Mehmonxona binolari - Arxitektura - Referatlar

Mehmonxona binolari

Yuklangan vaqt:

05.05.2023

Ko'chirishlar soni:

0

Hajmi:

387 KB

Ko'chirib olish

Mehmonxona binolari Reja: 1. Mehmonxonalar klassifikatsiyasi 2. Mehmonxona binolarining funksional bloklari 3. Mehmonxona binolarining hajmiy-rejali yechimi 4. Mehmonxona binolarining konstruktiv yechimlari

Insoniyatning ilmiy-texnik taraqqiyot tomonidan belgilab berilgan bugungi hayot tarzining sur’ati ilm-fan, biznes, hordiq chiqarish va madaniyat kabi sohalardagi integratsion jarayonlar yanada kuchayishini taqozo etadi. Bu esa, o‘z navbatida, belgilangan maqsadlarga eng samarali ravishda yetishish uchun imkon qadar qulay yashash sharoitlari yaratilishini talab qiladi. Bugungi kunda bu funksiyani turli qulayliklar va sig‘imga ega, turli vazifalar uchun mo‘ljallangan mehmonxona komplekslari bajarmoqda. Xizmat ko‘rsatish darajasi yuqori bo‘lgan yangi mehmonxonalardagi reprezentativ va maishiy xonalar hajmining ortishi – ular tarkibining sifatiy o‘zgarishi – odatiy holat sifatida qabul qilinmoqda, natijada, aksariyat mehmonxonalar ko‘p funksiyali konglomeratlarga aylanib bormoqda. Bu kabi konglomerat tarkibiga kiruvchi umumfoydalanish uchun mo‘ljallangan turli xonalar kongress, majlis va shunga o‘xshash ommaviy tadbirlarni o‘tkazish uchun zarur bo‘lgan barcha sharoitlari yaratilgan to‘plam sifatida qabul qilingan. Ushbu to‘plam tarkibiga quyidagilar kiradi: konferens-zallar yoki universal turdagi zallar va ular atrofida shakllanuvchi umumiy foydalanish uchun mo‘ljallangan xonalar, shuningdek restoran va barlar, ko‘ngil ochar xarakterga ega xonalar, qo‘shib qurilgan va ochiq basseynlar, dam olish, ko‘ngil ochar, savdo, maishiy xizmat ko‘rsatish bilan shug‘ullanuvchi muassasalar uchun ko‘plab xonalar va, albatta, bugungi kun talablaridan kelib chiqqan holda, axborot sohasida xizmat ko‘rsatishga mo‘ljallangan alohida majmualar. Bu kabi konglomeratni o‘z ichiga olgan mehmonxonalarning namunasi sifatida “kongress-otel” yoki “konferensotel”, shuningdek ishbilarmon kishilar uchun mo‘ljallangan “biznes-otel” deb nomlanuvchi mehmonxonalarni keltirish mumkin. Ulardagi jamoat qismning o‘ziga xos xususiyatlaridan biri, bu majlislar, simpoziumlar va konferensiyalar o‘tkaziladigan zallar, aloqa bo‘limlari va bank, teletayp, teleks va kompyuter xonalari, shuningdek basseyn, sauna, kegelban kabi hordiq chiqarish va ko‘ngil ochar xonalarning mavjudligidir. Mamlakatimizdan mehmonxonalar fondi bir turda emas. Turli davrlarda qurilgan mehmonxonalar arxitekturasi, sig‘imi, qavatliligi, jihozlanishi va uskunalari, xonalar fondining tarkibi va sifati, xonalar to‘plami va maydoni bo‘yicha farqlanadi.

