Машиналарни тайёрлашда уларнинг ишончлилигини таъминлаш - Сельское и лесное хозяйство - Рефераты

Машиналарни тайёрлашда уларнинг ишончлилигини таъминлаш

Загружено в:

20.09.2019

Скачано:

0

Размер:

80.5 KB

Машиналарни тайёрлашда уларнинг ишончлилигини таъминлаш Режа: 1. Машиналарни лойиҳалаш. 2. Машиналардан фойдаланилганда уларнинг ишончлилигини сақлаш. 3. Техник хизмат кўрсатишни ташкил этиш. 4. Машиналарни таъмирлашда уларнинг ишончлилигини таъминлаш.

Машиналарни лойиҳалаш шўбасида лойиҳалаш босқичида ҳисобланган ишончлиликдаражаси деталларни ва қисмларни заводда тайёрлаш, машиналарни йиғиш ва ростлаш жараёнида таъминланиши лозим. Буюмларни тайёрлаш технологик жараёни машиналарнинг топшириқда кўрсатилган ишончлилик даражасини таъминлай олмаган ҳоллар ҳам учрайди, натижада яхши лойиҳадаги ечимлар барбод бўлади. Тракторлар ва пахтачилик машиналарининг ишончлилик даражаси уларни ишлаб чиқариш босқичида қуйидаги сабабларга кўра пасайиши мумкин: 1. Деталлар нуқсонли ёки топшириқдаги мустаҳкамликни таъминлай олмайдиган ашёлардан тайёрланганда; 2. Деталларни тайёрлаш ва уларнинг сиртига ишлов бериш технологик жараёни топшириқда кўрсатилган иш қобилиятини таъминлай олмаганда; 3. Деталларни тайёрлаш технологик жараёнида ишлаб чиқаришнинг ёмон ташкил этилганлиги, ишчилар малакасининг етарли эмаслиги ва ҳоказо сабабларга кўра камчиликларга йўл қўйилганда; 4. Деталларни тайёрлашда бузуқ ёки эски ускуна ишлатилганда. Пахтачиликда ишлатиладиган машиналарнинг ишончлилигини уларни тайёрлаш жараёнида таъминлашга қаратилган тадбирларни қуйидаги гуруҳларга ажратиш мумкин: 1. Деталлар тайёрланадиган ашёларни техник хужжат талабларига мувофиқ аниқ танлаш ва кўринмайдиган нуқсонларни ёки физик- механик хоссаларининг талаб этилган хоссаларга мос эмаслигини ўз вақтида топиш учун ашёлар сифатини назорат қилиш. 2. Деталларга ва уларнинг иш сиртларига термик, кимёвий-термик ишлов бериш, сиртларни пластик деформациялаш йўли билан уларнинг ишончлилигини ошириш. 3. Деталлар сиртига қопламалар ётқизиб, уларнинг ейилишга ва занглашга қаршилигини ошириш.

