Давлат сув кадастри - Huquqshunoslik - Referatlar

Давлат сув кадастри

Yuklangan vaqt:

20.09.2019

Ko'chirishlar soni:

0

Hajmi:

88 KB

Ko'chirib olish

Давлат сув кадастри РЕЖА: 1- Давлат сув кадастринниг тушунчаси. 2-Давлат сув кадастрининг мазмуни 3-Давлат сув кадастрини ишлаб чиқиш ва юритишни ташкил этиш тартиби

Мамлакатимиз ҳудудидаги сув бойликларидан оқилона ва тежамли фойдаланишни таъминлашда давлат сув кадастрини юритиш муҳим аҳамиятга эга. Сув тўғрисидаги маълумотлар мажмуи сувдан режали асосда фойдаланишга ҳизмат қилади. Давлат сув кадастрига оид муносабатлар Ўзбекистон Республикасининг «Сув ва сувдан фойдаланиш тўғрисида»ги қонуни ва Вазирлар Махкамасининг 1998 йил 7 январдаги 11-сон қарори билан тасдиқланган «Ўзбекистон Республикасининг Давлат сув кадастрини ишлаб чиқиш ва юритиш тартиби тўғрисида”ги Низоми билан тартибга солинади. Сув тўғрисидаги маълумотлар билан боғлиқ ижтимоий муносабатларни тартибга солувчи ушбу қонун ва Низомга биноан Давлат сув кадастри сув ресурсларидан оқилона фойдаланишни ташкил этиш, сув хўжалиги тартибга солиш, хўжалик фаолиятини, экологик вазиятни баҳолаш мақсадида ишлаб чиқилади ва юритилади ҳамда Ўзбекистон Республикаси Давлат кадастрлари ягона тизимининг таркибий қисми хисобланади. Давлат сув кадастрини юритиш тартиби тўғрисида фикр юритишдан олдин унинг тушунчаси ҳақида тассавурга эга бўлиш лозим. Давлат сув кадастри деганда ягона давлат сув фондини ташкил этувчи сув объектлари, сув ресурсларининг режими, сифати ва ундан фойдаланиш ҳақидаги, шунингдек, сувдан фойдаланувчилар тўғрисидаги маълум тарзда тартибга солинган, доимий тўлдириб бориладиган ва зарурат бўлганда аниқлаштириладиган маълумотлар тўплами тушунилади. Ушбу таърифдан давлат сув кадастри сув ресурслари ва сувдан фойдаланувчилар тўғрисидаги маълумотлар эканлигини, яъни сувнинг паспорт ҳисобланишини тушуниш мумкин. Давлат сув кадастри тушунчаси ҳақида гапирганда унинг объектлари ва предметини аниқлаш лозим бўлади. Давлат сув кадастрининг объекти бўлиб ер усти ва ер ости сув объектлари ва ресурслари ҳисобланади. Давлат сув кадастрининг предмети бўлиб сув ресурсларидан миқдор ва сифат кўрсаткичлари бўйича фойдаланишни ҳар томонлама ўрганиш ва баҳолаш,

