Газсимон ёнилгилар - Сельское и лесное хозяйство - Рефераты

Газсимон ёнилгилар

Загружено в:

20.09.2019

Скачано:

0

Размер:

49 KB

Газсимон ёнилгилар Режа : 1. Суюлтирилган газлар. 2. Сиқилган газлар.

Мамлакатимиз ёнилғи базасида газсимон ёнилғи каттагина ўрин эгаллайди. Ундан фойдаланиш саноатдагина эмас, балки автомобил транспортида ҳам йилдан-йилга ортиб бормоқда. Газсимон ёнилғи бошқа ёнилғи турларига нисбатан қатор афзалликларга эга: кенг тарқалган, арзон, унинг катта запаслари мавжуд, у ҳаво билан осонгина аралашади (тақсимланади) ва ростланади. Газ ёнилғиларни иссиқлик бериши юқори. Улар ёнганида юқори температура ҳосил қилади, ортиқча ҳаво коэффициенти кичик бўлганда ҳам тўла енади, таркибида коррозияловчи агрессив моддалар йўқ. Газсимон ёнилғидан фойдаланиш жуда қулай: хоналар ифлосланмайди,чунки у ёнганда қоракуя ва смолалар ажралиб чиқмайди, кул ҳосил бўлмайди, ёниш маҳсуллари таркибида тирик табиат учун захарли моддалар йўқ. Газсимон ёнилғи марказлаштирилган усулда сақланади, бу эса фойдаланиш учун қулай, индивидуал омборхона, махсус омборлар талаб этилмайди. Газ магистралларидан фойдаланиш, айниқса, қаттиқ ва суюқ ёнилғи запаслари бўлмаган районлар учун жуда муҳим. Газсимон ёнилғиларнинг асосий камчиликлари, уларнинг портловчанлигидадир. Агар ҳавфсизлик техникаси ҳамда енғинга қарши ҳавфсизлик қоидаларига риоя қилинса, шунингдек тавсия қилинган тадбирлар бажарилса, газ установкаларидан ишончли ва ҳавфсиз фойдаланиш мумкин. Энг юқори калорияли газлар (енганида 20000 кЖ/м 3 ёки 5000 ккал/м 3 иссиқлик чиқарадиган)га табиий газлар, нефт газлари, йўлакай газлар, шунингдек нефтни қайта ишлашда олинадиган турли крекинг газлари ва бошқа газлар киради. Суюлтирилган углеводород гази Атмосфера босими ва температура нолдан юқори бўлганда суюлтирилган углеводород гази газ ҳолатида бўлади. Босим бир оз ошганда (1,6МПа дан кўп эмас) у хон буғланадиган суюқликка айланади. Суюлтирилган газ асосан пропан (80% атрофида) ва бутан (20%) газлари

аралашмасидан иборат бўлади. Бундан ташқари, унда оз миқдорда бўлса ҳам этан, пентан, пропилен, бутилен ва этилен газлари бўлади. Бир бирлик суюлтирилган газ ёнганда ажралиб чиқадиган иссиқлик катта - 46 мЖ/кг га тенг. Зичлиги тахминан 0,524 г/см 3 (20 0 атрофида) бўлган суюлтирилган газ ёнганда чиқадиган ҳажмий иссиқлик 2400мЖ/м 3 дан ҳам ортиб кетади. Бу кўрсаткични бензинга солиштириб кўриб, шуни айтиш мумкинки, суюлтирилган газ ёнилғи сифатида бензиннинг ўрнини тўлиқ боса олади. 1,6МПа иш босимига мўлжалланган нисбатан юпқа деворли пўлат баллонларда автомобилнинг фойдали нагрузкасини камайтирмасдан етарли миқдорда газ сақлаш мумкин. Шунинг учун суюлтирилган газда ишлайдиган автомобиллар каби запас юриш йўлига эга. Газсимон ёнилғи ҳаво билан яхши аралашади ва шунинг учун цилиндрлардатўлароқ ёнади. Шу сабабли газсимон ёнилғиларда ишлайдиган автомобиллардан чиқадиган газларга қараганда заҳарсиз. Суюлтирилган газларнинг детонацияга бардошлиги юқори бўлганлиги учун бензинда ишлайдиган двигателларни суюлтирилган газда ишлашга қайта жиҳозлаганда, уларнинг сиқилиш даражасини оширишга имкон беради. Чунончи, ЗиЛ-130 автомобилининг бензин билан ишловчи двигателида сиқилиш даражаси 6,5% бўлса, ЗиЛ-138 автомобилининг газ билан ишловчи двигателида 8; бензин билан ишлай- диган ЗМЗ-53 двигателида 6,7 бўлса, газ билан ишлайдиган ЗМЗ-53-07 двигателида 8,5. Белгиланган даражада сиқилиш даражасининг ортиши газ билан ишловчи двигателлар қувватининг бензин билан ишловчи двигателларга нисбатан бир оз (5-7%) камайишини тўла компенсация қилиш имконини беради. Нормаланадиган сифат кўрсаткичлари. Автомобилларда ёнилғиси сифатида суюлтирилган газнинг сифатини характерловчи асосий кўрсаткичларга компонент таркиби, тўйинган буғ босими, суюқ буғланмайдиган қолдиқнинг бўлмаслиги, зарарли аралашмалар миқдори киради.

