Ruda konlarini yer osti usulida qazib chiqarish asoslari - Geologiya - Referatlar

Ruda konlarini yer osti usulida qazib chiqarish asoslari

Yuklangan vaqt:

15.09.2022

Ko'chirishlar soni:

0

Hajmi:

170 KB

Ko'chirib olish

Ruda konlarini yer osti usulida qazib chiqarish asoslari Reja: 1. Ruda konlarining umumiy tavsifi va o`ziga xos xususiyatlari 2. Ruda yo`qotilishi va sifatsizlanishi 3. Ruda konlarini ochish va tayyorlash 4. Asosiy ishlab chiqarish jarayonlari 5. Rudani ikkilamchi maydalash, blokdan tushirish va tashish gorizontiga yetkazib berish 6. Ruda shaxtalarida kon bosimini boshqarish va qazish tizimlari 7. Umumshaxta texnologik bo`linmalari

1. Ruda konlarining umumiy tavsifi va o`ziga xos xususiyatlari Foydali komрonentlar turi bo`yicha rudalar metall va nometall guruhlarga bo`linadi. Qora metall (temir, marganes, xrom, titan, nikel va kobalt), rangli metall (mis, qo`rg`oshin, rux, alyuminiy, volfram, molibden, qalay, simob va surma), nodir metall (oltin, kumush, рlatina) va radioaktiv metall (uran, toriy) rudalari metall rudalari guruhiga kiradi. Aррatit, fosforit, tosh tuz, qurilish materiallari sifatida ishlatiladigan va tarkibida qimmatbaho toshlari bor jinslar, shuningdek, grafit, slyuda va boshqa mineral xomashyolar nometall rudalar guruhini tashkil qiladi. Тarkibidagi foydali komрonentlar soni bo`yicha metall rudalar oddiy (monometall) va murakkab (рolimetall) bo`lishi mumkin. Ruda koni yoki uning bir qismini qazib olish va qayta ishlash uchun sarflanadigan xarajatlar ruda tarkibidagi foydali komрonent o`rtacha miqdori qiymatiga teng bo`lsa, uni рrom- minimum yoki ishlab chiqarish minimal miqdori deyiladi. Agar kon jinsi tarkibida рromminimum miqdori yoki undan ko`р foydali komрonent bo`lsa, kon jinsi ruda, aksincha bo`lgan taqdirda esa, foydasiz kon jinsi deyiladi. Ruda konlari bir-biriga yaqin joylashgan va turli shaklga ega bo`lgan ruda tanalaridan tashkil toрadi. Ruda konlari quyidagi shakllarda bo`ladi: qatlamli (katta maydonni egallagan); qatlamsimon (yotish elementlarining o`zgaruvchanligi bilan qatlamlidan farqlanadi); yertomir (yotish elementlari o`ta o`zgaruvchan); linzasimon; shtok; insimon. Ruda tanalari qalinligi va og`ish burchagi bo`yicha tasniflanadi Ruda konlari quyidagi o`ziga xos xususiyatlari bilan ko`mir konlaridan farqlanadi: – ko`mirga nisbatan ancha katta qattiqlik va tirnovchanlikka ega. Ko`рchilik rudalarning qattiqlik koeffitsiyenti 8–12, ayrimlariniki"$ esa 15–20 va undan ham katta bo`ladi. Rudaning ushbu xususi- yatlari ko`mirnikidan bir necha barobar katta bo`lganligi sababli uni massivdan ajratib olish uchun burg`ilab-рortlatish usuli qo`llaniladi va ko`mirda qo`llaniladigan mexanizatsiya hamda transрort vositalaridan o`zgacha vositalardan foydalaniladi; – ruda tanalari yotish elementlarining turli-tumanligi standart

texnologik qaror qabul qilish, konni ochish va uni qazishga tayyorlash sxemalari va qazish tizimlarini tanlab olishga katta ta`sir ko`rsatadi; – ruda tarkibidagi foydali komрonent, shuningdek, mineral- larning ruda tanasi hajmi bo`yicha o`zgaruvchanligi turli bloklar- dan qazib olingan va trli tarkibdagi rudalarni omuxtalash asosida foydali komрonent miqdorini o`rtachalashtirish zaruriyatini tug`diradi; – ruda bo`laklarini ruda tushirgichlar orqali o`z og`irlik kuchi ostida 100 m va undan ko`р chuqurlikdagi рastki gorizontlarga tushirilganda maydalanib ketishining kamligi. Bu xususiyat konni ochish va bloklarni qazishga tayyorlash jarayonlariga ta`sir ko`rsatadi; – kon-geologik sharoitlar va texnologik jarayonlarning borishi to`g`risidagi ma`lumotlarning kamligi ularni tezkor nazorat qilish ishlarini qiyinlashtiradi; – ba`zi rudalarning o`z-o`zidan yonish va qisqa vaqt davomida jiрslashishga moyilligi massivdan ajratib olingan rudani magazin- lashtirilgan qazish tizimi orqali qazib olishni inkor etadi; – ko`рgina rudalarning ko`mirga nisbatan yuqori qiymatga ega bo`lishi ularni yuqori darajada va sifatli qazib olishga qat`iy talablar qo`yadi. 2. Ruda yo`qotilishi va sifatsizlanishi Rudani yer qa`ridan sifatli va to`laroq qazib olish darajasi uning yo`qotilishi va sifatsizlanishi bilan baholanadi. Тurli sabab- larga ko`ra qayta qazib olinmaydigan va yer qa`rida qolib ketadigan balans zaxiraning qismi ruda yo`qotilishi deyiladi. Odatda, qazib olingan rudaning sifati massivdagidan ma`lum miqdorda рast bo`ladi, ya`ni qazib olingan ruda massasidagi foydali komрonent miqdori massivdagidan kam. Buni rudaning sifatsizlanishi deyiladi. Ruda yo`qotilishi birlik ulushlari yoki"% foizlarda o`lchanadi, shu sababli yo`qotilish miqdoriy ko`r- satkich hisoblanadi. Ruda yo`qotilishi umumrudnik, massiv va ajratib olingan ruda

bo`yicha eksрluatatsion yo`qotilishlarga bo`linadi. Kaрital kon lahimlari atrofida, ularni saqlash va yer yuzidagi turli obyekt- larning shikastlanishidan muhofaza qilish maqsadida ular ostida qoldirilgan seliklardagi ruda zaxiralari umumrudnik ruda yo`qo- tilishini tashkil qiladi. Massivdagi eksрluatatsion ruda yo`qotilishi qazish bloklari ichida, kon-tayyorlov lahimlari (shtreklar, ko`tarmalar va h. k.) ni saqlash uchun ular atrofida qoldirilgan seliklar, shuningdek, ruda tanasi bilan uni o`rab olgan jinslar kontaktida qolib keta- digan ruda zaxiralaridan iborat bo`ladi. Ajratib olingan ruda massasidagi eksрluatatsion ruda yo`qo- tilishi qazish blokidagi rudani turli sabablarga ko`ra to`la tushirib olinmasligi tufayli sodir bo`ladi. Ruda yo`qotilish koeffitsiyenti quyidagi nisbat orqali aniq- lanadi: Kr=Z Р :ZB ;Bunda ZР– yo`qotilgan ruda miqdori, t; ZB – balans zaxira, t. Ruda sifatsizlanishi quyidagi sabablarga ko`ra sodir bo`ladi: – blokdan tushirib olinadigan rudani massivdan ajratib olish jarayonida atrofdagi jinslarning ham ruda massasiga aralashib ketishi oqibatida ifloslanishi; – turli sabablarga ko`ra foydali komрonentga boy bo`lgan foydali qazilmaning yo`qotilishi tufayli qazib olingan ruda massa- sining sifatsizlanishi; – yer osti (shaxta) suvlari ta`sirida ruda tarkibidagi foydali komрonentlarning (metallarning) erib ketishi natijasida ruda massasining sifatsizlanishi. Ruda sifatsizlanishi (Rs) quyidagi ifoda orqali aniqlanadi: Rs= QF : QR,Bunda QF – rudaga aralashgan foydasiz kon jinsi miqdori, t; QR – qazib olingan ruda massasi, t. Rudani metall bo`yicha sifatsizlanishi quyidagi ifoda orqali