сувдан фойдаланиш ҳуқуқини ва сувдан хўжалик мақсадларида фойдаланишни рўйхатдан ўтказиш ҳисобланади. Сув кадастрини юритишда сув бойликларини баҳолаш муҳим аҳамиятга эга. Сув ресурсларини баҳолаш деганда стандарт гидрометрик асбоблар билан ўлчаш орқали йил давомида, шунингдек узоқ йиллар давомида сувларни миқдор ва сифат кўрсаткичларини мунтазам равишда хисобга олиш, олинган маълумотларнинг ишончлилигини таҳлил қилиш ҳамда уларни стандарт усуллар билан қайта ишлаш ва турли ҳудудий ва вақт бирликлари бўйича умумлаштириш тушунилади. Давлат сув кадастрининг асосий мақсади давлат ҳокимияти органлари, юридик ва жисмоний шахсларни сув объектлари ва сув ресурсларининг сув режими, сифати ва ундан фойдаланиш йўналишлари, шунингдек, сувдан фойдаланувчилар тўгрисидаги зарур маълумотлар билан таъминлашга хизмат қилишдан иборатдир. Давлат сув кадастрининг асосий вазифаси эса энг кам чиқимлар билан замонавий даражада ахборотларни тўплаш, умумлаштириш, саклаш ва тақдим этиш технологиясини доимий равишда такомиллаштириб бориш йули билан сув ресурслари ва сув объектлари ҳақида ишончли ахборотни олиш ва сақлашни ташкил этади. Давлат сув кадастрининг таркибий қисмлари сув объектлари ва сувдан фойдаланувчиларни рўйхатдан ўтказиш, сув микдори ва сифатини ҳисобга олиш, сув ресурсларини ва улардан фойдаланишни баҳолашдан иборат бўлади. Давлат сув кадастри тушунчаси ҳақида аниқ тассавурга эга бўлиш учун кадастр юритишнинг принципларига (тамойилларига) алоҳида тўхталиб ўтиш мақсадга мувофиқдир. Давлат сув кадастрини юритишнинг асосий принциплари бўлиб республиканинг барча сув объектларини қамраб олиш; сув ресурсларини ва улардан фойдаланишни ҳисобга олишнинг ягона тизимини қўллаш; бошланғич кадастр ахборотини қайта ишлаш усулининг ягоналиги; Давлат кадастрлари ягона тизими талабларини ҳисобга олиш;

Давлат сув кадастрини юритиш бўйича ишларга марказлаштирилган тартибда раҳбарлик килиш; сув-кадастр ахборотининг ишончлилиги, кўргазмалилиги ва ҳужжатларга асосланганлиги; Давлат сув кадастрини юритиш бўйича ишларнинг узлуксизлиги; кадастрни юритишнинг автоматлаштирилган ахборот тизими фаолият кўрсатиши; сув кадастрини юритиш бўйича ишларнинг тежамлилиги; фойдаланувчилар доираси чекланган маълумотларнинг махфийлиги кабилар ҳисобланади. Ушбу тамойиллар давлат сув кадастрини тўла, асосли, ҳар томонлама мукаммал, ишончли юритишга ёрдам беради Давлат сув кадастри республика сув объектлари тўғрисидаги ахборотни қайта тиклашнинг тўлиқ туркумини ташкил этувчи асосий ва жорий турларни ўз ичига олади. Сув кадастри маълумотлари сув ва сув хўжалиги муносабатларини тартибга солишда, сувдан фойдаланиш билан боғлиқ ижтимоий, иқтисодий ва экологик вазифаларни ҳал этишда барча юридик ва жисмоний шахслар учун мажбурий юридик кучга эга бўлади. 2-§ Давлат сув кадастрининг мазмуни Давлат сув кадастрининг мазмуни деганда Республика ҳудудида сув объектларини рўйхатдан ўтказиш, сув ресурсларининг режими, фойдаланиш мақсадлари, миқдор, сифат ва баҳо кўрсаткичлари, шунингдек сувдан фойдаланувчилар тўғрисидаги ҳақида ишончли, замонавий ва тежамли ахборотларни олиш, тартибга солиш, сақлаш ва уларни фойдаланувчиларга беришнинг технологик жараёни тушунилади. Давлат сув кадастрининг мазмуни сув ҳақидаги маълумотлар қандай мақсадларни кўзлаб тўпланиши, қандай вазифаларни бажаришга ҳизмат қилишини қамраб олади. Давлат сув кадастри маълумотлари сувдан фойдаланишни жорий ҳамда истиқболли режалаштириш ҳамда сувни муҳофаза қилиш

