Сиёсий институтларнинг глобаллашуви - Социология - Рефераты

Сиёсий институтларнинг глобаллашуви

Загружено в:

20.09.2019

Скачано:

0

Размер:

94 KB

Сиёсий институтларнинг глобаллашуви Режа: 1. Иқтисодий, экологик хавфсизлик масалаларини ҳал қилишда сиёсий қарорларни қабул қилиш глобал тизими яратилишининг аҳамияти. 2. Дунёвий ҳокимият тармоқлараро ҳокимият аҳамияти. 3. Суверинитетнинг қарор қабул қилиш глобал тизимининг муҳим муаммоси. 4. Манипулятив демократия ҳаракатининг легитим характери.

Сиёсий институтларнинг глобаллашуви Бугун дунё турли қарашлар, ғоялар, нуқтаи-назарларнинг тамомила янгича ривожланиш палласига кириб, бу унда яшовчи халқларнинг турмуш тарзи, ғоя ва мафкураларига ҳам бирдек катта таъсир кўрсатмоқда. Аслида, турли жамият аъзолари муносабатларининг ўзаро интеграцияси сифатида танилган глобаллашув жараёни вақт ўтиши билан, унинг фаолият йўналиши “траектория” си ҳам ўзгариб бормоқда. Атоқли сиёсатчи Карл Ясперснинг “ҳар бир давр ўзича бир таҳдиддир” деган сўзлари бугун яна бир бор исботини топаётгандек гўё. Инсон олий мавжудот аммо бу - уни хатолардан ҳоли эканлигини билдирмайди. Жамиятда инсонларнинг ҳатти- ҳаракатлари ва хулқ-атворларини тартибга солиш, уларнинг ўзаро алоқаларга асосланган муносабатларини шакллантириш-инсонларнинг ўзлари томонидан турли институтлар, яъни, том маънодаги “тартибга солиш қурилмалари” ташкил этилган. Жамиятда сиёсий институтларининг глобаллашувнинг айнан “хавфи” шароитида қандай муҳим аҳамият касб этади? Глобаллашув жараёнининг XX асрнинг охири айниқса, XXI бошларидаги умумий манзараси-“аср вабоси” сифатида баҳоланаётган терроризм, наркобизнес ва гиёҳвандлик, шунингдек, замонавий “манқуртлар”ни тарбиялаш ва шу ёрдамида давлатлар сиёсий тузумини ағдариш каби мақсадлар сари йўғрилган латент, яъни, яширин ёҳуд бунёдкор шиорлар остидаги ғоялар ва мафкуралар хилма-хиллиги асосида кечмоқда. Глобаллашувнинг юқоридаги кўрсатиб ўтилган “кўринишлари” турли давлатларга турлича таъсир кўрсатишини алоҳида таъкидлаб ўтиш жоиз. Аммо, анъанавий мамлакатларнинг замонавийлаштириш қонуниятлари билан мослаша олмаслиги, ёинки умуман қабул қилмаслиги глобаллашувнинг “салбий” хусусиятлари учун айни муддаолик касб этмоқда. Маълумки, ҳар бир жамият хоҳ у тоталитар, хоҳ у демократик ёки монархия бошқаруви бўлсин, шу сиёсий тузумнинг манфаатларини ифода этишга хизмат қилувчи ижтимоий, иқтисодий ва сиёсий институтларига эга бўлади. Бу институтлар

