Манзарали боғдорчилик ва гулчилик тарихи, тарқалиши ва истиқболлари - Сельское и лесное хозяйство - Рефераты

Манзарали боғдорчилик ва гулчилик тарихи, тарқалиши ва истиқболлари

Загружено в:

20.09.2019

Скачано:

0

Размер:

51 KB

Манзарали боғдорчилик ва гулчилик тарихи, тарқалиши ва истиқболлари Режа: 1. Манзарали боғдорчилик ва гулчиликнинг аҳамияти, вазифалари. 2. Манзарали боғдорчилик ва гулчиликнинг тарихи. 3. Ўзбекистонда манзарали боғдорчилик ва гулчиликнинг ахволи ва ривожланиши.

1. Манзарали боғдорчилик ва гулчиликнинг аҳамияти, вазифалари инсон пайдо бўлибдики у табиат неъматларидан, унинг гўзаллигидан бахраманд бўлиб келмоқда. Демак инсон ва табиат бир-бири билан чамбарчас боғлиқ. Ибтидоий одамлар ўз гўшаси атрофида ўсувчи егулик ва касалликларга даъво бўлувчи ўсимликларни қидириб топишга ҳаракат қилишган. Табиатнинг ям-яшил либосга ўралиши унинг қўйнида очилиб турган ранг-баранг гуллар, барг шохлари, уларнинг тана тузилишларидаги ўзгаришлар билан ҳамоҳанг. Гулзорлар ранг-баранглиги ҳамда хушбўй ҳидлари билан инсонни ўзига ром қилиб, сеҳрлаб ўзига тортади. Гулларга бўлган интилиш, қизиқиш инсонга хос бўлиб, авлодлардан ўтиб келаётган табиатга бўлган туғма муҳаббат белгисидир. Гўзал манзаралар, гулзорлар инсон кайфиятини кўтаради, руҳан тетик қилади ва эстетик дид бағишлайди. Қолаверса бу гўзалликлардан завқлана билиш уни чуқурроқ туйиш ва унга тўғри муносабатни шакллантириш инсоннинг маданияти ҳамда эстетик мезони белгисидир. Археологик қазилмалардан ҳамда шу нарса маълумки, қадимги дунё халқлари ўсимликлардан озиқ-овқат, доривор ва манзарали ўсимликлар сифатида фойдаланишган. Эрон, Ҳиндистон, Япония, Марказий ва Жанубий Америка халқлари қадим вақтлардан бери йирик ва очиқ гулли ёввойи ўсимликлардан, шунингдек доривор хусусиятга эга бўлган ўсимликлардан ўз эҳтиёжларига яраша фойдаланишган. Бу ўсимликлар билан улар ўзлари яшаган жойларни безашган ва улар тиббиёт соҳасида ишлатишган. Гуллар кишиларга эстетик завқ беришдан ташқари, улар шаҳар ва қишлоқларни тутун, ишланган газ ва ҳаказолардан сақлашдек жуда катта санитар аҳамиятга мойилликдир. Кўпгина ўсимликлар фитонцидлик (ўсимликдан чиқадиган, бактерияларни йўқотадиган учувчан моддалар) хусусиятга эга. Боғ ва хиёбонлар шаҳар ҳавосини тозаловчи ўзига хос артерия ҳисобланади. Дарахт ва буталар ҳарорат тебраниш қўламини маълум даражада қўллршни меъёрлайди, иссиқ кунларда ҳаво намлигини кўпайтиради, мелиоратив ва сув сақлаш хусусиятига эга бўлади. Яшил

