Yer qishloq xo’jaligining asosiy ishlab chiqarish vositasi, predmeti - Geografiya - Referatlar

Yer qishloq xo’jaligining asosiy ishlab chiqarish vositasi, predmeti

Yuklangan vaqt:

20.09.2019

Ko'chirishlar soni:

0

Hajmi:

56.5 KB

Ko'chirib olish

www.arxiv.UZ Yer qishloq xo`jaligining asosiy ishlab chiqarish vositasi, predmeti Reja: 1. Yer fondi va undan qishloq xo`jaligida foydalanish. 2. Qishloq xo`jaligida foydalaniladigan yerlarning turlari. 3. Qishloq xo`jaligida melioratsiya.

www.arxiv.UZ Qishloq xo`jaligi uchun yer hayot-mamotning moddiy shartigina bo`lib qolmay, balki ishlab chiqarishning faol ashyoviy omili hamdir. Ishlab chiqarish jarayoni tuproq unumdorligi bilan, tabiiy biologik jarayonlar bilan bevosita bog`liq. Qishloq xo`jaligining asosini yer bilan suv tashkil qilishi barchaga ayon. Turli tabiiy sharoitlarda yerdan to`g`ri foydalanib, ko`plab dehqonchilik va chorvachilik mahsulotlarini yetkazib, aholi dasturxoni to`kin-sochin qilib kelinmoqda. Yer sharida quruqlik 14,9 mlrd.ga ni tashkil qiladi. Jami haydash uchun yaroqli yerlarning maydoni 3,2 mlrd.ga dan ortiq. Shundan hozirda 1,5 mlrd.ga yer haydaladi, 3 mlrd.ga yer yaylov sifatida ishlatiladi. Haydash uchun qulay bo`lgan yerlarning asosiy qismi qishloq xo`jaligida foydalanish muomalasiga kiritilgan. Sug`oriladigan yerlar maydoni dunyoda 270 mln. ga dan ko`proq. Haydaladigan yerlarning asosiy qismi-60% Yevrosiyoga to`g`ri keladi, bu hol ushbu materikda aholi sonining ko`pligi bilan bog`liqdir. Haydaladigan yerlar hisobiga turli qurilishlar, shaxtalar, yo`llar, shaharlar, sanoat korxonalari muttasil qurib kelinmoqda. Dunyoda kamida 120 mln. ga maydonni shaharlar egallagan. Aholi manzilgohlari, transport yo`llari, sanoat korxonalari egallagan maydon 440 mln. ga ni tashkil qiladi. Cho`llashish jarayoni, eroziya, sug`orishni noto`g`ri tashkil etish, yog`in- sochinning shiddat bilan yog`ishi natijasida har yili 3 mln. ga yer foydalanishdan chiqib ketadi. Dunyoda Xuanxe 1,6 mlrd. t, Gang 1,4 mlrd. t, Amazonka 363 mln. t, Missisipi 300 mln. t, Irovadi 299 mln. t, Mekong 170 mln. t, Nil 111 mln. t oqiziqlarni Dunyo okeaniga tashiydi. Shamol ta`sirida Shimoliy Amerikadan Atlantika okeaniga yiliga 100-400 mln. tonna chang va mayday tuproq uchib ketadi. Xitoy hududidan Tinch okeaniga mart-may oylarida uchadi. Yer takror ishlab chiqarmaydigan ishlab chiqarish vositalari qatoriga kiradi. ,5 mlrd. ga haydaladigan yerlarning 70 % i qurg`oqchil mintaqada joylashgan. Sug`orilsa hosildorlik 2 marta ortadi. 15% maydondagi yerlar yarim quruq iqlim mintaqasida joylashgan, sug`orilsa hosildorlik 3 marta ortadi. 5% yer quruq iqlim

