O`zbekiston Respublikasi fuqarolik kodeksining iste`molchilar huquqlarini himoya qilishdagi ahamiyati - Huquqshunoslik - Referatlar

O`zbekiston Respublikasi fuqarolik kodeksining iste`molchilar huquqlarini himoya qilishdagi ahamiyati

Yuklangan vaqt:

20.09.2019

Ko'chirishlar soni:

0

Hajmi:

58 KB

Ko'chirib olish

O`zbekiston Respublikasi fuqarolik kodeksining iste`molchilar huquqlarini himoya qilishdagi ahamiyati Reja: 1. O`zbekiston Respublikasi fuqarolik kodeksi va boshqa joriy qonunlarning iste`molchilar huquqlarini himoya qilishdagi roli. 2. «Iste`molchilarning huquqlarini himoya qilish to`g`risida»gi Qonunning O`zbekiston Respublikasi fuqarolik kodeksi bilan iste`molchilar huquqlarini himoya qilishdagi monandligi.

Tayanch iboralar: mulk huquqi, majburiyat huquqi, intellektual huquq, muomula layoqati, huquqiy layoqati, ma`naviy zarar. 1. O`zbekiston Respublikasi fuqarolik kodeksi va boshqa joriy qonunlarning iste`molchilar huquqlarini himoya qilishdagi roli Bevosita iste`molchilarning huquqlarini himoya qilish bilan bog`liq bir qator xalqaro qonun hujjatlari, shartnomalar va bitimlar mavjud. BMTning Iste`molchilar manfaatlari himoyasiga oid rezolyutsiyasi. 1973 yilda Yevropa iqtisodiy hamjamiyati Kengashi tomonidan qabul qilingan Iste`molchilar huquqlari xartiyasi. YEIHK tomonidan 1981 yil 19 maydagi Iste`molchilar huquqlarining himoyasi va informatsion siyosatga oid Dastlabki (birinchi) va Ikkinchi dasturlari. MDHga azo davlatlar Parlamentlararo Assambleyasining 1995 yil 13 maydagi Sankt-Peterburg shahrida imzolangan «Parlamentlararo Assombleyasi qatnashchisi bo`lgan davlatlarning iste`molchilar huquqlari himoyasini tartibga solishning umumiy tamoyillari haqida»gi tavsiyaviy xarakterdagi qarori. Avvalo shuni aytish zarurki, iste`molchilar huquqlarini asosiy qomusimiz – O`zbekiston Respublikasi Konstiutsiyasi himoya qiladi. O`zbekiston Respublikasi Konstitutsiyasining 13-moddasiga ko`ra iste`molchilar huquqlarini himoya qilish umuminsoniy tamoyillarga asoslanadi, ya`ni inson, uning hayoti, erkinligi, sha`ni, qadr-qimmati va boshqa daxlsiz huquqlari oliy qadriyat hsoblanadi. Inson o`z shaxsiy hayoti uchun tovar sotib olishdan, muayyan xizmatlardan foydalanishdan va ishlar bajarilishi natijasidan manfaatdor ekan, u iste`molchi sifatida o`z hayotini go`yoki «garovga» qo`yadi. Chunki nuqsonli, sifatsiz, foydalanishga yaroqsiz tovar (ish, xizmat) uning hayotiga, sog`lig`iga jiddiy zarar yetkazishi mumkin. «Iste`molchi hamisha haq» tamoyili O`zbekiston Respublikasi Konstitutsiyasining 44-moddasiga muvofiq, iste`molchiga o`zi buzilgan huquqini, manfaatini sud orqali tiklash imkonini beradi. Ushbu moddaga asosan «har bir shaxsning o`z huquq va erkinliklarini sud orqali himoya qilish, davlat organlari,

