АТК Бош тарҳи(режаси)ни ва ишлаб чиқариш биносини режалаштириш. - Транспорт - Рефераты

АТК Бош тарҳи(режаси)ни ва ишлаб чиқариш биносини режалаштириш.

Загружено в:

20.09.2019

Скачано:

0

Размер:

130.5 KB

АТК Б ош тарҳи(режаси)ни ва ишлаб чиқариш биносини режалаштириш. Режа: 1. АТК бош тарҳи (режаси)ни режалаштириш. 2. Ишлаб чиқариш биносини режалаштириш.

Қоғозга маълум масштабда туширилган, белгиланган ер участкасидаги автотранспорт корхонасининг барча бинолари, иншоотлари, автомобил йўллари ва улар учун сақлаш жойлари, ҳудуддаги кўкаламзорлар, спорт ва дам олиш майдончаларининг кўриниши автотранспорт корхонасининг бош тарҳи дейилади. Бош тарҳ танланган қоғоз форматига мос равишда 1:1000, 1:500, 1:200 масштабларда чизилади. Бош тарҳни режалаштириш жуда катта маъсулиятли вазифа бўлиб, унинг бажарилишига бир қатор талаблар қўйилади: - Бош тарҳ минтақадаги «Шамол гули»га асосан режалаштирилиши, яъни корхонадан чиқаётган заҳарли газлар иложи борича аҳоли яшаш жойлари ва бошқа корхоналарга бормаслигини таъминланиши, заҳарли газлар чиқараётган устахоналар шамолга тескари томонда жойлаштирилиши; - ҳудуд йўлларидаги автомобилларнинг ҳаракат йўналишлари бир томонламали, ҳалқасимон, кесишмайдиган қилиб ташкил этилиши ; - технологик боғлиқ иншоотлар, бинолар бир-бирига яқин жойлаштирилиши; - иншоотлар бир-бирдан ёнғинга қарши қоидалардаги масофаларда жойлаштирилиши; - ҳудудни ободонлаштириш қоидаларига амал қилиниши ва ҳ.к. лозим. - ажратилган ер участкаси текис жой ва яхши гидрогеологик шароитларда, оптимал ўлчамларда (тўртбурчак томонлар нисбати 1:1 дан 1:3 гача), асосий йўлга ва муҳандислик иншоотларига яқин жойда, электроэнергия, газ, сув, иссиқлик манбааларига ва оқова сув тармоқларига уланиш имконияти ва келгусида кенгайиш имконияти бўлиши; - АТКнинг кириш ва чиқиш эшиклари, асосий йўлнинг қизил чизиғидан энг узун автомобил ўлчамига тенг чекинган ҳолда, иложи бўлса, кам ҳаракатли йўлга чиқадиган қилиб режалаштирилиши. Муайян шароитга қараб, юқоридаги талабларни амалга ошириб бош тарҳ чизилади. Чизмада автокорхона ҳудудидаги ёнғинга қарши жиҳозлар

кўрсатилади. Корхона атрофида жойлашган иншоотлар, кўчалар, корхоналарнинг номлари ёзилади. Бош тарҳнинг ўлчамлари метрда кўрсатилади. Ч измаининг юқори чап бурчагига, мазкур ҳудуддаги шамол йўналишларини кўрсатиб турувчи «Шамол гули (Роза ветров)» чизилади. Чизманинг бўш жойларига чизмадаги шартли белгилар ва бош тарҳнинг қуйидаги кўрсатгичлари кўрсатилади: 1. Жами умумий майдон. 2. Жами бино ва иншоотлар майдони (ҳудуддаги барча бинолар ва иншоотлар майдонларини йиғиндиси, автомобил йўллари ва йўлаклардан ташқари). 3. Ҳудуднинг қурилишлари зичлиги коэффициенти (2 банднинг умумий майдонга нисбати). 4.Ҳудуддан фойдаланиш коэффициенти(жами фойдаланилаётган майдоннинг умумий майдонга нисбати). 1-расмда бош тарҳ намуналари келтирилган. б)

1-расм Автокорхоналарнинг бош тарҳи намуналари а) 1-Ишлаб чиқариш биноси, 2-Маъмурий бино, 3-Дарвоза назорат пункти, 4-Енгил автомобилларни сақлаш жойи, 5-Транскиоск, 6-КХК ва диогностика жойи, 7-Тозалаш иншооти, 8- Автобусларни сақлаш жойи б) 1-Ишлаб чиқариш биноси, 2-Маъмурий бино, 3-Кунлик хизмат кўрсатиш жойи, 4-Дарвоза назорат пункти, 5-Тозалаш иншооти, 6- Ёнғинга қарши ҳовуз, 7-Кичик юк автомобил-ларни сақлаш жойи, 8- Автопоездларни сақлаш жойи Ишлаб чиқариш биносини режалаштириш. Ишлаб-чиқариш биноларининг ҳажмий-режавий ечимлари бино конструкцияси билан узвий боғланган бўлади. Ишлаб-чиқариш биноларига бўлган асосий талаблар бинони функционал вазифасидан келиб чиқиб, иқлим шароитини, замонавий қурилиш талабларини, биноларни имкони борича бирлаштиришни, технологик жараёнларни ўзгартириш ва ишлаб чиқаришни кенгайтириш имкониятини ҳисобга олади. Булардан энг асосийси қурилишни индустрлаштиришдир, яъни биноларни унификациялаштирилган темир бетон конструктив элементлардан (фундамент блоклари, колонналар, балка, ферма ва бошқалар) монтаж қилишдир. Қурилиш конструкциялари элементларидан бири колонналар бўлиб, уларни жойлаштириш қурилиш меъёрлари асосан амалга оширилади. АТКлардаги 1 қаватли биноларда колонналарнинг қадамлари асосан 6,12 метр оралиқда, қаторлари эса, 6,12,18,24,30, истисно сифатида 9 метр оралиқда жойлаштирилади. Биноларни қуйидаги схемалари қўлланади: 18х12; 24х12; 12х18х12; 12х24х12; 18х18х18;24х24; м.

