Jinoyatchilikka qarshi kurashuvchi organlar tomonidan qonunlarni ijro etishlari ustidan prokuror nazorati - Huquqshunoslik - Referatlar

Jinoyatchilikka qarshi kurashuvchi organlar tomonidan qonunlarni ijro etishlari ustidan prokuror nazorati

Yuklangan vaqt:

21.05.2023

Ko'chirishlar soni:

0

Hajmi:

97.5 KB

Ko'chirib olish

Jinoyatchilikka qarshi kurashuvchi organlar tomonidan qonunlarni ijro etishlari ustidan prokuror nazorati Reja: 1. Jinoyatchilikka qarshi kurashni amalga oshiradigan organlar tomonidan qonunlarning ijro etishlari ustidan prokuror nazoratining tushunchasi, nazorat predmeti va vazifalari. 2. Surishtiruv va tergov organlari tomonidan qonunlarning ijro etilishi ustidan prokuror nazoratining mohiyati va vazifalari. 3. Prokuror vakolatlari, shakllari va usullari. 4. Tezkor qidiruv faoliyatini amalga oshiruvchi organlarning qonunlar ijrosini ta’minlashi ustidan prokuror nazorati 5. Surishtiruv, dastlabki tergov va tezkor qidiruv faoliyatida qonun buzilish hollarini aniqlash va prokuror ta’sir choralarini qo‘llashdagi huquqiy hujjatlar .

Jinoyatchilikka qarshi kurashni amalga oshiradigan organlar tomonidan qonunlarning ijro etishlari ustidan prokuror nazoratining tushunchasi, nazorat predmeti va vazifalari . Jinoyatchilikka qarshi kurash, tezkor- qidiruv faoliyatini amalga oshirish, surishtiruv o‘tkazish, dastlabki tergovda qonunlarning aniq bajarilishi ustidan prokuror nazoratini ta’minlash jarayonida prokuraturaning huquqni muhofaza qiluvchi boshqa idoralar bilan hamkorligi natijasida jinoyatchilik ildiziga bolta uriladi va jamiyatda fuqaro va insonlarning tinch-xotirjam yashab, ishlashlari uchun zamin yaratiladi, jinoyatchilik dinamikasida barqarorlik vujudga keladi. Qonuniylikni mustahkamlash va jinoyatchilikka qarshi kurashni, fuqarolarni konstitutsiyaviy huquqlari va erkinlarini himoya qilish ishlarini tashkil etish, jinoyatchilikning og‘ir va o‘ta og‘ir turlariga qarshi kurash, ayniqsa, uning uyushgan shakliga nisbatan murosasiz kurash uchun prokuror tomonidan jinoyatchilikka qarshi kurash faoliyatini samarali bajarish uchun jinoyatchilikka qarshi kurashuvchi organlar tomonidan qonunlarning aniq va bir hilda ijro etilishini ta’minlash, bu borada prokuror nazoratini susaytirmaslik juda muhimdir. Prokurorning jinoyat-protsessual qonun hujjatlarida nazarda tutilgan tartibda bergan tergov oldi tekshiruvi o‘tkazish, jinoyat ishlari qo‘zg‘atish va tergov qilish bilan bog‘liq ko‘rsatmalari surishtiruv va dastlabki tergov organlari uchun majburiydir. Jinoyatlar to‘g‘risidagi arizalar va xabarlarni ko‘rib chiqish hamda hal qilish va tergovni olib borishning qonun hujjatlarida belgilangan protsessual tartibi, shuningdek jinoyatchilikka qarshi kurashni amalga oshiradigan organlar tomonidan qabul qilinayotgan qarorlarning qonuniyligi jinoyatchilikka qarshi kurashni amalga oshiradigan organlarning qonunlarni ijro etishlari ustidan nazorat predmeti hisoblanadi. Jinoyatchilikka qarshi kurashni amalga oshirish maqsadi respublikamizda yangi ijtimoiy-iqtisodiy jarayonlar yuzaga kelganligi sababli huquqiy demokratik davlatni shakllantirish, inson huquq va erkinliklarini himoya qilish kabi dolzarb vazifalarni amalga oshirish bilan chambarchas bog‘liqdir. Aynan shu holat prokuratura organlarining jinoyatchilikka

qarshi kurash hamda qonuniylikni ta’minlash borasidagi faoliyatiga tubdan yangicha yondashish lozimligini hayotiy zarurat sifatida keltirib chiqarmoqda. O‘zbekiston Respublikasining “Prokuratura to‘g‘risida”gi Qonunini 28- moddasida jinoyatchilikka qarshi kurashni amalga oshiradigan organlar tomonidan qonunlarning ijro etilishi ustidan nazoratni amalga oshiruvchi prokurorning vakolatlari belgilangan bo‘lib, sodir etilgan yoki tayyorlanayotgan jinoyatlar haqidagi ariza va habarlarni qabul qilish, ro‘yxatdan o‘tkazish hamda hal etish to‘g‘risidagi qonun talablari ijrosini har oyda kamida bir marta tekshiradi, jinoyat ishlarini qo‘zg‘atadi yoki ularni qo‘zg‘atadi yoki ularni qo‘zg‘atishni rad etadi, jinoyat ishlarini tugatadi yoxud ular yuzasidan ish yuritilishi to‘xtatadi. Jinoyat ishini qo‘zg‘atish, dastlabki tergovni to‘xtatish va tugatishning qonuniyligi ustidan nazorat qilish O‘zbekiston Respublikasi JPQonunchiligi va Prokuratura to‘g‘risidagi Qonunga asosan prokurorlarga yuklatilgan. Jumladan, O‘zbekiston Respublikasi JPKning 33- moddasida qayd etilishicha, O‘zbekiston Respublikasi Bosh prokurori va unga bo‘ysunuvchi prokurorlar surishtiruv va dastlabki tergov bosqichlarida O‘zbekiston Respublikasi qonunlarning aniq va bir xilda ijro etilishi ustidan nazoratni amalga oshiradi. Prokuror surishtiruv va dastlabki tergov bosqichlarida qonunning buzilishini, kim tomonidan sodir etilganligidan qat’i nazar, bartaraf etish uchun qonunda nazarda tutilgan chora- tadbirlarni o‘z vaqtida ko‘rishi shart. O‘zbekiston Respublikasining “Prokuratura to‘g‘risida”gi Qonunining 27- moddasida Jinoyatchilikka qarshi kurashni amalga oshiradigan organlar tomonidan qonunlarning ijro etilishi ustidan nazorat predmeti belgilangan bo‘lib, unga ko‘ra, jinoyatlar to‘g‘risidagi arizalar va habarlarni ko‘rib chiqish hamda hal qilish va tergovni olib borishning qonun hujjatlarida belgilangan protsessual tartibi, shuningdek jinoyatchilikka qarshi kurashni amalga oshiradigan organlar tomonidan qabul qilinayotgan qarorlarning qonuniyligi jinoyatchilikka qarshi kurashni amalga oshiradigan organlarning qonunlarni ijro etishlari ustidan nazorat predmeti hisoblanadi. Ushbu Qonunning 28-moddasida prokurorning vakolatlari qatoriga :

