Миграция жараёнларининг глобаллашуви - Социология - Рефераты

Миграция жараёнларининг глобаллашуви

Загружено в:

20.09.2019

Скачано:

0

Размер:

75.5 KB

Миграция жараёнларининг глобаллашуви Режа: 1. Континентлараро миграциянинг глобаллашуви. 2. Аҳоли глобаллашувининг меҳнат бозорининг ўсишига таъсири. 3. Миграция жараёнлари глобаллашувининг янги ва табиий ресурсларни эгаллашдаги роли. Миграция жараёнларининг меҳнат малакасининг оширишдаги роли. 4. Жаҳон иқтисодий тизими глобаллашувининг олий малакали кадрлар миграциясининг шаклланишига таъсири.

Миграция жараёнларининг глобаллашуви А ҳ оли ва унинг э нг фаол қисми бўлган ме ҳ нат ресурслари макроиқтисодиётнинг асоси й қисми ҳ исобланади . Дунё аҳолисининг қандайдир қисми, ҳар хил таъсирлар ёрдамида иш ва яшаш жойини алмаштириб туради. Бу омил миграция деб аталиб, у бир пайтнинг ўзида ижтимоий, иқтисодий, сиёсий, диний, экологик характерга эга. Фанда миграциянинг турли таърифлари мавжуд. Миграцияга мавжуд таърифлар орасида умумий тарзда, қуйидаги таърифни ажратиб кўрсатиш мумкин: жисмоний шахс (аҳоли) нинг маълум бир географик ҳудуддан бошқа бир муайян ҳудудга кўчиши миграция дейилади. ХХ аср охири ва ХХI аср бошларида дунёда аҳоли миграцияси кучайди. Агар олдинлари миграция маълум бир ҳудудлардагина (Африка, Осиё, АҚШ, Ғарбий Европа) рўй берган бўлса, эндиликда миграция тобора халқаро глобал жараёнга айланиб бормоқда. Аҳолининг миграцион жараёнлари мотиви, кўпчилик ҳолларда, сиёсий ва иқтисодий омиллар ҳисобланади. ХХ аср охирида дунё сиёсий харитасидаги ўзгаришлар миграцион жараёнларга янги туртки берди. Янги ёш мустақил давлатлардан ривожланган мамлакатларга миграция шу йилларда янада ўсди. Бу ўринда, бир вақтнинг ўзида, сиёсий ва иқтисодий омилларнинг кесишуви натижасидаги миграцион жараённи кузатишимиз мумкин. Дунё бўйлаб миграцион жараёнларнинг ортиши кўплаб муаммоларни келтириб чиқармоқда. Жумладан, бошқа давлатларга келаётган кишиларнинг тил билмаслиги, маҳаллий аҳоли урф-одатларини билмаслиги, маҳаллий аҳоли билан турли низоларнинг келиб чиқиши, диний омил, ишчиларнинг оддий гигиеник қоидаларга риоя қилмасликлари, турли юқумли касалликларнинг келиб чиқиши, тиббий хизматнинг вақтида олинмаслиги, шунингдек, турли жамоат жойларида ўзини тутиш қоидаларини билмаслиги ёки риоя қилмаслиги каби омилларни кўрсатиш мумкин. Юқоридаги ҳолатларнинг авж олиб кетмаслиги учун миграцион жараёнларни бошқариш тушунчаси қўлланилади. Бундай бошқариш

