Жиноятнинг глобаллашуви - Социология - Рефераты

Жиноятнинг глобаллашуви

Загружено в:

20.09.2019

Скачано:

0

Размер:

81 KB

Жиноятнинг глобаллашуви Режа: 1. Ташкиллашган жиноятнинг глобал масштаблари. 2. Гиёҳвандлик моддаларни тарқатиш ва истеъмол қилишнинг глобаллашуви. 3. Қурол савдоси диний этник асосдаги локал канфликтларнинг натижаси. 4. Терроризм глобаллашувининг қурол савдосига таъсири. 5. Қурол савдоси жиноят глобаллашувидаги янги бўғин.

Жиноятнинг глобаллашуви Ўзбекистон мустақилликка эришиб, дунё харитасидан ўрин эгаллади. Бу давр ичида Ўзбекистонда ҳуқуқий давлатни барпо этиш ва фуқаролик жамиятини шакллантириш йўлида дадил қадамлар қўйилди. Ўзбекистонда мустақилликни мустаҳкамлаш, давлат ва жамиятни демократлаштириш ҳамда эркинлаштириш борасида эришилган улкан муваффақиятларни дунёдаги энг ривожланган давлатлар ҳам эътироф этмоқда. Мустақиллик ёшларнинг ҳуқуқий савдхонлиги ва ҳуқуқий тарбиясига алоҳида эътибор қаратиб, уларга қонун доирасида иш тутишга ўргатмоқда. Республикамиз олдида турган ғоят муҳим вазифалардан бири жиноятчиликка қарши кураш олиб боришдир. Бу муоммани ҳал этиш давлат ва фуқаролар томонидан доимо куч ғайрат сарфлашни, ижтимоий-иқтисодий, тарбиявий ва ҳуқуқий тадбирларни оғишмай амалга оширишни тақозо этади. Қайси қилмишлар жиноят ҳисобланади, мазкур жиноятни содир этган шахсларга қандай жазо берилиши лозимлигини белгилаб берадиган ҳуқуқий меъёрлар катта аҳамиятга эга. Чунки инсон ҳуқуқлари ва манфаатларини кафолатлаш ва таъминлаш ҳар қандай давлатнинг биринчи даражали вазифасидир. Республикамиз Конститутциясининг 26-моддасига кўра, ҳеч ким суд ҳукмисиз ва қонунга номувофиқ ҳолда жиноят содир этишда айбдор деб топилиши ҳамда жиноий жазога тортилиши мумкин эмас. Жиноят қонунчилигининг принциплари. Қонунийлик принципи. Содир этилган қилмишнинг жиноийлиги, жазога сазоворлиги ва бошқа ҳуқуқий оқибатлари фақат Жиноят кодекси билан белгиланади. Ҳеч ким суднинг ҳукми бўлмай туриб жиноят содир қилишда айбли деб топилиши ва қонунга хилоф равишдаа жазога тортилиши мумкин эмас. Жиноят содир этишда айбдор деб топилган шахс қонунда белгиланган ҳуқуқлардан фойдаланади ва мажбуриятларни бажаради. Фуқароларнинг қонун олдида тенглиги принципи - жиноят содир этган шахслар жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, бир хил ҳуқуқ ва мажбуриятларга эга бўлиб, қонун олдида тенгдирлар.