 Jinoyat ishlarini qo‘zg‘atishi mumkinligi;  Jinoyat ishlarini qo‘zg‘atishni rad etishi mumkinligi;  Jinoyat ishlarini tugatishi mumkinligi;  Ehtiyot chorasi sifatida qamoqqa olish uchun sudga iltimosnoma bilan murojaat qilishi;  Jinoyat ishlari yuzasidan ish yuritilishini to‘xtatishi mumkinligi;  Qonunda nazarda tutilgan hollarda tergovchining ishni tugatishiga rozilik berishi;  Ayblov hulosasini yoki qarorini tasdiqlashi, ishni sudga yuborishi vakolatlari belgilangan. Jinoyatchilikka qarshi kurash faoliyatining yuragi tergov faoliyatini tashkil etish hisoblanadi. Shuning uchun tergov faoliyatini boshqarishni to‘g‘ri tashkil etish asosiy mezondir. Bu borada tergov boshqarmasi (bo‘limi)da ishni tashkil etish bo‘yicha asosiy vazifalar quyidagilardir:  Tuzilishi va shtatlar bo‘yicha optimal bo‘lgan malakali xodimlar bilan to‘ldirilgan tergov apparatini shakllantirish;  Fuqarolarning (jinoyat protsessining barcha ishtirokchilarining) huquq va erkinliklarini ta’minlash mexanizmi mushtarakligida tergov faoliyatini takomillashtirish yuzasidan ilmiy tavsiyalarni amaliyotga joriy qilish;  Jinoyatchilikka qarshi kurash faoliyatini amalga oshiruvchi xalqaro tashkilotlar, chet el huquqni muhofaza qiluvchi organlarining hamda respublikamiz huquqni muhofaza qiluvchi organlarining ilg‘or tajribalarini yoyish;  Tergov faoliyatida jinoyatlarni aniqlash, fosh qilish, dalillarni topish, olish, protsessual mustahkamlash, isbotlashga qaratilgan xatti-harakatlarni amalga oshirishda zamonaviy texnikalarni qo‘llash orqali ishning tashkiliy darajasini takomillashtirish;  Prokuror va tergovchilarning faoliyati samaradorligini oshirish, ish vaqtini, kuchini, modiy vositalar va imkoniyatlarni bekorga sarflamaslik va bu boradagi keraksiz yo‘qotishni bartaraf etish.

 Ushbu vazifalarni hal etish boshqarma(bo‘lim) boshqaruvi tomonidan O‘zbekiston Respublikasi Bosh prokurori va uning o‘rinbosarlari buyruqlari, ko‘rsatmalari, hay’at va muvofiqlashtiruvchi kengash qarorlari asosida uch asosiy yo‘nalish bo‘yicha amalga oshirilishi mumkin:  Jinoyatlarni tergov qilishda qonuniylikni nazorat qilish bo‘yicha ishni tashkil etish;  Jinoyatchilikka qarshi kurash bo‘yicha ishni tashkil etish;  Prokuratura idoralari tegovchilarining o‘zlari xizmat qiladigan hududlardagi ishi ustidan rahbarlikni ta’minlash Prokuror ushbu faoliyatlarni qonuniylik, birlik, markazlashganlik, mustaqillik va oshkoralik kabi prinsiplarga rioya qilgan holda amalga oshiradi. O‘zbekiston Respublikasi prokuraturasi tergov Bosh boshqarmasi, boshqarma va bo‘limlar, Qoraqalpog‘iston Respublikasi, viloyatlar, Toshkent shahar, transport, harbiy prokurorlari barcha imkoniyatlarini huquqbuzarlikning oldini olish, har bir jinoyatni ochish, tergovni har tomonlama, to‘la va holisona o‘tkazilishi hamda jazo muqarrarligini ta’minlash, jinoyatni keltirib chiqaruvchi shart-sharoitlar sabablarni aniqlashga, ularni bartaraf qilish choralarini ko‘radilar. Surishtiruv va tergov organlari tomonidan qonunlarning ijro etilishi ustidan prokuror nazoratining mohiyati va vazifalari. Qonunchilikka muvofiq jinoyat ishi, ma’muriy yoki intizomiy javobgarlik to‘g‘risidagi ishlarni ko‘rishda oxirgi hal qiluvchi qaror sud tomonidan amalga oshirilsa ham, lekin mana shu ishlar yuzasidan adolatli hukm chiqarishda surishtiruv va dastlabki tergov organlari muhim o‘rin tutadi. Jinoyat protsessual qonun hujjatlariga muvofiq surishtiruv va dastlabki tergov organlari quyidagi vazifani amalga oshirishadi, ya’ni: - fuqarolarning, jamiyat va davlat manfaatlarini, huquq va erkinliklarini jinoiy tajovuzlardan saqlash; - fuqarolarni Konstitutsiya va qonunlarga rioya qilish ruhida tarbiyalash;

- jinoyatlarning oldini olish, jinoyat ishi qo‘zg‘atish va jinoyatni ochish; - sudlarga yetarli va kerakli bo‘lgan dalillarni kiritish, jinoyatchilarni qidirib topish; - dastlabki tergovni to‘liq va obyektiv olib borish. Surishtiruv va dastlabki tergov organlari tomonidan qonunlarning ijro etilishi ustidan prokuror nazoratining asosiy maqsadi, mana shu organlar tomonidan olib borilayotgan ishlarning qanchalik qonunga muvofiqligi, tergovning obyektivligi, fuqarolarning konstitutsion huquq va erkinliklarini ta’minlash kabi masalalarni to‘g‘ri hal qilishdan iboratdir. Qoraqalpog‘iston Respublikasi, viloyatlar, Toshkent shahar, O‘zbekiston transport prokurorlari tomonidan, davlat soliq va bojxona qo‘mitalari idoralarida surishtiruv ustidan lozim darajada prokuror nazoratini o‘rnatishga qaratilgan tashkiliy va amaliy choralar ko‘rish bugungi kunning dolzarb masalalaridan biri bo‘lib hisoblanmoqda. Bundan tashqari O‘zbekiston Respublikasi Bosh prokurorining jinoyat protsessida fuqarolarning huquq va erkinliklarini muhofaza qilish va ta’minlashga oid sohaviy buyrug‘i ham mavjud . Prokuror jinoyatchilikka qarshi kurashni amalga oshiradigan organlar tomonidan qonunlarning ijro etilishi ustidan nazorat qilish jarayonida quyidagi vakolatlarni amalga oshiradi:  surishtiruv va dastlabki tergov organlaridan tekshirish uchun jinoyat ishlarini, surishtiruv, tezkor-qidiruv faoliyatining hujjatlari va materiallarini hamda boshqa ma’lumotlarni talab qiladi;  sodir etilgan yoki tayyorlanayotgan jinoyatlar haqidagi ariza va xabarlarni qabul qilish, ro‘yxatdan o‘tkazish hamda hal etish to‘g‘risidagi qonun talablari ijrosini har oyda kamida bir marta tekshiradi;  tergovchilar va surishtiruvchilarning noqonuniy hamda asossiz qarorlarini bekor qiladi;  jinoyatlarni tergov qilish;  ehtiyot chorasini tanlash, o‘zgartirish yoki bekor qilish;