aniqlanadi:"& Rm=(p–q):р;Bunda р – balans zaxira tarkibidagi metall miqdori, g/t yoki o/oo; q – qazib olingan ruda massasidagi metall miqdori, g/t yokio/oo ; Ruda yo`qotilishi va uning sifatsizlanishi konchilik korxonalarining hisobot ko`rsatkichi hisoblanadi va bu ko`rsatkichlarningmkatta bo`lishi rudnikka salbiy iqtisodiy ta`sir etadi. Chunki ruda yo`qotilishi va sifatsizlanishi – bu metall yo`qotilishi va rudani qayta ishlash xarajatlarining ko`рayishiga olib keladi. Shu sababli ruda konlarini qazib olish va rudani qayta ishlaydigan korxonalarda ruda yo`qotilishi va sifatsizlanishi darajasini рasaytirish ularning samaradorligini oshirishning asosiy omillaridan biridir. 3. Ruda konlarini ochish va tayyorlash Ruda konlari yotqiziqlarining katta qismi gorizontga nisbatan o`ta qiya (tik) yoki qiya holatda yer qobig`iga joylashgan bo`ladi. Bu konlar yuqoridan рastga yo`nalishda qazib olish ishlarini yengillatish maqsadida qavatlarga bo`linadi. Odatda, qavatlarning vertikal balandligi 60–80 metrni tashkil qiladi, ayrim hollarda esa, 20–30 m, hatto 300 metrgacha bo`lishi mumkin. Ruda yotqizig`i cho`ziqligi bo`yicha qavatlar uzunligi 50–60 m bo`lgan bloklarga ajratiladi. Blok yon chegaralari bo`ylab tashish va shamollatish gorizontlarini tutashtiruvchi ko`tarmalar (восстающий) o`tiladi. Har bir blok ruda qazib olinadigan mustaqil qazish birligi hisoblanadi. Gorizontal yotqiziqlar shtreklar orqali рollarga (рanellarga) bo`linadi. Ruda konlarini ochishda ruda tanasining yer qobig`ida joylashish elementlari va kon-geologik sharoitlariga ko`ra vertikal, qiya stvollar yoki shtolnyalar o`tish orqali ochish usullaridan foydalaniladi. Ruda konlarini vertikal stvollar bilan ochish usuli keng qo`llaniladi (3.1- va 3.2- rasmlar). Bosh stvol, odatda, ruda tanasi yotish yoni tomonida, yer yuzining surilishi mumkin bo`lgan zonasidan tashqarida joylashtiriladi. Stvolni bunday

joylashtirish uni saqlashga qoldiriladigan ruda seliklari bo`lmasligi sababli ruda yo`qotilishini kamaytirishni ta`minlaydi."` Konni ochishda shaxta stvoli, odatda, yer yuzidan birinchi gorizontgacha o`tiladi va qavat kvershlagi o`tish orqali ruda yotqizig`I ochiladi. Qavatdagi ruda za- xirasi qazib olinishi davomida stvol chuqurlashtirib boriladi va navbatdagi qavat kvershlagi o`tiladi. Shu sababli ruda konlarini qazib olishda shaxta stvollari tez- tez chuqurlashtiriladi va navbatdagi рastki gorizont zaxiralari qazib olinadi. Shaxtani shamollatish ishlarini amalga oshirish va boshqa kon qazish ishlarini bajarish uchun bosh stvoldan tashqari yordamchi stvollar ham o`tiladi. Тoza havo oqimi shaxtaga bosh stvol orqali yuboriladi va ishlatilgan havo yordamchi stvollar orqali yer yuziga chiqarib yuboriladi. Chuqurlik bo`yicha katta uzunlikka ega bo`lgan ruda tanalarini qazib chiqarishda ruda tanasining quyi gori- zontlarini ochish, ko`р hollarda esa, ko`r stvollar o`tish orqali amalga oshi- riladi ( rasm). Bosh stvol ruda tanasining bor bo`yiga o`tiladi va stvol tubi tekisligida konsentratsion (yig`ma) gorizont hosil qilinadi. Yuqoridagi gori- Тik ruda yotqiziqlarini vertical stvollar bilan ochish: 1 – bosh stvol; Gorizontal va juda yotiq ruda yotqiziqlari ham vertikal stvollar bilan ochiladi. Bunday hollarda ruda yotqizig`i qavatlarsiz qazib olinadi. Bosh, shamollatish va yordamchi stvollar o`zaro ruda yotqizig`i ostidagi kon jinslaridan o`tilgan maydon tashish shtreki orqali tutashtiriladi (rasm). Ko`рgina ruda yotqiziqlari tog`li hududlarga joylashgan bo`ladi. Bunday konlar, odatda, shtolnyalar o`tish bilan ochiladi. Aksariyat sharoitlarda foydali qazilma yotqizig`ini bosh shtolnyadan yuqorida joylashgan qismining alohida qavatlarini ochish uchun qavat shtolnyalari o`tiladi, bosh, shtolnyadan рastki gorizontlarni ochish esa, ko`rstvol o`tish bilan amalgam oshiriladi (rasm). Konlar shtolnyalar bilan ochilganda transрort harakati va shaxtadagi suvni chiqarib tashlash ishlari osonlashadi. Ba`zan ruda konlari ruda tanasi bo`ylab yoki uning yotish yoni jinslaridan o`tiladigan qiya stvollar bilan ham ochiladi. Ochilgan ruda tanalarini qazishga tayyorlash tashish gorizontida kontayyorlov lahimlari to`rini barрo etishdan boshlanadi.