тадбирларини амалга ошириш; мамлакат ҳудудида ишлаб чиқариш кучларини жойлаштириш; сувдан комплекс фойдаланиш ва уни комплекс муҳофаза қилиш схемаларини ҳамда сув хўжалиги балансини тузиш; сувдан фойдаланиш билан боғлиқ бўлган сув хўжалиги, транспорт, саноат корхоналари ҳамда бошқа корхоналар ва иншоотларни лойиҳалаштириш; гидрологик ва гидрогеологик шароитлар, дарёларда сув ҳажми ва сув сифати ўзгаришларини прогнозлаш; сув хўжалиги тизимлари иши самарадорлигини ошириш тадбирларини ишлаб чиқиш; сувни истеъмол қилиш ва чиқариб юборишни, шунингдек, сув сифати кўрсаткичларини нормалаштириш; сувни зарарли таъсирининг олдини олиш ва уни бартараф этиш тадбирларини ишлаб чиқиш; сувдан оқилона фойдаланиш ва уни муҳофаза қилиш тадбирлари ўтказилиши устидан давлат назоратини амалга ошириш; сувдан фойдаланувчилар ўртасидаги, шунингдек, сувдан фойдаланувчилар билан бошқа манфаатдор юридик ва жисмоний шахслар ўртасидаги ўзаро муносабатларни тартибга солиш; сувдан фойдаланиш ва уни муҳофаза қилиш билан боғлиқ масалаларни ҳал этиш ва бошқа мақсадларни амалга ошириш учун ҳизмат қилади. Давлат сув кадастрининг мазмуни сув ва сув хўжалиги объектлари бўйича ўрганадиган бўлсак улар қуйидаги сув объектлари тўғрисидаги маълумотларни ўз ичига олади: булар: дарёлар; турли сув тизимларини бирлаштирувчи, оқар сувни ҳудудий қайта тақсимлашга ёки суғоришга хизмат килувчи каналлар; кўллар ва сув омборлари; музликлар; ер ости сувлари (ҳавзалар, сувли горизонтлар, конлар); гидроузеллар ва сув омборлари; сув объектларидан сув олишга мўлжалланган иншоотлар (каналлар, насос курилмалари, фойдаланиш кудуқлари ва бошқалар); оқар сувни ҳудудий қайта тақсимлашга хизмат қилувчи каналлар; фойдаланилган ва шахта сувларини сув объектларига ташлаш иншоотлари (коллекторлар, дренаж ва сув тўпланадиган каналлар, қувурсимон сув чиқаргичлар ва бошқалар); фойдаланилган сувларни тозалаш иншоотлари ва бошқалар.

Давлат сув кадастри маълумотлари белгиланган тартибда тегишли кадастр китоблари ва бошқа техник воситаларда ёзма равишда юритилади. Давлат сув кадастри маълумотлари архив материаллари (дафтарчалар, жадваллар, ўзи ёзадиган техниканинг ленталари ва бошқалар); узоқ муддатли техник манбалардаги маълумотлар; эълон қилинадиган материаллар (сув ва сув хўжалиги объектлари каталоглари, ҳар йилги ва кўп йиллик маълумотлар ва бошқалар)дан иборат бўлади ва унинг таркиби Ўзбекистон Республикаси Гидрометеорология бош бошқармаси, Давлат геология қўмитаси ҳамда қишлоқ ва сув хўжалиги вазирлиги томонидан тасдиқланган "Сув кадастри маълумотлари таркиби" номли норматив-техник ҳужжатда ўз ифодасини топади. Давлат сув кадастри маълумотлари фойдаланувчиларга пулли нашрлар тарзида ва сўров бўйича (белгиланган тартибда) тақдим этилади. Давлат сув кадастрининг маълумотлари ундан фойдаланувчиларга Гидрометеорология бош бошқармаси томонидан Давлат геология кўмитаси ҳамда қишлоқ ва сув хўжалиги вазирлиги билан биргаликда "Сув кадастри ахборотномаси"ни нашр этиш орқали тақдим этилади. Сув объектлари турлари ҳамда сувдан фойдаланишни ўрганиш вазифаси тақсимотига мувофиқ Давлат сув кадастри «ер усти сувлари», «ер ости сувлари», «сувдан фойдаланиш» каби бўлимларга бўлинади. Давлат сув кадастри сув объектларининг сони ва ҳолатини ҳисобга олиш ҳамда объектларнинг ҳажми, ҳолати, ўрганилганлик даражасига қараб картография, гидрогеология ва геодезия усуллари орқали амалга оширилади. Сув объектлари ҳолатини ўрганиш тегишли идоралар томонидан тасдиқланган ҳамда Гидрометеорология бош бошқармаси билан келишилган стандартлар асосида махсус техник асбоблар ёрдамида олиб борилади. 3-§ Давлат сув кадастрини ишлаб чиқиш ва юритишни ташкил этиш тартиби