Демократизим принципи . Жамоат бирлашмалари, фуқароларнинг ўзини-ўзи бошқариш органлари ёки жамоалари жиноят содир этган шахслар ахлоқини тузатиш ишига қонунда назарда тутилган ҳолларда жалб қилинишлари мумкин. Инсонпарварлик принципи . Жазо ва бошқа ҳуқуқий таъсир чоралари жисмоний азоб бериш ёки инсон қадр-қимматини камситиш мақсадини кўзламайди. Жиноят содир этган шахсга нисбатан унинг ахлоқан тузалиши ва янги жиноят содир этишининг олдини олиш учун зарур ҳамда етарли бўладиган жазо тайинлаши ёки бошқа ҳуқуқий таъсир чораси қўлланилиши керак. Жазолашдан кўзланган мақсадга ушбу кодекс Махсус қисмининг тегишли моддаларида назарда тутилган енгилроқ чораларни қўллаш орқали эришиб бўлмайдиган тақдирдагина оғирроқ жазо чоралари тайинланиши мумкин. Одиллик принципи. Жиноят содир этишда айбдор бўлган шахсга нисбатан қўлланиладиган жазо ёки бошқа ҳуқуқий таъсир чораси одилона бўлиши, яъни жиноятнинг оғир-енгиллигига, айбнинг ва шахснинг ижтимоий ҳавфлилик даражасига мувофиқ бўлиши керак. Ҳеч ким айнан битта жиноят учун икки марта жавобгарликка тортилиши мумкин эмас. Айб учун жавобгарлик принципи . Шахс қонунда белгиланган тартибда айби исботланган ижтимоий ҳавфли қилмишлари учунгина жавобгар бўлади. Жавобгарликнинг муқаррарлиги принципи . Қилмишда жиноят таркибининг мавжудлиги аниқланган ҳар бир шахс жавобгарликка тортилиши шарт. Жиноят – ахлоқийлик тамойиллари асосида таркиб топган ҳуқуқий талаблар, қонун-қоидалар устувор бўлган фуқаролик жамиятида ушбу меъёрларга менсимасдан муносабатда бўлиш оқибатида шахсий манфаатлар устунлиги ҳамда ўзгалар ҳақ-ҳуқуқларини бузиш натижасида содир этилган қодиса. Фалсафий категория сифатида жиноят тушунчаси кишиларнинг муайян нопок мақсадларини амалга ошириш йўлидаги амалий хатти- ҳаракатлари мажмуасини акс эттиради. башарият тараққиёти давомида

жамият ривожи ва равнақи учун хизмат қилувчи эзгу муддаоларни мақсад қилиб олган ҳодисалар қатори унга зид равишда, баъзан жиноят туркумига кирувчи ҳодисалар ҳам содир этилиб келади. Бу ҳодисалар жамият тараққиётига хизмат қилмайди, балки уни таназзулга етаклайди. шу боис жамият аъзолари ҳамда турли ижтимоий ташкилотлар, социал ин-тлар томонидан жиноят ҳодисаси қораланиб келади ва унга қарши кураш олиб борилади. Бу йўлда даставвал жиноятни келтириб чиқарувчи сабаблар ва мотивларни аниқлаш муҳим. Зеро, ҳар қандай жиноят, аввало, ижтимоий ҳодиса сифатида тасодифан рўй бермайди. ҳаттоки, баъзан эҳтиётсизлик оқибатида тасодифан рўй берган жиноят дея талқин этиладиган ҳодиса ҳам, аслида муайян ижтимоий илдизларга боғлиқ бўлади. Шунинг учун бу ҳодисанинг шарт-шароитларга боғлиқ сабабларини аниқламасдан, унга қарши кураш кўзланган самарани бермайди. Фақат шундан сўнггина турли усул ва воситалар ёрдамида унга қарши курашиш лозим бўлади. агар жиноятга қарши кураш олиб борилмаса, бир жиноятнинг иккинчи жиноят ни келтириб чиқариши хавфи ортиб боради. бу эса, жамият ҳаётида жиноятчилик деб аталмиш ҳодисанинг илдиз отишига олиб келади. Бу ҳолда жамиятнинг маънавий ҳаётига катта путур етади. жиноятчилик туфайли давлат ва жамиятга катта моддий ва маънавий зарар етиши, кишиларнинг тинч-осойишта турмуши издан чиқиши, давлат бошқарувидаги барқарорлик ўрнига беқарор тартибсизликлар рўй бериши мумкин. бинобарин, жиноят амалдаги ахлоқий, маънавий, ҳуқуқий тамойиллар ҳукмрон бўлган жамият ҳаётига ёт ҳодисадир. Компьютер жиноятчилиги – ахборот-телекоммуникацияси тармоқлари орқали ахборотдан фойдаланишнинг янги имконият-ларини ишлатиш, ҳамда компьютер тизимлари фаолиятини бузиш б-н боғлиқ ҳуқуқбузарлик ҳаракатлари. Компьютер тобора ривожланиб бориши б-н, у б-н боғлиқ жиноятларнинг турлари ҳам кўпайиб бормоқда. Уларга маълумотларга бевосита ишлов бериш тизими ёки компьютер тармоғи ёрдамида қилинган жиноятлар; аппарат, дастурий воситаларни ва маълумотларни ишлатиш,