жамиятнинг маълум қатламларини ўзида бирлаштирган ҳолда, шу жамият тараққиёти ва албатта хавфсизлиги учун хизмат қилади. Одатда, сиёсий институтлар дейилганда, инсонларнинг сиёсат доирасида манфаатларини ифода этувчи институтлар ёки давлатни ўзини тушунилади холос. Аммо сиёсий институтлар бугун ҳаётнинг турли жабҳаларини тартибга солувчи, назорат қилувчи, хавфсизлиги учун ҳам жавобгарлик маъсулиятини ҳам ўзида мужассамлаштиради. Масалан, XVII асрнинг энг қудратли Усмонлилар сулоласининг бирданига таназзули сабабларини Туркияда биринчи матбуот асосчиси, Иброҳим Мутафаррика ўзининг “Умматларни бошқаришда ақл-заковат билан иш юритиш” асарида институтларни, хусусан сиёсий ва ҳарбий институтларни эскириб қолганлиги, шунингдек, ҳар қандай янгиликларга қаршилик ҳаракатлари билан ифодаланган институтларининг жамият бутун тараққиётига ғов эканлигини кўрсатиб берган эди 1 . Глобаллашув аслида салбий тушунча эмас. Балки, бу жараён иштирокчилари ва уни амалга ошириш ғояларининг умуминсоний тамойиллардан ортга чекиниши ва “якка” яъни, маълум бир гуруҳ мақсадларига таяниши оқибатида салбий хусусиятлар касб этади холос. Сиёсий институтларнинг асосий вазифаси сифатида индивидларни сиёсий жараёнларда манфаатларини ифода этиш, сиёсий тузумнинг барқарорллигини таъминлаш билан бир қаторда, ўзига хос равишда янги элиталарни, хусусан, ёш авлод тарбиясида етакчи мазмун касб этади. Бугун “тамаддунлар тўқнашуви” (С.Хантингтон) муқаррар кўзга ташланаётган бир даврда, глобаллашувнинг салбий саҳна кўринишининг асосий “актёрлари” сифатида ёшларни танлаб олинаётганлигида ҳам ўзига хос мақсадлар ётади. Биринчидан, кекса аҳоли пассив ва интроспекция- яъни ўз-ўзини кузатишга, ўзи ҳақида қайғуришга, ёшлар эса серғайрат ва миллий-сиёсий қатъиятлиликни қўллаб-қувватлашга мойил бўлишади. Бу эса ўз навбатида, ижобий мақсадлар билан бир қаторда, бузғунчи, ёт ғоялар “натижавийлиги” 1 Тимоти Ж. Уинтер. XXI асрда ислом. Постмодерн дунёда қиблани топиш. Т., 2005. Б.10.

учун катта кучни тақдим этади. Масалан, Гитлер сиёсий тузумининг 12 йил давомидаги (1933-1945) нуфузи “Гитлерюгенд” ёшлар ташкилотининг, Японияда замонавий “манқуртлар” тайёрлаш маркази “Аум Сенрикё” ёки Хитойдаги “Сталини” Мао Цзедун тузуми “ҳимоячилари” сифатида тузилган “Хунвейбинлар” ҳаракати аъзолари ҳам айнан ёшлар эканлиги фикримизнинг яққол исботидир.Жамиятдаги сиёсий институтларнинг тараққиёти аввало, жалб этиш ғояси ва мафкураси билан бевосита боғлиқдир ва мафкуранинг кучлилиги, маълум манфаатларга ифодаланиши, аъзоларни ортишига ҳам олиб келади. Сиёсий институтларнинг давлат, парламент, партия, консерватизм, неоконсерватизм, лоббизм ва ҳатто оммавий ахборот воситалари каби кўринишлари аҳоли турли қатламларини ўзида мужассамлаштирган ҳолда, катта сиёсий бошқарув механизмлари сифатида намоён бўлмоқда.Глобаллашув жараёни ўз навбатида салбий аҳамият касб этиши ва буни тамаддунлар тараққиётига таъсирини ҳисобга олиб, бу жараёнда сиёсий институтларнинг фаолияти даражаси бизнинг фикримизча, қуйидаги асосий омиллар асосида ислоҳ қилиниши мақсадга мувофиқ:  Сиёсий институтларнинг энг асосийси сифатида давлат намоён бўлар экан, аввало, у раҳномолигида аҳоли турли қатламлари ва гуруҳларининг жамовий ва шахсий манфаатларини аниқлаш, ҳисобга олиш- давлатнинг барқарорлигини асосий шартидир. Зеро, ягона мақсад асосида бирлашган гуруҳ билан турли мазмундаги хавф-хатарларни олдини олиш осон кечади.  Иккинчидан, сиёсий институтларнинг социолизация, яъни, ижтимоийлаштириш, ишонтириш тамойиллари асосида аҳоли турли қатламлари сиёсий онги ва маданиятини ошириши-ҳар қандай кўринишдаги ғояларга қарши кучли бунёдкор ғоя асосида жавоб қайтариш хусусиятини шаклантириб бериши уларнинг ўзига хос ва асосий белгиси ҳисобланади.  Учинчидан, сиёсий институтлар жамиятнинг асосий барқарорлиги шарти ҳам ҳисобланиб, бугунги кунда давлат сиёсий тузумининг асосий “сақловчиси” вазифасини бажариши, ўз навбатида турли ижодкор, ғайратли,