4. Ишлаб чиқариш технологиясига қатъий риоя қилиш ва уни такомиллаштириш. 5. Деталлардаги асосий ўлчамларнинг аниқ бўлишига ва улар сиртининг сифатига қўйиладиган талабларни ошириш. 6. Машина деталларини тайёрлаш учун дастурли бошқариладиган автоматлаштирилган дастгоҳлардан фойдаланиш. Бундай дастгоҳлар буюмнинг жуда аниқ ва доимо сифатли тайёрланишини таъминлайди. 7. Деталларнинг тайёрланиш сифатини тайёрлашнинг барча босқичларида назорат қилиш, маҳсулотни нуқсонсиз тайёрлаш тизимини жорий этиш. 8. Ишлаб чиқаришни бошқаришнинг автоматлаштирилган тизимини жорий этиш. Деталларга механик, термик ёки кимёвий-термик ишлов бериб, ашёларнинг мустаҳкамлигини ошириш йўли билан пахтачилик машиналарининг пухталигини анча ошириш мумкин. Пўлат деталларнинг мустаҳкамлигини яхшилаш учун уларга термик ишлов бериш, цементация қилиш, цианлаш, интроцементация қилиш ва азотлаш зарур. Деталларга термик ва кимёвий-термик ишлов бериш уларнинг узоқ вақтга чидамлилигини анча оширади. Масалан, илмий изланишлар пахта териш машиналарининг шпинделларини азотлаш бошқа кимёвий-термик ишлов бериш усулларига қараганда қуйидаги қатор афзалликларга эга эканлигини кўрсатади: сиртларни жуда қаттиқ қилади, деталларин жуда кам деформацияланадиган ва ўлчамларини жуда оз ўзгартирадиган қилади, деталларнинг ейилишга чидамлилигини анча оширади, сиртқи қатламда сиқилиш зўриқишларини пайдо қилиб, деталларнинг толиқиш мустаҳкамлигини оширади. ЯМЗ-238 двигателининг 50ГШС ва 50ХФА пўлатлардан тайёрланган нормалланган тирсакли вали азотланганда унинг толиқиш мустаҳкамлиги нормалланган тирсакли валларникидан 1,9 марта, бўйинлари юқори частотали тобланган тирсакли валларникидан 1,4 марта юқори бўлади.

12ХМФА пўлатдан тайёланган тирсакли валлар суюқ азотлангандан кейин уларнинг толиқиш мустаҳкамлиги ўша пўлатдан ясалиб, ўшандай дастлабки термик ишлов олган, лекин бўйинлари юқори частотали ток билан ва учрашган ерлар накатка қилинган тирсакли валларнинг толиқиш мустаҳкамлигидан 1,3 марта юқори бўлади. Деталларни юқори частотали ток билан тоблаш, деталларнинг пухталигини оширадиган йирик омиллардан биридир. Бу усуллар, айниқса, юқори сифатли 50ХФА тоифасидаги пўлатлардан ва электршлак усулида эритилган пўлатлардан тайёрланган деталлар учун самарали бўлади. Масалан, чўян деталларнинг сирти тобланганда уларнинг ейилишга бардошлилиги 2,5-3 марта ошади, юқори частотали ток билан тоблаш пўлат 45 нинг толиқиш мустаҳкамлигини икки марта оширади. Деталларнинг ейилишга бардошлилигини ва толиқиш мустаҳкамлигини ошириш учун электрокимёвий ишлов бериш усулидан фойдаланилади. Бундай ишлов бериш зўриқма жойларни йўқотиш ва мураккаб шаклли деталнинг барча сиртини бир вақтда ишлаш имконини беради. Шу йўл билан металдаги нуқсонлар ва қолиплаш хатоликларини аниқлаш мумкин. Электр кимёвий ишов берилган шатунларнинг толиқиш мустаҳкамлиги 50 фоиздан зиёд ортади. Деталларнинг иш сиртларини ейилишга ва коррозияга чидамли қопламалар билан қоплаб, уларнинг узоқ вақтга чидамлилигини ошириш учун анча самаралидир. Цилиндрлар гильзалари ва тирсакли валлар бўйинлари иш сиртларини хромлаш деталларнинг нархини 4 фоизга оширгани ҳолда иш муддатини 2-3 марта кўпайтиради. Деталнинг коррозияга чидамлилигини ошириш учун уларнинг сирти электролитик ёки кимёвий усулда қопланади. Деталларнинг коррозияга чидамлилиги рухлаш, кадмийлаш, никеллаш, фосфатлаш, оқартириш, шунингдек, бу жараёнларни аралаш бажариш йўли билан амалга оширилади. Бундан ташқари иш сиртларига ЭП-616, ЭП-616А, ПГ-ХН80СРЧ каби ва бошқа қаттиқ қотишмаларни суюлтириб қоплаш йўли билан ҳам

