Сув ҳуқуқининг манбалари - Huquqshunoslik - Referatlar

Сув ҳуқуқининг манбалари

Yuklangan vaqt:

20.09.2019

Ko'chirishlar soni:

0

Hajmi:

116 KB

Ko'chirib olish

Сув ҳуқуқининг манбалари Режа: 1. Сув ҳуқуқининг манбалари тушунчаси, хусусиятлари ва тизими 2. Сув ҳуқуқининг конституциявий асослари 3. Ўзбекистон Республикаси қонунлари сув ҳуқуқининг махсус манбаси сифатида 4. Қо нун ости меъёрий ҳужжатларида сув ҳуқуқий уносабатларини тартибга солишда тутган ўрни

Сув ресурсларини муҳофаза қилиш, улардан оқилона фойдаланиш билан боғлик жараёнларда пайдо бўладиган ижтимоий муносабатларни тартибга солиш сув ҳуқуқининг мазмун мохиятини ташқил этади. Табиат ва жамият тизимида пайдо бўладиган био-экологик ижтимоий- ҳуқуқий жараёнларда сув ҳуқуқининг аҳамияти бекиёс бўлиб, иринчидан, табиатнинг мухим ресурси сифатида, иккинчидан, жамият аъзоларининг турли эхтиёжларини билан боғлиқ ижтимоий ҳуқуқий муносабатлар обьекти сифатида иштирок этади. Сув ресурсларини муҳофаза қилиш ва улардан оқилона фойдаланиш билан боғлиқ. мурккаб жараёнларда ижтимий-сиёсий, иқтисодий-экологик, ташкилий-ҳуқуқий аҳамиятдаги турли хужжатлар иштирок этади. Шуни алоҳида таъкидлаш лозимки, ҳар қандай ҳужжат ижтимоий муносабатлар тизимида тутган ўрнидан катъий назар ҳуқуқнинг шу жумладан, сув ҳуқуқининг манбаси сифатида эътироф этилмайди. Давлат ва ҳуқуқ назариясига асосан, сув ҳуқуқининг манбаси сифатида эътироф этилаётган ҳуқуқий хужжат қуйидаги асосий талабларга жавоб бериши керак: 1. Ваколатли давлат органи томонидан кабул қилинган, тасдикланган, санкцияланган бўлиши. 2. Белгиланган муддат ва доирада мажбурий аҳамият касб этиши. 3. Сувларни муҳофаза қилиш ва улардан оқилона фойдаланиш билан боғлиқ ижтимоий муносабатларни тартибга солишга қаратилган қоида- талабларни белгилаши. 4. Расмий шакл, тузилиш, амал қилиш муддатлари ва бошқа атрибутларга эга бўлиши лозим. Демак, сув ҳуқуқининг манбалари деганда сувларни муҳофаза қилиш ва улардан оқилона фойдаланиш билан боғлиқ жараёнларда пайдо бўладиган

