Fuqarolarning huquq va erkinliklariga rioya etilishi ustidan prokuror nazorati - Huquqshunoslik - Referatlar

Fuqarolarning huquq va erkinliklariga rioya etilishi ustidan prokuror nazorati

Yuklangan vaqt:

21.05.2023

Ko'chirishlar soni:

0

Hajmi:

56.5 KB

Ko'chirib olish

Fuqarolarning huquq va erkinliklariga rioya etilishi ustidan prokuror nazorati Reja : 1. Fuqarolarning huquq va erkinliklariga rioya etilishi ustidan prokuror nazoratining mazmuni, predmeti va vazifalari. 2. Prokurorning vakolatlari. 3. Fuqarolarning siyosiy huquq va erkinliklariga rioya etilishi ustidan prokuror nazoratining o`ziga xos xususiyatlari. 4. Inson va fuqarolarning ijtimoiy-iqtisodiy huquq va erkinliklariga rioya etilishi ustidan prokuror nazoratining o`ziga xos xususiyatlari.

Fuqarolarning huquq va erkinliklariga rioya etilishi ustidan prokuror nazoratining mazmuni, predmeti va vazifalari. O`zbekiston Respublikasi Oliy Majlisining 2001 yil avgust oyida bo`lib o`tgan ikkinchi chaqiriq oltinchi sessiyasida Prezidentimiz I.A. Karimov o`z ma’ruzasida «Demokratik jamiyatda alohida fuqarolar emas, balki ularning qonuniy huquq va manfaatlari qanday himoya qilinayotgani prokurorlik nazoratining obyekti hisoblanadi, deb, ta’kidlagan edi. Prokuratura organlarining huquqiy muhofaza funksiyasi –maxsus huquqiy institut bilan realizatsiya qilinadigan davlatdagi huquqiy muhofaza mexanizmining zvenolaridan biridir. Ko`p yillik statistik kuzatishlar shuni ko`rsatadiki, fuqarolarning huquq va qonuniy manfaatlarini himoya qilishda so`zsiz prokuratura organlarining roli faol(aktiv)ligidan dalolat beradi. Hozirgi vaqtda fuqarolarning o`z huquqlarini muhofaza qilish uchun prokuratura organlariga murojaatlarining soni sudga murojaat qilishdan 10 barobar ko`pdir. O`zbekiston Respublikasi Konstitutsiyasida shaxslarning shunday huquqiy maqomi prinsiplari mustahkamlab qo`yilgan, ya’ni teng huquqlilik, huquq, erkinlik, majburiyatlarning kafolatlanganligi, huquq va majburiyatlarni suiiste’mol qilish ta’qiqlanganligi, konstitutsiyaviy huquq va erkinliklarni qonunsiz chegaralashning ta’qiqlanishni qayd qilish mumkin. «Oilada, maktabda, mehnat jamoasida, mahallada olib boriladigan axloqiy tarbiya, jamoatchilik fikrining kuchi, ommaviy axborot vositalari, ruhoniylarning obro`-e’tibori- hamma-hammasi odamlarimizda qonun buzilishi bilan bog`liq har qanday xatti-harakatlarga nisbatan barqaror qarshilikni shakllashtirishga qaratilmog`i lozim». O`zbekiston Respublikasining «Prokuratura to`g`risida»gi Qonuning 2- bobi Fuqaroning huquqlari hamda erkinliklariga rioya etilishi ustidan nazorat deb nomlanib, 24-moddada nazorat predmeti qayd qilingan. Unga ko`ra, Vazirliklar, davlat qo`mitalari, idoralar, fuqarolarning o`zini o`zi boshqarish organlari, jamoat birlashmalari, korxonalar, muassasalar, tashkilotlar hamda vazirliklar, davlat qo`mitalari va idoralarining harbiy qismlari, harbiy tuzilmalari, hokimlar va

