Суюқликларни ҳайдаш - Медицина - Рефераты

Суюқликларни ҳайдаш

Загружено в:

20.09.2019

Скачано:

0

Размер:

105 KB

Суюқликларни ҳайдаш Режа 1. Суюқликларни ҳайдаш . 2. Суюқлик - буғ системасининг хоссалари.

СУЮҚЛИКЛАРНИ ҲАЙДАШ . Икки ёки бир неча компонентлардан ташкил топган бир жинсли суюқлик аралашмаларини ажратишда ҳайдаш (дистилляция ва ректи - фикация) усули кенг ишлатилади. Агар бошланҲич аралашма учувчан ва учмайдиган компонентлардан иборат бўлса, бунда буғлатиш орқали суюқликни ташкил этувчи компонентларга ажратиш мумкин. Ҳайдаш йўли билан эса компонентлар турли учувчанликка эга бўлган ҳолда суюқ аралашмаларни ажратиш мумкин. Ҳайдаш йули билан суюқликларни ажратиш бир хил температурада аралашма компонентларининг турлича учув чанликка эга булишига асосланган. Шу сабабли ҳайдаш пайтида ара лашма таркибидаги ҳамма компонентлар ўзларининг учувчанлик ху-сусиятига пропорционал равишда буғ ҳолатига ўтади. Мисол тариқасида икки, яъни енгил ва қийин учувчан компонентли бинар аралашмани ажратишни кўрамиз. Ҳайдаш натижасида ҳосил бўлган буғ нисбатан кўп миқдорда енгил учувчан (ёки паст температурада қайнатилган) компонентдан ташкил топгандир. Ҳайдаш натижасида суюқ фаза таркибида енгил учувчан компонент камая боради, буғ фазасида эса унинг миқдори кўпая боради. Буғланмай қолган суюклик таркиби асосан қийин учувчан ёки юқори температурада қайнайдиган компонентдан ташкил топган. Ҳайдаш жараёнидан ажралиб чиққан буғ конденсация жараёнига учрайди, ҳосил булган конденсат дистиллят ёки ректификат деб аталади. Буғланмай қолган ва қийин учувчан компонентдан ташкил топган суюклик қолди деб юритилади. Буғ фазасининг енгил учувчан компонент билан бойиш даражаси асосан ҳайдаш усулига боҲлик. Суюқликларни хайдашнинг иккита принципиал усули бор: 1) оддий ҳайдаш (дистилляция); 2) мураккаб ҳайдаш

(ректификация). Аралашма компонентларининг учувчанлиги ўртасидаги фарқ анча катта бўлса, бунда оддий ҳайдаш усулидан фойдаланилади. Оддий ҳайдаш пайтида суюқликнинг бир марта қисман буғланиши юз беради. Одатда бу усул суюқ аралашмаларни бирламчи ажратиш ҳамда му раккаб аралашмаларни кераксиз қўшимчалардан тозалаш учун ишлатилади. Суюқ аралашмаларни компонентларга тўла ажратиш учун ректи - фикация усулидан фойдаланилади. Ректификация жараёни аралашмани буғлатишда ажралган буғ ва буғнинг конденсацияланиши натижасида ҳосил булган суюклик ўртасида кўп маротабалик контакт пайтидаги модда алмашинишга асосланган. Суюқ аралашмаларни ректификация ёрдамида ажратиш колоннали аппаратларда олиб борилади, бунда бур ва суюклик фазалари ўртасида узлуксиз ва куп маротабалик контакт юз беради. Фазалар ўртасида модда алмашиниш жараёни боради. Суюқ фазадан енгил учувчан компонент буғ таркибига утади, буғ фазасидаги қийин учувчан компонент эса суюқликка ўтади. Ректификацион колоннанинг юқориги қисмидан чиқаётган буғ асосан енгил учувчан компонентдан иборат бўлиб, у конденсацияга учрагандан сўнг икки компонентга ажралади. Конденсатнинг биринчи компоненти дистиллят ёки ректификат (юқориги маҳсулот) деб аталади. Конденсатнинг иккинчи компоненти эса аппаратга қайтарилади ва у флегма деб юритилади. Аппаратга қайтарилган суюклик (флегма) пастдан кўтарилаётган буғ билан учрашади. Колоннанинг пастки қисмидан, асосан, қийин учувчан компонентдан ташкил топган қолдиқ модда узлуксиз равишда чиқариб турилади. Ҳозирги вақтда химиявий технологиянинг кўпчилик сохаларида (органик синтез, изотоплар, полимерлар, ярим ўтказгичлар ва шу каби бир қатор ўта тоза маҳсулотлар ишлаб чиқаришларда) ректификация усули кенг қўлланилмоқда. Ректификация жараёни спирт, нефть ва синтетик каучук ишлаб чиқаришда ҳам кенг ишлатилади. Бундан ташқари, спирт, вино, ликёр- ароқ ва эфир мойлари ишлаб чиқаришда ҳам ректификациядан