Давлат сув кадастри маълумотлари ҳудудий, яъни республика, вилоятлар, туман миқёсида, дарё ҳавзалари, ҳавза ирригация тизимлари миқёсида, ер ости сувлари бўлими бўйича эса гидрогеология минтакалари бўйича тизимлаштирилади ва нашр этилади. Ер усти сув ресурслари, уларнинг сифати ва хўжалик фаолияти таъсиридаги ўзгаришлар тўғрисидаги маълумотлар сув объектлари ва уларнинг майдонлари, давлат ва давлатлараро аҳамиятга эга бўлган дарё ҳавзалари, ҳавза ирригация тизимлари, вилоятлар ва умуман республика бўйича умумлаштирилади. Ер ости сув ресурслари, уларнинг сифати ва хўжалик фаолияти таъсиридаги ўзгаришлар тўғрисидаги маълумотлар конлар, дарё ҳавзалари ва уларнинг майдонлари, сувли горизонтлар ва ер ости сувлари ҳавзалари, вилоятлар ҳамда умуман республика бўйича умумлаштирилади. Ер ости сувлари ресурсларини баҳолаш уларнинг ер усти сувлари билан ўзаро боғлиқлигини ҳисобга олган ҳолда амалга оширилади. Сувдан фойдаланиш тўғрисидаги маълумотлар давлат аҳамиятига эга бўлган дарё ҳавзалари, ҳавза ирригация тизимлари, алоҳида муҳим сув хўжалиги объектлари, вилоятлар ва умуман республика бўйича, шунингдек, сувдан фойдаланиш турлари ва иқтисодиёт тармоқлари бўйича умумлаштирилади. Давлат сув кадастрини юритиш тизимининг ягоналигини таъминлаш учун Давлат геология қўмитаси ҳамда қишлоқ ва сув хўжалиги вазирлиги томонидан (Давлат сув кадастрининг тегишли бўлимлари бўйича) ишлаб чиқиладиган Давлат сув кадастрини юритишга оид услубий кўрсатмалар, Давлат сув кадастри нашрлари макетлари ва Давлат сув кадастри бўйича бошқа норматив-техник ҳужжатлар Гидрометеорология бош бошқармаси билан келишиб олиниши керак. Сувдан фойдаланувчиларни сув ресурслари ва улардан фойдаланиш тўғрисидаги зарур маълумотлар билан таъминлашда тезкорликни ошириш, шунингдек, истеъмолчиларнинг талабларини ҳисобга олган ҳолда маълумотларни қайта ишлаш ва умумлаштириш даражасини ошириш учун Гидрометеорология бош бошқармаси, Давлат геология қўмитаси ҳамда қишлоқ ва сув хўжалиги вазирлиги томонидан сув кадастрининг

автоматлаштирилган ахборот тизими ташкил этилади. Давлат сув кадастрининг автоматлаштирилган ахборот тизими Гидрометеорология бош бошқармаси, Давлат геология кўмитаси хамда қишлоқ ва сув хўжалиги вазирлиги томонидан тасдиқланадиган ягона техник топшириқ асосида Гидрометеорология бош бошқармаси, Давлат геология қўмитаси ҳамда қишлоқ ва сув хўжалиги вазирлигининг тармоқ ахборот тизимлари негизида лойиҳалаштирилади ва ташкил этилади. Давлат сув кадастрини юритиш учун ер усти сувлари. ер ости сувлари ва сувдан фойдаланиш бўлимлари бўйича Давлат сув кадастрининг идоралараро бош маркази, Давлат сув кадастри идораларга қарашли бош марказлари ташкил этилади. Давлат сув кадастри идоралараро бош маркази функциясини Гидрометеорология бош бошкармасининг Ўрта Осиё гидрометеорология илмий-тадқиқот институти бажаради. Давлат сув кадастрининг идоралараро бош марказларининг, Давлат сув кадастрининг худудий марказлари ва маҳаллий органларининг функцияси ("Ер усти сувлари", "Ер ости сувлари" ва "Сувдан фойдаданиш" бўлимлари бўйича) тегишли меъёрий ҳужжатлар билан тартибга солинади. 4-§ Давлат сув кадастрини юритувчи давлат органлари ва уларнинг функциялари Давлат сув кадастри ушбу функцияни амалга ошириш юклатилган тегишли давлат ижроия органлар томонидан юритилади. қуйидаги давлат ижроия органлари давлат сув кадастрини юритувчи махсус давлат органлари ҳисобланадилар. Ер усти сувлари бўлими бўйича Ўзбекистон Республикаси Вазирлар Махкамаси ҳузуридаги Гидрометеорология Бош бошқармаси, Ер ости сувлари бўлими бўйича Ўзбекистон Республикаси Давлат Геология ва Минерал ресурслар қўмитаси, сувдан фойдаланиш бўлими бўйича Ўзбекистон Республикаси қишлоқ ва сув хўжалиги вазирлиги. Ушбу давлат органларининг сув кадастрини юритишга доир функциялари Ўзбекистон