boshqa mansabdor shaxslar tomonidan fuqaroning huquqlari hamda erkinliklariga rioya etilishi nazorat predmeti hisoblanadi. Prokurorning vakolatlari. -Fuqaroning huquq va erkinliklari buzilganligi to`g`risidagi arizalar, shikoyatlar hamda boshqa ma’lumotlarni ko`rib chiqadi va tekshiradi; -Arizachilarga ularning huquq va erkinliklarini himoya qilish tartibini tushuntiradi; -Fuqaroning huquq va erkinliklari buzilishining oldini olish va bartaraf etish; -Qonunni buzgan shaxslarni javobgarlikka tortish hamda yetkazilgan zararni qoplash chora-tadbirlarini ko`radi; -Fuqaroning huquq va erkinliklarining buzilishini jinoiy xususiyatga ega deb bilish uchun asoslar mavjud bo`lgan taqdirda prokuror jinoyat ishi qo`zg`atadi hamda uni sodir etgan shaxslar qonunga binoan jinoiy javobgarlikka tortilishiga doir choralarni ko`radi; -Fuqaroning huquq va erkinliklarining buzilishi ma’muriy huquqbuzarlik hususiyatiga ega bo`lgan hollarda prokuror ma’muriy huquqbuzarlik to`g`risida ish qo`zg`atadi; -zudlik bilan huquqbuzarlik to`g`risidagi ma’lumotni va tekshiruv materiallarini ma’muriy huquqbuzarliklar to`g`risidagi ishlarni ko`rib chiqish vakolatiga ega bo`lgan organga yoki mansabdor shaxsga beradi. (25-modda). Prokuratura to`g`risidagi qonunda prokuraturaning barcha huquqiy muhofaza potensiali bosh vazifani yechishga qaratilgan: qonun ustuvorligini ta’minlash, birlik, qonuniylikni mustahkamlash, fuqaro va insonlarning huquq va erkinliklarini, shuningdek jamiyat va davlatning qonuniy manfaatlarini himoya qilish, fuqaro va shaxslarning huquq va erkinliklariga rioya qilinishi ustidan nazorat funksiyasi qonunning maxsus bobiga kiritilgan. Bu nazorat faoliyati umum ahamiyatli manfaatlar himoyasiga qarshi qo`yilgan emas.

Qonunchilik ijtimoiy amaliyot fuqarolarning va ularning jamoasini huquq va majburiyatlari birligidan kelib chiqdi. Fuqarolik qonunchiligi bilan o`rnatilgan, FK dagi moddaga asosan, qoidalar chet el fuqarolari, fuqaroligi bo`lmagan shaxslar, chet el yuridik shaxslari ishtirokidagi munosabatlarga qo`llanadi.Bu subyektlar xo`jalik oborotining ishtirokchisidir; ular O`zbekiston korxonalari bilan teng huquq va majburiyatlarga, ayrim hollarda qonun bilan o`rnatilgan ( masalan « Chet el insvestorlari to`g`risidagi qonun») belgilagan mulkka ham egadirlar. Konstitutsiyaga ko`ra, chet el fuqarolari va fuqaroligi bo`lmagan shaxslar O`zbekiston Respublikasi fuqarolari bilan teng asosda huquqlaridan foydalanadilar va majburiyatlarga ega bo`ladilar. Hozirgi vaqtda boshqa mamlakatlarning qonunchiligi bo`yicha, O`zbekiston Respublikasi qonunlariga binoan hamda, O`zbekiston va o`sha chet el davlati o`rtasida tuzilgan xalqaro shartnomalarga ko`ra, O`zbekiston Respublikasida chet el fuqarolari O`zbekiston Respublikasi fuqarolarining ba’zi huquqlaridan foydalanmaydilar, ya’ni O`zbekiston Respublikasi fuqarolarining anologik huquq va majburiyatlari: masalan, saylov huquqi, O`zbekiston Respublikasi davlat boshqaruv apparatlarida xizmat qila olmasligi hamda, ularga harbiy majburiyat taaluqli emasligi va boshqalar. Chunki, chet el fuqarolari bu huquq va majburiyatlarga o`zlarining davlatlari tomonidan o`rnatilgan qonunlarga asosan ega bo`ladilar. O`zbekiston Respublikasining shu haqidagi qonunlari butun dunyoning qayerida bo`lishidan qat’iy nazar, O`zbekiston Respublikasi fuqarolariga tegishli bo`lgani kabi, chet el fuqarolariga nisbatan ham ularning davlatlari tomonidan qabul qilingan qonunlar butun dunyo buylab o`z fuqarolariga nisbatan tatbiq etiladi. ( masalan : boshqa davlatlarda joylagan elchixona, konsulliklarda ishlovchi fuqarolar o`z davlatlari qonunlarida ko`rsatilgan huquq va burchlardan to`liq foydalanadilar, shu bilan birga anologik huquq va burchlardan ham foydalanadilar). Fuqaro va insonlarning huquq va erkinliklariga rioya qilinishi ustidan nazorat predmetini aniqlash (belgilash) juda ham muhim bo`lib, konstitutsiyada belgilanganidek, fuqaro va insonlarning huquq va erkinliklari, faqat qonun bilan