mansabdor shaxslar, jamoat birlashmalarining g`ayriqonuniy hatti-harakatlari ustidan sudga shikoyat qilish huquqi kafolatlanadi». «Davlat butun xalqning manfaatlarini ko`zlab, islohotlar jarayonining tashabbuskori bo`lishi, iqtisodiy taraqqiyotning yetakchi yo`nalishlarini belgilashi, iqtisodiyotda, ijtimoiy-siyosiy hayotida tub o`zgarishlarni amalga oshirish siyosatini ishlab chiqishi va izchil ro`yobga chiqarishi kerak» (I. Karimov). Davlat bosh islohotchi sifatida har qanday mamlakatni rivojlantirish yo`lida islohatlarni amalga oshirar ekan, avvalo, inson manfaatini birinchi o`ringa qo`yadi. Inson esa jamiyatda asosiy fuqarolik munosabatlarida iste`molchi sifatida gavdalanadi. Aynan shu holat ham mamlakatimiz Bosh qonunida o`z ifodasini topgan. O`zbekiston Respublikasi Konstitutsiyasining 53-moddasida ta`kidla- nishicha, davlat iste`molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining tengligini va huquqiy jihatdan bab-baravar muhofaza etilishini kafolatlaydi. Iste`molchilarning huquqlarini himoya qiluvchi qonun hujjatlari orasida O`zbekiston Respublikasi Fuqarolik Kodeksi markaziy o`rinlardan birini egallaydi. Zero, iste`molchi va ularning huquqlarini himoya qilish fuqarolik-huquqiy munosabat bo`lib, uning o`rganish predmeti hisoblanadi. O`zbekiston Respublikasining fuqarolik kodeksi II qismdan iborat bo`lib quyidagi bo`limlarni o`z ichiga qamrab oladi: 1-bo`lim. Umumiy qoidalar 2-bo`lim. Mulk huquqi va boshqa ashyoviy huquqlar. 3-bo`lim. Majburiyat huquqi. 4-bo`lim. Intellektual mulk. 5-bo`lim. Vorislik huquqi. 6-bo`lim. Xalqaro xususiy hulq normalarini fuqarolik-huquqiy munosabatlarga nisbatan tatbiq etish. Jami moddalar (statya) 1199 ta.

Fuqarolik kodeksi asosan mulkiy va shaxsiy-nomulkiy munosabatlarni tartibga soladi. Fuqaro iste`molchi sifatida ijtimoiy munosabatga kirishganda u mulkiy mazmun kasb etadi. Fuqarolik kodeksining 3-moddasi «Fuqarolik qonun hujjatlari» deb nomlanib, uning ikkinchi qismiga asosan boshqa qonunlar va qonun hujjatlaridagi fuqarolik qonun hujjatlari normalari fuqarolik kodeksiga mos kelishi kerak. Demak, fuqarolik huquqiy munosabatlardan biri – iste`molchi bilan bog`liq munosabatni tartibga soluvchi «Iste`molchilarning huquqlarini himoya qilish to`g`risida»gi Qonun ham fuqarolik kodeksi talablariga mos kelishi talab qilinadi. Agar fuqarolik kodeksi va «Iste`molchilarning huquqlarini himoya qilish to`g`risida»gi Qonunda bir-biriga mos kelmaydigan, qarama-qarshi normalar mavjud bo`lsa, amaliyotda qo`llashda fuqarolik kodeksi ustivor hisoblanadi. Yuqoridagilardan kelib chiqib, «Iste`molchilarning huquqlarini himoya qilish to`g`risida»gi Qonun fuqarolik qonun hujjatlari jumlasiga kiradi va unga nisbatan bevosita yoki bilvosita fuqarolik-huquqiy munosabatlarni tartibga soluvchi qonun hujjatlari tatbiq qilinadi. 1. «Iste`molchilarning huquqlarini himoya qilish to`g`risida»gi Qonunning O`zbekiston Respublikasi fuqarolik kodeksi bilan iste`molchilar huquqlarini himoya qilishdagi monandligi Ma`lumki, har qanday qonunda muayyan o`ziga xos atamalar, iboralar mavjud bo`ladi. Ko`p hollarda turmushda ushbu iboralar va atamalar turli mazmun kasb etishi va turlicha ma`noda talqin etilishi mumkin. Bu esa qonunlar mazmunini to`g`ri anglab yetish va ularni ijro etishga xalaqit beradi. Xuddi shu sababli «Iste`molchilarning huquqini himoya qilish to`g`risida»gi Qonunning 1-moddasida ushbu qonunda qo`llanilgan asosiy tushunchalarga ta`rif berilgan. «Iste`molchilarning huquqlarini himoya qilish to`g`risida»gi Qonunning 1-moddasida iste`molchi tushunchasiga quyidagicha ta`rif berilgan: iste`molchi – foyda chiqarish bilan bog`liq bo`lmagan holda shaxsiy iste`mol va boshqa maqsadlarda foydalanish uchun tovar sotib oluvchi, ish, xizmatga

