Ижтимоий фалсафа фанининг баҳс мавзуси ва вазифаси - Falsafa - Referatlar

Ижтимоий фалсафа фанининг баҳс мавзуси ва вазифаси

Yuklangan vaqt:

19.09.2022

Ko'chirishlar soni:

0

Hajmi:

59 KB

Ko'chirib olish

Ижтимоий фалсафа фанининг баҳс мавзуси ва вазифаси Режа: 1. Ижтимоий фалсафанинг предмети, ўрганиш объекти. 2.Фалсафа ва ижтимоий фалсафа. 3.Ижтимоий фалсафанинг асосий тушунчалари ва тамойиллари. 4.Ижтимоий фалсафанинг жамият ҳаётидаги урни ва функциялари

Фалсафа одам ва олам тараққиётининг энг умумий қонунлари, инсоннинг оламдаги ўрни тўғрисидаги фандир. Фалсафа «Олам нима?» «Олам қандай?» «Уни билиш мумкинми?» каби саволларга жавоб излаш жараёнида энг қадимий даврлардан бошлаб шаклланди. Фалсафий билимларнинг шаклланиши ва тараққиёти унинг таркибий қисмлари ҳисобланган онтология (борлиқ фалсафаси), гносеология (билиш назарияси), антропология (инсон тўғрисидаги таълимот) ҳамда методология (олмни билиш усуллари ҳақидаги) таълимотлардан ўз ифодасини топди. Олам, борлиқнинг энг мураккаб, ўзига хос кўриниши инсон ва жамият бўлиб ҳисобланади. Ижтимоий фалсафа инсон ва жамият ҳақидаги фалсафий билимлар тизими сифатида энг қадимий даврлардан бошлаб шаклланган билим соҳаси бўлиб ҳисобланади. Таъкидлаш жоизки, дастлабки фалсафа Фани доирасида инсоннинг барча билимлари мужассамланган. Фалсафа энг қадимда шаклланган фан бўлиб, кейинчалик унинг таркибидан бошқа фанлар, чунончи гуманитар ва табиий фанлар ажралиб чиққан. Фалсафа бошқа фанларнинг ажралиб чиқиши унинг аҳамиятини пасайтирмаган, балки оламни янада чуқур, янада атрофлича ўрганиш имконини берган. Олам ҳақидаги билимларнинг тобора ривожланиб бориши, фалсафа Фани доирасидаги билимлардан алоҳида фанларнинг ажралиб чиқиши ва тараққиётига олиб келган. Дастлабки фалсафа Фани таркибидан табиий ва ижтимоий фан соҳаларининг ажралиб чиқа бошлаган. Бу жараён узоқ давом этиб, дастлаб фалсафадан математика, геометирия, астрономия, кейинчалик геология, геодезия тиббиёт, механика, физика, химия, биология каби фанлар ажралиб чиққан. Кейинроқ фалсафа таркибидан гуманитар ва ижтимоий фанлар (XVIII-XIX асрларда) ажралиб чиқиш жараёни рўй берган. Оқибатда социология, этика, эстетика, мантиқ, сиёсатшунослик каби фанлар шаклланган.

