Устун қолипларини ўрнатиш - Arxitektura - Referatlar

Устун қолипларини ўрнатиш

Yuklangan vaqt:

20.09.2019

Ko'chirishlar soni:

0

Hajmi:

472.6064453125 KB

Ko'chirib olish

Устун қолипларини ўрнатиш Режа: 1. Устун қолипларини ўрнатиш 2. Қобирғали плиталар қолипини ўрнатиш 3. Қолипга бетон қоришмасини ёпишишини камайтириш тадбирлари

Устун қолипларини ўрнатиш Устун қолипларини металл ёки ёғоч шитлардан йиғилади. Металл шитлар биринчи навбатда уголниклар ёрдамида Г шаклида блок қилиб йиғиб олинади, сўнг уларни пружинали чангак билан бирлаштириб устун қолипи ясалади. Уларни ўрнатишдан олдин бетон юзага ўқ чизиқлар ва ўрнаш ўринлари бўёқ ёрдамида икки координат белгилаб олинади. Худди шундай чизиқлар ўрнатиладиган қолип таянч қисми ёнларига хам тушириб олинади. Ўрнатилган қолипни горизонтал ва вертикал бўйича ўрнаш холати аниқлаб олингач вертикаллигини расчалка ёрдамида тортиб таъминланади. Агар устун баландлиги 3 метрдан ортиқ ёки зич арматураланган бўлса устки ярус қолипида махсус дарча қолдирилади. Расм 6.22. Поғона кесимли лентасимон пойдевор блокни ўрнатиш схемаси. 1,4- остки ва устки сатхлар шити; 2- кўндаланг тўсиқ; 3,5- остки ва устки белбоғлар ушлагичи; 6- поғонали сиқувчи бирлаштиргич; 7- винтли домкратли инвентар подкос; 8- остки шит; 9- остки пояс ушлагичи. Ёғочдан тайёрланган қолиплар мехнат сарфи металл қолиплардаги анча кўп лекин у арзон тушади. Иш хажмини кам, яъни атиги бир неча устун қўйиладиган бўлса у самрали, чунки ёғоч қолипларни қайта қўлланиш имконияти металл қолпга қараганда анча паст. Ёғоч қолиплар хам худди металл қолиплардек икки жуфт қолип ўзаро хамутлар (металл ёки ёғоч) билан бирлаштириб ўрнатилади. Устун қолипи шитларидан бирини энг паст қисмига турли чиқинди ва тўпланган ахлатларни олиб ташлаш учун махсус дарча қўйилади. Ўрнаган қолипни вертикаллиги шовун ёки теодолит ёрдамида текширилади. Устун баландлиг 3 м дан ортиқ бўлса 1,5-1,6 м сатхда дарча қолдрилади. Унинг вазифаси у орқали бетон узатиш ва зичлашдлир.