ўсимликлар турли хил ишлаб чиқариш жараёнида юз берадиган айрим ҳолатларга ва кўча шовқинларига қарши курашда айниқса, катта аҳамият касб этади. Тўғри ташкил этилган гулчилик юқори фойдали тармоқ ҳисобланади. Шунинг учун гулчилик ҳам қишлоқ хўжалигининг бошқа тармоқлари сингари ишлаб-чиқариш унумдорлигини ошириш асосида ривожланиши зарур. Бу масалаларни муваффақиятли ечишда соҳа мутахассислари ва гулчилик билан шуғулланувчилар ўз билимларини янада бойитиш билан кўпроқ тарқалган манзарали ўсимликларни етиштириш, уларнинг навларини кўпайтириш, агротехникасини мукаммаллаштиришлари шарт. 2. Манзарали боғдорчилик ва гулчиликнинг тарихи . Олимларимиз томонидан олиб борилган текширишлар эрамиздан минг йил олдин ҳам ўрик, шафтоли, олхўри ва шунга ўхшаш мевали ва манзарали ўсимликлар бўлганлигини кўрсатади. Олимларнинг фикрига кўра энг биринчи манзарали ўсимликлар атиргул билан лотос бўлган. Қадимий обидаларнинг гувоҳлик беришига, бу ўсимликлардан жамиятда 5,5–6 минг йил, гулсавсар ва хризантемадан эса 4 минг йил аввал фойдаланилган. Крит оролида олимлар томонидан 3500 йил илгари атиргул тасвири топилган. Умуман, бу гулларнинг тарқалиши 1000 йил аввал бошланиб Месопотамия, Ҳиндистон ва Римгача етиб келган. Қадимги Юнонда атиргул гўзаллик худоси Афродитага бағишланган, унинг эҳроми атрофларини атиргуллардан ташкил топган гўзал боғлар ўраб турган. Тель-Эль-Амарандан топилган тошдаги ёзувлар шундан далолат берадики, бу ерларда йўл четларига қатор қилиб манзарали дарахтлар экилган. “Осилиб турувчи боғлар” тўрт қаватли кенг минораларда жойлашган бўлиб, унинг айвонларида пальмалар, кипарислар, мевали дарахтлар, манзарали ноёб ўсимликлар, гулли ўсимликлар ўстирилган. Мевали дарахтлар, гулли ўсимликлар, ҳаттоки ноёб қушлари бўлган қадимги Соломон боғлари ҳақидаги маълумотлар бизгача етиб келган.

Қадимги Мисрнинг манзарали боғдорчилигида сувдаги боғлар алоҳида ўрин тутган. Эҳром саройи олдидаги тўрт бурчакли ҳовузларда Мисрнинг ажойиб оқ ва ҳаворанг нилуфарлари, лотослари ўстирилагн. Италияда манзарали боғдорчилик бир мунча бошқачароқ ривожланган. Римда эса ясси томлар ва балконларни тувакда ўсувчи гуллар билан безаш урф бўлган. (Адонис байрами). Томларда балиқли осилиб турган ҳовузлар ташкил қилинган. Бизнинг давргача бўлган 500 йилда форслар биринчи бўлиб чиройли ҳовузлар, турли туман ғаройиб гуллар ва манзарали дарахтлардан иборат бўлган истироҳат боғларини кўпайтиришган. Баъзан бу боғларда ёввойи ҳайвонлар ҳам бўлгани учун форслар уни “ҳайвонлар боғи” деб аташган. Шарқий Туркистонда манзарали боғдорчилик хўжалигининг пайдо бўлиши Ўрта Шарқ халқларида тупроқшунослик, боғдорчилик, сабзавотчиликни келиб чиқиши ва ривожланиши билан узвий боғланган. Бу халқлар Афғонистон, Эрон, Ҳиндистон, Кичик Осиё мамлакатлари билан савдо ва маданий алоқалар ўрнатишган. Шарқий Туркистон шаҳарларидан ўтувчи буюк ипак йўли ана шундан далолат беради. Эҳром деворларидаги расмлар, тарихнинг турли даврига доир бўлган эски ёзувлар бизга у ёки бу мамлакатининг гуллари, узумзорлари ва боғлари ҳақида маълумот беради. Масалан, X-XIV асрдаги тарихий ёдгорликлар уйғур давлатининг гуллаб- яшнаганлигини кўрсатади. Уйғур боғларининг ҳаёти ва яшаш шароити деворлардаги расмларда муҳрланган. Бу расмлардан бирида тасвирланган князь қўлидаги гул тинчлик тимсолидир. Узоқ шарқ мамлакатларида, Жанубий-Шарқий Осиёда, айниқса, Корея, Япония, Вьетнамда ўзгача боғдорчилик санъати XIII асрдан бери яшаб келмоқда. Бу мамлакатларнинг халқлари манзарали боғдорчилик гуллари билан безашнинг беқиёс усулларини ишлаб чиқишлари бу сингари ўсимликларнинг жуда бой ҳилларини йиғишган. Пакана (кичкина) ўсимликлар хилига субтропик нина баргли ва оддий баргли дарахтлар, буталар киради. Хризантема эса Япония ва Хитойда асосий