шижоаткор қатлами, яъни, ёшларни ўзида бирлаштириши юқоридаги омилларни амалийлиги ва албатта давомийлигини таъминлаб беради. Зеро, ёш авлод, кейинги авлодга етказиб бериш кучлари ҳамдир.  Сиёсий институтларнинг глобаллашув жараёнидаги энг муҳим аҳамиятга эга томони ҳам мавжуд бўлиб, айнан у ёки бу турдаги сиёсий институт ўз ғояси орқали маълум бир аҳоли қатламини ўзида бирлаштирар экан, глобаллашув “сояси” да кириб келаётган турли ёт ғояларга қарши курашиш кучига эга эканлигини алоҳида эслатиб ўтиш лозим.  Сиёсий институтлар ҳар қандай жамият модернизациялашув жараёни учун асосий таянч сифатида намоён бўлиши ва бу омилни мустаҳкамлашда аҳоли сиёсий маданияти ва онгини ошириш жараёни билан чамбарчас боғлашда асосий нуқтадир.Таниқли сиёсатшунос С.Хантингтон “тартиботсиз (бу ерда сиёсий тузум назарда тутилмоқда) озодлик бўлиши мумкин, аммо озодлик тартиботсиз бўлиши мумкин эмас” 2 . Бу ерда кўриниб турганидек, сиёсий институтлар аввало ички муносабатларни тартибга солиш, аҳоли сиёсий онги ва маданиятини ошириш йўли билан шу давлатга хавфи мавжуд бўлган турли жараёнларга фикрларни шакллантириш вазифасини ҳам бажариб берар экан. Фикрлар хилма–хиллиги, мафкуралар, ғоялар турли-туманлиги муҳити аслида жамиятлар ва давлатлар манфаати учун ўта зарарли эмас. Аммо шу ғоялар ва мафкуралардан “ниқоб” сифатида фойдаланаётган айрим кучлар “демократия поспонлари” ёҳуд “демократия фабрикалари” вакиллари сифатида аҳоли кайфиятини манипулация қилишда ва шу орқали давлатлар сиёсий бошқарувига ҳам салбий таъсир кўрсатмоқдалар ва ҳатто бу кучлар турли “ранглар инқилоблари” (Украина, Қирғизистон ва Грузия)ни ҳам ясашга эришдилар. Жамият ижтимоий институтлари ичида энг муҳим аҳамиятга эга бўлгани бу айнан сиёсий институтлар экани, бугун жамиятда тараққиётга эга мамлакатлар мисолида кўришимиз мумкин. Сиёсий институтлар фақатгина сиёсий манфаатлар ва кучларни бирлаштириб қолмасдан, аввало, ўз 2 Хантингтон С. Политический порядок в меняю щ ихся об ществах.-М.:Прогресс-Традиция, 2004.С.11

аъзоларини бошқариш ва шунингдек, ўз обьекти бўлган давлатнинг ягона бирлиги, хавфсизлигига доир барча масалаларда маъсул, етакчи бошқарув тизимлари бирлиги сифатида намоён бўлади. Жамият давлат муносабатлари интеграцияси мавжуд экан, демак, глобаллашув ҳам тўхтовсиз жараён. Бу муносабатларнинг даврий ҳолати эса у ёки бу давлат аҳолиси манфаатлари асоси, яъни, етакчи сиёсий институтлари белгилаб беради. Б.Жувенель “Жамиятнинг ичида ўзаро ишонч муносабатларини шакллантирилганлиги давлат, жамият олға интилиши учун мезон ва бу сиёсий институтлар томонидан шакллантирилади” 3 деган эди. Сиёсий фандаги модернизация, вестернизация, универсализация каби глобализация ҳам универсал дефиницияга эга эмас. Бу феномен олимлар ва фан арбоблари томонидан турлича талқин этилади. Шунга қарамасдан улар моҳиятан ягона мазмунни англатади, яъни глобаллашув французча «умумий» деган маънони англатиб, бутун инсоният ҳамжамиятининг ўзаро иқтисодий, сиёсий, ижтимой ва маданий алоқаларини қамровчи жараён сифатида талқин этилади. Илмий адабиётда глобализация жараёни ҳақида дастлаб америкалик олимлар фикр юритишган деб қабул қилинган. «Глобализация» терминини биринчи бўлиб Т.Ливетту ўзининг 1983 йилда нашр этилган «Гарвард бизнес ревью» мақоласида қўллаган бўлиб, унда глобаллашув йирик трансмиллий корпорациялар томонидан ишлаб чиқарилган маҳсулотларнинг қўшилиш феномени сифатида қаралган. Гарвард бизнес мактаби маслаҳатчиси япон Кеничи Омае ўзининг 1990 йилда нашр этилган «Чегарасиз дунё» асарида ушбу терминга кенгроқ таъриф беради. Унинг фикрича, кишилар, фирмалар ва бозорларнинг аҳамияти тобора ошиб, давлатнинг нуфузи қисқариб боради. Глобаллашув эрасида барча халқлар ва жараёнлар глобал бозорнинг таъсирига тушади, анъанавий давлат эса ўзининг табиийлигини йўқотиб бизнесдаги ҳамкор 3 Jouvenel deBertrand. Sovereignty. Chicago, Univercity of Press, 1963.p.123.