Девор қолипларини ўрнатишда асосан йирик шитли инвентар қолиплар ишлатилиб, улар деворни бутун эни бўйича ўрнатилади. Шитлар ўзаро бирлаштирувчи чангак ва қисқич ёрдамида бирлаштирилади. Шитнинг остки қисмига тўғирловчи домкрат ўрнатилиб, шитни вертикаллиги инвентар тиргак ёрдамида амалга оширилади. Деворга бетон қуйишда ишчиларни туриб ўрнаши учун қолипдан маълум кронштейн чиқарилиб, устига тўшама ва тўсгич ўрнатилади. Девор баландлиги 3,6 м дан отиқ бўлса қолипни бир неча ярус қилиб ўрнатилади. Бетон қуйиш давомида кейинги ярус қолиплари ўрнатилиб, улар пастки ярусга таяниши мумкин. Қолипни ечиб олишда анкер қотиргичлар ечилади, расчанка ечилади домкратни 5-8 оборот айлантирилиб, шит кран илгагига строп ёрдамида илиб олиниб тахлаш жойига узатиб берилади. Ёпма қолипларни ўрнатиш. Ёпма конструкциялари турлича бўлганлиги сабабли уларни ўрнатиш ва ечиб олиш усуллари турлича. Юк кўтарувчи деворга таянувчи текис ёпма қолипи ни ўрнатишда юк кўтарувчи девор орасидаги оралиқ 6 метргача тўла қолип сифатида инвентар шитли ва телескопик ригелли комплект жиъоз ишлатилади. Бундай қолипларни тайёрлаш ригел таянч юзаларини тайёрлашдан бошланади. Ригеллар қадами 300, 400 , 450, 600 ва 900 мм ни ташкил этиши мумкин. Ригеллар харакатланувчи сўри ёки майдончали ўрнатма шотида туриб амалга оширилиши мумкин. Ригел қолипи сифатида тахта ўрнига ёғоч пайрахали плита, сувга чидамли фанера ёки бошқа ашё ишлатилиши мумкин. Ўрнатиб олинган ригел устига ёпма ости шитлари ўрнатиб чиқилади. Ундай шитлар ичига бир қават сувга чидамли фанера ёзиш ёки қолип шити устига синтетик қоплама (юпқа пленка) қоплаб чиқиш мақсадга мувофиқдир. Ёпма плита қолипи телескопик устунга ўрнаб, улар сони хар 1 м 2 да майдонга ўртача бир дона бўлиши мақсадга мувофиқдир. Юқоридаги ишларни амалга оширишда кетма-кетликка қатъий риоя қилиниши зарур, чунки хар бир қатор ёпма қолипини ёки ригел қолипини тушиб кетишини, унинг натижасида бахтсиз ходиса рўй беришига олиб келади.

Қобирғали плиталар қолипини ўрнатиш Бунда телескопик устун устига блокли струбциналар ўрнатилади. Унинг устига плита қобирғаси ости ва ён тарафлари қолиплари ўрнатилади. Ён томон шитлари силжувчи струбцинага таянади. Струбцинага эса тортувчи домкратга эга улар ёрдамида вертикал шитлар зич ёпишади. Ригелни ечишда силжувчи струбцина аста бўшатилади, телескопик устун 2-3 см га туширилади ва ригел ён томон шитлари аста бўшатилади. Навбат эса ригел ости телескопик устуни аста бўшатилиб, ундан сўнг ёпма шити ечилади. Охирги навбатда ригел асоси шити ечиб олинади. Ечилмайдиган қолипларни ўрнатиш текис ёки қобирғали темирбетон, армоцемент плита, пўлат ки асбестоцемент лист, асбестоцемент қувурдан амалга оширилиб улар қуйилаётган тузилмани ажралмас қисми бўлиб қолади. Катта хажмдаги ва қалинлиги 0,5 м дан ортиқ бўлган конструкциялар учун текис ва қобирғали плиталар қўл келади. Темирбетон ечилмайдиган қолиплари бетоннинг В12  В15 синфлиларидан, шунингдек тузилма қуйиладиган цемент тамғалисидан тайёрлданган бўлиши зарур. Уларни ўрнатиш кран ёрдамида бажарилиб улар ўзаро закладнойлар орқали ёки чиқиб турган арматураларни ўзаро электр пайвандлашдан сўнг болт билан қотириш орқали йиғилади. Агар плитани илиш халқаси бўлиб қуйиладиган конструкция арматураси стерженли арматурадан бўлса улар ўзаро торгич симлари ёрдамида ўзаро тортиб қўйилади. Бетондан тушган куч таъсирини қабул қилиш учун плиталар ўзаро тортиш болтлари ва бетон вкладишга таяниб, етарли мустаъкамликни таъминлайди. Бундай плиталар темирбетон буюмлар заводида тайёрланиб ташиш ва сақлаш махсус контейнерларда амалга оширилади. Илиб кўтариш махсус илгич ёки плитада қолдирилган эшик орқали амалга оширилади. Ўрнатиш жойига қўйиш иш бажариш лойихасида кўрсатилган бўйича бажарилади.