тагзамирида, иш кучи ресурсларини биринчи навбатда, қонунийлаштириш, тартибга солиш ётади. Ишчи кучи миграциясини тартибга солишда халқаро ташкилотларнинг аҳамияти каттадир. Бундай ташкилотлардан бири Халқаро меҳнат ташкилоти (ХМТ)дир, бу ташкилотда давлатлар, тадбиркорлар ва меҳнаткашлар вакиллари иштирок этади. Миграцион жараёнларни бошқаришда ушбу жараёнларнинг асосий йўналишларини аниқлаб олиш муҳим аҳамиятга эга. Халқаро ишчи кучи миграциясининг 5 та йўналишини ажратиб кўрсатиш мумкин: 1) Ривожланаётган давлатлардан саноати ривожланган давлатларга миграция; 2) Саноати ривожланган давлатлар доирасидаги миграция; 3) Ривожланаётган давлатлар орасидаги миграция; 4) Собиқ социалистик давлатлардан саноати ривожланган давлатларга миграция; 5) Илмий ходимлар, малакали мутахассисларнинг саноати ривожланган давлатлардан ривожланаётган давлатларга миграцияси. БМТнинг статистик маълумотларига қараганда, Европа аҳолиси 2050 йилга бориб, 128 млн.га камаяди, бунда Италия – 16 млн., Германия – 23 млн., Россия – 33 млн. кишисини йўқотади. Энг аҳамиятлиси, Европа умумий аҳолисининг 10% игина европалик илдизга тақалади. ЕИ ҳудудида миграцион оқимни ва ўзга маданиятдагилар ҳамжамиятини тартибга солиш бўйича муайян ишлар ҳам илмий-назарий, ҳам амалий аҳамият касб этмоқда. Европанинг деярли барча давлатлари ОАВларида ва сиёсий дебатларда ушбу мавзу тез-тез кўтарилмоқда. Германия иммиграция сиёсати ўзига хос махсус қоида ва анъаналардан келиб чиққан бўлиб, у кўпгина Европа давлатларида қизиқиш уйғотди. Агарда 1973 йилда 3,9 млн. (ГФР) хорижлик яшаган бўлса, 30 йилдан сўнг бу кўрсаткич, яъни 2002 йилда 7,3 млн.ни ташкил қилди. Германиялик

муҳожирларнинг кўпчилиги “учинчи давлат” кишилари бўлиб, улар этномаданий нуқтаи назардан, кўпгина муаммоларни келтириб чиқаради. 2000 йил 1 январдан кучга кирган “Фуқаролик тўғрисида”ги қонунига кўра, 2000 йилгача муҳожирлардан туғилган болалар бевосита немис фуқаролигини қўлга киритади. Балоғат ёшига етгунча (18 ёш) улар ота- оналарининг фуқаролигини сақлаб турадилар, лекин 23 ёшгача фуқароликни аниқ танлашлари талаб этилади. Фуқаролик олишга ишсизлик нафақасини олувчилар, судланганлар даъвогарлик қила олмайдилар. Шунингдек, немис тилини ўрганиш бўйича тест олиш мажбурий қилиб қўйилди. Умумий ҳисобда 2000-2004 йиллар оралиғида 191107 та муҳожирларнинг фарзандлари немис фуқаролигини қўлга киритишди. Уларнинг кўпчилигини этник турклар ташкил қилади. 1 Германия янги миграцион сиёсатининг туб моҳияти шу бўлдики, Германия ўзини якунда расман “иммиграцион мамлакат” деб эълон қилди. Яна бир муҳим жиҳат шу бўлдики, иммигрантларга турли таништирув курслари (630 соатга мўлжалланган федерал дастур) белгиланган бўлиб, у “учинчи давлат”лар билан Европа давлатлари фуқароларини бир хил кўради. Мусулмон аёллар учун ҳам алоҳида курслар белгиланган бўлиб, бу якунда уларнинг меҳнат фаолиятига тезроқ киришиб кетишларига ёрдам беради. Ўз навбатида, бу курслардан бош тортган одамларга маъмурий чоралар кўрилади. 2006 йил 14 июлда Берлинда шахсан федерал канцлер раҳбарлигида хорижликлар интеграцияси масаласи бўйича Саммит бўлиб ўтди. Унда барча манфаатдор томонлар, сиёсатчилар, ОАВ вакиллари, иқтисодчилар, касаба уюшмалари, диний муассасалар вакиллари, шунингдек, маданият ва спорт вакилллари иштирок этди. Ангела Меркель ушбу анжуман мигрантлар ва Германия сиёсатчилари ўртасидаги келгусидаги интеграцион сиёсат учун очиқ диалог платформаси бўлиши кераклигини билдирди. Бунинг натижасида, 2007 йил ярмигача олтита ишчи гуруҳ тузилиши ва улар 1 Масалан, 2004 йилда жами 127 153 иммигрант немис фуқаролигига эга бўлди. Ундан 44 465 (35%) турклар ва фақатгина 7 499 (5.9%), 6 362 (5%) қисмини поляк ва эронлар ташкил қилди.