сифатида яроқсиз бўлиб қолади. Халқаро иқтисодий саҳнада асосий ҳаракатланувчи субъектлар сифатида глобал фирмалар қолади. М.Ю.Чернавскийнинг фикрича, ушбу феномен уч хил маънода тушунилиши мумкин. Биринчидан, кишилар, давлатлар ва маданиятлар ўртасидаги ўзаро алоқалар ҳудудининг кенгайиб бориши сифатидаги тарихий жараён сифатида. Иккинчидан, дунёнинг сиёсий-иқтисодий ва маданий бир хилликка томон ҳаракати сифатидаги умумийлик ва гомогенизация жараёнларининг кучайиши натижасида рўй берадиган дунёнинг универсаллашуви сифатида. Учинчидан, ўзаро иқтисодий муносабатлар соҳасида миллий чегараларнинг шаффофлашиб бориши сифатида. 4 Шунингдек, М.Ю.Чернавский глобализация ҳодисасини модернизация маҳсули сифатида қарайди. Унинг фикрича, Совет Иттифоқининг «американизация» лойиҳасига қарши қўллаган модернизация лойиҳаси кейинчалик глобализация номини олди. Бошқача айтганда, глобализация социалистик модернизация лойиҳаси инқирозининг қонуний оқибатидир. Яна бир рус олими Россия стратегик тадқиқотлар маркази раҳбари ўринбосари, тарих фанлари доктори Михаил Мунтяннинг фикрича, глобализация ҳодисасига илмий жиҳатдан аниқ ва мазмунли қараш асосан глобаллашув жараёнини фан техника инқилобининг информацион босқичи ва унинг дунё иқтисодий, молиявий, телекоммуникацион, транспорт тизимлари ривожига реал таъсири билан боғловчи олимларнинг ишларида учрайди. Улар глобаллашув тушунчасини жамиятнинг информацион босқичдаги халқаро ривожланишнинг асосий йўналиши сифатида тақдим этадилар. Уларнинг фикрича, Интернет ва бутун дунёни қамраб олган турли хил трансмиллий ташкилотлар, корпорациялар ва ҳаракатлар глобаллашув жараёнининг рамзий тимсоллари ҳисобланади. Яна бир ўринда глобаллашувнинг қуйидаги таърифи келтирилади: «Глобаллашув-мавжуд глобал жараёнларни бошқариш мақсадида 4 Чернавский М.Ю. кандидат философских наук, доцент кафедры философии Российского заочного института текстильной и легкой промышленности. Модернизация и глобализация.