Қолипга бетон қоришмасини ёпишишини камайтириш тадбирлари Бетон қоришмасини қолипга ёпишишига (адгезия) яъни бетонни қолипга ёпишиши, бетонни чўкиши юзани ғадир-будурлиги ва ғоваклиги сабаб бўлади. Ёпишиш кучи катта бўлган холларда ечиб олиш қийинлашади юза сифати бузилади. Қолип тузилмасини ишдан чиқиши тезлашади. Ёғоч ва металл юзаларга бетонни ёпишиши пластмассага қараганда анча кучли бўлади. Бу ашёнинг хоссасига боғлиқ, яъни кўп ишлатиладиган ашёлар: ёғоч, металл, фанера, айна пластик ашёлар кўп намланганлиги сабабли унга бетон қоришмаси кўп ёпишади. Кам намланадиган ашёлар: текстолит, гетинаксам, полипропиленомларга бетон ёпишиши анча кам. Қуйида қолипбоп материалларни илашиш кучи келтирилган: (Н) Алюминий аралашмаси 20,1 Листсимон пўлат 13,2 Ёғоч пайраха плита 8,4 Сосна 11,2 Листвиница 8,4 Полиэфирли листсимон пластик 7,4 Сувга чидамли фанера 5,3 Гетинакс 5,3 Тексолит 2,6 Полипропилен 2,4 Фторопласт 1,8 Шунинг учун сифатли, силлиқ юза олиш учун текстолит, полипропилен, генитекс ва сувга чидамли фанерани ишлатиш мақсадга мувофиқ. Ёпишиш олдини олиш учун юзага гидрофобловчи моддани сувдаги суспензиялари, комбинациялашган суркагич, бетонни қотишини секинлаштирувчи суркагич ишлатилиши мақсадга мувофиқдир. Уларни юзаларга суркаш натижасида силлиқ ва сифатли юза олинади. Юзаларга сепиладиган суркагич юза олинади. Юзаларга сепиладиган

суркагич ашёлар хаволи суюқлик сачратгичлар ёрдамида амалга оширилади. Агар улар қуюқ бўлса уларни валик ёки шетка ёрдамида суркалади. Қолиплаш ишларини бажаришда хавфсизлик техникаси Қолиплаш ишларини олиб бориш пайтида қолип устига иш бажариш лойихасида кўзда тутилган жиъозларни қўйиш, шунингдек қолиплаш ишлари олиб борилаётган жойда бегона шахслар туриши таъқиқланади. Қолипларни ечиб олиш ишлари бетон етарли мустахкамлик олгандан сўнг амалга оширилади. Йирик панелли қолиплар ўрнатилаётганда уларни кран илгичидан бўшатиш қачонки у панел вақтинча ёки домкрат қотирилгандан сўнг амалга оширилади. Агар қолип ўрнатиш ишлари бир неча ярусда олиб борилаётган бўлса, у холда иш олиб борилаётган жой пастдан ва юқорилдан химояланиши зарур. Қолип юзаларига ёғловчи моддаларни сачратгичлар ёрдамида сепилаётганда ишчи химоя кўзойнаги, қўлқоп, комбинзон ва этик билан химояланган бўлиши зарур. Қолипларга бетон қуйиш даврида навбатчи ишчи қўйилиб, у хар 1-2 соатда қолипни ва уни ушлаб турувчи элементларни текшириб туриши ва зарур холда уларни зўриқтириб, бузилиб кетиш олдини олишлари зарур. Арматура ва темирбетон буюмларни арматуралаш Арматура – бу думалоқ ёки профилли кесимли прокат усулида олинган стерженли ёки симли ёки улар асосида тайёрланган буюмлар тарзидаги чўзувчи (чўзиладиган буюмларни чўзилиш қисмида), сиқувчи (устун ёки вертикал юкларни қабул қилишда) кучларни қабул қилувчи бетон ичига ўрнатиладиган пўлат (ойна пластик) буюм. Фойдаланиш мақсадига кўра улар: ишчи арматура , улар темирбетондаги юк таъсиридан зўриқишни эътиборга олиб хисоблаш йўли билан ўрнатилади; юкни тарқатувчи арматура , яъни юкни арматура каркасидаги ишчи арматураларига тенг тақсимлаб берувчи; монтаж арматураси – каркасдаги ишчи арматураларни ўзаро бирлаштириб турувчи