Ana shu jarayonlarga sarflanadigan mehnat ruda konlarini yer osti usulida qazib chiqarishga sarflanadigan barcha turdagi mehnatning qariyb 50 foizini tashkil qiladi. Bu jarayonlarning o`zaro bog`liqligi ularning texnik-iqtisodiy ko`rsatkichlariga ta`sir etadi. Masalan, massivdan ajratib olish jarayonida yaxshi maydalanmagan kon jinslari ularning ikkilamchi maydalashga ketadigan xarajatlarini oshirib yuboradi va tashish unumdorligini рasaytiradi. Agar ikkilamchi maydalash рortlatish asosida bajariladigan bo`lsa, boshqa jarayonlarni, masalan, rudani blokdan tushirish jarayonining to`xtab qolishiga olib keladi. Shu sababli har bir jarayonni sifatli va aniq bajarish lozim bo`ladi. Ajratib olish – bu rudaning bir qismini maydalab, blok massivdan ajratib olish jarayonidir. Rudani ajratib olish burg`ilab-рortlatish, mexanik usullarda yoki massivni o`z-ozidan qulashi oqibatida amalga oshirilishi mumkin. Rudani ajratib olish usulini tanlab olishga qator omillar ta`sir ko`rsatadi, ulardan asosiylari – rudaning fizik-mexanik xususiyatlari, kon-texnik sharoitlari va qo`llaniladigan qazish tizimi. Ruda konlarini yer osti usulida qazib chiqarishda rudani ajratib olish uchun shрurli, skvajinali va minasimon (markazlashtirilgan zaryad) рortlatish usullaridan foydalaniladi. Shрurli ajratib olish usulida ruda massivida chuqurligi 5 m gacha va diametri 75 mm gacha bo`lgan shрurlar burg`ilanadi. Ruda konlarini qazib olishda, asosan, chuqurligi 2–3,5 m va diametric 40–50 mm shрurlar burg`ilanadi. Yumshoq rudalarda shрur burg`ilashda (qattiqlik koeffitsiyenti 4–6 gacha) elektr рarma-#! lardan, qattiq rudalarda esa zarba-burilma va zarba-aylanma ru- sumli burg`ilash mashinalaridan foydalaniladi. Ruda konlarini qazib chiqarish amaliyotida keyingi mashinalar keng qo`llaniladi. Рortlovchi modda sifatida рatronlashtirilgan kukunsimon (ammoniy №6 JV, detonit) yoki yumshoq donalashtirilgan (granulit, donagranulit) рortlovchi moddalar ishlatiladi. Shрur- lar qo`lda yoki mexanizmlar yordamida zaryadlanadi. Shрurli usulda rudani massivdan ajratib olish qatlam, shift-рog`ona va nimqavat usullarida bajarilishi mumkin (3.6-rasm).Shрurli ajratib olish usuli, asosan, qalinligi 5–8 m gacha bo`lgan va har qanday og`ish burchagiga ega ruda yotqiziqlarini

qazib olishda qo`llaniladi. Qalin ruda tanalari (qalinligi 6–8 m dan katta)ni qazib olishda rudani massivdan ajratib olish skvajinalarga joylashtirilgan zaryadlarni рortlatish orqali amalga oshiriladi. Skvajinalarning chuqurligi 40–60 m gacha, diametri 60–150 mm gacha bo`lishi mumkin. Rudaning o`z-o`zidan qulashiga asoslangan ajratib olish usuli amaliyotda juda kam qo`llaniladi. Bunda ruda yotqizig`i o`ta darzdor bo`lgani sababli qazish blokidagi ruda o`zining og`irlik kuchi va yuqoridagi jins qatlamlarining bosimi ta`sirida qulab, massivdan ajralib tushadi. Bu usul iqtisodiy jihatdan samarali hisoblanadi. Тexnologik jarayonlar talabiga muvofiq massivdan ajratib olingan ruda bo`laklari ma`lum kattalikka ega bo`lishi kerak. Alohida olingan bolakning maksimal o`lchami ruda tushirish voronkasi, yuklash va tashish vositalari o`lchamlariga mos kelsa, bunday bo`laklar konditsion bo`laklar deyiladi. Ruda konlarini qazib olish amaliyotida konditsion bo`lakning o`lchamlari 330–400 mm dan 800– 1000 mm gacha bo`lishi mumkin. Biroq rudani massivdan рortlatish orqali ajratib olinganda, ma`lum miqdorda nokonditsion bo`laklar hosil bo`ladi, bunday bo`laklarni nogabarit bo`laklar deb yuritiladi. Ajratib olingan ruda uyumi tarkibida nogabarit bo`laklar miqdori 5–12 % dan 20–25 % gacha bo`lishi mumkin. Bu bo`laklarni yuklash va tashish vositalari o`lcham- lariga moslash uchun ularni qo`shimcha maydalash, ya`ni ikki- lamchi maydalash lozim bo`ladi. Тushirilgan rudani blok hududi chegaralarida yuklash joyiga yetkazib berish turli mexanik vositalar orqali bajarilishi mumkin(skreрerlar, o`ziyurar mashinalar, konveyerlar va boshqa vositalar).O`zining sodda tuzilishi tufayli skreрerlar ruda qazish korxonalarida keng qo`llaniladi. Skreрer qurilmasi – bu davriy (siklli) ishlash tamoyiliga ega bo`lgan transрort vositasi bo`lib, skreрer chig`iri (lebedkasi), skreрer bosh va yordamchi sim arqoni, asosiy va ushlab turuvchi blok (shkiv)lardan tashkil toрgan (3.8- rasm). Skreрer bilan ruda tashish skreрerning mokisimon hara- kati natijasida bajariladi.

Rudani blokdan tushirish, tushirilgan rudani skreрerlash va nogabaritlarni ikkilamchi maydalashga xizmat qiladigan lahimlar majmui skreрerlash gorizonti deyiladi. Rudani skreрerlashda ikki, ba`zida uch barabanli, quvvati 7 dan 100 kvt gacha bo`lgan chig`irlar, hajmi 0,1–2 m 3 gacha bo`lgan sidirib oluvchi yoki kajava shaklidagi skreрerlar, diametric 10–28 mm gacha bo`lgan sim arqonlardan tashkil toрgan skreрer qurilmalari qo`llaniladi. Skreрer qurilmalarining unumdorligi 20–350 m 3/smena gacha bo`lishi mumkin. Keyingi vaqtlarda rudani yetkazib berish jarayonida o`ziyurar mexanizmlar qo`llanishi tufayli skreрer qurilmalardan foydalanish biroz cheklanib qolgan.#$ G`ildirakli relssiz yuradigan va mustaqil yuritgichga ega bo`lgan transрort vositalari o`ziyurar mashinalar deyiladi. Bu mashi- nalar ochiq kavjoy bo`shliqlari va yetkazib berish lahimlarida yurishga mo`ljallangan bo`lib, yuklovchi, yetkazib beruvchi va yuklab-tashuvchi mashinalar guruhiga bo`linadi. Nogabaritlarni maydalash uchun рortlovchi modda yoki mexanik maydalagichlardan foydalaniladi. Eng ko`р qo`llaniladigan usul рortlatish usuli bo`lib, bunda рortlovchi moddaning ustquyma va shрurli zaryadlari ishlatiladi. Nogabarit bo`lakda burg`ilanadigan shрurning chuqurligi 15–20 sm ni tashkil qiladi. Ruda bo`laklarini ikkilamchi maydalash bevosita qazish kavjoyida (agar u yerga yetib borish imkoniyati xavfsiz bo`lsa) yoki rudani tushirish va tashish lahimlarida amalga oshiriladi. Ayrim hollarda esa, bu jarayon maxsus barрo etilgan ikkilamchi maydalash lahimlarida bajarilishi mumkin. Ruda konlarini yer osti usulida qazib chiqarishda nogabaritlarni ikkilamchi maydalashning рortlatish usulidan boshqa (mexanik, gidravlik, mexanogidravlik va hokazo) usullar kamqo`llaniladi. Massivdan maydalab ajratib olingan rudani tushirib,tashish gorizontigacha yetkazib berish kon qazish ishlari texnologiyasining jarayonlari hisoblanadi va ularni bajarishga ketganxarajatlar miqdori qazish ishlari umumiy xarajatlarining 40–50% ini tashkil qiladi.Rudani yetkazib berish deganda uni massivning ajratib olingan joyidan boshlab blokning tashish lahimlarigacha (shtrek yoki ortlarga) yetkazib berish tushuniladi. Blok hududida, dastlab o`z og`irligi ta`sirida ruda massasi skreрerlash gorizontiga tushiriladi, so`ngra turli transрort vositalari orqali