давлатларнинг ва халқаро ташкилотларнинг кенг қамровли алоқалари ва ҳамкорликлари тизимидир». Шу ўринда таъкидлаш лозимки, глобаллашув ва глобал ривожланиш тушунчалари бир-биридан фарқ қилади, зеро глобал ривожланиш бутун дунё миқёсида содир бўлаётган, инсон фаолияти натижасида рўй бераётган ва инсоният тараққиёти учун тизимли аҳамиятга эга бўлган сиёсий, иқтисодий, ижтимоий, маданий, экологик, информацион, психологик ўзгаришлар мажмуасидир. Юқоридагилардан кўриниб турибдики, глобаллашув жараёни кўп қиррали ва хилма-хил таърифли ҳодисадир. Бизга маълумки, ХХ аср охири ва ХХ I аср бошида дунё бир-бирига боғлиқ элементлардан иборат бўлган яхлит тизимга айланиб борди. Бу эса глобаллашув жараёнини жаҳон сиёсати ва халқаро муносабатларда асосий омилга айлантирди ҳамда ушбу феномен жаҳон сиёсати фанида бош парадигма сифатида қабул қилинди. Демак, юқорида қайд этилган даврларда глобаллашув ҳар қандай ривожланишнинг асосий омили ва тенденциясига айланди. Сабаби ҳар бир даврнинг ривожланиш қонуниятлари ва асосий тенденциялари бўлгани сингари биз яшаётган информацион жамиятнинг ҳам ривожланиш қонунияти глобаллашув ҳодисасидир. Бунинг моҳияти шундаки, бугунги кунда ҳеч бир давлат биқиқ ҳолатда автаркия шароитида ташқи дунёдан узилган ҳолатда яшай олмайди, яъни бундай давлат прогрессга эришиши мумкин эмас. Шунингдек айрим долзарб муаммолар борки, уларни бир ёки иккта давлат миқёсида ҳал этиб бўлмайди. У жаҳон ҳамжамияти эътиборига муҳтож. Бу эса давлатларнинг табиий равишда глобаллашув жараёнига тортилишига олиб келади. Кўриниб турибдики қонуниятни ўзгартириш мумкин эмас.

Глобаллашув эркин халқаро савдо гимнининг «муаллифи» ҳисобланади. Глобаллашган иқтисод бутун дунёда фаровонлик даражасини ошириш, шунингдек, ижтимоий соҳадаги муаммоларни ликвидация этишда энг самаралидир. Хаттоки, атроф-муҳитни муҳофаза қилиш борасида ҳам эркин савдо туфайли ижобий натижаларга эришиш мумкин, чунки кучли рақобат босими ресурсларга эҳтиёткорона муносабатни шакллантиради ва табиат билан муносабатда оқилоналикка мажбур этади. Энг асосийси бу жараён шахс ривожланишига олиб келади. Сабаби технология янги турларининг кириб келиши, ишлаб чиқариш усул ва воситаларининг такомиллашиши интеллектуал жиҳатдан салоҳиятли кадрларга эҳтиёжни вужудга келтиради. Натижада кишиларда янгиликларни ўзлаштириш ва интеллектуал салоҳиятни оширишга етарлича импульс берилади. Кучли рақобат уларни ўз-ўзларини такомиллаштиришга ва мавжуд шароитга мослашишга мажбур этади. Ниҳоят бу бутун жамиятда интелектнинг юксалишига олиб келади. Бундан ташқари глобаллашувнинг демократизация, информатизация каби жараёнлари жамият ривожида алоҳида аҳамиятга эга. Жумладан, демократизация жараёнида социумнинг элементлари иерархиясида жиддий ўзгаришлар рўй беради. Ушбу иерархия қуйидагича структурага эга бўлади: шахс-жамият-давлат. Бунда давлат шахс ва жамият манфаатларини таъминловчи инструмент вазифасини ўтайди. Жаҳон аренасида ўз нуфузига эга бўлишни истаган ҳар қандай давлат ушбу иерархияга амал қилиши лозим. Информатизация жараёни ҳам шахс ривожида муҳим аҳамиятга эга. Бунда шахс ўзининг ахборотга бўлган эҳтиёжини етарли даражада қондиради. Шунингдек у ҳам информация ресурсига эга бўлади, ҳам дунёқарашини замонавий талаб даражасида шакллантиради. Аммо юқоридаги ижобий хусусиятларига қарамасдан глобаллашув ҳодисаси учинчи дунёда негатив қабул қилинади. Жумладан, АҚШ профессори (асли африкалик) Деннис Брутуснинг фикрича, глобализация « profits before people », яъни «фойда инсондан муҳим» принципи асосида ҳаракат қилмоқда. Унинг баҳосига кўра, глобализациянинг тарқалиши билан