quyidagi hollarda chegaralanishi mumkin, agar konstitutsiyaviy tizim asosini himoya qilish maqsadida boshqa shaxslarning huquq va qonuniy manfaatlari, sog`ligini himoya qilish maqsadida, davlat va xalqning muhofazasini ta’minlash maqsadida. Fuqarolarning huquq va erkinliklarining boshqa cheklashlari qonunga asoslanmagan va prokuror tomonidan qoldirib bo`lmaydigan e’tiborni talab qiladi. Xalqaro huquqning umum e’tirof etilgan tamoyil va me’yorlariga asosan an’anaviy konstitutsiyaviy huquqlar 3 guruhga bo`linadi: 1) shaxsiy huquqlar; 2) siyosiy huquqlar; 3) ijtimoiy-iqtisodiy huquqlar. Bu klassifikatsiya fuqarolar va insonlarning huquq va erkinliklari to`g`risidagi deklaratsiyada keltirib o`tilgan – yashashga bo`lgan huquq, shaxs qadr- qimmatining davlat tomonidan muhofaza qilinishi, shaxsiy daxlsizlik prokuror nazoratining barcha sohalari (asosiy faoliyat yo`nalishlari) tomonidan himoya qilinadigan shaxsiy huquqni yaratadi. Qadr–qimmati, sog`ligiga zarar, tan jarohati yetkazish ko`rinishidagi fuqarolarning shaxsiy huquqlariga tajovuz jinoiy javobgarlik harakatlari elementini tashkil qiladi. Fuqaro va insonlarning huquq va erkinliklariga rioya qilinishi ustidan prokuror nazoratiga oid O`zbekiston Respublikasi Bosh prokurorining “Fuqarolarning huquq va erkinliklari, jamiyat va davlat manfaatlarini himoya qilish yuzasidan prokurorlik faoliyatini samaradorligini oshirish to`g`risida” gi 2004 yil 22 iyun 25- son buyrug`i qabul qilingan. Fuqarolarning siyosiy huquq va erkinliklariga rioya etilishi ustidan prokuror nazoratining o`ziga xos xususiyatlari. Nazorat faoliyatining mazmuni quyidagi holatlar bilan belgilanadi: O`zbekiston Respublikasida yagona hokimiyat manbai va suverenitet tashuvchisi bo`lib, uning ko`p millatli xalqi hisoblanadi;