турлаш ёки қўпориш йўли б-н содир этиладиган жиноятлар; ахборот- телеком-муникация тармоқлари орқали ахборотдан эркин фойдаланишнинг янги имкониятларини ишлатиш, ҳамда компьютер тизимларини бузиш б-н боғлиқ ҳуқуқбузарлик ҳаракатлари ва бошқ.алар киради. Интерпол ташкилоти Бош котибиятининг ишчи гуруҳи томонидан 1991 йилда ишлаб чиқилган компьютер жиноятчилари таснифлагичи компьютер жиноятларини асосий олтита турга бўлиб чиққан: - руҳсат этилмаган эркин фойдаланиш ёки тутиб олиш (QA гуруҳи); - компьютер маълумотларини ўғирлаш ( QD гуруҳи); - компьютер қаллоблиги ( QF гуруҳи); - ноқ онуний нусҳ а олиш ( QR гуруҳи); - компьютер иш ташлаши ( QS гуруҳи); - бошқа компьютер жиноятлари ( QZ гуруҳи). Кибертерроризм – компьютер системасига ҳужум. Кибертерроризм нинг мақсади компьютердан фойдаланувчиларни фаолиятида узилишни келтириб чиқариш, компьютер системасидаги давтурларни издан чиқарадиган “вирус”ларни тарқатиш, муҳим, зарурий ахборотларни йўқотиш, инсониятнинг интеллектуал салоҳиятини ўзларининг идеологик қобилиятларига олиш ва уни назорат қилиш. Терроризм ва унинг турли шакллари масштаблари жиҳатидан ижтимоий-сиёсий ва маънавий муаммолар оқимини юзага келтирди. Терроризм ва экстремизм оқимларининг турли кўринишлари кундан-кун мамлакатлар ва уларнинг фуқароларини хавфсизлигига тобора таҳдид солиб бормоқда. Террор натижасида ижтимоий-иқтисодий, сиёсий босим юзага келтирилмоқда. Ва шунингдек, инсонларнинг рухиятида куркувни шакллантириши натижасида, психологик хавфсизликка эҳтиёж тобора ортиб бормоқда. Замонваий терроризмнинг можороли манбаи ХХ асрнинг 60- йилларидан бошлаб ўсиб келмоқда. Ўша вақтдаги бутун мамлакат ҳудудларида терроризмнинг дунё миқёсида тарқалишига фаол майдон ва ўчоқлари пайдо бўлиши сабаб бўлган эди. Ҳозирда 500 га яқин ноқонуний

террористик ташкилотлар махсус органлар томонидан қайд этилган. Биргина 1968-1980 йиллар оралиғида 6700 та террористик акт содир этилган бўлиб, унинг натижасида 3368 киши ҳалок бўлган бўлса, 7474 киши жарҳатланган.1980-85 йиллар оралигида 500-800тагача 1990-йил арафасида эса 900 ва ундан ошикрок террористик хуруж содир этилган. Ҳозирда террористик фаолиятнинг авж олаётганлиги жаҳон афкор оммаси томонидан эътироф этилмоқда. Жумладан, махсус тайёрланган шахс гуруҳ ва ташкилотлар фаолиятида террор характерининг мураккаблашиб, вахшийлик асосида ва инсонийликдан ташқари бўлган меъёрлар орқали ўсиб бораётганлиги кузатилмоқда. Бир қатор Россия олимлари ва хориж тадқиқот марказлари маълумотларига қараганда умуман террор соҳаси бўйича ташкил этган бюджет 5-20 миллиард долларгача етган. Терроризм халқаро ва глобал муаммо даражасига чиққанлигини уни бартараф этиш борасида жаҳон ҳамжамиятини ҳамкорликка интилаётганлиги билан белгилаш мумкин. Бизга маълумки, яқиндагина терроризм ҳақида гап борганда уни локал ҳодиса сифатида қайд этиш устувор аҳамият касб этган эди. Лекин у ХХ асрнинг 80-90 йилларидан бошлаб у универсал феноменга айланди. Терроризмнинг глобаллашуви ва кенг миқёсда интеграллашуви бунинг ёрқин далилидир. Бу феномен турли соҳаларда халқаро алоқалар ва ҳамкорликни кенгайиши ҳамда глобаллашувини ўсиб бориши билан ҳам белгиланади. Замонавий терроризмни кучайиб бориши кўп сонли террор ташкилотлар гуруҳлар билан бир қаторда уларни қўллаб қувватловчи турли структуралардан тортиб бутун бошли ҳомий мамлакатларнинг фаолияти билан ҳам боғлиқ. Бугун террористик ташкилотларни моддий тарафдан кўллаб қувватлаш асосида араб нефт ишлаб чиқариш сохасидаги даромадни ножоиз ишлатиш холатларини кузатилаётганлиги ва ривожланган Ғарб давлатлари томонидан амалга оширилаётган стратегик мақсад ва вазифаларни амалга оширишнинг ҳосиласидир деган ёндошувлар ҳам мавжуд.