Фалсафий билимларнинг такомиллашуви жамият, унинг моддий ва маънавий ҳаёти, ижтимоий муносабатлар сиёсий, ҳуқуқий, ахлоқий муаммоларнинг ҳал этилиши ҳақида кўплаб рисолаларнинг яратилишига сабабчи бўлган. Буларга Блатоннинг «Давлат», «Қонунлар», Аристотельнинг «Сиёсат», Фаробийнинг «Фозил шаҳар ахолиси», «Сиёсат илми», Абу Райҳон Берунийнинг «Қадимги халқлардан қолган ёдгорликлар», Мирзо Улуғбекнинг «Тўрт улус тарихи», Ал-Марғинонийнинг «Ал-Ҳидоя», Томас Гобснинг «Пражданин» тўғрисида, Гегельнинг «Тарих фалсафаси», «Ҳуқуқ фалсафаси» каби асралар, рисолаларини келтириш мумкин. Айнан ана шу рисолаларда жамият, инсон ҳақидаги фалсафий билимлар ўз ифодасини топган. Фалсафа ва ижтимоий фалсафа. Ижтимоий фалсафа жамият ҳақидаги фалсафий билимлар тизими сифатида фалсафа фанидан келиб чиққан. Агар фалсафа олам ва одам муносабатлари таҳлили билан шуғулланса, ижтимоий фалсафа жамият ва инсон муносабатларини тадқиқ этади. Агар фалсафа олам, унинг моҳияти, қонуниятлари тўғрисидаги фан бўлса, ижтимоий фалсафа оламнинг таркибий қисми бўлган жамият ҳақидаги фалсафий билимлар тизими ҳисобланади. Ижтимоий фалсафа фалсафа фани бағридан ўсиб чиққан. Уни фалсафий таълимотларнинг ўзига хос кўриниши сифатида таҳлил қилмоқ лозим. Ижтимоий фалсафа онтология, гносеология, методология, антропология таълимотлари билан бевосита боғлиқ, у шу таълимотларнинг жамиятга изчил татбиқ этилишининг натижаси ва маҳсули бўлиб ҳисобланади. Ижтимоий фалсафа борлиқ фалсафаси, антология таълимоти билан бевосита боғлиқ равишда шаклланган. Фалсафа борлиқни бир бутун яхлит олам сифатида олиб ўрганди. Ижтимоий фалсафа борлиқнинг ўзига хос кўриниши, ижтимоий борлиқ, унинг моҳияти, қонуниятларини акс эттириш. Ижтимоий фалсафа гносеология (билиш) билан бевосита боғлиқ. Фалсафа оламни билишга даҳлдор муаммолар билан шуғулланса, ижтимоий фалсафа инсон ўз онги билан жамиятан билишга қодирми? деган саволга

жавоб излайди. Фалсафий билимлар объектив оламнинг инсон онгида акс этиш масалалари билан шуғулланса, ижтимоий фалсафа ижтимоий ҳаётнинг инсон онгида акс этиш муаммоларини ўрганади ва Инсон онги жамиятга қандай муносабатда? Деган саволга жавоб излайди. Фалсафада оламни билиш йўллари, усуллари ишлаб чиқилган ва бу методология (усуллар ҳақидаги) таълимотида ўз ифодасини топади. Фалсафада оламни билиш усуллари методология таълимотида ўз ифодасини топган. Ижтимоий фалсафа инсон ва жамиятни ўрганиш методологияси ҳақида баҳс юритади. Кўриниб турибдики, фалсафа ва ижтимоий фалсафа узвий бирликда диалектик алоқадорликда бўлиб ҳисобланади. Ижтимоий фалсафа фалсафа фанининг таркибий қисми ҳисобланади. Ижтимоий фалсафа инсоният фалсафий маданиятининг таркибий қисми ҳисобланади. Ижтимоий фалсафа жамият, инсон, ижтимоий тараққиёт ва ижтимоий билишнинг моҳияти, қонуниятлари ҳамда тамойиллари ҳақидаги фандир. Ижтимоий фалсафа фан, илмий билимлар тараққиётида амал қиладиган дифференциация жараёнининг натижаси ҳисобланади. Илмий билимлар тараққиётида дифференция 2 хил тарзда кечган. Дастлабки даврларда одамларнинг билимлари фалсафа Фани доирасида жамланган кейинчалик унинг асосида бошқа фанлар шаклланган. Иккинчи йўналиш муайян фан доирасида билимларнинг чуқурлашуви шу фаннинг тармоқларини келтириб чиқарган. Фан доирасида янги билимларни ўзида мужассамлаштирган фаннинг янги соҳалари пайдо бўлган. Фалсафий билимларнинг ривожланиб, чуқурлашиб бориши оқибатида психология, формал мантиқ, этика, эстетика каби фанлар ажралиб чиққан. Айни вақтда фалсафанинг жамият, инсонга бевосита даҳлдор муаммолари ва бу муаммолар доирасида эришилган илмий билимлар ижтимоий фалсафанинг шаклланишига сабабчи бўлган. Ижтимоий фалсафа ўрганиш объекти – жамият. Ижтимоий фалсафа кишилик жамиятининг моҳияти, келиб чиқиши, таркиби ҳақида баҳс