ижтимоий муносабатларни тартибга солишга қаратилган қоида-талаблардан иборат бўлган қонун хужжатлари тизими тушунилади. Сувга оид муносабатларни тартибга солувчи конституциявий қоида- талаблар, Ўзбекистан Республикаси қонунлари, Ўзбекистан Республикаси Президенти фармонлари ҳамда Вазирлар Махкамаси қарорлари, махсус ваколатли давлат бошқарув органлари,маҳаллий давлат ҳокимияти органлари меъёрий хужжатлари йиғиндиси сув қонун хужжатларини ташқил этиб, сув ҳуқуқининг манбаси бўлиб хисобланади. Сув қонунчилиги хужжатларини ижтимоий муносабатларни тартибга солиш жараёнида тутган ўрни, аҳамияти ва узига хос хусусиятларига кура қуйидагича таснифлаш мумкин: 1. Юридик кучи буйича манбалар қонун ва қонун ости меъёрий хужжатларга бўлинади. 2. Сув билан боғлиқ ижтимоий муносабатларни тартибга солиш йуналишлари буйича - сувларни муҳофаза қилиш қонун хужжатлари; - сувлардан оқилона фойдаланиш қонун хужжатларига бўлинади. 3. Ҳуқуқий тартибга солиш ҳолати буйича моддий ва процессуал аҳамиятдаги қонун хужжатлари. 4. қонун хужжатларининг тизими бўйича оддий ва кодификацияланган манбалар. 5 қонун хужжатларининг қўлланилиш доираси бўйича.: -худудий-минтакавий; -республика миқёсида; -халқаро миқёсидаги манбалар ва хакозо. Сув билан боғлиқ ижтимоий ҳуқуқий муносабаларни тартибга солишда конституциявий қоидалар, қонун, фармон, қарор, низом каби меъёрий хужжатлар қаторида ушбу қонун хужжатларини қўллашда ёрдам берадиган, уларни хаётийлигини таъминлайдиган меъёрий-техник аҳамиятдаги экологик норматив, стандарт ва йўриқномалар ҳам кенг қўлланилади.

Албатта, сув ҳуқуқининг манбалари кенг камровли ижтимоий муносабатлар тизимини тартибга солади.Шунинг учун ҳам сувларни муҳофаза қилиш,улардан оқилона фойдаланиш жараёнини тартибга солишда бошқа ҳуқуқ соҳалари, яъни фуқаролик, хўжалик, маъмурий, жиноят, меҳнат ҳуқуқи ҳамда экология, ер, ўрмон ҳуқуқининг ҳам қоида-талаблари қўлланилади. Шунинг учун ҳам сув ҳуқуқининг манбалари тизимида бошқа ҳуқуқ сохалари қонун хужжатлари алоҳида аҳамиятга эгадир. Бундан ташкари, сувга оид қонун хужжатлари ўзига хос хусусиятларга эга бўлиб, бошқа ҳуқуқ сохалари манбаларидан фарқ қилади. Хусусан, сув ҳуқуқи манбалари биринчидан, табиатнинг устувор қонуниятларини ижтимоий қонун хужжатлари билан мужассамлантиради, иккинчидан, сувларни муҳофаза қилиш, улардан оқилона фойдаланишда давлат ва ҳуқуқнинг барча восита ва тадбирларидан фойдаланади. Шундай қилиб, сувга оид қонун хужжатлари ўзига хос тизимга эга бўлиб, қуйидаги таркибий қисмлардан иборат: 1. Сувларни муҳофаза қилиш ва улардан оқилона фойдаланишга оид конституциявий қоидалар. 2. Сувга оид Ўзбекистон Республикасининг қонунлари. 3. Сувга оид қонун ости меъёрий хужжатлар тизими. 2. Сув ҳуқуқининг конституциявий асослари Барча ҳуқуқ сохалари каби сув ҳуқуқининг ҳам асосий манбаси бўлиб Ўзбекистон Республикасининг Конституцияси ҳисобланади. Конституциямизда шахс, жамият ва давлатнинг ижтимоий, иктисодий, сиёсий-ҳуқуқий, маданий-маърифий сохаларидаги асослари мустахкамланган бўлиб, сув ресурсларини муҳофаза қилиш, улардан оқилона фойдаланиш бўйича давлат-ҳуқуқий механизмини шакллантиришда мухим аҳамиятга эгадир.