 jinoyat tavsifini belgilash;  ayblanuvchi tariqasida ishga jalb qilish, ayrim tergov harakatlarini bajarish va jinoyat sodir etib yashiringan shaxslarni qidirish to‘g‘risida yozma ko‘rsatmalar beradi;  surishtiruv organlariga fuqarolarni ushlash, majburiy keltirish, qamoqqa olish, qidirish, tintuv o‘tkazish, olib qo‘yish va boshqa tergov harakatlarini bajarish to‘g‘risidagi, shu jumladan prokuror yoki prokuratura tergovchisi ish yurituvida bo‘lgan ishlar yuzasidan qarorlarni ijro etishni topshiradi, jinoyatlarni ochish va jinoyat sodir etgan shaxslarni aniqlash uchun zarur choralar ko‘rish to‘g‘risida ko‘rsatmalar beradi;  surishtiruvda, dastlabki tergovda ishtirok etadi hamda zarur hollarda har qanday ish bo‘yicha ayrim tergov harakatlarini shaxsan bajaradi yoki tergovni to‘la hajmda amalga oshiradi;  tergov hamda ehtiyot chorasi sifatida qamoqda saqlash muddatini uzaytirish haqida sudga iltimosnoma bilan murojaat qiladi;  jinoyat ishlarini surishtiruv va dastlabki tergov organlariga qo‘shimcha tergov o‘tkazish to‘g‘risidagi o‘z ko‘rsatmalari bilan qaytaradi;  har qanday jinoyat ishini surishtiruv organidan olib tergovchiga beradi, shuningdek uni bir dastlabki tergov organidan boshqasiga, bir tergovchidan boshqasiga o‘tkazadi;  surishtiruvchini yoki tergovchini, agar u ishni tergov qilish chog‘ida qonun buzilishiga yo‘l qo‘ygan bo‘lsa, surishtiruv yoxud dastlabki tergovni davom ettirishdan chetlatadi;  qonunda nazarda tutilgan hollarda, tergov harakatlari olib borilishiga sanksiya beradi;  jinoyat ishlarini qo‘zg‘atadi yoki ularni qo‘zg‘atishni rad etadi, jinoyat ishlarini tugatadi yoxud ular yuzasidan ish yuritilishini to‘xtatadi;  qonunda nazarda tutilgan hollarda tergovchining ishni tugatishiga rozilik beradi;  ayblov xulosasini yoki qarorini tasdiqlaydi, ishni sudga yuboradi;

 qonunga muvofiq boshqa vakolatlarni amalga oshiradi. Prokuratura organlari Ichki ishlar va Milliy xavfsizlik xizmati organlari bilan o‘zaro hamkorlikda faoliyat yuritishadi. Jinoyatchilikka qarshi kurashga yo‘naltirilgan chora-tadbirlarni muvofiqlashtirilgan tarzda amalga oshirishga e’tibor yanada kuchaytirilmoqda. Prokuror nazoratining shakl va usullari bilan idoraviy nazorat mavqeini oshirish tadbirlari yanada takomillashtirilmoqda. Jinoyatlarni o‘z vaqtida ochish va uni tergov qilish sifatini yaxshilash maqsadida, kerakli hollarda tezkor qidiruv faoliyati haqidagi ma’lumot hamda maxfiy hujjatlarni o‘rganib chiqish uchun O‘zbekiston Respublikasi «Prokuratura to‘g‘risida»gi Qonunning 32 moddasini 1-qismida ko‘rsatilgan prokurorlarga berilgan vakolatlardan to‘liq foydalanilgan holda og‘ir va o‘ta og‘ir jinoyatlarni ochishda, doimiy ravishda harakatda bo‘lgan tezkor qidiruv guruhidan keng foydalanilib, bu guruh faoliyatiga rahbarlik katta tajribaga ega bo‘lgan yuqori malakali xodimlar boshchilik qilmoqdalar. Qoraqalpog‘iston Respublikasi, viloyatlar transport, harbiy, prokuratura, shahar-tuman va ularga tenglashtirilgan prokurorlar, tergov va surishtiruv organlari tomonidan jinoyat ishi qo‘zg‘atishni rad qilish, jinoyat ishini tugatish, tergov to‘xtatish haqida qabul qilingan qarorlarning asosligini o‘z vaqtida tekshirib, ayblanuvchilarning tergov va suddan yashirinish hollarini oldini olish, yashiringanlarni topish haqidagi qonun talablarining bajarilishi, har bir jinoyat ishi bo‘yicha tergovning faol va malakali o‘tkazilishi ta’minlanmoqda. Qasddan odam o‘ldirish, insonlarning qurbon bo‘lishiga sabab bo‘lgan ommaviy tartibsizlik, yemirilish, avariya, portlashlar va o‘t ketishlar, shuningdek og‘ir oqibatlarga olib kelgan boshqa holatlar bo‘yicha voqea joyiga shaxsan prokuror o‘zi chiqib, dastlabki bosqichda bajarilishi lozim bo‘lgan barcha muhim tergov-tezkor harakatlarining bajarilishini tezkorlik bilan amalga oshirishmoqda. Qayd etilgan holatlar, shuningdek, nomusga tegish, tovlamachilik, voyaga yetmaganlarning o‘z joniga qasd qilish va bedarak yo‘qolishi, ko‘p va juda ko‘p miqdorda giyohvandlik vositalari bilan bog‘liq bo‘lgan g‘ayriqonuniy harakatlarini