Xalq o`z huquqini, boshqaruvda umumiy ishlar bo`yicha ishtirok etib, shuningdek o`z vakillari orqali ishtirok etib, realizatsiya qiladi. Boshqaruvda fuqarolarning bevosita ishtirokining shakli bo`lib, tegishli hududda istiqomat qiladigan fuqarolarning hayoti uchun muhim ahamiyatga ega bo`lgan, turli xil masalalar bo`yicha o`tkaziladigan referendumlar xizmat qiladi. Davlat organlari va mahalliy o`zini o`zi boshqarish organlariga saylash va saylanish huquqi -siyosiy huquqlardan biri bo`lib, hisoblanadi. O`zbekiston Respublikasi Konstitutsiyasining 33-moddasida fuqarolarning mitinglar, yig`ilishlar, namoyishlar o`tkazish huquqini shuningdek, siyosiy huquqlardan muhimlarini o`tkazishni mustahkamlab qo`ygan. Saylov qonunchiligi va jamoat tashkilotlari to`g`risidagi qonunchilik qayta ishlab chiqilganligi katta ahamiyatga egadir. Ushbu ikki qonun ustidan nazorat – prokurorlik faoliyatining yangi yo`nalishidir. Saylov huquqlarini hayotga tatbiq etishda muhim rolni saylov to`g`risidagi qonunlar o`ynaydi. Bu qonunlar fuqarolarning saylov huquqlarini asosiy kafolatlari hisoblanadi. O`zbekiston Respublikasi Konstitutsiyasi va «Jamoat birlashmalari» to`g`risidagi O`zbekiston Respublikasi qonuni fuqarolarimizga Nizomlarda ko`rsatilgan maqsadlarni hal qilish uchun umummanfaat belgisi bo`yicha erkin jamoa birlashishini kafolatlaydi. O`zbekiston Respublikasi Konstitutsiyasining 34- moddasida O`zbekiston Respublikasi fuqarolari kasaba uyushmalariga, siyosiy partiyalarga va boshqa jamoat birlashmalariga uyushish, ommaviy harakatlarda ishtirok etish huquqiga egadirlar. Siyosiy partiyalarda, jamoat birlashmalarida, ommaviy harakatlarda, shuningdek hokimiyatning vakillik organlarida ozchilikni tashkil etuvchi muholifatchi shaxslarning huquqlari, erkinliklari va qadr–qimmatini hech kim kamsitishi mumkin emasligi mustahkamlab qo`yilgan. Jamoat birlashmalari faoliyatining va tashkillanishining asosini erkinlilik, teng huquqlilik, o`z-o`zini boshqarish, oshkoralik va qonuniylik prinsiplari tashkil etadi.

Qonunshunos jamoat birlashmalarini majburiy davlat ro`yxatidan o`tishni nazarda tutadi, ya’ni, O`zbekiston Respublikasi Konstitutsiyasining 56- moddasida ko`rsatilishicha, O`zbekiston Respublikasida qonunda belgilangan tartibda ruyxatdan o`tkazilgan kasaba uyushmalari, siyosiy partiyalar, olimlarning jamiyatlari, xotin-qizlar, faxriylar va yoshlar tashkilotlari, ijodiy uyushmalar, ommaviy harakatlar va fuqarolarning boshqa uyushmalari jamoat birlashmalari sifatida e’tirof etiladi. Kasaba uyushmalari xodimlarning ijtimoiy-iqtisodiy huquqlarini va manfaatlarini ifoda etadilar va himoya qiladilar. Kasaba tashkilotlariga a’zo bo`lish ixtiyoriydir. (Konstitutsiyaning 59-moddasi). Siyosiy partiyalar turli tabaqa va guruhlarning siyosiy irodasini ifodalaydilar va o`zlarining demokratik yo`l bilan saylab qo`yilgan vakillari orkali davlat hokimiyatini tuzishda ishtirok etadilar. Davlat va jamoat birlashmalari o`z munosabatlarini o`zaro aralashmaslik asosida tuzadilar. Bu bilan, davlat organlari jamoat birlashmalarida ta’sischi bo`lib ishtirok etishlari man etilganligi tushuniladi. Konstitutsiyamizning 58-moddasida davlat jamoat birlashmalarining huquqlari va qonuniy manfaatlariga rioya etilishini ta’minlashi, ularga ijtimoiy hayotda ishtirok etish uchun teng huquqiy imkoniyatlar yaratib berishligi, davlat organlari va mansabdor shaxslarning jamoat birlashmalari faoliyatiga aralashishiga, shuningdek jamoat birlashmalarining davlat organlari va mansabdor shaxslar faoliyatiga aralashishiga yo`l qo`yilmaslik tamoyili mustahkamlab qo`yilgan. Prokurorlik nazorati amaliyoti qonunchilikni quyidagi buzilishlarini ko`rsatib o`tadi :  ( fuqarolarni siyosiy partiyalarga kirishga majburlash;  ( jamoat harakatlarining, siyosiy partiyalarning ta’sis hujjatlarini ro`yxatga olishni belgilangan tartibini buzish ;  (qonun bilan belgilangan tartibda siyosiy partiyalarning hududiy bo`limlarini tashkil etish prinsipiga rioya etmasdan, tashkilotlarda partiyaning boshlang`ich uyalarini tashkil qilish maqsadida, ishlab chiqarish tashkilotlariga kirib borish;