деталларнинг ейилишга бардошлилиги ва коррозиябардошлиги оширилади. Суюлтириб қоплаш усули ейилган деталларни тиклаш ва мустаҳкамлашда кенг қўлланилади. Агросаноат комплексида фойдаланиладиган машиналар бузилмай ишлашлик, узоқ вақтга чидамлилик, таъмирлашга яроқлилик ва сақланувчанлик кўрсаткичлари бўйича синовдан ўтказилиб белгиланган ишончлиликка эга бўлади. Машинанинг дастлабки бу ишончлилиги шу машина бажарадиган фойдали иш ҳажмига мутаносиб бўлади. Бажарилга иш ҳажми ортиб боргани сари машинанинг пухталик даражаси пасайиб боради. Машинанинг чегара ҳолатгача, яъни таъмирлашгача ишлаш вақти, бинобарин, машина бажарадиган фойдали иш миқдори ҳам ишончлилик даражасининг пасайиш тезлигига боғлиқ. Машинанинг ишончлилик даражасини пасайиш тезлиги идеал ҳолда жуда кам, таъмирлашгача бажарадиган иш ҳажми эса энг катта бўлиши лозим, шунда машинанинг пухталигидан фойдаланиш коэффициенти таъмирлашгача ишлаш даврида бирга яқин бўлади. Машина-тракторларнинг ишлаш шароитлари уларнинг ишончлилигига катта таъсир кўрсатади ва лойиҳачи ҳамда технологларнинг пухталикни ошириш йўлидаги барча ютуқ ва интилишларини пучга чиқариши мумкин. Машиналарни ишлатганда уларнинг ишончлилигини сақлашга қаратилган асосий тадбирлар қуйидагилардан иборат: 1. Янги ва таъмирдан чиққан машиналарни хўжаликларда чиниқтириш машиналарнинг бузилмасдан узоқ вақт ишлаши учун асосий замин бўлади. Машиналар 50-60 соат давомида юк ва тезликни аста-секин ошириб бориш билан чиниқтирилади. 2. Машиналарга техник хизмат кўрсатиш ва ҳар сменада, даврий ва мавсумий хизмат кўрсатишларга бўлинади. Хизмат кўрсатишни тўғри ташкил этилганлигини кўрсатувчи асосий белгилар қуйидагилардан иборат:

а) бажарилган иш ҳажмини ёнилғи сарфига қараб ҳисобга олиш; б) техник хизмат кўрсатиладиган маълум жойларни ташкил этиш; в) машиналарни вақти-вақти билан кўздан кечириш ва техник диагноз қўйиш; г) машиналарнинг ростмана иш тартибини таъминлаш; д) сақлаш қоидаларига риоя қилиш; е) ёнилғи-мойларни ишлатишга оид тавсияларни аниқ бажариш; ж) ёнилғи-мойларни жипс ёпиладиган идишда ва тоза сақлаш, қуйиш. Машиналарга техник хизмат кўрсатишдаги ишларни бажариш сифати машиналарни ишлатиш қоидаларининг аниқ бажарилишига, хизмат кўрсатувчи ходимлар малакасига ва хизмат кўрсатиш шароитларига боғлиқ. Машиналарни ишлатиш шароити лойиҳачи ва технологлар томонидан таъминланган пухталикдан тўлиқ фойдаланиш катта аҳамиятга эга. Шунинг учун машиналарни ишлатиш ва улардан фойдаланишга оид барча қоидаларни аниқ бажариш машиналарнинг узоқ вақт бузилмай ишлашини таъминлайди. Бу қоидалар қуйидагилардан иборат: 1. Техник хизмат кўрсатишни ташкил этиш ва уни ўтказиш учун зарур замин яратиш  машиналарнинг иш қобилиятини таъминловчи асосий шартдир. +ишлоқ хўжалик техникасига техник хизмат кўрсатиш тизимига қуйидагилар киради: а) ҳар сменада техник хизмат кўрсатиш; б) режали, вақти-вақти билан техник хизмат кўрсатиш; в) мавсумий техник хизмат кўрсатиш; г) сақлашга қўйишдан олдин техник хизмат кўрсатиш. Машиналарга техник хизмат кўрсатиш ишлари стационар пунктларда созловчи уста ёрдамида ва ювиш, мойлаш, ростлаш, таъмирлаш ҳамда диагноз қўйиш ускуналаридан кенг фойдаланган ҳолда амалга оширилса, машиналардан самарали фойдаланиш мумкин. Хўжаликларда техник хизмат кўрсатиш учун замин бўлмаса, туман ишлаб чиқариш корхоналари машиналарни уларга комплекс техник хизмат кўрсатишга қабул қилади.