Mehmonxonalar klassifikatsiyasi Mehmonxona binolari bir nechta asosiy ko‘rsatkichlar bo‘yicha toifalandi: Sig‘imi bo‘yicha : - kam sig‘imli – o‘rinlar soni 100 tagacha; - o‘rtacha sig‘imli – o‘rinlar soni 100 dan 500 gacha; - katta sig‘imli – o‘rinlar soni 500 dan 2000 gacha. Qavatliligi bo‘ycha: - kam qavatli – 1-2 qavat; - o‘rtacha qavatli – 3-5 qavat; - yuqori qavatli – 6-9 qavat; - ko‘p qavatli – 10-40 qavat; - osmono‘par – 40 va undan ko‘p qavatli. Vazifasi bo‘yicha (mehmonxona binolari uchun asosiy tipologik belgi – ularning vazifasi): - umumiy; - konferens-otel, kongress-otel; - sayyohlar uchun mo‘ljallangan; - kurort; - kempinglar. Qulayliklar darajasi bo‘yicha: mehmonxonalarning Rossiyada qabul qilingan razryadlari xalqaro standartlar bo‘yicha yulduzlar soniga mos keladi: oliy A - *****; oliy B - ****; I - ***; II - **; III - *. Xalqaro amaliyotda mehmonxonalar qulaylik darajasiga bog‘liq ravishda bir nechta qurilish razryadlariga ajratiladi. Ularning soni turli mamlkatlarda 3 dan 7 gacha o‘zgarishi mumkin. Ispaniyada qulaylik darajasi yulduzchalar bilan belgilanadi; Gretsiyada – harflar bilan; Avstriyada – klasslar bilan; Polsha va Bolgariyada – toifalar bilan va hk. Bu kabi bo‘linishlar uchun asosiy mezon

sifatida nomerlar fondining sifatiy tarkibi xizmat qiladi: bir, ikki o‘rinli va sig‘imi ko‘proq bo‘lgan nomerlar – bir xonali, shuningdek ko‘p xonali lyuks nomerlar va apartamentlarning foizda ifodalangan o‘zaro nisbati. Nomerlar fondining sifati shuningdek apartamentlardagi nomerning pardozlanishi, mebellar bilan jihozlanishi va texnik uskunalanishi bilan ham tavsiflanadi . Ushbu daraja belgilanishining ikkita asosiy usuli mavjud bo‘lib, birinchisida statistik ko‘rsatkichlar, ya’ni vannaxonasi va sanitariya bo‘lmasi bo‘lgan nomerlarning aniq belgilangan nisbati, umumiy foydalanish uchun mo‘ljallangan xonalarning funksional tarkibi (basseyn, sauna va shu kabilarning bor yoki yo‘qligi) bo‘yicha belgilanadi; ikkinchisida – material bazaning sifatiga emas, balki dinamik omillarga, ya’ni servis xizmatining sifatiga qarab belgilanadi.

Nijniy Novgorod shahridagi “Oktabrskaya” mehmonxonasi. Arxitektorlar A.Xaritonov, V.Kovalenko, A.Gelfond, konstruktorlar N.Leporskaya, G.Kutuzov, 1987 1-qavat rejasi, Namunaviy qavat rejasi

1 xonadan iborat 1 kishilik nomer 2 xonadan iborat 2 kishilik nomer 3 xonadan iborat 2 kishilik nomer Mehmonxona nomerlarining rejalash variantlari (o‘lchamlar millimetrda berilgan)