amalga oshirish, valyuta va boshqa moddiy boyliklarni juda ko‘p miqdorda talon- taroj qilish, chet el fuqarosiga, prokuratura va boshqa huquqni muhofaza qiluvchi boshqa idoralar xodimlariga nisbatan ularning xizmat faoliyatlari bilan bog‘liq holda sodir qilingan jinoyatlar yuzasidan aybdorlar aniqlanmaganligi asoslari bilan tergov harakatlari to‘xtatilgan hollarda qabul qilingan qarorlarning qonuniyligini tekshirish uchun bunday jinoyat ishlari zudlik bilan viloyatlar va ularga tenglashtirilgan prokurorlarga yuborilmoqda. Jinoyatlar to‘g‘risida ariza va xabarlarning ko‘rib chiqilishining qonuniyligi, o‘z vaqtida jinoyat ishi qo‘zg‘atilishi ustidan prokuror nazoratining ta’sirchanligi oshirilmoqda. Oyida kamida bir marta jinoyatlar to‘g‘risidagi ariza va xabarlarni qabul qilish, ro‘yxatdan o‘tkazish hamda hal qilishning qonuniyligi qo‘shimcha manbalardan ma’lumot olgan holda solishtirish yo‘li bilan tekshirilib, jinoyatlarni hisobdan yashirilganlik holati yuzasidan idoraviy tartibda xizmat tekshiruvi o‘tkazilmoqda. Qonunbuzilishiga yo‘l qo‘ygan mansabdor shaxslarning javobgarligi, shuningdek, jinoyatlarni qasddan yashirgan xodimlarning jinoiy javobgarlik masalasi muhim rol o‘ynaydi. Jinoyatchilik ahvoli, uning o‘sish, kamayish darajasi, jinoyatlarning ochilishi kabi hisobot ma’lumotlari soxtalashtirish hollariga chek qo‘yilishi lozim. Ma’muriy va intizomiy choralar ko‘rilishi lozim bo‘lgan, jinoyat hisoblanmaydigan harakatlarni jinoyat tariqasida hisobga qo‘yishdek g‘ayriqonuniy amaliyotga barham berish kerak. Tergovni har tomonlama, to‘la va holisona bo‘lishini ta’minlash to‘g‘risidagi qonun talablarining og‘ishmay bajarilishini, fuqarolarning Konstitutsiya bilan kafolatlangan shaxs va turar joylari daxlsizligini, ayblanuvchilarning himoya huquqlarini ta’minlash borasida prokuror, tergovchi va surishtiruv organlari xodimlarining alohida mas’uliyat bilan yondoshuvlarini ta’minlash masalasi va qonunni qasddan har qanday cheklab o‘tishga, inson huquqlarining buzilishiga mutloqo yo‘l qo‘yilmasligi lozim. Jinoyat sodir qilganlikda gumondor sifatida fuqarolarni ushlab turish qonuniyligi ustidan nazorat kuchaytirilib, fuqarolarni vaqtinchalik ushlash hibsxonalarida saqlanishlarining qonuniyligi muntazam ravishda har 10 kunda kamida bir marta tekshirishmoqda. Og‘ir va o‘ta og‘ir

jinoyatlarni sodir qilgan hamda havfli jinoyatlarni duch kelgan asoslar bilan ularni ochiqda qoldirilishining oldi olinmog‘i lozim. Ehtiyot chorasi sifatida qamoqqa olishga sanksiya berish uchun murojaat qilishda, ayblanuvchini qamoqda ushlab turish va tergov muddatini uzaytirish to‘g‘risidagi iltimosnoma bilan sudga murojaat qilish masalasini hal qilishda prokurorlar jinoyat ishi materiallari bilan tanishib, yig‘ilgan dalillarni chuqur o‘rganib, tanqidiy baho berishlari lozim. Qamoqqa olish uchun sudga sanksiya berish uchun iltimosnoma bilan chiqishdan oldin, zarurat tug‘ilgan hollarda gumon qilinuvchi va ayblanuvchilarni, voyaga yetmaganlarni esa har qanday hollarda ham shaxsan so‘roq qilishlari kerak Viloyat prokuraturasi, ichki ishlar boshqarmasi va milliy xavfsizlik xizmati tergovchilari ish yurituvida bo‘lgan jinoyat ishlari bo‘yicha qamoqda saqlash ehtiyot chorasini qo‘llashga viloyat prokurorlari yoki o‘rinbosarlari tomonidan ruxsat berilishi belgilab qo‘yilishi lozim. Barcha prokurorolar jinoyat ishlari yuzasidan ayblash xulosasini tasdiqlashda tergovni har tomonlama, to‘la va holisona o‘tkazilganligini, e’lon qilingan aybning qanchalik asoslantirilganligini, protsessual qonun talablariga to‘liq rioya qilinganligini nihoyatda diqqat bilan tekshirishi, qonun buzilganligi aniqlangan taqdirda tegishli choralar ko‘rishi kerak bo‘ladi. O‘lim jazosi qo‘llanilishi mumkin bo‘lgan jinoyat ishlari yuzasidan ayblash xulosasi shaxsan viloyat va ularga tenglashtirilgan prokurorlar tomonidan tasdiqlanishi kerak. Prokuror va sudlar tomonidan qo‘shimcha tergovga qaytarilgan jinoyat ishlari tergovi ustidan nazorat kuchaytirilib, oqlov asoslarisiz jinoyat ishini tugatish niqobi ostida, g‘ayriqonuniy ravishda fuqarolarni ushlash, qamoqqa olish va jinoiy javobgarlikka tortish hollarini yashirib qolishga urinishlarning keskin oldini olish lozim. Harakatdan tugatilgan har bir jinoyat ishi viloyatlar va ularga tenglashtirilgan prokuraturalar tomonidan o‘rganib chiqilib, qabul qilingan qaror asosli deb topilgan taqdirda, bu haqdagi xulosani ilova qilgan holda zudlik bilan respublika prokuraturasining tegishli boshqarma va bo‘limlariga yuborishlari shart. Sudlar yoki prokurorlar tomonidan qo‘shimcha tergovga qaytarilgan jinoyat ishlari bo‘yicha ajrim va qarorlarda ko‘rsatilgan talablar bajarilmaganligi sababli,