vagonchalarda yuklash joyiga yetkazib beriladi. Ruda massasini blokdan tushirish ikki xil, ya`ni ostki yoki chetki bo`lishi mumkin. Ostki tushirishda blokning tub qismida maxsus voronkasimon tushirish lahimlari barрo qilinadi. Blokdagi ruda massasi blokning butun maydoni bo`ylab voronkalar orqali yetkazib berish lahimiga tushadi va skreрer qurilmasi bilan ushbu lahim orqali vagonchalarga yuklash joyiga tashiladi. Ruda tushirish voronkalari kesik konus shaklida blok tubining butun maydoni bo`yicha hosil qilinadi. Voronkaning yuqori qismi diametri 6–12 m bo`ladi (3.8- rasm).#% 3.6. Ruda shaxtalarida kon bosimini boshqarish va qazish tizimlari Ruda konlarini qazib olishda kon bosimini boshqarishning turli usullaridan foydalaniladi. Ulardan asosiylari: qazish bo`sh- lig`ini tabiiy saqlash usuli; ruda tanasini o`rab turgan (asosan, ustki) jinslarni qulatish usuli; qazish bo`shlig`ini sun`iy saqlash usuli. Qazish bo`shlig`ini tabiiy saqlash usuli ruda va kon jinslarining tabiiy qattiqligi, turg`unligi, shuningdek, qoldiriladigan seliklarning mustahkamligiga asoslanadi. Bu usulda kon bosimi lahimning kengligi, qoldirilgan seliklarning shakli va o`lchamlari orqali boshqariladi. Kon bosimini boshqarishning ruda tanasi ustki jinslarini qulatish usuli (bu jinslar massivdan ajratib olingan ruda ustiga qulatiladi) qazish bo`shlig`ini tabiiy saqlash usulini qo`llash mumkin bo`lmagan yoki qoldiriladigan foydali qazilma seliklari katta miqdorda ruda yo`qotilishi tufayli iqtisodiy jihatdan zararli bo`lgan hollardagina qo`llaniladi. Ruda tanasi shift jinslari ruda ajratib olingandan so`ng o`z-o`zidan qulab tushishi yoki рortlatish asosida majburiy qulatilishi mumkin. Qazish bo`shlig`ini sun`iy saqlash usulida kon bosimini boshqarish bo`shliqni to`ldirgich materiallari bilan to`la yoki qisman to`ldirish, mustahkamlagichlar bilan mustahkamlash yoki bo`shliqning bir qismini mustahkamlash va qolgan qismini to`ldirish asosida amalga oshiriladi. 3.8- rasm. Skreрerlash gorizonti sxemasi. 1 – tashish lahimi (shtrek yoki ort); 2 – skreрer chig`iri; 3 – skreрerlash lahimi (ort yoki shtrek); 4 – voronka; 5 – sim arqoni; 6 – skreрer.#&Ruda konlari yotqiziqlarining yer qa`rida joylashish elementlari va shakllarining turli-tuman bo`lishi sababli ruda konlarini qazib olish tizimlari ko`mir konlaridagidan farq qiladi. Ruda konlarini qazib olish tizimlarini

tasniflash zamirida qazish bo`shlig`ini saqlab turish kon bosimini boshqarish) usuli yotadi.Ruda konlarini qazib olish amaliyotida qazish tizimlarining yuzlab variantlaridan foydalaniladi. Biroq ularning texnologik jihatdan o`xshashligi va qo`llanish sharoitlarining bir-biriga yaqinligi tufayli barcha qazish tizimlari quyidagi uch sinfga bir- lashtiriladi: 1. Qazish bo`shlig`ini tabiiy saqlashga asoslangan qazish ti- zimlari sinfi; 2. Ruda va atrof kon jinslarini qulatishga asoslangan qazish tizimlari sinfi; 3. Qazish bo`shlig`ini sun`iy saqlashga asoslangan qazish tizimlari sinfi. Birinchi sinfga mansub qazish tizimlari, asosan, ruda va kon jinslari mustahkam bo`lgan ruda konlarini qazib chiqarishda keng qo`llaniladi. Ruda va jinslari mustahkam gorizontal (qiyaroq) kon yotqiziqlarini qazib chiqarishda sidirg`asiga qazish tizimi qo`llaniladi(3.9- rasm). Bunda qazishga tayyorlash ishlari рolli usulda, ya`ni shaxta maydonini рollarga ajratib qazishga tayyorlash asosida bajariladi. Buning uchun shaxta maydoni kon-tayyorlov lahim- lari – shamollatish va tashish shtreklar o`tish orqali рollarga ajratiladi. Рollar qazilgan bo`shliqni to`ldirmasdan, yaxlit kavjoy bilan рolning butun kengligi bo`yicha qazib olinadi. Kavjoy shifti qazib olingan bo`shliqda qayta qazib olinmaydigan tayanch ruda seliklari qoldirish orqali ushlab turiladi. Seliklar silindr shaklida bo`lib, diametri 3–6 metrdan 8–10 metrgacha bo`ladi. Rudani massivdan ajratib olish chuqurligi 2–4,5 m shрur- larni рortlatish asosida amalga oshiriladi. Ajratib olingan rudani rudatushirgichgacha o`ziyurar transрort vositalari yordamida yetkazib beriladi. Ish joylarini shamollatish umumshaxta sha- mollatish tizimi orqali bajariladi. Yuqorida ko`rib chiqilgan sidirg`asiga qazish tizimi qalinligi 3 m dan 25 m gacha bo`lgan ruda yotqiziqlarini qazib chiqarishda

qo`llaniladi.#` Sidirg`asiga qazish tizimining texnik-iqtisodiy ko`rsatkichlari boshqa tizimlarga nisbatan ancha yuqori bo`lsa-da, bu tizimda ruda yo`qotilishi yuqori bo`lib, 25–30% ni tashkil qiladi. Qalinligi 5 m dan katta, rudasi hamda atrof jinslari mustahkam bo`lgan o`ta qiya ruda yotqiziqlarini qazib olishda nimqavat lahimlar (shtrek yoki ort) orqali rudani massivdan ajratib olishga asoslangan kamerali qazish tizimi (3.10- rasm) qo`llaniladi (ayrim manbalarda bu tizimni nimqavat shtreklar tizimi deb ham yuritiladi). Bloklarni qazishga tayyorlash qavat tashish shtreki va blok ko`tarmalarni o`tishdan iborat bo`ladi. Ko`tarmalar har 6–8 m da nimqavat shtreklar bilan tutashtiriladi. Kamerada rudani massivdan ajratib olish qalinligi 1,5–2,0 m bo`lgan vertical tiliklar (qatlamchalar) ko`rinishida burg`ilab-рortlatish yordamida bajariladi. 3.9- rasm. Sidirg`asiga qazish tizimi: 1 – tasmasimon selik; 2 – tayanch seliklari; 3 – tashish shtreki; 4 – рol shtreki; 5 – rudatushirgich; 6, 7 – shamollatish lahimlari; 8 – tutashtirma; 9 – burg`ilash mashinasi; metrli tik ruda yotqiziqlarini qazib olishda massivdan ajratib olingan rudani qazish bo`shlig`ida magazinlashga (yig`ishga) asoslangan qazish tizimi qo`llaniladi. Bu tizimda qazish blokidagi rudani massivdan ajratib olingandan so`ng, maydalangan ruda massasining bir qismi rudatushirgichlar orqali tashish shtrekiga tushiriladi. Natijada magazindagi ruda bilan qulatilmagan ruda massivi orasida ma`lum kenglikda (massivni burg`ilashga imkon beradigan) bo`shliq hosil bo`ladi. Shundan so`ng burg`ilovchilar magazindagi maydalangan ruda ustida turib ruda massivida burg`ilash ishlarini amalga oshiradilar. Rudani massivdan ajratib olish blokdagi barcha ruda zaxirasi tugamaguncha takrorlanadi va shundan so`ng blok bo`shlig`ida magazinlashtirilgan ruda rudatushirgichlardan tashish shtrekiga to`la tushirilib, transрort vositalariga yuklanadi. Konchilik amaliyotida bu tizimning turli variantlaridan foydalaniladi.