Газнинг компонент таркиби. Газ баллонлари билан ишлайдиган автомобиллар учун тўлдириш станцияларида барча мавсумларда тарқатиладиган суюлтирилган газнинг бу кўрсаткичи белгиланган чегарада ўзгариши лозим. Суюлтирилган газ таркибида камида 80  5% пропан, кўпи билан 20  5% бутан ва кўпи билан 6% бошқа газлар бўлади. Пропан билан бутаннинг нисбати ўзгарса, газ ёнганда чиқадиган иссиқлиги ва ёнувчи аралашманинг таркиби ўзгаради. Оқибатда двигателнинг цилиндрларда ёниш процесси ёмонлашади ва ишлатилган газнинг заҳарлилик даражаси ортади. Тўйинган буғ босими. Бу кўрсаткичлар йилнинг совуқ кунларида двигателнинг цилиндрларига газнинг ишончли узатилиши таъсир қилади. Минус 30 0 С температурада бу босим 0,07 МПа дан паст бўлмаслиги лозим.Босим бундай пасайиб кетса, газнинг баллондан узлуксиз узатилиб турилиши бузилади. 45 0 С да буғ босими 1,6МПа дан ошиб ҳам кетмаслиги керак, чунки автомобилларда ишлатиладиган газ баллонлари кўпи билан шундай босимга ҳисобланади. Газда олтингугурт миқдори ортиб кетса, ёнилғи аппаратига ўтириб, у трубопроводларнинг кесимини торайтиради ва резина-техника деталларини емиради. Олтингугурт двигателнинг цилиндрларида ёниб, ишлатилган газларнинг заҳарлилик даражасини оширади. Унинг миқдори массаси бўйича 0,015% дан ошмаслиги лозим. Ишқорлар ва эркин сув умуман бўлмаслиги керак. Сиқилган газ Сиқилган газ суюлтирилган газдан фарқли равишда нормал температура ва исталган юқори босимда ўзининг газсимон ҳолатини сақлаб қолади. Газ фақат ўта совутилгандан кейингина суюқликка айланади. Автомобилларда ёнилғи сифатида 20 МПа гача сиқилган табиий газдан фойдаланилади. Табиий газ, газ конларидан олинади. Унинг асосий компоненти - метан. Сиқилган газ ёнганда катта масса бирлигида иссиқлик 49,9 МЖ/кг ажралиб чиқади, бироқ зичлиги жуда кам бўлганлигидан,

хаттоки 20 МПа гача сиқилган газ ёнганда чиқадиган ҳажмий иссиқлиги 7000МЖ/кг дан ошмайди, яъни суюлтирилган газнинг ҳажмий иссиқлигидан камида 3 марта кам. Ёнганда чиқадиган ҳажмий иссиқлик миқдорининг кам бўлиши автомобилда хаттоки юқори босимда ҳам етарли миқдорда газ сақланишига имкон бермайди. Шу сабабли сиқилган табиий газ билан ишлайдиган, газ баллонли автомобилларда запас йўл - бензин ёки суюлтирилган углеводород гази билан ишлайдиган автомобилларга нисбатан икки баробар кичик. Метаннинг тадқиқот йўли билан аниқланган октан сони 110 атрофида. Сиқилган табиий газнинг запас миқдори кўп ва у арзон бўлганлигидан бензин ўрнига бу газдан фойдаланиш мақсадга мувофиқдир. Автомобиллар учун ёнилғи сифатида сиқилган газдан фойдаланилганда, бу кўрсаткичларга сиқилган газнинг компонент таркиби ва газ баллон аппаратнинг ишига зарарли таъсир кўрсатувчи ҳамда двигателларнинг ёқилишини тезлаштирувчи моддалар миқдори киради. Газнинг компонент таркиби. Автомобилларда барча мавсумларда ишлатилишга мўлжалланган сиқилган газ таркибида камида 90% метан, кўпи билан 4% этан, оз миқдорда ёнувчи бошқа углеводород газлари: углерод оксиди 1% гача, кислород 1% гача, азот кўпи билан 5% бўлиши керак. Газ таркибидаги зарарли аралашмаларнинг миқдори сиқилган ҳаво таркибида бундай аралашмалар чекланган миқдорда бўлади: водород сулқфиди 2 г/100м 3 дан, механик аралашмалар 0,1 г/100 м 3 дан ортиқ бўлмаслиги керак, жуда оз миқдорда нам бўлишига рухсат этилади.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

Похожие

Дизелли двигателлар учун ёнилгилар

Газсимон ёнилғилар ҳақида маълумотлар

Карбюраторли двигателлар учун ёнилгилар ва уларнинг химмотологияси

Ёнилғининг таснифи ва умумий таркиби

Ўғитлар қўлланиши таъсирида хамда ўсимликлар озиқланиши туфайли тупроқ хусусиятларининг ўзгариши