Ижтимоий фалсафа тарихи - Falsafa - Referatlar

Ижтимоий фалсафа тарихи

Yuklangan vaqt:

19.09.2022

Ko'chirishlar soni:

0

Hajmi:

62 KB

Ko'chirib olish

Ижтимоий фалсафа тарихи Режа: 1. Қадимги Шарқда шаклланган ижтимоий – фалсафий қарашлар. 2. Қадимги Юнон фалсафасида жамият инсон ҳақидаги ижтимоий фалсафий қарашлар. 3. Ўрта асрлар Марказий Осиё мутафаккирларининг ижтимоий- фалсафий қарашлари. 4. Ғарб Ўрта асрлар ва янги давр ижтимоий фалсафаси. 5. Мустақил Ўзбекистон шароитида ижтимоий фалсафий дунёқараш

Ижтимоий фалсафа жамият ҳақидаги фалсафасий билимларни ўзида мужассамлантиради. Фалсафа фанининг шаклланиши ва тараққиёт тарихи Айни вақтда ижтимоий фалсафага ҳам бевосита даҳлдор, зотан фалсафий билимлар энг қадимий даврлардан бошлаб инсон ва унинг оламга муносабати муаммосини ўз ичига олади. Фалсафа тарихи Айни вақтда ижтимоий фалсафа тарихи ҳамдир. Ижтимоий фалсафанинг тарихи олимларни фикрича 3 босқични ўз ичига қамраб олади. 1 1. Ижтимоий фалсафанинг шаклланиши ва тараққиёти. Бу XIX асргача бўлган даврни ўз ичига олади. 2. XIX аср ижтимоий фалсафанинг махсус йўналиши сифатида ажралиб чиқиши. 3. XX асрда ижтимоий фалсафанинг тараққиёти. Ижтимоий-фалсафий билимларнинг шаклланиши ва тараққиёти антик давр фалсафасидан тортиб то XIX асрга қадар бўлган даврни ўз ичига олади. Бу даврда илгари сурилган фалсафий қарашлар нафақат олам, табиатни Айни вақтда жамият ва инсон ҳақидаги, инсоннинг жамиятга муносабати ҳақидаги, инсоннинг жамиятга муносабати ҳақидаги билимларни ҳам ўз ичига қамраб олган эди. Шундан келиб чиққан ҳолда ижтимоий-фалсафий билимлар энг қадимий даврлардан бошлаб шаклланган, деган хулосага келиш ўринли. Ижтимоий-фалсафий билимлар қадимги Шарқ мамлакатлари – Хитой, Хиндистон, Марказий Осиёда шаклланган. Эрамиздан аввалги V - VI асрлардан бошлаб қадимий юнонистон фалсафасида жамият, инсон муаммолари таҳлил қилинган. Айнан қадимги Юнонистонда ижтимоий фалсафий билимларга асос солинган. Юнон файласуфлари Платон (э.а. 427-347 йиллар) ва Аристотель (э.а. 384-322 йиллар) нинг жамият, инсон, унинг жамиятга муносабати ҳақидаги ижтимоий-фалсафий қарашлари узоқ вақт мобайнида жамиятни илмий англаш йўлларини кўрсатиб берган. 1 В.С.Барулин. Социальная философия. Учебник для вузоа.-Москва, «ФАИР – ПРЕСС, 1999 й, 4-22 бетлар.