Уларнинг биринчиларида ортиқча пул бор. Шунинг учун ўзининг молиявий заҳирасини Рассия, Афғонистон ёки Косова ва бошқа шу каби бир қатор мамлакатларда низоларни келтириб чиқариш ва уларни фукороларини хавфсизлигига путур етказиш асосий мақсад қилиб олинган. Ривожланган мамлакатлар худудида турли диний ва этник оқим ҳамда диаспоралар мавжудки улар ўзга ижтимоий-маданий муҳитдан қониқмаётганликлари оқибатида бошқа мамлакатлардаги “акалари” уларни қўллаб қувватлашига олиб келмоқда. Умуман олганда замонавий терроризмнинг ижтимоий- иқтисодий ва молиявий манбаи шундай омиллар билан белгиланади. Дунёдаги одамларни террористик ҳуружни авж олишдан хавфсираши унинг қурбонлари сони кўплиги ва янги технологиялар орқали етказилаётган зарарларни кўринаётганлиги ва биноларни вайроналарга айланаётгани билан ҳам асослаш мумкин. Террор давлатнинг сиёсий тартиботи билан бир қаторда давлат қурилишининг ижтимоий-иқтисодий тараққиёт стратегиясига ҳам салбий таъсир кўрсатишини ҳар бир онгли одам эсдан чиқармаслиги керак. Бу яқин вақт оралиғида террористик ҳуружлар асосида Шимолий Ирландия, АҚШ, Россия, Кения, Танзания, Япония, Аргентина, Ҳиндистон, покистон, Жазоир, Исроил, Миср, Туркия, Албания, Югаславия, Колумбия, Эрон, Тожикистон ва Ўзбекистонимизда ҳам бир қанча инсонларни қурбон берилиши ва моддий зарарларни қайд этилишини кўришимиз мумкин. Замонавий терроризмнинг асосий характерли жиҳати шундан иборатки, унда маълум бир худудда пайдо бўлган ёвуз ғоя ёки ҳаракат замонавий техника, технология ва ахборотлар оқими орқали дунё миқёсида кенг тарқалмоқда. З амонавий терроризмни яна миллий, диний, этник низолар, сепаратистик ҳаракатлар билан ҳам изоҳлаш мумкин. Замонавий терроризмни қўллб қувватлаётган ташкилотларнинг мақсадли фаолияти асосида мафкуравий, ҳарбий, тижорий ва сиёсий масалалар ётганлигини кўриш қийин эмас албатта. Замонавий терроризм фақатгина дунё аҳолиси руҳиятига қўрқув солиб қўймасдан балки инсон ҳаётини барбод қилувчи наркотик ва ҳарбий қурол-

яроқ савдосини турли йўналишларда тарқатаётганлиги билан ажралиб туради. Шунингдек замонвий терроризм информацион жамиятда ахборотлар соҳасида ҳам ҳукмронликка эришишга ҳаракат қилмоқда. Шунинг учун ҳам ҳозирда кибертерроризм тушунчаси ижтимоий-илмий муомалада кенг қўлланилмоқда. Замонавий терроризмнинг бу шакли давлатлар ва унинг фуқароларига ўзининг тез тарқалиши ва таъсир доираси билан жуда катта миқдорда моддий ва маънавий зарар етказаётганини кўриш қийин эмас албатта. Масалан, 1996 йил АҚШ университетининг математика бўйича профессори қўлга олинди. У Т.Казинский бўлиб 18 йил мобайнида бутун америка аҳолисини қўрқувда яшашга мажбур қилган. Унинг ёвуз мақсадини амалга оширувчи объекти ва диққат эътибори университетлар, авиакомпаниялар, компьютер бўйича малакали мутахассислар ҳамда шу компьютер соҳасида олди-сотди тижоратчилар бўлган. Бу террорчининг мақсади илмий-техника тараққиётини фалокатга олиб бориши ва урбанизацияни инсоният тараққиётига салбий таъсир кўрсатишини исботлашдан иборат бўлган. Бунинг учун у энг аввало ўзининг террористик ҳуружини амалга ошириш мақсадида американинг машҳур газеталарида ўзининг қарашлари ифодаланган манфестини тарғиб қилишга ҳаракат қилиб бундай ёндошувни қўллаб қувватлашга уларни мажбур қилган. Замонавий терроризм ўзининг мураккат таъсир кўрсатиш усуллари, воситалари ва технологияларига эга. Шунинг учун ҳам унга қарши курашда замонавий фан ва техника ҳамда ижтимоий-сиёсий имкониятлардан фойдаланиш нафақат жаҳон афкор оммаси учун балки, мустақил Ўзбекистонимиз учун ҳам стратегик аҳамиятга эга бўлган мақсад ва вазифалардан ҳисобланади. Бугун дунёнинг барча мамлакатлари ижтимоий, сиёсий ҳаётида хилма-хил оммавий ахборот воситаларида энг катта ташвиш билан ўз ифодасини топаётган муаммо-халқаро терроризм ва экстремизм эканлигига ҳеч қандай шубҳа йўқ. Бугун инсоният янги минг йилликка қадам қўйган, ўз тараққиётининг мисли кўрилмаган чўққиларига кўтарилган бир даврга келиб шундай