Mehmonxona binolarining funksional bloklari Mehmonxonalarning barcha xonalari funksional vazifalariga bog‘liq holda 9 ta funksional guruhga bo‘linadi: - qabulxona-vestibyul guruhi; - turar-joy-yotoq xonalari (nomerlar) va ularga qo‘shilgan xonalar guruhi; - ovqatlanish xonalari guruhi; - savdo va maishiy xizmat ko‘rsatish guruhi; - turistik-sog‘lomlashtirish vazifalari uchun mo‘ljallangan xonalar guruhi; - dam olish va anjumanlar o‘tkazilishi bilan bog‘liq turizm guruhi; - ma’muriyat va boshqaruv xonalari guruhi; - yordamchi va xo‘jalik vazifalar uchun mo‘ljallangan xonalar guruhi; - kommunal (muhandislik) ta’minot va vertikal transport guruhi. - 1. Qabulxona-vestibyul guruhi tarkibiga quyidagilar kiradi: - qabul xizmati va dam olish zonalari joylashgan vestibyul; - portye va ma’murlar xonasi; - hujjatlar saqlanadigan xona; - garderob; - saqlash kamerasi; - bagajlarni tushirish va saralash xonasi; - navbatchi xodimlar uchun dam olish xonasi; - valyuta ayirboshlash punkti bo‘lgan bank bo‘linmasi; - pochta bo‘linmasi, telefonlar, teletayp; - hojatxona; - bar peshtaxtasi; - turli vazifalar uchun mo‘ljallangan kiosklar; - do‘konlar. 2. Turar-joy xonalari guruhi – yotoq xonalari (mehmonxona nomerlari) va ularga qo‘shilgan xonalar guruhi. Mehmonxona razryadiga bog‘liq holda nomerlar 1 yoki 2 kishilik, 3 kishilik – ota-ona va bola uchun mo‘ljallangan oilaviy nomer ko‘rinishida ; bir, ikki va uch

xonali qilib rejalashtirilishi mumkin. Bir xonali mehmonxona nomeri yotoq xonasi, eni kamida 1,4 m bo‘lgan va shkaf o‘rnatilgan yo‘lak, sanitariya bo‘lmasi va yozgi xona: balkon, lodjiya, ochiq ayvondan iborat bo‘ladi. Ikki xonali nomerda yotoq xonasidan tashqari mehmonxona, u xonali nomerda esa – mehmonxona va kabinet ham rejalashtiriladi, bunda yo‘lakdan faqat mehmonxonaga kirish mumkin bo‘ladi. Oliy va birinchi razryadli mehmonxonalardagi ikki kishi uchun mo‘ljallangan 2 xonali va 3 xonali nomerlarda yotoq xonasi yonida tarkibida unitaz va qo‘l yuvgich va vanna, qo‘l yuvgich, unitaz, bide mavjud bo‘lgan ikkita sanitariya bo‘lmasi loyihalashtiriladi. Nomerlar yonida qo‘shimcha xonalar: ko‘rpa-to‘shak saqlanadigan xona, navbatchi xodimlarning xonalari, dazmollash xonasi, qavatlar bo‘yicha xollar joylashtiriladi. Quyidagi jadvalda mehmonxona razryadiga bog‘liq ravishda nomerlarning maydonlari keltirilgan, м 2 : Xonalar/o‘rinlar soni Oliy A Oliy B I II III 1 / 1 14 12-14 12-14 12 10 1 / 2 18 14-18 14-18 14 14 2 / 2 24 24 24 24 - 3 / 2 40 40 40 - - 1 / 3 (oilaviy) - 20-24 20-24 18 18 Mehmonxona binolari turar-joy qavatlari uchun rejaviy tuzilmalarning quyidagi turlari mavjud: - yo‘lakli; - galereyali; - ikki yo‘lakli; - yo‘lakli-halqali;

- minorali; - uzelli; - atriumli. 3. Ovqatlanish xonalari guruhi quyidagiardan iborat: - restoran; - yevropa taomlari restorani – oliy razryadli mehmonxonalar uchun; - milliy taomlar restorani – oliy razryadli mehmonxonalar uchun; - kafe; - ekspress-kafe, kafeteriy; - qavatdagi bufet; - nonushtalar zali, “shvedcha stol”. 4. Savdo va maishiy xizmat ko‘rsatish xonalari guruhi tarkibiga quyidagi savdo xonalari kiradi: gazeta va jurnallar, suvenirlar, tamaki mahsulotlari, parfyumeriya, gul, dori-darmon, qandolat mahsulotlari sotiladigan do‘konlar yoki kiosklar. Maishiy xizmat ko‘rsatish xonalariga quyidagilar kiradi: - sartaroshxona; - sport anjomlarini ta’mirlash xonalari; - har bir qavatdagi dazmollash xonalari; - poyafzal ta’mirlash ustaxonasi; - prokat punktlari; - fotolaboratoriyalar; - tibbiy punkt.