Республикасининг «Давлат сув кадастрини ишлаб чиқиш ва юритиш тартиби тўғрисида»ги Низомнинг 34-43-бандларида кўрсатилган. Унга кўра Ўзбекистон Республикаси Вазирлар Махкамаси ҳузуридаги Гидрометеорология бош бошқармасининг Давлат сув кадастрини юритиш бўйича функцияларига Давлат геология қўмитаси ҳамда қишлок ва сув хўжалиги вазирлиги билан биргаликда Давлат сув кадастрининг умумий принципларини ва илмий-услубий асосларини, Давлат сув кадастрини юритиш, Давлат сув кадастрининг автоматлаштирилган ахборот тизимини лойиҳалаш ва ташкил этиш тартибини ишлаб чиқиш; Давлат сув кадастрини ташкил этиш ва юритишга оид барча ишларни мувофиқлаштириш, йўналтириш ва бирлаштириш; Давлат геология қўмитаси ҳамда қишлоқ ва сув хўжалиги вазирлиги билан биргаликда Давлат сув кадастрининг идоралараро норматив-техник ҳужжатларини (шу жумладан Давлат сув кадастрининг қўшма нашрлари макетини), шунингдек, Давлат сув кадастрининг автоматлаштирилган ахборот тизими учун идоралараро лойиҳа хужжатларини ишлаб чиқиш; Давлат геология кўмитаси ҳамда қишлоқ ва сув хўжалиги вазирлиги томонидан ишлаб чиқиладиган Сув кадастрини юритишга оид услубий кўрсатмаларни, Давлат сув кадастри нашрлари макетини ва Давлат сув кадастрига оид бошқа норматив-техник ҳужжатларни, шунингдек, Давлат сув кадастрининг автоматлаштирилган ахборот тизими учун лойиҳа ҳужжатларини келишиб олиш; Давлат геология қўмитаси ҳамда қишлоқ ва сув хўжалиги вазирлиги мутахассисларини жалб қилган ҳолда ер усти сувлари ва ер ости сувлари ҳамда улардан фойдаланиш тўғрисидаги маълумотларни йиғма таҳлил қилишни, боғлашни ва умумлаштиришни, Давлат сув кадастрининг қўшма нашрларини чиқаришга тайёрлаш ва нашр қилиш; Давлат геология қўмитаси ҳамда қишлоқ ва сув хўжалиги вазирлиги билан биргаликда Давлат сув кадастри ахборотномасини нашр этишга тайёрлаш; “Ер усти сувлари" бўлими бўйича Давлат сув кадастрини ишлаб чиқиш; ушбу бўлим бўйича Давлат сув кадастрини (жумладан, Давлат сув кадастрининг автоматлаштирилган ахборот тизимини)

