdan qo`rquv hissi tug`diradigan kuchli psixologik tushkunlik natijasida shakllanadigan motiv ham idora qilishi mumkin. Bunday hissiyotlar birinchi marta jinoyat sodir etgan kishilarga xosdir, ular jinoiy javobgarlik mazmunidan bexabar bo`lganliklari bois o`ta tushkun kayfiyat girdobida qoladilar. Shuning uchun bunday shaxslarga tergovchi haqiqatni aytsa jinoyatiga jazo berish yengillashi mumkinligiga ishontirishi zarur.

Uyushgan jinoiy guruh tarkibida sodir etilgan jinoyatda ayblanayotgan shaxs sheriklariga har xil munosabatda bo`ladi. O`ziga homiylik qilib, qo`llab - quvvatlab turgan shaxsni yana yordam berishidan umidvor bo`lib, jinoyatga taalluqligini yashirishga urinadi. Dominanta Shaxsning xulq - atvori ko`p jihatdan unga dominanta – ushbu daqiqada bosh miyaning katta yarim sharlari qobig`idagi har qanday ta`sirotga o`ta qo`zg`aluvchan bo`lgan hamda boshqa asab markazlari faoliyatiga tormozlantiruvchi ta`sir ko`rsata oladigan hukmron qo`zg`alish o`chog`ining ta`siriga bog`liq bo`ladi. Odamda dominanta hayotining muayyan darajadagi jiddiy pallasida yuz bergan voqea uchun qayqurishi, qattiq hayajonlanishi, qo`rquv, umidsizlik hislariga berilishi tufayli tug`iladi. Dominanta ta`siri ostida jinoyatchi go`yo uning xavfsizligini ta`minlaydigan, fosh etilishidan saqlaydigan hamda keyingi jazodan asrab qoladigan xatti-sharakatlarni sodir etishga kirishadi. Uning faoliyati o`ziga xos himoyalanish tusini oladi. Biroq uning aynan shunday harakatlari tergovchining e`tiborini tortadi, uni sodir etilgan jinoyatga aloqador, deb taxmin qilishga asos bo`ladi. Bunday xatti-harakatlar «xulq - atvor dalili» deb nomlanadi. Xulq - avtor dalillari turli xil kurinishda bo`ladi. Ular orasida eng ko`p uchraydiganlari: chalg`ituvchi sahnalar tayyorlash, yolg`on tasdiq (alibi) yaratish va kutilmagan javoblar kabilardir. Amaliyotda ko`pincha ayblanuvchi o`ziga bo`xton qilgan holatlarda soxta murosali vaziyatlar tug`iladi. Agar ayblanuvchi haddan tashqari ta`sirlanuvchan, tashqi ta`sirotlarga beriluvchan, o`z nuqtai nazarini himoya qilishdan ojiz, irodasiz, ruhiy hayajonlanishga bardoshsizligi bilan ajralib tursa, o`ziga tuxmat qilish ehtimoli ortadi. Buning eng tarqalgan motivi haqiqiy aybdorni ko`rgazma berishdan xalos qilishga urinishdir. (yaqin qarindoshlik ta`sirida) Yuridik psixologiyaning fan sifatidagi vazifasi tergovchilarning ijodiy izlanishlari samaralarini nazariy asoslab berishdan iboratdir.

O'xshashlar

So'roq o'tkazish taktikasi

Dalillarni to`plash usullari

Nomusga tegish jinoyatini tergov qilish

Kriminalistik taktikaning umumiy qoidalari

Voyaga yetmaganlar jinoyatini tergov qilish