Mehmonxonadagi turar-joy va noturar-joy xonalar joylashuvining variantlari 1 – qo‘shilgan; 2 – qo‘shilgan-birlashtirilgan; 3 – birlashtirilgan; 4 – pavilonli 5. Turistik-sog‘lomlashtirish vazifalar uchun mo‘ljallangan xonalar guruhi: - metodik kabinet; - instruktorlar xonasi; - prokat va saqlash punktlari; - reabilitatsiya markazlari; - trenajyorlar zali; - psixologik zo‘riqishdan xoli qilish kabineti; - suzish basseyni. 6. Dam olish va anjumanlar o‘tkazilishi bilan bog‘liq turizm uchun mo‘ljallangan xonalar guruhi : - kinozal; - zal qoshidagi ishchi xonalar; - kutubxona, qiroatxonasi bilan; - garderob, hojatxona, kassa joylashgan vestibyul; - bilyardxona; Турар - жой хоналари Жамоат хоналари

- videosalonlar; - dam olish uchun xoll; - artistlar uchun pardozxona. 7. Ma’muriyat va boshqaruv xonalari guruhi : - qabulxona; - direktor, direktor o‘rinbosari, huquqshunos kabinetlari; - buxgalteriya, kassa va bosh buxgalter kabineti; - arxiv; - kadrlar bo‘limi; - hisoblash texnikasi uchun xona. 8. Yordamchi va xo‘jalik xonalari guruhi: - aloqa uzeli; - katta xodima xonasi; - ko‘rpa-to‘shak saqlanadigan xona; - omborlar; - ustaxonalar. 9. Kommunal (muhandislik) ta’minot va vertikal transport uchun xonalar guruhi: - qozonxona yoki issiqlik punkti; - havoni tozalash tizimlari uchun xona; - havo almashtirish (ventilyatsiya) kameralari – oqimli va so‘rib oluvchi; - suv tortuvchi nasoslar xonasi; - qozonlarning boylerlari joylashgan xona; - liftlar; - lift mashinalari joylashgan xona. Muhandislik ta’minoti xonalari texnik yerto‘lalarda va texnik chordoqlarda, yerto‘la va sokol qavatlarda joylashadi. Yuqorida ko‘rsatilgan xonalarning mavjudligi va ularning o‘lchamlari mehmonxona razryadi va loyihalash topshirig‘iga bog‘liq bo‘ladi.

Mehmonxona binolarining hajmiy-rejali yechimi Dunyoning barcha mamlakatlarida zamonaviy mehmonxona kompleksi yoki binosining muayyan stereotipi shakllangan bo‘lib, aksariyat hollarda ularning tarkibida quyida sanab o‘tilgan xonalar to‘plami mavjud bo‘ladi: vestibyulxoll, restoran, kafe, mijozlarga tunda va kunduzi xizmat ko‘rsatiladigan barlar, bufetlar, majlislar zali, maishiy xizmat ko‘rsatish muassasalari va qulaylik darajasi bo‘yicha mehmonxona toifasiga bog‘liq ravishda sanitariya bloklari uchun zarur bo‘lgan turli uskunalarga ega turar-joy nomerlari. Mehmonxona xonalari funksional vazifalariga qarab turar-joy, jamoat va xizmat-xo‘jalik qismlarga birlashtiriladi. Bunda turar-joy va jamoat qismlari asosiy hisoblanadi. Bu qismlarning turlicha o‘zaro joylashuvi va yechimlari hisobiga mehmonxonalarning turlicha hajmiy- fazoviy tuzilmalari yaratiladi. Tuzilmalarning asosiylarini ko‘rib chiqamiz: - mehmonxonaning turar-joy va jamoat qismlari bitta binoda joylashgan; - mehmonxonaning turar-joy va jamoat qismlari turli, lekin o‘zaro bog‘liq bo‘lgan korpuslardan joylashgan; - mehmonxonaning turar-joy va jamoat qismlari mustaqil va o‘zaro bog‘lanmagan binolarda joylashgan. Birinchi variant qo‘llanilganida umumiy foydalanishdagi xonalar pastki qavatlarda, turar-joy xonalari esa – yuqori qavatlarda joylashtiriladi. Pastki qavatlardagi jamoat xonalarining maydoni, odatda, turar-joy qismining maydonidan kattaroq bo‘lib, yuqorisida mehmonxonaning turar-joy qismi joylashgan o‘ziga xos stilobat hosil qiladi. Qurilish amaliyotida keng qo‘llaniladigan bu kabi usul imorat maydonini sezilarli darajada qisqartirish imkoniyatini yaratadi. Turar-joy va jamoat qismlarining turli korpuslarda joylashuvida ularning qavatliligi va hajmiy-fazoviy yechimlari o‘rtasidagi farqlanish yuzaga keladi. Bu kabi kompozitsion yechim, lekin qurilish uchun avvalgi variantga qaraganda ko‘proq maydon ajratilishini talab qiladi va qo‘llanishi uchun doim ham imkoniyat bo‘lmasligi mumkin. Uchinchi, ya’ni pavilon ko‘rinishidagi variant xonalarning barcha guruhlari uchun yechimlarning erkin