фойдаланилади. Аралашма компонентларининг қайнаш температуралари бир-бирига яқин бўлса, яъни компонентларнинг нисбий учувчанлиги а бирга яқинлашса, бундай аралашмаларни ажратиш анча қийин ҳисобланади. Бундай мураккаб аралашмаларни ажратишда мувозанат чизиғи у — х диаграмманинг диагонали билан жуда яқинлашиб кетади, натижада аралашмани ажратиш учун катта ўтказиш бирлиги керак бўлади. Бундай ҳолларда ҳайдашнинг махсус усуллари: экстракцион ректификация, азеотроп ректификация, молекуляр дистиллаш ва паст температурали ректификация жараёнларидан фойдаланилади. Суюқлик - буғ системасининг хоссалари Амалда кўпинча кўп компонентли аралашмаларни ажратишга тўғри келади, бироқ жараённинг назариясини ўрганиш учун икки компонентли, яъни бинар аралашмани ҳайдаш йули билан ажратишни кўриб чиқиш мақсадга мувофиқдир. Бинар аралашма енгил ва қийин учувчан компонентлардан ташкил топган бўлади. Бинар аралашмаларнинг классификациясини Д. П. Коновалов ишлаб чиққан ( - расм). Бу расмда турли бинар аралашма буғларининг умумий босими ва суюқ фаза ўртасидаги боғлиқлик кўрсатилган. Вертикал ўқда ўзгармас температурада аралашма буғининг умумий босими берилган бўлса, горизонтал ўқда эса суюқ фазанинг тар киби (% ҳисобида) кўрсатилган. Агар аралашма компонентлари ўзаро бир-бирида эримаса (ёки жуда оз миқдорда эриса), бу ҳолат 1- чизиқ орқали ифодаланади. Бунда аралашма буғларининг босими тоза компонентлар буғ босимларининг йиҲиндисига тенг булади. Бу турдаги аралашмаларга бензол ҳамда сувнинг ёки углерод сульфид ва сувнинг аралашмалари мисол бўлади.

Бинар аралашма компонентлари бир-бирида қисман эриса, бундай аралашма буғларининг босими 2 чизиқ бўйича ўзгаради. Бундай системаларга сув — изобутил спирт, сув — изоамил спирт аралашма лари киради. Компонентлари ўзаро тўла ва исталган нисбатларда бир-бирида эрийдиган аралашмалар буғлари нинг босими 3- чизиқ бўйича ўзга ради. Бундай аралашма бурлари йиҲиндисининг Ў згариши макси мум орқали ўтади, бу ҳолат максимал температурадаги суюқ фа занинг тегишли таркиби билан белгиланади. Бу турдаги аралашмага этил спирт — сув аралашмаси мисол бўлади.