турларига бўлинади (расм 6.23. а,б,в). Расм 6.23. Арматура буюмлари а - ясси пайвандланган каркас; б- фазовий пайвандланган каркас; в- тукилган каркас; 1 - остки ишчи арматура, 2- устки монтаж арматура; 3- кундаланг ишчи ва монтаж арматуралар; 4- бирлаштирувчи; 5- устки ишчи ва монтаж; 6- арматура охири илгаги, 7- кундаланг боғловчи (хамут); 8- эгилган ишчи арматура. Темирбетон тузилмалар корхона шароитида ишлаб чикарилган ясси, фазовий ва турли деталлардан ташкил топган бўлади (расм 6.24).

Расм 6.24. Арматура буюмлари ва деталлари. а- ясси тур; б, в – ясси каркас; г- хажмий каркас; д, е- тавр ва куш тавр кесимли хажмий каркас; ж – букилган тур; з- турни букиб хосил қилинган синч; и-урнатма деталлар. Хар хил буюмлар учун арматура элементларини УзРСТ 733-96 ва ГОСТ 2 586.1.83* нинг талабларига мос келадиган аниклик билан ўрнатилган технологик коида ва меъёрларга риоя қилган холда тайёрлаш лозим. Темирбетон буюмларини арматуралаш учун арматуранинг куйидаги турлари: стерженли, симли ва арконсимол урамали мавжуд. Кулланилиш шароитига караб зуриктирилмаган ва зуриктирилган арматураларга булинади. (6.7-жадвал). Юзалари тузилишига караб арматуралар куйидаги (расм 6.25) да келтириш турларига булинади. Расм 6.25. Арматура турлари а- силлик думалоқ; б, в- иссиқ холда юмшатилган даврий изли; А- II ва А- III синфли; г, д- совук холда ишлов берилган; е- арконсимон уралган. Стерженли арматуралар ишлаб чикарилгандан сунг кайта мустаъкамлаш талаб қилинмайдиган А- I , А- II , А- III , А- IV , А- V синфларга булинади. Ишлаб чикарилгандан сунг уларни иссиқлик ёрдамида мустахкамлигини ошириш имкони бўлган арматуралар синфига Ат- IV , Ат- V , Ат- VI ва Ат- VII ларга киради. Шунингдек мустахкамлашни чўзиш оркали

амалга оширилган арматураларга: А- II в ва А- III в синфлар киради. Совук холатда чўзиб тортилган арматураларга: оддий силлик В- I , яъни кам углеродли олдиндан зуриктириб булмайдиган; В- II – углеродли, олдиндан зуриктириладиган арматура, агар сим даврий изли булса «р» индекси куйилади, яъни Вр – II . Металл буюмлар заводлари арматура ярим фабрикатларни ясси ёки урама турлар тарзида хам тайёрлаб беради (расм 6.26). 1) 2) Расм 6.26. Арматура ярим фабрикатлари. 1- пайвандланган ясси тўр; 2- урама тўр. 6.7-жадвал Арматура пўлати Синф и Сортамент учун давлат стандарти Пўлат маркаси Пўлат учун давлат стан- дарти Хисоб диаметри мм. Зўриқтирилмаган арматура пўлати Иссиқ холатда юм-алатиб тайёрланган арматура А- I 5781-75 Ст-3 380-71* 6-40 Худди шундай даврий изли. А -II A-II Aс-II A-III 5781-75 5781-75 5781-75 5781-75 5781-75 5781-75 Ст-5 18Г2с 10Гт 25Г2с 35Гс 18Г2с 380-71* 5058-65* 4МТУ-1-89-67 50-58-65* 5058-65* 5058-72 10-40 40-80 10-32 6-40 6-40 6-9 Худди шундай чўзиб 5,5% га мустахкамлик орттирилган А- II в - Ст-5 380-71* 10-14 Силлиқ арматура сими В- I 6727-53* - 380-71* 3-8 Худди Вр -I ТУ -14 4-659- - 380-71* 3-5