tanlanishi uchun imkoniyat yaratadi va mehmonxonaning funksional va konstruktiv nuqtai nazarda aniq bo‘linishini ta’minlaydi, lekin boshqa variantlarga qaragan ancha katta maydon ajratilishini talab qiladi. Shu sababdan ushbu usulda quriladigan mehmonxonalar, asosan, shahar tashqarisidagi bo‘sh hududlarda joylashtiriladi. Amaliyotda mehmonxonalar va mehmonxonalar komplekslari uchun hajmiy-fazoviy yechimlarning turli kombinatsiyalari qo‘llaniladi. Mehmonxona korpuslari uchun nomerlar joylashuvi turlicha bo‘lgan yo‘laklari (minimal kengligi – 1,6-1,8 m) mavjud rejaviy sxemalar qo‘llaniladi: - ikki tomonida nomerlari joylashgan bitta yo‘lakli turar-joy qavatining rejasi; - nomerlar yo‘lakning bir tomonida joylashgan turar-joy qavatining rejasi; bu usul nomerlar muayyan yo‘nalishga qaratilishi lozim bo‘lgan hollarda qo‘llaniladi; - perimetr bo‘yicha yopiq yo‘lakka ega bo‘lgan turar-joy qavatining rejasi; - ikkita yo‘lakli turar-joy qavatining rejasi, bunda yo‘laklar o‘rtasida vertikal kommunikatsiyalar va tabiiy yoritilishga ega bo‘lmagan xizmat xonalari joylashtiriladi; nomerlar yo‘laklarning tashqi tomonlarida joylashtiriladi; - markaziy qismida liftli yoki zina-lift uzeli mavjud seksiyali tuzilmaga ega bo‘lgan turar-joy qavatining rejasi; har bir seksiya ikki tomonida nomerlar joylashgan va perimetri bo‘yicha yopiq yo‘lakka ega bo‘lishi mumkin; - rejaviy tuzilmalarning turlicha kombinatsiyalari asosida shakllangan turar- joy qavati. Rejaning geometrik shakli ham turlicha bo‘lishi mumkin: - to‘g‘ri to‘rtburchakli : qavatlar soni va uzunligi turlicha bo‘lgan mehmonxona binolarida qo‘llaniladi. Bunda turar-joy qavatlarining yo‘lakli yoki galereyali tuzilmalari va vertikal kommunikatsiyalar hamda nomerlarga xizmat ko‘rsatuvchi navbatchi xodimlar uchun mo‘ljallangan xonalar joylashishining turlicha variantlaridan foydalaniladi; rejaning bu kabi shakli asosida plastina yoki parallelopiped shaklidagi ixcham hajmlar yaratiladi. rejaning ixcham shakli (aylana, ellips, kvadrat, uchburchakka o‘xshash) minora turidagi mehmonxona binolarini qurishda foydalaniladi; vertikal kommunikatsiyalar uzeli, odatda, binoning markaziy qismida joylashtiriladi;