ushbu jinoyat ishlari yana qo‘shimcha tergovga qaytarilgan taqdirda, tergovni sifatsiz olib olib borilgan sabablari viloyat va ularga tenglashtirilgan prokuraturalar hay’at majlislarida muhokama qilinib, aybdor xodimlarga nisbatan intizomiy javobgarlik choralari ko‘rilishi shart. Ishlarni ro‘yxati hay’at majlisi qarorining nusxasi bilan yarim va bir yil yakuniga ko‘ra O‘zbekiston Respublikasi prokuraturasiga yuborilib turilmog‘i kerak. Tergovdan yashiringan ayblanuvchilarga nisbatan surishtiruv organlari, mahalliy yoki davlatlararo qidiruv e’lon qilganlari holda, ularni ushlab keltirish (etap qilish) haqidagi qaror Qoraqalpog‘iston Respublikasi, viloyatlar, Toshkent shahar, O‘zbekiston transport va Qurolli Kuchlarining harbiy prokurorlari tomonidan sanksiyalanishi lozim. Chet el fuqarosini ushlash, hibsga olish va jinoiy javobgarlikka tortishda, xalqaro shartnomalarda nazarda tutilgan talablarga qat’iy rioya qilinishi belgilab qo‘yilgan. O‘zbekiston Respublikasi hududidan tashqarida ushlangan ayblanuvchini olib keltirish (etap qilish) haqidagi qaror O‘zbekiston Respublikasi prokuraturasi orqali yuboriladi.Jinoyatlar to‘g‘risidagi ariza va habarlarning ko‘rib chiqilishining qonuniyligi, o‘z vaqtida jinoyat ishi qo‘zg‘atilishi ustidan prokuror nazoratining ta’sirchanligi oshirilishi, oyida kamida bir marta jinoyatlar to‘g‘risidagi ariza va xabarlarni qabul qilish, ro‘yxatdan o‘tkazish hamda hal qilishning qonuniyligi qo‘shimcha manbalardan ma’lumot olgan holda solishtirish yo‘li bilan tekshirish vazifasi yuklatilgan. Barcha prokurorlar jinoyat ishlari yuzasidan ayblash xulosasini tasdiqlashda tergovni har tomonlama, to‘la va holisona o‘tkazilganligini, e’lon qilingan aybning qanchalik asoslantirilganligini, protsessual qonun talablariga to‘liq rioya qilinganligini nihoyatda diqqat bilan tekshirish hamda jinoyat ishini tugatish yoki to‘xtatish haqidagi qarorlar birinchi marta bekor qilinganda, nazorat olib boruvchi prokurorlar tomonidan qo‘shimcha tergov muddati bir oy davomida belgilanishi, shu jinoyat ishlari bo‘yicha yana tugatish yoki to‘xtatish haqidagi qarorlar bekor qilingan taqdirda, JPKning 351-moddasi talablariga qat’iy amal qilish lozimligi ta’kidlangan. Prokuror jinoyat ishini qo‘zg‘atishning asosligi va qonuniyligi ustidan nazoratni amalga oshirishda jinoyat

ishini qo‘zg‘atish asoslari sodir qilingan yoki tayyorlanayotgan jinoyatni tasdiqlovchi faktik ma’lumotlarda o‘z aksini topganligini hisobga olishi lozim. Surishtiruv va tergov o‘tkazish bosqichida, qonun talablari buzilganligi haqida fuqarolardan tushgan ariza va shikoyatlar matbuotda chop etilgan xabarlarni har tomonlama, to‘la tekshirilib, prokuror va tergovchilarning noto‘g‘ri harakatlari to‘g‘risidagi ariza va shikoyatlarni hal qilish ayni shu prokuror hamda tergovchilarga topshirilmasligi lozim. Fuqarolarning bedarak yo‘qolganligi to‘g‘risidagi ariza va xabarlarni ko‘rib chiqishning qonuniyligi ustidan nazorat kuchaytirilmog‘i darkor. Ular yuzasidan shahar-tuman prokurorlarining bevosita tergov oldi tekshiruvi o‘tkazilishlari, tergov qidiruv ishlari olib borish xususida IIBga zudlik bilan topshiriqlar berib borilishi lozim. Bedarak yo‘qolgan shaxs jinoyat qurboni bo‘lganligi haqida asoslar mavjud bo‘lgan taqdirda zudlik bilan jinoyat ishi qo‘zg‘atilishi kerak bo‘ladi. Tergov va ayblanuvchilarni qamoqda ushlanib turish muddatini uzaytirish haqidagi iltimosnomani ko‘rib chiqishda, tergovni davom ettirish zarurligining asosiy sabablari diqqat bilan o‘rganilib, ayblanuvchilarni qamoqda ushlab turishning qanchalik asoslantirilganligi hamda bu ehtiyoj chorasini uzaytirishning maqsadga muvofiqligiga tanqidiy nuqtai-nazardan qaralishi kerak Ehtiyoj chorasini uzaytirish haqida keltirilgan iltimosnoma, ariza va shikoyatlarini ko‘rib chiqib, hal qilinishin ing qonuniyligiga alohida e’tibor berilib, qamoqdan asossiz ozod qilishga yo‘l qo‘yilmasligi kerak. Tergov muddatini hamda ayblanuvchilarni qamoqda ushlab turish muddatini uzaytirish haqidagi (iltimosnoma) qarorda, jinoyat ishining qisqacha mazmuni, har bir ayblanuvchining shaxsi to‘g‘risidagi ma’lumotlar, ularning ushlangan vaqti, qo‘llanilgan ehtiyot chorasi, e’lon qilingan aybning mazmuni, ayblanuvchilarning o‘z himoyasi uchun keltirilgan vajlari, yig‘ilgan dalillar jinoyat ishining harakati haqidagi ma’lumotlar, tergovni belgilangan muddatda tamomlay olmaslik sabablari, shuningdek, bajarilishi lozim bo‘lgan tergov va qidiruv harakatlari ko‘rsatilishi lozim. Bunday iltimosnoma takroran qo‘zg‘atilgan hollarda