юритиш тизимини ишлаб чиқиш ва такомиллаштириш; ер усти сувларининг классификаторларини ишлаб чиқиш; ер усти сувлари тўғрисидаги ахборотларни тўплаш, назорат қилиш, қайта ишлаш ва умумлаштиришга оид усулларни, алгоритмларни ва машиналаштирилган дастурларни ишлаб чиқиш; ахборотларни кодлаштириш ва сақлаш усулларини ишлаб чиқиш; бўлим бўйича Давлат сув кадастрининг автоматлаштирилган ахборот тизими функционал ва идоравий кичик тизимларни лойиҳалаш, синаш, жорий этиш ва такомиллаштириш; Сув кадастри ҳудудий марказлари ва маҳаллий органлари учун Давлат сув кадастрини юритишга оид услубий кўрсатмаларни, бўлим бўйича Сув кадастри нашрлари макетларини ва бошқа норматив-техник ҳужжатларни ишлаб чиқиш; ер усти сувлари тўғрисидаги маълумотларни йиғиш, назорат қилиш, қайта ишлаш, сақлаш ва уларни фойдаланувчилар сўровига кўра бериш; ер усти сувлари ресурсларини жорий ва истикбол учун ҳамда уларнинг хўжалик фаолияти таъсиридаги ўзгаришларни баҳолаш; Давлат сув кадастри нашрларини чиқаришга ва эълон килишга тайёрлаш; ўзига қарашли муассасалар ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилишни амалга ошириш кабилар киради. Бундан ташқари, унинг функциялари бўлиб "Ер ости сувлари" ва "Сувдан фойдаланиш" бўлимлари бўйича Давлат сув кадастрини юритиш учун зарур бўлган ер усти сувлари тўғрисидаги маълумотларни Давлат геология қўмитасига ҳамда қ ишлоқ ва сув хўжалиги вазирлигига берилишини таъминлайди. Ўзбекистон Республикаси Давлат геология ва минерал ресурслар қўмитасининг Давлат сув кадастрини юритиш бўйича функцияларига “Ер ости сувлари” бўлими бўйича Давлат сув кадастрини ишлаб чиқиш ва уни юритиш; Давлат сув кадастрини (жумладан, Давлат сув кадастрининг автоматлаштирилган ахборот тизимини) юритиш тизимини ишлаб чиқиш ва такомиллаштириш; ер ости сувларининг классификаторларини ишлаб чиқиш; ер ости сувлари тўғрисидаги ахборотларни тўплаш, назорат қилиш, кайта

ишлаш ва умумлаштиришга оид усулларни, алгоритмларни ва машиналаштирилган дастурларни ишлаб чиқиш; ахборотларни кодлаштириш ва сақлаш усулларини ишлаб чиқиш; бўлим бўйича Давлат сўв кадастрининг автоматлаштирилган ахборот тизими функционал кичик тизимларни лойиҳалаш, синаш, жорий этиш ва такомиллаштириш; Сув кадастри ҳудудий марказлари ва маҳаллий органлари учун Давлат сув кадастрини юритишга оид услубий кўрсатмаларни, бўлим бўйича Сув кадастри нашрлари макетларини ва бошқа норматив-техник ҳужжатларни ишлаб чиқиш; ер ости сувлари тўғрисидаги маълумотларни йиғиш, назорат қилиш, қайта ишлаш, сақлаш ва уларни фойдаланувчилар сўровига кўра бериш; ер ости сувлари ресурсларини жорий ва истиқбол учун ҳамда уларнинг хўжалик фаолияти таъсиридаги ўзгаришларни баҳолаш; Давлат сув кадастри нашрларини чиқаришга ва эълон қилишга тайёрлаш; ўзига қарашли муассасалар ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш; режалаштириш ва уларнинг бажарилишини назорат қилишни амалга ошириш тааллуқли бўлади. Ўзбекистон Республикаси Давлат геология ва минерал ресурслар қўмитаси Давлат сув кадастрини юритиш бўйича услубий кўрсатмалар лойиҳаларини, Давлат сув кадастри нашрлари макетларини ва Давлат сув кадастрининг бошқа норматив-техник ҳужжатларини, шунингдек, "Ер ости сувлари" бўлими бўйича Давлат сув кадастрининг автоматлаштирилган ахборот тизимига лойиҳа ҳужжатларини келишиб олиш учун Гидрометеорология бош бошқармасига такдим этади. қўмита "Ер усти сувлари" бўлими бўйича Давлат сув кадастрининг идоралараро қўшма нашрларини тайёрлаш ва Давлат сув кадастрини юритиш учун зарур бўлган ер ости сувларига оид материалларнинг Гидрометеорология бош бошқармасига берилишини таъминлайди. "Сувдан фойдаланиш" бўлими бўйича эса у Давлат сув кадастрини юритиш учун зарур бўлган маълумотларнинг қишлоқ ва сув хўжалиги вазирлигига берилишини таъминлайди.