юритади. Ижтимоий фалсафа жамият ҳақидаги энг умумий билимлар, тушунчалар мажмуи бўлиши билан бир қаторда ижтимоий ривожланиш йўлида келиб чиқадиган муаммоларни оқилона ҳал этиш, жамият истиқболини олдиндан кўриш имконини беради. Ижтимоий фалсафа жамиятга яхлит ва бир бутун тизим сифатида қарар экан, жамиятнинг айрим соҳаларини татқиқ этувчи фан вакиллари эътиборини ижтимоий организмнинг нормал ишлаши учун унинг ҳар бир аъзоси қандай рол ўйнашига эътибор қаратади. Ижтимоий фалсафа жамиятни кишиларнинг ўзига хос уюшувидан иборат ижтимоий организм, деб билади ва шу асосида жамиятнинг энг кичик субатами – инсон эканлигига диққатни қаратади. Кишилик жамияти ва инсоннинг келиб чиқиши, инсоннинг жамиятга муносабати, унинг жамиятдаги ўрни ижтимоий фалсафа татқиқ этадиган энг муҳим муаммоларидан биридир. Ижтимоий фалсафа жамият ва инсонни узлуксиз ўзгариб, ривожланиб борувчи тизим сифатида ўрганади ва ижтимоий тараққиётнинг мазмун-моҳияти, шакл ва кўринишлари, ижтимоий тараққиёт қонунлари тўғрисида баҳс юритади. Ижтимоий фалсафа доирасидаги энг муҳим муаммо – жамиятни билиш муаммосидир. Ижтимоий фалсафа жамиятда кечадиган ижтимоий воқеа ва жараёнларни илмий билишнинг методологик асосларни ишлаб чиқади. Шундай қилиб, ижтимоий фалсафа муаммолари деганда жамият, инсон, ижтимоий тараққиёт ва ижтимоий билиш муаммолари назарда тутилади. Ижтимоий фалсафа жамиятни ўз-ўзидан шаклланиши, узлуксиз тараққий этиб борувчи ижтимоий организм сифатида қарайди, яъни жамият ва инсонни динамикада – тараққиётда олиб ўрганади. Ҳар бир фан оламнинг Бирон-бир кўринишига даҳлдор қонуниятларни очишни ўз олдига мақсад қилиб қўяди. Ижтимоий фалсафа жамият ҳаёти ва тараққиёти ижтимоий қонунларнинг амал қилиш орқали содир бўлишини, деб ҳисоблайди ва шу асосида жамият тараққиётида амал қиладиган қонунларни ёритиб беришни ўз олдига мақсад қилиб қўяди.

Ҳар бир фаннинг мазмуни унинг таянч тушунчалари, терминларида ифодаланганидек ижтимоий фалсафанинг ўз тушунчалари - категориялари мавжуд. Ижтимоий фалсафанинг асоаий тушунчалари деганда «жамият», «инсон», «борлиқ», «ижтимоий онг», «ижтимоий муносабат», «ижтимоий ишлаб чиқариш», «ижтимоий жараён», «маданият», «маънавият», «қадрият», «объектив шарт-шароит», «цивилизация», «субъектив омиллар», «манфаат», «шахс», «оила, тадрижий ривожланиши», «иқтисодий ҳаёт», «ижтимоий- сиёсий ҳаёт» кабилар назарда тутилади. Ижтимоий фалсафа жамият ва инсон ҳақидаги фан сифатида жамият ҳаётида мухим ўрин тутади. Унинг бу ҳусусияти функцияларида намоён бўлади. 1. Ижтимоий фалсафа худди фалсафа каби инсон дунёқарашини шакллантиради. Албатта инсон дунёқарашини шакллантиришда барча билим соҳалари қатнащади. Лекин ижтимоий фалсафа жамият ва инсон ҳақидаги яхлит таълимот сифатида инсонга жамият ҳақидаги, инсоннинг жамиятдаги ўрни ҳақидаги билимларининг шаклланишига ёрдам беради, жамиятда рўй берадиган турли ижтимоий жараёнларга ўз онгли муносабатини шакллантиришга хизмат қилади. 2. Ижтимоий фалсафа жамият тизими ва ривожланишидаги умумийликнинг ечиш, ижтимоий ҳаёт сохаларининг ўрнини кўрсатиб бериш, инсон борлиғи ва моҳиятини ёритиш, инсоният тарихининг моҳиятини тушунтириб бериш билан бошқа хусусий ижтимоий фанлар учун ўзига хос методологик асос вазифасини бажаради. Ижтимоий фалсафанинг методологик функцияси деганда, ижтимоий фалсафанинг жамиятни тўғри англаш методлар ҳақидаги фан эканлиги назарда тутилади. Фалсафа тарихида оламни, шу жумладан жамият ва инсонни билишнинг 2 асосий методи шаклланган. Булар: диалектика ва метафизика. Ижтимоий ҳаётни ўрганишда диалектика ва ме6тафизика турлича ёндашади.