www.arxiv.UZ mintaqasida – bu yerda faqat sug`orib dehqonchilik qilinadi. Hindistonda sug`oriladigan yerlarning jami maydoni 63,3 mln. ga, Xitoyda 47,9 mln.ga, AQSH da 23,9 mln. ga, Pokistonda 15,3 mln. ga dan iborat. Shu munosabat bilan umuman yer resurslari va ayniqsa, qishloq xo`jaligida foydalanish uchun yaroqli bo`lgan yerlar cheklangandir. Tabiatan yerning cheklanganligi undan intensiv suratda foydalanish zarurligi masalasini juda keskin qilib qo`yadi. Qishloq xo`jaligida yer ishlab chiqarishning asosiy vositasi hisoblanadi. Mamlakat yer boyliklaridan oqilona foydalanishning davlatimiz agrar siyosatining asosi bo`lib qishloq xo`jalik ishlab chiqarishni intensivlashtirishning eng muhim shartidir. O`zbekistonda qishloq xo`jaligining asosiy ishlab chiqarish vositasi bo`lgan yer davlat mulki hisoblanadi. Davlat qishloq xo`jaligi bilan shug`ullanadigan korxonalar va xo`jaliklarga shuningdek, fuqarolarga muddatsiz yoki vaqtinchalik foydalanish uchun yer ajratib beradi. Davlat yer fondi yer egaligi yoki yerdan foydalanuvchilar hududdagi barcha yerlarni –haydalma yerlar, daraxtzor, yaylov, pichanzor, o`rmonzor, qo`riq yer, qishloq xo`jaligida foydalanilmaydigan yerlarning jamini o`z ichiga oladi. Respublikaning umumiy yer fondi 44797,7 ming ga. Barcha qishloq xo`jalik yerlari 27987 ming ga, shundan sug`orishga yaroqli yerlar 5 mln. ga, sug`oriladigan yerlar maydoni 4238,6 ming. ga, qishloq xo`jaligida foydalaniladigan yerlarning umumiy maydoni salkam 32 mln. ga, ekin ekiladigan yerlar 4090,2 ming ga, haydalma yerlar 4474,5 ming ga. Respublika yer fondining asosiy qismi 62 ga yaqin qishloq xo`jaligi yer turlari toifalariga mansub, qolgan qismi fuqarolar yerlari, tomorqa 1%, o`rmon va to`qayzorlar 3,2%, qishloq xo`jaligida foydalanilmaydigan yerlar 34,2% dan iborat. Sug`oriladigan yerlar jami yer resurslarining 9,2% ni tashkil etishiga qaramay, respublika qishloq xo`jaligida yetishtiriladigan yalpi mahsulotning 98,5% i shu yerlarda yetishtiriladi. O`zbekistonda o`tgan asrda sug`oriladigan yerlar maydoni sezilarli ko`paydi. Keyingi o`n yilliklarda irrigatsiya-melioratsiya ishlariga katta e`tibor berildi. Respublika aholisi sonining o`sish sur`atlari sug`oriladigan yerlarni kengaytirish sur`atlaridan o`sib ketishi natijasida aholi jon boshiga to`g`ri keladigan

www.arxiv.UZ sug`oriladigan haydalma yer maydoni yildan-yilga kamayib bordi. Yerlardan oqilona foydalanish, ularni muhofaza qilish, tuproq unumdorligini tiklash, tabiiy muhitni asrab avaylash, xo`jalik yuritishning hamma shakllarini teng huquqlari asosida rivojlantirish uchun sharoitlar yaratish maqsadida respublikada yer munosabatlari O`zbekiston Respublikasining Yer kodeksi 1998 yilning 30 aprelidan kiritilganligi bilan tartibga solinadi. Qishloq xo`jaligida foydalanilgan yerlar deb, qishloq xo`jalik ehtiyojlari uchun berib qo`yilgan va shu maqsadlarga mo`ljallangan barcha yerlarga aytiladi. Bunday yerlar jumlasiga haydaladigan yerlar, ko`p yillik daraxtzorlar, qo`riqlar, pichanzorlar va yaylovlar kirsa, qishloq xo`jaligiga yaroqsiz yerlarga- o`rmonlar, butazorlar, botqoqlar, qum bosgan va boshqa noqulay yerlar kiradi.Haydaladigan yerlar barcha qishloq xo`jaligiga yaroqli yerlarning taxminan 15 %ini tashkil etadi. O`zbekistonda ekinlarning ko`pchiligi sug`oriladigan va shartli sug`oriladigan yerlarda yetishtiriladi. Shu munosabat bilan sug`oriladigan yerlarning har gektari juda katta ahamiyatga ega. Sug`oriladigan yerlardan to`g`ri foydalanish, ularning samaradorligini oshirib borish, qishloq xo`jalik tasarrufidan chiqib ketishiga yo`l qo`ymaslik Respublika qishloq xo`jaligini intensivlashtirishning asosiy shartidir. Qishloq xo`jaligida melioratsiya, mexanizatsiya va elektrlashtirish ishlari kengayib, umuman ishlab chiqarish kuchlari rivojlanib borgan sari yangi yerlarni qishloq xo`jalik tasarrufiga kirib borishi, bu yerlarning asosiy qismi bo`lmish haydaladigan yerlar salmog`ini oshirib borishiga imkon beradi. Yer fondining qimmatli qismi-sug`oriladigan yerlardir. Har bir gektar sug`oriladigan yer undan to`g`ri foydalanib borilganida beradigan mahsuloti jihatidan 6-7 gektar lalmi shudgorga, 50 gektar baland tog` yaylovlariga va 1000 gektar cho`l yaylovlariga to`g`ri keladi. Shu munosabat bilan sug`oriladigan yerlarning qishloq xo`jalik tasarrufidan chiqib qolishiga yo`l qo`ymaslik nihoyatda muhim. O`zbekistonda tabiiy va iqtisodiy omillarga ko`ra qishloq xo`jaligi obikor dehqonchilik, adir-tog` va cho`l-yaylov mintaqalariga bo`linadi. Obikor dehqonchilik mintaqasi respublika hududining 10 % qismiga yaqinini tashkil qilgani holda, yalpi qishloq xo`jalik mahsulotining 85 % ini yetkazib bermoqda.