muqaddam uzaytirilgan muddat ichida belgilangan tergov harakatlari bajarilmagan bo‘lsa, buning sabablari hamda qo‘llanilgan chora-tadbirlar aniq ko‘rsatilishi kerak Tergov va ayblanuvchilarni qamoqda ushlab turish muddatlarini uzaytirish uchun sudga murojaat qilinadigan iltimosnomada, qonun talablaridan kelib chiqib, zarur muddatga uzaytirilishi lozimligi ko‘rsatilgan holda, shu muddatning qachon tamom bo‘lishi ko‘rsatilmasligi lozim. Ayblanuvchi, himoyachini ish materiallari bilan tanishgan davri, tergov va ayblanuvchi qamoqda ushlab turish muddatini hisobga olish jarayoni qat’iy ravishda kuzatib borilishi kerak Qo‘shimcha tergovga qaytarilgan ishlar bo‘yicha muddatni uzaytirish haqidagi iltimosnoma jinoyat ishi bilan birgalikda sudning ajrimi yoki qaroridan ko‘chirma, tezkor majlis va hay’at yig‘ilishi bayonnomalari hamda qarorlarning nushalari taqdim etilishi darkor. Tergov va ayblanuvchini qamoqda ushlab turish muddatini uzaytirish haqidagi iltimosnoma (qaror) 3, 5, 7 va 9 oylik hamda 1 yilgacha muddat tamom bo‘lishidan 30 kun oldin tegishli prokurorga taqdim etilish kerak. Ichki ishlar organlari va milliy xavfsizlik xizmati tergovchilari qo‘zg‘atgan hamda nazorat qiluvchi prokurorlar tomonidan quvvatlangan iltimosnomalar yuqori turuvchi prokurorlarga ushbu tergov bo‘limi va boshqarmalarning boshliqlari tomonidan shaxsan taqdim etish maqsadga muvofiq bo‘ladi. Tergov va ayblanuvchini qamoqda ushlab turish muddatini 6 oydan ko‘proqqa uzaytirish haqida prokuratura, ichki ishlar va milliy xavfsizlik organlari tergovchilari qo‘zg‘atgan iltimosnomalar, respublika prokuraturasiga shaxsan viloyat va ularga tenglashtirilgan prokurorlar hamda Ichki ishlar vazirligi, Milliy xavfsizlik xizmati tergov boshqarmalarining boshliqlari tomonidan taqdim etilishi qonun bilan belgilab qo‘yilgan. Jinoyat ishini tugatish yoki to‘xtatish haqidagi qarorlar birinchi marta bekor qilinganda, nazorat olib boruvchi prokurorlar tomonidan qo‘shimcha tergov muddati bir oy davomida belgilanadi. Shu jinoyat ishlari bo‘yicha yana tugatish yoki to‘xtatish haqidagi qarorlar bekor qilingan taqdirda, tergov muddatining umumiy asoslarda uzaytirilishi lozimligi xususidagi O‘zbekiston Respublikasi JPKning 351-moddasi talablariga qat’iy amal qilinishi shart.

Tergov va ayblanuvchilarni qamoqda ushlab turish muddatlarining uzaytirilganligi, tergov tamomlanganligi haqida tergovchilar tergov izolyatoriga zudlik bilan xabar berishlari shart. Tezkor qidiruv faoliyatini amalga oshiruvchi organlarning qonunlar ijrosini ta’minlashi ustidan prokuror nazorati - prokuratura organlari faoliyatida yangi yo‘nalishdir. “Tezkor-qidiruv faoliyatini amalga oshirish prinsiplari, asoslari, shakl va uslublari, uni olib boradigan organlar tizimini belgilab beradigan “Tezkor qidiruv faoliyati to‘g‘risida”gi Qonunni qabul qilish taklif etiladi. Ushbu qonunning maqsadi tezkor-qidiruv xususiyatidagi tadbirlarni o‘tkazishda fuqarolarning huquq va erkinliklarini ta’minlash, qonuniylikka rioya qilishning real huquqiy kafolatlarini yaratishga yo‘naltirilgan”. (Prezidentimizning 2010 yil 12 noyabrdagi Oliy Majlis Qonunchilik palatasi va Senatining qo‘shma majlisida so‘zlagan nutqidan). O‘zbekiston Respublikasining yangi taxrirda qabul qilingan Prokuratura to‘g‘risidagi qonuning 4-moddasi prokuratura organlari faoliyatining asosiy yo‘nalishlariga bag‘ishlangan bo‘lib, shu asosiy yo‘nalishlar ichida tezkor-qidiruv faoliyatini, surishtiruvni, dastlabki tergovni amalga oshiradigan organlar tomonidan qonunlarning bajarilishi ustidan nazorat qilish hamda ularning jinoyatchilikka qarshi kurash borasidagi faoliyatini muvofiqlashtirish bir yo‘nalish qilib berilgan. Shular ichidan tezkor- qidiruv faoliyati haqida ilgari bizning qonunchiligimizda tushuncha berilmagan edi. Qator hamdo‘stlik davlatlari qonunchiliklarida bu haqda alohida tushuncha mavjud. Masalan, Rossiya Federatsiyasida «Tezkor qidiruv faoliyati to‘g‘risida»gi qonun 13 mart 1992 yilda qabul qilingan. Ushbu qonun bo‘yicha tezkor qidiruv faoliyatiga yaxshi tushuncha berilgan. Barchaga ma’lumki, O‘zbekiston Respublikasining juda ko‘p qonunlari sobiq ittifoq respublikalarining qonunchiliklariga o‘xshashdir. Chunki, ilgari shu davlatlarning qonunchiliklari asosini ittifoq qonunlari asoslari tashkil qilgan edi. Albatta, ittifoq tarqalgandan so‘ng, har bir hamdo‘stlik davlatlari o‘zlarining o‘z milliy va etnik kelib-chiqishlari, urf-odatlariga mos holda, o‘z qonunlarini qayta

ishlab chiqib, qabul qilganlar. O‘zbekiston Respublikasida ham mustaqillikka erishilganidan so‘ng, xuddi shu asoslarga ko‘ra, ya’ni, o‘z milliy turmush tarzimiz, urf-odatlarimiz, ma’naviy boyliklarimiz va dunyoqarashlarimizga xos qonunlarni qabul qilina boshlandi. Hozirda, munosabatlarni huquqiy tartibga soluvchi 500 dan ortiq yangi qonunlar qabul qilingan. Hamdo‘stlik davlatlari tomonidan qabul qilinayotgan bir qancha qonunlar predmeti bizning qonunlarimizga o‘xshab ketadi. Shundan kelib chiqqan holda, hozircha O‘zbekiston Respublikasi prokuratura to‘g‘risidagi qonun bo‘yicha tezkor qidiruv faoliyatini amalga oshiruvchi organlar tomonidan qonunlar ijrosi ustidan nazorat haqida quyidagilarni gapirib o‘tish mumkin. Tezkor qidiruv faoliyati sohasidagi nazorat yuridik jihatdan o‘zida ko‘rsatib o‘tilgan prokuror nazorati yo‘nalishining bir qismini aks ettiradi. Shu bilan birga, tezkor- qidiruv faoliyatini amalga oshiruvchi organlarning qonunlarni ijro qilishlari ustidan nazorat qilish obyektlari, predmeti, tashkil etilish asoslari va vakolatlari nuqtai nazaridan o‘zining alohida xususiyatlariga egadir. Tezkor-qidiruv faoliyatining vazifasi quyidagilardan iborat:  jinoyatlarni aniqlash;  jinoyatlarni oldini olish;  jinoyatlarni ochish va aybdor shaxslarni jinoiy javobgarlikka tortish;  shu bilan birga uni sodir etishga tayyorgarlik ko‘rayotgan yoki sodir etayotgan shaxslarni aniqlash;  surishtiruv, tergov va sud organlaridan qochib yurganlar, jinoiy javobgarlikdan bosh tortgan shaxslarni, bedarak yo‘qolgan deb e’lon qilingan shaxslarni qidiruvini amalga oshirish;  O‘zbekiston Respublikasining harbiy, iqtisodiy yoki ekologik xavfsizligiga tajovuzni vujudga keltiruvchi faoliyatlar yoki holatlar haqida ma’lumotlar yig‘ish.  Bundan tashqari, tezkor-qidiruv faoliyatini amalga oshiruvchi organlar o‘z vakolatlari doirasida quyidagi qarorlarni qabul qilish uchun ma’lumotlar yig‘ish huquqiga egadirlar:  davlat sirini tashkil etuvchi ma’lumotlarga ruxsatnomasi borligi to‘g‘risida;