 (jamoat birlashmalarining faoliyatlariga qonunga asoslanmagan holda davlat organlarini aralashuvi;  (qurolli–harbiy tuzilmalar tashkil etish;  (konstitutsion tuzumni zo`ravonlik bilan o`zgartirish g`oyasini targ`ibot qilish;  (shovinistik g`oyalarni targ`ibot qilish; Inson va fuqarolarning ijtimoiy-iqtisodiy huquq va erkinliklariga rioya etilishi ustidan prokuror nazoratining o`ziga xos xususiyatlari. Inson va fuqaroning ijtimoiy-iqtisodiy huquqlari individning hamda jamiyatning muhim tomonlariga ta’sir qiladi. Yangi iqtisodiy va ijtimoiy munosabatlarning shakllanishi ilgari davlat tomonidan fuqarolarning shu xususdagi munosabatlarini hukmron ravishda otalig`ida ushlab turish siyosatidan uzoqlashtirmoqda, fuqaro va insonlar o`z ijtimoiy-iqtisodiy huquqlarini o`zlari bevosita himoya qilishlari va huquqlari uchun kurashishlarini zamon talabi qilib qo`ymoqda. Fuqarolarning o`zlari tomonidan faollikni oshirilishi va individual javobgarlikni o`z zimmalariga olishlariga olib kelmoqda. Bozor munosabatlarini shakllanishi, aholini mehnat bilan bandligi masalasini ilgariga nisbatan o`zgacha shakl olganligi, tadbirkorlikni rivojlanishi, mehnat bilan shug`ullanayotgan shaxslar bilan mehnat qilmayotgan shaxslar o`rtasida, ya’ni ishga joylashganlik va joylashmaganlik munosabatlari oqibatida fuqarolar o`rtasida toifalanish paydo bo`lganligi biz uchun odatdagi hol emasdir. Asosiy ijtimoiy-iqtisodiy huquqlarni muhofaza qilinishi konstitutsion normalashtirilishga asoslangan. Konstitutsiyamizning 36-moddasi O`zbekiston Respublikasining har bir fuqarosini mulkdor bo`lish huquqini o`zida aks ettirgan. Bankka qo`yilgan omonatlari sir tutilishi va meros huquqi qonun bilan kafolatlanishini mustahkamlagan. O`zbekiston Respublikasi Konstitutsiyasining 37-moddasiga asosan har bir shaxs mehnat qilish, erkin kasb tanlash, adolatli mehnat sharoitlarida ishlash va qonunda ko`rsatilgan tartibda ishsizlikdan himoyalanish huquqiga egadir. Ushbu