гулли ўсимликлар ҳисобланган. XIII аср ўрталарида Ўрта Европа шаҳарларида ҳар хил ғаройиб ўсимликлар учун махсус хоналар ташкил қилина бошлади. Рейнда биринчи марта қишки боғ яратишга уриниб кўрилди. Ўша даврда ғаройиб ўсимликлардан хоналарни кўкаламзорлаштиришда фойдаланиш манзарали боғдорчиликни ривожланиши учун янги бир туртки бўлди. Ботаника боғлари 1400 йилда Флоренцияда, 1530 йилда Мантуда, Римда ва бошқа шаҳарларда ташкил қилинди. Бу боғлар машҳур архитекторлар Г.Голлвитцев ва В.Вирсингнинг ёзишича, Семирамидадаги боғлардан ҳам аълодир. Пруссияда император Фридрих III, Франция қироли Карл V ва унинг ўғли Филип II ўз саройларида апельсин, лимон дарахтларидан ва турли хил доривор ўтлардан иборат боғлар барпо эттиришган, махсус аквариумларда эса ноёб балиқлар ва ҳатто хон балиқни кўпайтиришган. Европа мамлакатларида XIV аср охири ва XV аср бошларида бўтакўз, лолақизғалдоқ, наргис, бинафша,лилия (пиёзгул), хайригул, гулсафсар манзарали ўсимликларнинг асосий хили хисобланган. Булар асосан Европа флораси ҳамда Осиё ва Шимолий Африканинг айрим ўсимлик турларидан ташкил топган Яқин Шарқ мамлакатларининг баъзи ўсимлик турлари ҳам аста – секин ботаника боғлари орқали шулар таркибига кирди. Ботаника боғларида пиёз гулли ўсимликлар ҳам пайдо бўлди. Лола, наргис, гулисумбул, боғ пуфаги, тугмабошлар шулар жумласидандир. Туркиядан XVI асрда Италияга биринчи марта оддий сирен ўсимлиги кейинроқ олча ва боғ ясмини келтирилди. Кейинроқ Европага тропик манзарали ўсимликлардан чечак, мирабилис, тагитислар, шунингдек Шимолий Американинг баъзи ўсимликлари келтирилди. XVI асрнинг иккинчи ярмида хусусий ва давлат ботаника боғлари сони четдан келтирилган манзарали ўсимлик турлари кескин кўпайди. Иқтисоди ривожланган давлатлар ва баъзи бой-бадавлат кишилар ўз ҳисобидан экспедициялар ташкил қилишиб сайёҳларни ва олимларни узоқ

мамлакатлардан ўсимликлар олиб келиш учун жўнатишди. Шимолий Американинг маданийлашган ўсимлик турлари сони XVII асрга келиб анча кўпайди. Шу даврга келиб Европанинг манзарали ўсимликлар турига редбекия, монарда, канада ахвелигияси, манзарали буталар, баъзи дўланалар, пурсилдоқлар, жанубий туя ўсимлиги кабилар кирар эди. Европада XVII асрда совуққа чидамсиз ўсимликларни парваришлаш учун иссиқхоналар қурила бошланди. Сал вақтдан сўнг катта ботаника боғларининг иссиқхоналарида Ўрта ер денгизи, Шарқий ва жанубий Осиё, Австралия, Янги Зелландия, Марказий ва Жанубий Африка, Ҳиндистон, Атлантика ва Тинч океани оролларидан келтирилган тропик ва субтропик ўсимликлар жой олди. Ўрта Осиёда XV-XVIII асрларга келиб боғдорчилик жуда илгарилиб кетди. Боғларда мевали ва манзарали дарахтлардан ташқари ҳар хил ўтчил гуллар ва кўкатларга алоҳида жой ажратилган Г.А.Пугаченконинг ёзишича, Ўрта Осиё боғлари ва хиёбонларининг ўзига хос хусусияти бўлиб, Европа боғларидан тубдан фарқ қилади. 1903 йилда Самарқанд боғбонлар мактабини очилиши муносабати билан шу мактаб ҳудудида 50 турдаги дарахт ва буталардан иборат дендропарк ташкил қилинади. Бу боғда кумуш ва ҳаворанг ель, пхиба, мамонт дарахти, лола дарахти, Америка қора қарағайи ва ҳоказолар экилган. Ҳозирги кунда уларнинг жуда оз қисми Ўзбекистон шароитига мослашиб уруғ ва мева бермоқда. 3. Ўзбекистон манзарали боғдорчилик ва гулчиликнинг ахволи ва ривожланиши. Гулчилик бизнинг республикамизга узоқ Шарқдан Хитой ва Ҳиндистондан Буюк ипак йўли орқали кириб келган ва биринчи бўлиб Самарқандда, сўнгра Бухоро, Қўқон ва бошқа шаҳарларда тарқалган. 1920 йилдан бошлаб Ўрта Осиё давлат университетининг қошида 12 гектарлик ботаника боғи ташкил қилиниб 60 зиёд гул навлари етиштирилган. Гул навлари 300 тага кўпайтирилгач бу боғ 1943 йилда академия ҳисобига ўтказилган ва янги ботаника боғи ташкил этилиб, ер майдони 80 гектарни ташкил қилган.