Сув ҳуқуқининг конституциявий қоида-талабларини қуйидаги кисмларга бўлиб, ўрганишимиз мумкин: - умумий аҳамиятдаги тамойил ва қоида-талаблар; -махсус экологик тамойил ва қоида-талаблар. Конституциямизда сув ресурсларини муҳофаза қилиш улардан оқилона фойдаланиш жараёнининг ижтимоий-сиёсий ,иктисодий ва маданий- маърифий сохалардаги умумий аҳамият касб этувчи, давлат механизмини шакллантириш ва ривожлантиришга қаратилган тамойил ва қоида-талаблар мавжуд. Асосий қонунимизнинг давлат суверенитети, халк хокимиятчилиги, конституция ва қонуннинг устунлиги, жамиятнинг иктисодий негизлари, давлат хокимиятининг ташкил этилишига бағишланган каби бобларида мустаҳкамланган қоида-талаблар сувга оид давлат сиёсатини оқилона олиб борилишини кафолатлашга хизмат қилади. Хусусан, «Давлат хокимиятинининг ташқил этилиши»-деб номланган бобнинг 78-моддасида Ўзбекистон Республикаси Олий Мажлиси қонунчилик палатаси ва Сенатининг биргаликдаги мутлоқ ваколатлари белгиланган бўлиб, шу жумладан сувга доир қуйидаги фаолиятни амалга оширади: -сув ресурсларини муҳофаза қилиш ва улардан оқилона фойдаланиш билан боғлиқ қонунлар кабул қилиш ва уларга қўшимча ва ўзгартиришлар киритиш; -сув билан боғлиқ давлат дастурларини кабул қилиш; -давлат бюджетини кабул қилишда сувга доир молиявий ресурсларни ажратилишини таъминлаш; -сувдан фойдаланганлик учун солик ва бошқа туловларни жорий этиш; -Ўзбекистон Республикаси Президентининг сувга оид махсус ваколатли давлат бошқарув органларини тузиш ва тугатиш тўғрисидаги фармонларини тасдиклаш ва бошқалар. Асосий қонунимизнинг 50,54,55,ва100 моддаларида сув ресурсларини муҳофаза қилиш ва улардан оқилона фойдаланиш билан боғлиқ махсус

экологик ҳуқуқий қоида-талабларнинг мустахкамланиши конституциямизнинг экологик функциясини намоён этади. Конституциямизнинг 50-модцасида «фукаролар атроф табиий муҳитга эхтиёткорона муносабатда бўлишга мажбурдирлар»-деб белгиланган бўлиб, республикамиз фуқароларининг табиатга сув ресурсларидан фақат оқилона фойдаланиш билан боғлиқ экологик-ҳуқуқий мажбуриятларини конституция даражасида мустаҳкамлайди. «Жамиятнинг иктисодий негизлари» деб номланган бобнинг 54- моддасида «мулкдор мулкига ўз хохишича эгалик қилади, ундан фойдаланади ва уни тасарруф этади. Мулкдан фойдаланиш экологик муҳитга зарар етказмаслиги, фуқаролар, юридик шахслар ва давлатнинг ҳуқуқларини ҳамда қонун билан қўриқланадиган манфаатларини бузмаслиги шарт»-деб белгиланган. Ушбу моддада биринчидан, мулк ҳуқуқининг мазмуни эътироф этилса, иккинчидан, мулкдан фойдаланиш ҳуқуқига эга бўлган жисмоний ва юридик шахсларнинг хужалик ва ишлаб чикариш жараёнида экологик муҳитга зиён етказмаслиги, яъни уларнинг экологик мажбуриятлари мустахкамланади. Асосий қонунимизнинг 55-моддасида «Ер, ер ости бойликлари, сув, ўсимлик дунёси ҳамда бошқа табиий захиралар умуммиллий бойликдир, улардан оқилона фойдаланиш зарур ва улар давлат муҳофазасидадир – деб ифодаланган. Мазкур конституциявий қоиданинг аҳамияти шундаки, биринчидан, давлат мустақиллигимизнинг моддий асосини ташқил этувчи табиий бойликлар халкимизнинг бойлиги, мулки эканлиги, иккинчидан, табиий ресурслардан шунингдек сув ресурсларидан, факат оқилона фойдаланишнинг зарурлиги, учинчидан, республикамиз сув жамғармасининг давлат муҳофазасига олинганлиги, яъни давлат томонидан кафолатланиши каби муҳим тамойилларни мустаҳкамлайди. «Махаллий давлат хокимияти асослари» деб номланган бобнинг 100- моддасида «атроф табиий муҳитни муҳофаза қилиш»нинг асоссий ваколати