ижтимоий ҳаётда инсон қадри йўқолди, пул ахлоқ устидан ҳукмронлик ўрнатди 5 Профессор Мбеки глобализация жараёнини антидемократия мақсадидаги бизнес деб атайди. Унинг фикрича глобализация келиши билан бизнеснинг молиявий шаффофлиги тўлиқ йўқолди ва ойлик маошлар қисқарди. У ўзи билан ғарб қулчилигининг янги шаклини олиб келди. Бундай қулчиликнинг характерли хусусияти шундаки, унда «хўжайин» шахссизлашади. 6 Яна бир антиглобалист, Каирдаги Америка университети профессори Аруи Мафеле глобаллашувни «Бутун дунё капиталистлари бирлашинг!» шиори остида рўй бераётганлигини таъкидлайди. Унинг фикрича, глобаллашув табиий жараён эмас, балки у сиёсий бошқарилади. Глобаллашувнинг асосий рақиби- бу миллий оппозициядир. 7 Албатта глобаллашув жараёнининг салбий оқибатларидан кўз юмиб бўлмайди. Айниқса унинг маданий стандартизация, информатизация ва қадриятий универсализация жараёнлари миллий идентификация кризисини келтириб чиқаради. Аммо бундай салбий ҳолатларни олдини олишнинг самарали йўли бу- ушбу жараённинг фақатгина таъсир объекти эмас, балки субъектти ҳам бўлишдир. Бугунги кунда айрим давлатларни ҳисобга олмаганда дунёнинг деярли барча мамлакатлари глобаллашувнинг объекти ҳисобланади. Масалан, Япония ушбу жараённинг ҳам объекти, ҳам субъекти. У глобаллашувнинг объекти сифатида Ғарб қадриятларини ўзлаштириб, субъект сифатида уларни адаптациялашган кўринишда Осиёнинг бошқа мамлакатларига тақдим этмоқда. 8 Г лобаллашув давр тақазоси, ривожланишнинг айни дамдаги табиий қонунияти. Ундан воз кечиш ёки бошқача йўлдан ривожланиш мумкин эмас. 5 В.Култыгин. Незападные концепции глобализации. http://www.perspektivy.info/print.php 6 Там же. 7 Там же. 8 Кортунов С.В.. Глобализация и национальная идентичность.

Бугунги кунда глобаллашув атамаси шунчалик машҳур бўлиб кетганганки, уни XXI аср маҳсули десак муболаға бўлмайди. Шу ўринда, изоҳлаш учун хилма-хил ёндашувлар, назариялар, парадигмалар ишлаб чиқилган бўлиб, уларнинг ҳаммасини шарҳлаб қуйидаги хулосага келиш мумкин: глобаллашув ҳ алқлар, мамлакатлар трансформацияси, инсониятнинг бир бутунликка интеграциясини келтириб чиқаради. Шу маънода, муайян жамият ўзидан етук деб ҳисоблаган бошқа жамиятнинг мафкура, қарашлар, илмий-техникавий, маданий ютуқларни ўзлаштириши глобаллашув таъсири остида бўлади. Шу борада, кимдир буни жаҳоннинг янги таркиби шаклланишида халқларнинг яқинлашувига, иқтисодий фаровонликка ижобий таъсир этади, деб (К.Омаэ, П.Дракер, Т.Питерс, С.Рейсмит, С.Хантингтон ва б.) ҳисобласа, бошқалар (З.Бауман, Н.В.Загладин, Ф.Фукуямо, Г.П.Мартин, Х.Шуман, М.Г.Делягин, В.И.Добреньков ва б.) глобаллашув миллийликнинг йўқолиши, бир мамлакатнинг бошқа йирик илмий салоҳиятга эга бўлган давлатларга қарамлигини оширади деб қарайдилар. Шу аснода нафақат оддий ўқувчи, балки ўз мустақил мушоҳада- мулоҳазасига эга бўлган одамларда ҳам глобаллашув жараёни таъсирида жаҳоннинг янги таркиби ёки бўлмаса миллатларнинг тотувлигини таъминловчи маданияти, маънавияти қандай бўлиши тўғрисида гумон- шубҳалар, иккиланишлар пайдо бўлиши табиий. Бундан ташқари, глобаллашув масаласига оид замонавий баҳслар ушбу муаммони янада чигаллаштириб юбормоқда ҳамда янги муқобил ғоя, назарияларнинг пайдо бўлишига туртки бермоқда.