- агар диалектика ижтимоий ҳаёт ходисаларини ўрганишда, улар орасидаги энг умумий универсал алоқадорликларга эътибор беришни тақозо этса, метофизика алоқадорликларни фақат тасодиф сифатида ўрганади, ҳар бир ижтимоий жараён, ўзгариш фақат ўзига хос, такрорланмас, деб билади. - агар диалектика ижтимоий ҳаёт ва инсонни ўрганишда тараққиёт тамойилидан келиб чиқса, метофизика фақат миқдорий ўзгаришларинигина таън олади. - агар диалектика оламнинг барча кўринишлари каби жамият ва инсон оламнинг моҳиятида зиддиятлар амал қилади, зиддиятларнинг борлиги ва мутаносиблиги жамият ва инсон мавжудлигида намоён бўлади, айни вақтда зиддиятлар орасидаги муносабат тараққиётга олиб боради, деб билса, метафизика қарама-қаршиликлар ижтимоий жараёнларга хос эмас, деган қоидага асосланади. 3. Ижтимоий фалсафанинг инсонпарварлик функцияси. У комил инсонни шакллантиришга хизмат қилади. Энг қадимий даврлардан фалсафани инсон унинг моҳияти, қадр-қиммати қизиқтириб келган. Аслида фалсафа инсон ҳаётининг маънисини ўйлашдан бошланган. Ижтимоий фалсафа «Инсон ва олам» муаммосини ҳал қилишга ёрдам беради. И.Кант ўзини «Соф ақл танқиди» асрида фалсафий билимларнинг моҳияти 3 саволда ифода топган. Булар: - Мен нимани била оламан? - Мен нима қилишим керак? - Нимага умид қилишим, ишонишим керак? Инсоният барча даврларда уларга жавоб топишга интилган, деганда ҳақ эди. 4. Ижтимоий фалсафа ижтимоий жараёнларни илмий бошқаришда муҳим аҳамият касб этади. Бу йўлда ижтимоий тараққиёт қонунларидан келиб чиқиб, ижтимоий жараёнлар тенденцияси ва истиқболини, келажакни англаш, илмий башорат қилиш имконини беради. 5. Ижтимоий фалсафа инсонпарварлик функциясини бажаради. Унинг гуманистик функцияси инсоннинг тарбиялашга, унда инсоний, аҳлоқий

хислатларни жонлантиришга йўналтирилган. Инсонни шакллантириш ва ривожлантириш унда фалсафий фикрлаш маданиятини қарор топтириш назарда тутади. Ижтимоий фалсафа умуман фалсафий билимлар билан биргаликда барча ижтимоий-гуманитар фанларнинг методологик, дунёқарашлик асоси хисобланади. Ижтимоий фалсафа социология, тарих, антропология, психология, этнография, иқтисодий назария каби фанлар билан узвий бирлик ва алоқадорликда мавжуд бўлади. Ижтимоий фалсафа социология билан боғлиқ. Ижтимоий фалсафа жамиятнинг энг умумий муаммолари устида баҳс юришса, социология мазкур жамиятнинг конкрет муаммоларини тадқиқ эти шва ҳал этишга ёрдам бериш билан шуғулланади. Ижтимоий фалсафа тарихий онгни англашнинг методологик асоси ҳисобланади. Тарих муаммоларини ҳал қилиш чуқур фалсафий таҳлилга суянади.

Адабиётлар : 1. Фалсафа. Қадимий луғат. – Т., «Шарқ», 2004 йил, 154-152 бетлар. 2. Ж.Туленов Жамият фалсафаси. Олтинчи бўлим. – Т., 2001 йил. 3. Фалсафа. Ўқув қўлланма. Э.Юсуповнинг умумий таҳрири остида. – Т., «Шарқ», 1999 йил, 252-255 бетлар. 4. С.Э. Крапивенский. Социальная философия. Учебник дня вузов.- Москва, Гуманиторно-издательский центр «ВЛАДОС», 1998 йил, 3-17 бетлар. 5. В.С.Барулин «социальная философия» Учебник дня вузов.- Москва, ФАИР- ПРЕСС, 1999 йил, 4-8 бетлар.

O'xshashlar

Фалсафа мавзуси ва фалсафий билимлар моҳияти

Этика фанининг мавзуси ва вазифалари

Этика фанининг мавзуси ва вазифалари

Ижтимоий фалсафа тарихи

Фалсафа фанининг мавзуи, муаммолари ва вазифалари