белгиланган. Ушбу қоиданинг аҳамияти шундаки, вилоят, туман ва шахар хокимияти органларининг ўз маъмурий худудларида сув ресурсларини мухофаза қилиш, улардан оқилона фойдаланиш билан боғлиқ маъсулиятини конституция даражасида эътироф этади. Конституцияда белгиланган асосий тамойилда - талаблар асосида сувларни муҳофаза қилиш, улардан оқилона фойдаланишнинг махсус ҳуқуқий қоидаларини белгиловчи Ўзбекистон Республикасиининг қонунлари, Ўзбекистон Республикаси Президенти ва Вазирлар Махкамасининг фармон ва қарорлари, махсус ваколатли давлат бошқарув органлари ҳамда махаллий давлат хокимият органларининг меъёрий хужжатлари кабул қилинади. 3. Ўзбекистон Республикаси қонунлари сув ҳуқуқининг махсус манбаси сифатида Сув ҳуқуқининг манбалари тизимида конунлар алоҳида ўринни эгаллайди.Ўзбекистон Республикаси Конституциясида сув ресурсларини муҳофаза қилиш ва улардан оқилона фойдаланишнинг умумий тамойиллари ва асосий қоидалари белгилан қонунларда ушбу конституциявий нормалар асосида махсус экологик талаблар мустаҳкамланади. Республикамиз мустақилликка эришгандан сўнг сув билан боғлиқ ижтимоий муносабатларни тартибга солишга қаратилган ўнлаб Ўзбекистон Республикасининг қонунлари қабул қилинган бўлиб, сув ҳуқуқидаги тутган ўрнига кўра қуйидагича бўлинади: -умумий ахамиятдаги қонунлар; -махсус қонунлар; -муҳофаза аҳамиятидаги қонунлар. Умумий аҳамиятдаги Ўзбекистон Республикасининг қонунлари атроф табиий муҳитни муҳофаза қилиш, табиий ресусрлардан оқилона фойдаланиш билан боғлиқ тамойил ва қоида-талабларни белгилаб, сувга доир ижтимоий

муносабатларни тартибга солиш механизмида ҳам иштирок этади. Ушбу тоифадаги қонунларга қуйидагиларни киритишимиз мумкин; -Ўзбекистон Республикасининг «Табиатни муҳофаза қилиш тўғрисида»ги қонуни; -Ўзбекистон Республикасининг «Алоҳида муҳофаза этиладиган табиий худудлар тўғрисида»ги қонуни; -Ўзбекистон Республикасининг «Давлат санитария назорати тўғрисида»ги қонуни; -Ўзбекистон Республикасининг «Ўсимлик дунёсини муҳофаза қилиш ва улардан фойдаланиш тўғрисидаг»и қонуни; -Ўзбекистон Республикасининг «Ўрмон тўғрисида»ги қонуни ва бошқалар. Сув ҳуқуқида махсус қонунларнинг аҳамияти бекиёс бўлиб, сувларни муҳофаза қилиш ва улардан оқилона фойдаланиш билан боғлиқ ижтимоий муносабатларни бевосита тартибга солишга хизмат қилади. Махсус қонунлар қуйидагилардан иборат: -Ўзбекистон Республикасининг «Сув ва сувдан фойдаланиш тўғрисида»ги қонуни; -Ўзбекистон Республикасининг Ер кодекси; -Ўзбекистон Республикасининг «Ер ости бойликлари тўғрисида»ги қонуни; -Ўзбекистон Республикасининг «Гидротехника иншоотларининг хавфсизлиги тўғрисидаги қонуни ва бошқалар. Ушбу қонунларда республикамизда сувларни муҳофаза қилиш ва улардан оқилона фойдаланиш жараёнини тартибга солиш қонунчилигининг мақсади, вазифаси, объект ва субъектлари; сувларнинг ҳуқуқий ҳолати; сувдан фойдаланиш ҳуқуқига эга бўлган жисмоний ва юридик шахсларнинг ҳуқуқлари, мажбуриятлари ва эркинликлари; ушбу сохадаги давлат бошқарув органларининг ваколатлари; сувларни муҳофаза қилиш ва улардан фойдаланишнинг тартиби, муддати ва талаблари; сув мониторинги ва