Компонентлар бир-бирида тўла эриса, аралашма буғларининг умумий босими минимумга эга бўлади (5- чизиқ). Бун дай аралашмалар қаторига сув — чумоли кислота, ацетон — хлоро форм аралашмалари киради. Бир компонент иккинчи компонентда тўла эриса-ю, бирок; босим ма ксимум ёки минимумга эга бўлмаса, бундай ҳолат 4- чизиқ орқали ифодаланади. Бундай эритмалар .-идеал системалар деб юритилади (масалан: аммиак — сув; метил спирт — этил спирт). Шундай қилиб, Р = f ( x ) чизиҲнинг кўриниши система компонентлари молекулаларининг ўзаро таъсири турлича бўлиши билан боғлиқ экан. Босимнинг 4- чизиғига мос келган аралашмада бир хил ва турлича молекулаларнинг тортишиш кучи бир хил булади. Бундай аралашмаларнинг ҳосил бўлишида ҳажм кичраймайди ҳ ам, катталашмайди ҳам, компонентларининг аралашиши пайтида иссиқлик эффекти юз бермайди. Идеал эритмаларнинг хоссалари Раул қонуни билан ифодаланади. Бу қонунга кўра, суюқлик устидаги буғлар таркибидаги компонентларнинг парциал босими тоза компонент буғи босимининг компонентнинг суюқликдаги моляр улушига кўпайтирилганига тенг; Бу ерда р а — компонентининг порциал босими; Р — берилган температурадаги тоза а компонент буғларининг босими; х а — компонентининг суюқликдага моляр улуши. Аралашма буғи босимининг ўзгариши тўғри чизиқдан четга чиқса, бундай эритмаларнинг ҳосил бўлиши маълум миқдордаги иссиқлик эффекти орқали боради. Бу ҳол компонентлар молекулалари ўртасида ўзаро таъсир кучи борлигидан далолат беради. Агар бир хил бўлмаган молекулалар ўртасидаги тортишиш кучи бир хил бўлган молекулалар ўртасидаги тортишиш кучидан кам бўлса, аралашма буғлари босимининг чизиғи идеал эритмалар чизиғининг юқориги томонида жойлашади (1-, 2- ва 3- чизиқлар).

Агар бир хил бўлмаган молекулаларнинг тортишиш кучи бир хил булган молекулаларнинг тортишиш кучидан катта бўлса, у ҳолда босимнинг эгри чизиғи идеал эритмалар тўғри чизиғининг пастидан ўтади (5- чизиқ). Бир хил бўлмаган молекулаларнинг ўзаро тортишиш кучи жуда кичик бўлса, бунда суюқ фаза икки қатламга бўлинади. Ҳар бир ком понент суюқ фазадан буғ фазасига ўз молекулаларини юборади. Умумий босим берилган температурадаги тоза компонентлар босимларининг йиҲиндисига тенг (/- ва 2- чизщлар). Қайдаш жараёнини ҳисоблаш учун мувозанатда бўлган суюқ ва буғ фазаларининг таркибини билиш зарур. Суюқлик ва буғ фазаларидан иборат бўлган икки компонентли аралашманинг эркинлик даражаси сонини билиш учун фазалар қоидасидан фойдаланилади; бу ерда S — эркинлик даражаси сони; Ф — фазалар сони(Ф=2); К. — компонентлар .сони ( К=2). Шундай қилиб, системанинг ҳолатини белгиловчи учта катталик (температура, босим, концентрация) дан исталган иккитасини танлаш мумкин. Агар мисол тариқасида босим ва температура танланса, у ҳолда системанинг таркиби (яъни суюқлик ва буғ фазаларидаги компонентларнинг концентрацияси) маълум бир қийматга эга бўлади. Бинар системаларнинг мувозанат ҳолатдаги фазалари таркиби Д. П. Коновалов томонидан ўрганилган ва иккита қонун таклиф этилган. Коноваловнинг биринчи қонуни қ уйидагича: «Эритма билан мувозанатда бўлган буғ доим ўзида шундай компонентни ортиқча ушлайди, бунда эритмага шу компонентдан қўшилганда унинг қайнаш температураси пасаяди». Масалан, этил спирт — сув системасини кўрамиз. Агар суюқ фазага спирт қўшилса системанинг қайнаш температураси пасаяди. Коноваловнинг биринчи қонунига асосан, бундай эритма қайнаши пайтида