муаммога рўбарў бўлдики, унинг ҳалокатли нафасини бутун дунё яқиндан сезмоқда. Ҳозирги вақтда терроризмнинг тажовузидан ўзини холи ҳис қиладиган бирорта қитъа ёки давлатнинг ўзи йўқ. Худди вабо каби ер юзининг кўплаб мамлакатларига ёйилиб бораётган бу бало-қазо эртага кимни нишонга олишини ҳам олдиндан айтиш қийин. Терроризмнинг кўлами кенгайиб, барча қитъалар ва мамлакатларни қамраб олаётганлиги учун XX аср 2-ярмидан «Халқаро терроризм» деб атала бошланди. Терроризм ўтмишда бир ёки бир неча шахснинг ғаразли манфаати йўлида хизмат қилган бўлса, XIX аср охирида ва XX аср бошларидан бошлаб, халқаро миқёсда иш бошлаб бутун ер юзида қотил, ақидапараст, жоҳил гуруҳ оқимларини ҳукмронлик қилиши учун восита сифатида фойдаланилди. Бунга большевизм, фашизм, диний экстремизм мисол бўла олади. Бугун биз террорчилик мисолида халқаро миқёсда уюшган, бир неча қудратли марказлар томонидан сиёсийлашган халқаро жиноий гуруҳларни кўрамиз. Энг даҳшатлиси, терроризмни қўллаб-қувватловчи, уни молиявий таъминловчи ғоявий раҳнамолик маъсулиятини ўз зиммасига олувчи гуруҳлар, марказлар, ҳатто давлатлар пайдо бўлди. Халқаро терроризмнинг иқтисодий базасини – ноқонуний равишда амалга оширилаётган наркотик моддалар савдоси, қурол-яроғ савдоси, қимматбаҳо металлар савдоси, нефть савдосидан тушадиган маблағлар ташкил этади. Масалан: БМТ нинг маълумотларига кўра, жаҳондаги гиёҳванд моддаларнинг 75 % биргина Афғонистонда етиштирилмоқда. Ундан ишлаб чиқарилаётган наркотик моддалар савдосидан тушган сармоя миллиардлаб АҚШ долларини ташкил (этади) этиши ҳеч кимга сир эмас. Маълумотларга қараганда ундан тушган фойданинг кўп қисми қурол-яроғ сотиб олиш ва террорчилик мақсадлари учун қилинаяпти. Демак, дунёнинг тинчликсевар давлатлари ана шу молиявий каналларни қонуний таъқиқлаш ҳақида бош қотиришлари керак.