Кўп қаватли биноларда колонна турлари: 6х6; 6х9; 8х12; 9х12; метрда олинади. Биноларнинг полдан шипгача бўлган масофаси технологик эҳтиёжларга ва осма кран балкаларнинг қўлланишига қараб қабул қилинади. Бинолар хоналарининг баландлиги, яъни полдан то шипгача бўлган масофа энг баланд автомобилнинг ишчи ҳолатидаги юқори нуқтасидан 0,2 метр баланд бўлиши, аммо 2,8 м дан кам бўлмаслиги керак. Ишлаб чиқариш биносида ТХ, ЖТ постлари ва устахоналарни ўзаро жойлаштириш, автомобил турларига ва меҳнат ҳажмига қараб, уларнинг бир- бири билан ўзаро боғликлигини ҳисобга олган ҳолда амалга оширилади. Устахоналар майдони режалаштирилганда, агар устахона майдони 100 м 2 дан кам бўлса ҳисобдагидан -20 % ва 100 м 2 дан ортиқ булса - 10 % фарқ қилиши мумкин. Режалаштириш ечимларида ТХваЖТ минтақа постлари асосий бўлиб, бажарилаётган иш турларига ва вазифасига қараб махсуслашади. ТХваЖТ минтақаларининг жойлашиши ишлаб чиқариш жараёнининг схемаси ва жадвалига қараб аниқланади. Минтақаларнинг жойлаштиришда ҳаракат воситала-рининг йўлда юриши қисқа бўлиши ва маневр қилган-да қийинчилик туғдирмаслиги ҳисобга олиниши керак. Устахоналарнинг ишлаб чиқариш биносида жойлашиши уларнинг ТХваЖТ минтақалари билан технологик алоқаларининг даражасига қараб белгиланади. КХ зонаси атрофида насосхона, кийимларни қуритиш ва шамоллатиш хонаси, аппаратлар хонаси ва тозалаш иншоотлари жойлашиши мумкин. 1-ТХ ва 2-ТХ минтақаси атрофида: карбюраторлик, аккумуляторлик, электротехник, шина таъмирлаш ва мой омбори хоналари жойлаштирилади. ЖТ минтақаси атрофида агрегат, чилангар-механик, темирчилик, мисгарлик, тунукасозлик, пайвандлаш, арматура, қопламачилик, буёқчилик, омборхоналари жойлаштирилади.

Режа қурилиш меъёрларига асосан деворларнинг қалинлиги дераза ва эшиклар учун жойларни кўрсатилган ҳолда бажарилади. Бунда ташқи деворларни қалинлиги-0,3 метр, ички деворларни қалинлиги-0,2 метр, калонналарнинг ўлчамлари 0,4х0,4 метр қилиб чизилади. Режада ташқи ўлчамларга таяниб ТХКваЖТ ишчи постлари, технологик жиҳозлар (кўриш хандақчалари, кўтаргичлар, токчалар ва ҳ.к.) кўрсатилади. Режада шартли белгилар билан сув манбалари, электр истеъмолчилари кўрсатилади

Адабиётлар 1. Ўзбекистон республикасида халқ хужалигини , шу жумладан автомобил саноатини бозор иқтисодиёти шароитларида ривожлантириш ва уларни эксплуатациясини ташкил этиш юзасидан Ўзбекистон Республикаси президенти И . А . Каримовнинг маърузалари , хукумат қарорлари , етук олим ва мутахассисларнинг фикрлари , чиқишлари ва илмий мақолалар (1991 йилдан шу кунгача . 2. Техническая эксплуатация автомобилей. под редакцией проф. Е.С.Кузнецов М: Транспорт,1991 г. 3. Техническая эксплуатация автомобилей. под ред. проф. Е.С.Кузнецова М: Т.,1991 г. 4. Ҳамрақулов О., Магдиев Ш. Автомобилларни техник эксплуатацияси, Жиззах, ЖизПИ, 2005й. 5. «Ўзбекистон Республикаси автомобил транспорти ҳаракатдаги таркибининг техник хизмати ва таъмири хақидаги Низом» Т., “Ўзавтотранс” коорпорацияси 1998-йил. 6. Крамаренко Г.В.,Николяев В.А., Шаталов А.И. Безгаражное хранение автомобилей при низких температурах. М:Транспорт 1984 г. 7. Лабезников М.Е.,Букеревич Ю.Л.Эксплуатация автомобилей в условиях жаркого климато и пустўнно-песчанной местности.М:Транспорт 1969г.

Похожие

Лойиҳани техник иқтисодий баҳолаш.

Ишлаб чиқариш таълими методлари

Ишлаб чиқариш таълими жараёни

Ўқувчиларга ишлаб чиқариш таълими бериш

Ўқувчиларнинг ишлаб чиқариш корхоналаридаги ўқишлари