buyurtma beruvchi yoxud shu niyatda bo`lgan fuqaro (jismoniy shaxs) hisoblanadi. Ushbu ta`rifdan ko`rinib turibdiki, faqatgina jismoniy shaxs iste`molchi bo`lishi mumkin. Fuqarolik kodeksining 16-moddasiga asosan jismoniy shaxs deganda, O`zbekiston Respublikasining fuqarolari, chet el fuqarolari, shuningdek fuqaroligi bo`lmagan shaxslar tushuniladi. Jismoniy shaxs huquq subyekti sifatida qanday belgilarga ega bo`lishi kerak, degan savol tug`ilishi mumkin. Ma`lumki, fuqaro muayyan majburiyat munosabatlarida qatnashish, yirik summalarda bitimlar tuzish uchun muomula layoqatiga ega bo`lishi kerak. Biroq, iste`molchi maqomini olish uchun hech qanday muomala layoqati talab etilmaydi. Fuqaroning huquqiy layoqatiga ega bo`lishi kifoya. O`zbekiston Respublikasi fuqarolik Kodeksining 17-moddasiga asosan, fuqaroning huquq layoqati u tug`ilgan paytdan e`tiboran vujudga keladi va vafot etishi bilan tugaydi. Fuqarolar huquq layoqatining mazmuni 18-soddada berilgan. Bu moddaga asosan fuqarolar: Mulk huquqi asosida mol-mulkka ega bo`lishlari; mol-mulkni meros qilib olishlari va vasiyat qilib qoldirishlari; bankda jamg`armalarga ega bo`lishlari; tadbirkorlik, (dehqon) fermer xo`jaligi bilan hamda qonunda taqiqlab qo`yilmagan boshqa faoliyat bilan shug`ullanishlari; yollanma mehnatdan foydalanishlari; yuridik shaxslar tashkil etishlari; bitimlar tuzishlari va majburiyatlarda ishtirok etishlari; yetkazilgan zararning to`lanishini talab qilishlari; mashg`ulot turini va yashash joyini tanlashlari; fan, adabiyot va san`at asarlarining, ixtironing, qonun bilan qo`riqlanadigan boshqa intellektual faoliyat natijalarining muallifi huquqiga ega bo`lishlari mumkin. Fuqarolar boshqa mulkiy va shaxsiy nomulkiy huquqlariga ham ega bo`lishlari mumkin. Bu o`rinda shuni ham e`tirof etish lozimki, jismoniy shaxsnigina iste`molchi sifatida tan olinishi zamirida chuqur ma`no yotadi. Har qanday jismoniy shaxs eng avvalo, biologik mavjudot, u yashashi, hayot kechirishi uchun oziq-ovqat, kiyim-bosh, turarjoy va shu kabilarni iste`mol qilish va ulardan foydalanishi shart. Uning bu ehtiyojlari faqat kishilik jamiyatida qondirilishi mumkin.