2. Машиналар, агрегатлар ҳамда қисмларни вақти-вақти билан техник кўрикдан ўтказиш ва уларга техник диагноз қўйиш. Бу ишлар машиналарга техник хизмат кўрсатишнинг умумий тизимига киради ва йилига бир ёки икки марта Ўзбекистон қишлоқ хўжалик таъминоти ва таъмирлаш қўмитаси вакиллари томонидан ўтказилади. 3. Машиналарнинг ростмана иш тартиби таъминланади. Машиналарга ортиқча юк берилмаса, улар вазифасига қараб ростмана тезликда ишлатилса, уларнинг таъмирлашгача бўлган хизмат муддати ошади. Машиналарни ортиқча қиздириб юбормасдан ишлатиш: двигателларни ишга тушириб, паст тезликларда қиздириш уларнинг бузилмай ишлашини асосий гарови бўлади. Машиналарни сақлаш қоидаларига амал қилиш учун махсус бинолар ва қаттиқ қопламали майдонлар ташкил этиш, ГОСТ 7751-71 +ишлоқ хўжалигида фойдаланиладиган техника. Сақлаш қоидалари" га риоя қилиш лозим. 4. Ёнилғи-мойларни сақлашга оид завод тавсияларига риоя қилиш, уларни тоза ҳолда сақлаш, бирикмаларни, картерларни, қутиларни чанг кирмайдиган қилиб ясаш машиналарнинг бузилмай узоқ ишлашини таъминлайди. Янги ва таъмирдан чиққан машиналарни оддий хўжалик шароитларида чиниқтириш керак. Чиниқтириш 60 соатдан ортиқ давом этмайди. Чиниқтиришда машиналарга бериладиган юк истеъмол қилинадиган номинал қувватнинг 20 фоиздан бошлаб аста-секин ошириб борилади. Машина сифатли чиниқтирилганда унинг асосий ишқаланувчи қисмлари бир-бирига мосланади, натижада уларнинг ейилиши камаяди ва машинанинг пухталигидан фойдаланиш коэффициенти ошади. Техник хизмат кўрсатиш қоидаларига тўғри амал қилинганда машина қисмларининг ейилиш тезлиги асосан унга таъсир этадиган куч ва иссиқликка ҳамда ишлатиш шароитларига боғлиқ бўлади. Машина қисмларининг ейилишига фақат қўйиладиган юк миқдори ва қизиш ҳароратигина эмас, балки бу юкларнинг нотекис берилиши, ҳарорат ва