Аристотельнинг фалсафий қарашларида жамиятга тааллуқли бир қатор муаммолар кўтарилган. Булар: жамиятнинг келиб чиқиши, меҳнат тақсимоти, қуллик, табақаланишнинг келиб чиқиши, таълим-тарбия, иқтисодий, сиёсий ҳаёт масалалари ва ҳоказолар. Айни вақтда Аристотель қарашларида жамиятни фалсафий англашнинг 2 асосий томони ўз аксини топган. Бу, биринчидан, Аристотельнинг ахлоқий таълимоти ва иккинчидан, давлат тўғрисидаги таълимоти. Аристотель жамиятни давлат билан узвий бирликда олиб қарайди. Аристотельнинг фикрича, жамиятни давлатдан ажратиб бўлмайди, инсон сиёсий мавжудод бўлиб туғилади. Аристотель 158 қадимги Юнон шаҳар давлатлари тарихини тиклашга муввоффиқ бўлган. Жамият ҳақидаги илк фалсафий қарашлар қадимдан бошлаб Марказий Осиё минтақасида шаклланган. Марказий Осиёдаги ижтимоий-фалсафий билимларнинг шаклланиши узоқ тарихга эга. У дастлаб бой маънавий меъросимиз – халқ оғзаки ижодида, сўнг эса қадимий ёзма маданий ёдгорликларда ўз ифодасини топган. Бу маданий ёдгорликларда; а) қадимги битиклар; «Авесто». Буюк алломаларимиз қолдирган манбалар киради. Жамият ва инсонни фалсафий англаш муаммоларни Марказий Осиёлик буюк мутафаккирларни Абу Наср Фаробий, Абу Райҳон Беруний, Абу Али Ибн Сино, Алишер Навоий йирик олим, шоир Юсуф Хос Ҳожиб, Аҳмад Югнакий асарларида кўтарилган. XIX асрга қадар фалсафий қарашларда ижтимоий фалсафага доир икки муаммо ўз ечимини топган. 1. Жамиятни, унинг фалсафий таҳлил этиш. 2. Жамият тарихини фалсафий англаш. Инглиз файласуфи Томас Гоббс (1588-1679), француз мутафаккири Жан Жак Руссо (1712-1778), Сен Симон (1760-1826), инглиз олимлари Адам Смит ва Давид Риккардо жамият, унинг таркиби ҳақидаги илмий билимларни илгари сурдилар. Масалан, Жан Жак Руссо «Одамлар ўртасидаги тенгсизликнинг келиб чиқиши ва унинг сабаблари ҳақидаги мулоҳазалар»

асарида мулкий тенгсизлик, жамиятнинг бой ва қашшоқларга бўлиниши ижтимоий тенгсизликнинг биринчи босқичидир. Иккинчи босқич давлатнинг пайдо бўлиши билан боғлиқ. Учинчи босқичда ҳокимият зулм ва адолатсизлик ҳокимиятига айланади деб таҳлил этиш асосида идеал жамият ғоясининг илгари суради 1 . Жамият тарихини фалсафий англаш ижтимоий фалсафада энг қадимий даврлардан бошлаб юзага келган ҳисобланади. Бу тарих фалсафаси, деб юритилади. Қадимий юнон олимлари Герадот (эр.ав. 485-425 йиллар атрофида), Фукидид (эр.ав.460-480 й.), Демокрит, Платон, Аристотель асарларида жамиятлар тарихи ҳақидаги фалсафий фикрлар илгари сурилган. Тарих фалсафаси муаммолари Августин Аврелий (354-430 йиллар), Фома Аквинский (1225-1274) асарларида ифодаланган. Олимлар Вольтер (1694-1778 йиллар), Джамбаттита Вико (1668-1744), Иоганн Готтлиб Фихте (1762-1814), Иоганн Готфрид Гердер (1744-1803) асарлари тарихни фалсафий англашга қаратилган. Француз файласуфи Вольтер ўзининг бутун умрини жамият манфаатларидан йироқ монархия ҳокимиятига қарши курашга бағишлади ва жамиятни ақл-заковат асосида ўзгартириш мумкинлигига ишонди. Немис олими, маърифатпарвари Гердор «Инсонни тарихи фалсафасига доир ғоялар» асарида Германияда XVIII аср охиригача ҳукм сурган тарихни теологик тушунишга қарши курашди. Ижтимоий фалсафа таракқиётининг иккинчи босқичи XIX асрда илгари сурилган фалсафий ғояларни ўз ичига олади. Бу босқичнинг фалсафий ғояларни ўз ичига олади. Бу босқичнинг ўзига хос томони шуки, жамият ҳақидаги узоқ тарих давомида тўпланган фалсафий билимлар ижтимоий фалсафанинг фан сифатида фалсафа бағридан ажралиб чиқишга, мустақил илм соҳасига айланишига сабабчи бўлади. Шу даврдан ижтимоий фалсафанинг предмети, муаммолари доирасини ишлаб чиқиш бошланди. 1 Жаҳон фалсафаси тарихидан лавҳалар. I қисм. Т., 2004 йил 264-бет.