qavatlardagi yo‘laklar siqilgan; ixchamligi (kompakt bo‘lgani) tufayli qavatdagi nomerlar soni 10 dan 27 tagacha cheklanadi; turar-joy qismining murakkablashtirilgan rejasi: rejaning “uchbarg”, “xoch”, V-, L-, Z- va G-simon shakllari, egri chiziq va yelpig‘ich ko‘rinishidagi kompoziyalar; odatda, nomerlargacha masofani qisqartirish uchun zina-lift uzeli binoning markaziy qismida joylashtiriladi. Jamoat xonalarining murakkab tizimini guruhlanishi turli atrium bo‘shliqlar asosida amalga oshirilishi mumkin. Rejaning atriumli shakli bitta qavatda joylashtiriladigan nomerlar sonini oshirish imkoniyatini beradi. Bunda atriumning orayopmalari zamonaviy fazoviy konstruksiyalardan foydalanib, odatda, yorug‘ o‘tkazadigan shaffof materiallarni qo‘llagan holda bajariladi. Qishki bog‘ sifatida bir qismi faol ko‘kalamzorlashtirilgan atrium hovli o‘rta asrlarga xos karvonsaroy metamorfozasini emas, balki kompozitsion-badiiy yechimlari landshaft arxitekturasi vositalari yordamida amalga oshiriluvchi bog‘-pationi eslatadi. Mehmonxona binolarining konstruktiv yechimlari Mehmonxonaning turar-joy qismi, odatda, turar-joy binolariga xos bo‘lgan konstruktiv tizimlar va parametrlar asosida loyihalashtiriladi; binoning jamoat qismini konstruktiv tizimi jamoat binolariga xos konstruktiv parametlardan foydalangan holda bajariladi. Turar-joy nomerining konstruktiv o‘lchamlari, odatda, mavjud konstruktiv tizimlardan foydalanishga asoslangan loyihaviy yechimga ega mehmonxona sxemasi uchun asosiy modul bo‘lib xizmat qiladi. Mehmonxonalarni qurishda qo‘llaniladigan ko‘tarib turuvchi konstruksiyalar yirik panelli, karkasli, monolit betonli, hajmli bloklardan, mahalliy qurilish materiallaridan (g‘isht, tabiiy tosh va hk.) bajarilishi mumkin. Binoning konstruktiv sxemasi ishlatilayotgan qurilish materillarining turiga muvofiq bo‘lishi zarur. Mehmonxonaning g‘ishtin binolari, odatda, 9-10 qavat balandlikda qilib quriladi. Bunday holatlarda, asosan, 4,8; 5,4; 6,0: 6,3 va undan kattaroq qadamli