 shaxslarning sog‘ligi va hayotiga, shu bilan birga atrof muxitga yuqori darajada xavf tug‘diruvchi obyektlardan foydalanish bilan bog‘liq bo‘lgan ishlarga ruxsatnoma olish haqida;  tezkor-qidiruv faoliyatida ishtirok etishga ruxsatnoma olish haqida yoki uni amalga oshirish natijasida olingan materiallardan foydalanishga ruxsatnoma olish haqida;  tezkor-qidiruv tadbirlarini o‘tkazishda va tayyorlashda ishtirok etgan shaxslar bilan hamkorlik munosabatini o‘rnatish to‘g‘risida;  tezkor-qidiruv faoliyatini amalga oshiruvchi organlar xavfsizligini ta’minlash masalalari to‘g‘risida;  xususiy detektivlik va qo‘riqchilik faoliyati bilan shug‘ullanishga ruxsatnoma berish to‘g‘risida. Bunday organlarga: O‘zbekiston Respublikasi Ichki shlar organlari, O‘zbekiston Respublikasi Milliy xavfsizlik organlari, O‘zbekiston Respublikasi Bosh prokuraturasi huzuridagi Soliq, valyutaga oid jinoyatlar va jinoiy daromadlarni legallashtirishga qarshi kurashish Departamenti hamda uning joylardagi bo‘linmalari, O‘zbekiston Respublikasi davlat chegara xizmati organlari, O‘zbekiston Respublikasi Davlat bojxona xizmati organlari kiradi. Tezkor-qidiruv faoliyatining eng keng doirasi ichki ishlar organlarining bo‘linmalariga to‘g‘ri keladi. Ushbu bo‘linmalar militsiya tizimida mavjud. Tezkor qidiruv faoliyati militsiya uchun asosiy vazifalaridan biridir. IIV organlari tezkor qidiruv faoliyatini amaldagi qonunlarga hamda IIV tomonidan chiqarilgan ular faoliyatini tartibga soluvchi buyruqqa asosan amalga oshiradilar. Unga ko‘ra, albatta, jinoyat ishi qo‘zg‘atilishi lozim bo‘lgan jinoyat ishlari bo‘yicha jinoyatlarni aniqlash, ochish, oldini olish, kelib chiqish shart–sharoitlarini bartaraf qilish; surishtiruv, tergov va sud organlaridan yashirinib yurgan shaxslarni qidiruvini amalga oshirish, jinoiy jazoni o‘tashdan bo‘yin tovlaganlarni qidirish; bedarak yo‘qolgan fuqarolarni qidirish tezkor qidiruv faoliyatining asosini tashkil qiladi. Jinoiy jazolarni ijro etish tizimining ahloq tuzatish muassasalarida tezkor

qidiruv faoliyatini amalga oshirish mahkumlarni, ahloq tuzatish muassasalari xodimlarini va boshqa shaxslarni shaxsiy xavfsizligini ta’minlash maqsadida amalga oshiriladi. Ushbu muassasalarda belgilangan jazoni o‘tash tartibini buzish hollari hamda tayyorlanayotgan va amalga oshirilgan jinoyatlarni aniqlash, oldini olish va ularni bartaraf qilish, jazoni o‘tashdan bosh tortgan mahkumlarni, qochganlarni belgilangan tartibda qidirib topish; mahkumlar tomonidan ahloq tuzatish muassasalariga yetib kelgunga qadar sodir etilgan jinoyatlarni ochish va aniqlash bo‘yicha o‘zaro faoliyat yuritish orqali ham tezkor qidiruv faoliyati amalga oshiriladi. Milliy xavfsizlik organlari josuslik jinoyatini aniqlash, oldini olish, ochish va keltirib chiqaruvchi shart-sharoitlarni bartaraf qilish, terroristik faoliyat, uyushgan jinoyatchilik, korrupsiya, narkotik vositalar va kurollarning noqonuniy oboroti, kontrabanda va boshqa jinoyatlarni ochish va aniqlash, oldini olish va bartaraf qilish, qonun bilan o‘z vakolatlari doirasida surishtiruv va dastlabki tergovni amalga oshirish, O‘zbekiston Respublikasining Konstitutsiyaviy tuzumini zo‘rlik yo‘li bilan qo‘lga kiritishni o‘z oldiga maqsad qilib qo‘ygan jamoat tashkilotlari, jinoyatchi guruhlar, alohida shaxslar hamda noqonuniy harbiy tuzilmalar faoliyatini aniqlash, ochish, bartaraf qilish va oldini olish yuzasidan tezkor-qidiruv faoliyatini amalga oshiradilar. Yaqin tariximizga nazar tashlasak, O‘zbekiston Respublikasi Bosh prokuraturasi huzuridagi Soliq, valyutaga oid jinoyatlar va jinoiy daromadlarni legallashtirishga qarshi kurashish Departamenti esa tezkor-qidiruv faoliyatini O‘zbekiston Respublikasi Soliq to‘g‘risidagi qonun, O‘zbekiston Respublikasi Vazirlar Mahkamasining 2001 yil 6-iyuldagi 291-sonli «Iqtisodiyot va soliq sohasidagi jinoyatlarga qarshi kurashishni kuchaytirish chora-tadbirlari to‘g‘risida»gi qaroriga asosan amalga oshirar edi, ushbu Vazirlar mahkamasining qarori o‘zgartirildi. O‘zbekiston Respublikasi Bosh prokurorining 30.03.2003 y. N 216 Valyuta nazoratini amalga oshiruvchi organlar va agentlar, tegishli vazirlik va idoralar tomonidan valyutaga oid qonun buzilishlari to‘g‘risidagi ma’lumotlarni Respublika Bosh prokuraturasi huzuridagi Soliq va valyutaga oid jinoyatlarga