тезлик тартибларининг ўзгариши ҳам таъсир этади. Юк, ҳарорат ва тезликларнинг нотекис ўзгаришига тупроқ қаршилигининг ўзгариши, илдиз меваларнинг тупроқда қатор бўйлаб турли чуқурликларда жойлашиши, ишлов берилаётган маҳсулотнинг машинага нотекис берилиши сабаб бўлади. Бундай шароитларда экин етиштириш агротехникасини такомиллаштириш, тупроқ тузилишини яхшилаш ва машинанинг тезлик ҳамда юкланиш тартибини тўғри танлаш йўли билан машинанинг бир маромда ишлашига эришиш мумкин. Машиналарни қиш фаслида ишга тушириш ва ишлатиш тартибини тўғри танлаш ҳам катта аҳамиятга эга. Масалан, атроф-муҳит ҳарорати 5- 10 0 С дан паст бўлганда сув ва мойни олдиндан иситмасдан двигатель ишга туширилса, деталлар ва қисмлар ортиқча ейилади. Машиналарни ва улардаги қисмларни таъмирлашда, таъмирлар ўртасида ва хизмат муддатини ўтгунга қадар ишлаш муддати бирдек бўлмайди. Шунинг учун машиналарнинг пухталигидан фойдаланиш коэффициентини ошириш учун мавсумий техник хизматни юқори сифатли ўтказиш зарур. Мавсумий техник хизмат кўрсатиш жараёнида машиналардаги қисмлар ва агрегатларнинг техник ҳолати уларни жойидан ечмасдан аниқланади, уларнинг қанча вақт ишлай олиши, чегара ҳолат ва таъмирлаш вақти белгиланади. +ишлоқ хўжалик машиналарининг пухталигига иш вақтида ҳам объектив, ҳам субъектив омиллар жиддий таъсир этади. Шуни ҳисобга олган ҳолда йўл қурилиши машиналарини ишлатиш тизимини такомиллаштиришнинг қуйидаги асосий йўналишларини белгилаш мумкин: 1) хизмат кўрсатувчи ходимлар малакасини ошириш; 2) машинани ишлатишга доир қўлланмалардаги тавсияларни аниқ бажариш; 3) машинанинг расмана иш шароитларини таъминлаш; 4) машиналарни ташиш ва сақлаш қоидаларига қараб риоя қилиш;

5) техник хизмат кўрсатиш тартиби ва вақтини тўғри белгилаш; 6) машиналарга техник хизмат кўрсатиш ва таъмирлашни ташкил этишни такомиллаштириш; 7) техник нуқсонини аниқлаш ишларини бажариш; 8) машиналарнинг ишончлилиги тўғрисидаги ахборотни танлаш, ишлаш ва тадқиқ этиш тизимини такомиллаштириш, машиналар ва улардаги қисмларнинг пухталигини оширишга оид тавсияларни ишлаб чиқиш. Техник хизмат кўрсатиш ва олдиндан белгиланган режали таъмирлаш тизимига иш вақтида машиналарнинг иш қобилиятини сақлашга қаратилган тадбирлар киради. Техник хизмат кўрсатиш ва таъмирлашнинг мақбул вақтини танлаш, ТХК да бажариладиган ишларнинг ҳажмини аниқ асослаш, шунингдек машиналарни ишлатадиган корхоналарни эҳтиёт қисмлар ва ашёлар билан узлуксиз таъминлаш машиналарнинг бузилмай ишлашини ва узоқ вақтга чидамлилигини анча оширади. Маълумки, машиналарнинг, агрегат ёки қисмларнинг иш қобилиятини ва таъмирлашлараро иш муддатини тиклаш технологик жараёнига машиналарни, агрегат ёки қисмларни таъмирлаш деб айтилади. Демак, таъмирлашга фақат иш муддатини ўтаб бўлганлиги сабабли иш қобилиятини йўқотган деталлар, қисмлар ёки агрегатларни жўнатиш керак. Таъмирлаш жараёнида ишдан чиққан, шунингдек қолдиқ иш муддати таъмирлар аро иш муддатидан кам бўлган деталлар ва қисмлар алмаштирилади. Таъмирлараро иш муддати қанча катта бўлса, таъмирлашда шунча кўп деталлар алмаштирилади, шунча кўп эҳтиёт қисмлар сарфланади ва таъмирлаш нархи юқори бўлади. Бошқа томондан, машинага қанча кўп янги ёки тикланган деталлар қўйилган бўлса, унинг таъмирдан кейинги бузилмай ишлаш ва узоқ вақтга чидамлилик кўрсаткичлари шунча юқори бўлади.