Замонавий халқаро терроризмнинг энг хатарли хусусиятларидан бири унинг такомиллашган қурол-аслаҳа ва ҳарбий технологиялардан фойдаланиш имконияти ва кўламининг ошиб бораётганидир. Дунё ҳамжамияти террорист- ларнинг анъанавий қуроллар билан биргаликда, биологик ва кимёвий моддалардан ҳам фойдаланишга уринишларининг гувоҳи бўлиб турибди. Бунга мисол ҳозирда АҚШ ва бошқа мамлакатларга қарши биологик ҳужум уюштириш билан боғлиқ дўқ-пўписаларнинг кучайиб бораётганидир. Бундан ташқари, террорчилар ядровий хатарнинг тарқатувчилари қаторига киришларини ҳам эсдан чиқармаслик керак. Шу билан бирга, террорчилар АҚШ шаҳарларида ва Европанинг кўпчилик давлатларида содир этилган мудҳиш жиноятларидан ўзларининг бошқа қора мақсадлари йўлида ҳам фойдаланишга интилмоқдалар. Масалан: улардан гўёки ривожланаётган мамлакатлар халқларининг қашшоқлиги сабаби бўлмиш Ғарбдан қасос олиш, унга қарши диний экстремистик туйғуларини авж олдириш. Ғарбона қадриятларга нисбатан омма нафратини кучайтириш йўлида фойдаланилмоқ- даки, бу Ғарб дунёси ҳаётида изсиз қолмаётир. Террорчилик ҳаракатлари оқибатида айнан олинган у ёки бу давлатга етказилган маънавий ва моддий талофатлар салмоғининг адоғига етиб бўлмайди. Террорчилик деган иллат таг-томири билан суғуриб ташланмас экан, бу аччиқ қисмат ҳар бир давлат, халқ, миллатнинг бошига тушиши мумкин. Бу ҳақиқатни ҳозирги кунда бутун жаҳон аҳли теран англамоқда. Умуман – терроризм бир гуруҳнинг ҳокимиятни қўлга киритиш мақсадида қурол ишлатиб қўрқитиш йўли билан олиб борадиган сиёсатидир Кейинги йилларда жаҳоннинг қатор мамлакатларида АҚШда, Туркия, Покистон, Саудия Арабистони, Россия, Кавказ орти мамлакатларида ва бошқа мамлакатларда содир этилган террорчилик хуружлари терроризмни қачонлардир бир мамлакат доирасидан чиқиб халқаро терроризмга айланганини тасдиқлайди.

Кейинги йилларда бизнинг юртимизда рўй берган 1999 йил феврал воқеалари, 2004 йил 29-30 апрел ва 1 апрел кунлари Тошкент вилоятидаги, Бухоронинг Ромитан туманидаги, ўтган йили май ойида Андижон шаҳрида содир этилган мудҳиш террорчилик ҳаракатлари 1 ва қўпорувчилик ҳолатлари ҳам ана шу халқаро террорчилик ҳаракатлари билан бевосита боғлиқ деб айтишга барча асослар бор. Халқаро террорчи кучлар қайтадан бирлашиб бош кўтараётган, ўта маккор ва ёвуз услубларни қўллаётган бугунги мураккаб вазиятда ҳаётнинг ўзи халқаро ҳамжамият, жумладан, минтақамизда жойлашган барча давлатлардан бу балога қарши курашда ҳамкорликни кучайтиришни, бир ёқадан бош чиқариб, бундай урунишларга кескин зарба беришни, ҳарқандай тажовуз ва террорчилик хуружларини олдини олиш уларнинг мафкуравий заминини йўқотиш ва аввало ёшларимизнинг қалби ва онги, соғлом тафаккури учун курашни тақазо этмоқда. Халқаро терроризм биз учун янгилик ҳам, айни пайтда тасодифий ҳам эмас. Бироқ, камдан-кам кишиларгина ёвузликни туғилган заҳотиёқ англайди, тушунади, ўз вақтида баҳо беради ва унга ўз муносабатини билдиради. Дунёдаги ижтимоий-сиёсий жараёнлар боришини олдиндан англаш, пайқаш, олдиндан бера олиш қудрати Ўзбекистонга, унинг раҳбарига насиб этган. Президент И.Каримов жаҳон сиёсатдонлари орасида биринчи бўлиб жаҳон аҳли эътиборини диний экстримизм ва терроризмга қарши курашнинг халқаро, сиёсий, ҳуқуқий асосларини яратишга қаратди. Ўзбекистон раҳбари 1995 йилнинг 24 октябрида БМТ нинг 50-йиллиги муносабати билан Бош Ассамблеянинг махсус тантанали йиғилишида, 1999 йилнинг 18 ноябрида Европада хавфсизлик ва ҳамкорлик ташкилоти (ЕХҲТ) нинг Истанбул Саммитида сўзлаган нутқларида, 2000 йилнинг 8 сентябрида БМТ Бош Ассамблеясининг «Мингйиллик саммити»да сўзлаган нутқларида 1 И.Каримов. Ватанимизнинг тинчлиги ва хавфсизлиги ўз куч- қ удратимизга, хал қ имизнинг ҳ амжи ҳ атлиги ва букилмас иродасига бо ғ ли қ . Т., «Ўзбекистон» - 2004.