Жумладан, “Француз олими Жак Ле Дюмги қуйидаги ёндашувларни ишлаб чиқади:  Либерал ёндашув. Глобаллашув фақатгина объектив жараён эмас, фойдали феномен сифатида иқтисодий, ижтимоий самарадорликка олиб келади;  Маданий ёндашув. Миллий маданиятлар инқирози тарихий жамиятлар тўқнашуви, “чатишган маданият” нинг пайдо бўлиши” 9 . Юқоридаги ёндашувлардан фарқли ўлароқ Голланд тадқиқотчиси Я.Н.Питерс глобаллашувни изоҳлашда қуйидаги парадигмалар типологиясини таклиф этади.  “Цивилизациялар тўқнашуви. Турли маданиятга мансуб жамият мамлакатларининг конфронтацияси;  “Макдональдлашув”. Трансмиллий компаниялар амалга ошираётган модеринизация остида (вестернизация, европеизация, американизация) маданиятлари гегемонлашуви.  “Гибридлашув”. Ҳалқаро муносабатлар остида умумий, аралаш маданиятнинг пайдо бўлиши” 10 . Шундай қилиб, глобаллашув кўп қиррали жараён бўлганлиги учун уни шарҳлашда анча муаммоларга дуч келамиз. Буни бартараф этиш мақсадида жаҳонда глобаллашув таъсири остида бўлаётган жараёнларни тўлиқ ва мукаммал таҳлил этиб кўришга тўғри келади. Сўнгги пайтларда, айрим кўзга кўринган ғарб мамлакатлари ўз мақсадларига эришиш йўлида ҳалқаро ҳуқуқ меъёрларини бузиб, давлат ва халқларнинг суверенитетига қарши чиқиб, жаҳонда ўз тартибларини ўрнатишни фаоллаштириб бормоқдалар. Бунга Ироқ ва Афғонистонда олиб борилган урушлар, Қирғизистон ва Ўзбекистондаги инқилобий ҳаракатлар ёки бўлмаса яқин кунларда содир бўлган Грузия ва Жанубий Асетия 9 Богомолов Б.А Глобализация: некоторые подходы к осмыслению феномена. Вестн. Моск. Ун-та Сер. 12. Политические науки. 2004. №3. 10 Ўша жой.

ўртасидаги ихтилофлар яққол мисол бўла олади. Ғарбнинг бу агрессив сиёсатига ҳеч қандай ҳалқаро ташкилот ёки давлат тўсқинлик қила олмади. Бундан ташқари, маданият соҳасида улар ўз ривожланган ОАВ лари орқали қолган ҳудудларни ўз қараш, ёндашувларига мослаштириб, қадриятларини сингдириб бормоқдалар. Афсуски, бундай таъсирларга тўсиқ қўйишнинг иложи йўқ. Сабаби, бугунги кунда XXI аср буюк технологиялар асри деб ҳам юритилиб, бунинг асосида ҳатто бир кичкинагина ахборотнинг тарқалиши ҳам кўзга кўринмас даражада, тез суръатларда амалга оширилмоқда. Бунда, “ўргимчак тўри” деб номланмиш интернетнинг хизматлари кўмаги асосида дунёнинг бир бурчагида содир бўлган бирор бир воқеа-ҳодиса тафсилоти дунёнинг иккинчи бурчагига яшин тезлигидек, етиб бормоқда. Шу билан бирга, кишиларнинг бундан бохабар ва бехабар бўлиши ёки ахборотнинг бирор “элементини” ўзлаштириши салбий оқибатларни ҳам келтириб чиқармоқда. Аммо бу ерда, ачинарли томони шундаки, ахборот аниқ ва ноаниқ бўлиши кишиларни чалғитиб қўяётир. Шу боисдан, ҳеч иккиланмай айтиш мумкинки, ахборот психологик хавфсизлик таҳдидининг намоён бўлиши ва унинг инсоният онгига кескин таъсир қилиши, мана шундай ҳолатларнинг негизида вужудга келмоқда десак, муболаға бўлмайди. Бундан ташқари, Шарқ учун абсурд бўлиб туюлган сифатлар ҳам кириб келди. Бу эса, ўз-ўзидан ёшлар онгини заҳарланиши, ўз ҳаётий-миллий қадрият ва урф-одатларига, бундан ҳам хавфлиси маънавиятига хилоф равишда, чет эл маданиятини “оммавий маданият” сифатида ўзлаштираётганлиги, ёшларни ғарб фойдасига фикр, хулоса чиқаришларига мойил қилиб қўймоқда. Шунингдек, миллий тиллар айрим хорижий тиллар сўзлари, бирикмалари билан ифлосланмоқда. Инсонлар бир хил овқатларни истеъмол қиладилар, бир хил кийинадилар, бир хил фильмларни кўрадилар, маълумотларни ОАВ дан оладилар. Бу ҳолат умумийликни ёки ғарблашувни юзага келтириб, миллийликни унутилишига, издан чиқишига, энг қўрқинчлиси йўқолишига сабаб бўлмоқда. Аммо мана шундай вазиятда инсонларнинг глобаллашув жараёни таъсирида маънавий ва мафкуравий