шундай зўриқтирилга н арматура пўлати даврий изли 75 Даврий изли иссиқ усулда тортиб тайёрланган A-IV A-V 5781-75 5781-75 5781-75 20хГ2Ц 80С 23х2Г2Т 5058-65* 5058-65* 4МТУ-1-177- 67 10-22 10-18 10-22 Термик усулда мустахкамлан ган даврий излар Ат- IV Ат- V Ат- VI Ат- VII - - - - 20ГС2 20ГС 20ГС 20ГС 10884-71 10884-71 10884-71 10884-71 10-40 10-40 10-32 10-32 Чўзиб 3,5% гача мустахкамлан ган арматура A - III в - 25Г2С; 35ГС 5058-65* 6-40 Юқори мустахкам- ликдаги силлиқ арматура сими В- II 7348-63 - - 3-8 Худди шундай даврий изли Вр- II 8484-63 - - 3-8 Спиралсимон арматура арқони К-7 13840-68 - - 4,5-15 Худди шундай К-13 ТУ 14-4-22-77 - - 14 Ўрама арматура тўрларининг эни 1400 мм дан то 2650 мм гача булиб, арматура диаметри 3 мм дан то 5,5 мм гачани ташкил этади. Ясси арматура турлари эса диаметри 8,9 ва 10 мм бўлган даврий изли арматурани буйлама ва энига каратиб пайвандланиб, уларни эни 1500 мм дан то 2650 мм гача, узунлиги 9 метргача бўлади. Армо-цемент буюмлар тайрлашда эса тўр учун ишлатиладиган сим диаметри 0,7 мм дан то 1,6 мм гача ишлатилади. А- I

снфли силлик арматуралар диаметри 6 мм дан то 30 мм гача булиб, улар кундаланг ёки монтаж арматуралар учун ишлатилади. Ишчи зуриктирилмаган арматураларда асосан А- II ва А- III синфли даврий изли арматуралардан ишлатилади, улардан А- III арматура узини механик мустаъкамлиги билан ажралиб туради. Диаметри 3 мм дан то 8 мм гача бўлган пўлат симлар асосан енгил пайвандланган синч ва турлар ишлаб чикаришда ишлатилади. Зуриктириладиган арматура сифатида юкори синфли пўлатдан тайрланган арматуралар ишлатилади. Пўлат арматуралар махсус дастгохларда тортиш (бунда пластик деформация йуколиб, арматура таркибида узгариш кузатилади), маълум тишлар орасидан утказиш натижасида эса уйиклар хосил булиб, арматуранинг устиворлиги ортади. Арматуралар массаси 5 тоннагача бўлган бойлам тарзда, диаметри 8 мм гача бўлган арматура сими эса массаси 80-100 кг ли урам тарзида олиб келинади. Пўлат арматураларга ишлатишдан олдин куйидаги талаблар куйилади: - ишлатиладиган арматура пўлат юзаси тоза булиши зарур, шунинг учун уни ташилаётганда, сакланаётганда юзасини тоза ва намланмаслик чорасини куриб қуйиш зарур; - агар юза лой, ифлосланган, бўялган ёки мойланган булса, уни ишлатишдан олдин механик усулда тозаланиши зарур; - юкори мустахкамликка эга бўлган диаметри 5 мм гача бўлган арматура симлари диаметри 2 метрдан кам булмаган урам тарзида, арматура диаметри 5 мм дан ортиқ бўлган арматуралар эса диаметри 2,5 метрдан кам булмаган урам тарзида келтирилиши зарур. Арматура пўлатларини қабул қилиб олишда хар бир урам ёки бойламда махсус биркаси борлиги текширилиб, сертификат билан қабул қилинади. Сертификатсиз олиб келинган арматура пўлатлари назорат синовидан ўтказилади. Улар куйидаги холларда амалга оширилади: - зуриктирилган арматураларни қабул қилиб олишда;