ko‘ndalang ko‘tarib turuvchi devorlar qo‘llaniladi. Yirik panelli binolarning balandligi 25 qavatgacha bo‘lishi mumkin, bunda ko‘ndalang devorlar qadami, odatda, katta bo‘lmaydi, chunki ko‘ndalang devorlar qadami katta (6,3 va undan katta) bo‘lsa, u holda nomerlararo tovush izolyatsiyasini bajarish murakkablashadi. Osmon o‘par mehmonxona binolari, odatda, monolit variantlarda bajarilib, bunda karkasli konstruksiyalardan foydalaniladi. Bugungi kunda qurilayotgan osmon o‘par binolarning aksariyatida ventilyatsiya qilinadigan ko‘p qatlamli osma fasadlar qo‘llaniladi. Binoning jamoat qismini qurishda aksariyat hollarda karkasli konstruksiyalar ishlatiladi. Karkasli binolarning ko‘pchiligi – ko‘p qavatli. Karkas kolonnalarining qadami 4,8 dan 7,2 metrgacha qilib, har 60 sm dan keyingi gradatsiyada qabul qilinadi. Hozirgi kunda karkassiz, monolit beton konstruksiyali binolarni qurish keng tarqalib, rivojlanib bormoqda. Bu kabi binolar konstruktiv turiga qarab monolit va yig‘ma-monolit konstruksiyalarga ajratiladi: yig‘mamonolit konstruksiyalarda ichki ko‘tarib turuvchi devorlar monolit qilib, tashqi devorlar va orayopmalar esa – turli variantlarda bajariladi; monolit konstruksiyalarda barcha devorlar va orayopmalar – monolit temir betondan bajariladi. Tashqi devorlar o‘rnida yig‘ma beton panellar, yog‘och karkasli asbotsement panellar, vibrog‘ishtli panellar yoki donali materiallar (g‘isht va tabiiy tosh), vitrajlar (po‘lat, alyuminiy, yog‘och yoki boshqa bog‘lanishlar bilan) qo‘llanishi mumkin. Monolit imorat bunyod etishning karkassiz tizimlari ko‘p qavatli mehmonxona binolari qurilishida qo‘llaniladi. Bunday tizim murakkab geologik sharoitlarda ratsional monoblok binolar qurish imkoniyatini beradi. Me’moriy-fazoviy yechimlarning keng imkoniyatlari orayopmalarni qattiqlik yadrolari bo‘yicha ko‘tarishda qo‘l keladi va orayopmalarni rejadagi ko‘rinishini o‘zgartirishga, mehmonxona binosining turar- joy qismidagi jamoat xonalari joylashtirilishi bo‘yicha yechimlarni oson hal qilishga yordam beradi. Bunda umumiy foydalanishdagi xonalar binoning istalgan qavatida joylashtirilishi mumkin bo‘lib, bu maqsadda qavatlarning eng maqbullari tanlanadi. Hajmli bloklardan qurilgan mehmonxonalarning ham variantlari mavjud bo‘lsada, aksariyat hollarda, turli konstruktiv yechimlarning afzal

jihatlarini mujassamlashtirgan kombinatsiyalangan loyihalar bo‘yicha mehmonxona binolarini qurish keng tarqalgani. Bunda metall va yig‘ma temir- beton, monolit va yig‘ma monolit, karkasli tizim va sxemalar, qattiqlik yadrolari yoki qirralarining yengil bloklar bilan birga, soyabonsimon tuzilmalar va orayopmalarning vantali osmalar bilan birga qo‘llanilishini uchratish mumkin.

Adabiyotlar: 1. Ubaydullayev X.M., Inagamova M.M. Turar-joy va jamoat binolarini loyihalashning tipologik asoslari: Darslik. - T.: Voris-nashriyot, 2005. 2. Abdujabbarova M.T. Turar-joy binolarini loyihalash: O‘quv qo‘llanma. – T.: TAQI, 2018. 3. Qodirova S.A. Jamoat binolarini loyihalash: O‘quv qo‘llanma. – T.: TAQI, 2015. 4. Inogomov B.I. Zamonaviy bino va inshootlarni loyihalash: O‘quv qo‘llanma. - T.: TAQI, 2010. 5. Ubaydullayev X.M., Xidoyatov T.A, Abduraxmanov Y.I, Korobovsev G.I., Mansurov Y.M. Arxitekturaviy loyihalash: O‘quv qo‘llanma. - T.: TAQI, 2012. 6. Ubaydullayev X.M., Maxmudov V.M. “Metodika arxitekturnogo proyektirovaniya” Toshkent,TAQI, 2010 y., o‘quv qo‘llanma. 7. Xidoyatov T.A., Kadirova S.A., Magomedova F.X. “Arxitektura obsheobrazovatelnix shkol Uzbekistana”. Tashkent 2005 g. 8. Qodirova T.F. O‘zbekistonning istiqlol yillari me’morchiligi: O‘quv qo‘llanma., O‘AJBNT markazi, 2004 y.

O'xshashlar

Maktab binolari

Bank binolari va komplekslari

Umumiy ovqatlanish korxonalarining binolari

Liftsiz turar-joy binolari

Muzey va ko‘rgazma binolari