Ayni vaqtda inson sotsial mavjudot ham, u shaxs sifati jamiyatda, fuqaro sifatida davlatda harakat qilish uchun muayyan ijtimoiy xizmatlarga, tovarlarga, bilim va axborotlar olishga, transport, kommunikatsiya vositalaridan foydalanish va shu kabilarga ehtiyoj sezadi. Jismoniy shaxsning biologik va sotsial mavjudot sifatidagi ehtiyojlari bu ehtiyojlarni qondirish zaruriyatini keltirib chiqaradi. Ushbu ehtiyojlarni qondirmay turib, barkamol insonni, shaxsni, fuqaroni shakllantirib bo`lmaydi. Shu sababli ham insonning moddiy, maishiy va boshqa ehtiyojlarini qondirish – bu ijtimoiy ahamiyatga ega bo`lgan vazifadir. Aslini olganda jamiyatdagi barcha ijtimoiy institutlar, iqtisodiy tuzilmalar inson mavjudligi uchun bor va unga xizmat qiladi. Eng asosiysi shundan iboratki, inson mavjudligi uchun har kuni o`nlab tovar ishlab chiqaruvchilar, sotuvchilar va ish bajaruvchilar, xizmat ko`rsatuvchilar bilan huquqiy munosabatlarga kirishadi. Bu huquqiy munosabatlarning pirovard maqsadi insonning moddiy, ma`naviy va maishiy ehtiyojlarini to`la va samarali qondirish hisoblanadi. Demak, bunday holatda, tovarlar, ishlar, xizmatlardan bevosita o`z ehtiyojlarini qondirish uchun foydalanadigan shaxs alohida huquqiy maqomga ega bo`lishi lozim va bunday maqom iste`molchi huquqiy maqomi hisoblanadi. Fuqarolik Kodeksining 425-moddasining (chakana oldi-sotdi shartnomasi) 1-qismida ham iste`molchi tushunchasi mazmunini ochib beruvchi belgilar mujassamlashgan. Unga ko`ra fuqaro chakana oldi-sotdi shartnomasi orqali shaxsiy maqsadlar, ro`zg`orda yoki tadbirkorlik faoliyati bilan bog`liq bo`lmagan boshqa maqsadlarda tovar sotib olgan ham iste`molchi hisoblanadi. «Iste`molchilarning huquqlarini himoya qilish to`g`risida»gi O`zbekiston Respublikasi Qonunining 4-moddasida sanab o`tilgan iste`mol- chilarning asosiy huquqlari qatoriga iste`molchilarning bilim olishga bo`lgan huquqini ham kiritish lozim. Shuningdek qonunga alohida «Iste`molchilarning huquqlarini himoya qilish sohasida iste`molchilarning bilim olishga bo`lgan huquqi» deb nomlangan moddani kiritish ham maqsadga muvofiq bo`lur edi. Chunki iste`molchilar ham o`zlarining huquqlari haqida yetarli bilimga ega

emaslar. Bozor iqtisodiyoti iste`mol bozorida barcha iste`molchilarning ushbu bilimlarga ega bo`lishlarini taqozo etadi. Iste`molchilarning asosiy huquqlaridan yana biri, bu ishlab chiqaruvchilar tomonidan iste`molchilarga taqdim etilayotgan tovar (ish, xizmat)lar natijalarini tegishli darajada sifatli bo`lishiga bo`lgan huquqlar. Shu jihatdan Qonunning 8-moddasining mazmuni O`zbekiston Respublikasi fuqarolik kodeksining «Tovarning sifatini tekshirish» deb nomlangan 407-moddasi mazmuniga yaqin. Ammo ular o`rtasida bevosita nomutanosiblik mavjud. FKning ushbu moddasida tovar sifatini tekshirish shartnomada yoki qonun hujjatlarida nazarda tutilgan tartibda amalga oshirilishi nazarda tutilgan. FKida jumladan shunday deyilgan: «Agar qonun hujjatlarida, shu jumladan davlat standartlarida, yoki oldi-sotdi shartnomasida sotuvchining sotib oluvchiga topshiriladigan tovar sifatini tekshirish (sinash, aynan tahlil qilish, ko`zdan kechirish va hokazo) majburiyati nazarda tutilgan bo`lsa, sotuv oluvchining talabi bilan sotuvchi unga tovar sifati tekshirilganligining isbotini taqdim qilishi lozim». Qonunning 8- moddasining oxirgi bandida esa bunday deyilgan: «Iste`molchi sotib olingan tovar (ish, xizmat) sifatini, butligini, vazni va narxini tekshirish huquqiga ega, sotuvchi (ishlab chiqaruvchi, ijrochi) esa, nazorat-o`lchov asboblarini, narxga doir hujjatlarini taqdim etishi, tovarni ishlatib ko`rsatishi, undan xavfsiz va to`g`ri foydalanishni o`rgatishi, zarurat bo`lsa, tovarni ekspertizaga yuborishi shart». «Iste`molchilar huquqlarini himoya qilish to`g`risida»gi Qonunning 22-moddasi «Ma`naviy zarar uchun haq to`lash» deb yuritiladi. Bunda iste`molchining huquqlari buzilishi tufayli unga yetkazilgan ma`naviy zarar uchun uni yetkazgan shaxs, basharti u aybdor bo`lsa, haq to`lashi lozim. Ma`naviy zarar uchun to`lanadigan haq miqdorini sud belgilaydi. Ma`naviy zarar uchun haq to`lash mulkiy ziyon va iste`molchi ko`rgan zararning o`rni qoplanishidan qat`i nazar, amalga oshiriladi. Ma`naviy zarar deganda, iste`molchi huquqlari buzilganda unga yetkazilgan jismoniy og`riqlar, ruhiy iztiroblar, qiynoqlar tushuniladi. Fuqarolik kodeksining 1022 moddasida ma`naviy zarar xuddi shu ma`noda talqin qilinadi.