назорати; сув фойдаланиш ҳуқуқининг пайдо бўлиш ва бекор бўлиш асослари; сув ресурсларидан ахолининг ичимлик ва маданий-маиший эхтиёжлари қишлоқ, хўжалигида, саноат ва энергетика мақсадлари, балиқчилик ва овчилик мақсадлари, сув транспорти эҳтиёжлари, сув омборлари, гидроузеллар ва бошқа иншоотлар эҳтиёжлари каби йўналишларда фойдаланиш қоида-талаблари; сувдан фойдаланишга доир низоларини ҳал қилиш; сув тўғрисидаги қонунларни бузганлик учун жавобгарлик чора-тадбирлари ва бошқа масалаларнинг ҳуқуқий ҳолати белгиланган. Шунинг учун ҳам ушбу қонунлар сув-ҳуқуқий муносабатларини бевосита тартибга солишга қаратилган бўлиб, сув ҳуқуқининг махсус манбаси хисобланади. Шуни алоҳида таъкидлаш лозимки, сув- ҳуқуқий муносабатлар давлатнинг барча восита ва тадбирлари билан конституция ва қонунларда белгиланган тартибда муҳофаза қилинади ва кафолатланади. Муҳофаза аҳамиятдаги Ўзбекистон Республикасининг қонунларнинг сув ҳуқуқида тутган ўрни беқиёс бўлиб, қуйидагилардан иборатдир: -Ўзбекистон Республикасининг «Меҳнат кодекси»; -Ўзбекистон Республикасининг «Маъмурий жавобгарлик тўғрисидаги кодекси»; -Ўзбекистон Республикасининг «Жиноят кодекси»; -Ўзбекистон Республикасининг «Фукаролик кодекси». Ушбу қонун ҳужжатлари сувдан фойдаланиш ва уларни муҳофаза қилиш қоида-талабларини жисмоний ва юридик шахслар томонидан бузилишининг олдини олиш ҳамда қонунчиликда белгиланган тартибда интизомий, маъмурий, жиноий ва моддий жавобгарликка тортиш билан боғлиқ жараёнларни тартибга солишда ва кафолатлашда аҳамияти бекиёсдир. 4. Қо нун ости меъёрий ҳужжатларида сув ҳуқуқий муносабатларини тартибга солишда тутган ўрни