умуммиллий интеграцион концепция (айниқса, таълим ва немис тилини ўрганиш бўйича) ишлаб чиқишлари белгиланди. Германия янги иммиграцион сиёсатининг амалда бир вақтнинг ўзида, мамлакатда истиқомат қилаётган ва келаётган муҳожирлар учун кўпгина қулайликларни белгилаб берди. Таълим ва тил жараёнига урғу берилаётганлиги эса алоҳида диққатга сазовор, зеро малака ва тил билиш амалда, шахснинг кейинги истиқболини белгилаб беради. Мигрантлар, ўз табиатига кўра жамиятнинг ишбилармон ва ҳаракатчан аъзолари ҳисобланади. Тарихга назар ташлайдиган бўлсак, миграция иқтисодий ўсишга, янги миллатларнинг пайдо бўлиши (ассимиляциялашув)га, маргинал маданиятларнинг бойишига кўмак бўлиб келган. Миграцион жараёнларни таҳлил этишда, ундаги муҳим муаммовий масалаларнинг ҳам мавжудлигини инобатга олиш зарур бўлади. Маълумки, ҳаракат фаолияти мобайнида аксарият мигрантлар эксплуатация қилинади ва уларнинг ҳуқуқлари поймол қилинади; аксарият ҳолатларда ўзлари йўналиш олган манзил мамлакатлар маданияти ва турмуш тарзига нисбатан интеграциялашув қийин кечиши мумкин; мигрантларни қабул қилаётган давлатларнинг малакали ва зарур ҳисобланган кадрларига нисбатан арзон ишчи кучи сифатида рақобатбардош бўлиб, уларни иш жойларидан маҳрум этиши мумкин. Мана шу ва бошқа кўплаб сабабларга кўра миграция ҳолатин ҳар томонлама, жумладан социологик ўрганиш муҳим мавзу ҳисобланади. Мазкур миграциянинг ҳажмидан ташқари яна бир муҳим томони, ижтимоий-сиёсий томони ҳам борки, у ҳозирги вақтда ҳам европалик ҳисобланган америкаликларнинг асосан келиб чиқиши африкалик бўлган қулларнинг авлодларига нисбатан қайсидир даражада таъсир кучига эга эканлигидир. Шундай бўлса-да, АҚШга қулдорликнинг тугатилишидан сўнг ҳам Хитой, Ҳиндистон ва Япониядан жуда кўплаб одамлар шартнома асосида кўчишди ва бу жараён ҳали ҳам давом этмоқда. Масалан, охирги статистик маълумотларга кўра ушбу мамлакатга фақат Ҳиндистоннинг