qarshi kurashish departamentiga taqdim etish tartibi haqidagi Nizomni tasdiqlash to‘g‘risida O‘zbekiston-Respublikasi Vazirlar Mahkamasining 2002 yil 28 noyabrdagi "O‘zbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti faoliyatini takomillashtirish chora- tadbirlari to‘g‘risida"gi 415-sonli qarorining 7-bandi ijrosini ta’minlash maqsadida qabul qilgan buyrug‘i asosida faoliyat ko‘rsatayotgan edi. O‘zbekiston Respublikasi Prezidentining 21.04.2006 y. n pq-331 –sonli «moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora- tadbirlari to‘g‘risida» qarori qabul qilindi. Qarorda qayd etilishicha, mamlakatning huquqni muhofaza qilish, moliya organlari tomonidan soliq sohasidagi qonunbuzarliklarni aniqlash va ularga barham berish, korrupsiya, soliqlar va boshqa majburiy to‘lovlarni to‘lashdan bosh tortish, naqd pul va xorijiy valyuta mablag‘larining noqonuniy aylanishiga qarshi kurashish bo‘yicha aniq maqsadga yo‘naltirilgan ishlar olib borilmoqda. Departament organlarida kadrlarni tanlash, tayyorlash, qayta tayyorlash ishlari, tahliliy, tezkor bo‘linmalarning maxsus texnika va kriminalistika vositalari bilan ta’minlanishi tubdan qayta ko‘rib chiqishni talab etadi. Iqtisodiy, valyuta-moliya va soliq sohasidagi jinoyatlarga qarshi kurashish faoliyatini takomillashtirish, shuningdek, O‘zbekiston Respublikasining "Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risida"gi Qonuni talablari ijrosini ta’minlash maqsadida: 1. O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish Departamentiga (bundan buyon matnda Departament deb yuritiladi) aylantirilishi qayd etildi. Quyidagilar Departamentning asosiy vazifalari etib belgilangan:

 soliq, valyutaga oid jinoyatlar va huquq buzilishlarini o‘z vaqtida aniqlash, ularning oldini olish va bartaraf etish;  jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risidagi qonun hujjatlari bajarilishini nazorat qilish;  davlat soliq siyosati amalga oshirilishini ta’minlash;  soliqqa tortish bazasini kengaytirish;  soliq to‘lovchilarni qamrab olinishi va hisobining to‘liqligini ta’minlash;  soliqlarni to‘lashdan bo‘yin tovlash, qochishning mumkin bo‘lgan kanallari va mexanizmlarini, "xufyona" iqtisodiyotning shakllanish yo‘llarini, korrupsiya hollarini o‘z vaqtida aniqlash va bartaraf etish;  valyuta operatsiyalari bo‘yicha hisob va hisobotlarning to‘liqligi va obyektivligini nazorat qilish;  xorijiy valyuta mablag‘larining qonunga xilof ravishda chetga chiqib ketishi, olib kelinishi va olib chiqilishi, noqonuniy muomalada bo‘lishi va valyuta- ayirboshlash operatsiyalari bilan bog‘liq boshqa qonun buzilishlarini oldini olish va bartaraf etish;  moliyaviy razvedkaning zamonaviy tizimini yaratish;  jinoiy yo‘l bilan olingan daromadlarni legallashtirish va terrorizmni moliyalashtirishning mumkin bo‘lgan kanallari va mexanizmlarini aniqlashga yo‘naltirilgan moliyaviy, mulkiy operatsiyalar monitoringini tashkil etish va amalga oshirish;  aniqlangan huquq buzilishlari to‘g‘risida tegishli huquqni muhofaza qilish organlari bo‘linmalariga jinoiy ta’qibni tashkil etish, ma’muriy ta’sir choralarini ko‘rishlik uchun o‘z vaqtida axborot taqdim etish;  soliq va valyuta-moliya sohasida aniqlangan jinoyatlar va huquq buzilishlari hamda qonun hujjatlariga muvofiq nazorat qilinadigan pul mablag‘lari yoki boshqa mol-mulk bilan bog‘liq operatsiyalar to‘g‘risidagi ma’lumotlarning yagona kompyuter bazasini yaratish va yuritish;

 O‘zbekiston Respublikasining xalqaro majburiyatlari va shartnomalariga muvofiq valyutani tartibga solish sohasida, shuningdek jinoiy yo‘l bilan olingan daromadlarni legallashtirish va terrorizmni moliyalashtirishga qarshi kurashish masalalari bo‘yicha xorijiy davlatlarning vakolatli organlari hamda xalqaro- ixtisoslashgan va boshqa tashkilotlar bilan o‘zaro hamkorlik qilish va axborotlar ayirboshlash;  soliq siyosati va valyuta muomalasini tartibga solish, shuningdek jinoiy faoliyatdan olingan daromadlarni legallashtirishga qarshi kurashish sohasidagi qonun hujjatlari buzilishlarining oldini olish masalalari bo‘yicha keng tushuntirish, profilaktika ishlarini amalga oshirish.

Adabiyotlar: 1.Baskov V.I. Prokuror nazorati (darslik, rus tilida) M.,” Bek” nashriyoti, 1998. 2.Davletov A. Dj. Prokuror nazorati (darslik, rus tilida). Nukus. Bilim.1999. 3. Inog‘omjonova Z.F. umumiy tahriri ostida Jinoyat protsessi (umumiy qism, darslik, o‘zbek tilida) T.: 2002 y., «Yangi asr avlodi». 4.Madaliyev O.M. Prokuror nazorati. Darslik. Maxsus qism. – T.: TDYUI, 2009. – 884 b.t. 5.Madaliyev O.M. Prokuror nazorati. Darslik. Umumiy qism. – T.: TDYUI, 2009. – 26, 5 b.t. 6. O.M. Madaliyev, A.A. Ergashev. Prokuror nazorati. O’quv-uslubiy qo’llanma. TDYuI. 2010 y. 15,2. b.t. –B. 240. 7. O.M. Madaliyev. Prokuror nazorati. Darslik. Umumiy qism. Toshkent – “ILM ZIYO”. – 2012. –B. 314 8. O.M. Madaliyev. Prokuror nazorati. Darslik. Maxsus qism. Toshkent – “ILM ZIYO”. – 2012. –B. 504 9. M.H. Rustamboyev, O.M. Madaliyev. Huquqni muxofaza qiluvchi organlar faoliyatini tashkil etish. Darslik. Toshkent – “ILM ZIYO”. – 2012. –B. 638

O'xshashlar

Qonunlar ijrosi ustidan prokuror nazorati

Prokuratura organlarida ishni tashkil etish. Jinoyatchilikka qarshi kurash faoliyatini muvofiqlashtirish

Prokuraturaning tashkiliy va faoliyat prinsiplari. Prokuratura faoliyatining asosiy yo`nalishlari

Fuqarolarning huquq va erkinliklariga rioya etilishi ustidan prokuror nazorati

Prokuratura vazifalari, tuzilishi va faoliyatining asosiy yo’nalishlari.doc