Сув ҳуқуқининг манбалари тизимида қонуности меъёрий хужжатларнинг тутган урни беқиёсдир. Ҳаммамизга маълумки ,конституциявий тамойиллар ва Ўзбекистон Республикасининг қонунларида сув ресурсларини муҳофаза қилиш, улардан оқилона фойдаланишнинг умумий ва махсус қоида-талаблари белгиланади, мавжуд сув ҳуқуқи муносабатлари тартибга солинади. Шуни таъкидлаш керакки, ушбу соҳадаги ижтимоий муносабатлар доимо ўзгарувчан ва ривожланиб турадиган табиат-жамият тизимида пайдо бўлади. Сув ресурсларига био-экологик ва антропоген таъсирлар натижасида уларнинг холати доим ўзгариб туради. Мана шундай шароитда амалдаги сув қонунчилигига ўзгартириш ва қўшимчалар киритилиши жуда мухимдир. Ушбу табиий омилларни юзасидан қонунларимизга мунтазам равишда қўшимча ва ўзгартиришлар киритишнинг иложи йуқ. Сув ресурсларининг табиий-экологик хусусиятлари ҳамда махаллий-худудий шароит ва хусусиятларни эътиборга олган ҳолда қонун ости меъёрий хужжатлари қабул қилинади. Демак қонун ости меъёрий хужжатларнинг асосий мақсади ва вазифаси биринчидан, конституциявий тамойиллар ва қонунларда белгиланган махсус қоида-талабларни амалда қўлланишини осонлаштириш, иккинчидан, турли маъмурий худудлар сув хавзаларининг табиий ҳолати асосида меъёрий қоида-талабларни белгилаш, учинчидан, сувларни муҳоаза қилиш ва фойдаланиш билан боғлиқ махсус қоида-талабларни барча юридик ва жисмоний шахсларга тезкор етказиш орқали уларнинг ҳаётийлигини таъминлашдан иборатдир. Ушбу сохадаги қонун ости меъёрий хужжатлари ҳам мураккаб тизимга эга бўлиб, қўлланилиш тартиби, муддати, экологик меъёрлар доираси ҳамда марказий ва махсус давлат бошқарув органлари, махаллий давлат хокимият органлари томонидан қабул қилиш аҳамиятига кўра қўйидаги таркибий қисмлардан иборат бўлиши мумкин:

-Ўзбекистон Республикаси Президенти фармонлари ва Вазирлар Махкамасининг қарорлари; -Махсус ваколатли давлат бошқарув органларининг меъёрий хужжатлари; -Маҳаллий давлат хокимият органларининг меъёрий хужжатлари. Ушбу сохадаги қонун ости меъёрий хужжатлари тизимида Ўзбекистон Республикаси Президенти фармонлари ва Вазирлар Махкамаси корорларининг аҳамияти беқиёс бўлиб, амалдаги қонун хужжатлари асосида қабул қилинади ҳамда сув ресурсларини муҳофаза қилиш, улардан оқилона фойдаланиш билан боғлиқ қоида-талабларни белгилайди ва белгиланган доирада умум мажбурий аҳамият касб этади. Хусусан,Ўзбекистон Республикаси Вазирлар Махкамасининг 1996 йил, 26 ноябрдаги 419-сонли қарори билан «Ўзбекистон Республикаси қишлоқ ва сув хўжалиги вазирлиги тўғрисида»ги Низоми тасдиқланган бўлиб, республикамизда сувларни муҳофаза қилиш, улардан оқилона фойдаланиш сохасида махсус ваколатли давлат бошқарув органи сифатида ҳуқуқий мақомини белгилайди. Ушбу қарорга асосан Ўзбекистон Республикасининг қишлоқ ва сув хўжалиги вазирлиги сувлардан оқилона фойдаланиш юзасидан илмий-техникавий жихатдан асосланган сиёсатни олиб бориш, сувдан фойдаланиш ҳуқуқга эга бўлган жисмоний ва юридик шахсларга белгиланган лимитлар доирасида сув билан таъминлашни ташкил этиш,сув ресурсларининг хисобини ва бошқа йўналишлардаги фаолиятини олиб боради. Юридик ва жисмоний шахсларни сув объектлари, сув ресурслари ,сув режими,сифати ва ундан фойдаланиш ҳамда сувдан фойдаланувчилар тўғрисидаги зарур маълумотлар билан таъминлаш учун Ўзбекистон Республикаси Вазирлар Маҳкамасининг «Ўзбекистон Республикасининг Давлат сув кадастрини ишлаб чикиш ва юритиш тартиби тўғрисидаги Низомни тасдиқлаш ҳақида»ги 7 январ, 1998 йил 11-сонли қарори қабул қилинган бўлиб, Давлат сув кадастрини юритиш бўйича Вазирлар Махкамаси