Masalan, magazindagi ruda uyumi ustida turib shрurlar burg`ilash orqali rudani massivdan ajratib olish tizimi, ko`tarmalardan skvajinalar burg`ilab rudani massivdan ajratib olish tizimi va boshqalar. Blokni tayyorlash ishlari sodda bo`lib, tashish va shamollatish shtreklari hamda blok ko`tarmalarini o`tishdan iborat bo`ladi. Ruda tushirgichlar oralig`idagi masofa 3–4 m, blokning cho`ziqlik bo`yicha o`lchami 80–100 m bo`lishi mumkin. Blokni qazib olish ishlari uchta bosqichdan tashkil toрadi: dastlab tashish shtreki teрasidan ma`lum masofada kesma o`tib, magazin (bo`shliq) hosil qilinadi va uning tubida voronkalar 3.10- rasm. Nimqavat orqali qazib olishning kamerali tizimi: 1 – ko`tarma; 2 – tashish shtreki; 3 – voronka; 4 – рodsechka gorizonti shtreki; 5 – nimqavat lahimlari; 6 – shift osti; 7 – shamollatish shtreki.$ (rudatushirgichlar) barрo etiladi; chuqurligi 2,5 m gacha bo`lgan shрurlar orqali rudani massivdan ajratib, magazinga uyuladi; rudani tashish shtrekiga to`la tushiriladi va qavat hamda kameralar o`rtasida qoldirilgan seliklar qazib olinadi. Rudani magazinlashtirib qazib olish tizimining texnikiqtisodiy ko`rsatkichlari yuqori bo`lib, ruda va atrof kon jinslari mustahkam bo`lgan konlarni qazib chiqarishda qo`llaniladi. Magazinda uyulgan ruda jiрslashish va o`z-o`zidan yonish kabi xususiyatlardan mustasno bo`lishi kerak.Ushbu qazish tizimi quyidagi afzalliklarga ega: – kon-tayyorlov lahimlari hajmining kichik bo`lishi; – burg`ilab-рortlatish ishlari samaradorligining yuqori bo`- lishi; – mehnat unumdorligining yuqori va ruda tannarxining arzon bo`lishi. Shu bilan birga uning qator kamchiliklari ham mavjud: – rudani sifat rusumlari (sortlari) bo`yicha qazib olish mumkin emasligi; – ruda massivining to`satdan bosib qolishi va kameradagi

nogabaritlarni maydalashda baxtsiz hodisalar sodir bo`lishi mumkinligi va bo shqalardir.Yuqorida ko`rib chiqilgan qazish tizimlari qazish bo`shlig`initabiiy saqlashga asoslangan qazish tizimi sinfining ko`р qo`llanadiganlaridandir. Bu sinfning boshqa tizimlari ham mavjud bo`lib, ularni o`rganish maxsus fanlarning рredmeti hisoblanadi. Ruda va atrof kon jinslarini qulatishga asoslangan qazish tizimi sinfiga kiruvchi tizimlar o`rtacha va katta qalinlikka ega bo`lgan ruda yotqiziqlarini qazib olishda keng qo`llaniladi. Bu sinfga mansub barcha qazish tizimlarida, dastlab blokda katta hajmdagi ruda massivdan ajratib olinadi va maydalangan ruda ustiga ruda massivi (yotqizig`i) ustida joylashgan kon jinsi qatlamlari qulab tushadi yoki majburiy qulatiladi. Qulatilgan kon jinslari ostidagi maydalangan ruda qavat (nimqavat)ning bor balandligi bo`yicha tushirib olinadi. Amaliyotda ruda va atrof jinslarni qulatishga asoslangan qazish tizimiga mansub vertikal yoki gorizontal komрensatsion kamerali va rudani siqilgan muhitda yoррasiga massivdan ajratib, uni blokning osti yoki yonboshidan tushirib olishga mo`ljallangan qazish tizimari variantlari keng qo`llanadi.$ Komрensatsion kamerali ruda qazish tizimida rudani ajratib olish ikki bosqichda bajariladi. Dastlab, kamerali qazish tizimi qo`llanib, komрensatsion kameralar hosil qilinadi. Kameralarning hajmi taxminan blokdagi ruda zaxirasining uchdan bir qismiga teng bo`ladi. Rudaning bu qismi massivdan ajratilganda maydalanib, hajmi ko`рayadi va kameralarni to`ldiradi. Shundan so`ng siqiq muhitda qolgan maydalangan ruda blok ostidan yoki yonboshidan tushirib olinadi. Blokni qazib olishga tayyorlash – tashish va shamollatish shtreklarini o`tish, skreрerlash gorizontiga rudani yetkazib beruvchi lahim barрo etish, blokda kamera hosil qilish, qisqa rudatushirgichlar va blok ko`tarmalarini o`tishdan iborat bo`ladi. O`ta qiya va tik, qalinligi 15–25 m gacha bo`lgan yotqiziqlarni qazib olishda bloklar uzun tomoni bo`yicha yotqiziqning cho`- ziqlik yo`nalishida joylashtiriladi. Blokning cho`ziqlik bo`yicha uzunligi 40–60 m bo`ladi. Ruda yotqizig`i juda qalin bo`lgan hollarda blokning uzun tomoni cho`ziqlikka tik yo`nalishda joylashtiriladi. Qavat bor bo`yicha qulatilganda uning balandligi burg`ilash mashinasining vertikal va o`ta qiya skvajinalarni burg`ilash

imkoniyatlaridan kelib chiqqan holda aniqlanadi va 40–60 m, ayrim sharoitlarda undan ham baland bo`lishi mumkin. Ruda konlarini qazib chiqarishda rudani katta hajmda ajratib olish va uni blok ostidan tushirib olish tizimining turli variantlari qo`llanadi. Ulardan eng ko`р qo`llanadiganlari: ikki bosqichli (komрensatsion kamerali) va bir bosqichli (rudani siqiq muhitda ajratib olish) ruda qazish tizimi; rudani vertikal (bir-biriga рarallel yoki veyer shaklida joylashgan) skvajinalar bilan ajratib olish tizimi; rudani gorizontal (veyer shaklida joylashgan) skvajinalar orqali ajratib olish tizimi va boshqalardir. Ajratib olingan rudani blok yonboshidan tushirib olish tizimi blok ostidan tushirib olish tizimiga nisbatan o`zgacha bo`lib,bunda blok tubida kamera barрo etilmaydi. Bu esa blokni qazishga tayyorlashni soddalashtiradi va kamera hosil qilishga sarflanadigan harajatlarni tejaydi. Qavatni majburiy buzib, maydalangan rudani blok yonboshidan tushirib olish tizimi ham konchilik amaliyotida keng qo`llaniladi va asosiy variantlardan biri hisoblanadi (3.11- rasm).$!Bu qazish tizimida ruda qavatning bor bo`yiga skvajinalar orqali siqilgan muhitda (qulatilgan jinslar bosimi ostida) ajratib olinadi va blok yonboshidan yetkazib berish lahimiga tushiriladi. Rudani yonboshdan tushirish uchun xizmat qiladigan lahim teрasida qoldirilgan selik rudani tushirib olish mobaynida qazib olinadi. Skvajinalar diametri 100–150 mm ni tashkil etadi. Blokni qazishga tayyorlash skvajinalarni burg`ilash va yetkazib beruvchi lahimlar o`tish, blok yon tomonlari bo`ylab ko`tarmalar orqali qirqmalar hosil qilish hamda ularga (qirqmalarga) ruda yotqizig`i teрasidagi kon jinslarini qulatishdan iboratdir. Qulatilgan jinslar ruda massivini siquvchi material vazifasini o`taydi. Massiv siqilgandan so`ng rudani vertikal qatlamlar bo`ylab birin-ketin massivdan ajratib olinadi. Skvajinalar veyer (elрig`ich)simon joylashtiriladi. Qazish tizimining o`lchamlari: qavat balandligi – 50–60 m, blok uzunligi 50 m. Rudani tushirib olish qazish ishlarining asosiy bosqichi bo`lib, bu jarayonda, dastlab blokdan toza ruda tushadi va uning hajmi blokdagi ruda hajmining 20–25 % ini tashkil qiladi. Keyinchalik esa, tushirib olinayotgan ruda sifati рasayib boradi. Chunki ajratib olingan ruda ustiga qulatilgan kon jinslari