qonun talabi bilan insonning munosib hayot kechirish va erkin rivojlanishini ta’minlashga qaratilgan davlat siyosatini-yangi hayot sifatini ta’minlovchi, rivojlangan davlatlar standartlariga javob beradigan mamlakatlar qatoridan o`rin oladigan jamiyatimiz rivojining qonuniy zamini deb qabul qilish lozim. Bu o`rinda shuni qayd qilib o`tish lozimki, O`zbekiston Respublikasida barcha fuqarolar bir xil huquq va erkinliklarga ega bo`lib, jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeidan qat’iy nazar, qonun oldida tengdirlar. Imtiyozlar faqat qonun bilan belgilanib qo`yiladi hamda ijtimoiy adolat prinsiplariga mos bo`lishi shart (O`zbekiston Respublikasi Konstitutsiyasining 18- moddasi). Shuningdek, fuqarolar o`z huquq va erkinliklarini amalga oshirishda boshqa shaxslarning, davlat va jamiyatning qonuniy manfaatlari, huquqlari va erkinliklariga putur yetkazmasliklari shart (O`z.Res. Konstitutsiyasining 20- moddasi). Davlat tomonidan oila, onalik, otalik va bolalik, nogiron, nafaqaxo`rlarni qo`llab quvvatlanishi kafolatlanadi. Har kim qariganda, mehnat layoqatini yo`qotganda, shuningdek boquvchisidan mahrum bo`lganda va qonunda nazarda tutilgan boshqa hollarda ijtimoiy ta’minot olish huquqiga ega. Pensiyalar, nafaqalar, ijtimoiy yordam boshqa turlarining miqdori rasman belgilab qo`yilgan tirikchilik uchun zarur eng kam miqdordan oz bo`lishi mumkin emas. (Konstitutsiyaning 39-moddasi). O`zbekiston Respublikasi Bosh prokurorining 1997 yil 28 may kungi 4-sonli «qonun ustuvorligini ta’minlashda prokuratura idoralarining umumiy nazorat faoliyatini tashkil etish, uning sifati va samaradorligini oshirish haqida»gi Buyrug`i mavjud bo`lib, shu buyruqning 2.12 bandida «aholini ish bilan ta’minlash va mehnat to`g`risidagi qonunlar ijrosi ustidan nazorat asosiy vazifa deb belgilansin. Shunda alohida e’tibor ijtimoiy himoyaga muxtoj bo`lgan fuqarolar qatlamlariga belgilangan imtiyozlarni ta’minlashga doir qonunlar ijrosiga qaratilsin. Tashkilotlar va korxonalar ishlab chiqarish faoliyatini qayta tashkil qilish, takomillashtirish, xususiylashtirish va iqtisodiy isloxotlar munosabati bilan ish

joylarining qisqartirilishi oqibatida ishdan bo`shab qolgan xodimlarni ish bilan ta’minlash haqidagi qonunlar ijrosi ustidan nazoratning ta’sirchanligini oshirilsin» deb ko`rsatib qo`yilgan. Prokurorlar buyruqning ushbu talabiga qat’iy rioya etmoqliklari shartdir. Fuqarolarning iqtisodiy huquq va erkinliklariga rioya qilinishida prokurorlik nazorati predmeti yana bir narsaga qaratilish lozim, ya’ni tadbirkorlik faoliyatini alohida turlari bilan shug`ullanish huquqini cheklash bo`yicha qonunlar ijrosi qay darajada amalga oshirilishiga qaratilishi kerak, chunki, aynan faoliyatning alohida turlarini litsenziyalash, bu - maxsus ma’lumoti bo`lmasdan tadbirkorlik faoliyati bilan shug`ullanib, o`zining hamda boshqa fuqarolarning hayoti va sog`ligiga jiddiy zarar yetkazishini oldini oladi. Litsenziyalash ommaviy manfaatlarni muhofaza qilishga qaratilgandir. Prokuror tadbirkorlik erkinligini suiiste’mol qilish faktlarini ko`zdan qoldirmasligi kerak, bulardan, tijorat bo`lmagan tashkilotlar tomonidan nizomlarida ko`rsatilmagan faoliyat bilan shug`ullanish, maxsus ruxsatnoma-litsenziya talab qilingan hollarda litsenziyasiz faoliyat ko`rsatish, boshqa fuqarolarning qonun bilan belgilangan huquq va manfaatlariga putur yetkazishi mumkin bo`lgan faoliyat bilan shug`ullanish hollariga e’tibor berishi va shu hollarda duch kelganida qonun bilan belgilangan vakolatlaridan foydalanib, qonun buzilish hollariga barham berishi lozim. Ko`rib chiqilayotgan masala yuzasidan ham O`zbekiston Respublikasi Bosh prokurorining “Fuqarolarning huquq va erkinliklari, jamiyat va davlat manfaatlarini himoya qilish yuzasidan prokurorlik faoliyatini samaradorligini oshirish to`g`risida 25-sonli 2004 yil 22 iyun kungi yuqorida ta’kidlangan buyruq mazkur soha bo`yicha ham sohaviy normativ hujjat hisoblanadi. Buyruq talabiga ko`ra, O`zbekiston Respublikasi prokuratura organlari nazorat faoliyatining muhim vazifasi - respublika hududida qonun ustuvorligini ta’minlash, inson va fuqaroning ijtimoiy, iqtisodiy, siyosiy, shaxsiy huquqlari hamda erkinliklarini, barcha millat va elatlarning teng huquqliligini, jamiyatda ijtimoiy adolat va qonuniylikni mustahkamlash, O`zbekiston