ҳузуридаги Гидрометеорология бош бошқармаси, Ўзбекистон Республикаси давлат геология ва минерал ресурслар кумитаси ҳамда қишлоқ ва сув хўжалиги вазирлигининг функциялари белгилаб берилади. Бундан ташкари,йирик ва алоҳида мухим сув хужалиги объектлари хавфсиз ишлашини таъминлаш ва улардан фойдаланишнинг самарадорлиги ,ишочлигини ошириш мақсадида Ўзбекистон Республикаси Вазирлар Маҳкамасининг «1999-2005 йиллар даврида йирик ва алоҳида муҳим сув хўжалиги объектлари хафвсиз ишлашини ва улардан фойдаланишнинг ишончлигини ошириш чора- тадбирлари тўғрисида» 1999 йил,20 август 398-сонли қарори кабул қилилнган бўлиб, у сув иншоотларидан фойдаланишнинг хафвсизлигини таъминлашга хизмат қилади. Шуни алоҳида таъкидлаш лозимки, сувларни муҳофаза қилиш ва улардан оқилона фойдаланиш жараёнини давлат томонидан бошқаришда маъмурий-ҳудудий тамойил қўлланилиб келинган бўлиб, сувга доир муносабатларни тартибга солишни қийинлаштирар эди. Ўзбекистон Республикаси Вазирлар Маҳкамасининг «Сув хўжалигини бошқаришни ташкил этишни такомиллаштириш тўғрисида»ги 2003 йил 21 июл 320-сонли қарори билан маъмурий-ҳудудий тамойилдан воз кечилиб, ирригация тизимларини бошқаришнинг ҳавза тамойилига ўтиш белгиланди. Ушбу қарорга мувофиқ сувларни давлат томонидан бошқаришнинг ҳавза тамойилига асосланган Ўзбекистон Республикаси қишлоқ ва сув хўжалиги вазирлиги тизимида сув хўжалиги Бош бошқармаси ва унинг ирригация тизимлари ҳавза бошқармалари ташкил этилди. Ушбу соҳадаги фармон ва қарорлар қоида-талаблари белгиланган доирада вазирлик, давлат қўмиталари, идоралар, корхона, ташқилот, муассасалар ва жисмоний шахслар учун меъёрий аҳамият касб этади. Сувларни муҳофаза қилиш ва улардан оқилона фойдаланиш сохасида махсус ваколатли давлат бошқарув органлари хисобланган Ўзбекистон Республикаси Табиатни муҳофаза қилиш давлдат кумитаси, Ўзбекистон

Республикаси қишлоқ ва сув хўжалиги вазирлиги каби органлари ўз ваколатлари доирасида меъёрий хужжатларни қабул қилиб, сув-ҳуқуқий муносабатларни тартибга солишда мухим аҳамиятга эгадир. Сув қонунчилиги хужжатлари тизимида махаллий давлат хокимияти органларининг меъёрий хужжатлари хар бир вилоят, шахар, туман худудида сувларни муҳофаза қилиш ва улардан оқилона фойдаланиш билан боғлиқ қоида-талабларни белгилайди. Айникса, махаллий давлат хокимят органларининг сув ресурсларини муҳофаза қилиш, сувлардан унумли фойдаланишни ташкил этиш, сувлардан белгиланган лимитлар буйича фойдаланишнинг ҳисобини юритиш, сувлардан фойдаланганлик учун маҳаллий солиқ-тўловларни билан боғлиқ қарорлари ушбу худуддаги барча юридик ва жисмоний шахслар учун умум мажбурий аҳамият касб этади. Демак, қонун ости меъёрий хужжатлар муҳим аҳамиятга эга бўлиб, конституция ва қонун хужжатлари қоида-талабларини қўлланилиши ва ҳаётийлигини таъминлашга хизмат қилади.

O'xshashlar

Меҳнат ҳуқуқининг манбалари

Ўзбекистон республикаси фуқаролик ҳуқуқининг манбалари

Хорижий давлатлар конституциявий ҳуқуқининг манбалари

Сув ҳуқуқининг предмети ва тизими

Ислом ҳуқуқининг асосий хусусиятлари, аҳамияти, манбалари, институтлари