www.arxiv.UZ Obikor dehqonchilik o`z navbatida ixtisoslashishi va qishloq xo`jalik majmualariga ko`ra to`rtta kichik mintaqaga bo`linadi: 1. Paxtachilik kichik mintaqasi-Farg`ona, Zarafshon vodiylari, Chirchiq-Ohangaron, Qashqadaryo, Surxondaryo vodiylarining sug`oriladigan yerlari hamda Mirzacho`l rayonining obikor yerlari va Amudaryo qayirining yuqori qismi. 2. Paxtachilik-g`allachilik kichik mintaqasi- Surxondaryo, Qashqadaryo va Samarqand viloyatlarining tog`, tog` oldi yerlari. Shahrisabz, Sariosiyo, Pastdarg`om rayonlari va boshqalar. 3. Sholikorlik-chorvachilik kichik mintaqasi. Amudaryo qayirining quyi qismi. 4. Shahar atrofi kichik mintaqasi-yirik shaharlar atrofidagi yerlar. Bu kichik mintaqa sabzavotchilik, sutchilik va bog`dorchilik, uzumchilikka ixtisoslashgan. Adir-tog` mintaqasi respublika hududining 1/5 qismidan ortiqrog`ini ishg`ol qilib, bahorikor g`allachilik, mevachilik va chorvachilikka ixtisoslashgan. Bu mintaqa respublika yalpi qishloq xo`jalik mahsulotlarining 7,5 foiziga yaqinini yetkazib bermoqda. Fan-texnika va ilg`or tajribadan foydalanish yo`li bilan adir- tog` mintaqasining mahsuldorligini 3-3,5 barobar oshirish mumkin. Cho`l-yaylov mintaqasi respublika hududining 3/5 qismini ishg`ol qilib, chorvachilikka asosan qorako`lchilikka ixtisoslashgan. Qishloq xo`jaligini intensiv yurgizish, birinchidan har bir gektar yerdan ko`proq miqdorda mahsulot olish, ikkinchidan, mexanizatsiyalash va ximiyalashtirish asosida mehnat unumdorligini oshirish, mahsulot tannarxini kamaytirish demakdir. Yerdan samarali foydalanishning muhim sharti ratsional dehqonchilik tizimini joriy etishdir. Dehqonchilik tizimi deganda, yerdan foydalanish usullarining tuproq unumdorligini oshirish va eng kam mehnat va mablag` sarflagan holda yer suv birligidan olinadigan mahsulotni ko`paytirishni ta`minlovchi majmua tushuniladi