- пўлат сертификатсиз келганда; - агар пўлат синфи сертификатдаги курсатилгандагига шубха туғилса. Назорат синови ўтказилиши зарур бўлган арматуралар диаметри ва юза кўриниши бўйича алохида партиялари бўлиниб, тортилади: катта диаметрли арматура учун 60 т, арматура симлари учун 5 т, арқонсимон арматуралар учун эса томонлар келишуви асосида массалари белгиланади. Бунда камида 5 та намунани алохида 5 та пўлат арматурадан қирқиб олинади. Синашда: катта диаметрдаги арматурани чўзилиши ГОСТ 12004-66, совуқ холда эгилиши ГОСТ –14019-68; арматура симини чўзилиши ГОСТ 12004-66, эгилиши эса ГОСТ 1579-63; ГОСТ 7348-63 ва ГОСТ 8480-63; арқонсимон пўлатларни чўзилиши эса ГОСТ 6874-71 бўйича амалга оширилади. Агар арматурани назорат синовидан ўтказилганда унинг сифати давлат стандарти ёки техник шароитга мос тушмаса текшириш аввалги олинган намуна хажмини икки баровар кўпайтириб қайта синовдан ўтказилади. Агар унда хам сифат қониқарли чиқмаса унда барча партия пўлатлар нуқсонли деб топилади. Бундай пўлатни ишлатишга рухсатни корхона ёки қурилишнинг техник рахбари бера олади. Ташиб олиб келинган арматураларни сақлашда уларни турлари ва тамғалари бўйича алохида омборхоналарда сақланади. Сақлашда шунга ахамият бериш керакки, улар зангламаслиги ва ифлосланмаслиги зарур. Ўрама арматура пўлатлари махсус ўринлари (расм 6.27) да келтирилган. Расм 6.27. Ўрама симларни сақлаш ўринлари. Ўрам арматураларни ташиш учун махсус вилкали тутгич ишлатилади (расм 6.28).

Расм. 6.28. Ўрама симлар ташиш учун вилкали тутгич. Арматураларни ер устига тахлаш таъқиқланади. Уларни бир неча маротаба иссиқ ва совуқ хонага қайта олиб кириш эса уни занглашига имкон яратади. Тайёр пайвандланган тўрлари тамғалар бўйича алохида ёпиқ хоналарда баландлиги 2 метргача бўлган тахланган холда сақланиши зарур.

Фойдаланилган адабиётлар: 1. 7473-94 Ўз. Дав. Ст. «Бетон қоришмаси», Тошкент, 1995. 2. 866-98 Ўз. Дав. Ст. «Темирбетон конструкциялар ва махсулотлар учун пайвандланма арматура тўрлари». Тошкент, 1999. 3. КМК. 1. 01.04-98 «Меъморий қурилиш атамалар». Тошкент, 1998. 4. С.С.Атаев и др. «Технология, механизация и автомотизация строителства». М. «Вусшая школа», 1990. 5. С.С.Атаев, Н.Н.Данилов, Б.В.Прқкин. «Технология строителного производства». М.Стройиздат, 1984. 6. А.А.Афанасев. «Бетонне работ». М. «Вусшая школа», 1991.

O'xshashlar

Қолип ишларини бажариш технологияси

Темирбетон буюмларни тайёрлашда қолиплар ва қолиплаш ишлари

Ечиб қайта ишлатиладиган қолиплар

Биноларни горизонтал кўчириладиган қолипларда барпо этиш

Биноларни вертикал кўчириладиган қолипларда барпо этиш