Демак, деталларни ва қисмларни яроқли-яроқсизга ажратиш техник шартларида тасдиқланган таъмирлар аро ишлаш муддати энг мақбул бўлиб, у қисм ёки агрегатнинг бутун хизмат муддатидаги солиштирма нархининг энг кам бўлишини таъминлаши лозим. Тажриба таъмирланган қишлоқ хўжалик машиналарининг пухталиги қониқарли даражада бўлмаслигини кўрсатади. Масалан, таъмирланган пахта териш машинаси таъмирдан чиққандан кейин узоқ вақт созлашни, бирикмаларни топиб маҳкамлашни талаб этади, редукторлар, картерлардан мой томчилайди. Тикланган иш органлари – пахта териш машиналарининг шпинделлари тез занглайди, эгилган роликлар эса суст ўрнатилган бўлади. Плугларнинг тикланган лемехлари кам вақт ишлайди, пайвандланган жойлари синади. Гидротармоқ агрегатлари (насос ва х.к.) таъмирдан кейин қисқа вақт ишлайди, тез-тез бузилиб туради, белгиланган босимни ва иш унумини таъминламайди. Автомобилларни таъмирлаш сифати ҳам жуда паст. ГАЗ-24 машинаси асосий таъмиргача 220-250 минг км йўл босади. Бу машина асосий таъмирдан кейин фақат 800-900 км йўл юра олади холос. Тадқиқотларнинг кўрсатишича картерда ва фильтрловчи қисмларда 20 г гача минерал кирлар ўтириб қолади. Шунингдек, ички ёнув двигателининг цилиндрига 2 г чанг тушганда унинг ейилаш тезлиги 100-200 марта катталашади. Шунинг учун ювиш ишлари технологиясини ташкил этишни ҳар томонлама такомиллаштириш, айниқса, асосий таъмирлашда машиналарнинг пухталигини ва сифатини оширишнинг самарали усулларидан бири бўлиб ҳисобланади. +урумларни, чўкинди тузларни, қаттиқ смоласимон қасмоқларни кетказиш энергетик ускуналар ва ички ёнув двигателларининг узоқ вақтга чидамлилигини оширади. Деталларни ювишда тоғорадаги суюқлик ҳароратини 70-90 0 С да сақлаш муҳим аҳамиятга эга. Ҳозир ювиш машиналарида ишлатиш учун МС-8, МС-6, Лобамид-101, Лобамид-102, Темп-100, Темп-101 каби самарали ювиш воситалари ишлаб чиқарилган. Деталларни суюқликка ботириб асфальт-смолали

чўкиндилардан тозалаш учун Лобамид-203, МС-15 каби синтетик ювиш воситалари ишлатилади.

Фойдаланилган адабиётлар руйхати: 1. Йўлдошев Ш.У., Машиналар ишончлилиги ва уларни таъмирлаш асослари.- Тошкент, Ўзбекистон, 1994. 2 . Ермолов Л.С. ва бош қ алар. Основы надежности сельскохозяственной техники.-М.: Колос, 1992 . 3 . Мельников.Г.Н., Технология машиностроения (1 ,2- том). - М .: Издательства МГТУ им. Н.Э.Баумана , 1998. 4 . Прейсман В.И. Основы сельскохозяйственной техники.-Киев. : Высшая школа, 1988 . 5 . Решетов Д.Н. Роботоспособность и надежность деталей машин.-М.: Высщая школа, 1990 . 6 . Решетов Д.Н. ва бош қ алар. Надежность машин.-М.: Высщая школа, 1988 .

Похожие

Машиналарнинг ишончлилиги ва сифатини оширишнинг асосий омиллари

Машиналарни сақлаш технологияси ва жойлари

Таъминлаш тизими

Қишлоқ ва сув хўжалиги техникасини ремонтини ташкил қилиш фанининг илмий назарий асослари

Машиналарнинг таъмирлашни ташкил этиш асослари