ўзидан 1,5 миллион одам кўчиб келган. Ҳиндистонлик мигрантлар дунё миқёсида ўзининг интеллектуал салоҳияти туфайли компьютер дастурлари устаси сифатида танилган бўлса-да, бироқ уларнинг Америкадаги фаолияти Европа мамлакатлари фуқароларига тегишли плантацияларда ишлаш билан боғлиқдир. Миграциянинг кейинги даври ХIХ асрнинг охирлари ва ХХ асрнинг бошларига келиб, АҚШнинг саноатини ниҳоятда юқори суръатлар билан ривожланиши орқали белгиланади. Бу вақтда Шимолий, Жанубий ва Шарқий Европанинг иқтисодий турғун ҳудудларидан ва репрессив сиёсий тизимларидан қочган миллионлаб ишчилар 1850 йилдан 1930 йилдаги Буюк Депрессиягача АҚШга кўчиб кетишда давом этадилар. Уларнинг орасида очарчиликдан қочган ирландияликларни, омадини синаб кўриш учун кетган инглиз, немис ва французларни, ишсизликдан тинкаси қуриган италиялик ва полякларни, этник жиҳатдан ҳоли танг яҳудий ва бошқа миллат вакилларини кўплаб учратиш мумкин эди. Бу вақтда Нью Йоркдаги Эллис оролидаги иммиграцион текширув рўйхатидан ўтган мигрантларнинг сони қарийб 12 млн. кишини ташкил этади. Миграциянинг кейинги катта даври иккинчи жаҳон урушидан кейин Европа, Шимолий Америка ва Австралиядаги иқтисодни тиклаш учун ишчи кучи зарур бўлганлиги туфайли содир бўлади. Масалан, бу к ў плаб т урк мигрантларининг Германияга, Шимолий Африкаликларнинг Франция ва Бельгияга келиши билан бо ғ ли қ . Шу вақтда мустамлакадан чиқиш ҳали ҳамон давом этаётган бўлиб, дунёнинг турли бурчакларида “учинчи давлатлар” деб ном олган кўплаб жамиятларда озодлик ҳаракатлари натижасида, мустамлакачилик зулмидан қутулиш даври бошланади. Аммо унинг замирида ҳам миграцион жараён жиддий тус олади. Бу давр, 1947 йилда Ҳиндистонда бўлган озодлик ҳаракати ва Покистон давлатининг вужудга келиши натижасида, миллионлаб ҳиндлар ва мусулмонларнинг, ҳамда Исроил давлатининг ташкил топиши натижасида вужудга келган ички низолар туфайли, яҳудий ва

фаластинликларнинг ўз туғилиб ўсган жойларини тарк этишлари билан боғлиқ. Шунингдек, мағлубиятга учраган Германия ва Япониядан АҚШга интеллектуал миграция кучаяди. Авж олган миграция суръати АҚШга нисбатан ўтган асрнинг 90- йиллари бошида бир оз сусайган бўлса, Европа минтақасида халқаро мигрантларнинг кучига бўлган талаб 70-йилларга келиб деярли эҳтиёж сезмайди. Ушбу даврларда глобал иқтисоднинг бошқарув кучи Осиё томонга кўча бошлайди. Бу эса шундоқ ҳам аҳоли зич яшайдиган ерларда мигрантларга, хусусан, меҳнат миграциясига бўлган талабни оширади. Охир- оқибат мигрант қабул қилувчи давлатларда сўнгги йилларда бошпанасизлар, қочоқлар ва номунтазам мигрантларнинг ҳаракати бошқариб бўлмас даражага етди. Бу табиийки, халқаро миқёсда миграция тизимини тартибга солиш бўйича қатор лойиҳалар ишлаб чиқишни тақозо этарди. Биринчидан, мигрантлар орасида аёллар улуши тез равишда ошиб бормоқда. 2007 йилда Ер юзи бўйича мигрантларнинг деярли ярми аёллар бўлди, уларнинг катта қисми ривожланган давлатларда ва сезиларли қисми эса ривожланаётган давлатларда фаолият юритмоқда. БМТнинг статистик маълумотларига кўра, 2005 йилда Европа, Лотин Америкаси, Шимолий Америка, Океания ва собиқ Иттифоқ давлатларида эркак мигрантларга қараганда аёл мигрантлар кўпроқ бўлган. Эътироф этадиган томони, илк вақтларда аёлларнинг миграцияда иштирок этишда асосий мақсадларидан бири анъаналардан келиб чиққан ҳолда, ўз жуфти ҳалоли билан бирга бўлиш бўлса, бугунги кунда эса мустақил тарзда кўчаётган аёллар нисбати ортиб бормоқда, улар асосан оилаларининг асосий боқувчиси сифатида кетмоқдалар. Иккинчидан, мигрантларнинг ўз давлатлари, транзит ва улар борадиган (манзил) давлатлар орасидаги анъанавий фарқ тушунарсиз бўлиб қолди. Бугунги кунда дунёдаги деярли барча мамлакатлар назоратни амалга ошириш учун учта вазифани бажармоқда, яъни мигрантлар бу давлатлардан