Ижтимоий фалсафанинг мустақил илм соҳасига айланишида олимлар Гегель, Маркс, Кант, Спенсерларнинг ўрни катта бўлди. Гегель Вилгельм Феридрих (1770-1831 йиллар) немис классик фалсафасининг йирик намоёндаси Гегель ўзининг «Рух фономенлогияси» «Тарих фалсафаси» асарларида жамиятни фалсафий англашнинг яхлит тизимини ишлаб чиқди. У жамият тарихининг тарихий жараёнларнинг моҳияти, умуман жамият, унинг таркибий тизимини, фуқаролик жамият, давлатни бошқариш усули, ахлоқ, оила ҳақидаги чуқур таҳлилга асосланган фалсафий билимларни ишлаб чиқди. Гегель ижтимоий фалсафани фан даражасига олиб чиқди. Ижтимоий фалсафанинг шаклланиши ва тараққиёти К.Маркс номи Блан бевосита боғлиқ. У жамиятга материалистик ёндашиш асосида ўзига хо таълимоти жамият фалсафаси – тарихий материализм таълимотини ишлаб чиқди. У жамиятни мураккаб таркибий тизимига эга ижтимоий организм сифатида таърифлади. Унинг фикрича жамият тараққиёти – табиий – тарихий жараён бўлиб ҳисобланади. Жамиятнинг иқтисодий, ижтимоий фалсафий таҳлили асосида жамият тараққиётининг объектив, қонуний характерга эга эканлигини асослаб берд ива шу асосда жамиятлар тараққиёти ижтимоий- иқтисодий формацияларнинг тараққиёти ва алмашинуви тарихидан иборат, деган хулосага келди ва идеал жамиятни камунизм ғоясида ифодалади. Маълумки, олимлар, файласуфларни азал-азалдан Тенглик, Адолат, Эрк, Озодлик, Фаровонлик қарор топган идеал жамиятни орзу қилганлар ва бундай жамиятга эришишнинг йўллари ҳақидаги турли-туман қарашларни илгари сурганлар. Маркс ғояларида ҳам айнан шундай идеал жамият ҳақидаги фикрлар баён этилган. Лекин Маркс таълимотида ижтимоий жараёнларга синфийлик асосида ёндашув, синфий кураш, пролетариат диктатураси ва синфсиз жамиятга ўтиш ғояси унинг тарихий чекланганлиги, инсоният манфаатларига зид келишини кўрсатди. Бу нарса Марксизм таълимотининг қадрсизланишига олиб келди. Лекин булардан қатъий назар

марксизм таълимоти ижтимоий фалсафанинг муҳим муаммоларини кўтариб чиққанлиги билан характерланади. Ижтимоий фалсафанинг фан даражасига кўтарилишида Ғарб фалсафасининг йирик вакили, француз файласуфи Огнест Кант (1798-1857) ўзига хос ўрни бор. Унинг қарашларида жамиятнинг фалсафий таҳлили алоҳида ўрин тутади. Кант ўзининг «Пезитив фалсафа курси» (6 жилдли) китобида жамиятни мураккаб тузилишга эга тафаккур шакллари воситасида ривожланиб борувчи организм, деб ҳисоблайди. Унинг фикрича фан ва фалсафа жамият қонунларини билиб олиш керак. У жамият тараққиётини илм тараққиёти билан боғлайди ва жамият позитив илмлар асосида қайта қурилади, деб ҳисоблайди. Ижтимоий фалсафанинг муаммолари инглиз файласуфи ва социологи Герберт Спенсер (1820-1903) асарларида ўз ечимини топган. Спенсер «Ижтимоий статистика», «Социология асослари» китобларида жамиятга органик ёндашув ғоясини ишлаб чиқди. У жамият худди тирик фанизм каби фаолият кўрсатади, унинг ҳар бир элементи маълум функцияларни бажаради, деб ҳисоблайди. Ижтимоий тараққиётнинг асосий қонуни, Спенсер фикрича энг мослашувчан жамиятларнинг курашидир. 1 XX асрда ижтимоий фалсафа тараққиёти бир қатор йўналишларда ўз ифодасини топади. Аввало бу даврда ижтимоий фалсафа марксемум ғоялари ривожи кузатилади. Маркснинг қарашларини мафкуралаштириш каммунизм ғоялари ҳаётга тадбиқ этилди. Маркс таълимотидаги ижтимоий ходисаларга синфий ёндашув инсоният бошига катта кулфатлар келтиргани яқин ўтмсиш тарихимиздан маълум. XX асрда ижтимоий фалсафа билан биргаликда социология ривожлана бошлади; турли-туман таълимотлар илгари сурилди. Буларга Неопозитивизм, психологик социология, индустриал социология йўналишидаги қарашларни киритиш мумкин. 1 Қаранг. Қомусий луғат. – Т, «Шарқ», 2004 йил, 377-бет.