Ўзбекистон Республикаси қишлоқ ва сув хўжалиги вазирлигининг Давлат сув кадастрини юритиш бўйича функциялари “Сувдан фойдаланиш" бўлими бўйича Давлат сув кадастрини ишлаб чиқиш ва уни юритиш; Давлат сув кадастрини (жумладан, Давлат сув кадастрининг автоматлаштирилган ахборот тизимини) юритиш тизимини ишлаб чиқиш ва такомиллаштириш; сувдан фойдаланиш тўғрисидаги ахборотларни назорат қилиш, қайта ишлаш ва умумлаштиришга оид усуллар, алгоритмларни ҳамда машиналаштирилган дастурларни ишлаб чиқиш; ахборотларни кодлаштириш ва сақлаш усулларини ишлаб чиқиш; Сув кадастри автоматлаштирилган ахборот тизимининг функционал кичик тизимларини лойихалаш, синаш, жорий этиш ва такомиллаштириш; ирригация тизимларининг ҳавза бошқармалари, магистраль каналлар (тизимлар) бошқармалари ва ирригация тизимлари бошқармалари учун Давлат сув кадастрини юритиш бўйича услубий кўрсатмаларни, Давлат сув кадастри нашрлари макетларини ва Давлат сув кадастрининг бошқа норматив-техник ҳужжатларини ишлаб чиқиш; сувдан фойдаланувчилар, ер усти ва ер ости сувларидан фойдаланиш тўғрисидаги маълумотларни йиғиш, назорат қилиш, қайта ишлаш, сақлаш ва бериш; сувдан фойдаланишни жорий ва истиқбол учун баҳолаш хамда сув хўжалиги ҳисобот балансларини тузиш; "Сувдан фойдаланиш" бўлими бўйича эса Давлат сув кадастри нашрларини чиқаришга ва эълон қилишга тайёрлаш; ўзига қарашли муассаса ҳамда ташкилотлар томонидан бажариладиган Давлат сув кадастрини ишлаб чиқиш ва юритишга оид ишларга раҳбарлик қилиш, режалаштириш ва уларнинг бажарилишини назорат қилишни амалга оширишдан иборат. Ўзбекистон Республикаси қишлоқ ва сув хўжалиги вазирлиги Давлат сув кадастрини юритиш бўйича услубий кўрсатмалар лойиҳаларини, Давлат сув кадастри нашрлари макетларини ва Давлат сув кадастрининг бошқа норматив-техник ҳужжатларини, шунингдек, "Сувдан фойдаланиш" бўлими бўйича Давлат сув кадастрининг автоматлаштирилган ахборот тизимига оид лойиҳа ҳужжатларини келишиб олиш учун Гидрометеорология бош

бошқармасига тақдим этади. Шунингдек, “Ер усти сувлари" бўлими бўйича Давлат сув кадастрининг идоралараро қўшма нашрларини тайёрлаш ва Давлат сув кадастрини юритиш учун зарур бўлган сувдан фойдаланишга оид материалларни Гидрометеорология бош бошқармасига берилишини таъминлайди. Бундан ташқари, вазирлик "Ер ости сувлари" бўлими бўйича Давлат сув кадастрини юритиш учун зарур бўлган маълумотларни Давлат геология кўмитасига берилишини таъминлаш учун масъулдир.

O'xshashlar

Давлат ер кадастри

Сув фондидан фойдаланиш ва уларни муҳофаза қилиш соҳасида давлат бошқаруви

Сув ҳуқуқининг манбалари

Сув ҳуқуқи муносабатлари

Давлат шакллари