чиқарилмоқда, давлатлар транзит вазифасини бажармоқда ва мигрантлар уларга қараб йўл олишмоқда. Шахснинг яшаш жойини эркин танлашини тан олиш миграция оммавий, халқаро тус олаётган ҳозирги давр ва жамиятлар учун узоқ изланишлар олиб боришни талаб этаётган масалалардан биридир. Инсон хуқуқлари ва маънавий маданий қадриятлар нуқтаи назаридан у, шубҳасиз, ижобий аҳамиятга эга. Шахснинг ўз маънавий-маданий эҳтиёжларини қондириш учун барча давлатлар ва ўлкаларда ҳам реал тенг имкониятлар яратилган деб бўлмайди. Диний мутаассиблик, консерватив қарашлар, демократияни тил учида тан олаётган, аслида эса якка фикрни тарғиб этиб, ҳурфикрликни гоҳ очиқ, гоҳ ёпиқ таъқиб этаётган давлатлардан очиқ фуқаролик жамияти қураётган Ғарб давлатларида миграция кучайиб бормоқда. Ҳар йили Ғарб давлатларига Осиё ва собиқ СССР республикаларидан 4 миллионга яқин киши миграция қилинади. Бундай жараёнлар Хитой, Япония, Ҳиндистондан АҚШга кўчишда ҳам кўзга ташланади. Демак, миграция умумпланетар характер касб этмоқда. Кўчиш фақат ишчи кучларининг силжиши эмас, у миллий маданий қатламларнинг силжиши ҳамдир. У маданиятлараро интеграцияни кенгайтиради, умуминсоний маънавий-маданий қадриятларнинг, турмуш тарзининг ранг-баранглашувига, бутун инсоният учун норматив аҳамиятга ва кўринишга эга бўлган маданий парадигмаларнинг шаклланишига олиб келади. “Эмиграция ва реэмиграция ҳаётнинг геосиёсий, сиёсий, иқтисодий, этномаданий, ижтимоий соҳаларига таъсир этди” 2 . Ҳозирги даврда Марказий Осиё мамлакатларидаги миграция оқимларини бошқариш муаммоси мамлакатлар иқтисодий хавфсизлигини шакллантиришнинг аҳамиятли омилларидан бирига айланмоқда. Чунки миграция (хусусан, меҳнат миграцияси) сўнгги вақтларда минтақанинг қатор мамлакатлари учун таҳдидли хусусият касб этмоқда. Минтақадаги миграция нафақат ўзининг мисли кўрилмаган улкан миқёси, балки аксарият ҳолларда 2 Аблажей Н.В. Эмиграция из России (СССР) в Китай и реэмиграция в первой половине ХХ в. Автореф. дисс. д.и.н. Новосибирск: СО РАН, 2008. С. 3.