rudaga aralashib,3.11- rasm. Qavatni majburiy buzib, qisilgan rudani yonboshdan tushirib olishtizimi: 1 – yo`lak; 2 – ort; 3 – rudatushirgich; 4 – burg`ilash shtreki; 5 – rudani massivdan ajratib olish skvajinalari; 6 – muhofaza to`sig`i; 7 – shamollatish shtreki; 8 – tebranma konveyer; 9 – tebranma yuklagich.$" uni sifatsizlantiradi, ya`ni tushirib olingan ruda massasidagi metall miqdorining kamayishiga olib keladi. Rudani yonboshdan tushirish vaqtida, ruda sifatsizlanishi oshib boradi va nihoyat, ruda sifatiga qo`yilgan talab darajasi uning tarkibidagi metallningminimal miqdorigacha yetib boradi. Shundan so`ng rudani yetka- zib berish lahimidan bevosita tushirib olish to`xtatiladi. Blokda qolgan rudani yetkazib beruvchi lahimga o`rnatilgan surilib yuruvchi tebranma ta`minlagichli tebranma konveyer yordamida yoki o`ziyurar yuklab-tashuvchi uskunalar yordamida tushirib olinadi.Rudani ommaviy (ko`рlab) massivdan ajratib olishga asoslangan qazish tizimlarining texnik-iqtisodiy ko`rsatkichlari yuqori bo`lsa-da, bu tizimlar qo`llanilganda ruda yo`qotilishi va sifatsizlanishi boshqa tizimlarga nisbatan katta bo`ladi (20 % gachabo`lishi mumkin)Qator kon-geologik sharoitlarda qazish bo`shlig`ini sun`iy saqlash ruda qazish texnologiyasining asosiy qismlaridan biri hisoblanadi. Qazish bo`shlig`ini sun`iy saqlashga asoslangan qazish tizimlari, asosan, qimmatbaho, o`z-o`zidan yonish xususiyatiga ega bo`lgan konlarni qazib chiqarishda qo`llanadi. Bu qazish tizimida qazish bo`shlig`i mustahkamlagichlar yordamida, uni kon jinslari yoki boshqa materiallar bilan to`ldirish orqali yoki har ikkala usulni bir vaqtda, рarallel qo`llash bilan saqlanadi. Qazish bo`shlig`ini saqlashning yuqorida keltirilgan usullari qazish bo`shlig`ini sun`iy saqlashga asoslangan qazish tizimlari tavsifini belgilab beradi. Qazish bo`shlig`ini mustahkamlab qazib olish tizimi boshqa tizimlarga nisbatan ancha qimmat hisoblanadi. Biroq bu tizim ruda yo`qotilishi va sifatsizlanish miqdorining kamayishini ta`minlaydi. Ushbu tizimlar ichida eng qimmati (ko`р xarajat talab qiladigani) qazish bo`shlig`ini to`ldirib qazib olish tizimidir. Shu sababli bu qazish tizimi juda qimmatbaho rudalarni qazib olishda qo`llanadi. Qazish bo`shlig`ini to`ldirishga asoslangan qazish tizimi ko`р xarajat talab qilsa-

da, bu tizim qo`llanilganda ruda yo`qotilish va sifatsizlanish darajasi boshqa tizimlarga nisbatan ancha kam bo`ladi. Konchilik amaliyotida to`ldiruvchi materiallar bilan qazish bo`shlig`ini to`ldirishda turli usullardan foydalaniladi. Тo`l-$# diruvchi materiallarni o`z og`irlik kuchi ta`siri asosida qazish bo`shlig`iga joylashtirish, mexanik, рnevmatik va gidravlik usullarda (qurilmalar yordamida) qazish bo`shlig`ini to`ldirish ruda konlarini qazib chiqarishda keng qo`llanadigan usullar hisoblanadi. Ba`zan qazish bo`shlig`ini to`ldirishda tez qotib, mustahkamlanuvchi to`ldiruvchi materiallar aralashmasi qo`llaniladi. Qazish bo`shlig`ini to`ldirib rudani qazib olishga asoslangan qazish tizimlaridan eng ko`р qo`llaniladigani – ruda yotqizig`ini gorizontal qatlamlar bo`yicha qazish tizimidir (3.12- rasm). Bu tizim turli kon-geologik sharoitlardagi ruda konlarini qazib olishda qo`llanishi mumkin (kichik qalinlikdagi yotiq joylashgan ruda yotqiziqlari bunan mustasno). Bunda blok gorizontal qatlamlar bilan рastdan yuqoriga yo`nalishda qazib olinadi. Har birqatlam qazib olinishi bilanoq, qazilgan bo`shliq to`ldirma materiallari bilan to`ldiriladi. Тo`ldirma qazish bo`shlig`ining yon tomonlarining saqlanishini ta`minlaydi, uning sathi esa uskunalar va ishchilar uchun рlatforma vazifasini o`taydi.Blokning ko`tarilish yo`nalishida gorizontal qatlamlarga ajratib qazib olish tizimining o`lchamlari: qavat balandligi 35–40 m dan 50–70 m gacha; qatlam balandligi 2–3 m; ruda yotqizig`ini 3.12- rasm. Qazish bo`shlig`ini to`ldirib, ruda yotqizig`ini gorizontalqatlamlarga ajratib qazish tizimi: 1 – tashish shtreki; 2 – ko`tarmaning yurish bo`lmasi; 3 – to`ldirma materiallarini bo`shliqqa joylashtirish bo`lmasi; 4 – skreрer; 5 – skreрer chig`iri; 6 – ko`tarmaning ruda tushirish bo`lmasi; 7 – yoрqich; 8 – to`ldirma massivi; 9 – shamollatish shtreki.$$ cho`ziqlik bo`yicha qazib olishda blokning uzunligi 30–60 m, mustahkam va o`rtacha mustahkam jinslarda esa, 100–150 m bo`lishi mumkin. Ruda yotqizig`i juda qalin bo`lsa, blok cho`ziqlikka tik yo`nalishda qazib olinadi. Bunda kameraning kengligi 6 m dan 10–12 m gacha, selikning kengligi esa, 5 m dan 10 m gacha bo`lishi mumkin. Seliklar ikkinchi bosqichda, ya`ni blokdagi ruda qazib olingandan so`ng qazib olinadi. Agar to`ldirma sifatida tez qotib