Шу ўринда ижтимоий фалсафа билан социология орасидаги умумийлик ва фарқни аниқлаш лозим бўлади. Ижтимоий фалсафа жамият, инсон, ижтимоий тараққиёт ва ижтимоий билишнинг энг умумий қонунлари тўғрисида баҳс юритадиган. Ижтимоий фалсафа социология учун умумназарий асос бўлиб хизмат қилади. Жамиятнинг моҳияти, ички тараққиёти қонуниятларини билмай туриб, аниқ жамият ва ундаги ижтимоий муносабатларни тўғри тушуниш мумкин эмас. Агар ижтимоий фалсафа жамият ҳақидаги назариялар, таълимотларни ифодаласа, социологияни аниқ жамият, ундаги ижтимоий алоқа ва муносабатлар қизиқтиради. Социология фанинингн асосчиси француз файласуфи ва социологи Эмил Дюркчейн (1858-1917) ҳисобланади. У жаҳонда биринчи социаология профессори, «Социология йилномаси» журналининг асосчиси. Социологиянинг фан сифатида шаклланиши ва ривожланиши инглиз олими Герберт Спенсер номи билан боғлиқ. У биринчи бўлиб, «Социологиянинг асосланиши» асарида социология фанининг предмети, муаммолари, вазифаларини аниқлаб берди. Унга кўра социологиянинг вазифаси жамиятнинг энг умумий эволюция қонунларини очишга хизмат қиладиган социал фактлар ва социал жараёнларни ўрганади. XX асрдаги ижтимоий-фалсафий билимларнинг шаклланиши ва тараққиётида немис олимлари О.Шпенглер (1890-1936) ва Карл Ясперс (1883-1969), француз файласуфлари Анри Бержоу (1859-1941) ва Карл Ясперс қарашлари мухим ўрни тутади. Освольд Шпенглер «Европанинг сўниши» асарида маданият ва цивилизацияни ўзаро бир-бирига қарама-қарши қўяди. XX асрдаги ижтимоий фалсафий қарашларда инсон муаммосига алоҳида эътибор қаратилган. Ижтимоий тараққиётда инсон ақлу-заковатининг ўрни, инсон қадрияти, инсонпарварлик, гуманизм ғоялари ижтимоий-фалсафий қарашларнинг асосий ташкил этади.

Ижтимоий тараққиётнинг ҳозирги босқичи жаҳон миқиёсида мустамлакачиликнинг яширилиши, жаҳон ҳаритасида янги, мустақил давлатларнинг пайдо бўлиши ижтимоий-фалсафий қарашларнинг фикрлар тараққиётига туртки бўлди. СССР нинг емирилиши, Ўзбекистоннинг ўз мустақиллигини қўлга киритиш ижтимоий тараққиётга янгича ёндашувни талаб қилади. Жамият, ижтимоий тараққиёт муаммоларига ўзига хос ёндашув Республика Президенти Ислом Каримов асарларида ўз ифодасини топган. Ислом Каримовнинг ҳозирги замон жамияти, жаҳон миқиёсида кечаётган ижтимоий жараёнлар, мустақилликни қўлга киритган Ўзбекистоннинг ўзига хос ижтимоий тараққиёт йўли, ижтимоий тараққиётнинг «ўзбекча модели» ҳақидаги қарашлари ижтимоий-фалсафий билимлар ривожланишида муҳим ўрин тутади.

Адабиётлар : 1. С.Э.Крапивенский. Социальная философия. – Москва, «В LADOS », 1998 йил, 17-38 бет. 2. В.С.Барулин «социальная философия», ФАИР-ПРЕСС, 1999 йил, 4-22 бетлар. 3. Жаҳон фалсафаси тарихидан лавҳалар. I қисм.- Т., 2004 йил. 4. Фалсафа. Ўқув қўлланма. – Т., «Шарқ», 1999 йил, 268-176 бетлар. 5. Ғарб фалсафаси. – Т., «Шарқ», 2004 йил, 565-574, 579-580, 632-635 бетлар.

O'xshashlar

Фалсафа тарихи. Фалсафанинг келиб чиқиши

Ижтимоий фалсафа тараккиётининг асосий даврлари

Ижтимоий фалсафа фанининг баҳс мавзуси ва вазифаси

Фалсафа – мафкура

Фалсафа фалсафаси