асосан фақатгина бир мамлакатга – Россияга йўналганлиги билан характерлидир. ВМФ маълумотларига кўра, Россия имиграция кўламига кўра, катталиги жиҳатидан иккинчи ўринда туради. Бу эса, Марказий Осиё минтақасининг деярли барча мамлакатларини РФ сиёсий ва иқтисодий манфаатларига бевосита боғлаб қўяди 3 . Минтақадаги мамлакатлар миграция жараёнларининг иккинчи муҳим хусусияти мигрантлардан олинаётган молиявий тушумлардан ушбу давлатларнинг боғлиқлиги юқори даражасидир. (Айнан МВФнинг маълумотларига кўра, минтақа мамлакатларига мигрантлар томонидан юборилаётган пул жўнатмалари Тожикистон ЯИМнинг 20-25%игача, Қирғизистонда 16%игача ташкил этади) 4 Боғликликнинг бундай даражасининг ўзиёқ иқтисодий хавфсизликка бевосита таҳдиддир. Россияда ишчи ўринларнинг сўнгги қисқартирилиши Қирғизистон Республикаси миграция ва бандлик агентлиги директори А.Рискулованинг бежиз жиддий ташвишга солмаяпти, унинг фикрига кўра, жаҳон иқтисодий инқирозига боғлиқ ҳолда мигрантлардан пул тушумининг камайиши ҳозирча кузатилмаяпти. “Бироқ мигрантлардан келадиган тушумлар камайиши мумкин, чунки инқироз иш ўринларининг қисқаришига олиб келади, бу эса, ишсизликнинг кўпайтириши ёки хорижга пул топиш учун кетган кишиларнинг маоши камайишига олиб келиши мумкин. Банк жўнатмалари бўйича Қирғизистонга мигрантлар ўтказаётган пуллар 800 миллиондан кўпроқ АҚШ долларини ташкил этади, бироқ шу аёлнинг сўзларига кўра, агар улар пулларни қариндошлари орқали юборишни ёки кўчмас мулк харид қилаётганини ҳисобга оладиган бўлсак, бу сумма 1 миллиард АҚШ долларидан ошиб кетиши мумкин” 5 . Бундан нафақат Қирғизистон Республикасининг иқтисодий, балки миллий хавфсизлигига ҳам жиддий хатар бўлиши мумкинлигини, хусусан, бу ерда Қирғизистоннинг ташқи қарзи 3 World Bank Publications _ ESW CD /раздел Региональные исследования 2007 г. На русском языке. 4 World Bank Publications _ ESW CD /раздел Региональные исследования 2007 г. На русском языке. 5 URL бўйича : http :/ www .24 kg / community /2008/10/28/9605. html ,28/10-2008. M игрантлардан келадиган пул суммаси ЯИМ бўйича 2008 йил 1 октябрига 29,7%ни ташкил этган – Муаллиф изоҳи.

сезиларли эканини ҳам ҳисобга олиш зарурлиги ҳақидаги хулоса келиб чиқади. Ҳозирги шароитларда Марказий Осиё минтақасидаги миграцион оқимлар деярли назоратсиз юз бераётганини ҳисобга олган ҳолда ҳар қандай донор мамлакатнинг иқтисодий мустақиллиги камайиши кузатилиши мумкинлигини таҳмин қилиш мумкин, чунки малакали мутахассисларнинг кетиб қолиши ишлаб чиқарилаётган маҳсулотнинг сифати ва рақобатбардошлиги камайишига олиб келиши мумкин. Айни вақтда, ҳар қандай мамлакатнинг иқтисодий мустақиллигини сақлаб қолиш учун ишлаб чиқаришнинг шундай даражасига ҳамда рақобатбардошликни таъминлай оладиган маҳсулот самарадорлиги ва сифатини оширишга ҳамда жаҳондаги савдода, коопирацион алоқаларда ва илмий-техник, технологик ютуқларда тенг иштирок этишга имкон берадиган даражага чиқиш талаб этилмоқда. Бунга ҳалал берувчи омиллар сифатида қуйидагиларни келтириш мумкин:  Меҳнат миграцияси соҳасида қабул қилувчи ва юборувчи мамлакатлар қонунчилигининг номукаммаллиги. Мавжуд қонунларни амалга оширишнинг аниқ механизми, уларни бажарилиши устидан назоратнинг мавжуд эмаслиги.  Меҳнат мигрантларининг фаолиятини ташкил этиш ва бошқариш учун ҳуқуқий асос сифатидаги таъсирчан икки томонлама битимларнинг мавжуд эмаслиги.  Меҳнат мигрантларини қабул қилувчи мамлакатларда ундан фойдаланиш манфаатли бўлганлиги сабабли ноқонуний ишчи кучига бўлган юқори талаб ҳамда иш берувчи учун хорижий ишчи кучини ёллаш тартибининг мураккаблиги.  Фуқароларни хорижда қонуний ишга жойлаштириш бўйича Тожикистондаги хизматлар ва инфратузилмаларнинг ривожланмаганлиги.  Қоғозбозликнинг кенг тарқалганлиги. Марказий Осиё ҳудуди мамлакатларидаги миграция даражасини юқорилиги иқтисодий асоси иқтисодий тараққиёт даражаси ва турли