буғ фазасининг спирт буғлари билан бойиши содир бўлади. Босим эгри чизиғи максимум ёки минимумга эга бўлган эритмалар учун суюқ фазанинг шундай таркиби маълумки, бундай шароитда ажралиб чиқаётган буғларнинг таркиби суюқ фазанинг таркиби билан бир хил бўлиб қолади. Бундай аралашма азеотроп ёки алоҳида қайнатиладиган аралашма деб аталади. Коноваловнинг иккинчи қонуни азеотроп аралашма таркибини аниқлашга имкон беради: «Аралашма нинг буғ босими экстремумларида суюқлик ва буғ фазаларининг таркиблари бир хил бўлиб қолади.» Этил спирт — сув системаси азеотроп аралашмаларга мисол бу лади. Нормал босимда суюқ фазадаги спиртнинг 95,97 массавий процентига буғ таркибидаги спиртнинг 95,97 массавий проценти тўғри келади. Бу нормал босимдаги спирт ва сувнинг азеотроп аралашмаси бўлади ( - расм). Бинар эритмаларнинг мувозанат эгри чизиқлари тажриба йўли билан тузилади. - расмда этил спирт — сув системасининг муво занат эгри чизиғи кўрсатилган. Вертикал ўқда енгил учувчан компонентнинг (яъни этил спиртнинг) буғдаги концентрацияси у, горизонтал ўқда эса енгил учувчан компонентнинг суюқ фазадаги концентрацияси х берилган. Коноваловнинг биринчи қонунига кўра - расмда кўрсатилган мувозанат эгри чизиғи диагоналнинг юқориги қисмидан ўтади. Натижада буғ таркибида суюқлик таркибидагига қараганда спирт кўп микдорда бўлади. Бу қонуниятни «а» ва «А» нуқталарга мос келган концентрацияларнинг миқдорига қараб аниқлаш мумкин. Коноваловнинг иккинчи қонунига кўра, мувозанат эгри чизиғи диагонални азеотроп аралашманинг таркибига мос келган нуқтада кесади. Нормал босим бу нуқта қайнаш температурасининг 78,15 С қийматига мос келади. Нормал босимда сувнинг қайнаш температураси 100 С бўлса, этил спиртнинг қайнаш температураси эса 78,3 С. Демак, азеотроп аралашма минимал температурада қайнайди. Кўрилаётган системада босимнинг ўзгариши билан система мувозанатининг ўзгариши юз беради, натижада буғ фазасининг мувозанат

таркиби ўзгаради. Бу ўзгаришнинг моҳиятини аниқлаш учун М. С. Вревский томонидан иккита қонун таклиф этилган: 1. Икки компонентли аралашманинг қайнаш температураси (ёки босими) оширилганда буғларнинг таркибида буғланиши учун катта энергия талаб қилувчи компонентининг нисбий миқдори ортади. 2. Буғининг учувчанлиги максимумга эга булган эритмаларнинг температураси (ёки босими) оширилганда азеотроп аралашмаларда буғланиши учун катта энергия сарфини талаб қилувчи компонентнинг нисбий миқдори ортади. Буғининг учувчанлиги минимумига эга бул ган эритмаларнинг қайнаш температураси оширилганда азеотроп аралашмада буғланиши учун кам энергия талаб қилувчи компонентнинг нисбий миқдори кўпаяди.

Вревский қонунига кўра, этил спирт — сув аралашмаси учун суюқликдаги спиртнинг концентрацияси кам бўлганда (21% моль гача) системадаги босим камайиши билан буғ таркибидаги сув миқдори ортади, спиртнинг суюқликдаги концентрацияси юқори бўлганда (21% моль дан катта) босим камайиши билан буғ таркибидаги спирт миқдори кўпаяди. Азеотроп аралашмаларда эса системадаги босим камайиши билан улардаги спирт миқдори кўпаяди. Босимнинг айрим минимум қийматида азеотроп нуқтаси йуқолиб кетади ва қайдаш натижасида сувсиз спирт олиш мумкин булади. 10.1- жадвалда турли босимлар учун азеотроп аралашмадаги спирт миқдорининг ўзгариши келтирилган.

Похожие

Суюқликларни узатиш

Оддий ҳайдаш

Асосий жараёнлар ва аппаратлар фани ва унинг вазифалари

Суд-кимёси экспертизаси, бюроси. Суд кимёгарлари, уларнинг вазифалари. Суд кимёси текширув акти

Мавҳум қайнаш қатламининг гидродинамикаси