Quyidagilar ushbu norma orqali ma`naviy zararni undirish uchun asos bo`lib hisoblanadi: a) iste`molchi huquqlarining buzilishi. Bu huquqlar 4-moddada keltirilgan. Ushbu huquqlar iste`molchi bilan shartnomaviy munosabatlarga kirishgan tadbirkorlik subyekti (tovar sotuvchi, ish bajaruvchi, xizmat ko`rsatuvchi) tomonidan buzilgan bo`lishi mumkin. Ayni vaqtda shuni ham unutmaslik kerakki, garchi iste`molchi bilan shartnomaviy munosabatlarga kirishmagan bo`lsa ham, tovarlar, ish, xizmatlardan foydalanish jarayonida fuqaroga ma`naviy zarar yetsa, u holda ushbu tovarlarni sotuvchi (ishlab chiqaruvchi, ish bajaruvchi, xizmat ko`rsatuvchi subyekt) ma`naviy zararni pul ko`rinishida qoplashi shart. b) iste`molchiga ma`naviy zarar yetkazuvchining aybi mavjud bo`lishi. Bunda ayb har qanday shakllarda namoyon bo`lishi mumkin. v) ma`naviy ziyonning mavjudligi. Yuqorida aytilganidek, ma`naviy zarar iste`molchi huquqlari buzilganligi sababli unga yetkazilgan jismoniy azob- uqubatlar va ruhiy psixologik qiynalishlar, iztiroblar ko`rinishida namoyon bo`ladi. Ma`naviy zarar yetkazilganligi faktini aniqlashda jabrlanuvchi – iste`molchining tibbiy kartasidagi qaydlar, tibbiy ekspertiza, ruhiy ekspertiza yakuniy xulosalari muhim rol o`ynaydi. Ma`naviy zarar iste`molchi va tovar ishlab chiqaruvchi, o`rtasida ixtiyoriy kelishuv asosida ham, sud qarori asosida ham qoplanishi mumkin. Ma`naviy zarar jinoyat natijasida, ma`muriy huquqbuzarlik yoxud fuqarolik huquqbuzarligi orqasida 1021-1022 – moddalarida belgilangan qoidalar asosida qoplanadi. Ma`naviy zararni pul ko`rinishida qoplash miqdorini sud belgilaydi. Sud bunda o`z holicha ish tutmasdan, balki FKning yuqoridagi normalarni va O`zbekiston Respublikasi Oliy Sudi Plenumining 2000 yil 28 aprelida qabul qilingan «Ma`naviy zarar qoplash haqidagi qonunlarni qo`llashning ayrim masalalari to`g`risida»gi qarori asosida ish ko`radi. FKda ma`naviy zararni qoplash miqdorini aniqlash mezonlari aniq- ravshan ko`rsatilgan. Binobarin, sud bunda birinchi galda e`tiborga olishi lozim