1962 йилдан бошлаб Республикамизнинг еттита шаҳри – Андижон, Ангрен, Олмалиқ, Бухоро, Самарқанд, Фарғона ва Урганчда ўсимликшунослик хўжаликлари ташкил топди. Бу хўжаликларнинг майдони 592 гектар эди. 1977 йилга келиб Ўзбекистон республикасида 15 та ўсимликшунослик комбинатлари ташкил топди. Булардан энг йириги ҳисобланган Тошкент гулчилик савхозининг экин майдони 1279 гектар эди. Ойнавон иссиқ бинолар майдони 5,9 гектарни ташкил этар эди. 1980 йили ботаника боғида гулчилик лабораторияси ташкил топди ва унда 2000 дан ортиқ гул навлари етиштиришга мувоффиқ бўлинди. Бунга фан докторлари, профессорлардан Ф.Н.Русанов, З.Ф.Бачаниева, А.П.Печеницин, фан номзодларидан П.К.Озолин, Л.К.Кравченко, А.К.Кяткин, А.Х.Шарипов, Л.А.Абдурахмоновлар ўзларининг муносиб ҳиссаларини қўшдилар. Мустақил Республикамизда ҳозир гулчиликка катта эътибор берилмоқда. Гулчилик Ўзбекистон халқининг кундалик турмушига кириб бормоқда ва шаҳар аҳолисининг турмушида муҳим аҳамят касб этмоқда. Самарқанд шаҳрининг манзарали ва турли хил гул ўсимликлари билан безашда ва кўчатларни ўз ўрнига чиройли қилиб ўтқазишда Шредер номли мева ва токчилик илмий текшириш институтининг забардаст олимларининг ҳиссалари беқиёс. Ўзбекистон Республикаси Президенти томонидан Тошкент шаҳрининг 2200 йиллигини нишонлашга тайёргарлик кўриш ва уни ўтқазиш тўғрисидаги қарорлари ҳам шунинг тасдиғидир.

Адабиётлар : 1. Бўриев Ҳ.Ч., Абдураҳмонов Л.А., Джананбекова А.Т. Гулчилик. Т., « Меҳнат » , 1999 . 2. Вакуленко В.В., Зайцева Е.Н., Клевинская Т.М. и др. Справочник цветовода. М . , « Колос » , 1996. 3. Абдураҳмонов Л.Т. Гулчилик. (Маъруза матнлари) Т . , 2000 . 4. Джананбекова А.Т. Цветоводство (Текст лекци й ) Т . , 2000. 5. Каримов И.А. Ўзбекистон иқтисодий ислоҳотларни чуқурлаштириш йўлида. Т., Ўзбекистон, 1995. 6. Ўзбекистон Республикасининг “Таълим тўғрисида”ги қонуни. Т., 1997. 7. Ўзбекистон Республикасининг “Кадрлар тайёрлаш Миллий дастури” тўғрисидаги қонуни. Т., 1997. 8. Ўзбекистон Республикаси Президентининг қарори “Мева-сабзавотчилик ва узумчилик соҳасини ислоҳ қилиш бўйича ташкилий чора-тадбирлар тўғрисида” қарори. ПФ-3709-Фармони. // Халқ сўзи – 2006 йил 11 январ. 9. Ўзбекистон Республикаси ҳудудида экиш учун тавсия этилган қишлоқ хўжалик экинлари Давлат Реестри. Т., 2006. 10. Чувикова А.А., Потапов С.П. и др. Учебная книга цветовода. Москва « Колос » , 1974 . 11. Чувикова А.А., Потапов С.П. Практикум по цветоводству. Москва, « Колос » , 1984. 12. Б ы лов В.Н., Михайлов Н.Л., Сурина В.И. Роз ы . Итоги интродукции. М . , « Наука » , 1988. 13. Зиновьева Н.Ф. Комнатное цветоводство. Т., « Меҳнат » , 1988 . 14. Кияткин А.К. Цвет ы Узбекистана. Т . , « Мехнат » , 1978 .

Похожие

Манзарали боғдорчилик ва гулчиликнинг биологик асослари

Ғўзанинг келиб чиқиши ва ер юзида тарқалиши тарихи

Манзарали ва гулли ўсимликларни вегетатив кўпайтириш

Манзарали ва гулли ўсимликларнинг уруғидан кўпайтириш

Ғўзанинг тарқалиши ва жаҳон миқёсида ўрни