www.arxiv.UZ “Melioratsiya” lotincha so`z bo`lib, “yaxshilash” degan ma`noni bildiradi. Ilmiy nuqtai nazardan bu tushunchaning mohiyati keng qamrovlidir, u tuproq sharoitini yaxshilashga oid barcha tadbirlarni o`z ichiga oladi, ya`ni kompleks xarakterga ega. Amalda melioratsiya haqida so`z borar ekan, avvalo qurg`oqchil rayonlarda sug`orish, zax va botqoqliklarni quritish, yerlarni sho`rdan tozalash, tuproqning suv va tuz rejimini tartibga solish tushuniladi. O`tkaziladigan bu meliorativ tadbirlar nisbatan qisqa vaqt davomida sezilarli natija beradi, ya`ni kechagi botqoqlik yoki hayotsiz cho`l, qumoq o`rnida yashnagan voha vujudga keladi. Qurg`oqchil O`rta Osiyo, jumladan, O`zbekiston sharoitida sug`orish, ya`ni irrigatsion ishlar-daryolarga to`g`on, platinalar qurish, kanal va ariqlar o`tkazish, suv omborlari bunyod etish nihoyatda katta iqtisodiy va ijtimoiy ahamiyat kasb etdi. Demak, sug`orish bilan birga yerning zaxini qochirish, sho`rini yuvish, yaxshilab tekislash, to`g`ri almashlab ekishni joriy etish, tuproq unumini ta`minlaydigan boshqa tadbirlarni amalga oshirish jamiyat taraqqiyotining va xalq ommasi turmush darajasini ko`tarishning muhim sharti bo`lgan. Ana shu o`tkaziladigan barcha tadbirlar kompleksi melioratsiyani o`z ichiga oladi. Ayniqsa, respublikamiz sharoitida irrigatsiya va melioratsiya terminlari alohida- alohida talqin etiladi: sug`orishga oid tadbirlar irrigatsiya bilan bog`lansa, yerning meliorativ holatini yaxshilashga oid tadbirlar melioratsiyaga tegishli deb belgilanadi. Mamlakatimizda qishloq xo;jaligini rivojlantirish ishida ko`p yillardan buyon melioratsiyaning xalq usullari xizmat qilmoqda. Bu usullarni o`rganish va umumlashtirish ilmiy, hamda amaliy ahamiyatga molik. Xalqimiz melioratsiyaning agrotexnik usullariga alohida e`tibor bergan. Ayniqsa, ekinlarni to`g`ri almashlab ekish katta ahamiyat kasb etadi. Bu usul yerlarning tabiiy unumdorligini qayta tiklash va tuproq strukturasini yaxshilashda hamda o`simlik kasalliklariga qarshi kurashda muhim rol o`ynaydi.

www.arxiv.UZ Adabiyotlar 1. I.A.Karimov “O`zbekiston XXI asrga intilmoqda” T., “O`zbekiston” 1999 y 2. I.A.Karimov “O`zbekiston XXI asr bo`sag`asida: xavfsizlikka tahdid, barqarorlik shartlari va taraqqiyot kafolatlari” –T., “O`zbekiston” 1997 y. 3. G.R.Asanov., M.Nabixonov., I.Safarov “O`zbekistonning iqtisodiy va ijtimoiy jo`g`rofiyasi” T 1994 y. 4. E.Nabiyev., A.Qayumov “O`zbekistonning iqtisodiy salohiyati” T 2000 y. 5. A.S.Soliyev., L.Qarshiboyeva “Iqtisodiy geografiyaning nazariy va amaliy masalalari” –T 1999 y. 6. A.S.Soliyev va boshqalar “Mintaqaviy iqtisodiyot” T., 2003 y. 7. N.To`qliyev “O`zbekiston Respublikasi iqtisodiyoti” –T 1998 y. 8. M.R.Pl о t к in. «Osnovi promishlennogo proizvodstva». M. Izd. «Visshaya shkola»-1977.

O'xshashlar

Agrosanoat integratsiyasining asosiy ishlab chiqarish bosqichlari va ularni rivojlantirish masalalari

Yer resurslari va undan qishloq xojaligida foydalanish

Respublika iqtisodiy islohatlarning ikkinchi bosqichida qishloq xo'jaligi ishlab chiqarishini rivojlantorishning asosiy tamoyillari

Qashqadaryo viloyatning nomoddiy ishlab chiqarish tarmoqlari

Dunyo qishloq xo’jaligi