bo`lgan holat, bu huquqbuzarning aybi bor yoki yo`qligidir. Odatda, ma`naviy zarar huquqbuzarning aybi bo`lgan holatdagina qoplanadi. Quyidagilar ma`naviy zararni qoplash miqdorini aniqlash mezonlari bo`lib hisoblanadi: Jabrlanuvchi iste`molchiga yetkazilgan jismoniy va ma`naviy azoblarning xususiyatlari: a) zarar yetkazilgan haqiqiy holat (ya`ni, zarar yetkazish usuli, oqibatlari, huquqbuzarlikning sodir bo`lish shart-sharoitlari va shu kabilar); b) jabrlanuvchining shaxsiy xususiyatlari (o`ziga og`ir olgani, jinsi, oilaviy holati, xizmati, sog`ligi, yoshi, jamiyatdagi mavqei va shu kabilar). Zarur yetkazuvchining aybdorlik darajasi (qasddan, g`arazli maqsadlarda sodir etgani, ko`zlagan maqsadi va ko`rgan manfaati va shu kabilar) hisobga olinadi. Oqilonalik talablari (ya`ni, huquqbuzarning shaxsiy va mulkiy holati, uning ma`naviy zararni qoplash bo`yicha sa`y-harakatlari va imkoniyatlari, jabrlanuvchining mulkiy holati), oladigan tovon pulini uning azob-uqubatlarini bartaraf etishga ta`siri va shu kabilar. Adolat talablari (to`lanadigan pul miqdori va ma`naviy zarar xarakteri o`rtasida mutanosiblik, to`lanadigan tavon huquqbuzarni hushyor tortirishga, tarbiyalanishiga, qayta tuzilishiga xizmat qilishi) ham e`tiborga olinishi zarur. Yana bir jihatni unutmaslik lozim. Anglosakson huquq tizimida ma`naviy zararni undirishda asosiy mezon-zarar yetkazuvchining mulkiy holati hisoblanadi. Agar u o`ta boy bo`lsa, u to`laydigan tavon puli ham shu qadar katta hajmda belgilanadi.

Foydalanilgan adabiyotlar 2. O`zbekiston Respublikasining Konstitutsiyasi. Asosiy Qonun. T.: O`zbekiston, 1992, 45-bet. 3. Iste`molchilarning huquqlarini himoya qilish to`g`risidagi Qonun. 4. Karimov I.A. O`zbek xalqi hech qachon, hech kimga qaram bo`lmaydi. T.: O`zbekiston, 2005. 5. O`zbekiston Respublikasi «Iste`molchilarning huquqlarini himoya qilish to`g`risida»gi qonuniga sharh. T.: «O`zbekiston» nashriyot matbaa ijodiy uyi, 2005, 288 b. 6. «Standartlashtirish to`g`risida»gi 1993 yil 28 dekabrda qabul qilingan Qonun. 7. «Mahsulotlar va xizmatlarni sertifikatlashtirish to`g`risida»gi 1993 yil 28 dekabrda qabul qilingan Qonun. 8. «Oziq-ovqat mahsulotlarining sifati va xavfsizligi to`g`risida»gi 1997 yil 30 avgustda qabul qilingan Qonun. 9. www.lex.uz

O'xshashlar

Standartlashtirish, sertifikatlashtirish to`g`risidagi qonunlarning iste`molchilar huquqlarini himoya qilishdagi roli

Fuqarolar sog`ligini saqlash va xizmatlar sohasida qabul qilingan qonunlarning iste`molchilar huquqlarini himoya qilishdagi roli va ahamiyati

O`zbekiston Respublikasi fuqarolik huquqining manbalari

Iste`molchilar huquqlarining davlat tomonidan himoya qilinishini ta`minlash

O`zbekiston Respublikasi – fuqarolik-huquqiy munosabatlar subyekti sifatida