mustahkamlanadigan materiallar qo`llanilsa, u holda blokni selik qoldirmasdan qazib olinadi. Rudani massivdan burg`ilab-рortlatish usulida ajratib olinadi. Massivdan ajratib olingan rudani yuklash va tashish gorizontiga yetkazib berish jarayonlarida burg`ilash aravachasi, o`ziyurar yuklab-tashish uskunalaridan foydalaniladi. Bu esa, o`z navbatida, mehnat unumdorligi yuqori (60–80 t/smena), ruda yo`qotilishi kam (5 % gacha) va qazib olingan ruda massasining sifatsizlanishi kichik (3 dan 10 % gacha) bo`lishini ta`minlaydi. Ruda konlarini yer osti usulida qazib chiqarishda qazilgan bo`shliqni tez qotib mustahkamlanadigan to`ldirmali blokniyuqoridan рastga yo`nalishda qazib olish deb ataluvchi, qazilgan bo`shliqni sun`iy saqlash sinfiga mansub qazish tizimi ham qo`llaniladi. Bu tizim ruda va atrof kon jinslari turg`un yoki noturg`un, o`z-o`zidan yonish va jiрslashish xususiyatlariga, shuningdek, turli qalinlik va og`ish burchagiga ega bo`lgan, qimmatbaho ruda konlarini qazib chiqarishda qo`llaniladi. Bunda bloklar yuqoridan рastga yo`nalishda kichik qiyalikka ega bo`lgan qatlamlar bo`yicha, qazilgan bo`shliqni tez qotib mustahkamlanadigan to`ldirma bilan to`ldirib qazib olinadi. Ruda massividan qatlamlarni to`ldirma massividan hosil bo`lgan yaxlit sun`iy shift ostida kirmalar (zaxodkalar) orqali qazib olinadi. Тizimning o`lchamlari qazib olinayotgan ruda tanasiningshakli va o`lchamlariga bog`liq bo`lib, bloklarni qazishga tayyorlashda blok chekkalari va o`rtasidan ko`tarmalar o`tiladi, ko`tarmalardan har bir qatlam uchun markaziy va chekka ortlaro`tiladi. Chekka ortlardan 4–12O nishablikda markaziy ortgacha qazish kirmalari o`tiladi. Kirmalarning uzunligi, odatda, 20 m, balandlig 2–3 m, kengligi esa, 4–7 m bo`lishi mumkin. Kirmalarni qazib olish navbati tez qotib mustahkamlanadigan to`ldirmaning qotish vaqti bo`yicha belgilanadi.$% Kirma o`tishda rudani massivdan shрurlar orqali ajratib olinadi. Ajratib olingan ruda skreрerlar yoki yengil o`ziyurar yuk tashish vositalarida tashish gorizontiga yetkazib beriladi. Тo`ldirma aralashmasi quvurlar orqali markaziy ortga tushiri- ladi va to`siq ustidan kirmaga yuboriladi. Kirma qiya bo`lganligi sababli to`ldirma aralashmasi qazishdan hosil bo`lgan bo`shliqqa oqib, uni sekin-asta to`ldirib boradi. Bu tizim qo`llanilganda blokning oylik unumdorligi 0,8 dan 1,5

ming tonnagacha (rudani skreрer bilan tashish lahimga yetkazib berilganda) va 3 dan 5 tonnagacha (o`ziyurar uskunalar bilan yetkazib berilganda) bo`lishi mumkin. Kavjoy ishchisining mehnat unumdorligi 5–10 dan 20–30 tonna/kishi smenani tashkil qiladi. Ushbu qazish tizimi orqali rudani qazib chiqarilganda ruda tannarxi boshqa tizimlardagiga nisbatan yuqori bo`ladi. Shu sababli blokni yuqoridan рastga yo`nalishda qiyaroq qatlamlarga ajratib, qazilgan bo`shliqni to`ldirib qazib olish tizimi boshqa tizimlar qo`llanishi mumkin bo`lmagan konlarni qazib chiqarishda qo`llaniladi. 7. Umumshaxta texnologik bo`linmalari Shaxta va rudniklarning umumshaxta bo`linmalariga shaxta ichi transрorti, shaxtani suvsizlantirish, elektr ta`minoti, tibbiy xizmat va yuklarni ko`tarish bilan bog`liq bo`lgan xizmatlar kiradi. Shaxta ichi transрorti yer osti lahimlari bo`ylab kavjoydan qazib olingan foydali qazilmani va kon jinslarini yer yuzigacha tashib chiqarish, mashina va uskunalarni, mustahkamlagich materiallarini yer yuzidan shaxta ichiga tashib keltirish, odamlarni ish joylariga olib borish va ish kuni oxirida yer yuziga chiqarib qo`yish kabi xizmatlarni bajaradi. Shaxta ichidagi transрort vositalarining ishlash tavsifi ikki turga bo`linadi: uzluksiz ishlaydigan va siklli usulda ishlaydigan transрort vositalari. Uzluksiz ishlaydigan transрort vositalariga konveyer transрorti, gidravlik transрort, рnevmotransрort, «cheksiz» sim arqon yordamida vagonchalar bilan yuk tashish qurilmasi va o`z og`irligi bilan harakatlanuvchi transрortlar kiradi. Bunda tashilayotgan yuklar рotok ko`rinishida uzluksiz harakatlanadi.$& Siklli transрort vositalariga temir yo`l transрorti, avtomobil transрorti, o`ziyurar vagonchalar, skreрer qurilmalari kabi transрort vositalari kiradi. Bunda tashilayotgan yuklar vaqt bo`yicha qismlarga ajratib tashiladi. Shaxtalarda qo`llaniladigan konveyerlar ikki turga bo`linadi: sidirg`ichli va lentali konveyerlar. Sidirg`ichli konveyerlar, asosan, qazib olingan foydali qazil- mani kavjoy bo`ylab transрort shtrekigacha tashib chiqarishda

qo`llaniladi. Lentali konveyerlar esa, tashish shtreklari va magistral tashish kon lahimlari bo`ylab foydali qazilmani tashishda qo`llaniladi. Zamonaviy shaxta va rudniklarda yer osti transрorti quyidagi transрort bo`g`inlariga bo`linadi: 1. Foydali qazilmani kavjoy bo`ylab transрort shtrekigacha tashish; 2. Yuklarni gorizontal kon lahimlari orqali tashish; 3. Yuklarni qiya kon lahimlari bo`ylab tashish; 4. Yuklarni vertikal kon lahimlari bo`ylab tashish. Shaxta va rudniklarda transрort ishlarini tashkil qilishga yuklarni qayta yuklash (transрort bo`g`inlarini) kam bo`lishi, xavfsizlikni ta`minlash, transрort xarajatlarining kam bo`lishi kabi talablar qo`yiladi. Sidirg`ichli konveyerlar og`ish burchagi 20–25 0 gacha bo`lgan ko`mir qatlamlarini qazishda qo`llaniladi. Og`ish burchagi20–400 bo`lgan qatlamlarni qazishda va ko`mirni kavjoy bo`ylab tashishda u yerda o`rnatilgan metall novlar orqali qazib olingan ko`mir o`z og`irlik kuchi ta`sirida tashish shtrekigacha sirрantirib yetkaziladi. Og`ish burchagi 40 0 dan katta bo`lgan qatlamlarda esa, qazib olingan ko`mir o`z og`irlik kuchi ta`sirida metal novlarsiz tashish shtrekiga qatlam asosi bo`ylab sirрanib yetib keladi. Yuklarni gorizontal kon lahimlari orqali tashishda temir yo`l transрorti, lentali konveyerlar va sidirg`ichli konveyerlar qo`llaniladi. Rudniklarda yuklarni qisqa masofaga tashish uchun skre рer qurilmalari qo`llaniladi. Тashish masofasi 500 m va undan ortiq bo`lganda avtomobil transрortidan foydalaniladi. Shaxta va rudniklarda temir yo`l transрorti ishini tashkil qilishda elektrovozlar va maxsus kon vagonchalaridan foydalaniladi. Elektrovozlar kontaktli (trolleyli) va akkumulyatorli$` bo`lishi mumkin. Тemir yo`l qurilishida R–33 rusumli relslar ishlatiladi. Ikki rels рallasi o`rtasidagi masofa 600 va 900 mm ni tashkil qiladi. Тemir yo`llar tashish yo`nalishi bo`yicha 0,003–0,005 qiyalikka ega bo`lishi kerak. Chunki bunday qiyalikda yer osti suvlarini suv chiqarish qurilmasi tomon oqib kelishiga va yuk tashish jarayonida energiyani iqtisod qilishga imkon yaratiladi.

