Ўз СДТ меъёрий асосини таснифлаш - Метрология - Рефераты

Ўз СДТ меъёрий асосини таснифлаш

Загружено в:

21.04.2023

Скачано:

0

Размер:

38.5 KB

Ўз СДТ меъёрий асосини таснифлаш Таснифлаш – қабул қилинган таснифлаш усулига мувофиқ берилган тўпламни қисм тўпламларга ажратиш, яъни таснифлаш объектлари, таснифлаш аломатлари ва таснифланган гуруҳлар ва уларнинг код белгилари номларининг тизимлаштирилган тўплами. Ўз СДТ нинг меъёрий асоси ушбу кўрсатилган усул бўйича таснифланган. Барча тармоқлараро стандартлаштириш тизимлари каби Ўз СДТ нинг меъёрий асоси бўлмиш асос бўлувчи меъёрий ҳужжатлар муайян фаолият сохаси учун умумий ташкилий-методик ва умумтехникавий қоидаларни ўрнатиш зарур бўлганда ишлаб чиқилади. Умумтехникавий талаблар, меъёрлар ва қоидалар маҳсулот яратиш ва фойдаланиш жараёнида техника ва ишлаб чиқаришнинг турли соҳаларида бир-бирини тушуниш, техникавий бирлилик ва ўзаро алоқани, атроф муҳит муҳофазасини, маҳсулот, жараёнлар ва хизматларнинг инсон учун хавфсизлигини таъминлайди. Ўз СДТ асос бўлувчи меъёрий ҳужжатлар мажмуидан иборат. Бу ҳужжатлар ташкилий-методик ва умумтехникавий стандартларга таснифланади. Ташкилий-методик стандартлар қуйидагиларни белгилайди: – муайян соҳадаги ишлар бўйича мақсадларни, вазифаларни, умумий ташкилий-техникавий қоидаларни; – стандартлаштириш бўйича ишларни бажаришга оид асосий ташкилий- техникавий қоидаларни; – меъёрий ҳужжатлар, техник ҳужжатлар (конструкторлик, технологик, лойиҳавий, дастурий ҳужжатлар) ни ишлаб чиқиш, тасдиқлаш ва жорий этиш тартибини; – маҳсулотни ишлаб чикаришга қўйиш қоидаларини. Умумтехникавий стандартлар қуйидагиларни белгилайди:

– халқ хўжалигининг барча тармоқларида илмий-техникавнй атамалар ва уларнинг таърифлари; – стандартлаштиришнинг турли объектлари учун шартли белгилар (номлар, кодлар, символлар ва ҳ.к); – турли ҳужжатлар (меъёрий, конструкторлик, лойиҳавий, технологик, дастурий ва б. ҳужжатлар) нинг тузилиши, баён этилиши, расмийлаштирилиши ва мазмунига талаблар; – ишлаб чиқаришни техникавий, шу жумладан метрологик таъминлаш учун зарур бўлган умумтехникавий катталиклар, талаблар ва меъёрлар. Жумладан, бу стандартлар ўлчашлар аниқлигининг меъёрларини, афзал сонлар, электр токининг номинал частоталарининг қаторлари ва кучланишларининг афзал қаторлари, жоизликлар ва ўтқазишлар, зарарли моддаларнинг чиқариб юбориладиган энг катта жоиз миқдори ва руҳсат этилган энг катта концентрацияси; шовқин, титраниш, радиацион нурланиш, радио шовқиннинг энг катта руҳсат этилган даражаси; техник эстетика ва эргономика талаблари ва бошқа ягона техникавий талаблар ва (ёки) нормаларни белгилайди; – хавфли ҳолатларнинг гуруҳлари бўйича ва технологик жараёнларнинг алоҳида турлари бўйича хавфсизликнинг умумий талаблари; – атроф муҳитни муҳофазалаш ва табиий бойликлардан фойдаланишни яхшилаш соҳасидаги умумий талаблар. “Фавқулодда вазиятларда хавфсизлик – ФВХ (22 класс)” стандартлаштиришнинг тармоқлараро тизими (СТТ) таснифлашга классик мисол бўлади. 2001 й. дан бошлаб Ўзбекистон Республикаси фавқулодда вазиятлар бўйича Вазирлиги табиий ва техноген ҳалокатлар ва бошқа фавқулодда вазиятларнинг пайдо бўлиши эҳтимолини ҳисобга олган ҳолда халқ хўжаилиги объектларининг хавфсизлигини таъминлаш бўйича чоратадбирларни стандартлаштиришга киришди.

Фавқулодда вазиятлар содир бўлиш сабаблари (манбалари) бўйича таснифланган: табиий, техноген, экологик ва бу вазиятларда зарар кўрган одамлар сонига, моддий зарар миқдорига ва вазиятнинг тарқалиш чегараларига караб, локал (жойли), маҳаллий, республикавий ва трансчегара фавқулодда вазиятларга ажралади.

А дабиётлар : 1. Абдувалиев А.А., Авакян П.Г., Садыков А.Б., Умаров А.С., Хакимов О.Ш. Основы обеспечения единства измерений. Книга 1. – Ташкент, 2005. 2. Абдувалиев А.А., Алимов М.Н. Развитие и совершенствование систем стандартизации, метрологии и сертификации в Республике Узбекистан на период до 2010 года// Standart. – 2005. – №2. 3. Абдувалиев А.А., Алимов М.Н., Бойко С.Р., Мирагзамов М.М., Сабиров М.З. Основы стандартизации, сертификации и управления качеством. – Ташкент: Fan va technologiya, 2005. 4. Абдувалиев А.А., Авакян П.Г., Алимов М.Н., Гольцов В.Ф., Мирагзамов М.М., Сабиров М.З., Садыков А.Б. Основы стандартизации, сертификации, метрологии и управления качеством продукции. Учебное пособие. – Ташкент: Издательство ТГТУ, 2002. 5. Абдувалиев А.А. Некоторые аспекты совершенствования системы стандартизации в Узбекистане// Standart. – 2003. – № 2. 6. Алимов М.Н. Государственные научно-технические программы – важнейший фактор научно-технического прогресса// Standart. – 2004. – № 1. 7. Алимов М.Н. Реализация программ комплексной стандартизации в народном хозяйстве Узбекистана. – Т.: УзНИИНТИ, 1986.

Похожие

Ўз СДТ асосий қоидалар

Ўзбекистон стандартлаштириш давлат тизими

Стандартлаштириш тармоқлараро тизимлари

Меьёрий ҳужжатларни халқаро стандартлар билан уйғунлаштириш

Стандартлаштириш бўйича меъёрий ва бошқа хужжатлар билан ишлаш