мамлакатлардаги даромадлар даражасидаги фарқдир. Марказий Осиё мамлакатлари учун (Қозоғистон бундан мустасно) Россия меҳнат мигрантлари учун иқтисодий, ижтимоий, тарихий ва бошқа омиллар туфайли энг мақбул мамлакатдир. Юқорида баён қилинганлардан келиб чиққан ҳолда, мамлакатдан чиқиб кетаётган ишчи кучи оқимининг иқтисодий зарари ўта катта, деган узил- кесил хулосага келиш мумкин. Миграция натижасида минтақа мамлакатларининг энг малакали меҳнат заҳиралари қатламларининг йўқотилиши мллий иқтисодиётларнинг узоқ муддатли жонланиш истиқболларига путур етказади ва ҳам ички, ҳам хорижий инвестицияларнинг меҳнат талаб қилувчи соҳаларга киритилишини камайтириб юборади. Улар ўтмишда рақобатли афзалликларга эга бўлган ва Марказий Осиё давлатларининг миллий иқтисодий тизими учун йўл бошловчи бўлиши мумкин эди. Бу ҳам, иқтисодий хавфсизликнинг ўсишига имкон бермайди. Меҳнат миграциясининг ҳозирги кундаги жараёнлари, агар қисқа муддат назаридан қараладиган бўлса, иқтисодиётга пул ва маҳсулот заҳираларининг сезиларли даражада жамланиши ҳамда мамлакат ташқарисида яратиладиган сўнгра эса, минтақа мамлакатларига олиб келинадиган, импорт қилинадиган қадриятларга таъсир кўрсатади. 2004 йил 17 августда Корея Республикасида саноат тизимида ўқитиш билан бир қаторда хорижий фуқароларни ишга жойлаштиришга рухсат бериш тизими жорий қилинган. Ишга ёллаш фақатгина бу борада икки томонлама шартнома тузган мамлакатлардагина амалга оширилади. Бундай мамлакатлар ҳозирча ҳаммаси бўлиб олтита: Тайланд, Шри-Ланка, Вьетнам, Мўғулистон, Индонезия ва Филлипин 6 . Ишга юбориш мамлакатларини танлаш Корея Республикаси хорижий ишчи кучи стратегияси бўйича қўмита ва меҳнат вазирлиги томонидан 6 Краткая информация о деятельности агентства по вопросам внешней трудовой миграции (Ташқи меҳнат миграцияси масалалари бўйича агентлик фаолияти тўғрисида қисқа маълумот) // Экономическое обозрение, №2, 2006.

амалга оширилади (меҳнатга жойлашиш учун рухсат бериш тизмига юборувчи мамлакатларни танлаш саноат малака ошириш тизимидан мустақил тарзда ўтказилади). Ишчиларни танлаб олиш ва таклиф қилиш Корея Республикаси давлат муассасалари ва юборувчи мамлакат томонидан хусусий ишга жўнатиш агентликларининг воситачилигисиз амалга оширилади. Хулоса тарзида жахон молиявий инкирози натижасида куплаб мамалакат иш уринлари кискартирилмокда. БМТ тараккиёт дастурининг Европа ва МДХ мамалакатлари буйича минтакавий бюроси марказий Осиё департаменти директори глобал инкироз дунё буйича 240млн. киши ишидан айрилди, 170млн. нафарда ортик киши кашшок булиб колди. Жахон цивилизациясининг хозирги ривожланиш боскичи ижтимоий – иктисодий, сиёсий ва маданий муносабатлар интеграциялашуви хамда глобалашуви билан характерланади. Замондаги чегаралари ва амалга ошиш суръатлари хам барча мамлакатлар ва миллатлар учун бир хил эмас. У айрим мамлакатлар хаётида тезрок, айримларида эса секинрок кечиши мумкин.

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008. 6. Глобалистика международ ный междисциплинарный энциклопедический словарь. –Москва-Санкт-Петербург-Нью-Йорк.: 2006.

Похожие

Жиноятнинг глобаллашуви

Спортнинг глобаллашуви

Сиёсий институтларнинг глобаллашуви

Фан ва таълимнинг глобаллашуви

Ахлоқ ва маданиятнинг глобаллашуви