Respublikasi konstitutsiyaviy tuzumini jamiyat va davlatning qonun bilan qo`riqlanadigan manfaatlarini himoya qilishdan iboratdir.

Adabiyotlar: 1.Baskov V.I. Prokuror nazorati (darslik, rus tilida) M., ”Bek” nashriyoti, 1998. 2.Davletov A. Dj. Prokuror nazorati (darslik, rus tilida). Nukus. Bilim.1999. 3.Nazarov G`.I. Shaxs manfaatlari va prokuror huquqi. // J. Hayot va qonun. - 2000. № 5. –B. 10-14. 4. Inog`omjonova Z.F. umumiy tahriri ostida Jinoyat protsessi (umumiy qism, darslik, o`zbek tilida) T.: 2002 y., «Yangi asr avlodi». 5.Tuxtasheva U.A. «Xabeas korpus» v Uzbekistane // Huquq va burch. - Tashkent, 2007. - № 6. - S. 51-52. 6.Madaliyev O.M. Prokuror nazorati. Darslik. Maxsus qism. – T.: TDYUI, 2009. – 884 b.t. 7.Madaliyev O.M. Prokuror nazorati. Darslik. Umumiy qism. – T.: TDYUI, 2009. – 26, 5 b.t. 8. O.M.Madaliyev, A.A.Ergashev. Prokuror nazorati. O’quv-uslubiy qo’llanma. TDYuI. 2010 y. 15,2. b.t. –B. 240. 9. O.M.Madaliyev. Prokuror nazorati. Darslik. Umumiy qism. Toshkent – “ILM ZIYO”. – 2012. –B. 314 10. O.M.Madaliyev. Prokuror nazorati. Darslik. Maxsus qism. Toshkent – “ILM ZIYO”. – 2012. –B. 504 11. M.H.Rustamboyev, O.M.Madaliyev. Huquqni muxofaza qiluvchi organlar faoliyatini tashkil etish. Darslik. Toshkent – “ILM ZIYO”. – 2012. –B. 638

O'xshashlar

Qonunlar ijrosi ustidan prokuror nazorati

Fuqarolarning konstitutsiyaviy huquq va erkinliklariga qarshi jinoyatlar

Jinoyatchilikka qarshi kurashuvchi organlar tomonidan qonunlarni ijro etishlari ustidan prokuror nazorati

Prokurorning nazorati hujjatlari, ularning mazmuni, keltirish asoslari va tartibi

Prokuraturaning tashkiliy va faoliyat prinsiplari. Prokuratura faoliyatining asosiy yo`nalishlari