диний экстремизм ва халқаро терроризмга қарши биргаликда курашишга даъват этди ва қатор принципиал чора ва тадбирларни таклиф қилди. Жумладан: «Халқаро терроризмга қарши кураш марказини ташкил этиш масаласини кескин қўйиш мақсадга мувофиқ деб ҳисоблади. Мазкур марказнинг вазифаси – фақат терроризмнинг ўзи билан эмас, балки уни қўллаб-қувватлаётган, қурол-яроғ ва маблағ билан таъминлаётган, жойларга жўнатаётган марказларга қарши курашни мувофиқлаштиришдан иборат бўлиши даркор»,- дея уқтирди Ўзбекистон раҳбари. 2 Дунё давлатлари ўртасидаги маданий, маънавий, иқтисодий, сиёсий алоқаларни кучайтириш ўрнига инсоният зотига қирон келтирадиган гиёҳванд моддаларнинг умумжаҳон бозорининг ноёб молига айлантириш ва шу йўл билан жаҳон халқларини таназзулга келтиришдан даҳшатлироқ нарса йўқ. Терроризм, жумладан, халқаро терроризм 5-10 йиллик эмас, дунё сиёсатдонларининг айтишича бутун XXI аср мобайнида давом этиши мумкин экан. Бас, шундай экан унга қарши чора-тадбирларни ҳам биргаликда ишлаб чиқиш керак. Барчамиз бир жон бўлиб терроризм ва экстремизм ҳавфига қарши кураш олиб боришимиз, «Ўз уйингни ўзинг асра» деган шиорнинг маъносини кенг ва чуқур англаб Ватанимизнинг тинчлигини, халқимиз осойишталигини кўз қорачиғидек сақлашимиз зарур. Агар қонун йўли билан бу курашнинг асослари яратилса, ҳеч қандай терроризм, диний экстремизм бизга хавф сола олмайди. Чунки уларни жиловлайдиган қонунлар ишга тушади ва у албатта самара беради. 2 И.Каримов. Тинчлик учун курашмо қ керак. Т., «Ўзбекистон» - 2001.

Демак, юқорида баён қилинган фикрларимизни таҳлил қилган ҳолда қуйидаги хулосаларни чиқарамиз: 1) Терроризмга қарши курашнинг бош субъекти, бу ҳар бир давлатнинг ўзидир, унинг қонунчилик ва ижрочи ҳокимиятидир. 2) Ҳар бир давлатда ўйланмасдан қабул қилинган сиёсий қарорлар ҳам терроризмнинг келиб чиқишига сабаб бўлиши мумкин.(Мисол: Чеченистон воқеаларини эсга олайлик). 3) Терроризмга қарши курашиш учун у, ёки бу давлатда комплекс чора- тадбирлар ишлаб чиқилиши зарур(сиёсий, ижтимоий, иқтисодий тадбирлар). 4) Халқаро терроризмга қарши курашиш учун дунё давлатлари ҳамкорликда иш олиб боришлари зарур. Чунки «бутун дунё ягона ва ўзаро боғлиқдир». 5) Терроризм ва наркобизнесга қарши кураш соҳаларида ҳамкорликка доир маълумотларни марказлаштирувчи ягона ахборот тизимини яратиш зарур. 6) Энг асосийси яхши самара берадиган терроризмга қарши курашувчи халқаро марказ тузиш лозим. 7) Марказий Осиё давлатлари иштирокида терроризмга қарши тезлик билан ҳаракат қиладиган бирлашган қуролли қўшин тузиш ҳам мақсадга мувофиқ деб ҳисоблаймиз.

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008. 6. Глобалистика международ ный междисциплинарный энциклопедический словарь. –Москва-Санкт-Петербург-Нью-Йорк.: 2006. 7. Баходир Зокир. Глобаллашув зиддиятлари. // Тафаккур, 2004, 1-сон

Похожие

Спортнинг глобаллашуви

Сиёсий институтларнинг глобаллашуви

Миграция жараёнларининг глобаллашуви

Фан ва таълимнинг глобаллашуви

Ахлоқ ва маданиятнинг глобаллашуви