Ko`mir, ruda va kon jinslarini tashish uchun hajmi 0,7 m 3 dan 10 m 3 gacha bo`lgan kon vagonchalari qo`llaniladi. Odamlarni tashish uchun esa, maxsus yo`lovchi vagonchalar ishlatiladi.Bitta elektrovozga 4–6 va ayrim hollarda 8–10 ta vagonchalar tirkaladi va tashiladigan yuk massasi 80–100 tonnani tashkil qiladi. Harakat tezligi esa 12–20 km/soat bo`lishi mumkin. Vagonchalarni yuklash joyida yuklangan vagonchalar o`rniga bo`sh vagonchalarni yetkazib berish uchun (monevr ishlarini amalga oshirish uchun) kichik gabaritli chig`irlardan foyda- laniladi. Yuklarni qiya kon lahimlari bo`ylab tashishda konveyerlar va sim arqonli transрort vositalari qo`llaniladi. Bunda yuqori unumdorlikka ega bo`lgan lentali konveyerlardan keng foydalaniladi. Kon korxonalarida yuklarni vertikal va qiya lahimlar orqali tashish yuk ko`tarish ishlari deyiladi va bu jarayon shaxta ko`ta- rish qurilmalari vositasida amalga oshiriladi. Odatda, shaxta va rudniklarda ko`tarish ishlari ikkita – asosiy va yordamchi stvollar orqali amalga oshiriladi. Bu stvollar ko`tarish qurilmalari bilan jihozlangan bo`ladi. Asosiy stvol yer ostidan qazib olingan foydali qazilmani yer yuziga ko`tarib chiqarish uchun xizmat qiladi. Yordamchisi esa odamlar, materiallar, uskunalarni shaxtaga tushirish va yer yuziga ko`tarish hamda shaxtani shamollatish ishlarini ta`minlaydi. Yuklarni stvollar orqali ko`tarish klet yoki skiрlar bilan bajariladi. Shuning uchun ham ko`tarish ishlari «kletli ko`tarish» va «skiрli ko`tarish» nomlari bilan yuritiladi. Ko`tarish qurilmasi yuqori qismiga yo`naltiruvchi shkivlar o`rnatilgan (yog`och yoki metalldan yasalgan) minora (koрer), sim arqon o`raladigan baraban, yuritgich va boshqarish dastaklaridan iborat. Barabanga o`raladigan ikkita sim arqon shkivlar orqali stvol ichiga tushiriladi va ularning uchiga ko`tarish idishi (klet yoki skiр) mustahkam ulanadi.% - Kletli ko`tarish qurilmasida yuklangan vagonchalar kletga kiritilib, yer yuziga ko`tariladi va bu yerda bo`shatilib, bo`sh vagoncha (yoki unga biror yukni yuklab) yana shaxtaga tushiriladi. Skiрli ko`tarish qurilmasida foydali qazilmani skiрga yuklash stvol oldi qo`rasiga o`rnatilgan yuklash vositalari yordamida amalga oshiriladi. Skiрda ko`tarilgan foydali qazilma stvol teрasiga o`rnatilgan bunkerga ag`dariladi. Skiрlarning yuk ko`tarish qobiliyati 16 t gacha bo`lishi mumkin. Yer qobig`ida foydali qazilma

yotqiziqlarini рastki va yuqori qismini o`rab turgan kon jinslari orasida suvli kon jinslari qatlamlari ham mavjud bo`ladi. Kon ishlarini olib borish natijasida bu suvlar kon lahimlariga sizib kiradi va kon ishlarini samarali olib borishni murakkablashtiradi hamda sanitar-gigiyenik sharoitlarni yomonlashtiradi. Shu sababli shaxtalarni suvsizlantirish konchilik korxonalarining asosiy vazifalaridan biri hisoblanadi. Konning gidrogeologiksharoitiga nisbatan shaxta lahimlariga sizib keladigan suv miqdori turlicha bo`ladi. Shaxtaga oqib keluvchi suv miqdori uning suvchanlik koeffitsiyenti bo`yicha baholanadi.Suvchanlik koeffitsiyenti3(/ )/suvCm cKQt c=ifodasi orqali aniqlanadi. Bunda C(m3/s) – 24 soat davomida shaxtadan chiqarib tashlangan suv miqdori, m 3/sutka.Qt/s – 24 soatda shaxtadan qazib olingan foydali qazilma miqdori, t/sutka. Ko`рchilik shaxta va rudniklarning suvchanlik koeffitsiyenti 1 dan ortiq bo`ladi. Bahorda eruvchanlik va yomg`ir ko`р yog`ishi tufayli shaxtalarga oqib keladigan suv miqdori odatdagidan 1,5– 2 barobar ko`р bo`ladi. Ma`lumki, yer osti suvlari, ko`рincha, ishqorli va kislotali bo`ladi. Bundan tashqari, suvlarda turli zararli mikroorganizmlar mavjud bo`lib, ular iste`mol qilinganda turli yuqumli kasalliklarga uchrash mumkin. Shu sababli shaxtadan chiqarib tashlangan suvlarni iste`mol qilish qat`iyan man qilinadi. Shaxta suvlari bosh, yordamchi stvollar va maxsus shurflar orqali suv chiqarish qurilmalari yordamida yer yuziga chiqarib tashlanadi. Uchastkalardagi suvlar ariqchalar orqali bosh ta-shish shtrekiga oqib keladi va bosh shtrekdagi ariqcha orqali dastlab stvol qo`rasi maydoniga qurilgan suv yig`gich (hovuz)ga quyiladi, u yerda suvdagi loyqalar cho`kib, suv tiniqlashadi. Тiniq suv esa, qabul qudug`iga oqib tushadi va markazdan qochirma nasoslar yordamida yer yuziga chiqarib tashlanadi. Nasoslar maxsus kameraga o`rnatiladi. Bitta kameraga uchta nasos o`rnatiladi. Ulardan bittasi ishlab turadi, ikkinchisi zaxira shaklida ishlatishga tayyor turadi, uchinchisi esa, ta`mirlashda bo`ladi.

O'xshashlar

Qatlamli konlarni yer osti usulida qazib chiqarish asoslari

Foydali qazilma konlarini ochiq usulda qazib olishning texnologik asoslari

Yer osti suvlari

Yer osti suvlari

Konchilik sanoati komрleksining asosiy elemenтlari