таҳдидларга мустаҳкам ирода билан дош бериш ва курашиш учун уларда ягона имконият мавжуд бўлиб, бу мафкуравий иммунитет ҳисобланади. Бу ўринда, мафкуравий таъсир ҳақида гап кетар экан, буни биз биргина Президентимиз таъбири билан изоҳлашимиз мумкин, “Глобаллашув жараёнининг яна бир ўзига хос жиҳати шундан иборатки, ҳозирги шароитда у мафкуравий таъсир ўтказишнинг ниҳоятда ўткир қуролига айланиб, ҳар хил сиёсий кучлар ва марказларнинг манфаатларига хизмат қилаётганини соғлом фикрлайдиган ҳар қандай одам, албатта, кузатиши муқаррар” 11 . Шундай бўлса ҳам, глобаллашув жараёни таъсири остида бу иммунни юзага чиқаришда ҳар бир давлатнинг миллий ғоя ва мафкураси алоҳида аҳамиятга эга. Албатта, бунда, мафкура негизи ватанга муҳаббат, садоқат, ишонч туйғуларига йўғрилган бўлиб, аждодларнинг асрий орзуси бўлган тинчлик ва осойишталик, уни асраб-авайлаш, мустаҳкамлаш ҳамда асрлар оша давом этиб келаётган урф-одатларимиз, қадриятларимиз, анъаналаримизни келажак авлодларигача етиб боришини таъминлаш, мақсадига қурилган бўлгандагина, мафкуравий иммунитет юзага чиқади. Юқорида келтирилган мантиқий хулосалардан сўнг, доно ўзбек ҳалқимиз таъбири билан айтганда, гуруч курмаксиз бўлмайди албатта. Глобаллашув жараёни ҳам худди шундай, яъни, унинг камчилик томони бўлгани каби ютуқ томонлари бўлиши табиийдир. Нега деганда, глобаллашув жараёни таъсири мамлакатлар бир қанча муваффақиятларга эришмоқдалар. Яъни, маълум мақсадлар йўлида, иқтисодий, ижтимоий, сиёсий ҳамкорлик йўлини тутудилар. Бу эса, давлатлар, минтақалар ўртасида интеграция жараёнларини кучайиши, ҳалқаро муносабатларни шаклланиши, экологияни бузилиши натижасида юзага келган табиий офатлар маҳсули талофатлар вақтида ўзаро ижтимоий ёрдамларни кўрсатилиши ёки жаҳоншумул муаммо сифатида қаралиши, илм- фан ютуқларини тезлик билан дунёнинг ҳар бир ерига етиб бориш ва 11 Ислом Каримов. Юксак маънавият-енгилмас куч. Тошкент “Маънавият”, 2008 йил. 113 бет.

ривожланиши, хавфсизликларга биргаликда кураш олиб борилишига сабаб бўлмоқда. Бундан қизиғи шундаки, глобаллашув жараёни дунёнинг ҳар сонияда сергак туришини таъминлайди. Чунки, бугунги кунда огоҳлик давр талаби ҳисобланади. Бирор ҳудудда содир бўлган воқеа ва ҳодиса, юзага келган муаммо бугун келиб бизда ҳам намоён бўлиши муқаррардир.

Фойдаланилган адабиётлар: 1. Каримов И.А. Асарлар 1-20-жилдлар. –Т.: Ўзбекистон, 1996-2012 2. Каримов И.А. Юксак маънавият – енгилмас куч. –Т.: Маънавият, 2008 3. Каримов И.А. Жаҳон молиявий-иқтисодий инқирози, Ўзбекистон шаротида уни бартараф этишнинг йўллари ва чоралари. – Тошкент: Ўзбекистон, 2009. – 56 б. 4. Каримов И.А. Тарихий хотирасиз келажак йўқ. –Т.: Ўзбекистон,1998. 5. Жўраев Н. Тарих фалсафасининг назарий асослари. -Т.: Маънавият, 2008. 6. Глобалистика международ ный междисциплинарный энциклопедический словарь. –Москва-Санкт-Петербург-Нью-Йорк.: 2006.

Похожие

Жиноятнинг глобаллашуви

Спортнинг глобаллашуви

Миграция жараёнларининг глобаллашуви

Фан ва таълимнинг глобаллашуви

Ахлоқ ва маданиятнинг глобаллашуви